30.6.11

Ribeira: o colexio de Frións rexeita e amosa a súa "total disconformidade" coa posible supresión dunha unidade de Educación Infantil

Media_httpfarm6static_vddao

Ribeira, 30 de xuño de 2011. Na reunión de consello escolar do Colexio de Frións do día 29 de xuño de 2011 tratouse, como  punto cinco da Orde do día, o posicionamento do consello ante a posible supresión dunha unidade de Educación Infantil que conlevaría a supresión de dous postos de traballo definitivos neste centro educativo.

   Acordouse comunicar ás organizacións sindicais a total disconformidade con esta medida polos seguintes motivos:

  1. Obsérvase un incremento na ratio de alumnado matriculado en educación infantil neste dous últimos cursos.
  2. Nesta etapa educativa estase a escolarizar alumnado que presentas necesidades específicas de apoio educativo (dislalia e Síndrome de Asperger).
  3. No vindeiro curso, incorpóranse a quinto de educación infantil dous nenos que nunca estiveron escolarizados.
  4. Dada a demanda para escolarizar alumnado de educación infantil en Santa Uxía de Ribeira, resultaría imposible matricular novo alumnado de catro e cinco anos nos centros educativos da localidade, algo que si podería realizarse en caso de manter as tres unidades, xa que o CEIP de Frions dispón de transporte escolar.

 

Posted via email from Certo.gl, o xornal dixital de Barbanza e Noia

Boiro: aberto o prazo de inscrición para a escola deportiva municipal de volei praia, que se inicia o luns 11 de xullo

Boiro, 30 de xuño de 2011. O vindeiro día 11 de xullo darase o pistoletazo de saída ás Escolas Deportivas Municipais de volei praia deste verán 2011. Contarase con dous monitores especializados na materia e as sesións celebraránse tódolos luns, mércores e venres na área deportiva do areal de Barraña en horario de 11:00-12:30. Para inscribirse na actividade tan só deberán achegarse á área de deportes do Concello de Boiro sita na casa da cultura. Agardan manter o crecemento gradual dos últimos tempos e superar os case 50 rapaces e rapazas inscritos do ano pasado.

Posted via email from Certo.gl, o xornal dixital de Barbanza e Noia

Turismo: a conselleira de Mar louva o exemplo do Grupo de Acción Costeira 4, na ría de Muros-Noia, á hora de promocionar o turismo mariñeiro

Noia-Muros, 30 de xuño de 2011.- A conselleira do Mar, Rosa Quintana, puxo como exemplo de promoción do mar de Galicia o plan de mellora do turismo mariñeiro do Grupo de Acción Costeira do seo de Fisterra e ría Muros-Noia (GAC4). A titular de Mar participou hoxe no acto de presentación deste plan a través do que nace o Club de Produto Mar Galaica, formado por empresas de hostalería, museos e centros de interpretación vinculados ao mundo do mar para a realización de actividades e servizos de turismo mariñeiro. Ao acto de presentación tamén asistiu a secretaria xeral para o Turismo, Carmen Pardo.

Rosa Quintana explicou que esta acción constitúe un exemplo de promoción da calidade dos produtos do mar galegos a través da formación dos operadores dos produtos turísticos, impulsándoos como os mellores embaixadores da nosa cultura, etnografía e patrimonio. Tamén mediante a uniformación de criterios para a promoción e desenvolvemento da oferta, que se consegue co Estándar Finisterrae, un manual sobre boas prácticas creado polo GAC4 para este fin.
Tamén definiu as actuacións do GAC4 como exemplo de unión e integración: a unión porque os participantes deste grupo impulsan de xeito común esta acción para a dinamización do turismo na zona e a integración da oferta co territorio porque o club de turismo aúna todos os produtos que esta área ten que ofrecer no turismo mariñeiro. Fíxoo considerando aos concellos do seo de Fisterra e da ría Muros-Noia unha única estrutura turística e patrimonial que se pode converter nunha referencia para realizar unha estadía estable e non pasaxeira, explicou a conselleira.

Neste sentido a conselleira salientou o bo investimento dos 65.000 euros que o Grupo de Acción Costeira destinou ao plan de mellora do turismo mariñeiro nesta zona e os esforzos das persoas que durante 10 meses de traballo se dedicaron a impulsar esta acción.

Plan de mellora
O plan de mellora do turismo mariñeiro realizado polo GAC4 conclúe unha serie de liñas nas que traballa o grupo. Unha delas é a necesidade de explotar economicamente e con máis rigor o turismo mariñeiro para que os beneficios desta actividade supoñan unha renda complementaria para o sector. Outra liña é a creación dun club de produto de turismo mariñeiro que integre aos sectores do mar, a hostalería e demais servizos, de aí a constitución de Mar Galaica para cumprir esa función. Por último, outra das liñas é a necesidade urxente de lanzar ao mercado unha oferta estruturada.


Posted via email from Certo.gl, o xornal dixital de Barbanza e Noia

Noia: a Xunta adica máis cartos a buscar gas fronte ás costas noiesas, no Gran Burato

  • A Xunta financiará unha segunda expedición, que inclúe zonas próximas ao Gran Burato ou estruturas relacionadas, para detectar e valorar a existencia e extensión de posibles xacementos de hidrocarburos
  • As conclusións aportadas polos científicos de Universidade de Vigo na primeira campaña de 2010 desprenden evidencias da posible existencia de gas na zona
  • Segundo os investigadores, cómpre seguir afondando no estudo para poder determinar a existencia de gas e a súa viabilidade de explotación
Media_httpfarm2static_nncaj

O gas que se consume en España procede do norte de África

Noia, 30 de xuño de 2011. O Consello da Xunta de Galicia vén de autorizar a Consellería de Economía e Industria para a sinatura dun convenio de colaboración coa Universidade de Vigo e co Consello Superior de Investigacións Científicas, para o desenvolvemento da segunda campaña de investigación do “Gran Burato”. Deste xeito, o Goberno galego, cunha nova achega de 760.000 euros, convértese no promotor da exploración da morfoestrutura singular atopada na marxe continental occidental de Galicia, destinando un total de 1,26 millóns de euros ao financiamento das dúas expedicións.

As conclusións ofrecidas polos científicos da Universidade de Vigo, dos resultados obtidos na primeira campaña de 2010, que tivo lugar entre os días 16 de outubro e 3 de novembro de 2010 a bordo do Buque Oceanográfico Sarmiento de Gamboa, inclúen evidencias da posible existencia de gas na zona do Gran Burato. Porén, segundo os propios investigadores, cómpre seguir afondando no seu estudo para poder determinar, cunha fiabilidade aceptable, a existencia de gas e a súa posible viabilidade de explotación.
A Xunta de Galicia, a través da Consellería de Economía e Industria, considera do máximo interese seguir apoiando, mediante o financiamento dunha segunda campaña en 2011, tamén a bordo do Buque Oceanográfico Sarmiento de Gamboa, o Grupo de Xeoloxía Mariña e Ambiental da Universidade de Vigo. Nesta segunda expedición, ampliarase a zona asociada á morfoestrutura singular da marxe continental occidental de Galicia coñecida como O Gran Burato, incluíndo zonas próximas de interese ou estruturas relacionadas.

O Grupo de Xeoloxía Mariña e Ambiental da Universidade de Vigo levará a cabo esta campaña para a investigación xeofísica e xeolóxica da citada zona e para a súa interpretación científica, co propósito fundamental de establecer e valorar a existencia e extensión de posibles xacementos de hidrocarburos. O desenvolvemento deste proxecto implicará a realización de levantamentos xeolóxicos que se emprenderán como parte integrante do proxecto de investigación sobre o fenómeno xeolóxico do Gran Burato, incluíndo a recollida, o tratamento e a interpretación de datos.

Antes, en Certo:


Petróleo ou gas fronte a Noia? A Xunta volve buscar


Ecoloxía: Océana non quere que se busque petróleo fronte a Noia

Posted via email from Certo.gl, o xornal dixital de Barbanza e Noia

Ribeira: do 13 ao 15 de agosto, Feira das Oportunidades no Malecón

Mesa_local_de_comercio

Media_httpfarm3static_pmxgc

A feira do stock de 2009, organizada por Viamare

Ribeira, 30 de xuño de 2011. A Casa Consistorial foi escenario hoxe dunha reunión da Mesa Local de Comercio na que se autorizou a celebración a mediados de agosto da Feira de Oportunidades que organiza a Asociación de Empresarios. Concretamente, o evento terá lugar os días 13, 14 e 15 de agosto (sábado, domingo e luns) no Malecón de Santa Uxía. 

Na mesa estiveron presentes, entre outros, o alcalde, Manuel Ruiz Rivas; o concelleiro de Fomento do Emprego, Comercio, Turismo e Pemes, Anxo Orellán; o presidente da Asociación de Empresarios de Ribeira, José Paz Cadabal; Magdalena Bringas Miralles como presidenta da Asociación de Consumidores, Usuarios e Amas de Casa; e un representante da Dirección Xeral de Comercio da Xunta de Galicia, Jesús Fernando Fernández Munín.

Posted via email from Certo.gl, o xornal dixital de Barbanza e Noia

A Pobra: Cabío xa volve locir a cada vez máis cuestionada bandeira azul

Bandeira_azul_016

A Pobra, 30 de xuño de 2011.- A praia máis emblemática da vila da Pobra do Caramiñal repite bandeira azul un ano máis. Uns distintivos cada vez máis cuestionados, xa sexa pola súa incoherencia á hora de concedelas (este ano déuselle a Tanxil, en Rianxo, por exemplo, cunha area que mete medo e sen duchas, e negóuselle á praia das Catedrais, en Ribadeo, disque porque viron un socorrista tomando a sesta en horas laborais) ou porque fomentan a urbanización dos areais ás que se lles outorga. De feito, algúns concellos están a apostar máis por outros distintivos como a Bandeira Q de calidade que outorga o Ministerio de Medio Ambiente, como é o caso do veciño concello de Boiro.

As organizacións ecoloxistas tamén están a repartir bandeiras, neste caso de cor negra, para denunciar puntos conflitivos do noso litoral. Este ano as bisbarras de Barbanza e Noia víronse libres delas, inda a pesares de que a depuración das nosas rías deixa moito que desexar.

O ano pasado, a imaxe era ésta:

Media_httpfarm5static_bffik

Relacionadas:


Praia do Arealestará lista a primeiros de xullo


Relación de praias en Barbanza e Noia con bandeira azul

Posted via email from Certo.gl, o xornal dixital de Barbanza e Noia

Ribeira: rematou o curso de alfabetización dixital partillado entre Cultura e tres asociacións

Ribeira, 30 de xuño de 2011. O alcalde de Ribeira, Manuel Ruiz Rivas, e os concelleiros de Enerxía e Novas Tecnoloxías, Emilio Pérez Outeiral; e de Cultura, Elvira Pisos Arnoso, estiveron onte á noite na Aula Multimedia de Ribeira para proceder á clausura do Curso de Alfabetización Dixital promovido coa Concellería de Cultura en colaboración con tres asociacións do Concello: a Asociación de Amas de Casa, o Club de Pensionistas e Xubilados de Aguiño e Carreira e a Asociación Francisco Lorenzo Mariño. 

Recibiron os seus correspondentes diplomas un total de 58 asistentes (membros das asociacións citadas e tamén veciños en xeral) que estiveron asistindo a este curso dende principios de abril, ben na Aula Multimedia de Santa Uxía ou ben na Aula Multimedia de Aguiño. 

O alcalde lembrou que o éxito desta iniciativa provén do traballo desenvolvido polo anterior Executivo, e destacou tanto a figura do anterior rexedor, José Luis Torres Colomer, como do antigo edil de Cultura, Luciano Fernández Martínez. 

Pola súa parte, Elvira Pisos Arnoso destacou o papel das asociacións como referentes culturais que dende o Concello se debe alentar, promover, apoiar e difundir; en tanto que Emilio Pérez Outeiral avanzou que a intención do Goberno Local é estender esta mesma iniciativa ás parroquias.

Relacionada:

Redución da fenda dixital entre maiores

Posted via email from Certo.gl, o xornal dixital de Barbanza e Noia

A Pobra: o grupo de teatro infantil de Ribeira participa no festival do Liceo Pueblense este sábado 2 de xullo

  • Será no Teatro Elma, de balde, ata encher aforo, ás oito da tarde
  • Os do Liceo representan "La otra historia de Caperucita Roja" e os de Ribeira, "Cásting improvisado"
Media_httpfarm5static_zibgh

A Pobra, 30 de xuño de 2011. A Concellería de Cultura e Festexos de Ribeira, que dirixe Elvira Pisos Arnoso, vai a participar, co seu GRUPO DE TEATRO MUNICIPAL INFANTIL na I MOSTRA DE TEATRO INFANTIL LICEO PUEBLENSE organizado por esta entidade o vindeiro sábado 2 de xullo no Teatro Elma da Pobra do Caramiñal ás 20:00 h. A entrada é de balde ata encher aforo. 

O Grupo de Teatro Infantil de Riveira conta con 21 membros de entre 7 e 13 anos, dirixidos por Segundo Durán, “Chiki” van a representar a obra titulada “CASTING IMPROVISADO” coa que puxeron o broche de ouro na pasada Mostra de Teatro Infantil de Ribeira. Trátase dunha montaxe de 45 minutos de duración onde se combina a música, o baile e a interpretación cun guión elaborado polos propios integrantes do grupo. 

Están convidados polo Grupo de Teatro Infantil do propio Liceo, que representarán a obra “LA OTRA HISTORIA DE CAPERUCITA ROJA” dirixida polo mesmo mestre. É un grupo de doce actores e actrices e a obra ten unha duración de aproximadamente media hora. Serán os primeiros en actuar. 

A experiencia nace como un intercambio cultural entre os dous grupos, fomentando así a cooperación artística no mundo do teatro dende a poboación infantil e co ánimo de converterse nun evento estable dentro do calendario cultural da comarca da Barbanza. Unha mostra máis do apoio  e implicación que esta Concellería desenvolve co arte dramático e que se completa cos outros dous grupos de teatro municipais, o GRUPO XUVENIL E O GRUPO AFECCIONADO DE ADULTOS.

Posted via email from Certo.gl, o xornal dixital de Barbanza e Noia

Ribeira: un curso de novas tecnoloxías para maiores reduciu un chisco a fenda dixital

Ribeira, 30 de xuño de 2011. Corenta maiores de Ribeira estiveron a participar dende o pasado 13 de xuño nun Obradoiro de Alfabetización Dixital (Iniciación á Internet) incardinado dentro do Programa de Dinamización e Promoción Social dos Maiores que organizan os Servizos Sociais.

Para proceder á  clausura da iniciativa, déronse cita na Aula Multimedia de Santa Uxía (lugar onde se celebraron os cursos) os concelleiros delegados de Servizos Sociais, Promoción Social, Sanidade e Consumo, Vicente Mariño, e de Enerxía e Novas Tecnoloxías, Emilio Pérez; así como o axente TIC que se encargou de impartir as clases, Abel Alonso.

Os tres intervintes dirixíronse aos maiores congregados co desexo de que esta iniciativa lles resultara útil e informaron de que o Concello está traballando xa en ver de levar estes cursos de alfabetización dixital ás parroquias, para contribuír a diminuír a fenda dixital que existe, por unha banda, entre diversas franxas de idade, e pola outra, entre o rural e o entorno urbano. O acto rematou coa entrega dos diplomas acreditativos aos participantes.

Posted via email from Certo.gl, o xornal dixital de Barbanza e Noia

28.6.11

Boiro: a APA Loureda repetirá o obradoiro de estrelas ante a boa acollida deste ano

Media_httpfarm6static_jcwgc

Boiro, 28 de xuño de 2011. A A.P.A. Loureda do colexio Santa María do Castro deu por rematado este curso coa saída nocturna do obradoiro de estrelas. A parte práctica do obradoiro de estrelas estaba programada para o 17 de xuño e dado que as inclemencias do tempo non eran as máis axeitadas para ver astro algún, trasladouse para o 24 de xuño

   O punto de encontro foi a Ladeira do Chazo e alí, sobre as 22:30 horas e ata a unha da madrugada concentráronse  76 persoas entre pais, nais e nenos para divisar as estrelas e planetas. Á fronte dos telescopios e encargado de ollar as estrelas estivo Pablo Vidal, mentres que os audiovisuais estiveron a cargo de Miguel Lomba.

Media_httpfarm6static_djery

   O programa tiña tres vías complementarias: Pablo a través dos telescopios buscaba as estrelas, cúmulos, planetas, etc.; aao tempo esa estrela, cúmulo, etc., podíase ollar nunha pantalla de cine e logo os asistentes tíñanas que recoñecer no ceo.

   Todos os presentes puideron ollar diferentes estrelas, cúmulos e ata o satélite espacial pero tal vez o que máis chamou a atención foi ver Saturno, un planeta ao que se lle distinguían perfectamente os seus aneis e o brillo que tiña, que impresionaba.

         Á parte, os presentes foron distinguindo e esculcando diferentes estrelas e constelacións mirando o ceo: así, a estrela polar, a osa maior ou a menor, aínda que os nenos o que máis desexaban atopar era as constelacións que representaban o seu signo zodiacal (bendita superstición!).

   Ao final da experiencia, a Presidenta da APA, Pitusa Lomba, entregoulle aos cativos un carné que os identificaba coma astrónomos. Os asistentes quedaron encantados coa experiencia e pedíronlle á Presidenta da APA que a experiencia se repetira o curso que vén.

Posted via email from Certo.gl, o xornal dixital de Barbanza e Noia

Dodro: a asociación Sementar organiza un roteiro polas brañas de Laíño este sábado 2 de xullo

Dodro_roteiro_braas

Dodro, 28 de xuño de 2011. Este sábado, día 2, a asociación Sementar -colectivo que quere revalorizar o convento de Herbón, en Padrón, e arredores- convida a que quen queira os compañe de novo "a gozar dun espazo natural privilexiado que, a pesar de ter tan preto, moitos e moitas de nós non tivemos aínda ocasión de coñecer como deberiamos. Logo do roteiro guiado polas brañas de Laíño que gozamos hai agora xusto un ano quedounos ganas de máis, sobre todo de coñecer a outra parte das brañas que non visitamos aquel día, de Dodro a Padrón. Acompañados/as de novo do profesor Manuel Lorenzo Baleirón -un gran coñecedor da historia, das tradicións e do hábitat natural deste espazo- percorreremos desta vez a outra parte das brañas, a que vai desde a área recreativa do Bosque, en Dodro, ata Padrón".

Agardan este sábado día 2 ás 9.30 da mañá na área do Bosque, en Dodro. Podedes levar algo para o xantar (comida ao rematar a xornada), auga, botas para a lama, sombreiro para o sol… e todo o queirades pero principalmente moitas ganas de andar (son aproximadamente uns 10 quilómetros) e de coñecer as brañas!! Rematarase a xornada a iso das 14.30 horas. Se aínda non estades convencidos/as deixámosvos esta ligazón para que poidades descargar unha fermosísima guía editada por Verdegaia na que atoparedes moita información sobre as brañas de Laíño, un dos espazos húmidos máis extensos, descoñecidos e de maior valor ambiental do noso país, e non só pola súa biodiversidade, tamén pola súa historia e etnografía. Se aínda vos quedan dúbidas, podedes chamar ao 617 260 670 para resolvelas todas, ou mandar un correo electrónico a sementar@gmail.com.

Vía

Posted via email from Certo.gl, o xornal dixital de Barbanza e Noia

Ribeira: esta fin de semana, festival de fin de curso da Escola Municipal de Danza Contemporánea

Ribeira, 28 de xuño de 2011.- As 24 alumnas que, con idades comprendidas entre os 6 e os 20 anos, están a asistir á Escola de Danza Contemporánea despregarán a súa arte no Festival de Fin de Curso que, por partida dobre, vai ter lugar esta fin de semana no Auditorio Municipal. Para falar do espectáculo déronse cita nesta instalación a nova concelleira de Cultura, Elvira Pisos, e o director da Escola, Vicente Colomer Busoms. O festival vai ter lugar os días 2 e 3 de xullo, a partir das 20 horas, e a entrada será totalmente gratuíta como é costume. 

A edil Pisos Arnoso recordou que o grupo local de danza contemporánea xurdiu como resposta á forte demanda existente entra a cidadanía neste senso e aproveitou para agradecer o labor realizado polo seu antecesor, Luciano Fernández Martínez, así como por todos os integrantes da delegación de Cultura. 

Sobre a traxectoria de Colomer Busoms, “un ribeirense que conseguiu facer da súa paixón unha forma de vida” resaltou a súa formación na Escola de Danza e Música de Galicia, no Conservatorio Profesional de Danza de Madrid e na Universidade Menéndez Pelayo, con Carmen Roche, Peter Stamm e Juan Bosco. Formou parte como primeiro bailarín de Ballet Galego Rey de Viana e é fundador da compañía Nova Galega de Danza. 

Pola súa parte, Vicente Colomer explicou que este é o terceiro ano que se fai o evento e recalcou que os beneficios da danza van máis aló da disciplina artística, ao transmitir entre os rapaces valores tan importantes como o compromiso e o traballo en equipo. 

Base tradicional

En canto ao programación do festival, avanzou que as coreografías sustentaranse no estilo da Nova Galega de Danza, que se caracteriza por ser unha danza contemporánea que bebe da danza tradicional galega, do mesmo xeito que a danza contemporánea norteamericana bebeu da afroamericana. 

Como consecuencia disto, a maior parte das coreografías xirarán en torno a músicas tradicionais, pero por petición das alumnas tamén haberá tempo para algunha actuación máis libre, entre elas unha sobre a base dun tango de Astor Piazzola. Este venres, 1 de xullo, pola tarde, haberá un ensaio xeral.


Posted via email from Certo.gl, o xornal dixital de Barbanza e Noia

Ribeira: o Concello aforrará enerxía con tecnoloxía led en prazas e rúas

  • As primeiras rúas con este tipo de luminarias serán a 9 de agosto, Rosalía de Castro e Otero Pedrayo. Tamén haberá leds na Praza do Concello
  • Estímase o aforro nun 60% con respecto á tecnoloxía que hai agora colocada

Media_httpfarm3static_wjmen

Ribeira, 28 de xuño de 2011.- O Concello instalará alumeado de tecnoloxía  led en catro vías do casco urbano de Santa Uxía: concretamente, nas rúas 9 de agosto, Rosalía de Castro e Otero Pedrayo, así como na praza do Concello. Esta acción, que se executará en breve, insírese no plan de aforro enerxético municipal e constará da instalación dun total de 48 luminarias de 85 watios do modelo SpeedStar nos lugares indicados. 

Á hora de seleccionalos, o Executivo Local tivo en conta que a praza do Concello xa conta con lámpadas emisoras de luz branca, de tal xeito que, ao introducir agora iluminación LED tanto nesta praza como en gran parte das vías que desembocan na mesma, conséguese crear un conxunto harmónico e atractivo.  

Cabe salientar tamén que esta tecnoloxía LED de última xeración permitirá aforrar en torno a un 60% de consumo enerxético, ao tempo que mellora a calidade do servizo reducindo o impacto no medio ambiente ao non xerar emisións de carbono. 

Reubicación

As luminarias substituídas serán reubicadas para reforzar adecuadamente a iluminación doutras zonas do casco urbano da cidade. 

Esta acción é  posible grazas a que Ribeira foi un dos cinco municipios galegos e o único da provincia coruñesa designados para o desenvolvemento dun proxecto piloto de iluminación pública exterior promovido polo INEGA (Instituto Enerxético de Galicia) coa colaboración da empresa Philips Ibérica.  

Con tal motivo, no pasado marzo tivo lugar a sinatura dun convenio de colaboración entre as partes implicadas. O custo da actuación ascende a 96.388,92 euros, das cales o Concello de Ribeira aporta 28.916,68 euros, o INEGA 38.555,57 euros e Philips Ibérica 28.916,68 euros.

Posted via email from Certo.gl, o xornal dixital de Barbanza e Noia

Ribeira: Flor de Toxo e asociacións de pais e nais foron recibidas polo alcalde para abordar diversas cuestións

Media_httpfarm6static_ijjoq

O edificio da Casa da Xuventude foi unha enorme chapuza dende os cimentos. Rivas agarda tela en funcionamento -pero efectivo- en setembro ou outubro

Ribeira, 28 de xuño de 2011. No encontro mantido no día de onte entre colectivos xuvenís (representados pola asociación Flor de Toxo) e diversas ANPA (representadas pola do colexio de Aguiño) co alcalde de Ribeira, Manuel Ruíz Rivas, abordáronse os seguintes asuntos:

  1. A posta en funcionamento da Casa da Xuventude, coa que Ruíz se comprometeu a poñer en marcha en setembro ou outubro e sinalou que xa se está traballando nas filtracións de auga.
  2. A creación dunhas pistas deportivas no centro da cidade, ante o que sinalou a complicación desta infraestrutura "por non dispoñer o concello de parcelas axeitadas na capital do municipio".
  3. O control, por persoal do concello, nos pasos de peóns ás saídas e entradas do colexio para evitar atropelos. Indicando que se intentará, polo menos nos de máis importancia, xa que non se dispón dos suficientes traballadores.
  4. A apertura das pistas dos colexios públicos, durante as fins de semana. Explicou Ruiz Rivas que xestionará esta petición coas direccións dos distintos centros.
Pronunciamento sobre o conflito do Coroso

 Os colectivos xuvenís e de pais e nais de alumnos, "agardamos que se traballe e se dea solución a estas peticións o antes posible e aproveitamos para expresar o noso malestar co peche do I.E.S. Coroso, pois cremos necesario e apoiamos a construción un Centro Integrado de Formación Profesional neste concello, pero non a conta de prazas de Bacharelato e ESO, xa que non se garante que tódolos alumnos teñan praza, e sería unha situación caótica porque se atoparían alumnos sen transporte escolar, nin gratuíto nin subvencionado pola Xunta, ata o seu centro de estudos. É por iso polo que solicitamos que se replantee o proxecto, porque Ribeira ten que gañar infraestruturas e non perder unhas a conta de outras", manifestaron.

Relacionadas:





Posted via email from Certo.gl, o xornal dixital de Barbanza e Noia

Porto do Son: a comunidade de montes de San Pedro de Muro organiza o sábado 9 de xullo outra Xornada de Mar e Monte

Porto do Son Xornada Mar e Monte.pdf Download this file

Porto do Son, 28 de xuño de 2011. O éxito da xornada organizada pola Comunidade de Montes Veciñais en Man Común de San Pedro de Muro no 2010, denominado “Xornada Verde Muro 10”, que tivo como fin último render unha homenaxe á biodiversidade local, con actividades que fusionaron deporte, natureza e tradición, fixo que se animaran un ano máis a organizar unha  Xornada semellante, denominada esta vez como “Xornada Mar e Monte 2011”. Dita xornada terá lugar ao longo do día 9 de Xullo de 2011, e o seu centro de actuación serán as proximidades da capela de San Benito de Seráns.

Entre outras actividades destacan:

1.- Andaina (9:30 horas, entrega de dorsais)

Bases andaina

Formulario de inscrición

.

2.- Trail (10:30 horas, entrega de dorsais)

Bases carreira

Perfil

Introdutoria adestramento

Plans de adestramento

Tonificación

Estiramentos

Formulario de inscrición

.

3.- Xogos populares (a partir das 16:00 horas)

Os do ano pasado e máis… (bolos, petanca, zancos, sacos, aros, tartarugas, baralla, trompos, chave, …) e outras sorpresas que non desvelan.

.

Máis info:

Tríptico

Mapa (formato Google earth)

Mapa (formato JPG)

Posted via email from Certo.gl, o xornal dixital de Barbanza e Noia

Dodro: liga de Fútbol-7, excursión a karting en Sanxenxo e campamento de verán

  • A viaxe a Sanxenxo é o venres 8 de xullo
  • O campamento transcorrerá entre o 4 e o 8 e o 11 e o 15 do mesmo mes

Liga F-7

A cota de inscrición é de 70€.
A liga xogarase no campo municipal de Chenlo, de luns a venres, entre as 21:00 h e as 23:00 h.

Cada equipo terá un máximo de 12 xogadores. Maiores de 16 anos

A inscrición realizarase no Departamento de Deportes. Pavillón municipal de Tallós. De luns a venres e de 9:00 h A 13.00 h entre o 1 e o 13 de xullo. Para máis información chamar ao teléfono 981.80.25.32

Excursión a Sanxenxo:
A Concellería de Deportes, en colaboración coa Asociación Cultural «7 de xullo de 1836» organiza unha excursión ás instalación de kárting de Sanxenxo para o vindeiro 8 de xullo. Hoxe, 28 de xuño, comeza o período de inscrición.

COTA:

-16 € MENORES DE 14 ANOS.

-19 € MAIORES DE 14 ANOS

(Inclúe senderismo, volta en kart e paseo en canoa)

PRAZAS:

21, POR RIGOROSA ORDE DE INSCRICIÓN

PRAZO DE INSCRICIÓN:

DO 28 DE XUÑO AO 4 DE XULLO

SAÍDA:

ÁS 09:30 HORAS DENDE A PRAZA DO CONCELLO

REGRESO:

ÁS 19:00 HORAS

Campamento de verán:

Esta actividade ten como finalidades desenvolver as habilidades, capacidades e competencias individuais e sociais dos nenos/as participantes e ofrecer unha alternativa ó tempo libre. Así como favorecer a conciliación da vida familiar e laboral, ofrecendo un espazo aberto de servizo educativo, asistencial e de ocio e tempo libre en horarios non lectivos.

A actividade levarase a cabo no Pavillón do C.P.I. Eusebio Lorenzo Baleirón en horario de 11:00 a 14:00 horas. Os pais ou persoa/s autorizada/s deberán estar no punto de recollida entre as 13:50 e as 14:00 horas.

O campamento celebrarase no mes de xullo, de luns a venres, dende o 4 ó 8 e dende o 11 ó 15. Está destinado a nenos entre 3 e 8 anos. O custo da actividade é de 10€, que se ingresarán na conta do concello unha vez confirmada a praza polo Departamento de Deportes.


LIGA F-7 VERÁN.pdf Download this file

EXCURSION_KARTING_SANXENXO-1.pdf Download this file

campamento_veran_2011.pdf Download this file

Posted via email from Certo.gl, o xornal dixital de Barbanza e Noia

27.6.11

Ribeira: os cambios no mercado principiarán a fin de ano ou inicios do 2012

  • Vicente Mariño, edil de Consumo, escoitou as suxestións dos comerciantes e consensuou medidas para mellorar a hixiene e seguridade na instalación actual

Ribeira, 27 de xuño de 2011.- O concelleiro de Asuntos Sociais, Promoción Social, Sanidade e Consumo e terceiro tenente de alcalde de Ribeira, Vicente Mariño de Bricio, mantivo esta mañá unha xuntanza na Casa Consistorial cunha representación dos vendedores que desenvolven a súa actividade económica no Mercado Municipal. Esta cita foi convocada polo edil de Consumo tanto para presentarse formalmente como para falar acerca da praza existente e do futuro mercado, que cabe recordar será construído no lugar onde está o actual. 

A este último respecto, Mariño de Bricio avanzoulles que a intención do Goberno Local é principiar a execución do novo proxecto a finais do presente ano ou a comezos do que ven, e que con tal motivo os vendedores serán trasladados a unha carpa. O prazo concreto de inicio está a expensas das xestións que está a realizar o Concello en canto á busca de financiamento, na procura de posibles fondos FEDER, achegas da Xunta de Galicia e da Deputación Provincial. Precisamente, o alcalde, Manuel Ruiz Rivas, manterá o próximo luns 4 de xullo unha entrevista coa directora xeral de Comercio da Xunta, Nava Castro, para abordar entre outras cuestións a do novo mercado. 

Outros temas considerados na reunión de hoxe tiveron que ver coa praza actual. Vicente Mariño recordou aos comerciantes reunidos a normativa vixente na praza de abastos tocante a aspectos como identificación, salubridade, tránsito de usuarios ou vestiario. Así mesmo, aproveitou a xuntanza para consensuar unha serie de medidas encamiñadas a reforzar a seguridade e hixiene no mercado e o seu entorno. Entre as mesmas, acordouse a localización dentro do inmoble dun emprazamento que se considerou adecuado para gardar o xeo de próxima utilización (de tal xeito que os corredores de paso do público estean secos e evitar así que se produzan posibles esvaróns); ou a decisión de eliminar o contedor para depósito de xeo sobrante situado no exterior da entrada principal do inmoble, que estaba ocasionando episodios de malos olores. 

O concelleiro municipal de Consumo recibiu de parte dos comerciantes outras suxestións para un mellor funcionamento da praza que se comprometeu a estudar.

Pode que tamén lle interese:


Río Arlés: 5.000 alevíns de troita o 1 de xullo


Mercadillo dos sábados: van regulalo para mellorar limpeza e tráfico

Posted via email from Certo.gl, o xornal dixital de Barbanza e Noia

Ribeira: rapaces do instituto Leliadoura participaron nun bautismo de mar

nota prensa-BAUTISMO DE MAR.doc Download this file


A actividade foi o pasado mércores 20 de xuño, xa na recta final do curso

Posted via email from Certo.gl, o xornal dixital de Barbanza e Noia

Ribeira: subliñan a importancia dos maiores na clausura do programa de dinamización e promoción social dos mesmos


Ribeira, 27 de xuño de 2011. O salón de actos do auditorio municipal, cheo a rebentar, viviu o venres pasado, día de San Xoán, o acto de clausura do Programa de Dinamización e Promoción Social dos nosos Maiores promovido e organizado polo Departamento de Servizos Sociais. 

O alcalde Manuel Ruiz Rivas e o edil de Servizos Sociais, Promoción Social, Sanidade e Consumo, Vicente Mariño de Bricio asistiron a este acontecemento que estivo presentado pola xefa de servizo Francisca Vidal. O evento comezou coa proxección dun vídeo no que, baixo a música da Coral Polifónica Municipal de Riveira, foise describindo a base de fotografías os distintos contidos de que constou o programa, como o obradoiro Estimulemos A Mente (taller de memoria), o de Enriquecemento Educativo, os cursos de pandeireta, o taller de restauración de mobles, as clases de ximnasia para a terceira idade ou o curso de alfabetización dixital (introdución a Internet), así como as saídas culturais realizadas este ano a Santiago de Compostela e ás Médulas e León. 

Acto seguido tivo lugar unha breve exposición sobre os cruceiros: un traballo realizado polas alumnas do obradoiros de enriquecemento educativo que estiveron en funcionamento en Ribeira, Aguiño, Palmeira, Artes e Oleiros durante o curso escolar. Todos eles foron impartidos por membros do programa de voluntariado social municipal,  cun total de 90 persoas inscritas. 

A continuación tivo lugar dúas actuacións de Pandereteiras coa participación de alumnas asistentes aos talleres que se impartiron en Riveira, Aguiño e Palmeira.  Esta actividade atraeu a  43 persoas e fíxose en coordinación coa Asociación de  Amas de Casa de Ribeira.  

Ademais, con motivo da conmemoración do centenario de Álvaro Cunqueiro, unha alumnas do grupo de enriquecemento educativo de Artes fixeron unha  breve exposición oral sobre a traxectoria do literato e mesmo declamaron un poema do mesmo. 

Homenaxe

Un dos momentos máis emotivos da clausura foi o homenaxe que se realizou a Ana Sampedro Cores, persoa da terceira idade vinculada ao grupo de enriquecemento educativo dende a súa formación hai 13 anos, así como o programa de voluntariado local. Así mesmo, está moi vinculada  ao traballo comunitario a través da súa dirección na  xunta local de Ribeira da AECC (Asociación Española Contra o Cancro), dende a súa constitución,  que actualmente continua  presidindo. A homenaxeada recibiu un agasallo de mans do alcalde. 

Logo chegou a quenda das intervencións por parte de Vicente Mariño e de Manuel Ruiz. O primeiro deles fixo fincapé no gran exemplo a seguir que son os maiores e na súa axuda para a conciliación da vida familiar e laboral e quixo poñerse a disposición dos presentes para escoitar as súas demandas e suxestións. Pola súa parte o rexedor local informou de que a política de austeridade impulsada non Concello non vai impedir que a partida de Servizos Sociais se incremente nos próximos orzamentos e ambos agradeceron o esforzo de todas as persoas que axudaron ao éxito deste programa de dinamización. 

A continuación  tivo lugar a entrega de diplomas de asistencia ao taller de Estimulación da Mente (Memoria) no que participaron máis de 150 alumnas e alumnos  e ao Obradoiro Enriquecemento Educativo. 

Por último, os presentes subiron ata a planta alta do Auditorio para proceder á inauguración dunha exposición cos traballos realizados do Obradoiro de Restauración do Moble, no que durante dous meses (maio e xuño) participaron  30 persoas.


 


Posted via email from Certo.gl, o xornal dixital de Barbanza e Noia

Dodro: os socialistas critican os gastos do novo goberno e os horarios dos plenos, que serán pola mañá

Tamén o acusan de nepotismo, por nomear asesor xurídico a un irmán do alcalde, e de desprezar á comunidade educativa dodrense, pois envían os seus fillos a Padrón a estudar

Dodro, 27 de xuño de 2011. O grupo socialista de Dodro, na oposición tralos resultados do pasado 22 de maio, critica no seu blog as primeiras decisións do equipo de goberno, en especial a referida aos custes dos integrantes do goberno e aos horarios dos plenos.

Segundo o Psoe dodrende, "María Soledad Boga, tenenta de alcalde, só no mes de xullo vaille costar ao concello 6000 euros, entre as súas pagas, as cotas da conta pasiva de Muface e os seus gastos de representación. Non lle serve a Seguridade Social, vai a Muface". Tamén aclaran que entre xuntas de goberno a 40 euros e dúas ao mes, ás que asisten tres membros do goberno, sairaralles do peto aos de Dodro por 240 euros. Os socialistas lémbranlle ao pobo que "o anterior goberno bipartito comezou a cobrar os soldos polo seu traballo oito meses despois da toma de posesión". O Psoe pregúntase como pode dicir o alcalde "que o Concello está en creba e pode permitirse desembolsar agora mesmo máis de 6.000 euros en pagar ao novo goberno".

No que se refire ao horario dos plenos, o Psoe de Dodro fai evidente a contradición do alcalde do PP, Valentín Alfonsín Somoza, que prometeu en campaña "querer oír aos veciños e gobernar para todos: a quen escoitará con plenos cada dous meses en horario de mañá?". Ademais, aseguran que os principais integrantes do equipo de goberno "desprezan o colexio e as escolas de Dodro, pois levan aos seus fillos a Padrón. Será por iso que se esqueceron da área de Educación?", pregúntanse.

Presuntas ilegalidades

"O alcalde di que gobernará coa lei na man, e pon á venta ilegalmente nas dependencias do Concello os tickets para a Festa do Carneiro", aseguran dende o Psoe de Dodro.

Novo asesor xurídico: o irmán do alcalde

Aproveita tamén o grupo do Psoe no seu blog, nunha entrada que titulan "A pura realidade" para acusar de nepotismo ao novo goberno, xa que "o goberno municipal ten un novo asesor xurídico pagado polos veciños: que casualidade que sexa Manuel Alfonsín Somoza!".

Antes, en Certo:


Política: composición do novo goberno e pagamentos

Pode que tamén lle interese:


Festas: a do Carneiro é o domingo 3 de xullo

Vía http://psoedodro.blogspot.com

Posted via email from Certo.gl, o xornal dixital de Barbanza e Noia

Ribeira: a tradición das alfombras florais voltou un ano máis polo Corpus

O domingo 25 de xuño cadrou o Corpus Christi deste ano 2011. En
Ribeira, un ano máis conseguiron facer unha serie de fermosas
alfombras florais, que confeccionaron un grupo da sección da Adoración
Nocturna desta cidade e veciños voluntarios. Fotos cortesía de José
Manuel Pena.

Posted via email from Certo.gl, o xornal dixital de Barbanza e Noia

25.6.11

Ribeira: o Bng oponse "no fondo e na forma" ao desmantelamento do IES Coroso

Media_httpfarm4static_jkigc

Polo seu interese, publicamos íntegro o resumo da postura do Bng sobre o conflito do IES Coroso:

"A estas alturas non é preciso repetir que estamos a favor de que Ribeira conte cun centro Integrado de Formación Profesional. Pero esa non é a cuestión. A cuestión é si é preciso dar un duro golpe á calidade do ensino público (da ESO e Bacharelato) en Ribeira co pretexto de introducir melloras no ensino Profesional(*). No BNG entendemos que as melloras precisas na FP non precisan deteriorar o ensino secundario público.

O BNG quere deixar clara a súa fonda oposición á decisión da Xunta de Galicia de dar peche definitivo e fulminante aos estudos de ESO e Bacharelato no IES Coroso. Oposición tanto no fondo como na forma.

Opoñémonos no fondo porque se está a desmantelar un centro de ensino público dun xeito inxustificado e innecesario:

- Inxustificado porque nada impide que convivan nun mesmo centro ensinanzas de secundaria e profesional, máis en tempo de crise no que o aproveitamento de infraestruturas é imprescindible.

- Inxustificado desde o punto de vista da matrícula: tanto a matrícula actual como as previsións futuras anuncian un aumento de alumnado para os vindeiros anos no concello de Ribeira.

- Inxustificado porque o desprazamento de alumnado a outros centros vai provocar unha elevación ata máximos históricos nas ratios de alumnos por aula dos centros públicos co conseguinte deterioro da calidade do ensino. Ratios de 30 a 35 alumnos por aula, que se darán, suporán retroceder máis de 30 anos.

- Inxustificable a desaparición dun centro público mentres se sosteñen centros privados tamén con diñeiro público.

A nosa oposición na forma é tamén rotunda: a Consellería de Educación, que xa ten prevista a supresión polo menos desde principios de ano, agarda o paso das eleccións municipais para non prexudicar os intereses electorais dos candidatos populares, entre eles o actual alcalde de Ribeira. Nese tempo, os alumnos do IES Coroso vanse preinscribindo para os vindeiros cursos e os dos centros adscritos fano tamén, inocentemente, no IES que a propia Xunta ten decidido pechar. O dano moral ao alumnado e as súas familias e o prexuízo pedagóxico aos mesmos alumnos, centros e o propio sistema público de ensino é máis que evidente. Que sexa a propia Consellería quen perpetra tal acción é imperdoable.

Mención especial merece a actuación do actual alcalde de Ribeira polo seu papel tanto no fondo como na forma: como Portavoz do Grupo parlamentario popular no momento da toma da decisión era coñecedor e polo tanto co-responsable do peche. O xeito de actuar desde a alcaldía atendendo pais e alumnos e ofrecendo "mediación" e "xestión" diante da Consellería evidencia a súa capacidade de engano: gáñase tempo para que a Consellería publique a orde definitiva de supresión, xusto ao día seguinte, sen apenas oposición.

O BNG quere expresar o seu total apoio ao alumnado e ás súas familias así como a toda a cidadanía de Ribeira que defende maioritariamente un Ensino Público de Calidade, e anuncia que presentará, no primeiro Pleno da Corporación Municipal, unha iniciativa coa intención de restituír os niveis de calidade no ensino público de Ribeira".

Ribeira a 25 de xuño de 2011

(*) A oferta da Consellería para o vindeiro curso en Ribeira non contempla ningún novo ciclo de FP e si a supresión do ciclo de "Ponte" na Escola Náutica. En Coroso o de "Frío e calor" desdóbrase. Novos ciclos?:NADA (Consultar páxina da Xunta)

Posted via email from Certo.gl, o xornal dixital de Barbanza e Noia

Natureza: un ribeirense participa no descubrimento dun novo cogomelo na Illa de Sálvora

  • Bautízano como Arrhenia Salvorana, na honra da illa

  • Jesús Parada Miniño, ribeirense da asociación micolóxica Refungando, foi un dos que participou no achádego
  • Tratase dunha especie de cor marrón e pequeno tamaño que destaca polo seu intenso cheiro a peixe cru e o conxunto das súas características microscópicas, elementos que a fan diferente a outras especies próximas

Media_httpfarm3static_fhfza

Jesús Parada Miniño foi entrevistado en Certo, aquí

Ribeira, 25 de xuño de 2011.- Unha nova especie de cogomelo foi atopada no Parque Nacional Marítimo-Terrestre das Illas Atlánticas, xestionado pola Consellería do Medio Rural. O novo descubrimento foi bautizado como Arrhenia salvorana en honra á Illa de Sálvora, na que foi atopada.

A súa publicación como nova especie fíxoa Jaime B. Blanco, presidente da Asociación Micolóxica Brincabois de Pontevedra, membro do Grupo Micolóxico Galego e representante de Galicia na Comisión Ibérica de Hongos Amenazados. No descubrimento tamén participou o fundador da Asociación Micolóxica Refungando de Santa Uxía de Ribeira, Jesús Parada.

Arrhenia salvorana é unha especie de cor marrón e pequeno tamaño que destaca polo seu intenso cheiro a peixe cru e o conxunto das súas características microscópicas, elementos que a fan diferente a outras especies próximas. Reprodúcese entre o final de inverno e o comezo da primavera en zonas húmidas e en compañía doutras especies vexetais en ameaza de extinción na nosa Comunidade Autónoma, como son Cicendia filiformis ou Chaetopogon fasciculatus subsp. postratus.

Colaboración
Este achado foi posible grazas ao apoio que o Parque Nacional, a través da Consellería do Medio Rural, presta a temas de investigación. O departamento que dirixe Samuel Juárez ten aberta agora mesmo unha liña de investigación con Jaime B. Blanco, un dos descubridores da nova especie, que tamén realiza traballos de catalogación para a zonificación do uso público, a conservación e a investigación no espazo protexido.

Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical