30.11.10

Música: a Banda de Música de Santiago lembra o 12 de decembro a Castelao (Rianxo) e o 19 a Los Tamara (Noia)

Download now or preview on posterous
programa_banda1011.pdf (757 KB)


O director da Banda Municipal de Música de Santiago é natural de Ribeira (os seus apelidos, de dous lugares ribeirenses, delátano) aínda que se desenvolveu en Porto do Son, en Xuño.


Posted via email from Certo.gl, o xornal dixital de Barbanza e Noia

A Pobra: o Concello súmase ao programa OnuSida con motivo do Día Mundial contra esta doenza, o 1 de decembro



A Pobra do Caramiñal, 30 de novembro de 2010. Cada 1 de decembro a ONU, a través do seu programa ONUSIDA, conmemora o Día Mundial da SIDA elaborando unha campaña a nivel mundial, á que se suman diversas institucións e administracións.  Dende fai anos, o Concello da Pobra do Caramiñal a través das Concellerías de Sanidade e Servizos sociais, dirixida por Balbina Lojo Olveira e a Concellería de Xuventude, dirixida por Jesús Dieste, apoia esta campaña organizando unha serie de actividades dirixidas á poboación do concello e máis concretamente á xuventude, xa que é un dos grupos de maior risco de contaxio da SIDA. "Consideramos que a sensibilización e a prevención son os elementos claves na reducción da transmisión do VIH", explican dende estas concellerías pobrenses.

Condóns no instituto e en pubs


Este ano haberá as seguintes actividades:
  1. O día 1 de decembro, este mércores, poñerase unha mesa informativa no IES Francisco Barreras, con folletos e guías relacionadas coa prevención desta enfermidade, á vez que lazos e preservativos.
  2. Distribuiranse en varios pubs da localidade, onde soe ir a xuventude, lazos, folletos informativos e preservativos.
Con estas actividades o que se pretende é a prevención de embarazos non desexados, disque en aumento na xuventude; a prevención de enfermidades de transmisión sexual, a través da utilización do preservativo; a concienciación e sensibilización, sobre todo na xuventude e lembrar que é unha enfermidade real, aínda que actualmente ten unha  menor incidencia e parece que pasou de moda, pero existe e ten tratamento. 

Dende a Concellería de Servizos Sociais, Balbina Lojo Olveira, pretende transmitir unha mensaxe de prevención entendida máis amplamente, cara á poboación en xeral e, sobre todo, cara á xuventude. "Facemos un chamamento á responsabilidade que temos cada un de nós no coidado da nosa saúde e a saúde dos demáis, animando a rexeitar as conductas de risco que poidan comprometer a nosa integridade, o futuro, ou o benestar fisico ou social. Invitamos á cidadanía a prender o lazo vermello, que é o simbolo mundial da solidariedade cos afectados", conclúe.

      Proxecto "Vida Saudable"


Por outra banda, a concellería de Servizos Sociais informa tamén de que está aberto o parazo para inscribirse no proxecto "Vida Saudable". O programa dura cinco meses (de xaneiro a maio) e nel lévanse a cabo actividades de piscina que inclúen natación terapéutica, aquagym, ximnasia de mantemento, obradoiro de musicoterapia e roteiros de sendeirismo.

     Para inscribirse neste proxecto, que está subvencionado pola Deputación, hai que ter máis de 60 anos, residir e estar empadroado na Pobra. O prazo de inscrición remata o 30 de decembro. Os interesados deben achegarse ao Centro Sociocomunitario da Xunta, sito na rúa Castelao.
    

Servizo de Voluntariado   

O día 5 de decembro celebrarase o Día do Voluntariado e desde a Concellería de Servizos Sociais do Concello da Pobra do Caramiñal  animan "a todas as persoas que queiran facer deste mundo un lugar máis xusto e solidario, a que dean o paso e se fagan voluntarios, ofrecendo o seu tempo de lecer para mellorar a calidade de vida doutras persoas". Todas aquelas persoas que estean interesadas en solicitar información ou facerse voluntarias poden acudir ao CAD ou chamar ao teléfono 981107415.

Posted via email from Certo.gl, o xornal dixital de Barbanza e Noia

Sociedade: presentado o Foro 2010 Compostela, que loitará por un mundo mellor dende o 3 ao 15 de decembro

Arredor de 1000 persoas de corenta países diferentes están inscritas nesta actividade a prol da paz mundial

Santiago, 30 de novembro de 2010. O secretario coordinador do Foro 2010 e presidente do Seminario Galego de Educación para a Paz, Manuel Dios Diz, presentou, esta mañá, na sede da Fundación CaixaGalicia en Santiago, as actividades e eventos que acolle o Foro 2010 Compostela, un encontro promovido pola ONG que dirixe e a Fundación Cultura de Paz, e entendido como un contedor de eventos e actividades a nivel mundial que xiran arredor da Cultura da Paz e que conta, ademais, co auspicio das Nacións Unidas e da Unesco entre outras organizacións internacionais. 

Baixo o lendario refrán de Ghandi, “non hai camiños para a paz, a paz é o camiño”, a organización conta cun ambicioso programa con máis de 150 actividades ás que acudirán grandes persoeiros do panorama político, social e cultural de diversas partes do mundo. Dende o famoso xuíz, Baltasar Garzón, até a presidenta do Parlamento Panafricano, Gertrude Mongella, e pasando por numerosas autoridades gubernamentais de dentro e fóra das nosas fronteiras, pasaran por un encontro sen precedentes en Galicia. 

Da man do presidente da Comisión Organizadora do Foro 2010 e director da Fundación Cultura de Paz, Federico Mayor Zaragoza, comezouse a traballar, dende o 2008, nun gran proxecto en favor da cultura de paz. Aproveitando o final da Década da Cultura de Paz e a Non Violencia para todos os nenos e nenas do mundo, proclamada pola ONU no 2001, e co gallo do vixésimo quinto aniversario do Seminario Galego de Educación para a Paz, un comité de organización no que participan máis de setenta entidades de todo o Estado e Portugal decidiu celebrar na capital galega entre macro encontro a prol da paz mundial.

Así, o Paraninfo da Facultade de Xeografía e Historia acollerá, o tres de decembro, o acto inaugural do Foro 2010 Compostela, que arrancará coa actuación musical da galega Susana Seivane e continuará coa intervención do ex director da UNESCO, Federico Mayor Zaragoza. O acto oficial, de carácter institucional, contará tamén coa presenza do alcalde de Santiago, Xosé Antón Sánchez Bugallo, e o reitor da USC, Juan Casares Long, entre outros.

O inicio das actividades correrá a cargo da Xuntanza de Alto Nivel das Nacións Unidas sobre a Alianza de Civilizacións, o 4 de decembro na sede da Fundación Araguaney. Dentro deste congreso, a conferencia “Mayors for peace” contará con edís de varias cidades españolas que forman parte da Rede Internacional de Alcaldes pola paz, - entre eles, o de San Sebastián, Odón Elorza, o de Tolosa, Jokin Bildarratz,  ou o de Córdoba, Andrés Ocaña, e que dialogarán acerca do papel das urbes na construción da convivencia e da paz. O acto clausurarase coa intervención do ex-director da UNESCO, Federico Mayor Zaragoza que, coa colaboración do coñecido xuíz, Baltasar Garzón Leal, parlamentarán nunha conferencia sobre os “Camiños da xustiza”.

O FORO 2010  tamén acollerá outros congresos como o de Información e Dereitos Humanos, o de Dereito Humano á paz e o de Memoria de guerra, reconciliación e cultura de paz. 


Ademais, durante o 10, 11, 12 e 13 de decembro, terá lugar o evento que se configura como o corazón de todo o encontro: O Foro Mundial de Educación, un movemento pola cidadanía planetaria e polo dereito universal á educación que se celebra, por primeira vez na historia, en Europa. Neste contexto, organizaranse máis de 150 actividades autoxestionadas e arredor de 25 experiencias educativas que achegarán ós participantes a un diálogo constante co fin de promover a cultura de paz no mundo.

Asimesmo, ó longo de todo o mes de decembro, tamén se desenvolverán outras actividades e culturais paralelas con espazos expositivos de pintura e fotografía por toda a cidade.

O Foro 2010 conta, a día de hoxe, con preto de mil inscricións previas de persoas de máis de corenta países diferentes e arredor dun cento de voluntarios colaborarán activamente nos traballos de organización e colaboración durante o tempo que dure o encontro.


Web de referencia:

http://www.foro2010.org

Posted via email from Certo.gl, o xornal dixital de Barbanza e Noia

Micoloxía: Refungando repetirá para o ano a experiencia dos "Luns refungueiros" en Ribeira

Ribeira, 30 de novembro de 2010. Onte, luns 29 de novembro, remataron os primeiros Luns Refungueiros, organizados pola asociación micolóxica local "Refungando". Preguntámoslle a Xesús Parada, un dos seus responsables, como foi esta primeira experiencia e asegurounos que están satisfeitos, pois "conseguimos o obxetivo de achegar os cogomelos á xente interesada e solucionarlles (ou crearlles, según, algúns veñen con conceptos e ideas eróneas) as dúbidas que puidemos. Segundo o lunes, fomos máis ou menos visitados, pero o certo é que nunca estivemos sós
nin faltaron cogomelos cos que entreterse".
Os fungos máis habituais que lles levaron para recoñecer foron os da familia boletaceae, que inclúe o xénero boletus. A especie máis frecuente foi o Boletus edulis "con diferencia", explica. Entre os máis estranos houbo varios, pero "creo que se hai que coller un nos quedaríamos cun enorme exemplar de Inonotus hispidus chegado directo da alameda da Pobra do Caramiñal (a imaxe que ilustra esta nova).

En canto a se a xente viña cos deberes feitos, en plan non arrancar, senón cortar e
demais, Parada explícanos que "máis ou menos... Moitos traían os cogomelos cortados, ignorando a cantidade de información que perdemos ao carecer da base ou pé". "Cando levemos a identificar un cogomelo, farémolo se é posible enteiro", volve recordarnos este infatigable micólogo.

Confesa tamén que os obsequiaron con algúns cogomelos dos que foron recoñecer "pero case sempre se cedeu a xente que nos visitaba e nunca os probara". Ante este éxito, non dubida en asegurar que van voltar repetir a experiencia en 2011. "Á parte da labor divulgativa da experiencia, varios novos socios se nos uniron a raíz desta iniciativa. Así que repetiremos".

O presidente de Refungando di que "aínda queda temporada. Coa chegada do frío deixan de aparecer especies como os boletus, e chegan outras como a Lepista nuda, os Cantharellus tubaeformis e lutescens, o Hydnum repandum, especies que gustan de
tempo máis frío. Mentres haxa humidade e unha boa temperatura, haberá  especies todo o ano. Eso si, a tempada gorda xa pasou".

Posted via email from Certo.gl, o xornal dixital de Barbanza e Noia

A Pobra do Caramiñal: clausuradas as Xornadas de Seguridade Informática e Novas Tecnoloxías

A Pobra do Caramiñal, 30 de novembro de 2010. Onte, luns 29 de novembro, a presidenta da asociación Madoan,  María José Rivadulla, clausurou as Xornadas de Seguridade Informática e Novas Tecnoloxías que se celebraron dende o xoves 25 de novembro en colaboración cunha empresa informática da localidade. 

 

As Xornadas están cofinanciadas con fondos europeos Feder, polo Ministerio de Industria, Turismo y Comercio no ámbito do Plan Avanza, así como pola Xunta de Galicia a través da Secretaría Xeral de Modernización e Innovación Tecnolóxica.

 

Estas Xornadas reuniron a empresarios e traballadores da bisbarra que querían coñecer cómo podían relacionarse cos equipos informáticos con total confianza e seguridade, dende elementos de conexión a Internet como o módem ou router ata a realización de compras on-line utilizando calquera dos medios de pago dispoñibles.

 

Durante a realización das xornadas púidose observar unha necesidade neste campo, pero non só enfocado á protección das empresas, senón tamén á dos usuarios en xeral, posto que Internet é un medio co que se trata diariamente que avanza a unhas velocidades non coñecidas en ningún outro medio de información e interactividade, que precisa dunha actualización constante sobre todo, en materia de seguridade, explicaron os responsables destas xornadas.

 

A Asociación Madoan e El Muelle Informática acordaron a celebración dunhas novas Xornadas de Seguridade Informática abertas ó público en colaboración coas distintas asociacións de empresarios que estén dispostos a participar da súa realización, durante o primeiro trimestre do ano 2011, previsiblemente.

Posted via email from Certo.gl, o xornal dixital de Barbanza e Noia

Ribeira: Amicos inaugurou a mostra "IntegraEscola" para sensibilizar aos máis pequenos sobre a vida dos discapacitados


Ribeira, 30 de novembro de 2010. Hoxe ás 12:30 horas a asociación Amicos de Ribeira presentou a exposición IntegraEscola,  que ten como finalidade concienciar á poboación mais nova sobre o mundo da discapacidade e a súa integración social. Está previsto que máis de 500 escolares do Concello de Ribeira visiten a exposición.
A mostra está inserida nas actividades de conmemoración do Día Internacional das Persoas con Discapacidade, que se celebra este vindeiro venres 3 de decembro.
 
EN QUE CONSISTE O PROXECTO

O proxecto de actividades de promoción e difusión dos novos avances  tecnolóxicos aplicadas a integración e rehabilitación de persoas con discapacidade para o ano 2010 está enfocado á poboación mais nova e conleva unha serie de exposicións e talleres co obxectivo de conseguir que a poboación mais nova da comarca do Barbanza coñeza os avances e as liñas de investigación das novas tecnoloxias aplicadas a normalización das persoas con discapacidade.

O presente pretende dar a coñecer os numerosos avances e apoios existentes para as persoas con discapacidade, e como estes apoios transforman e facilitan a vida das persoas con discapacidade transformándoas en persoas capaces. Así  mesmo pretendese facer visibles a aquelas persoas con discapacidade, aproveitando a coincidencia do día mundial das persoas con discapacidade (3 de decembro). O proxecto inclúe dúas exposicións paralelas e un obradoiro de integración.
 
O elemento máis importante do proxecto é o taller-obradoiro de integración, xa que nel potenciarase o cambio de visión dos nenos cara as persoas con discapacidade. Este taller consistirá nun xogo do rol onde os participantes se poñen na pel dunha persoa con discapacidade e ven as dificultades de desenvolverse con normalidade na vida diaria sen os novos apoios tecnolóxicos, e como cun mínimo de apoios e seguimento poden desenvolver unha vida plena. As exposicións consistirán na mostra de elementos de novas tecnoloxías e apoios mais usuais que as persoas con discapacidade, fomentando a idea e necesidade de investigar e descubrir novos apoios para as persoas con discapacidade.
 
A segunda exposición mostrará as capacidades que teñen as persoas con discapacidade da Asociación AMICOS e como con un mínimo de apoios poden desenrolar unha vida normalizada. Será  o exemplo practico da teoría aprendida.

OBXECTIVOS QUE SE PERSEGUEN


O proxecto de difusión e promoción de persoas con discapacidade  para o ano 2010, pretende ser un proxecto integrador e potenciador das persoas con discapacidade. O presente proxecto xustifícase no gran descoñecemento que existe do mundo da discapacidade e o descoñecemento das innovacións e melloras tecnolóxicas que se produciron neste campo nos últimos anos e que facilitan que as persoas con discapacidade podan desenrolar unha vida mais normalizada
 
O inicio deste proxecto, parte da importancia de facer que a integración activa e a promoción das persoas con discapacidade entre a poboación mais nova sexa unha constante e leven a conseguir que estes futuros pais acepten con normalidade e sen discriminación as persoas con discapacidade.
 
O obxectivo final é propoñer un cambio de visión nas persoas con discapacidade, potenciando as súas capacidades fronte as súas discapacidades, mostrando os avances e melloras técnicas producidas nos últimos anos gracias a investigación tecnolóxica a innovación e o desenrolo.  O obxectivo global é incidir e potenciar o cambio da visión da poboación mais nova cara o colectivo de persoas con discapacidade e remarcar a importancia da súa normalización.

Os obxectivos que se perseguen son moi ambiciosos, xa que se pretende que os mais novos sexan conscientes da discriminación que sufre este colectivo e como con un mínimo de apoios poden realizar unha vida normalizada. Aínda que unha análise superficial deste obxectivo pareza moi sinxelo, se profundizamos un pouco máis pódese ver a importancia desta acción.

A súa sinxeleza agocha un fondo moi importante e de vital importancia no desenrolo social das persoas con discapacidade así como das organizacións que os respaldan e promoven a súa normalización.
 

RELEVANCIA, INTERESE, OPORTUNIDADE E ORIXINALIDADE

 
As actividades que se van a realizar céntranse fundamentalmente na base de dar a coñecer a poboación mais nova todo o contorno das novas tecnicas e apliacións tecnoloxicas que facilitan a vida das persoas con discapcidade reforzar e potenciar na poboación mais nova un cambio de imaxe das persoas con dis – capacidades. Preténdese que os grupos de mozos cos que se traballe nos talleres, cambien “o chip” e a visión do mundo das persoas con discapacidade.

Neles destacarase a idea que tódalas persoas somos CAPACES e que a nosa capacidade versa na existencia de apoios e recursos que nos permitan desenrolar unha vida normalizada.  O traballo nesta área é fundamental para conseguir a NORMALIZACIÓN das persoas con discapacidade e facilitar a súa vida diaria.

Destacarase a importancia de investigar e descubrir novos apoios para as persoas con discapacidade así como de colaborar como voluntarios e apoiar as entidades que traballan defendendo a estas persoas.  A relevancia e interese da proposta fundaméntase a partir da experiencia do ano 2008 no que participaron 6000 mozos en idade escolar.  Este abano de cobertura e a duración de 2 meses do programa fan que a relevancia do proxecto sexa importante e a súa viabilidade elevada.

IMPLICACION DO PÚBLICO E IMPACTO PREVISIBLE

 
O impacto e difusión da proposta é moi elevado xa que se pretende que os talleres e exposición cheguen arredor de 6.000 rapaces de Primaria e Secundaria  das comarcas do Barbanza, Noia , Sar e Santiago, cubrindo 4 Concellos, 2 Comarcas nun abanico moi grande de poboación e zona de influencia. Paralelo a isto desenrolarase unha campaña publicitaria importante con difusión de carteleira e trípticos informativos e noticias de televisión, prensa e radio locais e autonómicos coa finalidade de conseguir unha maior difusión das actividades.

Farase moito fincapé en difusión en medios electrónicos e prensa electrónica.

PLAN DE DIFUSIÓN

      A entidade realizará unha campaña de presentación aos medios do proxecto en cada concello que percorra.

      Procurarase a presencia de autoridades representativas nos mesmos, co obxectivo de conseguir unha maior difusión das actividades.

      Editarase material promocional e distribuirase o mesmo para conseguir unha maior difusión das actividades.

      Así mesmo farase unha distribución importante de carteleira e trípticos informativos en cada area de influencia da exposición.

      Fomentarase que os medios de comunicación insiran noticias sobre a exposición de maneira prolongada (escribindo artigos relacionados, intervindo en programas de radio e televisión locais, etc)

ORIENTACION A TODOLOS PÚBLICOS


Tal e como se observa na proposta, a exposición e talleres estarán abertas a tódolos públicos, facendo especial fincapé  no público non especializado cientificamente, como son os rapaces en etapa escolar (primaria e secundaria).

Así  os horarios da exposición serán amplos e fora do horario laboral para que podan asistir o maior número de xente posible e  o lugar elixido para colocalo serán casa da cultura, auditorios e lugares nos que poida estar aberta a tódolos públicos.
 
Esto permitirá  unha orientación a tódolos públicos e a amplitude de horarios fora do horario laboral, permitira que participen tanto nenos como adultos.
 

CRONOGRAMA DE ACTIVIDADES

A duración da exposición será dunha semana (do 29 de Novembro o 3 de Decembro).  O horario de apertura o público da exposición será de 9:00 h a 14:30 horas. 

As actividades a realizar divídense en tres partes diferenciadas:
 
   1. AREA DE EXPOSICIÓN DE AVANCES TECNOLÓXICOS E APOIOS BÁSICOS DE PERSOAS CON DISCAPACIDADE

   2. TALLERES – OBRADOIRO DE INTEGRACIÓN
 
   3. AREA DE EXPOSICIÓN DE EXEMPLOS PRÁCTICOS DE APOIOS.

A proposta consiste en crear unha exposición itinerante, na que se recollan os últimos elementos tecnolóxicos que facilitan a vida das persoas con discapacidade (discapacidade auditiva, mobilidade reducida, discapacidade visual) e que percorra os principais concellos da nosa zona de influencia (Barbanza, Noia e Sar)

 ACOMPAÑARASE O ANTERIOR CON UN EXEMPLO PRACTICO: AS ACTIVIDADES DA ASOCIACIÓN AMICOS E COMO CON UN MINIMO DE APOIOS AS PERSOAS CON DISCAPACIDADE TRANSFORMANSE EN PERSOAS CAPACES QUE DESENROLAN UNHA VIDA PLENA.
 
O OBXECTIVO E CONCIENCIAR E MOTIVAR A POBOACION MAS NOVA, PARA CONSEGUIR A INTEGRACION E INCLUSION SOCIAL DAS PERSOAS CON DISCAPACIDADE O MESMO TEMPO QUE SE POTENCIA E SE DESTACA O PAPEL DA CIENCIA COMO IMPULSORA DE CAMBIOS, CREANDO UNHA MOTIVACION POR INVESTIGAR E DESCUBRIR NOVOS AVANCES E APOIOS PARA PERSOAS CON DISCAPACIDADE DOS NOSOS FUTUTROS CIENTIFICOS.

      AREA DE EXPOSICIÓN DE AVANCES TECNOLÓXICOS E APOIOS BÁSICOS DE PERSOAS CON DISCAPACIDADE
 
      Esta exposición recolle os últimos avances e apoios tecnolóxicos para as persoas con discapacidade así como a explicación dos mesmos.

      O obxectivo desta exposición é remarcar a importancia de investigar e innovar pensando nas persoas con discapacidade e facer fincapé na necesidade de que os futuros investigadores axuden a descubrir novos apoios para persoas con discapacidades.

     Ao mesmo tempo foméntase nos máis novos (futuros cidadáns) a importancia de ver a tódalas persoas como capaces, evitando así os clichés discriminativos. 

      TALLERES – OBRADOIRO DE INTEGRACIÓN

Estes talleres – obradoiros consisten en xogos de rol consistentes en  poñerse na pel dunha persoa con discapacidade e intentar desenrolar unha vida normalizada sen apoios e sen concienciación social e facer o mesmo pero con apoios e nunha situación normalizada.
 
AO MESMO TEMPO MÓSTRASE AS DIFICULTADES QUE AS PERSOAS CON DISCAPACIDADE SE ENCONTRAN NA SUA VIDA DIARIA, E QUE CUNS MINIMOS DE APOIOS TECNOLOXICOS E DE ELIMINACION DE BARREIRAS ( ARQUITECTONICAS, PSICOLOXICAS, ADAPTATIVAS, FUNCIONAIS ) PODEN DESENROLAR UNHA VIDA PLENA. A ela  asistirán os rapaces e mozos de colexios e institutos da zona.  Elixiuse esta fórmula porque isto garantiza unha maior difusión e asitencia a mesma por parte dos distintos colexios e institutos.

      AREA DE EXPOSICIÓN DE EXEMPLOS PRÁCTICOS DE APOIOS

      Nesta area porase un exemplo práctico de como as persoas con discapacidade intelectuais son capaces e poden desenrolar unha vida plena con un mínimos de apoios. Mostrarase o traballo da Asociación AMICOS e os apoios que esta entidade presta as persoas con discapacidade e como con estes apoios desenrolan e realizan moitisimas actividades semilaborais.
      O obxectivo desta exposición e ver un exemplo practico e real da teoría exposta nos talleres e remarcarase a necesidade de colaborar, apoiar e participar como voluntario ou colaborador cas entidades que traballan en defensa das persoas con discapacidade.

Posted via email from Certo.gl, o xornal dixital de Barbanza e Noia

Voleibol: los equipos de Boiro se alzan con cuatro victorias frente a una derrota en otro gran fin de semana

Crónica de María Cortés Ayaso

Otro gran fin de semana para el Boiro Voleibol, en este caso con 4 victorias frente a 1 derrota. Nuestro equipo sigue dando guerra allá donde va, y en todas sus categorías. Pero seguimos luchando semana a semana, entrenando para seguir mejorando. 

1ª DIVISIÓN NACIONAL MASCULINA
C.V. RIANXO 2-3 HIPESCAR BOIRO VOLEIBOL (22-25, 23-25, 25-21, 25-19, 10-15
)
Vibrante encuentro de 1ª división nacional masculina el visto en el polideportivo municipal de Rianxo en el HIPESCAR consiguió salir victorioso tras cinco disputados sets.
El HIPESCAR comenzaba muy concentrado, de este modo los dos primeros parciales cayeron de lado boirense basando su juego en una muy buena construcción del mismo. Se llegaba con este panorama al tercer set en el cual el acierto de los rianxeiros en su defensa, unido al bajón de nivel del Hipescar tenía como desenlace la victoria local (25-21). La dinámica se repetiría en el cuarto parcial en el que el entrenador boirense Emilio Palacio daba entrada a Miguel Vázquez y Gustavo Romero en Lugar de Iago Vidal y Cristóbal Álvarez buscando una modificación en la conducta del equipo. El resultado fue similar al del tercer set (25-19). Un nuevo tie-break se vislumbraba.
El HIPESCAR recuperó a sus receptores titulares y con ellos la intensidad del inicio del encuentro. Basando su juego en una muy buena recepción, defensa y una excelente dirección del colocador santiagués Iván Souto "Pas" el Hipescar Boiro Voleibol conseguía llevarse el quinto y definitivo con un contundente resultado de 10-15 en el luminoso.
Por el Hipescar Boiro Voleibol jugaron; Iván Souto "Pas", Narciso Abalo, Iago Vidal, Cristóbal Álvarez, Jesús Vázquez "Pivot", Antón Pérez y Adrián Alves "Chicho" (líbero). Como reservas estaban Miguel Vázquez, Manuel Pérez Andrade, Gustavo Romero, Daniel Eiras e Ignacio Cibeira "Frigu"

Otros resultados de la jornada de la 1ª división nacional fueron:
-CV Zalaeta 2-3 Universidad de Valladolid (26-24,19-25,23-25,25-20,12-15)
-Club Vigo Voleibol 3-1 Aldebarán San Sadurniño (25-20,18-25,25-15,25-19)
-CID Jovellanos 3-1 AULE (25-18,23-25,25-23,25-29)


Con esta victoria el 

Hipescar Boiro Voleibol
 escala posiciones en la clasificación y se coloca a una victoria de los líderes y de las posiciones que dan opción a asistir a la fase de ascenso a la liga FEV:


EQUIPO PJPG PPNP JFJC TFTC PUNTOS
1 Club Vigo Voleibol B 4 40 012 3350 3018
2Universidad de Valladolid 44 00 124 367309 8
3 Hipescar Boiro Voleibol 4 31 0 117 401 3707
4Aule 52 30 1010 445458 7
5 Zalaeta5 23 08 11432 4357
6CID Jovellanos 42 20 79 362360 6
7 CV Rianxo5 14 08 13460 4746
8San Sadurniño 51 40 613 402458 6
9 Auria Vella Voleyourense 41 30 610 322376 5

2ª DIVISIÓN A GALLEGA MASCULINA
REDESYL BOIRO VOLEIBOL descansa
Nueva semana de descanso de nuestros chicos del REDESYL, dadas las bajas a última hora de equipos en su categoría. Pero el equipo sigue entrenando y preparándose para mantener los buenos resultados obtenidos hasta el momento.
2ª DIVISIÓN AL GALLEGA FEMENINA
XAV CAMBADOS 0-3 PROBOIN BOIRO VOLEIBOL 
Cómoda victoria en tres sets para el PROBOIN Boiro Voleibol en la 2ª división autonómica femenina. Con este triunfo las de Andrés Martínez se afianzan en el liderato una semana más gracias a la consistencia de su juego y a la seriedad del equipo en momentos cruciales de los encuentros. Caminan con paso firme las chicas hacia una nueva fase de ascenso a la 1ª división nacional, evento al que ya asistieron la temporada pasada cuando alcanzaron la 2ª posición liguera.
Por el Proboin Boiro Voleibol jugaron: Ángela Triñanes, Luci Paz, Anael Gómez, María Triñanes, Alicia Novoa, Carolina Cuadros y Carla Castro (líbero). Como reserva estaban Sara Martínez y Luisa.
La tabla clasificatoria quedaría así:


EQUIPO PJPG PPNP JFJC TFTC PUNTOS
1 Proboin Boiro Voleibol 5 50 0 151 404 31010
2Voley Arteixo 54 10 125 406346 9
3 Emeve Lab. Nupel B4 31 09 4309 2967
4Calasancias Coruña B 43 10 105 328304 7
5 Comercial Durán4 22 09 7374 3426
6Autos Rico UDC A 51 40 512 348398 6
7 San Sadurniño3 21 07 4239 2115
8CD Conxo 41 30 311 285324 5
9 XAV Cambados4

Posted via email from Certo.gl, o xornal dixital de Barbanza e Noia

29.11.10

Lousame: o comité da planta de Servia anuncia a presentación dunha denuncia polo penal contra o alcalde de Ames por vulnerar o dereito á folga

O Comité de Empresa da planta de reciclaxe de Servia, en Lousame, vén de anunciar a presentación, pola vía penal, dunha denuncia contra o alcalde de Ames, o socialista Carlos Fernández, por vulnerar o dereito á folga. Fernández contratou os servizos de Tragsa para recoller o lixo que se comezaba a acumular nas rúas da vila, argüíndo que a folga convocada polos traballadores/as da planta era ilegal. Afirmación que desmentiu a propia Dirección Xeral de Relacións Laborais, quen aseguraba nun escrito remitido á Mancomunidade, con data de 16 de novembro, que cumpría “con todos os requisitos estabelecidos polo Real decreto-lei 17/1977”.

O Comité de Empresa convocaba folga indefinida de recollida de lixo nos concellos de Ames e Carnota, desde o pasado día 8 de novembro, logo de que no primeiro o propio alcalde provocara o aprazamento do pleno no que se votaría unha moción que supuña a asunción do pagamento das débedas acumuladas coa planta e, no segundo, se votase en contra da moción proposta polo Comité.

Esta moción supoñía comprometerse co modelo de xestión de residuos sólidos urbanos de Servia; o apoio ás iniciativas e plans aprobados no seo da Mancomunidade encamiñadas a garantir o pago da débeda contraída con FCC; que os orzamentos de cada Concello para o ano 2011 preveran o pagamento mensual do canon do lixo (co obxecto de non xerar unha nova débeda) e que se demandara da Xunta de Galiza a súa implicación para resolver favorablemente o conflito existente coa recicladora ECOEMBES.

Para os traballadores era imprescindíbel que se asumiran estes puntos para garantir a viabilidade da planta -nomeadamente o pagamento dunha débeda que se achegaba a 2.700.000 € e da que eran responsábeis, na súa maioría, os concellos de Ames, Carnota e Noia- e con iso, o mantemento dos postos de traballo.

Folga ilegal

Tras do inicio efectivo da folga, a partir do día 12 de novembro, o alcalde de Ames afirmou, en diversos medios de comunicación, que a folga convocada era “ilegal” e “política”. O propio Valedor do Pobo abriu unha investigación, de oficio, por non garantirse un servizo público e polos supostos problemas de salubridade derivados.

Respecto das afirmacións do alcalde de Ames, a propia Dirección Xeral de Relacións Laborais desmentía nun escrito remitido á Mancomunidade o día 16 de novembro as acusacións de “ilegalidade”, e afirmaba que a comunicación de folga “cumpre cos requisitos estabelecidos” no referente ao prazo de preaviso, que para os casos que afecten aos servizos públicos débese facer “con alomenos 10 días naturais” de antelación, xa que fora comunicada o 27 de outubro; aos motivos nos que se fundamentaba; data de inicio e composición do comité de folga.

Para o alcalde de Ames esa infundada acusación de ilegalidade viña de que na convocatoria de folga prevíase o inicio o día 8 e, porén, non se fixo efectiva até cinco días despois. A isto Relacións Laborais respostaba que “a convocatoria remitida nos termos nos que se substancia, reúne os requisitos legais polo que non debe considerarse como unha nova folga a falta de servizo levada a cabo o día 13, xa que se trata dunha folga indefinida”.

Respecto da actuación do Valedor do Pobo, lembran que casualmente o alcalde de Ames, Carlos Fernández, gabouse no pleno celebrado o xoves día 18, da súa amizade persoal con el, e que amparándose nas súas actuacións, contratou a Tragsa para recoller o lixo vulnerando o dereito fundamental á folga.

Neste sentido, Paulo Rubido, secretario nacional de CIG-Servizos, asegura que curiosamente non se ten constancia da intervención do Valedor do Pobo en ningún outro conflito laboral e que nin sequera actuou na folga de recollida de lixo de Compostela, que durou moito máis tempo.

Rubido asegura, ademais, que caso de existir algún problema de salubridade sería a consellaría de Sanidade quen tería que adoptar medidas e non o Valedor e que, en todo caso, ese problema non existía porque estaban pactados uns servizos mínimos que prevían a recollida do lixo cada tres días. De feito, o luns 15 fíxose unha primeira recollida e estaba prevista outra para o propio xoves día 18.

Recollida “ilegal”

Porén, e malia estar convocado o pleno no que finalmente o concello de Ames, co seu alcalde incluído, aprobaron a moción proposta polo Comité e un pago extraordinario de medio millón de euros para afrontar a débeda acumulada polo municipio, e de estar previsto que esa noite os servizos mínimos recollerían novamente o lixo, o alcalde, facendo alarde dunha actitude que o secretario nacional de CIG-Servizos cualifica de “prepotente” e “chulesca”, ordenou a recollida “ilegal” contratando a outra empresa.

O propio alcalde, estivo á fronte do operativo de recollida de Tragsa, que provocou importantes problemas de tráfico nas rúas máis céntricas dos núcleos de Ames e controlou o proceso para asegurarse, antes do pleno, de que todo o lixo estaba recollido. Unha actuación que Rubido cualifica de “populismo barato” e que provocou que os camións cheos de lixo pasaran a noite na rotonda de Rois, sen poder acceder á planta de Lousame, porque non fixeran recollida selectiva, malia Fernández afirmar o contrario. “Finalmente tiveron que derivar o lixo a Sogama”.

Obviamente, tras da asunción por parte do concello de Ames dos compromisos económicos coa planta, o Comité de Empresa puxo fin á folga. O mesmo que ocorreu en Carnota, onde ese mesmo día e por requirimento da Xunta de Galiza, o concello foi obrigado a asumir os pagamentos nos prazos previstos pola Mancomunidade.

Posted via email from Certo.gl, o xornal dixital de Barbanza e Noia

Boiro: o saneamento de Runs abordarase no pleno extraordinario do martes 30 de novembro

A actuación está incluída na anualidade 2011 do Plan de Cooperación cos Concellos 2008-2011 da Deputación da Coruña

Boiro, 25 de novembro de 2010. O Concello de Boiro dotará ao núcleo de Runs, na parroquia de Boiro, de rede de saneamento, unha actuación que se executará a través do Plan de Cooperación cos Concellos (PCC) da Deputación da Coruña, anualidade 2011.

As obras consisten na execución dunha rede de saneamento composta de canalización principal en tubaxe de PVC cos correspondentes pozos de rexistro. Sobre esta rede xeral acometeranse as traídas particulares das vivendas, coa correspondente arqueta en punta para que cada  propietario realice a súa conexións sen ter necesidade de executar obras sobre o vial. Esta actuación en Runs, que beneficiará aproximadamente a medio cento de vivendas, completa a rede existente ata o núcleo, de tal xeito que coa actuación prevista, o saneamento queda completamente conectado ata a rede da depuradora municipal.  

En total, se prantexa unha actuación de 572 metros lineais de alcantarillado e 293 metros lineais de acometidas domiciliarias. As obras está previsto que duren tres meses e o orzamento é de 88.092,79 euros, dos cales a Deputación aporta o 80% e o Concello, o 20% restante.  

Con esta actuación, o executivo boirense continúa, asegura, "no seu empeño de dotar a tódolos núcleos de poboación dos servizos básicos, ademais de contribuír ao coidado do medio ambiente coa correcta canalización dos residuos".

No pleno extraordinario trataranse ademais, outros asuntos:

Posted via email from Certo.gl, o xornal dixital de Barbanza e Noia

Meteoroloxía: as baixas temperaturas están a provocar fortes xeadas en Barbanza

Ribeira, 29 de novembro de 2010. O frío intenso chegou cedo este ano. Aínda que xa houbera xeadas estas semanas pasadas, as desta noite foron espectaculares. Mentres nos sitios altos de moitos lugares de Galicia xa está a nevar, aquí nas bisbarras de Barbanza e Noia estamos a aturar as denominadas xeadas blancas.


En Nebra, esta mañá. Foto de Paco do Martelo no seu Facebook

A xeada é un fenómeno climático que se caracteriza por un descenso brusco da temperatura ata niveis inferiores ao punto de conxelación da auga. Iso ocasiona que a auga evaporada no aire se chegue a xear e se deposite a xeito de xeo nas superficies sólidas. Para que haxa xeadas tamén se ten que dar a condición de que a humidade relativa do aire supero o 60 por cento, ou doutra maneira non habería auga abondo na atmósfera para que se producira a xeada. E tamén ten que estar o ambiente calmo: se hai vento non hai xeadas.

¡

Posted via email from Certo.gl, o xornal dixital de Barbanza e Noia

Boiro: a alcaldesa do concello de Paúl, en Cabo Verde, visitará o mércores a vila para informarse sobre iniciativas a prol da muller e a igualdade


Paúl pertence á illa de Santo Antao, na imaxe, tomada da Wikipedia

      Boiro, 29 de novembro de 2010. O Alcalde de Boiro, Xosé Deira Triñanes, acompañado da corporación municipal, recibirá este mércores, día 1 de decembro, ás 17.00 horas no salón de plenos da Casa Consistorial, á alcaldesa do municipio de Paúl, na República de Cabo Verde. Trátase de Vera Almeida, unha alcaldesa, segundo explican dende o goberno de Boiro, "altamente interesada en iniciativas desenvolvidas por mulleres, e na erradicación da loita contra a desigualdade". Chegará a Boiro da man do Fondo Galego de Cooperación e Solidariedade, unha entidade sen ánimo de lucro, cuxa labor consiste na contribución dende o ámbito galego ó desenvolvemento dos países do Terceiro Mundo, estando o  Concello de Boiro adherido como socio colaborador, dende o ano 2000.

      No acto, organizado polo Departamento de Servizos Sociais, participarán tamén cinco asociacións municipais integradas maioritariamente por mulleres, e que desenvolven iniciativas no eido da vida social, laboral, económica ou deportiva. Trátase dun intercambio de experiencias con representantes de asociacións de mulleres desta vila, onde unha representante feminina de cada asociación realizará unha breve exposición sobre a labor e traxectoria da súa entidade.

Web de referencia:
http://www.fondogalego.org/

Posted via email from Certo.gl, o xornal dixital de Barbanza e Noia

Noia: convocan aos afectados polas expropiacións para facer a conexión do corredor Brión-Noia coa estrada AC-543 o 10 e 11 de xaneiro

As reunións nas que se recollerán os datos necesarios para determinar os dereitos afectados terán lugar na Casa da Cultura de Noia. Será necesario afectar a 177 fincas para rematar esta conexión, segundo a Xunta


Noia, 29 de novembro de 2010.- A Consellería de Medio Ambiente, Territorio e Infraestruturas publica hoxe no Diario Oficial de Galicia (DOG) as datas para o levantamento de actas previas á ocupación dos bens e dereitos afectados polo proxecto de construción do novo vial de conexión do Corredor Brión- Noia coa estrada que une a cidade de Santiago de Compostela con Noia (AC-543), na altura do núcleo de Sampaio.

Este vial suporá o punto e final das obras a Vía de Alta Capacidade (VAC) Brión-Noia, xa que o proxecto propón a construción dunha vía que arranca na glorieta Este, pertencente ao enlace de Sampaio e, dende dito punto e ao longo de 500 metros, descende ata a AC-543, onde se deseña unha glorieta circular.

A casa da cultura "Antón Avilés de Taramancos" está na rúa Corredoira

As reunións nas que se recollerán os datos necesarios para determinar os dereitos afectados iniciaranse o 10 de xaneiro na Casa da Cultura de Noia, dende as 9.30 ata as 13.30 horas, dende o A ata Martínez Gómez Isolina. O día seguinte, 11 de xaneiro, no mesmo lugar e horario, acudirán os afectados dende Nimo Mato María Luísa ata a letra Z.

Os titulares afectados deben acudir persoalmente ao acto ou delegar nunha persoa autorizada para actuar no seu nome, aportando os documentos acreditativos da súa titularidade, documento nacional de identidade e o último recibo da contribución.

Características técnicas
O tronco desta conexión terá tres carrís de 3,5 metros cada un, dúas beiravías de 1,5 m e dúas bermas de 0,75 metros cada unha. Pola súa banda a sección da glorieta componse de dous carrís de 4 metros cada un; dúas beiravías, unha interior e outra exterior, ambas dun metro; e dúas bermas de 0,75 m. A velocidade de proxecto é de 60 km/h e a rampla máxima do 7 %.

Para levar a cabo estas obras, que teñen un presuposto de máis de 1,8 millóns de euros e que comezarán no primeiro semestre de 2011 e remataranse no 2012, necesitarase facer unha escavación e desmonte de 87.504 metros cúbicos e un terraplén ou pedraplén de máis de 33.600 m3; empregaranse case 5.000 m3 de formigón e máis de 101.600 quilos de aceiro. Por outra parte, realizarase a ordenación ecolóxica estética e paisaxística da zona, o drenaxe lonxitudinal e transversal e a sinalización e balizamento.

A urxencia da ocupación dos bens e dereitos afectados na execución desta infraestrutura, xustifícase pola súa incidencia na seguridade vial, co fin de evitar riscos innecesarios para os veciños de Sampaio ao articular e conectar o Corredor brión Noia coa estrada AC-543.

O Goberno galego, coa posta en marcha desta obra, pretende desconxestionar este núcleo de poboación dun tráfico pesado e abundante de vehículos, así mesmo conseguirase finalmente reducir os tempos de percorrido.

Outra das necesidades para proceder de forma inmediata débese a entrada en funcionamento do mencionado Corredor.

O vial beneficiará a unha poboación de máis de 25.000 habitantes dos concellos de Noia e Porto do Son, e para levalo a cabo será necesario afectar a 177 fincas.

Posted via email from Certo.gl, o xornal dixital de Barbanza e Noia

28.11.10

Boiro: "Xoguetes x música", iniciativa solidaria o venres 10 de decembro de cara ao Nadal

Porto do Son: o líder dos socialistas, Pachi Vázquez, inaugurou a nova sede do PSOE local

Vázquez esixiulle o pasado sábado ao goberno de Feijóo "que axude á planta de Lousame para facela máis eficiente".

Porto do Son, 28 de novembro de 2010.- O secretario Xeral do PSdeG, Pachi Vázquez, esixiulle ao Goberno de Feijóo que axude a pranta de tratamento de residuos de Lousame, “para poder facela máis eficiente e garantir a súa viabilidade futura, tal e como se recollía no anterior Plan de Residuos”.  Vázquez fixo estas declaracións onte no acto de inauguración da sede socialista de Porto do Son, onde estivo acompañado por Ramón Quintáns, secretario xeral de Porto do Son, Mar Barcón, secretaria de Política Municipal do PSdeG, e Xoan Pastor Rodríguez, alcalde da vila.

O líder dos socialistas lembrou que “a Xunta modificou o Plan de Residuos de Galicia, baseado na compostaxe, na reutilización e na reciclaxe, para apostar pola incineración, que é un modelo absolutamente desfasado e desaconsexado pola Unión Europea”. “A Consellería de Medio Ambiente non pode seguir desentendéndose deste problema, que atinxe a unha poboación moi elevada e pode representar un gran problema medioambiental, que ten que resolver a Xunta”, aseverou.

Vázquez apuntou que “Feijoo, non cumpliu en todo este tempo ningunha das súas promesas electorais e non arranxou nin un dó dos problemas de Galicia”.  “Despreocúpase do paro e da economía. Despreocúpase da sanidade, que é un servizo público esencial e está facendo augas por todas partes, querendo privatizala a marchas forzadas e introducindo modelos certamente perversos para rebaixar as listas de espera”, denunciou. Ademais sinalou que “despreocúpase da educación, e despreocúpase dos concellos, que contan con menos recursos para realizar as prestacións sociais que está facendo, incluso máis alá das súas competencias”. O líder dos socialistas lembrou  que “estamos a vivir unha crise que sabemos non é de rápida solución. Pero en Galicia sabemos tamén que a receita do PP non resolve nada. Esta é a nosa arma para defender a nosa posición fronte á dereita.”

Optimismo electoral desbordante

O responsable socialista sinalou que “teremos un gran resultado nas eleccións municipais do próximo ano. Imos gobernar tódalas capitais, cidades e vilas como ésta de Porto do Son, se somos capaces de achegarnos máis aos veciños e veciñas e lle damos resposta aos seus problemas“. Vázquez recalcou que “máis que nunca, o PSdeG ten que ser a casa común da esquerda, o punto no que conflúan quenes defendemos os dereitos cidadáns, o dereito  a unha sanidade e unha educación públicas, universais e gratuítas”. “O dereito -engadiu- de quenes cremos que en Galicia só o PSdeG pode ser a alternativa real ao recorte salvaxe e á privatización dos servicios públicos esenciais que preconiza o PP”. Finalmente sinalou que “Porto do Son é un emblema para o PSdeG no Barbanza. E hoxe aquí ofrézovos toda a miña colaboración e a de toda a Executiva para que poidades saír airosos do próximo compromiso electoral”.

Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical