Outes, 9 de novembro de 2011. Este venres día 11 de novembro a partir dás 22:00 celébrase o Magosto do Freixo. O lugar elixido será o campo de fútbol de Mosteiro.
PROGRAMACIÓN:
22:00 Castañas asadas con música propia do magosto (?).
1:00 Actuación da discoteca móbil “La Gramola”.
"Esperamos que acuda o maior número de xente, e por se chove temos carpa. A festa está asegurada", aseguran dende a organización.
Posted via email from Certo.gl, o xornal dixital de Barbanza e Noia
Noia, 9 de novembro de 2011. "O Concello de Noia tén vocación de ser cabeza de comarca no que atinxe á promoción e uso de distintos servizos comarcais. Por tanto, respecto ao rumor que correu meses atrás sobre o traslado das dependencias do STAND a Lousame, temos que aclarar que do que se estaba a falar era das dependencias da Asociación de Pais do STAND, nunca das dependencias do propio Servizo do STAND, que está moi firme e seguro en Noia. Ainda así, a Asociación de Pais do STAND está en conversas co Concello de Noia para poder ampliar as súas instalacións", explicou hoxe en nota de prensa a concelleira de Servizos Sociais, a nacionalista Sofía Caamaño Lado.
Que é o STAND?
O Servizo de Tratamentos a Nenos con Discapacidades (STAND), créase no ano 1990, por decisión política do goberno municipal do BNG, tendo continuidade até a actualidade pola vontade dos gobernos municipais posteriores. É un Servizo social comunitario específico (atención a nenos con discapacidade ou risco de padecela e ás suas familias), de carácter público e gratuíto. Realízase atención temperá (0 a 6 anos) e atención á discapacidade infantil (6 a 14 anos). O ámbito de atención abranxe, ademais do Concello de Noia, os de Outes, Lousame, Muros e Porto do Son. Desde o seu comezo, o finanzamento do Servizo corre a cargo do Concello de Noia (162.824,14€ anuais), recebindo anualmente subvención da Xunta de Galicia dentro do Plan Concertado (31.000€) e nalgunha ocasión unha pequena achega da Deputación Provincial. Se excluímos ao de Noia, o resto dos concellos da comarca aportan 0 € a este servizo.
A Asociación de Pais do STAND é unha entidade privada sen ánimo de lucro constituída no ano 1993 por familias de nenos con discapacidades que xa acudían ao STAND. A súa creación foi promovida polos propios pais, co estímulo das profesionais do Servizo municipal, co fin de complementar o labor que se estaba a facer desde o mesmo. O ámbito de atención esténdese á comarca de Muros-Noia.
O STAND e a Asociación de Pais do STAND, son dúas entidades independentes, tanto a nivel organizativo como económico e funcional, que comparten local (parte do local está cedido polo Concello á Asociación) e parte dos recursos materiais. O ámbito de atención é similar.
Pode que tamén lle interese:
Recital poético-musical: o venres 11 de novembro
San Martiño: o 11 de novembro, patrono, co bispo de Compostela
Congreso Educación Saúde: o 12 e 13 de novembro. Menciñas non convencionais
Liceo: sábado 12, magosto e domingo 13, Ghazafelhos
Posted via email from Certo.gl, o xornal dixital de Barbanza e Noia
O programa é totalmente gratuíto e terá lugar dende o 23 de decembro de 2011 ata o 1 de xaneiro de 2012, co aloxamento na Residencia de Tempo Libre do Carballiño (Ourense), onde poderán tomar parte das distintas actividades socioculturais que se organizarán ao efecto.
Todas aquelas persoas maiores deste concello, que se atopen soas nestas datas e que cumpran os requisitos para participar neste programa, poden presentar a súa solicitude no departamento de Servizos Sociais sito na praza 8 de marzo (edificio Miradoiro de Padín). O prazo de inscrición remata o 30 de novembro.
Posted via email from Certo.gl, o xornal dixital de Barbanza e Noia
Ademais, o traballador da Deputación visitou distintos campos de fútbol e escolas deportivas, así como o complexo de A Fieiteira para comprobar in situ o funcionamento das instalacións e detectar posibles necesidades de mellora. A valoración do estado das mesmas e da política deportiva municipal foi positiva.
Rúa Cervantes, pavimento en pedra
O anuncio do arranxo de Cervantes xa o fixeramos en certo.posterous.com/ribeira-amanaran-a-rua-cervantes-e-pa...
A empresa Construcciones Jenaro Cadaval, S.L,. será a encargada de realizar a obra, por un prezo final de 168.120,16 euros. O prazo de execución da actuación é de 3 meses.
En canto aos detalles da actuación, no que se refire ao abastecemento de auga, hanse suplantar as tubaxes existentes por outras de polietileno de alta densidade tanto na rúa Cervantes como nunha vía adxacente.
Polo que respecta ao saneamento de residuos fecais, se colocará un colector de PVC de 315 milímetros de diámetro nas rúas adxacentes á Cervantes e nesta última instalarase un tubaxe tamén de PVC pero de 400 milímetros.
En canto ao saneamento de pluviais, se disporá un colector de PVC de 400 milímetros de diámetro que conducirá o auga ata a rede existente na rúa Manzanares. Nas rúas adxacentes instalarase un colector de 315 milímetros.
Pavimentación
Ademais, a zona de actuación será obxecto dunha nova pavimentación combinando adoquín de granito con lousas de granito abuxardado cunhas dimensións de 60 x 40 x 8 centímetros, proporcionando un acabado de pedra acorde cunha vía que está situada nun dos barrios primixenios de Ribeira.
Posted via email from Certo.gl, o xornal dixital de Barbanza e Noia
Posted via email from Certo.gl, o xornal dixital de Barbanza e Noia
