26.7.11

Boiro: a romaría de Neixón será o domingo 14 de agosto

Boiro: Cruz Vermella organiza "Veráns educativos" en agosto

Boiro_verns_educativos

Actividades culturais para esta semana:

Espectáculo de maxia.
Xoves 28 de xullo. 12.00 h na Casa da Cultura "Mago Martín"

Festival de bandas de música
Sábado 30 de Xullo
. 20.00 h na Rúa Peonil.

As bandas convidadas que acompañarán nesta edición á Banda Municipal de Boiro son a Banda de música de Barbadás Banda de música S.R. de Calo.

Proxección do filme Avatar
Sábado 30 de xullo. 22.00h. Praza de Cabo de Cruz.

Posted via email from Certo.gl, o xornal dixital de Barbanza e Noia

Boiro: o campamento da Espiñeira acolle actividades para potenciar o uso do galego entre a mocidade

  • O secretario xeral de Política Lingüística e o director xeral de Xuventude e Voluntariado presentáronlles a iniciativa "O galego campa" aos máis de 100 rapaces e rapazas que participan no Campamento Xuvenil Espiñeira de Boiro

 

Boiro, 26 de xullo de 2011.- O programa de dinamización lingüística O galego campa xa está nos campamentos de verán da Xunta de Galicia para promover o uso do galego entre a mocidade. O secretario xeral de Política Lingüística, Anxo Lorenzo, e o director xeral de Xuventude, Ovidio Rodeiro, presentáronlles a semana pasada o programa aos 130 mozos e mozas que están a participar no Campamento Xuvenil Espiñeira, en Boiro, concello que colabora coa Xunta no fomento social do galego a través da Rede de Dinamización Lingüística.

Os dous departamentos da Xunta de Galicia promoven esta nova iniciativa que bota andar este verán e que busca impulsar o desenvolvemento en galego das actividades dos campamentos. Para isto, facilítalles recursos aos monitores e monitoras cos que poder levar a cabo actividades que animen os rapaces e as rapazas a se expresaren na lingua propia de Galicia.

Favorecer a expresividade en galego a través da música
O programa, que ten como destinatarios principais os nenos e nenas de 9 a 12 anos –aínda que é axeitado para as idades comprendidas entre os 6 e os 14 anos–, artéllase arredor do disco Desaparafusador de gominola, que inclúe divertidas propostas musicais de diferentes estilos pensadas para os máis novos. Para a realización do CD, a Xunta contou con voces da música galega de primeira orde, como son Guadi Galego, Najla Shami e Ramón Bermejo.

Da autoría de Celso Fernández, Pedro Pascual e Pablo Pascual son os escritos e a música. Os tres artistas, que acompañaron a Anxo Lorenzo e a Ovidio Rodeiro na presentación do programa, tiveron ocasión de compartir cos rapaces e rapazas do campamento os contidos e o proceso de creación artística dos temas que compoñen o disco e que conxugan melodías tradicionais con estilos como o hip-hop ou o funky.

Estes 130 mozos e mozas, que participan desde o 17 deste mes ao próximo xoves día 28 no campamento de Boiro, tiveron ocasión de conxugar, nos últimos días, as actividades específicas do campamento de Boiro, con obradoiros de dramatización e expresión corporal, propostas teatrais, clown, canción creativa etc., coas propostas do programa O galego campa, baseadas nas cancións do CD.

Actividades lúdicas arredor do disco
A partir do CD, o programa propón unha serie de actividades lúdicas que pretenden favorecer a expresión oral e escrita, así como a expresividade, en galego, no marco das dinámicas colectivas dos campamentos. Para o deseño destas actividades, a Xunta contou coa colaboración da empresa de dinamización lingüística Tagen Ata, que tamén participou na presentación do programa.

Distribución dos materiais en todos os campamentos
A Secretaría Xeral Política Lingüística distribuíu nas últimas semanas os materiais do programa en todos os campamentos de verán que organiza este ano a Xunta de Galicia e nos que está previsto que participen máis de 9.000 rapaces e rapazas. Por outra banda, tamén lles fixo chegar estes recursos aos máis de oitenta concellos que forman parte da Rede de Dinamización Lingüística, para que tamén poidan ser utilizados nos campamentos municipais.

Ademais, co fin de que calquera monitor ou monitora poida acceder aos materiais, tanto os temas do disco como as propostas das actividades poden descargarse na páxina web da Secretaría Xeral de Política Lingüística, a través do enderezo electrónico http://www.xunta.es/linguagalega/o_galego_campa.

Visita ao campamento Virxe de Loreto de Porto do Son
Ademais de presentar o programa O galego campa no campamento de Boiro –no que participarán durante todo o verán 430 rapaces e rapazas de toda Galicia– o director xeral de Xuventude e Voluntariado, Ovidio Rodeiro, tamén se desprazou ata o campamento xuvenil Virxe de Loreto situado en Porto do Son. Ao longo de verán, pasarán por estas instalacións máis de 570 mozos e mozas. Este campamento organízase ao abeiro da campaña Acción de verán 2011 que leva a cabo a Dirección Xeral de Xuventude e Voluntariado, dependente da Consellería de Traballo e Benestar.

Na quenda actual, que abrangue do 17 ao 28 de xullo, están participando nas actividades deste campamento un total de 100 participantes de entre 13 e 15 anos e outros 50 de 14 a 16. Durante a súa estadía, os mozos e mozas poderán gozar de actividades como o kaiak, o surf, o bodyboard, ou a iniciación a escalada.

A campaña Acción de Verán 2011 chegará a máis de 9.000 rapaces
Ao longo de todo o verán participarán nos diferentes programas da campaña Acción de Verán 2011 un total de 9.300 mozos e mozas en toda Galicia. O principal obxectivo da campaña é favorecer a participación da mocidade en múltiples actividades que teñen un compoñente de educación non formal no ámbito do ocio e o tempo libre.

Con esta oferta total, a Dirección Xeral de Xuventude e Voluntariado incrementa nesta edición as prazas da campaña de verán nun 4,5 por cento máis que en 2010. Para poñer en marcha esta iniciativa, a Xunta destina a estas actividades un orzamento de máis de 3,2 millóns de euros, o que tamén permitirá a contratación de máis dun millar de mozos e mozas como monitores de tempo libre.

Posted via email from Certo.gl, o xornal dixital de Barbanza e Noia

Ribeira: a illa de Sálvora poderá recibir 15 fondeos diarios de embarcacións cun máximo de 125 persoas en grupos organizados

  • Así o establece o Plan Reitor das Illas Atlánticas, presentado hoxe polo conselleiro de Medio Rural, Samuel Juárez
  • A finalidade é establecer os criterios de xestión e definir as actuacións neste espazo protexido, decretando un réxime de usos de acordo cunha zonificación

Media_httpfarm5static_eajac

Ribeira, 26 de xullo de 2011.- A Consellería do Medio Rural acaba de dar inicio ao proceso de participación pública sobre o Plan Reitor de Uso e Xestión (PRUX) do Parque Nacional marítimo-terrestre das Illas Atlánticas de Galicia, cuxo obxectivo final é procurar compatibilizar a conservación da súa biodiversidade co desenvolvemento das actividades socioeconómicas tradicionais. Deste xeito iniciaba esta mañá en Vigo a súa intervención o conselleiro do Medio Rural, Samuel Juárez, acompañado pola delegada territorial da Xunta en Vigo, Lucía Molares, o director xeral de Conservación da Natureza, Ricardo García Borregón, e o presidente do Padroado do Parque Nacional, Fernando Garrido. No que atinxe á Illa de Sálvora, que pertence a Ribeira, os fondeos diarios pasan de 10 a 15, cun máximo de 125 persoas en grupos organizados, como se olla no cadro inferior desta información.

Samuel Juárez incidiu en que este documento inicial fíxose tendo en conta as demandas e intereses das poboacións residentes na área do Parque Nacional, así como as achegas doutras administracións e entidades, polo que recolle en detalle as propostas de conservación dos espazos marítimo-terrestre das Illas Atlánticas. O seu resultado, remarcou, é froito dun importante esforzo de ano e medio de traballo, contactos e reunións dos diferentes sectores implicados presentes no Padroado do Parque Nacional, coordinados polo seu presidente e polo director-conservador, José Antonio Fernández Bouzas, que tamén estivo presente hoxe na presentación do Plan.

O 1 de xullo de 2008 foi transferido a Galicia o Parque Nacional Marítimo - Terrestre das Illas Atlánticas de Galicia, asumindo dende entón a Xunta as funcións de aprobación e execución do PRUX. A súa finalidade é establecer os criterios de xestión e definir as actuacións neste espazo protexido durante o seu período de vixencia, que se fixa en seis anos, sendo o seu ámbito de aplicación os límites establecidos no anexo da Lei 15/2002, polo que se declara o Parque e que inclúe os arquipélagos e o espazo marítimo-terrestre poligonal que rodea ás Illas Cies e aos illotes adxacentes, Illas de Ons e Onza e illotes adxacentes, Sálvora e illotes da súa contorna e illa de Cortegada e Malveiras e outras illas próximas.

Zonificación
O traballo desenvolvido dende a Consellería do Medio Rural busca con este documento a mellora da protección deste espazo natural desde unha perspectiva de sostibilidade, buscando a compatibilidade da conservación co uso racional dos recursos naturais. No documento que avanzou hoxe Samuel Juárez establece unhas directrices e criterios xerais de xestión, fixando unhas normas de regulación de usos e actividades, incluíndo o uso público, de acordo cunha zonificación (áreas de “Reserva”, de uso “Restrinxido”, “Moderado”, “Especial” e de “Asentamentos Tradicionais”).

Reserva
Segundo o grao de protección, explicou Samuel Juárez, a zona de Reserva engloba áreas que conteñen valores naturais de primeira magnitude ou que acollen procesos de rexeneración que poden cualificarse como perigosas para o uso público. Isto implica que nesta área non se permite o acceso público e está prohibido calquera actividade que no estea relacionada coa xestión ou a investigación.

Restrinxido
A zona denominada de uso Restrinxido ten como finalidade garantir a conservación íntegra dos recursos e valores que inclúen, ao mesmo tempo que se proporcionan oportunidades para a realización de certas actividades de reducido ou restrinxido impacto. Máis polo miúdo, nesta zona non está permitido a construción de pistas, edificacións ou instalacións de fábrica de carácter permanente, o tránsito de calquera tipo de embarcación de recreo fóra das áreas delimitadas para tal fin e a navegación de embarcacións de recreo a unha velocidade superior aos 4 nodos. Ademais, tal e como explicou o conselleiro do Medio Rural, nesta zona proponse limitar as distancias para a pesca con artes de cerco e enmalle, non sendo permitido a menos de 100 m da franxa costeira ou 5 metros de profundidade. Así prevé non permitir o uso de rastros remolcados a partir de 15 metros de profundidade, a pesca do bolo nas zonas de alimentación do cormorán cristado delimitadas, ou o uso de trasmallos, miños, vetas y volantillas nas zonas de alimentación de aves mariñas delimitadas, no horario diúrno.

Moderado
O PRUX califica como de uso Moderado aquelas áreas dominadas por un ambiente natural, cuxa finalidade é integrar a conservación co uso público e o aproveitamento dos recursos. Esta calificación prevé como usos non permitidos a aproximación de embarcacións de recreo a menos de 100 metros de cetáceos e grupos de aves mariñas, así como o tránsito das mesmas a unha velocidade superior aos 4 nodos, amén de todos aqueles usos prohibidos pola normativa xeral do Parque (entre as que destacan a introdución de especies de carácter exótico invasor, a perturbación da fauna, exceder o cupo diario autorizado para o transporte colectivo, desembarcar na illa en puntos diferentes aos autorizados, a acampada libre ou a instalación de anuncios publicitarios).

Especial
O documento denomina como zona de uso Especial ás áreas de reducida extensión nas que se emprazan as construcións e instalacións maiores, cuxa localización no interior do parque considérase necesaria, aquí englóbanse as instalacións de xestión e administración dependentes do Parque e doutras entidades da Administración Pública.

Asentamentos tradicionais
Finalmente, a zona denominada de Asentamentos Tradicionais establécese pola existencia de núcleos de poboación dentro do Parque, coa finalidade de compatibilizar os obxectivos deste cun desenvolvemento urbano razoable e controlado, así como coa pervivencia dun estilo de vida tradicional. Así os usos e aproveitamentos tradicionais practicados historicamente no Parque, que non supoñan un impacto negativo significativo nos procesos ecolóxicos, considéranse compatibles e poderán manterse, supeditados á conservación dos valores naturais. A tal fin, cando resulte necesario, se adecuarán en intensidade, forma e demais condicións de realización para garantir a súa compatibilidade cos obxectivos do Parque.

Regulación das actividades e participación dos implicados
De acordo con estes principios, no PRUX proponse a regulación das actividades agrarias, o marisqueo e a pesca, así como sobre carga máxima diaria de visitantes.

No caso particular da pesca e o marisqueo profesionais contémplase a maiores a elaboración dun Plan Sectorial de Xestión Integral de Recursos do Parque, a desenvolver no prazo máximo de 1 ano desde a aprobación do PRUX. Un plan sectorial que será o documento de planificación e xestión que regule finalmente o conxunto de aproveitamentos de recursos mariños autorizados, remarcou Samuel Juárez. No marco deste plan sectorial desenvolveranse plans de xestión específicos para as diferentes artes de pesca. Canto ás artes de marisqueo de tracción manual, como regra xeral o seu uso considérase permitido, agás nas zonas denominadas “de reserva” e, en todo caso, cóntase sempre –para a regulación específica desta actividade– coa participación e implicación de todos os actores con intereses na materia e así se sinala especificamente no propio texto do plan.

En canto ao turismo, e partindo do principio de sostenibilidade que inspira todo o Plan, no PRUX búscase desestacionalizar a afluencia de turistas, promovendo que se manteña durante todo o ano dun xeito máis ou menos estable, aliviándose así a presión que soporta o Parque no verán. Coa experiencia adquirida, sinalou o conselleiro do Medio Rural, o plan prevé uns cupos de capacidade de carga diaria (xúntase anexo coa táboa).Neste sentido fomentaranse fóra da tempada “alta” as visitas guiadas e de carácter educativo.

Cronograma para a súa aprobación
Finalmente o conselleiro incidiu en que cumpre lembrar que o PRUX aínda está na primeira fase, someténdose agora o documento á información pública, xa que se trata dun Plan aberto. Neste senso é previsible que nesta semana saia publicado no Diario Oficial de Galicia (DOG) o anuncio do proceso de inicio de participación pública ao tempo que se manterán reunións cos sectores implicados e interesados en participar no proceso, de cara a establecer un réxime de usos compatibles e autorizables no ámbito do parque nacional. En definitiva, o PRUX o que pretende, subliñou Samuel Juárez, é regular un uso racional dos recursos, buscando a sostenibilidade e a compatibilidade entre conservación e aproveitamento

O cronograma a seguir polo PRUX para a súa aprobación definitiva polo Consello da Xunta. e posterior publicación do Decreto, é: Achegamento do documento ao Consejo de la Red de Parques (dependente do Ministerio de Medioambiente, Medio Rural e Mariño) para o seu informe; posteriormente someterase ao Consello Galego de Medio Ambiente; solicítanse Informes das consellerías competentes (preceptivo o da Consellería de Medio Ambiente, Territorio e Infraestruturas); sométese a información pública e audiencia aos interesados; informe preceptivo do Padroado do Parque Nacional e, finalmente, redacción e tramitación do proxecto do decreto.

Neste cadro faise un resumo das cargas máximas diarias de afluencia segundo o PRUX, determinadas no estudo de capacidade de carga que optimiza a afluencia de visitantes así como o de usuarios das zonas de acampada.

Tempada
Arquipélago
Tipo de visitante
Acceso mediante as navieiras autorizadas
Acceso en grupos organizados
Cámping ou área de acampada
Fondeos diarios
Alta
Cíes
1.800 (2200)
200
550 (800)
150 (150)
Ons
1.200
200
300
80 (60)
Sálvora
-
125
-
15 (10)
Cortegada
-
125
-
15 (10)
Baixa
Cíes
-
250
-
-
Ons
-
250
-
-
Sálvora
-
125
-
-
Cortegada
-
125
-
-

*As cifras entre parénteses sinalan os cupos establecidos anteriormente.
**Onde non aparecen cifras (-) é porque non había cupos e se fixan agora.
***Os cupos de fondeos increméntanse, na maior parte dos casos, porque se constatou o civismo dos patróns, en gran parte grazas á colaboración dos clubs náuticos.

NOTA: A tempada alta corresponde, de forma orientativa, aos períodos de Semana Santa, fins de semana, festivos e pontes de maio e novembro, así coma o período comprendido entre o 1 de xuño e o 15 de outubro. A tempada baixa sería o resto do ano.

Posted via email from Certo.gl, o xornal dixital de Barbanza e Noia

Rianxo: este venres 29 de xullo, "Moito conto", teatro a cargo de Redrum

Rianxo, 26 de xullo de 2011. "Moito conto" será representada o vindeiro venres 29 de xullo ás 12:00 horas no auditorio de Rianxo. O reparto de invitacións terá lugar no mesmo auditorio unha hora antes da función.

A última proposta familiar do director lalinense Álex Sampayo e a compañía compostelana Redrum Producciones é unha obra adaptada por esta compañía, baseada no popular conto Hansel e Gretel, todo un clásico dos irmáns Grimm. 

O pase de Rianxo está  financiado íntegramente poa Fundación de Rosalía Mera, dentro dos acordos de colaboración que mantén Paideia co Concello de Rianxo, impulsando políticas de desenvolvemento económico, social, cultural e medio ambiental.  

Trátase dunha representación teatral ca que se pretende reformular contos coñecidos por todos, estimulando a creatividade dos máis pequenos e chegando ós recordos dos maiores. 

A obra narra a historia de dous irmáns, Pepiño (Guillermo Carbajo) e Manola (Tamara Canosa), que, enganados pola súa madrastra (Mónica García), acaban perdidos no bosque, vivindo unha aventura que os cambiará para sempre. 

A autoestima e a complicidade fraternal posibilitarán que os nenos superen as súas aventuras sans e salvos, permanecendo xuntos e coidándose mutuamente. 

A dirección da obra atópase baixo a batuta de Álex Sampayo, do que cabería destacar traballos tales como as series de televisión "El Internado" e "Padre Casares". 

Paideia repite nesta ocasión con Sampayo quen dirixeu o vídeo de promoción turística “ A terra da nai auga” que A Fundación Paideia, a través da Asociación DELOA, editou para publicitar os recursos turísticos da comarca Barbanzana e do Sar. 
 

O medio ambiente, protagonista indiscutible 

A dimensión ambiental envolve este evento dende todas as dimensións, xa que, ademáis das propias mensaxes transmitidas no transcurso da obra sobre hábitos de vida saudables, menor producción de resíduos en orixen, adecuada segregación dos mesmos, uso responsable da auga e da enerxía, e pautas de comportamento respetuosas co entorno natural que nos rodea, para a recreación da escenografía emplearanse materiais reciclados, así como pantallas LED, minimizando deste xeito o consumo enerxético. O que convertirá a este espectáculo en pioneiro no uso dun tipo de iluminación máis eficiente, ecolóxica e estética nas artes escénicas.

Así, a función cumple cunha doble misión: o entretenimento e a diversión, pero tamén a formación ambiental dos espectadores, prestando especial atención ó público máis xoven. 

Personaxes e dirección 

Pepiño, personaxe interpretado por Guillermo Carbajo, actor coñecido polo seu traballo en diversas series de televisión nas que interpretou a Roi, fillo de "Pico" en "Pratos Combinados", e Martiño Bugallal, na máis recente "Valderrei", quere medrar para parecer maior. É por eso que se pasa o día facendo estiramentos, inventando a súa idade e esforzándose en falar como un adulto, pero lóxicamente non deixa de ser un neno e nesta aventura descubrirá o maravilloso que é selo. 

O papel de Manola, irmá  de Pepiño, o asume Tamara Canosa, actriz que interpretou a "María" e "Clara" na obra de teatro "A Pensión", e protagonizou o largometraxe "Pradolongo", participando en películas tales como "El Espejo", "Heroína", "Días azules" o "Entre Bateas", pero tamén en series televisivas como é o caso de  "Mareas Vivas" y "Valderrei". 

Manola ten unha personalidade compulsiva e está empeñada en reformar os tradicionais bailes das animadoras por algo moito máis creativo. É inxénua e divertida, pero hiperactiva, incapaz de centrarse e estar atenta nin cinco minutos, polo que terá que aprender a xestionar a súa enerxía e escoitar. Descubrirá o importante que é pensar as cousas antes de actuar ,así como o valor do traballo en equipo. 

A Madrastra, quen representa o autocontrol, as boas formas e a educación, pero tamén a obsesión, as ansias de poder, a manipulación e a destrución, asume a decisión de abandonar a Pepiño e a Manola sen ningún tipo de remordemento. Este personaxe, tan dispar como interesante, é interpretado pola polifacética Mónica García, cunha traxectoria profesional de máis de vinte anos sobre o escenario, na grande e pequena pantalla, e ganadora en tres ocasións do "María Casares".



Dossier Moito Conto Fotos.pdf Download this file

Rianxo_teatro29xullo

Posted via email from Certo.gl, o xornal dixital de Barbanza e Noia

Noia: clases de baile na Casa da Xuventude os mércores e xoves de agosto

Boiro: Gisela actuou nas festas do Carme de Escarabote ante un público entregado

Por Alén Pérez

Boiro, 26 de xullo de 2011. Excelente actuación de Gisela esta fin de semana nas festas do Carme de Escarabote. A cantante prestouse a que lle tomaran fotos e tamén asinou autógrafos aos máis pequechos. No medio da actuación pediu axuda a dous dos seus fans (un dos voluntarios foi Manuel Treus) para cantar entre os tres a canción de Peter Pan.

Posted via email from Certo.gl, o xornal dixital de Barbanza e Noia

Rianxo: o secretario xeral do PSdeG-PSOE, Pachi Vázquez, incidiu na reforma do Estatuto o Día de Galicia

Rianxo_pachi_vzquez


Rianxo, 26 de xullo de 2011. O secretario xeral do PSdeG-PSOE, Pachi Vázquez, anunciou onte en Rianxo que no próximo mes de setembro presentará no Pleno do Parlamento unha Proposición de Lei para a reforma do Estatuto de Autonomía. O líder dos socialistas galegos fixo este anuncio na ofrenda floral a Castelao no Día de Galicia, nun acto de tivo lugar na Ribeiriña, fronte ao busto de Castelao, no 125 aniversario do nacemento do intelectual e político galeguista.

Pachi Vázquez chamou ao consenso para acadar un acordo de reforma “na defensa dos dereitos dos galegos e das galegas” e para “blindar en Galicia os piares do Estado social”. Chamou así ás restantes forzas políticas a “poñer a Galicia no primeiro plano da acción política” para aprobar un novo Estatuto de Autonomía que amplíe o teito competencial de Galicia e “reclamar ao que temos dereito”.

O líder socialista propuxo unha reforma administrativa que garanta o principio de “un servizo, unha administración” para “evitar duplicidades que dupliquen o custo e dividan por dous a eficacia”. Chamou a aplicar a fiscalidade “en función da capacidade” e fundar “un modelo no que o peso da crise non caia sobre os que menos poden”.

Lembrou que “galeguismo é traballar na defensa dos galegos e das galegas” e reivindicou que as prioridades de Galicia son “conseguir crecer máis e crear emprego, resolver o problema do sistema financeiro, garantir a sanidade e a educación públicas, universais, gratuítas e de calidade e poñer tódolos recursos da Administración galega ao servizo dos cidadáns e non ao servizo dun partido político e dunha ideoloxía”.

Salientou así que “nunca, dende que se aprobara o Estatuto de Autonomía de Galicia, hai xa 30 anos, os galegos temos estado mais desprotexidos polo noso propio goberno” como agora con Feijóo. Sinalou que “tras dous anos e tres meses de política ultralilberal, os galegos vimos padecendo unha merma paulatina dos nosos dereitos cívicos e sociais”.

Denunciou que Feijóo “tomou a decisión de anular a capacidade de Galicia para intentar resolver os problemas dos cidadáns” e optou por subordinala “aos intereses da calle Génova -a sede do PP- por riba dos intereses dos galegos e das galegas”. Engadiu que “é a plasmación viva da resignación e da falla de iniciativas e alternativas ante a grave situación de Galicia”.

Advertiu que os socialistas galegos “non imos ceder un palmo de terreo nin desperdiciar un minuto sen esixir solucións viables e factibles aos problemas dos galegos” porque “a responsabilidade é de quen goberna”. O obxectivo é “un autogoberno útil para os cidadáns” e que permita “aportar solucións dende Galicia e para Galicia” e si o goberno galego se segue a amosar incapaz “que cambie o goberno ou que cambie a súa política”.

Copago, sanidade e emprego

Subliñou que “neste momento non hai outras prioridades mais que a creación de emprego e a garantía da pervivencia do sistema público sanitario e educativo, sen privatizacións, sen copago e sen discriminacións no acceso aos medicamentos”. Lembrou ao Goberno galego que “xa pasou o tempo das promesas, dos lemas e das evasivas” e apuntou que “os socialistas seguiremos estando na primeira liña de loita contra as  desigualdades”.

Neste sentido, reivindicou o dereito dos galegos e das galegas a unha sanidade que non teña “nin copago, nin privatización, nin recorte sanitario, nin ocultación das listas de espera”. Reclamou “os mesmos medicamentos que no resto das autonomías” para o cal esixiu a Feijóo que asuma a receita por principio activo que foi aprobada no Consello interterritorial de sanidade da pasada semana.

Pachi Vázquez sinalou que o autogoberno “debe ser útil para o noso país” e garantir tanto unha sanidade como unha educación públicas, universais e gratuítas “fronte a un goberno privatizador que reduciu as bolsas de estudos á metade e está a suprimir profesores no ensino público. Dixo que “pasou o tempo das promesas” e engadiu que é o momento de “priorizar o emprego, a axuda económica ás empresas e aos autónomos”.

Pachi Vázquez interviu no acto de ofrenda floral dos socialistas galegos diante do busto de Castelao na súa localidade natal, Rianxo, nun acto que comezou cun minuto de silencio en memoria das vítimas do atentado da illa de Utoya e no que tamén participou o portavoz do Grupo municipal Socialista, Carlos Gey, e no que estiveron presentes o ministro de Xustiza, Francisco Caamaño, e representantes socialistas no Congreso, Senado e Parlamento de Galicia, así como cargos orgánicos deste partido socialista en Galicia.

Posted via email from Certo.gl, o xornal dixital de Barbanza e Noia

Boiro: outra visión da concentración moteira


Polo Padre Teixugo

A concentración que os amigos de Boiromotos celebraron os dias 22, 23 e 24 de xullo contou con moita participación, pero, coma sempre acontece, non todos axudaron e se inscribiron para apoiar o evento. Mais para os que si o fixemos, puidemos gozar das delicias do catering contratado pola organización para calmar os famentos estómagos (gostoume moito o arroz salvaxe acompañado polo tinto de verán), tomar uns petiscos por cortesia da organización, desfrutar dunha ruta turística que pasou por Pobra, Oleiros, Noia e regreso a Boiro... e incluso puidemos tomar unha sesta no magnifico parque da Cachada (ver as fotos).

Eu realizei a inscrición coa moto do mosteiro (Honda XL125S do 1982)... pero estragouse a última hora e tiven que pedir prestada outra (do 2003), polo que non protestei cando non me deron o premio á moto mais antiga (levouno unha Yamaha do 1986), porque sería facer trampa e non daría exemplo. Pero a vindeira vez tentarei participar de novo coa reliquia, porque quedoume unha sana envexa!!!!

Aproveito para comunicar que os amigos do Harley Owners Club van visitar proximamente a nosa querida estrada C-550, e que xa se achega o tempo da concentración de Noia. Animovos a todos-as a participar, pero non sexades tacaños e inscribídevos, fariseos!!!!

Relacionada:

Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical