16.3.12

Cinema: o boirense Toño Chouza gañou o primeiro premio na categoría de Microfilms do Festival Europeu de Curtmetratges de Cambrils

<p>Seule from Toño Chouza on Vimeo.</p>

Boiro, 16 de marzo de 2012. Suma e segue. Imparable. O cineasta boirense Toño Chouza vén de levar un novo recoñecemento por un traballo cinematográfico, Seule, que presentou á XIV Edición do Festival Europeu de Curtmetratges de Cambrils (Catalunya). No apartado de Microfilms acadou o primeiro premio, polo que gañou 1.000 euros.

Blog de Toño Chouza: http://disparodenieve.blogia.com/

Posted via email from Certo.gl, o xornal dixital de Barbanza e Noia

Porto do Son: a XII edición da Confraternidade de Maiores, con misa e xantar, será o 1 de maio

Ribeira: máis dun cento de rapaces e veciños ollaron unha exhibición de breakdance

  •  Tivo lugar na pista multideporte "Irmáns Parada Alvite"

Ribeira, 16 de marzo de 2012.- Máis dun cento de persoas, principalmente alumnos do Colexio Galaxia pero tamén viandantes e curiosos que quixeron disfrutar da actuación, asistiron esta mañá á exhibición de breakdance que, a instancias da Concellería de Xuventude, tivo lugar na Pista Multideporte “Irmáns Parada Alvite”, en Abesadas.

O instrutor Ramón Gey e dous dos seus alumnos pertencentes á asociación Vella Escola deleitaron ao público coas súas acrobacias ao son da música e entre as ovacións dos congregados.

Esta acción tivo por obxecto fomentar, por unha parte, o uso e disfrute entre a xuventude das instalacións públicas municipais e, por outra, achegar a disciplina do breakdance aos máis novos, promovendo os seus moitos beneficios relacionados coa saúde e o desenvolvemento das capacidades físicas e psíquicas das persoas.





Posted via email from Certo.gl, o xornal dixital de Barbanza e Noia

Rianxo: programación cultural deste mes de marzo

Natureza: ADEGA, FEG e a SGHN piden a suspensión da tempada de pesca pola gran seca actual

  • Advirten dos riscos de que a explotación dos ríos dende este domingo cause graves danos na poboación piscícola e nos ecosistemas fluviais
  • Acusan á Xunta de pasividade e de "pechar os ollos á realidade"

 
Daaeabdj


 

Barbanza e Noia, 17 de marzo de 2012.  Este domingo 18 de marzo está previsto o inicio da tempada de pesca segundo o establecido na orde do 28 de decembro de 2011, pola que se establecen as normas de pesca nas augas continentais de Galicia durante a tempada 2012 (DOG nº 12 do 18/01/2012 e corrección de erros DOG nº 33 do 16/02/2012).

A información subministrada polos distintos organismos con competencias en materia de augas (Augas de Galicia, Confederación Miño-Sil e Confederación do Cantábrico) coinciden en sinalar que estamos en mínimos históricos para o presente mes con respecto aos caudais da maioría dos ríos galegos. Esta situación é derivada dun período con precipitacións por baixo da media dende a primavera de 2011, o que segundo datos da propia Meteo Galicia sitúanos nunha situación de seca.


Media_httpadegainfoin_anujd

En Adega teñen un programa chamado "Custodia fluvial" que vela polos recursos dos ríos


Segundo estas tres entidades, "os efectos desta seca sobre os ecosistemas acuáticos e as especies piscícolas (que se atopan nunha situación de estrés) verase incrementado coa pesca, o que pode comprometer o futuro de moitas poboacións da fauna e flora ligadas aos nosos ríos nun escenario de afluencia masiva de pescadores (comezo de tempada) e reducido espazo para a vida acuática (caudais baixos). A isto temos que engadir que pescar nesta situación de seca pode comprometer o reclutamento (as incorporacións de novos peixes) de moitas das especies piscícolas, especialmente os salmónidos (troita, reo e salmón), pola maior captura de reprodutores e destrucción de zonas de reproducción (frezadoiros)".

As asociacións conservacionistas consideran que ante esta situación "o goberno galego está a facer ouvidos xordos ás distintas voces que recomendan o retraso do comezo da tempada de pesca e negando a realidade meteorolóxica. Por esta deixadez de funcións ADEGA, a FEG (18 organizacións) e a SGHN instamos á Dirección Xeral de Conservación da Natureza a que reconsidere a súa decisión de continuar con normalidade a tempada de pesca e paralice o seu desenvolvemento até que se podan restablecer os caudais medios dos nosos ríos. Todo o contrario suporá poñer en risco os nosos ecosistemas fluviais e hipotecar o futuro da pesca en Galicia".


Asinan: ADEGA, FEG (integrada por ADEGA, ADENCO, APDR, Asemblea do Suido, Colectivo Ecoloxista do Salnés, Coto do Frade, Guerrilleiros das Fragas, G.N. Hábitat, Luita Verde, MEL, Naturviva, Néboa, Niño do Azor, Oureol, Vaipolorío, Verbo Xido, Verdegaia e Xevale) e a SGHN.

Posted via email from Certo.gl, o xornal dixital de Barbanza e Noia

Boiro: este sábado 17, primeiro acto de Boiroverde e V Bandeira de Bateis "Concello de Boiro"

Boiroverde_actos_17_marzo

Boiro, 16 de marzo de 2012. Boiroverde comeza este sábado 17 coa súa xeira de actos de sensibilización da cidadanía de cara ao medio ambiente. Na rúa peonil, dende as 12 do mediodía haberá actividades de reciclaxe.

Media_httpfarm5static_pjeax

Por outra banda, e xa en Cabo de Cruz, vai ter lugar a V Bandeira de Bateis "Concello de Boiro". Competirán sobre 70 equipos que arrexuntarán a uns 300 regatistas. Non sabemos que pasará, pero de cumprirse os pronósticos, o club anfitrión, o de Remo de Cabo de Cruz, pode que sexa de novo o gañador -logo de levarse as catro anteriores-. As probas comezan ás 16:15 e supoñen a oitava da liguiña previa do Campionato Galego, que se vai celebrar en abril.


Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical