5.3.10

Rianxo: un paseo por Quintáns con música de Brath

Fotografía: as fotos censuradas en Valencia, postas na web pola Unió de Periodistes Valencians

http://www.unioperiodistes.org/web/galeria/Les10delacensuraFragments2009/page...

Hai que coñecer moi pouco Internet para poñerse nestes tempos a censurar inocuas imaxes coma estas!

Posted via web from Posterous de Certo, o xornal virtual de Barbanza e Noia

Historia: evolución en los 3.000 años de la alimentación de la Ría de Arousa

Resumen de una interesantísima ponencia de Jorge Guitián en el IV Encontro Arqueolóxico da Barbanza. Por él mismo:
http://gourmetymerlin.blogspot.com/2010/03/3000-anos-de-historia-de-la.html

Posted via web from Posterous de Certo, o xornal virtual de Barbanza e Noia

Noia: no capítulo de hoxe da escollera fala o PSdeG. Nin paus na roda nin pedras!

Susana Moo: un informático muy actualizado

Historia: Galicia, primeiro reino medieval de Europa en 410?

Dodro: estudo da poboación para elaborar un Plan de Igualdade

Download now or preview on posterous
socioloxiaDODRO.pdf (91 KB)

Este é un avance dos datos xa procesados, ofrecidos co gallo do Día Internacional da Muller Traballadora. Agardan presentar o Plan de Igualdade completo a finais deste mesmo mes de marzo de 2010.



Se eu podo, ti tamén...

Moitos destes datos poderíanse extrapolar a poboacións semellantes a Dodro, do interior e rural galego. A ver se lles sona, por exemplo, este punto:

"En termos xerais, case dous terzos da poboación opina que as tarefas domésticas deben ser repartidas por igual entre tódolos membros da familia independentemente do seu sexo. Sen embargo, a pesar de estar concienciados/as teoricamente, esta non se produce de xeito efectivo na vida cotiá: dúas de cada tres mulleres afirma colaborar moito nas responsabilidades domésticas, mentres que só o 6% dos homes fai o mesmo.

As mulleres encárganse fundamentalmente de facer a colada, de facer e planificar as comidas, da limpeza da casa e das decisións de compra.

Os homes, pola súa parte, fan os pequenos arranxos da casa e o mantemento do vehículo familiar (actividades que non hai que realizar diariamente). As tarefas do campo repártense de xeito máis equilibrado. En canto aos usos do tempo dos homes e mulleres de Dodro, nas tarefas do fogar as mulleres ocupan tres horas diarias máis de media que os homes; e no coidado de fillos/as e dependentes ocupan cerca de dúas horas máis do seu tempo que os varóns".

Posted via email from Posterous de Certo, o xornal virtual de Barbanza e Noia

Política: o Psoe pediralle explicacións a Feijóo se se opón a unha maior transparencia na vida pública

O Viceportavoz do PSdeG respondía hoxe ás declaracións de Núñez Feijóo onte tras o consello da Xunta nas que rexeitaba a iniciativa socialista para facer público o patrimonio e bens dos altos cargos da Xunta e dos deputados


Quererán todos os deputados estar baixo os focos como propón o socialista Lage?


-”Os cargos públicos temos que dar exemplo coa nosa conducta e coa transparencia na nosa actividade pública para facer posible un sistema democrático con maior calidade e credibilidade”, asegura Lage Tuñas.


-O portavoz da Área Institucional do PSdeG agarda que “o Presidente da Xunta de Galicia rectfique as súas palabras e non se opoña a dotar de maior transparencia á vida pública galega “.


Santiago, 3 de marzo de 2010. O Viceportavoz do Grupo Parlamentario dos Socialistas de Galicia, José Manuel Lage pronunciouse hoxe sobre a oposición do Presidente da Xunta de Galicia á publicación no Diario Oficial de Galiciados bens, rendas, actividades e intereses dos cargos públicos da Administración Autonómica e das súas sociedades, empresas e entes dependentes, así coma dos deputados e deputadas do Parlamento Galego.


Lage Tuñas saiu a responder a afirmación de Núñez Feijóo no día de onte onde expresaba que “que dicho planteamiento no parece muy objetivo en este momento””.

O deputado do PSdeG lembrou hoxe que “na pasada lexislatura comezaron a darse pasos importantes coa aprobación da Lei 4/2006 de Transparencia e Boas Prácticas, pero a sociedade demanda maiores cotas de transparencia e información sobre a actividade dos cargos públicos e é a nosa obriga escoitar as demandas sociais identificadas co interese público”.


O Viceportavoz do Grupo Socialista, José Manuel Lage recordou hoxe que “só estamos propoñendo unha medida de ética pública e transparencia. Propoñemos a publicación no Diario Oficial de Galicia e en internet das actividades, bens patrimoniais, rendas e intereses dos xestores públicos como unha medida necesaria para facilitar o control sobre a actividade política para o conxunto da cidadanía”.


Lage Tuñas afimaba hoxe que “o Sr. Feijóo terá que dar moitas explicacións si se opón a incrementar a transparencia na vida pública galega. Supoño que terá un bo motivo para non apoiar esta proposta que fixemos os socialistas galegos, continuando coa labor xa feita na pasada lexislatura ao aprobar a Lei 4/2006 de Transparencia, fai agora tres anos”.


O deputado do PSdeG afirma que o Presidente da Xunta ten que aclarar que quere decir “que dicho planteamiento no parece muy objetivo en este momento” (frase pronunciada no día de onte polo Presidente da Xunta de Galicia na rolda de prensa posterior ao consello da Xunta).



Posted via email from Posterous de Certo, o xornal virtual de Barbanza e Noia

Arte: amor manifestado cunha escultura na tumba

A única explicación que pon no blog é: "Cando el morreu, a súa muller encargou esta escultura como expresión do amor que sentía por el". O "afortunado" namorado chamábase Laurence Matheson. D.E.P.
Visto nun cemiterio de Victoria, en Australia. Máis imaxes desta beleza en
http://www.a-pic.co.tv/2010/02/when-he-died-his-wife-commissioned-this.html

Posted via web from Posterous de Certo, o xornal virtual de Barbanza e Noia

Ribeira: recital de saxos na igrexa de Santa Uxía, este domingo 7 de marzo ás 18:35


Ribeira, 5 de marzo de 2010- A Igrexa Parroquial de Santa Uxía será escenario este domingo, día 7 de marzo, dun concerto a cargo dos alumnos da Aula Galega e Saxofón, cuxa entrada é gratuíta para todos os interesados en asistir. O recital dará comezo ás 18.35 horas.


A igrexa de Santa Uxía

A Aula Galega de Saxofón é un proxecto pedagóxico pioneiro e innovador que pretende dar aos novos estudantes de saxofón de Galicia unha nova visión sobre a aprendizaxe instrumental. Está dirixida a mozos de entre 10 e 18 anos. Neste curso 2009/2010 a Aula conta con 16 prazas para alumnos activos.

Os contidos do curso consisten en clases individuais, cuarteto, clases co pianista Pablo Diago, ensemble, audicións trimestrais e un taller de lutheria con Jeremy Rabache. A Aula está dirixida polo saxofonista vigués Rodrigo Vila, xefe do Departamento de Música de Cámara no Conservatorio Superior das Illas Baleares.

Posted via email from Posterous de Certo, o xornal virtual de Barbanza e Noia

Ribeira: novo repetidor para tdt no monte de San Alberto. Haberá que resintonizar as canles? Orientar as antenas?

O apagón analóxico en Ribeira será o 3 de abril


Ribeira, 5 de marzo de 2010- O Concello de Ribeira informa de que hoxe mesmo acaba de entrar en funcionamento o repetidor instalado no Monte de San Alberto para mellorar o sinal de TDT, ante a chegada ao municipio o próximo día 3 de abril do denominado apagón analóxico.

A actuación tivo un investimento de 53.500 euros. O repetidor dispón das últimas tecnoloxías e conta con 3 paneis remisores orientados ás zonas onde se detectaron maiores deficiencias de cobertura: por unha parte, Cubeliños, Abesadas e Casas Baratas, en Santa Uxía; por outra banda, a parroquia de Artes; e, en terceiro lugar, o termo de Oleiros.

Non obstante, e dada a gran potencia do dispositivo, a instalación do repetidor vai contribuír en xeral a mellorar o sinal na meirande parte do municipio, de tal xeito que se recomenda a todos veciños do municipio en cuxos fogares non se rexistre unha boa cobertura (e non só os das tres zonas citadas) que orienten as súas antenas cara o monte de San Alberto.

Advírtese de que nos vindeiros días efectuaranse unha serie de comprobacións para detectar posibles deficiencias na cobertura a fin de subsanalas.

Por outra parte, cómpre lembrar que para ver a televisión fai falla un descodificador de TDT ou unha televisión con TDT incorporada, así como que a antena e o cableado estean en bo estado.

Posted via email from Posterous de Certo, o xornal virtual de Barbanza e Noia

Natureza: polbos e chocos, expertos en camuflaxe

Twitter

Related Posts with Thumbnails Banner: Regale selva tropical