16.7.10

A Pobra do Caramiñal: este domingo 18 de xullo, xornada lúdica en Cabío para promocionar a reciclaxe nas praias


A praia de Cabío é das máis concorridas deste concello

A Pobra do Caramiñal, 16 de xullo de 2010.- O próximo domingo, 18 de xullo, celebrarase na praia de Cabío unha xornada lúdica organizada pola Xunta de Galicia este verán, para fomentar a reciclaxe nos areais e praias fluviais da Comunidade galega. Estas xornadas lúdico-informativas teñen por obxectivo sensibilizar aos usuarios acerca da importancia de separar ben os residuos urbanos para a súa reciclaxe, promovendo o seu compromiso a través de actividades deportivas, lúdicas e informativas orientadas en funcións das idades dos visitantes.

Esta acción divulgativa forma parte das actividades enmarcadas dentro do Plan de Recollida Selectiva de residuos nas praias galegas, promovido pola Consellería de Medio Ambiente, Territorio e Infraestruturas, coa colaboración de Sogama e Ecoembe. O principal obxectivo deste proxecto é concienciar á cidadanía e promover a súa colaboración na separación de residuos, xa non só nos seus fogares, tamén nas praias que frecuentan durante os meses estivais. Cómpre estender este hábito a novos escenarios como as praias fluviais, onde tamén se xeran cantidades importantes de residuos urbanos. Trátase de que os residuos xerados nas praias e constituídos maioritariamente por envases se recollan selectivamente para que teñan a xestión final máis axeitada.


Os que participen recibirán gorras, frisbies e outros materiais promocionais

Estas actividades nas praias desenvolveranse en horario de mañá (12 a 14 horas) e de tarde (16:30 a 18:30 horas) e contará cun equipo de tres monitores que se encargarán de informar do proxecto e dinamizar os xogos e actividades que se desenvolvan no areal, así como a entrega de material promocional (xogos de bolos, petanca, frisbies o gorras).

Neste senso, as campañas informativas que se desenvolverán nas praias ao longo de todo o día: pola mañá faranse xogos deportivos e entregarase material promocional, e pola tarde faranse xogos infantís relacionados co reciclaxe.

Novidades no 2010

Unha das novidades introducidas nas actividades deste ano é que estas campañas de concienciación tamén chegarán a diferentes campamentos xuvenís de verán. Trátase de actividades de carácter educativo, guiadas por monitores, que consistirán en xogos que motiven a participación dos mozos e faciliten a comprensión sobre a importancia do reciclaxe.

Por último, realizaranse flash-mob, que consisten en actuacións sorpresa que terán lugar na praia e serán executadas por actores que realizarán un baile coordinado. Un dos retos deste proxecto é concienciar á cidadanía e promover a súa colaboración na separación de residuos, máis aló dos seus fogares. Esta campaña de concienciación medio ambiental comeza mañá en Cabanas e estenderase a un total de 39 praias da provincia da Coruña ao longo deste verán. Na provincia da Coruña, participan un total de 21 concellos, que se detallan no mapa.

Plan de Recollida Selectiva
O departamento que dirixe Agustín Hernández sinala que mediante as medidas plantexadas no proxecto mellórase o servizo de recollida e dótase aos areais dos medios precisos para facilitar aos usuarios a súa implicación activa. O plan de recollida permite evitar que unha porción importante de envases lixeiros se desvíe a un destino non desexable para estes, impulsando a reciclaxe e incrementando os ratios de recollida selectiva.

O proxecto conta coa implantación dunha novidade para este verán: a recollida selectiva de papel-cartón e vidro nalgunhas praias seleccionadas, a modo de experiencia piloto. En canto ao papel- cartón, 20 praias seleccionadas coa instalación dun contedor específico serigrafiado acorde á imaxe da campaña para a recollida destes materiais nos accesos aos areais. No que se refire a vidro, instalaranse contedores nos chiringuitos dunha serie de praias seleccionadas.

Posted via email from Certo.gl, o xornal dixital de Barbanza e Noia

Ribeira: presentadas xa as Festas do Verán. Ofrecémoslles todo o programa

Porto do Son: o Psoe pide no Parlamento o expediente de adxudicación da obra da fachada marítima

Lage Tuñas pide explicacións ao presidente de Portos, Álvarez-Campana, para que unha obra adxudicada hai un ano (a remodelación do borde interior na fachada marítima) non comezara aínda a executarse.

Porto do Son, 16 de xullo de 2010. O Viceportavoz do Grupo Parlamentario do PSdeG-PSOE, José Manuel Lage Tuñas vén de rexistrar no Parlamento de Galicia unha solicitude de copia do expediente da obra de remodelación do borde interior da fachada marítima de Porto do Son, adxudicada por Portos de Galicia fai agora un ano.

Lage Tuñas considera “necesario e imprescindible” unha explicación por parte do goberno galego, “porque están ríndose dos veciños de Porto do Son, cunha actitude prepotente e con nula transparencia”. “Álvarez Campana ten que explicar cal é o motivo polo que non comezan as obras cando están adxudicadas dende fai máis dun ano”, incide o deputado noiés do PSdeG.

O parlamentario socialista vén de solicitar no día de hoxe no Parlamento unha copia íntegra do expediente da adxudicación por parte de Portos de Galicia “porque aquí hai gato encerrado, ou senón o que hai é moi mala fe por parte do Presidente de Portos”.


”No comezo do período de sesións levaremos ao Parlamento ao Presidente de Portos de Galicia para que explique que é o que pasa cunha obra que está adxudicada dende fai un ano e aínda non deu comezo; creo que o goberno ten que dar unha explicación e tomar medidas urxentes para dar comezo inmediato ás obras de remodelación do borde interior de Porto do Son, senón o fai así terá que explicar que pasa coa adxudicación da obra”, finaliza Lage Tuñas.

Relacionada:

O PP e os favores urbanísticos a Quintáns no POL

Posted via email from Certo.gl, o xornal dixital de Barbanza e Noia

A Pobra do Caramiñal: o Carme do Castelo, este sábado 17 e domingo 18 de xullo

A Pobra, 16 de xullo de 2010. As festas do Carme do Castelo comezan este sábado 17 con música a cargo da banda de música de Meaño dende as dez e media da mañá, á que acompañarán unha banda de gaitas de Poio e A Gandaina, de Barbanza. Ás doce do mediodía estará aberto Castelolandia, na praza Maior, para os máis pequenos.


Orquestra Acirema

En diferentes prazas da vila haberá concertos das bandas sobre a unha da tarde. Ás cinco volta abrir Castelolandia, para os nenos, que tamén poderán participar na Festa da Espuma dúas horas máis tarde, ás sete. Xa pola noitiña, ás dez, amenizará as rúas a charanga Tíralle do Aire. A típica verbena conta coas actuacións das orquestras Ciudad de Vigo e Acirema.


Orquestra MarAzul

O domingo haberá pasarrúas de novo dende as dez e media, desta volta coa banda de gaitas Buxaina, repiten os de A Gandaina e tamén estará a banda de música de Vilatuxe poñendo a nota musical de animación. Castelolandia abre para os nenos ás doce do mediodía. Á unha da tarde, novas pezas en diferentes zonas da vila interpretadas por bandas de música. A misa festiva será ás sete da tarde, coa tradicional procesión de seguido. Pola noite, a verbena terá outras dúas orquestras: Atracción e Mar Azul.


Posted via email from Certo.gl, o xornal dixital de Barbanza e Noia

Ribeira: o caderno de bitácora dorneiro, ao completo

Se ves que che tarda moito en cargar, o máis sensato é que o descargues directamente desta ligazón

Está en pdf e son case 6 mejas, amijach@s!

Ah, ollo, se non tedes sentido do humor nin se vos ocorra poñervos a ler esta amaljama de dialecto barbansón crusado con parranda chiquitistaní!


Download now or preview on posterous
pojrama2010.pdf (5774 KB)

Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical