Barbanza, por Certo: 19/07/12

19.7.12

Boiro: presentan no campamento da Espiñeira a segunda edición de "O galego campa!"

É un programa de dinamización lingüística nos campamentos
Este é o segundo ano que se realiza e inclúe novo material para o monitorado e o concurso Campacontos de relatos contados e gravados nos seráns. Bases do concurso Campacontos en http://www.xunta.es/linguagalega/o_galego_campa
Un milleiro de mozos e mozas participarán este verán nos campamentos xuvenís que a Consellería de Traballo e Benestar organiza na comarca do Barbanza

Boiro, 19 de xullo de 2012.- O secretario xeral de Política Lingüística da Consellería de Cultura, Educación e Ordenación Universitaria, Valentín García, e mais o director xeral de Xuventude e Voluntariado da consellería de Traballo e Benestar, Ovidio Rodeiro, achegáronse esta mañá ás instalacións do campamento xuvenil Espiñeira de Boiro, para presentar a nova edición do programa de dinamización lingüística O galego campa!

Valentín García mostrou a súa satisfacción pola nova edición deste programa que entronca cos obxectivos do Plan xeral de normalización da lingua galega para o sector da mocidade, ao fomentar a creatividade e os espazos de ocio en galego para os rapaces e rapazas e, así, favorecer o uso e a valoración positiva da lingua propia de Galicia.

No campamento de Boiro están a participar un cento de nenos e nenas de entre 10 e 12 anos que, segundo explicou Rodeiro, están a desenvolver actividades temáticas sobre o teatro e a expresividade.

O galego campa!
O galego campa! é un programa de dinamización lingüística dirixido a rapaces e rapazas de 9 a 17 anos, nomeadamente aos que participan nos campamentos de verán da Xunta de Galicia. Na súa primeira edición, dotou a monitorado de fichas con actividades para introducir a lingua galega nestes contextos lúdicos e mais do disco asociado a elas Desaparafusador de gominola.

Nesta segunda edición, ademais de novas fichas de traballo centradas nas actividades deportivas, O galego campa! inclúe formación para os monitores e monitoras e mais o concurso Campacontos de relatos para contar nos seráns dos campamentos. dirixido a monitorado e rapaces participantes nos campamentos de verán da Xunta de Galicia.

Concurso Campacontos
A novidade deste ano é o concurso Campacontos de relatos para contar nos seráns dos campamentos dirixido a monitorado e rapaces participantes nos campamentos de verán da Xunta de Galicia. Estes relatos terán que ser gravados e enviados por correo electrónico para poderen ser valorados polo xurado. Deste xeito, combínase o uso da lingua galega oral coa creatividade en galego e coas tecnoloxías da información e da comunicación. Os materiais desta nova edición de O galego campa! e as bases do concurso Campacontos poden atoparse en http://www.xunta.es/linguagalega/o_galego_campa.>

A lingua campa no programa Acción de Verán 2012
O galego campa! chega a máis de 4.700 rapaces e rapazas de entre 9 a 17 anos participantes nos 54 campamentos de verán que organiza a Dirección Xeral de Xuventude e Voluntariado da Consellería de Traballo e Benestar no marco do programa Acción de Verán 2012. Ditas actividades lévanse a cabo en diferentes localidades galegas: Bergondo, Melide, Porto do Son e Boiro na Coruña; Viveiro, Portomarín, Ribadeo e Palas de Rei en Lugo; Entrimo en Ourense e Bueu, Forcarei e Vilanova de Arousa en Pontevedra.

Campamentos no Barbanza
Tras a visita a Boiro, o responsable de Xuventude tamén se desprazou ata o campamento xuvenil de Porto do Son. Rodeiro sinalou que máis dun milleiro de mozos e mozas entre 10 e 17 anos participarán este verán nos campamentos que se están a organizar na comarca do Barbanza.

Explicou que no de Porto do Son están a tomar parte un cento de mozos e mozas de entre 13 e 15 anos na actividade Natureza xunto ao mar, cun programa baseado nos deportes náuticos. En total, ao longo deste verán pasarán polo campamento de Virxe de Loreto, en Porto do Son, 570 mozos e polo de Espiñeira, en Boiro, outros 400.

ESTE ANO ESTAREMOS PRESENTES !!!!VII Feira de oportunidades co comercio de Boiro.Os días 3, 4 e 5 de agosto na... fb.me/1wnbW2D62
— BALDANI BOIRO (@BALDANIboiro) July 19, 2012

Se o goberno de Feijóo rebaixa os seus soldos un 7% é que vive un 57% por enriba das posibilidades do galego medio. Mínimo. #eló
— Certo (@Certo) July 19, 2012

Manuel Venator recomenda que o pasemos ben na Festa da Dorna en "Huérfanos de ideología" certo.es/index.php?page… Pero pregunta tamén polo PP!
— Certo (@Certo) July 19, 2012

Cando os cartos de axudas da Xunta entran pola porta, os traballadores dos xornais galegos saen despedidos pola ventana galiciaconfidencial.com/nova/11015.html
— Certo (@Certo) July 19, 2012

Posted via email from Certo.gl, o xornal dixital de Barbanza e Noia

Boiro: presentan no campamento da Espiñeira a segunda edición de "O galego campa!"

É un programa de dinamización lingüística nos campamentos
Este é o segundo ano que se realiza e inclúe novo material para o monitorado e o concurso Campacontos de relatos contados e gravados nos seráns. Bases do concurso Campacontos en http://www.xunta.es/linguagalega/o_galego_campa
Un milleiro de mozos e mozas participarán este verán nos campamentos xuvenís que a Consellería de Traballo e Benestar organiza na comarca do Barbanza

No campamento de Boiro están a participar un cento de nenos e nenas de entre 10 e 12 anos que, segundo explicou Rodeiro, están a desenvolver actividades temáticas sobre o teatro e a expresividade.

ESTE ANO ESTAREMOS PRESENTES !!!!VII Feira de oportunidades co comercio de Boiro.Os días 3, 4 e 5 de agosto na... fb.me/1wnbW2D62
— BALDANI BOIRO (@BALDANIboiro) July 19, 2012

Se o goberno de Feijóo rebaixa os seus soldos un 7% é que vive un 57% por enriba das posibilidades do galego medio. Mínimo. #eló
— Certo (@Certo) July 19, 2012

Manuel Venator recomenda que o pasemos ben na Festa da Dorna en "Huérfanos de ideología" certo.es/index.php?page… Pero pregunta tamén polo PP!
— Certo (@Certo) July 19, 2012

Cando os cartos de axudas da Xunta entran pola porta, os traballadores dos xornais galegos saen despedidos pola ventana galiciaconfidencial.com/nova/11015.html
— Certo (@Certo) July 19, 2012

Posted via email from Certo.gl, o xornal dixital de Barbanza e Noia

A Pobra: o Psoe pregunta ao goberno do PP en que leas xurídicas está metido

Tamén presentaron unha moción para rexeitar os recortes do goberno central e do goberno de Núñez Feijóo, ambos do PP

Moción Recortes 13 de Xullo 12..docx Download this file

Pregunta información sentencias.docx Download this file

Posted via email from Certo.gl, o xornal dixital de Barbanza e Noia

Ribeira: 61escolares visitaron hoxe os muíños do río Amendo

Dentro dunha xornada de sensibilización sobre o coidado do patrimonio ambiental deste municipio
Tamén se achegaron ao parque natural

Ribeira: ata este domingo 22, "Mergúllate no Océano", divulgación marina na praza do Concello post.ly/8OrYs
— Certo (@Certo) July 19, 2012

Ribeira.- 19 de xullo de 2012.- No día de hoxe un total de 61 nenos e nenas de Ribeira está a participar nunha excursión que inclúe a visita a lugares tan atractivos e importantes ambientalmente como os muíños do río Amendo en Carreira, o Parque Natural e o Centro de Interpretación do Ecosistema Litoral de Galicia (CIELGA) que se sitúa nesta área protexida, na zona próxima ao areal do Vilar.

Esta denominada “Ruta dos muíños” forma parte do primeiro itinerario da VIII Xornada de Sensibilización á Poboación Infantil ‘Arte, Paisaxe e Etnografía’. Os pequenos de entre 5 e 13 anos aprenderon alí a facer pan de millo e tiveron a oportunidade de ver un muíño en funcionamento, comprendendo deste modo o proceso de elaboración da fariña. Ademais, realizaron diferentes actividades deportivas e participaron en moitos xogos que se están a prolongar nestes momentos nas inmediacións do CIELGA.

O obxectivo da iniciativa foi potenciar o coñecemento do patrimonio cultural e histórico de Ribeira, así como os elementos paisaxísticos propios da zona, fomentando o seu coidado e respecto.

Entre os 61 rapaces asistentes figuran alumnos do “Camp of cultural summer” e do “Xoga con Nós”, ademais doutros nenos que a título individual quixeron sumarse á iniciativa organizada pola Concellería de Cultura de Ribeira e que forma parte da súa programación do Verán Cultural.

Ribeira: a conselleira de Mar estivo clausurando o curso sobre cultura marítima post.ly/8Ota2
— Certo (@Certo) July 19, 2012

See the full gallery on Posterous

Posted via email from Certo.gl, o xornal dixital de Barbanza e Noia

Dodro: os nacionalistas presentan unha moción de apoio ao ensino público local

mocion apoio ensino publicoDODRO.pdf Download this file

Dodro, 19 de xullo de 2012. As/os concelleira/os que representan ao Colectivo Nacionalista por Dodro, preocupados polos recortes no ensino público e sobre todo como este afectan a un concello rural como é o de Dodro, presentaron unha moción no pleno ordinario do mes de xullo que se debatirá mañá para buscar o apoio de toda a corporación.

"Consideramos que este é un tema de interese para a totalidade da poboación do noso concello, e tendo en conta que o noso colexio
ten grandes logros que atribuirse merece o apoio sen fendas de
toda a corporación. Exemplos destes logros excepcionais son:
- as promocións que pasaron polo noso cole teñen unha número de
diplomaturas e licenciaturas superior á media
- a mesma gañadora do último premio Xerais de literatura (María Lourenzo) formouse aquí,
- saíron dous grupos musicais xestados e formados tamén no
propio cole ( ademais doutros solistas),
- elaboraran produtos audiovisuais merecedores de premios,
últimamente o corto "Goteira pública"

Por estes e por outros moitos motivos consideramos que temos
un cole de primeira e que merece todo o apoio, e o concello pode
contribuir a facer públicos os seus méritos, así como defendelo
ante calquera outra administración da posiblidade de recortar os
seus recursos e servizos. Isto é básico para a igualdade de
oportunidades de nenas e nenos que se crían no rural, para a súa
formación e para a nosa autoestima como pobo", explican.

Posted via email from Certo.gl, o xornal dixital de Barbanza e Noia

Ribeira: a conselleira de Mar estivo clausurando o curso sobre cultura marítima

Ribeira: ata este domingo 22, "Mergúllate no Océano", divulgación marina na praza do Concello post.ly/8OrYs
— Certo (@Certo) July 19, 2012

Muros: así minte o departamento de Rosa Quintana sobre as gaiolas de salmóns. A Fiscalía confirma a morte de peixes quepasanacosta.com/?p=17004
— Certo (@Certo) July 19, 2012

Ribeira.- 19 de xullo de 2012.- Tras catro días de aprendizaxe, no día de hoxe rematou en Ribeira o Curso de Verán da Universidade de Santiago de Compostela sobre Educación e Cultura Marítima en Galicia, iniciativa académica que contou co patrocinio do Concello de Ribeira e da Deputación Provincial de A Coruña e en cuxo acto de clausura participaron a conselleira do Medio Rural e do Mar da Xunta, Rosa Quintana Carballo; o alcalde e deputado provincial, Manuel Ruiz Rivas; o director do curso, o catedrático Miguel Ángel Santos Rego;e o presidente da Comisión de Pesca do Senado, José Luis Torres Colomer.

Ruiz Rivas agradeceu aos alumnos, profesores e relatores participantes que fixesen posible este curso -celebrado no Centro de Interpretación do Parque de San Roque- e salientou ao respecto do contido do mesmo que “ser dun lugar de mar como é o caso de Riveira marca incluso o propio carácter das persoas”.

Pola súa parte, Miguel Ángel Santos Rego agradeceu tanto o apoio do Concello para que puidese ter lugar esta iniciativa como a participación dos asistentes e intervintes, e explicou a súa conexión particular con Riveira, terra na que el estudou e considerou idónea para o desenvolvemento do mesmo.

Por último, Rosa Quintana aludiu a que Galicia non podería ser entendida sen o seu mar e explicitou o compromiso mantido dende a Xunta de Galicia en temas como a formación en todas as áreas que teñen que ver co medio mariño, como se constata cos centros de formación náutico-pesqueira existentes en lugares como Riveira, Ferrol, Vigo ou Marín, ou unha escola de formación acuícola que é a única homologada en España.

“Dende os nosos centros de formación tentamos non só transmitir os coñecementos necesarios para acometer o traballo diario e a seguridade, senón tamén a necesidade de preservar os valores da nosa cultura e a nosa tradición”, manifestou a conselleira.

JAJAJJAJAJAJJAJJJAJJAJAJAJAJAJJAJA+No puedo, el projrama Dorneiro sempre me mata xDDpara min é case o mellor da festa jajajajajakajaja
— Angel Mariño Pampín (@Wanyelo) July 18, 2012

See the full gallery on Posterous

Posted via email from Certo.gl, o xornal dixital de Barbanza e Noia

Noia: o sábado, 21 de xullo, inauguración da mostra de pinturas de Manuel Romero

Sin título. 1997. Colección NovaCaixaGalicia

Noia, 19 de xullo de 2012. Segundo informa hoxe o Concello, o vindeiro sábado, 21 de xullo, ás 13 horas, na Casa da Cultura, terá lugar a inauguración da exposición PINTURAS DE MANUEL ROMERO. O pintor noiés afincado en Cambre e que pasou moitos anos en Londres estará na inauguración.

Pequena referencia

Manuel Romero (Noia, 22 de novembro de 1943) ten un amplo currículum de estudios co que se avala a obra deste artista personal, difícilmente referenciable, inclusive nos seus formatos, con frecuencia circulares.

Fixo cursos de deseño en Wimbledon e licenciouse, con matrícula de honra, na Facultade de Belas Artes da Universidade británica de Kingston, en 1987. Deste centro sería profesor e coordinador de estudos nas universidades europeas ata 1996. Comenzou a expoñer na Casa de España, en Londres, en 1983, e tamén o fixo reiteradamente nesta cidade e noutras de Inglaterra, Estados Unidos, París e Xapón, e en varias de Galicia e doutras rexións de España. En exposicións colectivas figurou a súa obra en Inglaterra numerosas veces. Recibiu premios en Estados Unidos, Inglaterra e España, concedido éste polo Ministerio de Asuntos Exteriores. Recentemente acadou o primeiro no certame Nelson Zúmel, de Lugo (1998). A súa pintura é do xénero abstracto e tamén se adica de xeito importante á escultura.

O mesmo día, pola mañá:

Sábado 21 de xullo: andaina por Lousame

Posted via email from Certo.gl, o xornal dixital de Barbanza e Noia

Ribeira: ata este domingo 22, "Mergúllate no Océano", divulgación marina na praza do Concello

Na inauguración estiveron o reitor da Universidade de Vigo xunto co alcalde ribeirense
A acción de divulgación científica do medio mariño componse de oito obradoiros

Ribeira.- 19 de xullo de 2012.- O alcalde, Manuel Ruíz, e o reitor da Universidade de Vigo, Salustiano Mato de la Iglesia, inauguraron hoxe, na praza do concello, o recinto divulgativo “Mergúllate no Océano”.

A exposición estará en Santa Uxía ata o día 22. Durante estes tres días os participantes poderán realizar coas súas propias mans sinxelos experimentos e descubrir cómo funcionan os océanos. O alcalde do Concello salientou a idoneidade da iniciativa “para que pequenos e maiores poidan achegarse a moitas das cuestións que ocorren no océano, como comprender as correntes ou saber a ónde se derivan as olas dun tsunami”.

Esta proposta divulgativa, dirixida a todas as idades, trata, segundo Salustiano Mato, de “destacar a importancia que para o progreso da humanidade ten o feito de coñecer e conservar os océanos”. A iniciativa está promovida polo Campus de Excelencia Internacional - Campus do Mar unha institución que “xunta a case 4.000 científicos e que se está convertendo na maior agrupación europea en torno á ciencia e tecnoloxía mariña”.

“Mergúllate no Océano” concíbese como un recinto expositivo duns douscentos metros cadrados de extensión no que, a través de oito obradoiros, descubriremos por exemplo de onde procede o peixe que comemos habitualmente, cómo funcionan as correntes mariñas ou a importancia que teñen as dunas. Os monitores, expertos en divulgación, buscan en cada unha das actividades, implicar ao público asistente e espertar a súa curiosidade plantexándolles pequenos retos para que, como fan día a día os investigadores, podan chegar a descubrir o funcionamento do mar e dos seres que o habitan.

Aqueles que queiran participar nesta experiencia recibirán á entrada un pasaporte que deberán ir selando en cada un dos obradoiros a medida que van completando as diferentes actividades propostas, que abranguen ámbitos tan variados como a Ecoloxía, a Bioloxía, a Oceanografía ou as tecnoloxías aplicadas ao medio mariño. Unha vez acaden todos os selos serán xa uns auténticos científicos mariños e poderán cambiar o seu pasaporte por un pequeno agasallo á saída.

Documentais

Un dos momentos estelares de “Mergúllate no Océano” terá lugar o día 20 de xullo ás 22.30 horas, tamén diante do Concello, coa proxección ao aire libre das películas documentais “Islas Atlánticas de Galicia” de RTVE e “O Mar das Cíes”, de José Irisarri, que nos permitirá mergullarnos a través dunha pantalla de cinema na costa de Galicia, e coñecer unha das máis ricas biodiversidades de todas as augas do planeta dun xeito nunca visto para nós.

Ribeira confórmase como a terceira parada desta acción que está a percorrer diferentes vilas galegas e portuguesas durante todo o verán e que forma parte do programa de divulgación científica do Campus do Mar, un proxecto promovido polas tres universidades de Galicia, o Consejo Superior de Investigaciones Científicas e o Instituto Español de Oceanografía e no que participan 23 universidades, centros e plataformas tecnolóxicas da Eurorrexión Galicia-Norte de Portugal con intereses na docencia e investigación mariña.

Hai eleccións e, outra vez, a Xunta a repartir bit.ly/MJV61g
— Xurxo Salgado (@xurxosalgado) July 19, 2012

El congreso vallado es una metáfora de las cárceles y los manicomios. ¿quienes son los de dentro y quienes los de fuera?
— Pedro Ruiz Cespedes (@ElPedroRuiz) July 19, 2012

El Congreso aprueba un tijeretazo de 65.000 millones de euros y Rajoy no está en el hemiciclo. Definitivamente #HayMásOpciones
— Equo (@Equo) July 19, 2012