8.1.10

Gastronomía: Jorge Guitián gaña o II concurso de receitas noveladas con "Empanada de Berberecho"

"Huele al mar que se asoma al fondo, entre los pinos, a barro y a invierno, a arena mojada allí abajo, en la interminable seca de Barraña".

En primeiro lugar, parabéns ao premiado.

Non saben quen é Jorge Guitián? O creador deste blog, que foi premio Álvaro Cunqueiro de Gastronomía.
Pero tamén deste outro: http://petroglifosdegalicia.blogspot.com, polo que apareceu a miúdo en Certo. Guitián, como conta repetidas veces na súa bitácora, é un namorado de Barbanza e pasou moitos veráns da súa infancia en Boiro. O de nomear a seca de Barraña no relato non é casual...

O certame que acaba de gañar foi convocado por http://www.gastronomiaalternativa.com/concurso.html

Posted via email from Posterous de Certo, o xornal virtual de Barbanza e Noia

Agro: se tes unha monllada de grelos de Galicia, tes un tesouro


E agora con Indicación Xeográfica Protexida!

Os Grelos de Galicia obteñen o seu rexistro definitivo como Indicación Xeográfica Protexida

Queda nomeado, con carácter provisional, o Consello Regulador desta indicación por proposta do sector

O pasado 30 de outubro recibiu o recoñecemento da Unión Europea como produto de calidade

Santiago, 8 de xaneiro de 2010.- O Diario Oficial de Galicia (DOG) vén de publicar a Orde pola que se aproba o Regulamento da Indicación Xeográfica Protexida (IXP) Grelos de Galicia e do seu Consello Regulador, que se nomeou con carácter provisional. Con este paso, os Grelos de Galicia conseguen o seu rexistro definitivo como produto de calidade, recoñecido tamén o pasado 30 de outubro de 2009 pola Unión Europea.

Con esta orde queda nomeado o Consello Regulador, por proposta do sector e con carácter provisional, con José Luis Dadín Rivadas na Presidencia e apoiado por cinco vogais en representación do sector produtor, cinco vogais representando ao sector comercializador en fresco e outros cinco membros do sector industrial.

Como corporación de dereito público, o Consello Regulador da IXP Grelos de Galicia ten como principais obxectivos a defensa do produto, a aplicación e vixilancia do seu regulamento e o fomento e control da calidade do produto amparado. Pola súa parte, o Instituto Galego de Calidade Alimentaria (Ingacal) será o órgano encargado do control e certificación para os produtos desta indicación. A tutela administrativa sobre este ente correspóndelle á Consellería do Medio Rural por ter competencia en materia de agricultura.

Características do produto

Os grelos amparados por esta indicación presentan unha cor verde intensa e unha textura fibrosa xunto cun sabor lixeiramente ácido. A área de produción esténdese a tódolos concellos de Galicia.

Posted via email from Posterous de Certo, o xornal virtual de Barbanza e Noia

Fotografía: Santiago nevado, pero Barbanza tamén

(Nicolás Álvarez Rouco)

Nas chans do Iroite

Posted via web from Posterous de Certo, o xornal virtual de Barbanza e Noia

Rianxo: sen servizo de Correos nalgunhas zonas durante o Nadal


Brión,  Pazo e outros lugares rianxeiros non se atenderon durante o Nadal

8 de xaneiro de 2010. O BNG de Rianxo faise eco do malestar de varias zonas de Rianxo que levan sen reparto durante todo o Nadal. Numerosos veciños do Pazo, da parroquia de Brión e mesmo de Fincheira queixáronse a esta formación polo abandono de Correos nestas datas. Algún veciño sinalou mesmo un retraso dun mes.


A situación caótica non se pode achacar á falta de numeración pois malia contar cos números actualizados e visíbeis non se procedeu ao reparto nas vivendas.


É un escándalo a actitude da Xefatura Provincial que levan anos ríndose dos rianxeiros e incumprindo as obrigas da Lei Postal, que garante un reparto diario. Os problemas sempre aparecen fóra ou se carga nos carteiros, ou na falta de números ou nos buzóns, cando o que hai é unha evidente falta de persoal para atender as obrigas que corresponden, e unha incapacidade de xestionar debidamente un servizo que debería ser universal e blindado dos vaivéns económicos dunha empresa estatal que funciona como un monopolio.


As medidas que toma a empresa sempre van en prexuizo do servizo aos veciños e contra os carteiros que son os que sufren as queixas, cando os responsábeis están sentados nos seus despachos.


O BNG de Rianxo fará chegar aos seus parlamentarios estas queixas, conscientes de que son extensíbeis a moitas localidades do Barbanza e de Galiza toda, especialmente aos núcleos rurais que para Correos son cidadáns de segunda.

Posted via email from Posterous de Certo, o xornal virtual de Barbanza e Noia

Hórreos: unha excelente iniciativa a xeito de calendario na Costa da Morte

Non teñen o de Araño, pero si o segundo máis grande, en Carnota.

Só hai 300 editados, e conséguense en librerías de Santiago, Vimianzo, Baio e Carballo. Así que, se non da chegado ata alí, vai ter que imprimilo!

Posted via email from Posterous de Certo, o xornal virtual de Barbanza e Noia

Dodro: obradoiro para que familias aprendan a facer masaxes a bebés

Download now or preview on posterous
Masaxes Dodro.pdf (64 KB)

A Concellaría de Benestar Social do Concello de Dodro e a Asociación de Mulleres de Dodro Malvavila organizan un "Obradoiro de Masaxe Infantíl para Familias con Bebés".

Convídase a todas as familias interesadas a participar na sesión informativa, sen compromiso que terá lugar o sábado, 16 de xaneiro (11.00 h) na Escola Infantil de Dodro (A Paxareira).

As sesións (1 por semana) terán lugar o sábado pola mañá durante 5 semanas consecutivas. Para poder participar no obradoiro, as persoas interesadas deberán inscribirse para obter unha das prazas limitadas dispoñibles. O obradoiro estará a cargo da especialista Belén Piñeiro Álvarez, pedagoga e educadora de masaxe infantil

Nota: no caso de superar as prazas dispoñibles adxudicaranse por sorteo público.
Contacto: Departamento de Servizos Sociais no 981 812 466

Posted via email from Posterous de Certo, o xornal virtual de Barbanza e Noia

Faranji: de Corrubedo a Etiopía, con final en U-2

Ao primeiro, música de Os Resentidos, co famoso clip de "Galicia Caníbal" (véxano enteiro, mesmo fai promoción do botafumeiro); logo pasamos ao concerto que da título á entrega, o Live Aid... e remata con The Joshua Tree. Xurxo Ayán volta levarnos na súa engaiolante prosa polo mundo enteiro, o físico e o das emocións!

Posted via web from Posterous de Certo, o xornal virtual de Barbanza e Noia

Motor: barbanzáns arrincan para a cita moteira de Pingüinos, en Valladolid

Imaxes da partida de varios moteiros ribeirenses a Pingüinos

"Nestes días de tanto frío, temos que recordar e loubar", di o Padre Teixugo, "a fazaña heroica dos cabaleiros motoristas da Barbanza, que este venres saen para defender a honra da nosa comarca na concentración invernal moteira máis importante do mundo: Pingüinos 2010 (ata 30.000 almas reunidas en tendas de campaña nun piñeiral ao sur de Valladolid con esta friaxe... da medo e moito respecto)".

O ano pasado, motoristas de diferentes países de Europa, xuntáronse para recordar aos compañeiros finados nas estradas, "porque o verdadeiro espírito do motorista é un espírito cristiano", asegura o Padre Teixugo, "que non entende de diferencias sociais, nen de diferentes poderes adquisitivos". Non importa o tipo de moto nin a profesión do piloto, porque todos eles só son moteiros, xente viaxeira que, na súa fraxilidade, gustan de viaxar sabendo que sempre poderán contar coa axuda de calquera outro moteiro: ese  é o espírito de cabaleiro cristiano que quere reconquistar a honorabilidade perdida nas estradas".

Un grupo de cabaleiros motards a cabalo das súas BMW modelo GS (Gelande und Sport = todo terreno) van saír desde Ribeira. Eles son ben coñecidos: un "Ferreteiro", un "Carteiro", un "Patrón de altura", e mais un "Mestre de artes marciais". Van percorrer os 504 quilómetros de distancia ata Puente Duero (Valladolid), agardando chegar antes de que sexa noite. "Prégolles que, tanto eles, coma os moitos outros motards da Barbanza (moitos deles de Boiro) envíen as fotos do evento para participar da súa ledicia a todolos lectores do Certo", di o Padre Teixugo.

"Que Deus os protexa na súa viaxe e poidan retornar para contarnos as súas experiencias na concentración. No nome do pai, do fillo, e mailo Espírito Santo, amén.
Irmáns motards, podedes ir en paz, boa viaxe e pregade na procesión das antorchas polos compañeiros finados nas estradas".

===========================================================

Menxaxe de benvida do Padre Pingüineiro aos cabaleiros motards achegados de todas partes:

Desde el Club Turismoto, a todos los que acudáis a Pingüinos 2010

Un año más el Club Turismoto se dispone a recibir a todos los auténticos motoristas que acuden a la cita invernal de PINGÜINOS.
Veintinueve son ya muchos años al pie del cañón, pero os aseguramos que la ilusión de las mujeres y hombres del Club Turismoto, y de todos los amigos y colaboradores, es la misma, si no mayor, que la de aquella primera cita del ya lejano invierno de 1.982, cuando podíamos saludaros personalmente a todos, y daros un abrazo de bienvenida cuando bajabais de vuestras motos, ¡qué motos!, para tomar el caldo o el carajillo calentito que os estaba esperando; como podéis ver, en estas últimas ediciones esto ya no es posible, pero nuestro recibimiento, nuestro abrazo de bienvenida va implícito en esa medalla conmemorativa que os entregamos al hacer la inscripción, esa medalla que representa todo un trofeo personal para cada uno de vosotros que tenéis el valor de desafiar todas las inclemencias del frío invierno para acudir a esta cita y pasar un fin de semana o unas horas rodeados del calor humano (y de las fogatas) de otros auténticos motoristas a los que mueve el mismo espíritu que a vosotros. Ese es nuestro deseo y el único motivo por el que año tras año, preparamos, con más ilusión si cabe, toda la infraestructura y las diversas actividades de esta "vuestra PINGÜINOS", vosotros sois los verdaderos protagonistas de la "fiesta", ¡BIENVENIDOS!

= = = = = = = = = = = = = = = = = = = = = = = = = = = = = = = = = = = =

Irmáns, a concentración invernal "Pingüinos" celébrase desde fai 28 anos na segunda fin de semana de xaneiro nas terras de Valladolid.

Segundo nos sinala o padre Pingüin, xa chegaron os primeiros cabaleiros motards desde Italia e Francia!!!!
Por parte da comarca da Barbanza, temos coñecimento que a primeira BMW Gs do ferreteiro iniciou a sua viaxe as 9h. de hoxe (xunto fotografias). Vai na compaña doutro motard (o cerraxeiro R) que tivo problemas na súa montura... e que ista concentración recupera o espírito de compañeirismo e de axuda tan esquecido nestes tempos.

As 15h. de hoxe está previsto que tomen saída as seguintes BMW de Ribeira (carteiro, patrón e mestre de artes marciais) para xuntarse de camiño aos moitos motards boirenses e mailos outros que, desde todolos recunchos da comarca van partir don destino á concentración invernal internacional mais numerosa do mundo: PINGÚINOS.

Os motards van xuntarse ao carón das fogueiras (leña ofrecida pola organización), tomando un caldiño quente (chamado "caldo pingúinero") nun espíritu de compañerismo non habitual nestes tempos. E o punto máximo vai ser o sábado día 8, co chamado "Desfile de antorchas", no que as motos desfilan en procesión levando o pasaxeiro un fogo para recordar, a modo de homaxe, aos compañeiros finados nas estradas. Imos rezar para que todo corra bem e podan regresar para contarnos as súas historias e mostrarnos as súas fotos, ademais de recordar aos amigos finados nas estradas.

Amén.


NOTA: para a vosa información, a páxina web da celebración e a seguinte: www.lapinguinos.com. Sería bonito que o motoclube de Boiro nos contase como lle foi, non credes? Recibide a miña bendición e ide con Deus, queridos fregueses.



Posted via email from Posterous de Certo, o xornal virtual de Barbanza e Noia

Twitter

Related Posts with Thumbnails Banner: Regale selva tropical