Rianxo, 6 de agosto de 2012. Os días 8 e 9 de agosto celebrarase na Praia de Tanxil unha nova edición do Torneo de Petanca, que se vén disputando ininterrumpidamente desde o ano 1991.
A competición está aberta a todas as idades e desenvolverase por parellas. As inscricións faranse na propia praia ata antes do inicio das partidas, o día 8 ás 16:30 horas aproximadamente.
Posted via email from Certo.gl, o xornal dixital de Barbanza e Noia
Barbanza, 6 de agosto de 2012. Segundo se pode comprobar no Diario Oficial de Galicia do pasado venres 3 de agosto (aquí), os colexios de Ribeira situados en Carreira e Artes e os de Porto do Son ubicados en Noal e Queiruga van sufrir reducións e reagrupamentos como queda na imaxe. O xornal Galicia Confidencial, co que colabora Certo, denuncia esta situación en toda Galicia nesta nova, con declaracións de Anxo Louzao nas que asegura que deste xeito a Xunta, cun goberno do Partido Popular no que sempre estivo presente o Opus, favorece aos colexios privados da corda desta secta ultracatólica.
Posted via email from Certo.gl, o xornal dixital de Barbanza e Noia
Noia, 6 de agosto de 2012. O Concello de Noia amosa xa no claustro do Concello a historia en imaxes de Salama e Jadidja, un neno e unha nena saharauís que forman parte do programa de Vacacións en Paz que trae cada verán a Sanxenxo e outras vilas -entre elas Noia- a rapazas e rapaces que viven e medran nos campos de refuxiados de Alxeria. A mostra fotográfica e o documental, elaborados por Agareso, reflicten a súa experiencia estival en Galicia e a súa vida cotiá no deserto.
A exposición titúlase ‘De Sanxenxo ao Sáhara: Vacacións en Paz’, e é da Asociación Galega de Reporteiros Solidarios (Agareso). Para vela, a entrada é de balde e poderase visitar ata finais de mes en horario de 09.30 a 14:00 horas, dias laborables e os sábados de 10:30 a 13:00 horas. O fotógrafo Pelu Vidal, xunto coas xornalistas Natalia Puga e Lara Varela, e o cámara Suso Lago, baixo a coordinación de Laura López, realizaron este proxecto de sensibilización no ano 2008. Ademais das fotografías, gravouse o documental ‘Galicia-Sáhara: Vacacións en Paz’, que tamén se proxectará durante a exposición en Noia. A exposición foi financiada polo concello de Sanxenxo coa intención de promover o programa de vacacións solidarias e sensibilizar a poboación galega sobre a importancia deste tipo de iniciativas, coas que todos gañamos: as rapazas e rapaces e mais as familias de acollida. No verán de 2008, o equipo de reporteiros de Agareso seguiu a estancia dun neno e unha nena saharauís en Sanxenxo, xunto coa súa familia galega, e acompañounos no seu regreso á casa despois de pasar dous meses na nosa terra. O programa Vacacións en Paz, operativo desde hai 18 anos, permite dar unha tregua aos máis pequenos durante os meses de verán, cando as temperaturas no deserto roldan os 50 graos. España é o destino preferente de miles de cativas e cativos que reciben así a aperta dun país onde as vacinas, os medicamentos, a tecnoloxía, o lecer, os alimentos e a auga forman parte da vida cotiá, pero que na súa realidade ao outro lado de fronteira escasean. Ás atención médicas que reciben, súmase o sentimento das familias de acollida, que acaban integrando a estes nenos e nenas como un máis da súa casa. Este proceso non só é beneficioso para os saharauís, senón que os nosos propios rapaces e rapazas aprenden con estes programas que hai outras formas de vivir e outras culturas diferentes, pero que a realidade que importa, a que está por riba de todas é que somos todos iguais. A selección de imaxes desta exposición pretende reflectir a experiencia de Salama e Jadidja. A través da serenidade de Salama e a espontaneidade de Jadidja, as e os reporteiros transmítenlle á sociedade o día a día da poboación saharauí e amosan que as diferenzas entre un neno ou unha nena de Galicia e outro do Sáhara son máis ben superficiais, e que tanto alí como aquí o cariño da súas familias e a capacidade para aprender e divertirse son común a todos. Agareso tentou trasladar tamén a Galicia a tenrura das xentes do Sáhara e a súa paixón por conversar, que fan desta rexión desértica o país das palabras. http://www.agareso.orgNoia: actos culturais ata o sábado 11 de agosto post.ly/8fZCf
— Certo (@Certo) August 6, 2012
Madrid sube las tasas de máster al máximo permitido por Educación - noticias.terra.es/espana/madrid-… > Vamos: sube las tasas al doble de lo que estaban.
— Pedro Hernández (@laperiferia) August 6, 2012
Noia: os máis buscados? Non, os de Morrigan. E o venres 10 de agosto dan un concerto (presentando disco) na súa terra. facebook.com/photo.php?fbid…
— Certo (@Certo) August 5, 2012
Posted via email from Certo.gl, o xornal dixital de Barbanza e Noia
Ribeira, 6 de agosto de 2012. O pasado 2 de xullo o Parque Nacional Marítimo Terrestre das Illas Atlánticas de Galicia (P.N.M.T.I.A.G.) cumpliu dez anos de idade e, segundo denuncia hoxe Verdegaia, "non o fixo con boas novas de cara á debida conservación dos ecosistemas que abrangue. De feito, o Parque aínda non aprobou o seu Plano Reitor de Uso e Xestión (P.R.U.X.) incumprindo a súa propia lei de declaración e está a realizar brutais desbroces para supostamente previr os lumes forestais e mellorar o hábitat de especies".
O P.R.U.X. do P.N.M.T.I.A.G. é a ferramenta que ten que ter un espazo natural destas características para delimitar as actividades que se levan a cabo no seu seo. Este documento debía ter sido elaborado no prazo dun ano a partires da aprobación da Lei 15/2002 de 1 de xullo pola que se declara o P.N.M.T.I.A.G. como se recolle na disposición adicional segunda de dita lei. Deste xeito, o P.R.U.X. xa acumula un retraso de máis de nove anos. "A este inaceptable retraso hai que sumarlle que o P.R.U.X. estivo a exposición pública e en periodo de alegacións o pasado mes de setembro e xa vai facer un ano dende que Verdegaia e outras entidades apresentamos alegacións ó mesmo", afirman os ecoloxistas. Por outra banda, "os desbroces que se están a levar a cabo no espazo natural tampouco axudan para festexar estos dez anos de Parque Nacional. Trátase de desbroces no borde de pistas mais tamén de xerar grandes superficies sen vexetación “para mellorar o hábitat de especies con poboacións en perigo como son o azor (Accipiter gentilis) e o lagarto arnal (Lacerta lepida)” segundo o propio director conservador do Parque, José Antonio Fernández Bouzas. En primeiro lugar, non existe ningún estudo técnico nin plan de recuperación para o azor nin para o lagarto arnal que indique a necesidade deses desbroces, e a única e verdadeira razón para levalos a cabo é para previr os lumes forestais. Resulta lamentable esa xustificación dos desbroces masivos en Hábitats de Interese Comunitario, cando nas illas xa existen medios para a luita contra o lume, coma motobombas e brigadas específicas, e xa hai unha extensa rede de camiños e cortalumes", explican en Verdegaia.Rozas con desbrozadoras de cadeas
As rozas foron levadas a cabo con desbrozadoras de cadeas, o que ocasionou a destrucción dos niños e ovos das especies que crían nos matogueiros (despois de que pasaran as desbrozadoras atopáronse pitos mortos nas pistas), a mortandade doutros vertebrados (réptiles incluídos) e invertebrados, a destrucción da flora autóctona (con numerosas especies endémicas) e provocou graves danos no funcionamento e estrutura dos ecosistemas. "Por iso resultan especialmente lamentables as declaracións do director conservador do Parque: “os membros do retén terán un coidado exquisito para non danar os ovos das aves propias dos arquipélagos”, aseguran os de Verdegaia en nota de prensa.
Ademáis, razoan, deses danos directos á flora e fauna do Parque, esas rozas convírtense nunha vía de entrada de especies alóctonas e favorecen a invasión de especies exóticas como as acacias e a margarida do Cabo, que deste xeito poderían acceder a hábitats prioritarios onde están presentes moitas especies endémicas do noroeste peninsular.Lamentable xestión do conservador do Parque
Verdegaia sinala que para máis “inri”, esta actuación non foi só pensada? polo director conservador do Parque (que xa nos ten acostumados á súa lamentable xestión) senón que na toma da decisión participaron o delegado territorial da Xunta, José Manuel Cores; os xefes territoriais de Medio Rural e Medio Ambiente, Gerardo Zugasti e José Luis Díez; e o xefe do Servizo de Lumes, Manuel Francisco Gutiérrez, que demostraron que pouco saben de como levar a cabo este tipo de actuacións nun espazo protexido. Non dubidan en asegurar que "no Parque Nacional estáse a levar a cabo unha pésima e contraproducente xestión dende hai anos. Son necesarios cambios drásticos para procurar a conservación dos hábitat naturais, conter e evitar a invasión de especies exóticas invasoras e cumplir os obxectivos de creación dun Parque Nacional. O despilfarro dos medios económicos do Parque en actuacións destrutivas como as aquí denunciadas, contrasta coa súa escaseza de persoal e de medios, que incluso provocou que, en determinados momentos do mes de xuño, as praias deste espazo protexido estiveran ateigadas de lixo e que o propio persoal do espazo protexido non fora quen de recollelo en varios días".Que deixen de ser parque e dimita o director
Por todos estes feitos, Verdegaia solicita que as illas Cíes, Ons, Sálvora e Cortegada deixen de ser Parque Nacional se continúan as prácticas destrutivas de manexo que se veñen realizando nos últimos anos. Tamén solicitamos a dimisión do Director do Parque Nacional, pola súa nefasta e neglixente xestión, e a dimisión do Presidente do Padroado. Deste último, enfatizar o sinfin de declaracións que ten feito á prensa en nome do Padroado, sobre temas nos que o Padroado no se ten pronunciado (principalmente porque non se reúne desde hai tempo, infrinxindo tamén á legalidade). En concreto, as rozas das que falamos neste escrito non pasaron pola necesaria información ao Padroado.
Posted via email from Certo.gl, o xornal dixital de Barbanza e Noia
Ribeira, 6 de agosto de 2012.- O Concello informa hoxe do inicio das obras de mellora do firme dun total de seis vías, que se encontran no medio rural, co fin de facilitar o paso a vehículos e peóns.
Os camiños que se adecuarán están situados en Castelos (Aguiño), Agrelo (Olveira), Meixe (Oleiros), Poi (Castiñeiras), Gándara (Artes) e no cruce do Vilar (Carreira).
As obras de mellora están adscritas ao PEIM Rural (Proxectos Estratéxicos de Infraestruturas no Medio Rural) da Xunta de Galicia e ten un custo de 48.193 euros.
Na súa maioría, os camiños presentan un pavimento de terra natural que, na época de frecuentes e fortes chuvias, deterióranse ata o punto de que é necesario por material de recheo.
En primeiro lugar, estase a levar a cabo a limpeza das cunetas e dos lindes das vías, despois aplicarase unha base de zahorra artificial de 15 cm de espesor, compactada e perfilada con motoniveladora. A seguir, subministrarase unha mestura asfáltica en quente de 5 cm de espesor. A maiores, nalgúns dos camiños crearanse cunetas novas.
O período de execución de todas as obras ascende a dous meses.
Ribeira: relación de xardíns premiados e recepción ás Raíñas da Flor no concello post.ly/8fWA6 si a Mariano el pones 10 periodistas detrás gana a Bolt y bate el récord A ESE RITMO USAIN BOLT SÓ TARDARÍA UNHA SEMANA EN PERCORRER TODA A CIDADE DA CULTURA
Posted via email from Certo.gl, o xornal dixital de Barbanza e Noia
Ribeira, 6 de agosto de 2012. – A tenente de alcalde, Lola Elorduy e a concelleira de Medio Ambiente, Elvira Pereira, xunto á presidenta da Asociación de Amas de Casa, Magdalena Bringas, premiaron cunhas placas conmemorativas aos donos dos xardíns máis bonitos e mellor coidados de cada unha das parroquias do municipio. Ademais, recibiron, no salón de plenos do Consistorio, ás Raíñas e Damas da Flor deste ano e aproveitaron para facerlles entrega dunhas chucharías.
Lola Elorduy felicitou aos veciños xa que “cos seus balcóns e xardíns tan ben coidados contribúen ao adornado do Concello, facendo que sexa moito máis bonito”. Tamén salientou a importancia do traballo da Asociación de Amas de Casa para que estas iniciativas continúen adiante e agradeceu ás Raínas o feito de que, ao longo do ano, representen coa súa beleza a cada unha das parroquias ás que pertencen.
RELACIÓN DOS PREMIADOS DE XARDÍNS 2012
Ribeira
Josefa Teira Sampedro
Aguiño
Daniel Alfonso González
Castiñeiras
Marina Crujeiras Fraga
Artes
Mª Carmen González González
Oleiros
Estefanía Muñiz Sanlés
Olveira
Mª Dolores Alvite Riveiro
Palmeira
Josefa Olveira Domínguez
Carreira
Mª Pura Álvarez Sampedro
Corrubedo
Manola Domínguez Brión
Antes, en Certo:
Festas do Verán: estas son as Raíñas da Flor de 2012
Fiestra da Cultura: ata o 12 de setembro, actividades culturais
Posted via email from Certo.gl, o xornal dixital de Barbanza e Noia
