Porto do Son: apréndenlles aos veciños a usar as máquinas dos parques biosaudables post.ly/5I839
— Certo (@Certo) February 10, 2012
certo.posterous.com/noia-programa-… Engadimos bases dos concursos de Entroido de Noia e tamén o programa do Liceo. O Entroido máis completo da bisbarra!
— Certo (@Certo) February 10, 2012
Posted via email from Certo.gl, o xornal dixital de Barbanza e Noia
A Pobra do Caramiñal, 10 de febreiro de 2012. O concello da Pobra informa aos seus veciños das vantaxes das que se poden beneficiar estando dados de alta no padrón municipal. A concelleira de Servizos Sociais, Balbina Lojo Olveira, e o Axente de Desenvolvemento Local, Luis Miguel Domínguez, falaron hoxe das axudas polas que se pode optar pero para as que resulta imprescindible estar ó día no padrón local, como poden ser: axudas para a rehabilitación ou renovación de vivendas, asistencia domiciliaria, bonificacións ou exencións en determinados impostos..., polo que recomendan que todos aqueles que residan no concello e non teñan estes datos actualizados, leven a cabo a renovación dos mesmos.
Dun tempo a esta parte, segundo informaron hoxe en rolda de prensa no Concello, "estase a observar que nas distintas parroquias da Pobra do Caramiñal, e en especial na do Caramiñal e do Castelo, hai moitas persoas que habitan nelas pero non están dadas de alta no padrón de habitantes. Por isto, desde o Departamento de Estatística do concello queremos informar que, atendendo á lexislación vixente e máis concretamente, á Lei de Bases de Réxime Local no seu artigo número 15, na súa redacción dada pola Lei 4/96, disponse que “toda persoa que viva en España está obrigada a inscribirse no padrón de habitantes do municipio no que resida habitualmente. Quen viva en varios municipios deberá inscribirse unicamente naquel no que resida a maior parte do ano”. Segundo aclarou o equipo de goberno, "o empadroamento é polo tanto un deber de todos os cidadáns. Por outra banda, queremos lembrar que figurar empadroado da dereito a optar ás subvencións e as axudas que por distintos conceptos outorgan as diferentes administracións públicas, sexa a Xunta de Galicia, a Deputación Provincial ou o propio concello. Como exemplo delas podemos falar das axudas para a rehabilitación ou renovación de vivendas, adquisición de vivendas protexidas, becas de estudos, fillos menores de tres anos, bus universitario, asistencia domiciliaria, as bonificacións ou exencións en diferentes impostos e taxas, entre outras, para as que é necesario aportar un certificado de empadroamento, sen o cal non se conceden. Así mesmo, lembrar tamén a todos os veciños que para poder exercer o seu dereito ao voto en todos os comicios (xerais, autonómicos, locais, europeos) é necesario e preceptivo figurar no censo electoral, e este documento confecciónase en base e ós datos do padrón municipal de habitantes. De feito, nas pasadas eleccións locais e xerais, foron varios os veciños que non puideron exercer o seu dereito ao voto por non estar debidamente empadroados a pesar de levar xa moito tempo residindo no noso concello". Non residentes con segunda vivendaTamen se fixo referencia aos que viven en varios municipios por tempadas, que no caso concreto da Pobra "existe unha bolsa de non residentes que contan cunha segunda vivenda aquí, e que no caso de pasaren a maior parte do ano no noso concello deberían rexistrarse no noso padrón. Por todo isto, todos os veciños deben comprobar persoalmente a súa inclusión no padrón e no caso de non figurar nel solicitar a súa alta de inmediato", concluíron. Pode que tamén lle interese:
Viaxe a Lalín: este domingo 12, á Feira do Cocido e O Corpiño
Entroido 2012: programación prevista
Viaxe: a Madrid, do 22 ao 25 de marzo. Anótate!
Posted via email from Certo.gl, o xornal dixital de Barbanza e Noia
certo.posterous.com/noia-programa-… Engadimos bases dos concursos de Entroido de Noia e tamén o programa do Liceo. O Entroido máis completo da bisbarra!
— Certo (@Certo) February 10, 2012
Noia: convocan unha nova edición do concurso de fotos "Se eu podo, ti tamén" post.ly/5I7nz
— Certo (@Certo) February 10, 2012
Noia: o xoves 16 de febreiro represéntase a obra de teatro "Arte", de Yasmina Reza post.ly/5I6G1
— Certo (@Certo) February 10, 2012
Noia: musealizarán o acueducto medieval aparecido na Porta da Vila post.ly/5I5nh
— Certo (@Certo) February 10, 2012
Posted via email from Certo.gl, o xornal dixital de Barbanza e Noia
Ribeira, 10 de febreiro de 2012.- A concelleira de Cultura, Elvira Pisos Arnoso, deu conta esta mañá do programa de Entroido que estivo a preparar a Administración Local para un municipio en que esta festa goza dunha gran tradición entre a veciñanza.
Segundo explicou a edil, este ano o Concello optou por deseñar un programa específico para catro xornadas (dende o domingo 19 ata o mércores 22 de febreiro), deixando os dous días previos (17 e 18) para colaborar co tecido social na organización de festivais e festas infantís, como é o caso de Amas de Casa, as ANPAS de distintos centros educativos ou as sociedades como o Centro Recreativo de Artes, o Círculo Mercantil ou o Liceo Marítimo, entre outros. “Deste xeito contribuímos a que a oferta sexa moito máis ampla e variada respectando a tradición da organización de bailes de Entroido que teñen moitas das asociacións do municipio”, declarou a titular de Cultura.
Na presentación do programa tamén interviu Unai González, técnico de Cultura, quen destacou que á hora de redactar as bases do festival de murgas e comparsas se tiveron en conta outras celebracións semellantes con gran repercusión en Galicia (como é o caso do Grove, Pontevedra, A Coruña) e incluso España (como Badajoz ou Santoña). Isto propiciou que este ano se visen interesadas agrupacións de procedencias foráneas como Tomiño ou Muros, e que se incrementase tamén o interese dentro do propio termo municipal ao figurar xa inscritas tres novas murgas, “o cal demostra o éxito dos cambios ao aumentar a motivación e a calidade do festival coa introdución de premios en metálico”.
O traballador cultural tamén destacou o traslado deste festival ao martes do Entroido, ubicándoo na súa data de celebración tradicional, e que fora precisamente o detonante de que a Corporación Municipal decidise no seu día designar esa data como festivo local. “Ademais, este cambio permítenos que o Festival Infantil recaia en fin de semana (domingo), atendendo así unha petición da cidadanía que por traballar ou vivir fóra non podían traer aos fillos á actividade”, concluíu.
En canto á programación municipal de Entroido, constará das seguintes actividades:
Domingo 19:
Choqueirada infantil: ás 16.30 horas na Carpa do Entroido (rúa de Portugal) dará comezo esta festa para os máis cativos, que estará amenizada por animadores de xogos, mascotas, desfile de disfraces con entrega de diplomas, inchables, espectáculos de Bob Esponja e Patricio…
Luns 20:
Festa de noite de Entroido: Música, luces, animación e música na Carpa de Entroido, a partir da medianoite.
Verbena do Entroido: Novidade. Actuación da Orquestra Ismael na praza de España desde as 23 horas.
Martes 21:
Festival de Murgas e Comparsas: Ás 17 horas saída do Auditorio acompañadas polas charangas Paradela (Lugo), Os Armadanzas (Boiro) e Tíralle do Aire (Ribeira). As murgas adultas competirán por un primeiro premio de 1.000 euros, un segundo de 500 e un terceiro de 350. Tamén haberá un premio local doutros 350 euros. O evento desembocará na praza do Concello, no que se desenvolverá o festival (salvo que por mal tempo teña que ser trasladado ao Auditorio).
Mércores 22:
Enterro do Felipe: Saída do acompañamento ás 19.30 horas dende o Auditorio pasando polas rúas da cidade ao compás da charanga “O Santiaguiño” ata chegar á praza dos Mariñeiros, onde será incinerado. Unha vez enterrado, haberá preñados, orellas e rosquillas (ademais de bo viño e outras bebidas) na Carpa do Entroido habilitada na rúa de Portugal.
O disfrute de todas estas actividades é gratuíto. Elvira Pisos agradeceu no nome do Concello a colaboración de todas as asociacións, agrupacións e entidades colaboradoras co entroido, tanto nas actividades municipais como no concuros de murgas e comparsas, o enterro do Felipe, etc… así como nas actividades propias que organizan nos seus locais.
Antes, en Certo:
Posted via email from Certo.gl, o xornal dixital de Barbanza e Noia
O vindeiro martes, 14 de febreiro, San Valentín, levarase a cabo a iniciativa nos outros dous parques biosaudables do Concello, en Xuño e Portosín.
En Xuño será ás 10:00 horas e en Portosín ás 12:00 horas. No caso de Xuño, se o tempo non permitise a clase, aprazarase para outro día, segundo informou a concellería de Deportes.
Posted via email from Certo.gl, o xornal dixital de Barbanza e Noia
Noia, 10 de febreiro de 2012. Con motivo da celebración o vindeiro día 8 de marzo, “Día Internacional das Mulleres”, a Concellería de Igualdade e Benestar do Concello de Noia, a través do Centro de Información á Muller (CIM) convoca o V CONCURSO FOTOGRÁFICO “SE EU PODO, TI TAMÉN“.
RESUMEN DAS BASES
-TEMÁTICA DAS FOTOGRAFÍAS
As fotografías deberán tratar sobre a corresponsabilidade de homes e mulleres no espazo público, privado e/ou doméstico. Nelas poderán aparecer tanto persoas do sexo masculino como feminino, ou calquera outra imaxe que reflicta o espírito do concurso.
O xurado resérvase o dereito de aceptación das obras segundo se axeiten ou non á temática requerida.
As fotografías presentadas deberán ser inéditas, e non se aceptarán as que foran seleccionadas noutro concurso ou certame. As imaxes deberán ser orixinais, non se admitirá ningunha fotografía con dereitos de propiedade intelectual que non pertenzan integramente e sen excepción ao propio participante.
- PARTICIPANTES
Poderán participar no concurso todas aquelas persoas afeccionadas interesadas que o desexen.
-PRESENTACIÓN DAS FOTOGRAFÍAS
A participación no concurso é gratuíta e realizarase mediante a presentación dun sobre dirixido ao Centro de Información á Muller do Concello de Noia (CIM), edificio de Servizos Sociais, ubicado na Rúa do Curro, nº 4, coa inscrición: V CONCURSO FOTOGRÁFICO “SE EU PODO TI TAMÉN”.
Únicamente se admitirá un máximo de catro fotografías por participante.
Dentro do sobre deberán estar presentes tres elementos:
-REQUISITOS TÉCNICOS
A medida máxima das fotografías será de 50x 70 cm e presentaranse en cartón pluma.
As imaxes presentadas en CD ou DVD deberán estar en formato JPG ou JPEG, cunha resolución superior a 2048 X1536 píxeles.
A técnica usada será libre, en branco e negro ou cor, e cos retoques que o autor/a estime necesarios para transmitir o obxectivo do concurso.
- PRAZO DE PRESENTACIÓN DAS FOTOGRAFÍAS
O prazo de recepción das fotografías estará aberto ata as 14:00 horas do 5 de marzo de 2012.
- PREMIOS
Concederanse tres premios ás tres mellores fotografías:
1º premio dotado cunha cantidade de…………… 300 €.
2º premio dotado cunha cantidade de……………. 200 €
3º premio dotado cunha cantidade de…………… 100 €
*O contido completo das bases poderase consultar nos taboleiros de anuncios do Concello de Noia e no edificio onde se ubica o CIM
Pode que tamén lle interese:
Posted via email from Certo.gl, o xornal dixital de Barbanza e Noia
Boiro, 10 de febreiro de 2012. O presidente da Deputación coruñesa, Diego Calvo, acompañado polo alcalde de Ribeira e tamén deputado provincial Manuel Ruiz Rivas, realizaron unha visita institucional á Asociación de Familias de Persoas con Discapacidade Psíquica AMICOS, para coñecer de primeira man o proxecto de construción da Residencia para persoas Gran Dependentes con Discapacidade Intelectual que a entidade ten previsto construir no concello de Boiro -en Comoxo- e que a Deputación Provincial financiará o 60% con 400.000,00 € sobre un orzamento de 750.000,00€.
O proxecto de construcción da unidade residencial de asistidos pretende dar cobertura na súa primeira fase a 30 persoas con discapacidade intelectual con necesidades de apoio extenso e xeralizado, nunha zona (comarcas de Barbanza e Noia) onde existe un importante déficit de cobertura en materia asistencial e non existe ningún centro con estas características.
Boiro: actividades de Entroido e bases do concurso de disfraces post.ly/5I4cQ
— Certo (@Certo) February 10, 2012
Boiro: a asociación de empresarios acubillou o Pecha Kucha post.ly/5I4QB
— Certo (@Certo) February 10, 2012
Posted via email from Certo.gl, o xornal dixital de Barbanza e Noia
certo.posterous.com/noia-programa-… Engadimos bases dos concursos de Entroido de Noia e tamén o programa do Liceo. O Entroido máis completo da bisbarra!
— Certo (@Certo) February 10, 2012
Noia: a casa da cultura acolle o luns 13 de febreiro unha conferencia sobre educación post.ly/5HrKU
— Certo (@Certo) February 10, 2012
Noia: musealizarán o acueducto medieval aparecido na Porta da Vila post.ly/5I5nh
— Certo (@Certo) February 10, 2012
Posted via email from Certo.gl, o xornal dixital de Barbanza e Noia
Noia, 10 de febreiro de 2012. A Concellería de Casco Histórico e Patrimonio, dirixida polo nacionalista Bieito González, vén de remitir á Dirección Xeral de Patrimonio Cultural o proxecto de musealización e sinalización dos restos do antigo acueducto medieval, aparecidos nas obras de reurbanización das rúas Porta da Vila e Carreiriña de Escultor Ferreiro no ano 2010, a fin de acadar a preceptiva autorización que permita a materialización da proposición presentada.
A proposta contempla a exposición pública e permanente dos restos do acueducto na embocadura da rúa Rodríguez Cadarso, esquina Porta da Vila. Os tramos do acueducto, que miden un metro de longo por peza, irían colocados sobre uns soportes de aceiro que á súa vez estarían ancorados sobre o pavimento da rúa, arrimados aos muros existentes. A totalidade do tramo exposto acadaría unha lonxitude de oito metros.
A información escrita iría colocada sobre dúas das primas cuadrangulares que compoñen a totalidade da tubaxe. A instalación contaría cun sistema de iluminación indirecta que se proxectaría sobre os paramentos dos muros existentes, para o cal será preciso o seu enfoscado e acabado en cor branca.
Posted via email from Certo.gl, o xornal dixital de Barbanza e Noia
Pode que tamén lle interese:Boiro: a asociación de empresarios acubillou o Pecha Kucha post.ly/5I4QB
— Certo (@Certo) February 10, 2012
Posted via email from Certo.gl, o xornal dixital de Barbanza e Noia
Posted via email from Certo.gl, o xornal dixital de Barbanza e Noia
Posted via email from Certo.gl, o xornal dixital de Barbanza e Noia
