23.10.12

Ribeira: programa da Mostra de Teatro 2012, ata o sábado 1 de decembro

  • Comeza este sábado 27 de outubro
  • Entrada de balde
  • Cinco compañías profesionais e dous grupos afeccionados
  • Entre os actores destacan os xa clásicos "Mofa e Befa", compañeiros inseparables do ribeirense Quico Cadaval

 

Ribeira, 23 de outubro de 2012. A Mostra de Teatro de Ribeira 2012 estará integrada este ano por un total de sete representacións, cinco das cales correrán a cargo de cinco compañías profesionais e dúas por grupos afeccionados.

A concelleira de Cultura, Elvira Pisos, foi a encargada de presentar esta edición, acompañada do director da mostra, Segundo Chiki Durán, e do técnico municipal Unai González.

A programación dará comezo este sábado 27 de outubro e rematará o sábado 1 de decembro. Non obstante, as funcións seguirán a liña doutros anos e terán lugar os venres de cada semana a excepción das dúas actuacións aludidas.

Elvira Pisos salientou que a Mostra de Teatro é  unha das programacións anuais estables con máis calado na cidadanía e que dende o Concello se procura a mellor escolma da arte dramática que se fai en Galicia.

As entradas das funcións (todas programadas para as 21.30 horas) serán de balde ata encher aforo. As localidades poderán retirarse os propios días das representacións media hora antes do inicio das mesmas.

A programación estará conformada pola seguintes actuacións:

  • Sábado 27 de outubro.- Talía Teatro: O método Grönholm

Sinopse: na Sala de Reunións dunha empresa multinacional comparecen catro aspirantes a ocupar un cargo executivo importante. A razón da súa presenza alí é que todos eles foron convocados a unha última proba na que a Empresa decidirá quen dos catro é o elixido para o posto. A proba nesta ocasión vai ser conxunta realizándose polos catro aspirantes ao tempo. Ao pouco de dar comezo vai quedando claro para todos os aspirantes que aquela non é unha proba convencional. Todos , tres homes e unha muller, son profesionais con ampla experiencia, con cargos importantes en outras empresas na actualidade-, afeitos a superar todo tipo de desafíos para alcanzar os obxectivos…..Pero esta experiencia, na que entra en xogo o Método Grönholm, e unha experiencia distinta.

 

  • Venres 2 de novembro.- Malasombra: Smoke City

Sinopse: Smoke City aborda unha problemática moi de actualidade como é a do tabaquismo, e en particular pon énfase nas consecuencias a curto prazo que causa na vida diaria dos consumidores, e, sobre todo, os beneficios de levar unha existencia limpa, sen dependencias, que permitan realizar un monte de actividades libres de ataduras físicas e psíquicas, que, ao fin e ao cabo, é todo o contrario de vivir atrapado, atado, encadeado a un pitillo, como é o desexo do malvado Silvio Nicotini.  

  • Venres 9 de novembro.- Obras Públicas: O fútbol é así

60 minutos de música e teatro con xornalistas deportivos, coa afección e por suposto cos xogadores. Unha historia baseada en feitos inventados que ben puideron ter ocorrido na fase final dun mundial no que xogaba unha selección vestida de vermello.

  • Venres 16 de novembro.- Grupo Municipal Xuvenil de Teatro de Ribeira: O achado do castro

Comedia de enredo que narra as aventuras de dúas ladroas que fan o imposible por acadar o medallón do César para facerse co poder do Imperio. Foi escrita aló polo ano setenta e sete antes de Xesucristo, tratándose dunha obra totalmente inédita xa que o manuscrito non se deu a coñecer ata o presente. A obra en cuestión, apareceu hai uns anos nunha escavación dun castro próximo á cidade e aínda que polo de agora non se explicase claramente que facía unha obra latina dunha época temperá nun castro celta, quizais sexa unha proba máis da paixón polo teatro dos habitantes da antiga Gallaecia.

  • Venres 23 de novembro.- Mofa e Befa: Cociña económica

Sketch no que se recrea un plató de Televisión onde se está gravando un programa de cociña. Reproduce o esquema que se sigue entantos programas nos que un cociñeiro de gran prestixio presenta á audiencia (maioritariamente feminina) unha receita de execución simple e custe reducido. Neste programa Cociña Económica elabóranse pratos de cociña internacional utilizando exclusivamente refugallos extraídos de colectores.

 

  • Sábado 1 de decembro.- Teatro Asociación Cultural Charamela: Se o sei non volvo a casa.

Debúllase un auténtico fresco da Galicia dos anos 20, cando a emigración a América se converteu nun fenómeno determinante na historia de moitas familias desta terra. O conxunto está invadido por un humor melancólico, que se conxuga cunha posta en escena moi coidada, rebosante de detalles, que firman una ambientación e un espazo escénico con moi belas escenas, destacando novamente o papel dos e das artistas que rozan o sublime nos seus respectivos rexistros.

Pode que tamén lle interese:




Posted via email from Certo.gl, o xornal dixital de Barbanza e Noia

Ribeira: o Concello saca a licitación a instalación e explotación de expendedoras en terreo municipal

  • Os únicos productos prohibidos nelas son alcohol e tabaco

Media_httpfarm9static_lbyin

Hoxe hai todo tipo de máquinas expendedoras. Na imaxe, unha de libros

Ribeira, 23 de outubro de 2012. O Concello sacou no día de hoxe a licitación a explotación, instalación, mantemento e subministro de máquinas automáticas en espazos de dominio público das distintas instalacións municipais.

Concretamente, as dependencias nas que se poderán colocar estas máquinas son o Complexo Polideportivo da Fieiteira, a Lonxa Municipal, a Casa Consistorial, o Auditorio, o Conservatorio e a sede da Policía Local.

Nas distintas instalacións poderán poñerse á  venta bebidas quentes e frías, a excepción da Fieiteira, na que ademais poderán expenderse alimentos sólidos ou snacks.

Polo que respecta a bebidas quentes, as máquinas deberán contar polo menos cos seguintes produtos: café, café descafeinado, café con leite, chocolate, leite e infusións. En canto ás frías: auga mineral, zumes, refrescos con e sen azucre, bebidas isotónicas e batidos. Alimentos sólidos: galletas, chocolatinas, patacas fritas, froitos secos e aperitivos.

Non poderán venderse bebidas alcólicas nin tabaco.

O prazo de duración da autorización para a instalación destas máquinas é de dous anos a partir da súa concesión.

Segundo se reflicte no Boletín Oficial da Provincia de hoxe, o prazo de presentación de ofertas e solicitudes de participación abarca os 15 días seguintes ao do día de publicación do anuncio (data límite: 7 de novembro). As ofertas deberán presentarse no Rexistro Xeral do Concello. O procedemento de adxudicación é o ordinario, de libre concorrencia con pluralidade de criterios de adxudicación.

Posted via email from Certo.gl, o xornal dixital de Barbanza e Noia

Dodro: do 29 ao 31 de outubro, Semana do Samaín

[[posterous-content:pid___0]]



Antes, en Certo:

 

Posted via email from Certo.gl, o xornal dixital de Barbanza e Noia

Noia: a historiadora Aurora Marco, premio Luís Tilve 2012 na categoría de Investigación e Divulgación Histórica

Media_httpfarm3static_tgqrf

Aurora Marco, a que mira a cámara de fotos, nunha foto de arquivo feita na Habana. Ao seu pé, a escritora Pilar García Negro e o debuxante de banda deseñada MiguelAnxo Prado

Noia, 23 de outubro de 2012. Onte deuse a coñecer o fallo dos premios da Fundación Luís Tilve e entre eles resultou premiada a historiadora e escritora noiesa Aurora Marco, "polo seu traballo 'As mulleres na guerrilla antifranquista galega', que recupera os nomes destas mulleres para a nosa historia", segundo figura na acta do xurado.

Media_httpfarm6static_qnwch

Aurora Marco caracterízase na súa obra por reivindicar o papel das mulleres na historia de Galicia

Os premiados nos outros apartados foron:

  • Na categoría Traballo Digno: o xornalista pontevedrés Xabier Fortes. «Con este premio recoñécese a calidade, o rigor e a independencia dun profesional que cre nos medios públicos como espazo aberto ás preocupacións sociais dos cidadáns», sinalou o xurado destes galardóns.

 

  • Na categoría Acción Solidaria: o Proxecto Bubisher, «un autobús biblioteca que percorre os campamentos de refuxiados do Sáhara». Na actualidade participan máis dun cento de bibliotecas escolares galegas. Esta idea, xurdida do alumnado do colexio San Narciso de Marín, foi posta en marcha pola Asociación de Escritores por el Sáhara. (O ano pasado fora premiado o escritor Manuel Rivas). 

Media_httpfarm5static_ylnwx

Escaleiras en espiral do Museo do Pobo Galego

  • Na categoría Defensa do Medio Ambiente e dos Bens Comúns: Museo do Pobo Galego.

 

Os galardóns serán entregados este venres 26 de outubro no Auditorio Municipal de Vigo.

Que son os premios Luís Tilve?

Ten toda a información na web da Fundación Luís Tilve, en http://www.fundacionluistilve.com/premios.php

Posted via email from Certo.gl, o xornal dixital de Barbanza e Noia

Cultura: o seguinte torneo poético de Slam Arousa é o domingo 4 de novembro en Ribeira

Slam

Ribeira, 23 de outubro de 2012. A data do vindeiro torneo do Slam Arousa, un certame poético de recitado organizado polaa actriz e poeta rianxeira Esther F. Carrodeguas, xa está fixada. Será o domingo 4 de novembro no Bar Brétema de Ribeira, ás 21:30 horas.


A gañadora do primeiro slam, Celia Parra, actuará como convidada especial neste certame.


A seguinte cita será a principios de decembro na Pousada das Ánimas de Boiro coincidindo co 18 aniversario do local.



Que é o slam?

 

O slam é un tipo de torneo entre poetas que xa se fai por todo o mundo adiante e que agora se fará tamén na nosa terra. slam.arousa será o primeiro torneo slam que se celebre en Galicia, e o gañador absoluto das 6 xornadas poderá competir na final estatal española.


O Primeiro "TORNEO" tivo lugar o día 5 de outubro no Curral do Marqués (Taragoña, Rianxo). A gañadora foi Celia Parra (
Premio Ánxel Casal, 3º premio Minerva en dúas edicións, 3º premio Xuventude Crea de poesía, Premio María Mariño, Premio Avelina Valladares, etc...).

 

De aí sucédense cada mes polas vilas da Ría de Arousa, e este vindeiro domingo 4 de novembro tócalle a Ribeira.

Para esta ocasión, Celia Parra recitará como convidada especial.

Tamén, o gañador de Ribeira recibirá un pequeno agasallo da Concellalía de Cultura do Concello de Ribeira.


Pero... qué é Slam-arousa?

 

Slam-arousa é un slam (un torneo entre poetas) que se celebrará en diferentes localidades da Ría de Arousa de outubro a marzo. O público será o xurado de cada torneo. slam-arousa consta de 5 torneos-base nos que "loitarán" 6 poetas e unha final á que acoden os 5 gañadores dos torneos anteriores, máis aquel poeta non gañador que levara máxima puntuación segundo o público tribunal.

 

Quen gañen o slam.arousa terá a posibilidade de viaxar fóra de Galicia para competir co resto de slamers-locais espallados por toda a xeografía española.

 

Cales son as normas de recitado?

-podes recitar calquera texto sempre que sexa teu e non dure máis de 3 minutos

-non podes usar música, disfraces, ou accesorios

-é tan importante o texto como o bo recitado. de feito, o único importante é conquistar ao público.

-non é imprescindible saber o texto de memoria... pero axuda, claro!

-por votacion popular decídense 3 finalistas volven recitar un texto (preferentemente diferente, pra deleitar ao público)

-destes 3 finalistas, sempre por votación popular, ven seleccionado o gañador que pasa á final na Illa de Arousa.

-o gañador, pode, se quere, volver recitar tras resultar vencedor.

 

Gustaríache participar no slam.arousa?

Envía un email a: slam.arousa@gmail.com cos teus datos, e alístate no slam que máis che conveña! podes tamén aparecer sen máis, xa que slam.arousa celebrase como cada slam a micro aberto.

 

Non che quedou algo claro? queres máis información?

Escribe igualmente a slam.arousa@gmail.com



Antes, en Certo:


Poesía: Celia Parra, gaña o I torneo Slam Arousa en Taragoña

Posted via email from Certo.gl, o xornal dixital de Barbanza e Noia

Sociedade: "Stop Desahucios" de Barbanza loita por unha nova familia á que poden desaloxar en Rianxo


Dous integrantes de "Stop Desahucios" de Barbanza nunha recollida de sinaturas en Ribeira

Barbanza, 23 de outubro de 2012. A plataforma "Stop Desahucios" de Barbanza, que loita porque non se bote ás familias fóra das súas vivendas cando non poidan facer fronte á súa hipoteca, vén de facer un novo comunicado público no que se sinalan que xa están a loitar por outro caso. Desta volta é unha familia de Rianxo á que embargaron xa numerosos bens, incluso un premio da Lotaría Nacional.

Ademais, "Stop Desahucios" está a comunicarse en todo momento con autoridades da nación para que velen pola salvagarda do dereito constitucional á vivenda. No segundo comunicado que reproducimos íntegro vese a resposta que recibiron de Presidencia do Goberno sobre as súas peticións.
 
COMUNICADO PÚBLICO:

    --------------------------
 
    Continúan surgiendo familias de la Comarca del Barbanza que viven situaciones extraordinarias que le dificultan el poder atender el pago de sus hipotecas o bien que ya se encuentran en fase de subasta o desahucio de sus viviendas. Una nueva familia acude, a la Plataforma "STOP DESAHUCIOS" DEL BARBANZA en busca de ayuda para que no les desahucien de sus vivienda habitual, por parte de una entidad financiera de Rianxo.

  Una pareja de la localidad de Rianxo se enfrentaron, hace algún tiempo, a ciertos problemas en sus empresas que les llevaron a la completa ruina económica, por una serie de circunstancias ajenas a su voluntad. Entraron en un proceso de liquidación concursal, de manera forzosa, para poder hacer frente a sus obligaciones con la entidad financiera y ello les llevó a que les subastasen varios bajos comerciales y dos viviendas además del embargo de más de 200.000 euros que les había tocado en la lotería nacional.

  Ahora la entidad financiera, sabiendo que están sin recursos, luego de las subastas y embargos de todos sus bienes, quieren proceder al desahucio de la familia de su vivienda habitual, circunstancia a la que la Plataforma STOP DESAHUCIOS no está dispuesto a consentir, sin que se abra una vía de diálogo que lleve a la racionalidad de la propia entidad financiera y entienda que hay muchas maneras para negociar antes de tener que dejar a esta familia en la calle. 

  Varios miembros de la Plataforma están en contacto permanente con los responsables de la entidad financiera en A Coruña y esperan, que en las próximas semanas, se le encuentre una solución satisfactoria para esta familia.  

  STOP DESAHUCIOS
  BARBANZA

Anterior COMUNICADO:
   
   Hace unos días, los miembros de la Plataforma "Stop Desahucios" del Barbanza han recibido un escrito del Director del Gabinete de la Presidencia del Gobierno, D. Jorge Moragas, agradeciendo la confianza por enviar un escrito anterior proponiendo una serie de medidas tendentes a la paralización de los desahucios en España y la toma de otras medidas legales. 

  El Director del Gabinete de la Presidencia del Gobierno señala, en su escrito, que "como saben, se ha aprobado el Real Decreto-Ley, de 9 de marzo, de medidas urgentes de protección de deudores hipotecarios son recursos, con el fin de paliar la situación de muchas familias en riesgo de desahucios, lo que constituye otro ejemplo de sensibilidad con los que más están sufriendo la crisis económica. Esta norma establece diversos mecanismos que permiten la reestructuración de la deuda hipotecaria de quienes padecen dificultades extraordinarias para atender su pago, así como la flexibilización de la ejecución de la garantía real. Dicha norma se complementa con un Código de Buenas Prácticas, que incluye tres fases de actuación. La primera, la reestructuación viable de la deuda hipotecaria; la segunda, de no resultar suficiente la reestructuración anterior, establece que las entidades, y con carácter potestativo, pueden ofrecer a los afectados una quita sobre el conjunto de la deuda. Y, finalmente, si ninguna de las dos medidas anteriores logra reducir el esfuerzo hipotecario de los deudores a límites asumibles para su viabilidad financiera, estos podrán solicitar, y las entidades deberán aceptar, la dación en pago como medio liberatorio definitivo de la deuda. En este último supuesto, las familias podrán permanecer en su vivienda durante un plazo de dos años satisfaciendo una renta asumible. El Código es de voluntaria adhesión para las entidades bancarias pero, una vez suscrito, es de obligado cumplimiento y su inobservancia se podría invocar ante los Tribunales".

  En la respuesta de la presidencia del gobierno, continúan diciendo que "los españoles contamos con la capacidad, la fortaleza y la determinación para superar la crisis actual. Por su parte, el Gobierno tiene la voluntad y la valentía para cumplir con su deber y avanzar con firmeza hacia el camino de la recuperación. Pueden estar seguros de que estamos trabajando sin descanso y con ambición para lograr un futuro mejor para todos.

  Reciban un cordial saludo".
  Gabinete de la Presidencia del Gobierno 
   

 
  

Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical