23.2.11

Ribeira: I Festa dos Bolicos con Viño Tinto, este sábado 26 de febreiro

"Quen non veu aos seus avós algunha vez meterse entre peito e espalda unha capacho de viño tinto a rebosar e mollando bolicos??? Pois iso é o que queremos facer, un homenaxe á mellor cea (xunto co caldo) para os días de frío siberiano coma o que está facendo agora. Por todo isto emplazámosvos a asistir o Sábado 26 de Febreiro de 20:00 a 23:30 á I Festa dos Bolicos con Viño Tinto onde por 3 irrisorios euros poñerémosvos un tazón de viño tinto e un platiño de bolicos para que despois poidades saír de noite en mangas de camisa e ao chegar á casa disirlle á vosa nai… “miña naisiña, FERVEME Ó PEEEITO!!!"

Logo desta aclaración de Fran Riaso, quen precisa dicir máis nada!

Posted via email from Certo.gl, o xornal dixital de Barbanza e Noia

Boiro: Amicos presentou a diversas autoridades o seu proxecto de centro residencial en Comoxo

Boiro, 23 de febreiro de 2011. Os deputados provinciais Xoán M. Sande Muíz e Rosana Pérez Fernández realizaron unha visita institucional á Asociación de Familias de Persoas con Discapacidade Psíquica AMICOS, para coñecer de primeira mán o proxecto de construcción da Residencia para persoas Gran Dependentes con Discapacidade Intelectual que a entidade ten previsto construir na aldea de Comoxo e que a Deputación Provincial financiará o 33% con 222.000 euros sobre un orzamento de 736.872,95 euros.  

O proxecto de construcción da unidade residencial de asistidos pretende dar cobertura na súa primeira fase a 17 persoas con discapacidade intelectual con necesidades de apoio extenso e xeralizado, nunha área (bisbarras de Barbanza e Noia) onde existe un importante déficit de cobertura en materia asistencial e non existe ningún centro destas características.

A posta en marcha da residencia permitirá mellorar  e consolidar os servizos de atención ás persoas con discapacidade intelectual das comarcas de Barbanza e Noia que presta a asociación AMICOS e que na actualidade abranguen un centro de día, un centro educativo, un centro ocupacional, un centro de formación, unha rede comarcal de transporte adaptado e diversos servizos de rehabilitación. 

Os deputados, que estiveron acompañados do alcalde de Boiro, Xosé Deira Triñanes, desprazáronse até o lugar de Moimenta, onde está prevista a instalación da futura residencia, e onde mantiveron un encontro con responsábeis de AMICOS e coas familias dos afectados.  

A Deputación da Coruña vén contribuindo ao mantemento das actividades da entidade a través das convocatorias anuais de subvención, en concreto o ano pasado a aportación foi de 20.000 euros destinados a financiar o taller ocupacional de viveirismo. 

No mesmo lugar, os deputados entrevistáronse con responsables de INTEGRADOS, unha asociación que traballa conxuntamente con AMICOS co obxectivo da promoción do ocio e do deporte do colectivo das persoas con discapacidade intelectual, e que conta con dous vehículos adaptados para o transporte de deportistas con discapacidade, financiados pola Deputación da Coruña con case 35.000 euros. 

Posted via email from Certo.gl, o xornal dixital de Barbanza e Noia

Mar: os socialistas din que a Conselleira vai pasar á historia por "cebarse" coas mariscadoras mentres ésta os acusa de demagogos

Soneira: "a Conselleira do Mar vai pasar a historia por ser a que máis se cebou cos maís débiles do sector pesqueiro"
Rosa Quintana: “Non quero un sector subvencionado que teña que vivir de xeonllos diante de min”

Santiago de Compostela, 23 de febreiro de 2011. A portavoz de Pesca do Grupo Parlamentario dos Socialistas de Galicia, Marisol Soneira interviu hoxe no Pleno da Cámara para interpelar á Conselleira do Mar sobre a anulación do Plan de Pensións dás mariscadoras maiores de 65 anos que non acadaron o período mínimo de cotización para ter dereito a unha pensión contributiva.  A deputada socialista denunciou hoxe  que, á Conselleira do Mar, non se lle coñece nin unha sola acción política de calado para o mundo da pesca e do marisqueo, pero si por eliminar axudas sociais postas en marcha polo goberno anterior. Por iso acusouna de amosar as súas fobias contra a anterior conselleira, Carmen Gallego, a través de políticas revisionistas que fai pagar o aro mais débil da cadea: as mariscadoras.

Pola súa banda, a conselleira do Mar, Rosa Quintana, insistiu esta mañá no Parlamento que a xestión que está a levar a cabo no seu departamento non se basea nas subvencións senón nunha política de protección do recurso e de xeración de emprego. “Non quero un sector subvencionado que teña que vivir de xeonllos diante de min”, indicou. Proba disto, lembrou que, entre outras medidas, puxo en marcha o plan de recuperación de zonas improdutivas e que, dende que está no Goberno da Xunta, se outorgaron 494 novos permisos de explotación marisqueira a pé fronte aos 843 permex que se perderon no marisqueo a pé durante o anterior goberno. Isto é sinónimo de “promover as cotizacións para poder pagar pensións a aqueles que cumpriron coa lei”, explicou a conselleira.

Quintana laiouse de que dende a oposición e dende distintos colectivos se estea intentando facer demagoxia cando “foi esa mesma xente a que, no ano 2000, animaba ás mariscadoras a manifestarse para que non pagaran a Seguridade Social ou que cotizasen por horas” de xeito que nunca tiveran acadado unha pensión como si lograron aquelas profesionais do mar que comezaron a pagar o seu recibo tal e como lles esixía a Lei de Pesca do ano 93. “É como se aqueles que animaron ás mariscadoras a que non pagasen –insistiu- cando chegaran ao poder, intentaran emendar os erros que cometeron”.

Discriminación por xénero?

Soneira acusou á Conselleira de “ter amistades perigosas”, e de ser incapaz de gastar 53 millóns de euros dos seus orzamentos ordinarios. “Hai cartos para facer un Porto en Xinzo de Limia, pero non pagar o seguro das mariscadoras galegas”, espetou. 

E preguntoulle si sería de capaz de suprimir este Plan de Pensións se os prexudicados foran homes e non mulleres. Dixo que hai unha discriminación por cuestión de xénero xa que ate que foi obrigatorio a cotización, no 2.000, a facenda pública consideraba os ingresos das mariscadoras como un aporte atípico a economía familiar, dunha modestia tal que non computaba. Denuncia que esta medida obriga a mulleres de máis de 65 anos a vivir da dependencia. 

Asegura que vai pasar á Historia por ser a Conselleira que se cebou cos mais  febles do sector pesqueiro, e a que deixou tiradas na rúa a moitas mulleres que non teñen o suficiente cotizado.

Posted via email from Certo.gl, o xornal dixital de Barbanza e Noia

A Pobra e Boiro: un cura da conferencias este venres na Pobra e o sábado en Boiro sobre ciencia e fe

Boiro: este xoves 24, plantación de autóctonas e o venres 25, inauguración da nova sede de Emerxencias


A plantación será ao pé da área para autocaravanas de praia Xardín

Boiro, 23 de febreiro de 2011. O Concello de Boiro, en colaboración coa asociación Boiroverde, adicarase a repoboar con especies arbóreas autóctonas a zona que está ao pé da área de autocaravanas de praia Xardín (indo hacia Escarabote, antes da ponte). Colaborarán os escolares dos colexios Praia Xardín e Santa Baia.

Por outra banda, o vindeiro venres 25, o alcalde presidirá a inauguración da nova sede do Servizo Municipal de Protección Civil e Emerxencias, tamén ás 12 do mediodía, no polígono industrial da Espiñeira.


A sede de bombeiros de Boiro tamén está na Espiñeira

Este edificio, así como as novas naves de oficios e o pañol de obras, foron financiados con cargo aos fondos FEIL 2009 e FEESL 2010, cun importe conxunto de algo máis de 976.000 euros. O edificio conta cun garaxe de 150 metros cadrados útiles, destinado aos vehículos e lanchas de que dispón este servizo, e unha planta superior con outros 260 metros útiles, divididos en dependencias destinadas a vestiarios, oficina xeral, sala de reunións (que tamén se utilizará para a impartición de cursos) , almacén, cociña – sala de estar e zona de descanso.

Na actualidade, o GRUMIR dispón destes medios para desenvolver o seu labor:
un camión de bombeiros, un vehículo de primeira intervención, catro todoterreos, catro lanchas e un remolque de intervención (dotado de material a utilizar en emerxencias como bombas de achique, motoserras, etc.).
O ámbito de actuación de Protección Civil e Emerxencias de Boiro abarca distintos tipos de intervencións, desde accidentes de tráfico, incendios forestais e urbanos, recollida de animais abandonados e busca de persoas desaparecidas ata a vixiancia e salvamento nas praias. Tamén prestan asistencia na organización de festas, concertos e todo tipo de actividades nas que se producen importantes concentracións de persoas. 

Posted via email from Certo.gl, o xornal dixital de Barbanza e Noia

Industria: os socialistas denuncian que Agustín Hernández ten paralizado o parque industrial do Barbanza dende hai dous anos

O deputado José Manuel Lage denuncia actos propagandísticos en sede parlamentaria por entrevistarse o conselleiro co alcalde do PP da Pobra e o alcaldable por Ribeira, tamén do PP, Manuel Ruiz Rivas 

Polígonos industriais como o de Rianxo xa están a rematarse

Barbanza, 23 de febreiro de 2011. O portavoz da área institucional do Grupo Socialista, José Manuel Lage, criticou hoxe o encontro do conselleiro de Infraestruturas co alcalde de Pobra do Caramiñal e o candidato do PP á alcaldía de Ribeira, Manuel Ruíz Rivas, en sede parlamentaria. Dixo que utilizan a sede parlamentaria para “montar actos propagandísticos para tapar as súas vergoñas” 

Afirmou hoxe que “a crúa realidade é que nos dous primeiros anos de goberno do PP na Xunta tiveron paralizado o polígono industrial do Barbanza programado polo anterior executivo presidido por Touriño; cualificou o anuncio de hoxe sobre esta infraestrutura de “realidade virtual” logo de ter paralizada a obra dous anos. 

Lage Tuñas advertiu que “a utilización partidaria do Parlamento por parte do goberno galego amosa a necesidade de tapar as vergoñas do Partido Popular que tivo paralizado o parque empresarial do Barbanza durante dous anos”. 

Lembrou que ”fai máis dun ano que lle solicitamos ao goberno galego explicacións sobre a situación do parque empresarial do Barbanza e o silencio foi a resposta ás miñas solicitudes”. 

Engadiu que “coa chegada das eleccións municipais Agustín Hernández pon a consellería de Medio Ambiente e Territorio ao servizo da propaganda do PP na Pobra do Caramiñal e en Ribeira”. 

O deputado socialista di que “o goberno galego e o Partido Popular levan dous anos gobernando e non fixeron absolutamente nada para impulsar o Parque Empresarial do Barbanza, deseñado e programado polo anterior executivo galego presidido por Touriño”.

Antes publicamos:
Piden que se retome a construción do macropolígono de Barbanza
A Xunta bótalle a culpa ao bipartito de que non vaia adiante o macropolígono

Posted via email from Certo.gl, o xornal dixital de Barbanza e Noia

Ribeira: este xoves 24, presentación do novo disco do grupo de Aguiño "AreaVasta"


Ribeira, 23 de febreiro de 2011. O auditorio municipal vai ser escenario mañá, día 24 de febreiro, ás 11.30 horas, da presentación do novo disco e dun concerto da banda ribeirense Areavasta. Neste acto participarán os concelleiros de Cultura e de Xuventude de Riveira, Luciano Fernández e Vicente García, así como integrantes da formación musical.

Quenes compoñen AreaVasta?

Cambiaron cantante xa, pero entrevistámolos en Certo. Podes ler a entrevista aquí

Webs relacionadas:

http://areavastarock.blogspot.com

http://www.myspace.com/areavasta

Posted via email from Certo.gl, o xornal dixital de Barbanza e Noia

Porto do Son: o sétimo Cartafol da Memoria, adicado a Cunqueiro, preséntase este sábado 26


Estatua de Cunqueiro na súa vila natal, Mondoñedo

Porto do Son, 23 de febreiro de 2011. O Concello de Porto do Son presenta este sábado, 26 de febreiro, o sétimo Cartafol da Memoria, que leva por título "Un mar maior e heroico" e está adicado á conexión de Álvaro Cunqueiro con Porto do Son. Foi coordinado e escrito por Blanca Ana Roig Rechou, que é unha profesora da USC natural de Portosín, integrante da Asociación de Escritores en Galego (AELG)

O acto comeza na casa de cultura de Portosín este sábado 26 ás oito e media da tarde.

Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical