Ribeira: o Bng denuncia a irresponsabilidade do goberno por permitir derrubos sen medidas de protección

2011-04-28-Análise amianto.pdf Download this file

O Bng aclara que a empresa que sae na imaxe non parece a responsable do derrubo, aparecendo só para valar o espazo cando xa o derrubo está case totalmente consumado.

Ribeira, 28 de abril de 2011. O BNG denuncia hoxe en nota de prensa "a irresponsabilidade do Goberno Municipal de Ribeira ao consentir a demolición dunha obra sen as debidas medidas legais de protección aos traballadores e á cidadanía e sen cumprir a normativa legal".
O edificio e solar da antiga Fábrica de Castiñeiras, hoxe patrimonio público "grazas á insistencia do BNG en Madrid e Ribeira, conta con materiais, como o fibrocemento, que contén amianto, material canceríxeno prohibido desde o 2002 e que debe ser manipulado por empresa autorizada e nas condicións de seguridade establecidas no Real Decreto 396/2006". O BNG de Ribeira ten demandado ao Goberno Municipal a adopción de medidas de protección deste espazo "polo perigo para a poboación que representaba a súa situación de deterioro e ruína. Pese ás nosas demandas o Goberno Local fixo oídos xordos consentindo chegar á situación actual na que materiais canceríxenos como o amianto estanse dispersando ao ambiente e trasladando á poboación un risco certo. Lembramos que o BNG confirmou mediante análise a presencia de amianto na variedade "crisotilo" e que a obra carece de autorización municipal".

Posted via email from Certo.gl, o xornal dixital de Barbanza e Noia

A Pobra do Caramiñal: así monologan e tiran da Lingua os rapaces do instituto da Pobra

<p>Tíralle 2011 n'A Pobra from xanocebreiro on Vimeo.</p>

Os gañadores da edición do "Tíralle da lingua" do IES de A Pobra do Caramiñal, Daniel Buceta e Ramón Chaves, en plena actuación.

Vía

Posted via email from Certo.gl, o xornal dixital de Barbanza e Noia

Dodro: a segunda parte da Primavera cultural comeza co roteiro "Pensa Nao" este venres 29 de abril

Dodro, 28 de abril de 2011. A Primavera cultural de Dodro segue ata o xoves 30 de xuño. A relación de actos é a seguinte:

VENRES, 29 de abril

ás 21.00 horas CASA DO REGADÍO, presentación da 2a Edición do Roteiro Pensa Nao e dos materiais de DIFUSIÓN: libro e dvd con Anxo Angueira.

Este acto ampliámosllo en:

• Dodro: roteiro "Pensa Nao", este venres presentación, o sábado percorrido efectivo

SÁBADO, 30 de abril

Ás 10.00 horas, no SOUTO DE MANSELLE, actividade de sendeirismo guiada: Roteiro Pensa Nao.

MÉRCORES, 4 de maio

ás 17.30 horas, no LOCAL SOCIOCULTURAL de LESTROBE: CONTACONTOS: “Encontros coa fantasía”.

MÉRCORES, 11 de maio

Ás 18.00 horas, no LOCAL SOCIOCULTURAL de IMO: CONTACONTOS con Títeres Cachirulo: “Bo rato cos ratos”.

XOVES, 30 de xuño

Ás 18:00 horas CONTACONTOS: “Os contos de Pablísimo”.  CASA DA CULTURA

Posted via email from Certo.gl, o xornal dixital de Barbanza e Noia

Noia: xa se pode ver en Youtube o "Cartafol do serán 2011" que organizou o Colectivo Sacou este mes

Noia, 28 de abril de 2011. Segundo nos informa un dos "Sacousos" noieses, o poeta Manuel Lópes Rodrigues, "xa están dispoñíbeis os videos do acto "Cartafol do serán 2011"; un nome que homenaxea a aqueles outros recitais que o Colectivo Sacou realizaba semanalmente na Casa da Cultura Avilés de Taramancos de Noia (Cartafol do serán). 

Nesta ocasión; Sacou e a Porta Verde do Sétimo Andar únense nunha fermosa velada...  que rematou con tapas e viños na Praza do Tapal". 

Todos os vídeos no blog de Manuel Lopes, aquí

Posted via email from Certo.gl, o xornal dixital de Barbanza e Noia

Noia, Muros, Padrón e Rianxo: a Xunta aprobou novas actuacións para as áreas de rehabilitación

22 para o casco histórico de Noia, 33 para Muros, 11 para Padrón e outras tantas para Rianxo.

Oficina de Rehabilitación de Noia, na rúa do Curro

Barbanza-Noia, 28 de abril de 2011.- Os veciños das localidades de Muros, Noia, Padrón e Rianxo contarán con máis axudas para a rehabilitación de vivendas e edificios ubicadas nas Áreas de Rehabilitación destas vilas. Na reunión do Consello da Xunta celebrada hoxe, o Executivo autonómico aprobou destinar unha nova partida de 11,2 millóns de euros ao financiamento de 1.750 actuacións nas áreas de rehabilitación integral existentes en Galicia, así como para a área de rehabilitación do Camiño de Santiago.

Neste bloque de novas actuacións inclúense 22 para o casco histórico de Noia, 33 para Muros, 11 para Padrón e outras tantas para Rianxo.

O Consello celebrado hoxe autorizou a sinatura dos correspondentes acordos no marco da Comisión Bilateral sobre Áreas de Rehabilitación Integral de Galicia, formada pola Xunta e o Estado e na que tamén participan os concellos que contan con ARI.

A partida autorizada hoxe engádese aos 14,2 millóns de euros que se están a executar na actualidade para financiar máis de 3.000 rehabilitacións, polo que nestes momentos a Xunta ten mobilizados mais de 25 millóns de euros de fondos propios que posibilitarán unhas 4.800 accións de rehabilitación. As 1.750 actuacións autorizadas hoxe, así como as obras de urbanización e reurbanización que poidan realizar os concellos que teñen áreas de rehabilitación declaradas, recibirán da Xunta de Galicia subvencións de ata 10.785.000 de euros.

En execución están na actualidade 84 convenios en 33 concellos. Estas 84 convenios prevén a actuación sobre un total de 3.036 vivendas, estando xa rematadas as actuacións nun total de 1.084 vivendas.

Axudas á rehabilitación

O Plan de Vivenda establece tres tipos de áreas de rehabilitación:
- Áreas de rehabilitación situadas en zonas urbanas pero fóra dos cascos históricos
- Áreas de rehabilitación en conxuntos históricos, que son a meirande parte das galegas.
- Áreas de rehabilitación en núcleos rurais.
Os propietarios de edificios e vivendas emprazados nas áreas de rehabilitación, cunha antigüidade superior a 10 anos e destinados a residencia habitual e permanente do propietario ou ao alugueiro, poden acceder a axudas de ata 11.600 euros por actuación. Nas áreas de rehabilitación emprazadas en conxuntos históricos ou núcleos rurais a subvención pode acadar o 75 por cento do presuposto, co límite indicado de 11.600 euros. Nas restantes áreas, nas que non existen os condicionantes das zonas históricas e rurais, a porcentaxe da subvención pode ser dun máximo do 65 por cento do orzamento, cun límite de 10.500 euros.

Ademais, poderase acceder a un préstamo, sen subsidiación, a un prazo máximo de 15 anos, con 3 de carencia.
Nos casos de áreas de rehabilitación emprazadas en conxuntos históricos, as axudas da área serán compatibles con outras axudas de rehabilitación en conxuntos históricos que financia en exclusiva a Xunta de Galicia. O mesmo sucederá coas áreas de rehabilitación en núcleos rurais, cuxas axudas serán compatibles coas de rehabilitación rural. Estas axudas de rehabilitación en conxuntos históricos e as de rehabilitación rural acadan o 50 por cento do orzamento. Sumadas as axudas da área de rehabilitación e de conxuntos históricos poden acadar como máximo o 75 do orzamento.

Axudas á urbanización para os concellos

Doutra banda, os concellos poderán acceder a subvencións para a realización de obras de urbanización e reurbanización no ámbito das áreas de rehabilitación. Nas áreas de rehabilitación emprazadas en conxuntos históricos e núcleos rurais esta subvención pode acadar o 60 por cento do presuposto das obras, sempre que o importe da subvención para urbanización e reurbanización non supere o 60 por cento do importe total de subvencións destinadas a rehabilitación de edificios e vivendas.
Nas restantes áreas de rehabilitación o importe das subvencións será como máximo do 40 por cento, sempre que o importe da subvención para urbanización e reurbanización non supere o 40 por cento do importe total de subvencións destinadas a rehabilitación de edificios e vivendas.

Posted via email from Certo.gl, o xornal dixital de Barbanza e Noia

A Pobra do Caramiñal: sacan a concurso a instalación dunha gasolineira no porto

A Pobra, 28 de abril de 2011.- O Diario Oficial de Galicia (DOG) recolle o 26 de abril o anuncio da licitación da concesión para a instalación dunha estación surtidora de combustible para embarcacións e vehículos no porto coruñés da Pobra do Caramiñal. O concurso aberto derivará na elección da mellor oferta para a construción e explotación desta instalación.

O prazo da concesión é de 25 anos prorrogables ata 30 e a presentación de ofertas por parte dos licitadores rematará transcurridos 30 días hábiles dende mañá. Pese a que este tipo de dotación e actividade non requiren a súa tramitación como procedemento aberto, Portos de Galicia opta pola convocatoria dun concurso público a fin de posibilitar a presentación do maior número de ofertas, de xeito que se garanta unha maior transparencia e calidade das propostas.

O surtidor de combustible instalarase nunha zona ata o momento residual, que agora se porá en valor grazas a esta actividade, que prestará servizo aos usuarios do porto. No lugar elixido para a instalación prolongouse a escollera en dirección ao peirao actual, regularizando unha explanada que xa existía e baixo a que non se atopaba lámina de auga, senón escollera.

Sen noticias do surtidor de Rianxo (será que goberna o Psoe?):

Gasoliñeira do mar: seis meses perdidos

Posted via email from Certo.gl, o xornal dixital de Barbanza e Noia

Rianxo: arranxos no edificio de Servizos Náuticos para ampliar instalacións do club de piragüismo

Rianxo, 28 de abril de 2011.- Portos de Galicia comezará nos próximos días a execución das obras de mellora do edificio de servizos náuticos de Rianxo, que ocupa o club de piragüismo deste municipio coruñés. En concreto, a actuación consistirá na ampliación das instalacións, a través dunha nave anexa; a ampliación das instalacións do ximnasio; melloras para a zona de vestiarios e o interior da nave, así como a remodelación do seu exterior. O orzamento desta obra é de 52.411 euros e Portos de Galicia prevé un prazo de execución aproximado de dous meses.

No que respecta á ampliación das instalacións, a nova nave anexa empregarase como almacén de piraguas, ubicado no costado oeste da actual edificación. O ximnasio do clube ampliarase nuns 50 metros cuadrados, de xeito simétrico ao existente. Na zona de vestiarios executaranse melloras como o repicado do pavimento de baldosa existente e o solado de baldosa de gres, alicatado, reforzo da instalación eléctrica, e instalación de novas portas de acceso, tanto aos vestiarios, como aos aseos.

En canto ao interior da nave, tamén verá renovado o solado, con baldosa de gres; colocarase unha porta metálica de peche da zona de instalacións; reforzarase o suministro eléctrico con seis nova luminarias, e instalarase un novo termo eléctrico, entre outras reparacións. Finalmente, no exterior da nave, impermabilizaranse a cuberta e a fachada e acondicionaranse vidros e remates.

Posted via email from Certo.gl, o xornal dixital de Barbanza e Noia

Ribeira: cortes na autovía do Barbanza en Palmeira e Ribeira para cambiar carteis este venres 29 de abril pola mañá

Ribeira, 28 de abril de 2011- A Consellería de Medio Ambiente, Territorio e Infraestruturas realizará mañá cortes de carrís na autovía do Barbanza (AG-11), á altura dos enlaces de Palmeira e Ribeira, entre as 9.30 e as 12.30 horas co fin de realizar modificacións na cartelería.

No enlace de Palmeira (pk 38) en dirección Ribeira, incluirase un pictograma de porto industrial e o texto de "porto de Ribeira" en tres sinais situadas na calzada e en cinco sinais ubicadas fóra da calzada. Para a execución destes traballos, realizarase un corte de carril dereito entre o pk 35+800 e 37+650 na calzada dereita, dende as 9.30 ata as 11.00 horas.

No enlace de Ribeira, na saída da autovía, engadirase o destino "Porto do Son" na bandeirola situada no pk 39+910 en dirección Ribeira e nun cartel frecha na glorieta de Xarás. Estes traballos, que se levarán a cabo entre as 11.30 e as 12.30 horas, precisan dun corte de carril entre os pk 39+350 e 39+950 en dirección Ribeira. Trátase dunha zona de calzada única e cun único carril por sentido, polo tanto darase paso alternativo aos usuarios da vía mediante dous sinalistas.

Posted via email from Certo.gl, o xornal dixital de Barbanza e Noia

Ribeira: a cuarta fase de "A túa pegada en San Roque" encherá de piñeiros mansos unha parcela, que será repoboada por 350 escolares

Imaxe dunha das fases anteriores

Ribeira, 28 de abril de 2011.- O Concello anunciou hoxe o desenvolvemento durante os meses de maio e xuño da cuarta fase do proxecto “A túa pegada en San Roque”, que, proseguindo o labor iniciado na convocatoria do ano pasado, vai seguir repoboando con piñeiros mansos unha parcela forestal do propio parque queimada durante a vaga de incendios do verán do 2006. 

O concelleiro de Turismo, Vicente García, foi quen presentou o proxecto na compaña dos técnicos municipais de Turismo e Xuventude, Sandra Fernández e Mario Vidal, respectivamente. 

Cabe lembrar “A túa pegada en San Roque” é un proxecto educativo e medioambiental que xurde co afán de recuperar e promocionar o patrimonio artístico, histórico, cultural e natural. Nas súas anteriores fases este proxecto contou con máis de 1.000 rapaces implicados, pertencentes a 5º e 6º de Primaria. 

Nesta ocasión, proséguese nestes obxectivos deseñando un conxunto de actividades interactivas de carácter formativo, educativo, cultural e lúdico. O proxecto, que é gratuíto, está dirixido aos once centros públicos e concertados existentes no concello riveirense, estimándose en máis de 350 o número de nenos que visitarán o parque a través de 13 xornadas (unha por colexio agás o Galaxia e o Grupo, que traerán dous grupos diferentes). 

Cada grupo de alumnos que acuda ao parque comezará o día cunha breve introdución na que se explicará en que vai consistir a xornada para efectuar a continuación unha visita guiada á exposición arqueolóxica Megalitismo, Idade de Bronce e Idade de Ferro. Acto seguido, os rapaces farán unha plantación na parcela indicada anteriormente. Tras un descanso merenda, coñecerán as árbores e follas de San Roque co apoio de guías e cadernos de campo. Tras un período de lecer con xogos e cancións, farán unha breve avaliación da xornada desenvolvida. 

En principio, as actividades darán comezo ás 9.30 horas e rematarán ás 13.30 horas, aínda que este horario se adaptará ás necesidades específicas de cada centro educativo. 
 

Posted via email from Certo.gl, o xornal dixital de Barbanza e Noia

Ribeira: "O Terceiro I", proxecto interxeneracional de intervención socioeducativa na Rede, preséntase este venres 29

Ribeira, 28 de abril de 2011.  A Aula Multimedia será escenario mañá venres 29 de abril, ás 12 do mediodía, da presentación do proxecto interxeracional de intervención socieducativa comunitaria a través de Internet, “O terceiro í” (www.oterceiroi.com) promovido e coordinado polo Departamento de Servizos Sociais da Concellería de Igualdade, Acción Social, Maiores e Dependencia.

O acto contará coa participación de Esther Patiño, concelleira de Acción Social; Francisca Vidal, xefa de servizo do Departamento de Servizos Sociais; e Santiago Páramo, coordinador do proxecto.

Posted via email from Certo.gl, o xornal dixital de Barbanza e Noia

Noia: o Psoe esixe á Xunta a escola infantil para a que recibiu fondos do Estado en 2009 e 2010

A Galiña Azul de Dodro, un concello con ben menos habitantes que Noia (pouco máis de 3.000 fronte a máis de 15.000)

Noia, 28 de abril de 2011. O deputado socialista Lage Tuñas preguntou hoxe na comisión 5ª do Parlamento se o goberno galego tiña pensado construir en 2011 a escola infantil prevista dende o 2008. Segundo o deputado noiés, ”o goberno practica o escapismo de forma permanente e négase a decirnos se ten pensado construir unha escola infantil en Noia, que é unha demanda de moitas familias e un equipamento social necesario”.

Recordou tamén que “Noia é dos poucos concellos de Galicia de máis de 15.000 habitantes que non conta cunha escola infantil, e Feijóo en 2 anos non fixo absolutamente nada, máis ben desfixo”.

60832-POC Escola Infantil Noia-Febreiro 2011 (I).pdf Download this file

BOE-A-2009-4575.pdf-Convenio Xunta-Estado para financiar construcción escuela infantil-Noia-enero 2009.pdf Download this file

Posted via email from Certo.gl, o xornal dixital de Barbanza e Noia

Ribeira: "Carreira ante as municipais", mesa redonda este venres 29 cos alcaldables dos catro partidos

Ribeira, 28 de abril de 2011. A Asociación de Veciños de Carreira organiza este vindeiro venres unha mesa redonda co título “Carreira ante as municipais”.

O acto terá lugar o vindeiro venres (29 de abril), na Casa de Cultura carreirense, a partir das 21.00 horas, e teñen previsto contar coa presencia dos “cabezas de lista” dos catro partidos con presencia municipal no concello ribeirense: BNG-IPR-PSOE-PP.

Os asistentes poderán coñecer de primeira man tanto as avaliacións dos distintos grupos sobre a lexislalura que está a punto de rematar, como dos seus proxectos para a vindeira, e mesmo poderán trasladarlle as súas preguntas ós candidatos sobre aquelas cuestións tanto de índole municipal como parroquia

Pode que tamén lle interese:

Rianxo: Leiras convoca a veciños e políticos para falar do futuro do rural este sábado 30

Posted via email from Certo.gl, o xornal dixital de Barbanza e Noia

Deportes: Mudegá denuncia discriminación sexista da Federación Mundial de Badmington por obrigar a usar saia ás mulleres

Esta nena non podería xogar así, segundo a Federación Mundial de Badmington. Flickr de Luís Fernando Oliveira

Barbanza-Noia, 28 de abril de 2011. A asociación de Mulleres Deportistas Galegas (Mudegá) manifesta total desacordo sobre a obrigación de usar saia como única opcción de vestimenta que lles impoñen ás súas deportistas femininas dende a Federación Mundial de Badminton. Segundo Mudegá, esta federación prohibe ás xogadoras levar pantalóns e teñen que xogar con saia para “asegurar unha atractiva presentación”.
 
"Entendemos que unha deportista ten que competir coa vestimenta que lle resulte máis cómoda. Este é un tema tan incrible como desagradable, é un acto de discriminación sexista que como mulleres non debemos permitir", manifestou Pilar Neira, presidenta de Mudegá.
 
Opinión de Mudegá sobre o asunto:

Por que unha saia fai atractivo un deporte?   

Antes, unha muller, non dispuña do seu corpo para si, debía dedicalo á maternidade xa que este era precisamente o único papel que a sociedade tíñalle reservado  

Tradicionalmente a muller foi excluída da práctica deportiva xa que non encaixaba co seu rol de xénero.  

Evidentemente, aínda queda moito para que o deporte masculino e feminino sexan equiparables, tanto a nivel humano como a nivel económico, O acceso das mulleres ao ámbito deportivo foi tardío e segue estando cheo de dificultades   

O bádminton é  un deporte de raqueta no que se enfrontan dous/dúas xogadores/as (individuais) ou dúas parellas (dobres).   

A diferenza doutros deportes de raqueta, no bádminton non se xoga con pelota, senón cun proxectil con plumas inseridas chamado volante ou pluma  

E tamén a diferenza doutros deportes, onte atopámonos coa desagradable sorpresa de que a Federación Mundial de Bádminton prohibe ás xogadoras levar pantalóns. Teñen que xogar con saia para “asegurar unha atractiva presentación” “para manter a estética do deporte”. Se queren, poden levar pantalón curto, pero debaixo da saia.    
 

En Mudegá, entendemos que isto golpe á nosa dignidade.  Queremos que se nos valore polo noso traballo, polo noso esforzo,polas nosas condicións como deportistas, baixo ningún concepto podemos permitir a obrigación de saír a un terreo de xogo, con saia, por entender que á vista dos seareiros ofrecemos unha mellor imaxe. Entendemos que estamos ante un caso grave de discriminación, e queremos manifestar o noso total desacordo ante esta decisión da Federación Mundial de Bádminton.

Posted via email from Certo.gl, o xornal dixital de Barbanza e Noia

Ribeira: o alcaldable do PP propón un lobby local do mar para defender este sector

Ribeira, 28 de abril de 2011. O candidato á alcaldía polo Partido Popular, Manuel Ruiz Rivas, comprométese á creación dun Consello Local de Pesca no que estean integrados todos os sectores vinculados directa ou indirectamente á actividade pesqueira en Ribeira, para gañar así peso específico e defender de forma conxunta e coordinada os seus intereses, con máis forza ante as distintas institucións. 

En opinión do candidato, este Consello debe actuar como un verdadeiro lobby que, por unha parte, defenda os intereses da flota de baixura máis importante que hai en Galicia e as súas actividades afíns e, por outra, sirva de órgano asesor para a confección do Plan Estratéxico Portuario de Santa Uxía, que propón Ruiz Rivas co obxecto de definir os usos da infraestrutura portuaria, pero tamén para concretar as fórmulas adecuadas que potencien e poñan en valor o porto no seu conxunto. 

Potencial da Nova Lonxa

Imaxe virtual: a saber cando estará a auténtica

A este respecto, Manuel Ruiz argumenta que os 17.000 metros cadrados de superficie da Nova Lonxa, sumados aos equipamentos de tecnoloxía punta de que vai dispor a instalación, van permitir captar novas flotas como a de altura, novas especies e tamén peixes conxelados. E se a isto se engade que cada persoa que traballa na actividade extractiva produce un mínimo de tres empregos indirectos, o candidato avoga polo establecemento de estratexias dirixidas á potenciación da venta en lonxa, co fin de xerar novas economías, novas sinerxías e novos postos de traballo, e con independencia de se as flotas operantes son de Riveira ou non. 

Na defensa da súa proposta, Ruiz Rivas lembra o acontecido nos portos de Celeiro e de Vigo, onde a unión dos axentes propiciou o desenvolvemento de fórmulas de actuación conxunta e única, con óptimos resultados. 

O candidato afirma que no caso de que os veciños lle outorguen a súa confianza o 22 de maio, este Consello Consultivo vai ser presidido directamente polo alcalde, e que a promoción económica do sector pesqueiro será un dos eixos básicos da súa acción de goberno xunto co industrial e o turístico.

Posted via email from Certo.gl, o xornal dixital de Barbanza e Noia

Ribeira: o 19 de maio, xornada informativa acerca da reforma laboral e as bonificacións en contratos

Ribeira, 28 de abril de 2011. O Concello, a Antena Local de Boiro da Cámara de Comercio de Santiago e o Centro Empresarial da Construción do Barbanza organizan para o día 19 de maio unha xornada informativa sobre “A Reforma Laboral e As Bonificacións nos Contratos”. 

A actividade terá  lugar ás 20.30 horas no local social do CECB (sito na rúa Mariño de Rivera, 11). 

O programa abordará  os seguintes temas: 

• Tipos de contratos despois da reforma laboral
• Outros aspectos da reforma laboral
• Tipos de contratos bonificados despois da reforma laboral
• Características que debe cumprir un contrato laboral

Para máis información e inscricións, hai que dirixirse á Oficina de Desenvolvemento Local situada na Casa do Concello  (Tel.: 981 835 417, fax: 981871 610, correo electrónico: emprego@riveira.com).

 

Posted via email from Certo.gl, o xornal dixital de Barbanza e Noia

Rianxo: o 1 de maio adícase ás xentes do mar cun concerto e unha misa con posterior ofrenda floral

cartel1maio2011.pdf Download this file

Rianxo, 28 de abril de 2011. O próximo domingo a Área de Educación e Cultura do Concello de Rianxo xunto coa Confraría de Pescadores "Virxe do Carme" de Rianxo organizan unha serie de actos para conmemorar o 1º de maio, Día da Xente do Mar.

Os actos consisten en:

• 12:00 h. Auditorio de Rianxo. Concerto conmemorativo do VIII Aniversario da Banda da Escola de Música de Rianxo. O concerto "O MAR FEITO MÚSICA" estará dedicado ao mar e ás súas xentes.
  

• 13:15 h. Capela de San Bartolomeu. Misa Cantada polo Coro Sta. Columba na Capela de San Bartolomeu e posterior Ofrenda Floral (no mar e nos monumentos aos afogados e ás xentes do mar sitos no Parque Galicia)

Posted via email from Certo.gl, o xornal dixital de Barbanza e Noia

Rianxo: o VIII aniversario da banda da Escola de Música adícase o 1 de maio ás xentes do mar

No concerto estréanse dúas obras de Antón Alcalde, unha delas adicada ao alemán de Camelle, que morreu de pena pola catástrofe do Prestige

Rianxo, 28 de abril de 2011. A Escola de Música de Rianxo comprácese en convidar a todo o mundo ao Concerto de VIII Aniversario da Banda. Terá lugar o domingo 1 de maio ás 12:00h no Auditorio rianxeiro. Nesta ocasión, o concerto estará dedicado ao mar e ás súas xentes.

O programa do concerto "O MAR FEITO MÚSICA" será:

-Lembranzas do Mar (Antón Alcalde).
-Elexía Mariñeira* (Antón Alcalde).
-A Tormenta Perfecta (James Horner).
-Man, o ermitán de Camelle* (Antón Alcalde).
-Songs of the sailor and the sea (Cancións do Mariñeiro e o Mar)(Robert W. Smith).
-A Manuela,a xeiteira invencible (Antón Alcalde).

*Estreas absolutas.

Posted via email from Certo.gl, o xornal dixital de Barbanza e Noia

A Pobra: veciños de Vigo achegáronse ao Museo e figura de Valle

A Pobra, 28 de abril de 2011. Un grupo de 30 persoas chegaron desde terras viguesas o martes 26 pola tarde ata as instalacións do Museo Valle-Inclán da Pobra do Caramiñal, onde foron recibidos ás 17:30 horas pola técnica Begoña Olveira Sanisidro para ser conducidos polas distintas dependencias do edificio e achegalos á figura de Valle-Inclán e maila súa obra.
Trátase dun grupo de veciñas que, para conmemorar o remate dun dos numerosos cursos que organizan ao longo do ano, decidiron coñecer máis sobre este rincón barbanzano, os seus personaxes máis destacados e os seus lugares máis emblemáticos, polo que ó saír da Torre de Bermúdez, colleron camiño cara á igrexa de Santiago do Deán, xoia do gótico mariñeiro de Galicia e casa do Divino Nazareno.

See the full gallery on Posterous

Posted via email from Certo.gl, o xornal dixital de Barbanza e Noia

Ribeira: "Mentes libres, corazones abiertos", con el instituto Número 1 en el programa Comenius

COMENIUS Ribeira.pdf Download this file

Posted via email from Certo.gl, o xornal dixital de Barbanza e Noia