13.4.12

Ribeira: "FalaRedes" programa tres actividades para normalizar o galego na cidade

  • O secretario xeral de Política Lingüística actual, Valentín García, presentou o programa en compaña do alcalde

 

Ribeira, 13 de abril de 2012.- O novo programa de normalización lingüística FalaRedes, que promove a Xunta de Galicia a través da súa Secretaría Xeral de Política Linguística, vai desembarcar en Ribeira a través da celebración de tres actividades ao longo deste ano 2012. Así o deu a coñecer hoxe o secretario xeral de Política Lingüística, Valentín García, nunha presentación no Consistorio ribeirense na que estivo acompañado polo rexedor municipal Manuel Ruiz.

 

FalaRedes é un programa dirixido ás entidades locais pertencentes á Rede de Dinamización Lingüística (entre as que se atopa Ribeira) e que ten como obxectivo a promoción do uso do galego. Esta acción constará dun total de 250 actividades repartidas polos 93 concellos da Rede, cun público potencial de 700.000 persoas.

 

Polo que respecta ao municipio, as tres actividades que xa están programadas son:

 

      terehop: obradoiro que mestura o hip-hop cos monicreques que se desenvolverá mañá sábado en dúas sesións (de 11 a 13.30 horas e de 17 a 19.30 horas) no CEIP O Grupo e está dirixido a mozos e mozas de 13 a 17 anos.

 

      Galego de Cine: consistente na proxección de curtas infantís en galego que irán acompañadas de actividades de compresión das películas emitidas. Terá lugar o sábado 19 de maio, de 11 a 14 horas, no Avenida do Malecón (ou se chove, na Biblioteca Municipal) e está enfocado a nenos e nenas de 3 a 12 anos.

 

      O Señor das Dunas: un espectáculo para a toda a familia no que un contacontos narrará cinco relatos populares galegos. Terá lugar o domingo 2 de decembro ás 17.30 horas no Auditorio Municipal.

 

Segundo referiu Valentín García (quen sinalou -con toda a razón, subliñamos en Certo- que Ribeira é un concello de referencia para o seu Departamento), FalaRedes busca crear espazos de uso e de aprendizaxe do galego ligados ao lecer, á cultura xuvenil e ás tecnoloxías da comunicación para promover unha imaxe da lingua ligada a valores positivos. Tamén intenta reforzar o uso do galego entre galegofalantes, proporcionándolles modelos lingüísticos de referencia aos rapaces e rapazas de orixe castelanófona.

 

Pola súa parte, o alcalde Manuel Ruiz salientou a fluída colaboración existente entre o Concello e a Secretaría Xeral e puxo en valor o grande número de actividades que desenvolven en Ribeira para o fomento da lingua galega, moitas delas en colaboración coa Xunta ou coa Mancomunidade Arousa Norte. A este respecto, aludiu a moi diversas accións consistentes en exposicións, cursos de formación, promoción do uso do galego nas novas tecnoloxías ou iniciativas dirixidas ao fomento da lectura. 










Posted via email from Certo.gl, o xornal dixital de Barbanza e Noia

Rianxo: "Zona da Zanfona 2012" vaise celebrar entre o venres 20 e o domingo 22 de abril

Media_httpfarm4static_ihhsb

Zanfoneiro tocando na Feira de Artesanía de Ribeira

Rianxo, 13 de abril de 2012. Do venres 20 ao domingo 22 de abril terá lugar en Rianxo o 8 Encontro Internacional: Zona da Zanfona organizado por aCentral Folque, Centro Galego de Música Popular, en colaboración co Concello de Rianxo.

Zona da Zanfona 2012 é o VIII Encontro Internacional para zanfonistas en Galicia, onde cada ano, aCentral Folque achega os mellores intérpretes e compositores para amosar a súa arte e impartir cursos prácticos para os especialistas deste instrumento milenario que está a rexurdir cunha forza consolidada nos últimos 10 anos e dos que este encontro é a cita máis importante do ano nesta periferia de Europa. Os mestres convidados deste ano son os franceses Gilles Chabenat e Patrick Bouffar.


Un deles é Gilles Chabenat...

Zanfona_rianxo

O programa que se vai desenvolver é o seguinte:

  • VENRES 20 DE ABRIL

- 19.00 h Praza Rafael Dieste "Zanfonas á rúa"

- 21.00 h Auditorio de Rianxo "Concerto Tour à tour" de Gilles Chabenat & Patrick Bouffard

  • SÁBADO 21 E DOMINGO 22 DE ABRIL

- Curso de zanfona con Chabenat e Bouffard

Para máis información poden consultar o seguinte enlace

Posted via email from Certo.gl, o xornal dixital de Barbanza e Noia

A Pobra: o instituto acolleu unha actividade interxeneracional onde mozos e vellos compartiron inquedanzas

A Pobra, 13 de abril de 2012. Un grupo de avós impartiron unas clases nos grupos de 1º ESO do IES da Pobra do Caramiñal. Esta actividade está enmarcada no proxecto “A escola dos av@s . Outro xeito de vida é posible“ (aescoladosavos.worpress.com) que neste centro educativo están a levar a cabo un grupo de profesores. O Proxecto “Escola dos avós” é unha actividade interdisciplinar en canto ao contido,  cunha metodoloxía de traballo cooperativa que pretende crear dinámicas de traballo por competencias en torno ó mundo dos avós. Os rapaces traballan de xeito coordinado nas áreas de Ciencias Sociais, Lingua galega e Lingua Castelá.

Neste caso as clases xiraron en torno ao tema da auga. Os alumnos estiveron traballando durante máis dun mes: investigaron, realizaron entrevistas aos seus avós e avoas, elaboraron reportaxes ,… E este era o momento de poñer en relación o mundo actual e o dos vellos, buscar semellanzas e diferenzas, reflexionar en torno a aspectos como son o acceso á auga, o seu consumo, os residuos e a contaminación hídrica, ….

Estableceuse un diálogo ( ás veces realmente un debate ) no cal os rapaces fixeron mil e unha preguntas, ás cales os avós respostaron botando mán en múltiples ocasións á sabiduría popular. Nun momento no que os rapaces argumentaban sobre o consumo da auga, un dos avós deixou pensativos aos nenos: “Non hai pouco que non chegue nin moito que non se esgote”. “É un crack”, oíuse na aula.

Nesta ocasión, os avós son alumnos do Nivel II de Educación de Adultos do IES Campo de San Alberte de Noia. A experiencia vivida foi altamente gratificante tanto para eles coma para os alumnos. De feito os rapaces preguntábanlle ao final aos seus profesores: "E agora cando veñen os nosos avós e avoas?"



Posted via email from Certo.gl, o xornal dixital de Barbanza e Noia

Ribeira: a escritora de Cee Concha Blanco falou sobre a mestura de muller e literatura

 Ribeira, 13 de abril de 2012.- Case un cento de persoas (predominantemente mulleres pero tamén moitos varóns) quixeron acudir no serán de onte ao Conservatorio Municipal para presenciar a conferencia “Muller – literatura, binomio fantástico” coa que se deu inicio á actividade Xoves Literarios incardinada dentro do programa do Abril Mes dos Libros 2012 do Concello de Ribeira.

 

O acto contou coa introdución musical da profesora de piano do Conservatorio, Teresa Bretal Martínez, á continuación da cal a responsable do Servizo de Normalización Lingüística, Alicia Padín, foi a encargada de introducir esta iniciativa cultural e presentar á escritora que pronunciou a charla inaugural da mesma: Concha Blanco Blanco, nacida en Lires (Cee) en 1950.

 

O numeroso público congregado, entre o cal se atopaba a concelleira de Educación, Maricarmen Vizcaya, escoitaron con atencións as palabras da autora ceense, quen fizo alusión ao papel das mulleres ao longo da historia da literatura.

 

A próxima actividade enmarcada nos Xoves Literarios (acción que forma parte así mesmo do programa Letras Vivas da Xunta de Galicia) terá lugar o día 19 de abril coa conferencia “Dos fastos aos festexos”, por Francisco Antonio Vidal, nacido en Palmeira en 1957.


 


Posted via email from Certo.gl, o xornal dixital de Barbanza e Noia

Rianxo: "A bicicleta de Ana María" represéntase en interiores esta fin de semana

Media_http3bpblogspot_bujfb

Rianxo, 13 de abril de 2012. Debido ás previsións meterolóxicas adversas para este fin de semana, a proposta de Teatro Express A Bicicleta de Ana María vai desenvolverse nos lugares previstos para interior.

Os lugares e horas son os seguintes:

SÁBADO 14 DE ABRIL

  • TARAGOÑA - 17.00 h - Centro Cultural e Deportivo
  • ARAÑO - 18.00 h - Antiga escola de Buía
  • ASADOS - 19.00 h - Centro Cultural Simón Varela

DOMINGO 15 DE ABRIL

  • ISORNA - 17.00 h - Escola da Vacariza 
  • LEIRO - 18.00 h - Centro Cultural Vicente Vidal
  • RIANXO - 19.00 h - Auditorio de Rianxo

Posted via email from Certo.gl, o xornal dixital de Barbanza e Noia

Ribeira: o mércores 18 de abril inaugúrase "Arte Barbanza 1980", mostra que estará ata o 11 de maio

  •  Son obras de 13 artistas nados na década dos 80 do século pasado que se moven na contorna de Barbanza

Media_httpfarm8static_tgjqy

Ribeira, 13 de abril de 2012. O vindeiro mércores, 18 de abril, ás 20.00h no Auditorio Municipal de Ribeira terá lugar a inauguración de Arte Barbanza 1980. Unha mostra de trece artistas nados arredor dos anos 80, que residen na Barbanza ou que se moven polo entorno da nosa bisbarra.

Media_httpfarm8static_gbixy

Media_httpfarm8static_gqkjo

A mostra presenta as novas disciplinas coetáneas coas que traballan os creadores barbanzás nun recorrido visual entre trece miradas múltiples e diferentes da peza artística contemporanea.

Media_httpfarm6static_njgcd

Media_httpfarm6static_rjqaz

Entre os artistas participantes desta mostra encontranse o dúo artístico Oscar Lot e Loli Regueira, a parella de performers formado por Manú Mimé e Paulova, María Magán membro do colectivo L.I.B.A, José Caamaño dos xóvenes escultores participantes na mostra Encontros-Encounters realizada en Nova Iorque, Iria Araújo, Inés Sánchez Díaz-Marta, Pili Sampedro Lampón, Irene Saíñas, Da Dápobra, Santi Gabán e Isabel Soler Rivas.

Pode que tamén lle interese:

 

 

Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical