Ribeira: do 13 ao 15 de agosto, Feira das Oportunidades no Malecón

A feira do stock de 2009, organizada por Viamare

Ribeira, 30 de xuño de 2011. A Casa Consistorial foi escenario hoxe dunha reunión da Mesa Local de Comercio na que se autorizou a celebración a mediados de agosto da Feira de Oportunidades que organiza a Asociación de Empresarios. Concretamente, o evento terá lugar os días 13, 14 e 15 de agosto (sábado, domingo e luns) no Malecón de Santa Uxía. 

Na mesa estiveron presentes, entre outros, o alcalde, Manuel Ruiz Rivas; o concelleiro de Fomento do Emprego, Comercio, Turismo e Pemes, Anxo Orellán; o presidente da Asociación de Empresarios de Ribeira, José Paz Cadabal; Magdalena Bringas Miralles como presidenta da Asociación de Consumidores, Usuarios e Amas de Casa; e un representante da Dirección Xeral de Comercio da Xunta de Galicia, Jesús Fernando Fernández Munín.

Posted via email from Certo.gl, o xornal dixital de Barbanza e Noia