Para ir seguindo a conta atrás, nada mellor que o seu facebook
Posted via email from Certo.gl, o xornal dixital de Barbanza e Noia
6.8.10
Rianxo: cartel das Festas da Guadalupe 2010, que son do 10 ao 17 de setembro
Compártelo
A Pobra do Caramiñal: os socialistas reclaman toda a documentación para poder alegar ao POL
O Plan de Ordenación do Litoral semella a cruz que lle caeu este ano á Pobra, polas continuas leas que xera entre os políticos
Antes publicamos:
Política: o PSOE replícalle ao alcalde pola lea do POL
Política: o alcalde arremete contra a oposición polo POL
Posted via email from Certo.gl, o xornal dixital de Barbanza e Noia
Compártelo
Ribeira: a praia de Coroso acolle o domingo 8 de agosto actividades de sensibilización sobre a recollida selectiva de lixo
Coroso é unha das praias máis concorridas de Ribeira Ribeira, 6 de agosto de 2010. A praia semiurbana de Coroso será escenario este domingo día 8 dunha xornada lúdico-informativa que ten por obxecto sensibilizar aos usuarios sobre a importancia da recollida selectiva en praias e zonas de baño, promovendo o seu compromiso e recollendo a súa percepción sobre este asunto.
Nalgunhas praias ata se fan coreografías para concienciar sobre a necesidade de mantelas limpas
Unha serie de paneis informativos e a celebración de xogos co propósito de buscar a participación activa do usuario forman parte desta iniciativa, que está promovida pola Consellería de Medio Ambiente, Territorio e Infraestruturas, en colaboración con Ecoembalajes España, S.A. (Ecoembes) e co Concello de Ribeira. Será desenvolvida por un equipo de tres informadores/monitores en horario de 12 a 14 horas e de 16.30 a 20.30 horas.
A actividade ocupará un espazo de 200 m2 xunto á caseta dos socorristas e desenvolverase a partires da instalación dun “punto informativo” que contará cunha carpa amarela tamaño 3 x 3 metros, megafonía para dinamizar os xogos, paneis e outros elementos gráficos. A mañá estará dedicada a xogos deportivos (voley, basket, ximnasia...) e a tarde a xogos infantís relacionados coa reciclaxe.
A concelleira de Medio Ambiente local, Elvira Pereira Ageitos, visitará a actividade ao mediodía.
Máis información sobre o asunto en http://www.separanapraia.com
Posted via email from Certo.gl, o xornal dixital de Barbanza e Noia
Compártelo
Ribeira: os cisnes seguen a facer turismo pola Ría de Arousa, desta volta en Aguiño
Ribeira, 6 de agosto de 2010. Lémbranse duns cisnes (disque mudos) que estiveron nos últimos meses por Boiro e que tamén foron avistados en Palmeira e na Pobra? Pois seguen de turismo por estas terras: e se non son os mesmos, moito se lles asemellan. Estes días foron avistados en Aguiño, como poden ver nas fotos que nos cede un amable lector. Se atendemos á súa morfoloxía, son os típicos cisnes comúns (nome científico, cygnus olor), tamén chamados mudos porque non emiten fortes trompetazos coma outros da súa mesma familia, a dos Anatidae ou anseriformes. É o segundo por tamaño entre os diversos tipos de cisnes que hai (o máis grande é o cisne trompeteiro, que, como o seu nome indica, si que da a lata). Como os animais son mudos -insistimos- os que os avistan só poden preguntarse de onde veñen, se escaparon dalgún zoo ou parque municipal, etcétera... sen obter resposta. Idealizados polos contos -O parrulo feo- e algunhas fotografías como ésta, os cisnes seguen a ofrecer belas estampas para os que teñen unha cámara a man e imaxes bucólicas para os que se atopan con eles de xeito sorpresivo. Fotos cortesía de Javier Crugeiras.
Posted via email from Certo.gl, o xornal dixital de Barbanza e Noia
Compártelo
Rianxo: o Día do Mexillón, nova festa gastronómica que comeza este domingo 8 no Campo de Arriba
Rianxo, 6 de agosto de 2010. O I Día do Mexillón terá lugar este vindeiro domingo, 8 de agosto, en Rianxo. Trátase dunha nova festa gastronómica para enxalzar o marisco de máis sona de Arousa Norte e está organizada, ademais de pola Asociación de Produtores de Mexillón de Rianxo (Aspromeri), que pon o produto, polo club de remo de Rianxo para recadar fondos para as súas cada vez máis numerosas actividades deportivas. A festa terá lugar no Campo de Arriba. A sorpresa espectacular vaina dar unha paella xigante que se comezará a cociñar ás sete da tarde, composta por mil racións que se partillarán de balde. As notas musicais van poñelas grupos musicais da zona, como Vai de Roda, Restreba, Fogo Fatuo e Vai de Varanda. Os organizadores falan de servir este día unha tonelada de mexillóns frescos e media tonelada do molusco bivalvo en catro presentacións. As cifras que manexan van dende as 4.600 racións de mexillóns, sendo 800 en escabeche, outros tanto á vinagreta, 500 racións de empanada de millo, outras tantas de empanada de trigo e as mil restantes en mexillóns ao vapor. Os prezos, populares (non ten que ver coa política: quere dicir que son asequibles, sobre 2,5 euros cada prato servido e por cada tres consumicións, un agasallo da Mancomunidade Arousa Norte). Os que leven tempo abondo, tamén poderán subir a un dos barcos dispostos para facer visitas guiadas ás bateas, onde explican como se traballa a mitilicultura. O prezo por persoa é de 10 euros. 
Rianxo ten gran tradición de asociacionismo no eido do mexillón
Posted via email from Certo.gl, o xornal dixital de Barbanza e Noia
Compártelo
Porto do Son: a Festa Hortera é este sábado 7 de agosto dende as oito da tarde
Porto do Son, 6 de agosto de 2010. Este sábado 7 a Festa Hortera chega á súa undécima edición. Para participar só tes que vestirte do xeito máis kitsch (ou sexa, hortera, pasado de moda, arrepiante, abraiante, que pon os pelos como escarpias) e acudir aos diversos actos, que tes no horario do cartel.
A música será dos 70´s e 80´s, entre o revival e a nostalxia. Como mostra, o botón de Fratelli Negroni: Os Funk'n Bastards poden escoitalos en http://www.myspace.com/funknbastardsNon vos perdades o photocall na fin da alfombra vermella para saír "ao dereito" na foto e logo poder logo colgalas en Internet (en Facebook seguro que vai haber unhas poucas, pasade por aquí e iredes vendo). Os mellor disfrazados terán premio. Completa a horterada -e iso vai polo resto de concellos que aínda o fan, sen ser festa hortera- a elección de rei e raíña e un karaoke para lembrar que calquera tempo pasado foi anterior e que todos nos podemos rir de nós mesmos, e non só por un día.Posted via email from Certo.gl, o xornal dixital de Barbanza e Noia
Compártelo
Faranji: no capítulo XXII, a conexión Cuba-Etiopía, ou como na fin da historia os vellos comunistas levantan países capitalistas
via certo.es
"No colexio maior, no campus universitario madrileño, Haile manexa un discurso identitario en función das circunstancias. Nas festas, cando toca, exprímese a experiencia cubana e, senón, sempre queda o papel de intelectual africano en Europa. O camaleónico David Bowie semella un aprendiz.
Haile é un pluriempregado da Identidade.
Á marxe de toda a pirotecnia e o floklore noitarego (que dá os seus froitos), o noso amigo Haile rexeita de cheo calquer tipo de adscrición étnica. Considérase un cidadán etíope e asume de xeito militante a súa condición de fillo da revolución. De ben nacido é ser agradecido. O mesmo lle acontece a compañeiras e compañeiros nosos, chilenos e urugaios, que foron educados (ou reeducados) en Cuba tralos golpes de Estado militares dos anos 70 en Sudamérica. Seguen falando de papá Fidel e resulta complicado tentar debater sobre o tema cubano. Ao final, alguén coma min, un fillo da Vella Europa, metido de cheo neste etnocentrismo asoballante, cangado de prexuízos, estou incapacitado, segundo parece, para coñecer e asumir a realidade destas sociedades".
Todo o capítulo aquí
Posted via email from Certo.gl, o xornal dixital de Barbanza e Noia
Compártelo
Suscribirse a:
Entradas (Atom)
