Barbanza, por Certo: 14/03/13

14.3.13

Boiro: do luns 18 ao venres 23 de marzo, Escola Cooperativa Móbil na praza do Concello

Inda que vai dirixida a estudantes de instituto, poderase achegar quen así o desexe e informarse sobre esta posibilidade de emprego dentro do capitalismo

Os estudantes do Instituto de Educación Secundaria (IES) Espiñeira de Boiro participarán dende o luns 18 ata o venres 22 de marzo, xunto cos alumnos do IES de A Pobra do Caramiñal (a través da Oficina de Fomento da Zona Norte), nun proxecto que lles ensina todas as vantaxes do modelo cooperativo como saída laboral para sacar adiante iniciativas emprendedoras, dentro da campaña “Cooperativízate. Suma Forzas!” levada a cabo pola Consellería de Traballo.

A Escola Cooperativa Móbil é unha iniciativa de divulgación desenvolvida pola Consellería de Traballo e Benestar, a través da
Dirección Xeral de Relacións Laborais, que consiste nunha aula itinerante que forma parte da campaña de divulgación das potencialidades do cooperativismo entre a mocidade, e onde dita aula viaxará por centros educativos de toda Galicia. Trátase dunha campaña que xa funcionou no curso 2010-2011 e que se volve a repetir polo éxito que tivo no periodo anterior.

Está orientada principalmente aos rapaces de últimos cursos que van rematar os estudos e en moitos casos queren traballar, pero pola situación actual ou pola idade non atopan traballo. O obxectivo é chegar a estes rapaces e ofrecerlles unha alternativa a través das cooperativas. Ademais de Boiro, a aula móbil xa visitou varias localidades das provincias de Ourense, Lugo, A Coruña e Pontevedra, ao longo do curso escolar, onde se ofrece a información máis actualizada e completa sobre o cooperativismo, orientación especializada por parte de técnicos especializados e un programa de actividades moi atractivo, co obxectivo de situar nun primeiro plano o cooperativismo como unha opción laboral de futuro.

Os monitores da Escola Cooperativa Móbil, que estará ubicada na praza do Concello de Boiro aprenderanlles aos alumnos as vantaxes do cooperativismo, mediante sesións prácticas, coa finalidade de transmitir aos participantes, dun xeito ameno e atractivo, os valores do
cooperativismo, as habilidades sociais cooperativas, os pasos necesarios para crear unha cooperativa, así como a análise de casos de cooperativas de éxito. Ademais, podrán visitar a Escola Cooperativa Móbil todas as persoas que estean interesadas. A aula achegarase a máis de 25 centros de todo o territorio galego e rematará o seu percorrido cun acto de clausura en Santiago de Compostela en maio.

Boiro: do 25 ao 27 de marzo, obradoiros para rapaces nos que farán presentacións dixitais e moda personalizada post.ly/AH6nY
— Certo (@Certo) March 14, 2013

Deportes: o V Encontro Galego de Esgrima Antiga, este domingo 17 en Ribeira post.ly/AH6iT
— Certo (@Certo) March 14, 2013

Posted via email from Certo.gl, o xornal dixital de Barbanza e Noia

Mar: o PSOE solicita que estudantes de títulos náuticos de Barbanza deixen de estar discriminados

Namentres que en Vigo e Ferrol pódense obter de balde os títulos que facultan para desempeñar traballos na Mariña Mercante, o alumnado de Barbanza vese obrigado a pagar cursos avanzados en academias privadas para poder estar debidamente homologados

Teresa García, do Psoe da Pobra, con Adrián Romay, representante dos alumnos da escola náutica de Ribeira

Barbanza, 14 de marzo de 2013. Segundo explica hoxe en nota de prensa o Psoe da Pobra, "na escola Náutico pesqueira de Ribeira estanse a impartir ciclos formativos de grao medio de técnico de navegación, pesca e transporte marítimo, técnico de operación, control, mantemento de máquinas e instalacións do buque e grao superior de máquinas e materias da titulación de Patrón costeiro polivalente. Estas titulacións, por si soas, non habilitan para o exercicio profesional posto que a Mariña Mercante Española esixe: o curso avanzado de formación sanitaria específica, curso avanzado de loita contra incendios, curso avanzado de botes de rescate non rápidos, de operador xeral do Sistema Mundial de Socorro e Seguridade Marítimos (GMDSS) e o curso de Radar de Punteo Automático (ARPA).

Estes cursos son obrigatorios para poder enrolarse e exercer o traballo para o que os alumnos se prepararon, polo que os obriga a acudir a entidades privadas para poder realizalos, cun custe económico de 1000€ - 1500€ curso, mentres que na Escola Náutico-Pesqueira de Vigo e na Escola de Ferrol, pódense cursar de xeito gratuíto. É evidente que esta situación é discriminatoria para as persoas que optan por estudar na Escola Náutica de Ribeira, maioritariamente veciños do Barbanza".

O Psoe vén de presentar unha moción no que se esixe que cese a discriminación para o alumnado de Barbanza, pois "neste momento é imprescindible apostar pola formación profesional, especialmente da xente máis nova, para loitar contra a situación de desemprego, que se eleva a unha taxa desmesurada do 55% dos menores de 25 anos que buscan activamente traballo e cando máis de 82.000 mozos españois emigraron en busca dunha oportunidade laboral o ano pasado. Non se entende como a administración exclúe e marxina a uns cidadáns en detrimento de outros, non ofertando as titulacións requiridas en tódalas escolas oficiais Náutico pesqueiras ca finalidade de que podan reincorporarse ao mercado laboral en condicións de igualdade".

Moción cursos Escola Oficial Náutico-Pesqueira.docx Download this file

Posted via email from Certo.gl, o xornal dixital de Barbanza e Noia

Noia: do 1 de abril ata setembro, Curso de Ficción a cargo de Luís Avilés

Custa 30 euros ao mes
Organiza o Concello de Noia en colaboración coa Sociedade Liceo
Prazas limitadas a 15 persoas
Para apuntarse poden acudir á Casa da Cultura Antón Avilés de Taramancos en horario de 9 a 14h e de 18 a 20h de luns a venres
Tamén se pode vostede anotar chamando ao teléfono 981824169

Luis Avilés, director de cinema noiés que impartirá o curso, Javier Rodríguez, concelleiro de Cultura e Íria Pais, directiva da Sociedade Liceo de Noia, na presentación do curso esta mañá

Posted via email from Certo.gl, o xornal dixital de Barbanza e Noia

Boiro: do 25 ao 27 de marzo, obradoiros para rapaces nos que farán presentacións dixitais e moda personalizada

Un será na Rede Cemit e outro no Local Leña Verde, cos mesmos horarios, no centro social

Boiro, 14 de marzo de 2013. Ademais da programación habitual que se desenvolve mensualmente no Centro Social de Boiro e, como se achega a Semana Santa, ofrécense dúas iniciativas para rapaces a partir de 7 anos.

Obradoiro de creación de presentacións dixitais para nenos/as (7 a 10 anos)
Organizada pola rede Cemit
Datas: 25-26-27 de marzo de 11h a 13h
Lugar: Centro Social (Aula Cemit)

Obradoiro de creación de moda creativa para nenos/as (a partir de 9 anos)
obradoiro de 3 días nos que os cativ@s poidan elaborar os seus propios complementos e customizar prendas, o obradoiro pretende estimular a creatividade, a diferenciación e dotar de valor das cousas feitas por un mesmo. así como evitar o consumismo de productos da publicidade, ademais de axudar á economía familiar.

25-26-27 de marzo de 11h a 13.30h
Lugar: Local Leñaverde

As inscricións comezarán mañá venres 15 de marzo e rematarán o día 22 ás 12h

Para inscricións ou máis información:

Centro Social de Boiro(1º andar) ou no tlf 981842635 e mail omix@boiro.org

Posted via email from Certo.gl, o xornal dixital de Barbanza e Noia

Deportes: o V Encontro Galego de Esgrima Antiga, este domingo 17 en Ribeira

Será no pavillón de Coroso e presentaranse espadachíns de talla mundial

Ribeira, 14 de marzo 2013.- Este domingo 17 de marzo, o Pavillón Polideportivo de Santa Uxía (Coroso) vai dar cabida durante todo o día ao V Encontro Galego de Esgrima Antiga. Este evento (promovido por distintas salas e colectivos representantes da esgrima antiga en Galicia, coa colaboración do Concello de Ribeira) está destinado a poñer en común os coñecementos e avances levados a cabo nesta materia.

A xuntanza contará coa participación de esgrimistas de recoñecemento mundial e pretende amosar ao público esta arte marcial en todo o seu esplendor.

A esgrima antiga é unha arte marcial, un sistema de loita que consiste en prácticas e tradicións codificadas. O obxectivo é defenderse mediante a técnica. Dentro do amplísimo abano que supoñen estas artes, a esgrima antiga ten orixe europeo e foi evolucionando ata o actual deporte olímpico da esgrima.

Esta rara actividade terá clases e asaltos destinados aos participantes do evento, así como unha exhibición e clase de iniciación para o público que ata alí desexe achegarse.

O programa é o seguinte:

10.30 -11.45 Clase: Daga de Fiore / Clase: Espada de Man y Broquel
11.45 -13.00 Clase: Ropera / Clase: Man e Media
13.00 -14.00 Asalto por tempo
16.00 -17.00 Conferencia: A Destreza en Portugal
17.00 -18.00 Exhibición diferentes armas (historia e manexo)
18.00 -19.00 Clases de iniciación (para que o público poda participar)
19.00 -19.30 Asaltos en grupo
19.30 -21.00 Asaltos libres
21.00 - Despedida

Actualmente, a esgrima en Galicia conta con oito salas dedicadas ao estudo e difusión da esgrima antiga: ANEA, AGEA, SCEA, AOUREA, ALEA, SVEA, FALCATA e HUNGARESA, situadas en Narón, A Coruña, Santiago, Ourense, Lugo, Vigo e Pontevedra.

Durante todo o evento haberá unha exposición de libros de Esgrima Antiga, dos que se obtén a teoría que logo se emprega para o combate.

Ribeira: 14 empresas para facer a web de 136.000 euros de Riveira 2015 con datos que xa ten google maps e patrimoniogalego.net #vaiachoio
— Certo (@Certo) March 14, 2013

Turismo: de novo, Barbanza e Noia obviadas. xunta.es/notas-de-prens… Gran traballo o de @arousanorte :P
— Certo (@Certo) March 14, 2013

Mar: Bng denuncia que a Xunta persegue aos mariñeiros como “delincuentes”, con operativos para narcos bng-galiza.org/blog/2013/03/1… vía @obloque
— Certo (@Certo) March 14, 2013

Este Papa es una buena noticia x los Ateos... Conservador y amigo de dictadores, viejo, elegido sin pasión: Continuará el declive la Iglesía
— leo bassi (@bassileo) March 13, 2013

Posted via email from Certo.gl, o xornal dixital de Barbanza e Noia

Boiro: a Xunta augura beneficios para o municipio coa nova Lei de Costas e axilizará a ampliación do cemiterio de Vista Alegre

A Xunta e Concello de Boiro analizan a ampliación do cemiterio municipal de Vista Alegre e a afectación das modificacións da Lei de Costas no municipio coruñés
Encarnación Rivas informou ao concello dos avances na tramitación da nova Lei de Costas e dos beneficios que terá para a localidade. Na reunión tamén abordouse o estado do proxecto de ampliación do cemiterio municipal Vista Alegre, que actualmente está pendente da resolución de Urbanismo
O pasado 6 de marzo a Comisión Superior de Urbanismo de Galicia informou favorablemente da modificación puntual do plan parcial que aumenta a superficie de zonas verdes e espazos libres no concello

Boiro, 14 de marzo 2013.- A secretaria xeral de Ordenación do Territorio e Urbanismo, Encarnación Rivas, reuniuse tamén esta mañá co alcalde de Boiro, Xoan Xosé Dieste Ortigueira, e o concelleiro de Urbanismo, Fernando García, para abordar diversas cuestións relacionadas co desenvolvemento e planificación urbanística boirense. Dicimos tamén porque recibiu a outro rexedor do PP, o do Porto do Son. No que atinxe a Boiro abordouse a afectación das modificacións da Lei de Costas no municipio; a ampliación do cemiterio municipal de Vista Alegre, que o concello retomou recentemente; e a modificación puntual do Plan Parcial do solo urbanizable de Barraña, que foi informada favorablemente na derradeira Comisión Superior de Urbanismo celebrada o pasado 6 de marzo.

No encontro de traballo a secretaria xeral informou ao concello dos avances na tramitación da nova Lei de Costas, que na actualidade está no Senado para a presentación de enmendas, e dos que beneficios que terá para o concello de Boiro. O alcalde trasladoulle que o concello xa está a traballar a fondo para que unha vez aprobada a Lei de Costas poida solicitar a rebaixa da liña da servidume de protección dos 100 a 20 metros en Escarabote e Cabo de Cruz, e delimitar outros asentamentos costeiros que agora encaixarían como núcleos susceptibles de ser recoñecidos.

No referente ao proxecto de ampliación do cemiterio municipal Vista Alegre o concello de Boiro trasladou a secretaria xeral os antecedentes do mesmo, que actualmente está pendente da resolución de Urbanismo. Encarnación Rivas comprometeuse a axilizar a resolución para outorgar a concesión desta autorización en solo rústico, que xa está a ser analizada polos técnicos autonómicos. O 22 de xullo de 2009, cando inda gobernaba o bipartito Bng e Psoe, íase ampliar ata duplicar o número de nichos. Agora ten 16.000 metros cadrados e está case cheo. Faranse 584 panteóns novos, con cerca de 2.400 nichos. Ía ter un custe de 2,5 millóns de euros a pagar polos 400 propietarios.

Aumento de zonas verdes e espazos libres
O pasado mércores 6 de marzo a Comisión Superior de Urbanismo de Galicia informou favorablemente da modificación puntual do plan parcial que afecta ao solo urbanizable en Barraña. Alcalde e secretaria xeral analizaron as publicación pendentes no DOG (Diario Oficial de Galicia) e no BOP (Boletín Oficial da Provincia) respecto ao acordo da Comisión. A proposta aprobada supón un aumento das zonas verdes e espazos libres no municipio, así como a reordenación global das edificacións previstas neste plan.

A modificación impulsada dende o concello de Boiro, altera o trazado do vial 16 do plan parcial para adecualo ao trazado do Plan Xeral de Ordenación Municipal (PXOM). A proposta tamén supón a alteración da posición das edificacións da maioría dos rueiros, e a configuración e posición da maior parte dos elementos do sistema de espazos libres e de equipamentos. Sen embargo, non altera a edificabilidade total permitida, xa que mantén os equipamentos e aumenta as contías destinadas a espazos públicos.

Este criterio de ordenación xustifica a ordenación baseada nunha maior permeabilidade visual do ámbito cara o mar e dos espazos libres públicos cara o viario, retirando as edificación da primeira liña do mar a modo de pantalla e apostando por outra configuración máis aberta. Na actualidade o concello de Boiro conta cun PXOM que foi aprobado no ano 2003, ao abeiro da disposición transitoria 3ª da Lei 9/2002 de ordenación urbanística e protección do medio rural de Galicia (LOUGA).

Boiro: o Psoe organiza actividades sobre Educación. A seguinte é o luns 18

Volei: o Náutico Boiro fai historia e consegue un triplete

Boiro: 22 e 23 de marzo, V aniversario de Aturuxo

Boiro: nova mostra de fotos de heráldica, do 15 ao 31 de marzo, en O Faiado 2

Posted via email from Certo.gl, o xornal dixital de Barbanza e Noia

Porto do Son: arríscanse e prometen PXOM antes do verán e aprobación definitiva este ano mesmo

A secretaria xeral de Ordenación do Territorio e Urbanismo recibiu ao rexedor municipal, José Luís Oujo, para analizar o estado actual do PXOM que alcanza a fase final da súa tramitación
No vindeiro mes de abril terá lugar unha reunión técnica para cerrar o documento que será aprobado provisionalmente e remitido á Xunta para aprobación definitiva
Antes do verán o alcalde comprometeuse a enviar á Xunta o proxecto do plan xeral coas modificacións sinaladas no Informe Previo a Aprobación Inicial de xuño de 2011 e nos informes sectoriais emitidos

Foto: Xunta de Galicia

Porto do Son, 14 de marzo de 2013.- A secretaria xeral de Ordenación do Territorio e Urbanismo, Encarnación Rivas, reuniuse esta mañá en Santiago co alcalde de Porto do Son, José Luís Oujo. Durante o encontro de traballo, o rexedor municipal trasladoulle á secretaria xeral que antes do verán remitirán á Xunta o proxecto de Plan Xeral de Ordenación Municipal para a súa aprobación definitiva. Encarnación Rivas sinaloulle que a Xunta disporá de tres meses, desde que se recibe toda a documentación, para analizar o proxecto e informar do visto bo definitivo. Logo de tantos adiamentos en tantos proxectos (sen ir máis lonxe, a declaración de BIC do Castro de Baroña, que levou anos logo de ser prometido para meses), o alcalde volta a arriscarse dando datas: en apenas tres meses veremos o que ocorre.

Durante o encontro a secretaria xeral e o alcalde trataron o estado actual da tramitación do PXOM que leva redactándose dende o ano 1999, pero que recibiu un impulso decisivo a partir do 2011 tras a emisión no mes de xuño do Informe Previo a Aprobación Inicial (IPAI) da Secretaría de Ordenación. Neste informe, no que se analiza a adaptación do proxecto de documento á Lei do Solo (LOUG), sinalábanse unha serie de axustes que deben ser incorporados no documento para ser aprobados definitivamente, e que xa foron tratados nunha reunión anterior entre os técnicos de ambas administración e do equipo redactor, celebrada en novembro de 2011.

Os últimos avances da tramitación deste proxecto de planeamento foron a aprobación inicial polo pleno municipal do 27 de febreiro de 2012; a exposición pública, entre marzo e abril de 2011, na que se presentaron 650 alegacións; cuestións relativas a totalidade dos informes sectoriais que xa recibiu o concello, así como dos últimos axustes no documento para incorporar as resultas dos mesmos.

Recta final da tramitación
Rivas Díaz emprazou ao alcalde a unha nova reunión técnica para principios do mes de abril, para que técnicos das dúas administracións e equipo redactor resolvan os últimos flecos e cerren o documento que, antes do verán, o concello someterá á aprobación provisional do pleno municipal e continuación enviará Xunta para aprobación definitiva.

Unha vez que a Secretaría Xeral de Ordenación do Territorio e Urbanismo dispoña da integridade completa do documento e do expediente administrativo do PXOM, disporá de 3 meses para emitir a Orde de Aprobación Definitiva. Por último, a secretaria xeral de Ordenación trasladoulle ao alcalde a colaboración dos responsables e técnicos da Consellería de Medio Ambiente, departamento que economicamente concedeu en concepto de axudas case 200.000 euros para a redacción do planeamento.Na actualidade, este concello réxese por unhas Normas Subsidiarias de planeamento aprobadas en outubro de 1994.

Porto do Son: a curta da @salaperseveira sobre "Depor-Celta, a última batalla " tamén no @gconfidencial @gcdeportes galiciaconfidencial.com/nova/13604.html
— Certo (@Certo) March 14, 2013

Porto do Son: Aurora Marco levou "As silenciadas" ao IES nunha charla

Posted via email from Certo.gl, o xornal dixital de Barbanza e Noia

Rianxo: esta fin de semana, 16 e 17 de marzo, "Un mar de mulleres", co Cadro Artístico Airiños

O Cadro Artísitico Airiños vai representar un pequeno espectáculo sobre a muller no mar chamado "Un mar de mulleres".

"Un mar de mulleres" é un pequeno contacontos dramatizado escrito e dirixido por Esther F. Carrodeguas para o Cadro Artístico Airiños arredor da muller no mar. A raíz dunha proposta da Concellalía de Cultura, decídese continuar con este teatro de pequeno formato (media hora) o que permite unha creación a medida e o espallamento da cultura polas difentes parroquias rianxeiras. Neste caso, coincidindo co mes da muller traballadora, decídese facer unha pequena homenaxe a todas as mulleres que traballan no mar, dende as mariscadoras, ás mairñeiras, redeiras, pescas e vendedoras, traballadoras da fábrica de conservas... Deste xeito, moitos nenos e nenas da vila poden aprender algúns traballos que descoñecen ou no seu caso, darlles a importancia e sotaque que teñen. Trátase ademáis dun espectáculo, coma o resto dos teatros express, de carácter familiar, que pretende emparellar a educación coa diversión dos mais pequenos, apelando tamén aos recordos dos adultos que poden ver reflectido en escena o seu presente, ou o seu pasado. Mesturando en escea as mariscadoras de antaño coas actuais, ou as expertas coas inexpertas, conséguese un conto para todas as idades no que as protagonistas son sempre esas mulleres do mar.

As representacións terán lugar: