Ribeira: comeza este xoves 12 a escola municipal de break-dance, con 16 inscritos

• As clases son na casa da Xuventude, a cargo dos noieses de Vella Escola
  

Ribeira, 11 de abril de 2012.- A Casa da Xuventude dará cabida a partir de mañá a unha nova iniciativa xuvenil consistente na posta en marcha da Escola Municipal de Breakdance: unha acción que se desenvolverá todos os xoves de 19 a 20 horas ata o 28 de xuño e no que participarán 16 alumnos: é dicir, cubriuse o límite máximo de prazas que había convocadas.

A actividade está promovida pola Concellería de Xuventude que dirixe a edil Aroa Fernández Cadórniga. Os encargados de impartir as clases son membros pertencentes á Asociación Cultural e Deportiva Vella Escola, que xa agasallara o pasado mes aos alumnos do colexio Galaxia cunha exhibición na pista multideporte Irmáns Parada Alvite.

O obxectivo principal que se persegue coa presentación da actividade de breakdance é achegar esta disciplina ao colectivo xuvenil e promover os beneficios que conleva a súa práctica habitual. Ademais, preténdese fomentar o uso entre os rapaces de instalacións municipais dirixidas especificamente aos mozos e mozas, como é o caso da Casa da Xuventude.
 
O breakdance entendido como deporte ou baile é unha actividade física recreativa moi interesante e conveniente para a poboación escolar e a mocidade en xeral, posto que a súa práctica habitual proporciona múltiples beneficios relacionados coa saúde e o desenvolvemento das capacidades físicas e psíquicas da persoa.

Unha nova leira da música galega está en gzmusica.com Pero Barbanza non sae. E Noia? Imos ver! Haberá que colaborar e enviar info!

— Certo (@Certo) April 11, 2012

Outro leirucho sobre música galega (ai o minifundismo!!) e tampouco sae Barbanza ou Noia. Mecaghoná! culturagalega.org/opinion/anacos… Agora, os martes!

— Certo (@Certo) April 11, 2012

O sábado 14 de abril, Títere-Hop en Ribeira. Rimas, monicreques e gravacións. No programa FalaRedes. 2 sesións flic.kr/p/bLwPhT

— Certo (@Certo) April 11, 2012

Ribeira: este venres 13, "Muller-literatura: binomio fantástico", en "Abril, mes dos libros". Escritora Concha Blanco post.ly/6dblX

— Certo (@Certo) April 11, 2012

Ribeira: rematadas en Aguiño as obras na praza da Igrexa e arredores post.ly/6gK2D

— Certo (@Certo) April 11, 2012

Posted via email from Certo.gl, o xornal dixital de Barbanza e Noia

Ribeira: rematadas en Aguiño as obras na praza da Igrexa e arredores

Ribeira, 11 de abril de 2012.- O Concello informa da práctica finalización da obra de pavimentación e renovación de servizos na praza da Igrexa de Aguiño e na rúa adxacente. A falla tan só de dar os últimos remates, esta vía está practicamente expedita para o pleno uso e disfrute dos veciños da parroquia, dentro da estratexia de humanización e recuperación de cascos históricos adoptada polo Concello.

 

Antes de afrontar esta obra, a praza da Igrexa presentaba un pavimento de formigón bastante deteriorado polo paso do tempo, ao igual que no firme da rúa adxacente (de asfalto na calzada e de formigón nas beirarrúas).

 

A iniciativa supuxo unha sensible mellora na área de actuación,  proporcionando un acabado de pedra acorde co entorno. Para alcanzar este obxectivo, pavimentouse con lousas de granito abuxardado e adoquín de granito, ademais de substituír as tubaxes de saneamento de auga existente por outras de polietileno de alta densidade, instalar un novo colector para fecais de PVC e dispoñer un colector de PVC de pluviais.

 

Tamén se mudou toda a rede aérea de alumeado público por canalización soterrada a fin de lograr un menor impacto visual.

 

O importe da obra, incardinada dentro do Plan Provincial de Obras e Servizos (POS 2011) da Deputación de A Coruña, ascendeu a 114.052,90 euros. Foi realizada por Nemesio Ordóñez, S.A.

Ribeira: este domingo 15 de abril, ruta de sendeirismo polo Vilar post.ly/6fSHK

— Certo (@Certo) April 10, 2012

Ribeira: Ámbar acada o certificado de calidade ISO 9001 para o seu centro de día post.ly/6fX9q

— Certo (@Certo) April 10, 2012

Ribeira: o servizo de limpeza de edificios públicos será adxudicado en breve a unha das sete empresas presentadas post.ly/6fVQX

— Certo (@Certo) April 10, 2012

Ribeira: veciños de Carreira estiveron de excursión polo norte da Coruña post.ly/6fSXh

— Certo (@Certo) April 10, 2012

 

 

See the full gallery on Posterous

Posted via email from Certo.gl, o xornal dixital de Barbanza e Noia

Boiro: o luns 16 de abril comeza o proxecto "Comunidade Aula de Linguas Vivas", en inglés, francés, alemán e galego

Boiro, 11 de abril de 2012. Este luns 16 de abril comeza no Centro Social un proxecto lingüístico intitulado "Comunidade Aula de linguas Vivas". Nel preténdese a adquisición de destrezas comunicativas en distintas linguas estranxeiras: inglés, francés e alemán. A metodoloxía que se vai a seguir nesta comunidade é crear un espazo onde convivan as linguas: inglés, francés, alemán e galego.

No mes de abril haberá dúas sesións de unha hora cada unha: as sesións están dirixidas por auxiliares de conversación nativos.

O lugar onde se realizará a Comunidade de linguas vivas é na cafetería do Centro Social.

As datas no mes de abril son 16 e 30 de abril de 20h a 21h.

A Comunidade de aula de linguas vivas é unha actividade voluntaria e gratuíta polo que para participar debes inscribirte previamente na OMIX( Centro Social, 1º andar), no correo omix@boiro.org ou no tlf 981842635.

Boiro: este venres 13, novo capítulo do Curota Sound e o sábado 14, roteiro con BoiroVerde post.ly/6gHYS

— Certo (@Certo) April 11, 2012

Porto do Son: o luns 16 de abril inauguran unha mostra sobre o cómic galego e universal post.ly/6fX7h

— Certo (@Certo) April 10, 2012

Posted via email from Certo.gl, o xornal dixital de Barbanza e Noia

Rianxo: xornadas sobre biomasa en catro sesións, o 19 e 26 de abril e o 2 e 3 de maio

• Ata o 13 de abril, venres, aberto o prazo de inscrición. As sesións serán nas escolas vellas de Asados de catro da tarde a nove da noite
  

Sesión 1: Aproveitamento enerxético da biomasa forestal.

Sesión 2: Oportunidade de negocio e casos reais.

Sesión 3: Creación de empresas en zonas rurais.

Sesión 4: Visita de campo.

A temática destas xornadas formulouse como unha medida de inserción laboral, para sensibilizar á poboación nas oportunidades de emprego que pode xerar a Serra do Barbanza.

Estas xornadas son organizadas dende a Mancomunidade Arousa Norte coa financiación da Deputación da Coruña. Colaboran con os catro concellos da comarca e a organización Madoan en A Pobra.

Cursos en Rianxo: para mulleres en abril, maio e xuño. De balde

cartelcursobiomasarianxo.pdf Download this file

rianxoinfoeprograma.pdf Download this file

Posted via email from Certo.gl, o xornal dixital de Barbanza e Noia

Boiro: este venres 13, novo capítulo do Curota Sound e o sábado 14, roteiro con BoiroVerde

Boiro, 11 de abril de 2012. Continúa a primeira edición do Certame CurotaSound, para grupos noveis do Barbanza. Desta volta, o venres 13 de abril actúan Golpe Radikal e Areavasta (Aguiño). Como sempre, no Pousada das Ánimas dende as 22:00 horas.

Outra opción o mesmo día: Grupo Mustang

Fará un repaso de grandes temas da historía do rock en formato acústico. É un grupo formado por Ángel Noya (voz), Carlos Cernadas (guitarra acústica), Fran Velo (baixo acústico) e Manu Rey (batería e caixón). Tocará na Abadía de San Enrique, ao lado da igrexa de Santa María do Castro, en Cabo de Cruz. Dende as 12 da noite do venres 13.

O sábado, camiñata, pode que con chuvia

Este sábado 14 de abril os integrantes do colectivo Boiroverde organizarán unha saída polo litoral, que comezará en Rebordelo as 10h. A distancia son 8 km, a dificultade é baixa e aproximadamente terá unha duración de dúas horas e media.

Esta ruta polo litoral -pode que con chuvia- pretende achegar aos participantes os recursos culturais e naturais do litoral (Lagoas de Carragueiros, especies de flora e fauna autóctonas, praias de Carragueiros, a Retorta, o Chazo ou a Ladeira).

Información e inscricións no Centro Social de Boiro.

Posted via email from Certo.gl, o xornal dixital de Barbanza e Noia