26.1.10

Mar: piden de novo axuda para localizar ao golfiño Gaspar, que está polo norte de Galicia

Boiro: Aturuxo! celebra o seu segundo aniversario o 19 e 20 de febreiro

Porto do Son: organizan un concurso para declararse en lingua galega

xaneiro 26th, 2010 ás 17:51

O galego, unha lingua para querer!

Coincidindo co Día da Candeloria, día no que “casan os paxaros”, e próximos á celebración do día de San Valentín, o Clube da Lingua e a Biblioteca do IES de Porto do Son convoca o “Concurso de Declaracións de Amor”

As bases que rexerán o concurso son as seguintes:

  1. O certame consiste na elaboración dunha declaración de amor en lingua galega.
  2. Poderá participar todo o alumnado da ESO, Ciclo e Bacharelato.
  3. A declaración deberá ser orixinal e inédita e valorarase tanto o seu contido como unha expresión correcta e unha presentación coidada. A organización do concurso poderá desbotar aquelas mensaxes de carácter discriminatorio ou ofensivo.
  4. Haberá tres modalidades:
    1. Texto escrito.
    2. Mensaxes SMS.
    3. Video-declaracións.
  5. A presentación de orixinais rematará o venres 5 de febreiro. Os traballos que se reciban despois deste día non entrarán no concurso.
  6. A  participación neste concurso implica o consentimento do/a autor/a para a divulgación da obra presentada nas páxinas web da Biblioteca e do Clube da Lingua se se considera oportuno.
  7. O xurado estará integrado por cinco persoas, docentes e alumnos/as pertencentes ao Clube da Lingua e ao Equipo da Biblioteca. A resolución do xurado darase a coñecer o venres 12 de febreiro durante a celebración do Festival de Entroido.
  8. Haberá un premio (camisolas, memorias externas USB e libros) en cada unha das categorías (categoría A: 1º, 2º e 3º da ESO; e categoría B: 4º ESO, Ciclo e Bacharelato).
  9. Os premios poderán ser declarados desertos. A participación nesta convocatoria implica a aceptación de todas e cada unha das normas contidas nas presentes bases.

A. Texto escrito

- Os textos poderán estar escritos en prosa ou en verso.

- A extensión máxima do traballo non sobrepasará unha páxina. O tamaño da folla será A4, en letra Times New Roman 12 puntos en procesador de textos (word, openoffice), interliñado 1’5.

- Os traballos presentaranse baixo pseudónimo en sobre pechado e rotulado. No seu interior, nun papel dobrado, o/a concursante anotará o seu nome e apelidos e grupo ao que pertence.

- Os/as concursantes depositarán os seus traballos nunha caixa disposta na Biblioteca para tal fin.

B. Mensaxes SMS.

- Os textos escritos en linguaxe SMS terán como extensión máxima 350 caracteres, incluídos os espazos en branco. As mensaxes que excedan esta extensión quedarán fóra do concurso.

- Os traballos presentaranse baixo pseudónimo en sobre pechado e rotulado. No seu interior, nun papel dobrado, o/a concursante anotará o seu nome e apelidos e grupo ao que pertence.

- Os/as concursantes depositarán os seus traballos nunha caixa disposta na Biblioteca para tal fin.

C. Video-declaracións.

- Cada participante poderá gravar unha declaración de amor de creación propia ou recitar poemas da literatura galega. A duración máxima da gravación será dun minuto.

- Poderá empregar medios propios (cámara de vídeo, móbil…) ou acudir ao Departamento de Audiovisuais (1º andar, enfronte da Aula de Convivencia) nos segundos recreos ata o 5 de febreiro para gravar a súa declaración.

- As gravacións serán entregadas nunha memoria electrónica (lapis USB) aos membros do Equipo da Biblioteca na semana do 1 ao 5 de febreiro nos primeiros recreos na Biblioteca.

Etiquetas, ,
-

 

RSS feed for comments on this post | TrackBack URI

Posted via web from Posterous de Certo, o xornal virtual de Barbanza e Noia

Noia: o Concello lembrará ao xeógrafo Domingo Fontán cunha placa

Domingo Fontán ten unha Fundación, cuxa web é http://www.fundaciondomingofontan.com

Vivenda de Domingo Fontán, onde se atopa a actual Praza de Abastos. No pleno do venres 29 de Xaneiro aprobarase poñer unha placa no actual edificio da Praza en memoria deste xeógrafo do século XIX.

Quen era Domingo Fontán?

Un xeógrafo nado en Pontevedra (Portadeconde, Portas, o 7 de abril de 1788). Foi o autor do primeiro mapa topográfico e científico de Galicia, que resultou ser tamén o primeiro feito en España con métodos científicos e medicións matemáticas.

Que ten que ver con Noia?
Participou na creación da primeira fábrica de papel de Galicia, que estivo en Lousame en 1863, e residiu por iso en Noia, na casa das fotografías que o actual alcalde, Rafael García Guerrero, subiu ao seu blog, de onde as tomamos.

Fontán é un persoeiro que debería ser lembrado máis a miúdo nesta terra: traballou mentres foi deputado por Pontevedra para que se aboliran os foros que pesaban como unha lousa sobre o campesiñado galego e tamén loitou (semella que non deu moito resultado, polo que seguimos a ver) contra o caciquismo. Ademais do mapa do que falamos e da primeira fábrica de papel, tamén foi pioneiro no ferrocarril: axudou no deseño do trazado da primeira liña férrea de Galicia en 1858, entre Santiago e Carril (Pontevedra) que sería inaugurada en 1871.

Domingo Fontán morreu en Cuntis, o 24 de outubro de 1866. Está enterrado no mesmo sitio que Rosalía e Castelao, no Panteón de Galegos Ilustres, en Bonaval, ao pé do Museo do Pobo Galego, Santiago de Compostela.


Posted via email from Posterous de Certo, o xornal virtual de Barbanza e Noia

Curiosidades: opcións sexuais explicadas con bics

Boiro: pleno extraordinario o xoves 28 co Plan E (anticrise) como punto principal

      Boiro, 26 de xaneiro de 2010. O pleno extraordinario deste xoves 28, cuxa orde do día vai anexa á noticia, leva como punto principal a aprobación de obras con cargo ao fondo estatal para o emprego e a sostenibilidade local. Ou sexa, o novo plan E do Goberno de España. A este concello, un dos máis endebedados na redonda, viralle que nin pintado para arranxar unhas cantas obras que nin se deran rematado co anterior plan anticrise.

    Entre esas actuacións están unha praza, tres pistas deportivas e un párking en Barraña, así como un centro de formación e un edificio de servizos municipais. Para rematar ese párking, con capacidade para cen prazas, destinarase agora case un millón de euros, mentres que as pistas (para practicar skate, baloncesto, tenis, volei e fútbol) haberá máis de douscentos mil euros. Iluminar todo custará uns 150.000 euros.

Posted via email from Posterous de Certo, o xornal virtual de Barbanza e Noia

Muros-Noia: o senador Pérez Bouza visitou a zona para ver obras

Opinión: Urge otra Europa, según José Manuel Pena

Lousame: saltos extremos en bicicletas MX

E tamén algunha normal... que non pare a festa!

Pero que fai o can do final? Arrenegado sexa o demo!

Posted via web from Posterous de Certo, o xornal virtual de Barbanza e Noia

Lingua galega: Noia e Ribeira participan no lanzamento global de "55 mentiras sobre a lingua galega" o venres 5 de febreiro

    Noia-Ribeira, 25 de xaneiro de 2010. As mobilizacións pola defensa da Lingua Galega continúan. Acabamos de enterarnos polo Facebook de Manuel Bragado (director xeral de Edicións Xerais) que o vindeiro venres 5 de febreiro farase a presentación simultánea en 55 localidades do mundo (Galicia pero tamén no estranxeiro, en lugares como Arxentina, Portugal, Estados Unidos ou Reino Unido) da obra colectiva (coordinada polo antigo director xeral de Normalización Lingüística Xosé Henrique Costas) "55 mentiras sobre a lingua galega".

    Os datos, tal e como aparecen na convocatoria na Rede (Facebook sobre todo) son os que seguen:

Data:    
Venres, 05 de Febreiro de 2010
Hora:    
20:30 - 21:30
Lugar:    
Obra coordinada por Xosé Henrique Costas que se presentará simultaneamente en 55 localidades do mundo.
Descrición
O acto terá lugar simultáneamente nas seguintes localidades de todo o mundo:

* Coruña - Sala de Prensa-Caixa Galicia
* Lugo - Libraría Trama
* Ourense - Ateneo de Ourense
* Pontevedra - Galería Sargadelos
* Santiago - Libraría Couceiro
* Vigo - Casa Galega da Cultura (F. Penzol)
* Ferrol - Ateneo Ferrolán
* A Estrada - Agrupación Cultural KenKeirades
* Lalín - Museo Ramón María Aller
* Ribadeo - Casa das Letras
* Padrón - Auditorio Municipal
* O Barco - Biblioteca Municipal
* Tui - Área Panorámica (antigo S.Paio)
* Cambados - Libraría "Ramón Cabanillas"
* Vilagarcía - Libraría Arousa
* Ribeira - Ateneo Valle Inclán
* Gondomar - Instituto de Estudos Miñoranos
* Monforte - Galería Sargadelos
* Carballo - Pazo da Cultura
* Bruxelas - Livraria Orfeu
* Londres - en tramitación
* Copenhague - Libraría-Café Rayuela
* Saraievo (Bosnia) - Kulturni Center Fuad Jahic
* París - Sala 1.3. do Instituto Cervantes
* New York - New York City University
* Bethelem - Libraría Kalila w-Dimma
* Nablús - Libraría Kubut
* Marín - Biblioteca Municipal
* Verín - Casa da Cultura
* Ponferrada - Sala de Obra Social de Caja España
* Trintxerpe (Guipúzcoa) - Tenencia de Alcaldía de Trintxerpe. concello de Pasaia
* Barcelona - Centro Galego
* Madrid - Ateneo de Madrid
* Cangas - Auditorio Municipal
* Vilalba - Centro Cultural e Recreativo
* Lisboa - en tramitación
* Bos Aires - en tramitación
* Melide - en tramitación
* O Grove - Casa da Cultura "Lueiro Rei"
* Corcaigh/Cork - University College Cork
* Cacheiras-Teo - Mediateca do Grilo
* Tübingen - Libraría Rosa Lux
* Moaña - Centro Cultural Daniel Castelao
* Baiona - Biblioteca Municipal
* Ponteareas -Biblioteca Municipal
* Chantada - en tramitación
* Cotobade - Multiusos de Caraballedo
* Pobra de Trives - Casa da Cultura
* Caldas de Reis - Biblioteca Municipal
* Nigrán - Casa do Concello
* Vitoria/Gasteiz - "Salón de Acto de Centro Galego de Vitoria"
* Salceda de Caselas - Salón de Actos do CEP Altamira
* Madison - Wisconsin - University of Wisconsin
* Cuntis - Casa da Cultura
* Carnota
* Celanova
* Allariz
* Ribadavia
* A Guarda
* Noia
* San Martiño de Trebello (Val do Ellas)

 

Posted via email from Posterous de Certo, o xornal virtual de Barbanza e Noia

Twitter

Related Posts with Thumbnails Banner: Regale selva tropical