12.8.11

Porto do Son: as Xornadas de Historia centráronse onte na cultura castrexa

Texto e fotos: Paco do Martelo

Porto do Son, 12 de agosto de 2011. As conferencias de onte das Xornadas de Historia e Cultura, dirixidas por Manuel Mariño, tiveron como protagonista á descoñecida, pero pouco a pouco divulgada, cultura castrexa.
Javier Corral titulou a súa charla "Encontros interculturais entre os fenicios e as comunidades castrexas na fachada atlántica". Trátase dun investigador do GEPN da Universidade de Santiago e, entre o máis salientable do que dixo figura: 

  1. O achegamento dos fenicios coa cultura castrexa foi vía marítima e polo interior, polo que puido dar orixe á Ruta da Prata
  2. Viñan en busca de estaño que se supoñía que había nunhas illas, que podían ser as Británicas, pero dado que non hai constancia da súa presenza nesas terras, nin na Gran Bretaña nin na Bretaña francesa, suponse que o conseguían en Galicia.
  3. As cerámicas gregas atopadas nos castros obedece a que os fenicios actuaron coma intermediarios.
  4. Nos castros de Neixón atopáronse restos de ánforas usadas para o transporte de bebidas e comidas.
  5. O Altar Púnico do Castro de Alcabre atopado baixo o castro, amosa que neste caso os fenicios ocuparon esa zona moito antes que os castrexos. Procedencia da foto que achego neste caso: http://www.peirao.com/tema_ver.php?id_tema=5208
  6. Os betilos eran a casa da propia divindade.
Xa na conferencia de Ana María Suárez, profesora do departamento de Historia da USC, que se titulou "O mundo da vida cotiá da cultura galaico-romana", abordouse a presenza romana na Gallaecia, con estas interesantes ideas:
  1. As comunidades galaicas estaban compostas por "Os populi" e a administración romana polos Conventus
  2. A muller na época castrexa tiña unha actividade destacada, que desapareceu coa chegada dos romanos.
  3. O home asimilou antes a onomástica romana, pero a muller seguiu usando os nomes pre-romanos.
  4. Antes da súa chegada non se pode falar dunha cultura castrexa do viño, o que vén rachar un pouco co mito de que os romanos adoraban o seu viño.
  5. Os romanos usaban o Plan hipodámico para crealas súas cidades.
  6. Nas casas usaban o sistema A Groma: Impluvio que era un sistema ideado para recoller as augas da choiva.
  7. Os prerromanos usaban teitos de pallas, mentres que os romanos viñeron a traela tella (Tegula, a típica tella curva e Umbrices, una tella plana).
  8. A calor ao fogar transmitíana por medio dun sostificado sistema de aire quente (Hipocaustos).
  9. A filosofía romana era dual: Negotium: Traballar para vivir. Otium: Vivir para gozar
Na conferencia de María Xesús Lama López, profesora de Literatura Galega na Universidade de Barcelona, abordouse "O celtismo na literatura: dos heroes guerreiros á civilización cortesá"

Algunhas ideas recollidas:

Adeus ao mito celta?

  • A principios do Século XIX foi cando se distribuíron as catro provincias actuais de Galicia.
  • O pensamento galeguista foi o que impulsou a orixe dos "celtas".
  • Verea e Aguilar foi o primeiro que usou dito termo e o que creou a primeira Historia de Galicia.

Estatua de Antolín Faraldo, un dos difusores do mito céltico, en Betanzos
  • Antolín Faraldo foi quen difundiu a súa idea e afirmou que o primeiro que había que conseguir era que o "galego" se sentise "galego".
  • O ferrolán Benito Vicetto difundiu a Historia de Galicia a través de novelas que foron superventas da literatura española. Escribila en galego para un pobo que estaba escolarizado en castelán non tería éxito, aínda que fose para reclamar dereitos de Galicia.
  •  A Historia de Galicia de Murguía foi moito máis seria nos fundamentos e chea de datos. Foi unha magna obra para ser feita no Século XIX.
  • Murguía e Pondal, outro que profundaba nas raíces celtas, coincidían na libraría de Uxío Carré Aldao, nunha tertulia denominada A Cova Céltica. Curiosamente Pondal deuse a coñecer escribindo en castelán.
  • "Rumores de los pinos", mesturaba galego e castelán e logo escribiríase só en galego, pasando a titularse "Queixumes dos pinos".
  • Ramón Cabanillas fixo a introdución da temática bretona na tradición oral celta.
  • A batalla -na brétema das lendas- do Monte Medulio é un pouco onde beben todos eles para forxar a lenda dos guerreiros celtas: http://es.wikipedia.org/wiki/Monte_Medulio

Antes, en Certo:



Posted via email from Certo.gl, o xornal dixital de Barbanza e Noia

A Pobra: ata o 14 de agosto, Feira do Marisco

Noia: cartel e programa das Festas de San Bartolomeu. Do 24 ao 28 de agosto

Ribeira: o Concello solicita colaboración cidadá ante a onda de roubos de cobre do alumeado eléctrico

  • O Concello recibiu denuncias de roubos entre Laxes e Castiñeiras, e tamén en Campelos
  • Javier Crugeiras, veciño de Carreira, envíanos fotos dos roubos en farolas do alumeado entre Carreiras e Aguiño

Ribeira, 12 de agosto de 2011.- O alcalde de Ribeira , Manuel Ruiz Rivas, manifestou hoxe a súa inquietude ante os roubos de cableado de cobre pertencente ao alumeado público producidos en varios puntos do municipio. Así, nos últimos días tivo lugar un episodio destas características entre Laxes e Castiñeiras e outro feito similar no lugar de Campelos. 

Dende o Executivo quérese solicitar a colaboración da veciñanza e rogarlles que estean alerta ante posibles condutas sospeitosas. Se se percatan de algún caso, recoméndase dar aviso ás forzas de seguridade da zona (091 a Policía, 062 urxencias Garda Civil).  

Os feitos descritos anteriormente xa están denunciados na Policía Nacional.

Roubos entre Carreira e Aguiño

O veciño de Carreira Javier Crugeiras, administrador do sitio web http://carreira.info tivo a xentileza de enviarnos as imaxes que acompañan esta información, e que corresponden ao roubo duns 250 metros de liña de cobre do alumeado público que discorre entre Sabartan (Carreira) e Anguste (Aguiño), polo medio das leiras.

Curiosamente, ninguén viu nin escoitou nada. Como diría o actor botado para Castela e medio renegado do arado, o vigués Manuel Manquiña, en "Airbag", "unos profisionales, Carmiña, unos profisionales".

Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical