13.12.12

Ribeira: programación deportiva e de aventura de Nadal

Interésalle tamén:

 

Ribeira,13 de decembro de 2012.- Logo de que fora presentada publicamente a programación que para este Nadal organizou o Concello de Ribeira a través das Concellerías de Cultura e Comercio, chega a ocasión de expoñer o calendario de eventos postos en marcha dende as áreas de Xuventude e Deportes, e que están a orientados a un público basicamente de carácter xuvenil e infantil.

Media_httpfarm9static_ieapb

Os edís Aroa Fernández e Juan Luis Martínez foron os encargados de debullar estas actividades, que están divididas en dúas clases, segundo teñan carácter competitivo ou ben sexan de índole máis participativa.

Torneos

  • Trofeo Unicef de Fútbol Sala: Terá lugar os días 27 e 28 de decembro no polideportivo de A Fieiteira en horario de tarde, nas categorías prebenxamín, benxamín, alevín e infantil.

 

  • 3x3 de Baloncesto: Celebrarase o día 29 de novembro no polideportivo de Santa Uxía (Coroso) entre as 17 e as 21 horas. Destinado ás categorías infantil, cadete e xuvenil.

 

  • Torneo de Fútbol 11 Residencial Mirador de Padín: Desenvolverase nos días 29 e 30 de decembro no campo de herba sintético de A Fieiteira, a partir das 9.30 horas. Dirixido ás modalidades cadete e xuvenil.

 

  • Torneo de Xadrez de Reis: Acontecerá o 4 de xaneiro na Casa da Xuventude, de 10 a 13 horas. Orientado ás categorías prebenxamín, benxamín, alevín e infantil.

 

  • Trofeos de Tenis: Que xa se iniciou e se prolongará ata o 4 de febreiro, coas finais que se disputarán no polideportivo de A Fieiteira. No torneo de dobres están inscritas doce parellas e no individual, 39 tenistas. Categoría absoluta.

 

  • Carreira Popular de Nadal: Carreira pedestre destinada ás categorías base que se celebrará o día 5 de xaneiro, con saída e chegada nas inmediacións do poliderportivo de Santa Uxía (Coroso).

Actividades deportivas ou de aventura

  • Minicampus de Baloncesto: Destinado a nenos e nenas de 6 a 12 anos que queiran iniciarse no mundo do baloncesto. Terá lugar o día 22 de decembro, no polideportivo de Santa Uxía, de 16.30 a 20.30 horas.
  • Campamento Deportivo: Actividades predeportivas e de recreación para ocupar o tempo de lecer dos nenos de 5 a 11 anos durante o tempo de lecer. Terá lugar os días 24, 26, 27, 28 e 31 de decembro e 2, 3 e 4 de xaneiro no Complexo de A Fieiteira, en horario de 10 a 13 horas.
  • Puenting: actividade de aventura que se celebra todos os 31 de decembro en Ponte Ceilán (estrada Noia-Outes). O particular San Silvestre do Concello de Riveira. Dirixida a maiores de idade.
  • Patinaxe sobre xeo e parque de ocio: Viaxe en autobús a Pontevedra a patinar sobre xeo, disfrutar do seu parque de ocio e pasar o día pola cidade. Orientado a rapaces de 8 a 15 anos. Será o 2 de xaneiro con saída pola mañá da estación de autobuses e regreso a última hora da tarde.
  • Partido Deportivo de A Coruña Málaga: Viaxe en autobús o día 6 de xaneiro para presenciar este partido de Primeira División na cidade herculina. Destinado a xóvenes de 10 a 17 anos.

Para máis información e inscricións, cómpre poñerse en contacto coa oficina da Concellería de Deportes en A Fieteira (teléfono 981 873 646; email deportes@riveira.com) ou coa Casa da Xuventude (teléfono 981 835 289; email xuventude@riveira.com).

Dende as concellerías de Xuventude e Deportes quixeron agradecer a colaboración recibida de entidades como Unicef, Club Baloncesto Riveira, Asociación As Miñoteiras, Club Atletismo Santa Uxía ou o Club de Xadrez do Círculo Mercantil.




Posted via email from Certo.gl, o xornal dixital de Barbanza e Noia

Noia: gran actuación dos taekwondistas noieses no Campeonato de España de Clubs en Gandía

Media_httpmastaekwond_dydua

Foto de Mastaekwondo.com

Noia, 13 de decembro de 2012. A concelleira de Deportes de Noia, Mari Domínguez Villanueva, mañá, venres 14 decembro, nun acto público recibirá aos seis deportistas que participaron no Campeonato de Taekwondo de España por Clubs celebrado os días 1 e o 2 de decembro en Gandía.

Os seis rapaces acadaron medallas de ouro, prata e bronce nas categorías de Senior, Cadete e Junior. Os seus nomes son:  Agustín Carou Louro, Jonathan Pombo Mourelos, Álvaro García Lago, Alberto Vera Seijas, Javier Martínez Suárez e Pablo Carou Varela.

Todos os resultados deste campionato aquí




Posted via email from Certo.gl, o xornal dixital de Barbanza e Noia

Rianxo: a Escola de Música realiza festivais de Nadal o 21 e 22 e o concerto de Aninovo o venres 4 de xaneiro

 

Rianxo, 13 de decembro de 2012. A Escola de Música de Rianxo realizará os Festivais de Nadal deste ano os días 21 e 22 de decembro no Auditorio de Rianxo, os dous días a partires das 21.00 h.

As actuacións desenvolveranse do seguinte xeito:

  • Venres 21 de decembro: frauta, óboe, saxofón, trompeta, trombón, trompa e conxunto instrumental.
  • Sábado 22 de decembro: clarinete, fagot, tuba, piano, bombardino, percusión e nen@s de música e movemento.

Concerto de Aninovo 

 

Ademais, xa o vindeiro ano, a Escola de Música de Rianxo celebrará o Concerto de Aninovo 2013 o venres 4 de xaneiro ás 21.00 h. no Auditorio da localidade.

Actuarán a Agrupación Instrumental da Escola de Música de Rianxo e a Banda da Escola de Música de Rianxo.





Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical