30.12.11

Rianxo: martes 3 e mércores 4 de xaneiro, O Apalpador e os paxes dos Reis Magos fanse a competencia

Rianxo: o mércores 4 de xaneiro preséntase o último libro do noiés Ramón Carredano

Rianxo_libro_carredano

  • Con "ANACAONA. EL FIN DE UNA RAZA", o autor segue na xira de presentacións por estas bisbarras

Rianxo, 30 de Nadal de 2011. O vindeiro mércores día 4 de xaneiro, xa en 2012, ás 20.30 horas, terá lugar no Centro Sociocultural - Auditorio a presentación do libro "ANACAONA. EL FIN DE UNA RAZA", do autor Ramón Carredano Cobas. 

A presentación contará coa participación de: XOSÉ RICARDO LOSADA, Escritor rianxeiro, RAMÓN CARREDANO COBAS, Autor do libro e ADOLFO MUIÑOS SÁNCHEZ Alcalde de Rianxo. Monólogo a cargo da actriz ROSA CAAMAÑO.

Relacionado:


Ramón Carredano Cobas, por R. Torrado

Posted via email from Certo.gl, o xornal dixital de Barbanza e Noia

Boiro: Ámbar celebrou a súa festa de Fin de Ano nunha discoteca local

Boiro, 30 de Nadal de 2011. A tarde do pasado mércores 28 de decembro, Día dos Inocentes, persoal e usuarios do Centro Ocupacional e Centro de Día AMBAR vestíronse coas súas mellores galas para celebrar a festa de fin de ano nunha discoteca local de Boiro.

O pistoletazo de saída deuno un orixinal “photocall” preparado para a ocasión con palabras que evocan bos desexos para o aninovo, e polo cal foron pasando todas as persoas que ían chegando ao lugar de celebración a partir das cinco da tarde.

Posteriormente deu comezo a gala dirixida por un Xosé Ramón Gayoso, asombrosamente remocicado, e que foi presentando a tódolos convidados a este evento. Por alí pasaron estrelas da música española como Lucía Pérez e Isabel Pantoja, e persoaxes destacados do mundo do lixo televisivo, como Jorge Javier Vázquez e Belén Esteban.

Trala actuación dos imitadores, non faltaron o baile e as doce uvas da sorte, con badaladas incluídas que foron retransmitidas dende unha tele xigante preparada para a ocasión. A festa rematou cara ás dez da noite despois de recibir a visita do “Apalpador” (figura mítica das zonas do este de Galicia que segundo a tradición na noite do 24 ou 31 de decembro baixa a tocar o ventre dos nenos, por ver se están ben mantidos, deixándolles unha chea de castañas, ou agasallos e desexándolles que teñan un aninovo cheo de felicidade e comida). O Apalpador boirense foi repartindo agasallos e caramelos a tódolos asistentes, un por un.



Posted via email from Certo.gl, o xornal dixital de Barbanza e Noia

Ribeira: unha conferencia do profesor Losada Carregal no conservatorio puxo fin ao Ano Cunqueiro

Cunqueiro_conserv_28_12_11

  • “As mil primaveras de Cunqueiro” floreceron no salón de actos do conservatorio municipal 

Ribeira, 30 de decembro de 2011: A Concelleira de Educación do Concello de Ribeira, Mari Carmen Vizcaya Sampedro, acompañada da Técnica do Servizo de Normalización Lingüística, Alicia Padín, presentou o pasado día 28 de decembro a conferencia do profesor Santiago Losada Carregal, cadrando co peche do ano en que se conmemora o centenario do nacemento de D. Álvaro.

Esta tarde cunqueirá gozou ademais da colaboración dos profesores do Conservatorio Profesional de Música, Ángel Blanco Tomé, ao cello, e mais Luis Blanco Picos, ao piano, que abriron e pecharon o acto agasallando ao público cunhas pezas de inspiración tradicional. 

Actos celebrados polo centenario do bardo mindoniense

Ao longo deste 2011, en Ribeira, rendíuselle merecida homenaxe a Cunqueiro. O auditorio acolleu a posta en escena de Feirantes da compañía ArteEstudio, baseada nos Os outros feirantes do ano 79, e que lle valera o premio da Crítica Galega ao autor.  

Tamén no auditorio municipal, tivo lugar a estrea do filme Sinbad, baseado na obra Se o vello Sinbad volvese ás illas (1961). Parte dos exteriores da película rodáranse na primavera deste 2011 nas parroquias de Palmeira e Corrubedo, o que provocou uns días de rebumbio case festivo ante a posibilidade da presenza de actores tan coñecidos como Xosé Olveira “Pico”, Sinbad; Luis Castro Zahera (aquel inesquecible “Petróleo”) ou Antonio Durán “Morris”.  

No concorrido Ateneo Valle-Inclán, os intelectuais Manel Loureiro, Manel Jabois, Rodrigo Cota e Uxío Novoneyra, fillo do poeta do Courel, puxeron en común o seu coñecemento sobre o escritor mindoniense. 

Acabou Ribeira este ano do Centenario de Cunqueiro coa conferencia do profesor Losada Carregal, “As mil primaveras de Cunqueiro”, que fixo florecer nos maxíns do público asistente a marabilla do seu mundo literario. A excelsa narrativa, o seu teatro, a poesía neotrobadoresca, tan coñecida grazas á voz de Amancio Prada, ou a gastronomía que estudou e describiu con tanto acerto que son xa parte do noso acervo cultural. Son parte de Galicia: a razón e os soños de Cunqueiro.

Pode que tamén lle interese:



Posted via email from Certo.gl, o xornal dixital de Barbanza e Noia

Ribeira: a pachanga de fin de ano dos amigos do Señor José Fraga é este sábado 31 na Fieiteira

Boceto

Ribeira, 30 de Nadal de 2011. Este sábado, ás 12:00 do mediodía vaise botar a tradicional pachanga -é como o fútbol, pero a modiño- de fin de ano na Fieiteira, que este ano estará dedicado ao recentemente finado José Fraga.


Os equipos estarán nesta ocasión formados por xogadores nados nos anos 70 do século pasado vs. nacidos nos 80 (dese mesmo século, aínda que algún se conservara tan mal que pareza que é xa do XIX). Case todos os participantes son xogadores ou ex-xogadores dos equipos de Ribeira, capital de Barbanza, por moito que lle pese a Boiro.

Como é habitual, rematarán cun pincho e un brinde polo Aninovo, para ir quentando para a pantagruélica cea que se estila por estas bisbarras coa escusa de tomar unha ducia de uvas mentres se escoitan unhas badaladas.

Certo
O Xornal Dixital de Barbanza e Noia
OLLO!! PÁXINA DE SEAREIROS EN FACEBOOK: http://www.facebook.com/xornalcerto
ÚNETE!!

Posted via email from Certo.gl, o xornal dixital de Barbanza e Noia

29.12.11

Ribeira: aproban no Parlamento unha moción para evitar verteduras nos polígonos industriais do municipio

  •   Aprobouse tamén por unanimidade instar ao Goberno galego a acometer o saneamento integral do concello 
  • Marisol Soneira denunciou que a máxima de quen contamina paga está  a arruinar importantes proxectos dos sector do mar instalados en Couso e Xarás

Media_httpfarm2static_bsfxq

Ribeira , 29 de decembro de 2011. A comisión 2ª do Parlamento de Galicia vén de aprobar unha Proposición no de Lei dos Socialistas de Galicia, transacionada con nacionalistas e populares, pola que se insta á Xunta a que, con carácter de urxencia, estableza as medidas que fosen necesarias para garantir que as verteduras industriais procedentes das empresas asentadas nos polígonos de Couso e Xarás, no concello de Ribeira, non afecten negativamente ás actividades acuícolas nin aos bancos marisqueiros da zona, nin ao medio ambiente en xeral.  

A iniciativa require tamén do Goberno galego a que, con carácter de urxencia, acometa as accións que fosen necesarias para dotar ao concello de Ribeira dun saneamento integral que solucione, definitivamente, os problemas medio ambientais ocasionados polos vertidos urbanos. 

Marisol Soneira, deputada socialista encargada de defender a iniciativa, amosou a súa satisfacción polo acordo acadado, e puxo de manifesto a importancia do mesmo, por tratarse “dun problema endémico deste municipio, que no é calquera cousa”. Soneira lembrou que Ribeira é dos municipios importantes de Galicia, demográfica e economicamente e pola situación de cabeceira de comarca que detenta, e non parece razoable que a estas alturas este concello estea a verter á ría “a caño libre” todos os residuos urbanos e industriais.  

A parlamentaria socialista confesou que a iniciativa pretendía nun principio poñer solución aos problemas coas verteduras libres das empresas dos polígonos de Ribeira que afectan ás empresas pesqueiras, pero, “non temos ningún inconveniente en estender a petición ao Executivo galego para dotar de saneamento integral a todo o concello coruñés” aproveitando a súa tramitación na comisión de Medio Ambiente, en lugar de na de Pesca.  

Neste sentido, advertiu Marisol Soneira de dúas cuestións. Por unha banda, denunciou os “atrancos que o Concello de Ribeira –en alusión á anterior corporación- puxo sempre para que se puidera levar a cabo un saneamento integral dese concello”. 

Por outra recordou o anuncio do conselleiro Hernández -Medio Ambiente- dun acordo para ubicar o saneamento integral en Couso, pero a confraría de Aguiño non está de acordo nunha macro-depuradora, e prefiren unha solución compartida con outros puntos de Ribeira, “como por outra parte parece lóxico”. Soneira salientou a “enorme desconfianza” que as precedentes actuacións da Xunta suscita entre as confrarías.    

“QUEN CONTAMINA, PAGA” PODE ARRUINAR PROXECTOS MILLONARIOS NOS POLÍGONOS DE COUSO E XARÁS 

Na súa exposición de motivos, Marisol Soneira centrou a preocupación dos socialistas “no razoamento que nos da Xunta”, que asegurou nunha resposta a unha pregunta parlamentaria que a súa función se limita a prestar todo o apoio técnico e xurídico e administrativo que lle sexa requirido a fin de levar a bo termo as peticións de responsabilidade.  

Para a deputada socialista isto significa que a Administración que ten que garantir o cumprimento da lei e ten que defender a aqueles que se teñen instalado alí – nos polígonos de Ribeira citados- con proxectos acuícolas e marisqueiros interesantes e que están condenados ao fracaso ata que se resolva o asunto das verteduras e a contaminación, dilles que “como quen contamina paga, o que paga pode contaminar”. Porque “o que se está obrigando é ao prexudicado a que presente unha demanda nos tribunais, mentres a Xunta, en todo caso vai limitarse a labores de asesoramento”, afirma.  

Conclúe Soneira que dá a sensación de que “non temos unha Administración que protexa os nosos dereitos obxectivos, como é neste caso”.  Hai moitas empresas nestes polígonos que dependen da calidade das augas para a súa subsistencia e desenvolvemento, proxectos como os dos parquistas de Carril, de cultivo de rodaballo en terra, ou os bancos marisqueiros da confraría de Aguiño, “unha das entidades que teñen denunciado vertidos incontrolados”, apunta a deputada socialista. Entre as empresas denunciadas, destaca Marisol Soneira a “curiosidade de que unha é da que foi xerente un director xeral da Consellería do Mar, que, por certo, non tiña nin licencia de verteduras, sen embargo funciona e segue a verter”. 

O proxecto dos parquistas de Carril, para cría de ameixa, está parado desde fai un ano. Este proxecto, cun forte investimento europeo e da Xunta tivo que mandar ao paro aos seus investigadores e persoal porque “ao lado ten empresas que verten a caño libre”, recriminou Soneira.

Posted via email from Certo.gl, o xornal dixital de Barbanza e Noia

Noia e Ribeira: Renacer inicia unha fase da súa campaña de prevención sobre a venda de alcohol a menores na hostalería

Eu_non_vendo

Ribeira e Noia, 29 de Nadal de 2011. A Asociación Renacer, o Concello de Ribeira e o Concello de Noia están a poñer en marcha a primeira fase do "Proxecto Alcol" para sensibilizar á sociedade dos riscos do consumo abusivo de alcohol, especialmente en menores, e potenciala como axente preventivo nesta problemática. A través de medidas educativas, familiares e comunitarias de todos os sectores da sociedade poñeremos o noso esforzo para conseguir unha sociedade máis saudable.

A Xunta de Galicia promulgou a Lei 11/2010, do 17 de decembro, de prevención do consumo de bebidas alcohólicas en menores de idade. A mesma recolle entre os seus títulos: a prevención do consumo, as limitacións da oferta, os instrumentos de intervención para garantir as actuacións e as planificacións, coordinacións e a participación social.

A citada lei indica que unha das medidas que se mostra máis eficaz é diminuír a accesibilidade dos menores ás bebidas alcohólicas. Polo que, no capítulo II (Limitacións da oferta de bebidas alcohólicas aos menores de idade) limita a oferta de bebidas alcohólicas a menores: prohibindo a o consumo, a venda e a subministración a menores e obriga ós establecementos dispensadores de alcohol a informar sobre as limitacións á venda: Artigo 12º.-Limitacións ao consumo, venda e subministración e Artigo 14º.-Información sobre as limitacións.

Para potenciar e visibilizar o cumprimento da devandita norma estes días estamos achegando os locais dispensadores de alcohol (bares,pubs, cafeterías, restaurantes, tendas de alimentación, supermercados, gasolineiras) os carteis da campaña: "Eu non vendo alcohol a menores".

Ademais informáselles das actividades específicas para este colectivo que se desenvolverán no vindeiro ano. Estas serán de carácter gratuíto e serán levadas a cabo polos/as responsables do programa e profesionais de relevancia nas diferentes temáticas:

- Reparto de material: cartelaría obrigatoria e resumo da lei.

- Análise da situación de oferta e venda de bebidas alcohólicas.

- Charlas informativas sobre a Lei Galega 11/2010, do 17 de decembro, de prevención do consumo de bebidas alcohólicas en menores de idade.

- Seminario de venda responsable de alcohol.

Agradecen a colaboración e interese no desenvolvemento da campaña ós establecentos dispensadores de alcohol e á poboación, en xeral. É responsabilidade de todos/as actuar para protexer á mocidade das consecuencias negativas que o consumo abusivo de alcohol leva consigo.


Teñen páxina en Facebook, faite seareiro premendo aquí!

Tamén hai unha bitácora sobre o asunto:
http://proxectoalcol.blogspot.com/


Posted via email from Certo.gl, o xornal dixital de Barbanza e Noia

A Pobra: Novas Xeracións colaborou na campaña de Cáritas "Ningún neno sen xoguete"

A Pobra, 29 de Nadal de 2011. Segundo informou onte Eloy Sobrido, presidente de Novas Xeracións do Partido Popular da Pobra, voltaron dende esta agrupación política xuvenil a renovar o seu compromiso con Cáritas e colaboraron por segundo ano consecutivo na campaña "Ningún neno sen xoguete", na cal recadaron un bo número de entretementos infantís novos e seminovos.

Os xoguetes foron entregados onte, Día dos Inocentes, á presidenta de Cáritas da Pobra, Turi, quen se amosou feliz polo apoio constante de Novas Xeracións a esta causa.



Posted via email from Certo.gl, o xornal dixital de Barbanza e Noia

28.12.11

Boiro: Aturuxo! organiza unha Mostra de Curtametraxes este xoves 29 e venres 30

Cartaz_curtas

Boiro, 28 de Nadal de 2011. Aturuxo! convida a todo o mundo á MOSTRA DE CURTAMETRAXES, que se celebrará en ATURUXO (R/ Principal nº118 Boiro) o xoves 29 e venres 30 a partir das 21 horas. Contarán con xente que participou da produción das curtas e haberá algunha sorpresa.

A mostra comezará o xoves 29 de Decembro e continuará o venres 30 a partir das 21:00. 

Aturuxo!, con esta actividade, quere por en relevo a producción galega no eido audiovisual, neste caso a través de diferentes curtametraxes.  "En Galicia existen centos de creadoras e creadores que carecen de medios e espazos para a difusión da súa obra. Ao mesmo tempo que se tiran ao lixo millóns de euros en proxectos supostamente culturais como a Cidade da ‘’Cultura’’, espazo baleiro que pretenden encher espoliando a cultura do país para encerrala nunha cidade sen vida. Con esta Mostra de Curtametraxes queremos por o noso gran de area facilitando un espazo onde poder desfrutar do noso audiovisual, que é moito e de moi boa calidade", argumenta a mocidade que constitúe esta agrupación cultural boirense.

Pasaranse as seguintes curtas:

- O Cheque - Dirección de Estevo Silva (Dur. 25 min Ano 2008)

- Es hora - Dirección de Toño Chouza voz en off Carolina Villafruela, fotografía Gema Briones, música Ethan Roses. Selección finalista Notodofilmfest. (Dur. 4 min Ano 2010)

- A consulta do Doutor Natalio - Javi Camino, proxectada fóra de concurso no Curtocircuíto (Santiago de Compostela 2004). Seleccionada nos Festivais de Sitges 2004 (sec. Brigadoon), no Festival Horror Independent Horror Fiesta (Barsowia, Polonia 2004) e no Festival Fusiónica 6.0 (Vallés Oriental, Barcelona 2004). Finalista no Festival CineCulpable 2004 (Castellón). (Dur.12 min. Ano 2004) 

- Bird Boy - Unha curtametraxe de animación dirirido por Alberto Vázquez e Pedro Rivero.Baseado en "Psiconautas", unha banda deseñada de Alberto Vázquez. (Dur. 12 min Ano 2010)

- Instalación -Unha curtametraxe de Canle 4 (Ciclo de Produción de Audiovisuais, Radio e Espectáculos do CIFP A Farixa) con dirección de José Díaz e guión de Jacobo Paz, José Díaz e Antón Coucheiro (Dur.14min. Ano 2010) 
----------------


ADEMÁIS: durante a Mostra contarase coas mellores tapas do cheff Daniel Tubío. 

Máis información en:

http://aturuxa.blogspot.com/

Posted via email from Certo.gl, o xornal dixital de Barbanza e Noia

Arte: o III Premio Atlante de Gravado foi para un sevillano, un xaponés, un madrileño e un barcelonés

  • Arredor de 200 traballos de 16 países distintos compareceron ao certame

Artes, Ribeira, 28 de Nadal de 2011.- No día de hoxe tivo lugar o acto no que se fixeron públicos os gañadores da terceira edición dos Premios Atlante.

Alfonso Costas informou como voceiro do xurado que o número de obras presentadas rondaron as 200 procedendo de 16 países e resaltou a calidade imperante nas mesmas.

Os gañadores foron:

I Premio Ramiro Carregal: Manuel Moreno Morales, de Sevilla (http://www.manuelmorenomorales.com)

Tres premios Atlante: Yuko Yamada -Xapón-

Ramiro de Undabeytia -Madrid-

Justo Antonio Heras -Barcelona-.

Cada un destes catro galardóns están dotados cun premio en metálico de 2.500 euros cada un.

Premio Barbanza/Ría de Arousa: Sandra González Caamaño, de Noia, agraciada con 1.400 euros. 

Finalistas:

Hugo Besard -Bélxica-
Micaela Trocello -Arxentina-
Turmi Sassaki -Brasil-

Finalistas Barbanza/Ría de Arousa: Ana Cambeiro e Encarna Méndez, ambas de Noia.

No Museo do Gravado á  Estampa Dixital localizado na parroquia riveinrese de Artes déronse cita ademais de Ruiz Rivas, que exerceu hoxe por primeira vez de Presidente da Fundación, Jorge Expósito, vicepresidente da fundación e alma máter da entidade, xunto cos membros do xurado encargados de escoller aos premiados: o pintor noiés Alfonso Costa, o director da Biblioteca de Galicia, Daniel Buján, o pintor ribeirense Manuel Ayaso e os catedráticos da USC José Manuel López e Juan M. Monterroso.

Costa Rica

Ruiz Rivas manifestou que a exposición dos gravados galardoados terá lugar ou ben a principios de marzo ou ben xa en abril, pois a organización desta mostra está supeditada ás necesidades doutra exposición que se vai realizar en Costa Rica a instancias do goberno deste país, ao que viaxará a colección de Los Desastres de la Guerra de Goya para ser exhibidos a partir do 16 de marzo e por o prazo dun mes e medio. 

Por outra parte, o rexedor riveirense salientou a importancia que para Ribeira ten o feito de contar dentro do seu termo municipal cun museo da importancia do do gravado, que acubilla nos seus fondos máis de 26.000 obras.  

A este respecto, afirmou que dende o Concello vanse  dar os pasos necesarios para conseguir que o museo continúe vivo a través da sinatura dun convenio de colaboración que incida nos gastos de persoal e mantemento da infraestrutura, e manifestou o interese existente tamén por parte doutras administracións como a Xunta ou a propia Diputación, entidade provincial esta última que destinará 20.000 euros para sufragar as actividades do museo ademais de promover dúas actividades.


Posted via email from Certo.gl, o xornal dixital de Barbanza e Noia

Rianxo: el Distribunosa Xadrez participó en el Campeonato de España de Ajedrez Rápido en Barcelona

Xadrez

  • El rianxeiro Manuel Abuín superó en puntuación al actual campeón gallego, Fernando Sánchez

Rianxo, 28 de diciembre de 2011. El pasado 18 de diciembre se celebró en Barcelona el Campeonato de España de Ajedrez Rápido y varios jugadores del Distribunosa Xadrez Rianxo se desplazaron a la ciudad condal para disputar la prestigiosa competición que congregó a 167 participantes provenientes de todo el territorio nacional español.

El Torneo se celebró bajo un formato de nueve rondas de 15 minutos por jugador. Entre  los jugadores rianxeiros destacó especialmente Manuel Abuín, que quedó en el puesto 44  al obtener 5.5 puntos de un total de 9 y superando al actual campeón gallego Fernando Sánchez que obtuvo el puesto 48 y disputó una partida muy reñida con el finalmentecampeón del torneo, Ibrahim Khamrakulov.

También destacaron por Rianxo Alberto Hevia y Daniel Martínez Dourado (puestos 98 y 102 respectivamente) y Néstor Mártinez Dourado con tres puntos (puesto 136). Finalmente, Manuel Castaño obtuvo un punto y el puesto 157. El Campeón Absoluto fue el Gran maestro uzbeko nacionalizado español Ibrahim khamrakulov, seguido por el Gran Maestro Gabriel del Río y por el catalán David Ayza que sorprendió a todos por su buen juego.

Posted via email from Certo.gl, o xornal dixital de Barbanza e Noia

Ribeira: Aguiño estrea o 31 de decembro a nova biblioteca popular "Francisco Lorenzo"

Ribeira, 28 de Nadal de 2011. O presidente da asociación cultural "Francisco Lorenzo Mariño", o técnico de Cultura municipal Unai González, informa hoxe de que o vindeiro sábado, 31 de decembro, porase en marcha un novo servizo para o pobo de Aguiño. "Trátase da Biblioteca Popular de Aguiño, denominada "Aula das Letras Francisco Lorenzo Mariño", e funcionará como unha pequena biblioteca onde as socias e socios da entidade en particular, e usuarios das instalacións parroquiais e veciñanza en xeral terán a posibilidade de consultar e levar ao seu domicilio mediante préstamo, distintas publicacións, así como algún dvd e cd".

Medio milleiro de volumes

Os fondos que teñen ata agora son mais de médio milleiro de temática variada, dende historia, teatro, poesia, fotografia, pintura ata enciclopédias, relixión ou infantis... na súa maioría recibidos mediante donacións de distintas institucións entre as que destacan o Concello de Ribeira a través das súas áreas de Cultura e Educación, o Ministério de Cultura e a Biblioteca Nacional, o Arquivo do Reino de Galicia, a Universidade de Vigo, a Biblioteca Miguel González Garcés da Coruña, a Biblioteca de Pontevedra ou a Biblioteca Municipal do Estado de Ourense, entre outras. Tamén hai exemplares asinados polo seu autor como é o caso de Torres Queiruga, Chao Rego, Dourado Deira, Plácido Betanzos, Ventoso Mariño, Erolo, etc.

Agradecementos

"Queremos agradecer a colaboración da Parroquia de Aguiño e do seu párroco, David Mohedano póla colaboración mostrada para facer realidade esta instalación deixándonos o Local Parroquial; tamén a colaboración da Deputación da Coruña que nos concedeu unha subvención para mobiliário. A Biblioteca ten varias estanterías abertas e tres acristaladas para os volumes de maior valor, tamén contamos cunha pequena oficina para a asociación onde poden verse enmarcadas as cartas que enviaron importantes persoeiros como o Rei Juan Carlos, o Papa, Benedicto XVI, Nuñez Feijoo, Roberto Varela, Zapatero sendo Presidente do Goberno, etc", explica Unai González.

O acto de inauguración será o vindeiro SÁBADO 31 DE DECEMBRO ÁS 12:00 H cunha función de monicreques para xente de todas as idades pero en especial para nenas/os, durará unha hora, e titúlase “CONTO CLÁSICO DE NADAL”. Con este acto quedará oficialmente aberta a biblioteca e xa definirán o horario.

Lambetadas e carteiro real

No acto tamén se repartirán lambetadas e está prevista a visita do Carteiro Real -o dos Reis Magos, este non cobra da casa real dos Borbóns-. Dende a asociación continúan abertos á achega de fondos bibliográficos de calquera institución ou persoa que queira donalos, polo que poden facelo poñéndose en contacto con eles no correo electrónico aflm.aguinho@gmail.com, ou envialos a R/ Mestre Xosé Sans, 21, 15965, Aguiño, Riveira, A Coruña.

Un libro viaxeiro

Unai González aproveitou este convite á inauguración para subliñar que "o libro publicado pola nosa entidade “Aguiño, 50 anos de parroquia” forma xa parte das Bibliotecas Nacionais de Bos Aires (Arxentina), Lisboa (Portugal), Washintong (USA), Vaticano ou Madrid e recentemente agasallamos con el a Frinsa e Ramiro Carregal con motivo do 50 Aniversario desta empresa senlleira en Ribeira, e seguimos a envialo a outros arquivos e bibliotecas do mundo".


Posted via email from Certo.gl, o xornal dixital de Barbanza e Noia

Ribeira: orde do día do pleno extraordinario deste xoves 29 de decembro

Dodro: os cativos recibiron a Papá Noel e participaron en obradoiros de Nadal

Dodro, 28 de Nadal de 2011. Os nenos/as de Dodro disfrutaron ao longo da tarde do día 23 de títeres e xogos para recibir despois a visita de Papá Noel.

Os máis pequenos aproveitaron para facerlle as súas peticións e Papá Noel recibiu a cambio moitos bicos e agarimos. 

No que atinxe aos obradoiros infantís de nadal que se están a realizar por primeira vez en Dodro, a tenenta de alcalde, Marisol Boga, afirma que "teñen unha grande aceptación entre a veciñanza, xa que acoden  máis de 30 nenos/as do Concello onde pasan unhas tardes divertidas con cinema, manualidades,  globoflexia, maquillaxe, xogos e outras actividades".  

Actividades este venres 30 de decembro

O día 30, este venres, a partir das 18h na Paxareira os nenos/as de Dodro disfrutarán da súa Festa de Fin de Ano particular que se celebra por primeira vez para eles no Concello. O día 2 de xaneiro ás 18 horas, tamén na Paxareira, disfrutarán de varios contacontos para recibir despois a visita do Carteiro Real que recollerá as cartas para os Reis Magos que chegarán a Dodro o 5 de xaneiro ás 5 da tarde na primeira Cabalgata de Reis que celebrará o Concello.

Relacionadas:


Programación de Nadal: vexa aquí todas as actividades


Concurso: I Concurso de Pasteis e doces o 5 de xaneiro


Un xoguete, unha ilusión: novo programa solidario

Posted via email from Certo.gl, o xornal dixital de Barbanza e Noia

Noia: autorizan a tala dunha árbore de Santa María a Nova

Autorización tala árbore Sta. Mª A Nova (20.12.11).pdf Download this file

  • A tuya foi derrubada onte e non afectou ao baldaquino
Media_httpfarm4static_xbiwc

Noia, 28 de Nadal de 2011. O concelleiro de Urbanismo de Noia, Bieito González, informou hoxe da autorización da Dirección Xeral de Patrimonio Cultural para a tala da árbore que se atopaba en mal estado dentro da necrópole de Santa María A Nova. A árbore talárona onte pola mañá. Segundo o concelleiro nacionalista, "a preocupación do goberno local neste tema era grande, xa que a "tuya" atópabase perto do baldaquino que data, como é sabido, do século XVI e a súa caída podía afectar a este monumento".

Manuel Murguía -o marido de Rosalía de Castro- na súa obra titulada Galicia (Barcelona 1888), describe o baldaquino do seguinte xeito:

"Cuatro pilastras sostienen un friso en el cual afianzan y encajan las losas que forman el techo o pabellón. ¿Para qué servía? Indudablemente tenía un destino funerario, porque de los cuatro lados del friso se presentan adornados con importantes bajo-relieves: el que da frente al monumento, con grandes rosas y las cuatro fases de la luna; el de la parte opuesta, con una composición harto alegórica, cuyo verdadero sentido haya que buscar tal vez en las antiguas creencias arrianas, permanentes en el corazón de nuestra raza. Un animal, que no se adivina cual sea, huye, llevando clavado el dardo, de los perros que le persiguen y del cazador que va detrás de éstos. ....".

Antes, en Certo:


Santa María a Nova: as tuyas, en perigo

 
Pode que tamén lle interese:


Turismo e cultura: Javier Sierra "El ángel perdido" en Santa María a Nova



Programación cultural completa de Nadal: do Concello e do Liceo de Noia

Posted via email from Certo.gl, o xornal dixital de Barbanza e Noia

27.12.11

Noia: o Liceo programa tenis de mesa o mércores 28, concerto o venres 30 e bailes o 31 e 1 de xaneiro

Noia, 27 de Nadal de 2011. A Sociedade Liceo de Noia ten previsto realizar estas actividades dende o mércores 28 de decembro ata o 1 de xaneiro de 2012.

  • 28 de decembro: I TORNEO DE TENIS MESA "LICEO DE NOIA"
  • 30 de decembro: ás 21:00h Concerto de música tradicional cos grupos "Arnela" de carral e "A Subela" do Liceo de Noia
  • 31 de decembro-1 de xaneiro: ás 01:30h Baile de Fin de Ano coa Orquestra Abanico
  • 1 de xaneiro:ás 23:00h Baile de AniNovo coa Orquestra Capitol

Aproveitan tamén para desexar o mellor para o ano 2012



tenis mesa 2011.pdf Download this file

Música Tradicional 30 decembro 2011.pdf Download this file

BAILES FIN DE ANO E ANINOVO 2011-2012.pdf Download this file

Posted via email from Certo.gl, o xornal dixital de Barbanza e Noia

26.12.11

Ribeira: o Trofeo UNICEF ten que cambiar de datas por problemas técnicos e pasa ao 2, 3 e 4 de xaneiro

Ribeira: a vida e obra de Cunqueiro, obxectos da charla deste mércores 28 no conservatorio

  • Impártea o profesor Santiago Losada baixo o título "As mil primaveras de Cunqueiro"

Media_httpfarm6static_dvgiv

O nicho de Cunqueiro no cemiterio vello de Mondoñedo

Ribeira, 26 de decembro de 2011.- Cadrando co peche do ano 2011 en que se conmemora o centenario de D. Álvaro Cunqueiro, o Concello acolle un relatorio do profesor Santiago Losada Carregal sobre a vida e obra do mindoniense. “As mil primaveras de Cunqueiro” é o título escollido para o relatorio que se impartirá o vindeiro mércores, 28 de decembro, ás 20 horas no Conservatorio Municipal de Riveira (R/ Miguel Rodríguez Bautista, 21). Esta tarde cunqueirá gozará ademais da colaboración do profesorado do Conservatorio que abrirán o acto agasallando ao público cunha breve introdución musical. 

A biografía do autor, a narrativa de Cunqueiro, o seu teatro, a súa poesía neotrobadoresca tan coñecida grazas á voz de Amancio Prada, ou a abraiante gastronomía que estudou e describiu serán parte desta disertación sobre o home, o escritor e sobre Galicia: a razón e os soños de Cunqueiro. 

Biografía do relator

O profesor Losada Carregal é Licenciado en Filosofía pola Universidade de Salamanca e mais Licenciado en Filoloxía Clásica pola Autónoma de Madrid. Exerceu o seu traballo como profesor de Historia da Filosofía no IES Eduardo Pondal de Cangas; profesor da mesma materia no, daquela, único instituto de ensino secundario de Vilagarcía de Arousa; no Seminario de Santiago de Compostela; e continuou a súa carreira como profesor en Madrid, no IES Pérez Galdós, ata a súa xubilación. 

Logo de deixar o ensino regrado seguiu a súa longa carreira impartindo aulas para adultos e contribuíndo á difusión cultural como Coordinador de actividades da Aula Cultural “Puente de Toledo” de Madrid. Así mesmo, colabora cos Centros Galegos do centro da Península impartindo conferencias e propiciando actividades de dinamización que estendan o coñecemento sobre a cultura galega. 

A publicación de ensaios como “Hamlet y Don Quijote locura o cordura”; “Pérez Galdós. El Dos de Mayo”; “Goethe. Fausto o la nostalgia de la juventud” ou “Miguel de Unamuno y su novela Abel Sánchez” son outra parte do seu frutífero quefacer.  

Nos últimos anos relatorios con títulos tan interesantes e diversos como “O camiño de Santiago. A primeira universidade itinerante”; “O Códice Calixtino”; “A angustia vital no verso de Rosalía de Castro”; “Uxío Novoneyra”; “Lois Pereiro. Unha paisaxe de batalla”, mostran unha vida de entrega ao estudo e de paixón pola extensión dese coñecemento aos seus seguidores.

Certo
O Xornal Dixital de Barbanza e Noia
OLLO!! PÁXINA DE SEAREIROS EN FACEBOOK: http://www.facebook.com/xornalcerto
ÚNETE!!

Posted via email from Certo.gl, o xornal dixital de Barbanza e Noia

Noia: a Banda de Lousame ofrece un concerto no Liceo este martes 27

Pode que tamén lle interese:


Campamentos: para nen@s entre o 26 de decembro e o 5 de xaneiro de 2012


Programación cultural completa de Nadal: do Concello e do Liceo de Noia



Concerto Nadal 27 decembro.pdf Download this file

Liceo_concerto_nadal_2011

Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical