Imaxe que encabeza a páxina web oficial do deportistaRianxo, 9 de novembro de 2011. O auditorio de Rianxo acollerá o vindeiro sábado, 12 de novembro, ás 18 h. unha charla-coloquio protagonizada polo piragüista David Cal, disque "mellor deportista galego de tódolos tempos", segundo o servizo de Deportes de Rianxo (Gómez Noya non lles debe sonar), que estará acompañado do seu adestrador Suso Morlán. Os asistentes terán a oportunidade de escoitar en primeira persoa a traxectoria dun deportista olímpico ao tempo que poderán formular cuestións relativas á súa formación e actividade deportiva. Esta actividade, organizada polo Club Piragüismo Rianxo, coa participación e patrocinio da Deputación da Coruña e a colaboración do Concello de Rianxo, vai dirixida a tódolos afeccionados ao piragüismo e ao deporte en xeral. As entradas poderán recollerse na sede do club de Piragüismo ao longo de toda a semana. Máis información sobre David Cal, na súa web
Posted via email from Certo.gl, o xornal dixital de Barbanza e Noia
No hay comentarios:
Publicar un comentario