31.1.12

Mar: despois dun ano de poñelas á forza, a Xunta crea unha comisión de seguimento das gaiolas de salmón de Muros

Rosa_quintana_comisin_seguimen

  • Hai representantes das confrarías de Noia, Portosín, Porto do Son e Muros

Media_httpfarm8static_toxam

As gaiolas da polémica están enfronte á praia de San Francisco, en Muros

Noia-Muros, 31 de xaneiro de 2012.- A Consellería do Medio Rural e do Mar constituíu esta tarde a comisión de seguimento das gaiolas de salmón da Ría de Muros-Noia, "coa finalidade de establecer os mecanismos necesarios para que o sector poida facer un seguimento preciso do funcionamento destas estruturas instaladas no polígono Muros C". Esta comisión quedou constituída despois dunha xuntanza co sector bateeiro que posúe bateas nesta ría, cos representantes das confrarías de Muros, Noia, Portosín e Porto do Son e cos representantes da empresa concesionaria das bateas experimentais, North West Food.

Esta mesa de traballo entre a administración e o sector constitúese unha vez que as confrarías aceptaron formar parte dela, algo que rexeitaron nun primeiro momento. Ademais de avaliar o impacto das gaiolas, este grupo de seguimento ten como misión estudar o resultado deste proxecto experimental así como propor novas probas e análise de ser o caso.

A Xunta ocúpase de destacar que "para o desenvolvemento deste proxecto experimental a Consellería do Medio Rural e do Mar actuou con transparencia ante o sector en todo momento e que este proxecto conta con informes favorables do Clúster de Acuicultura e da Universidade de Vigo que valoraron positivamente o desenvolvemento deste cultivo experimental na ría de Muros-Noia". Unha afirmación bastante cuestionable, logo das informacións obtidas por mariñeiros da zona sobre salmóns mortos fóra das gaiolas que disque sirven de alimento a granxas de visóns e sobre o emprego dun barco de Salvamento Marítimo para osixenar as gaiolas para evitar que os peixes alí criados non morresen. Xa para colocalas, a Xunta tivo que facer uso da forza, pois o sector mariñeiro apoñíase coas súas embarcacións aos barcos que as traían, aló por marzo de 2011.

En Certo vimos informando sobre este controvertido asunto medioambiental dende que comezou. Pode ler todas as informacións aquí

Posted via email from Certo.gl, o xornal dixital de Barbanza e Noia

Noia: o alcalde reitera que o proxecto da limpeza da Ría foi aprobado e que só se retrasará por "intereses do PP"

Media_httpfarm7static_doaap

A famosa escolleira vai ser retirada só en parte "un ano destes"

Noia, 31 de xaneiro de 2012. Segundo informou hoxe o alcalde de Noia, o socialista Rafael García Guerrero, "xa se rematou toda a tramitación do proxecto de limpeza da Ría: Portos de Galicia autorizou a obra e cedeu xa parte da escolleira (que agora é competencia do estado de Punta Abruiñeiras cara Testal) hai máis dun ano coa condición de que se reserven tres treitos de cen metros cada un diante de Labarta para a futura intervención na zona portuaria que faría o ente público Portos de Galicia".

Segundo aclara, ante informacións noutro sentido publicadas estes días, "a Declaración de Impacto Ambiental  foi aprobada o 21 de Marzo de 2011 e posteriormente foi aprobado o proxecto e orzamentada a obra que xa foi adxudicada a Tragsa. Os informes son favorables xa que dos cálculos feitos dedúcese que da comparativa entre deixar a escolleira e retirala prodúcese unha mellora ambiental xa que o eixe principal da corrente desprázase ao sul, máis preto da zona urbana, ao seu estado primitivo o que aumentaría a limpeza nesa zona de xeito gradual".

A culpa do retraso actual sería do PP

"O único que pode impedir a realización da obra son os intereses do PP e do deputado Pérez Ínsua no seu ánimo de impedir que Noia dea o primeiro paso para a limpeza da ría, coa agravante da hipocrisía que supón que no ano 2007 o PP e o propio Pérez Insua prometeron a retirada da escolleira", remata o alcalde noiés.

Outros asuntos

Tamén se informou hoxe de que a compañía Movistar (antes Telefónica), como beneficiaria da realización das actuacións do Plan de Banda Larga da Xunta de Galicia 2010-2013, puxo en servizo unha nova infraestrutura de telefonía e banda larga móbil 3G nos núcleos de Alvariza, Boña, O Canabal, Carreira, A Fialla, Orro, Ousoño, Sampaio, Vilafabeiro, Vilanova, Vilar de Ousoño, Vilardante e Vilaverde.

Ademais, e por outra banda, grazas a unha subvención da Deputación Provincial de A Coruña, comézase esta semana a realización do novo inventario do Concello.





Posted via email from Certo.gl, o xornal dixital de Barbanza e Noia

Porto do Son: presentan este sábado 4 de febreiro "Mulleres na guerrilla antifranquista galega", de Aurora Marco

Porto do Son, 31 de xaneiro de 2012. Segundo informou hoxe o novo coordinador de Barbantia e ex alcalde de Porto do Son, Pastor Rodríguez. este vindeiro sábado, 4 de febreiro, terá lugar na casa de cultura de Xuño a presentación do libro da profesora Aurora Marco titulado "Mulleres na guerrilla antifranquista galega". Nesta actividade tamén se acubilla a proxección do documental relacionado con esta investigación, "As Silenciadas", do director Pablo Ces.

O acto terá lugar este sábado, 4 de febreiro, ás 20:00 h. na Casa de Cultura de Xuño.

Memoria histórica recuperada

"Mulleres na guerrilla antifranquista galega" foi presentado en Santiago o pasado 14 de decembro de 2011 e en xaneiro continuarán as presentacións por diferentes lugares. As silenciadas, documental do que nos fixemos eco en Certo o pasado 30 de marzo, foi galardoado co premio ao mellor documental na categoría “Memoria i Justícia Universal”, no Festival Internacional de Cine de Derechos Humanos de Santa Coloma de Gramenet.

 
Máis información sobre a autora e as súas diferentes obras en www.auroramarco.com

Diploma-gram

CAPA Mulleres na guerrilla.pdf Download this file

Posted via email from Certo.gl, o xornal dixital de Barbanza e Noia

Literatura: convocan un certame de contos para mozos ata 19 anos para darlle pulo a lendas da Barbanza

i_concurso_infantil_e_xuvenil_de-relatos.pdf Download this file

  • O prazo para presentarse comeza o 1 de febreiro e remata o 5 de marzo

Media_httpwwwarousano_ezhxe

Barbanza, 31 de xaneiro de 2012. Veñen de convocar o I Certame Infantil e Xuvenil Relatos  ”Letras na brétema”, co fin de promover a creación literaria e darlle pulo ás lendas de Barbanza entre os máis mozos. A teima dos relatos serán os mitos e lendas galegas, que poden ser reais ou ficticias pero deberán estar baseadas en feitos, personaxes populares ou tradicionais, ambientados -personaxes e lendas- na bisbarra da Barbanza.

Posted via email from Certo.gl, o xornal dixital de Barbanza e Noia

Noia: o sábado 4, conferencia sobre nutrición no Liceo

Noia_dieta

Noia, 31 de xaneiro de 2012.  O vindeiro sábado 4 de febreiro, na Sociedade Liceo de Noia, terá lugar unha charla que leva por título:"ALIMENTACIÓN EQUILIBRADA E INTOLERANCIAS ALIMENTARIAS".Será impartida pola nutricionista e asesora dietética Lita Caamaño Lago a partires das 19:00 horas.

 



Posted via email from Certo.gl, o xornal dixital de Barbanza e Noia

Ribeira: o festival de murgas e comparsas volve ó martes de Entroido, con 6.000 euros en premios

  • Prazo para inscribirse ata o luns 13 de febreiro
  • O desfile será o 21 de febreiro, data na que cae Martes de Entroido este ano
  • 6.000 euros en premios. O máis importante será o primeiro premio para a Murga de Adultos, que se levará 1.000 euros
Media_httpfarm6static_fjvae

Ribeira, 31 de xaneiro de 2012.-
O Festival de Murgas e Comparsas do Entroido ribeirense trae nesta edición dúas importantes novidades con respecto a celebracións anteriores. A primeira delas é que, tras máis dunha década na que este desfile pagano se desenvolvía os domingos de Entroido, a partires deste ano vai regresar á data na que tradicionalmente adoitaba celebrarse, que é o martes de Entroido, facéndoo coincidir co festivo local. Xa que logo, o próximo Festival de Murgas e Comparsas desenvolverase o día 21 de febreiro.  

A outra das importantes novidades deste ano reside en que tamén se recuperará a concesión de premios en metálico. Así, establécese unha contía total de 3.800 euros para as gratificacións e de 2.200 € para os premios, repartíndose segundo os criterios recollidas nas bases do concurso. 

Outro dato que hai que salientar é que pódense presentar ao festival entidades, agrupacións ou asociacións de calquera punto da Comunidade Autónoma galega, e non só dos municipios de Arousa Norte como ata agora. O período de inscrición expira o 13 de febreiro. 

Media_httpfarm6static_ueicd

En canto as bases do Festival, establecen o seguinte: 

MARTES 21 de febreiro de 2012 

1.- Establécense dúas categorías de participación: 

            - Infantil: ata 15 anos (incluídos).

            - Adulto: dende os 16 anos (incluídos). 

2.- As murgas e comparsas deberán estar formadas por un mínimo de 14 participantes, sen límite máximo. Na categoría infantil ademais deberá contar con 1 adulto (como máximo) por cada 2 nenos/as. 

3.- Deberán representar a unha asociación, entidade ou agrupación, establecendo o máximo permitido dunha murga ou comparsa por categoría, modalidade e asociación. 

    3.1.- Establécense as seguintes categorías e modalidades: 

      a) Murgas (persoas adultas): Máx. 15 agrupacións, das que doce serán do termo municipal e tres do resto de Galicia. De non cubrirse os máximos admitiranse todas as solicitudes presentadas que reúnan os requisitos destas bases. 

         b) Murgas (infantil): Máx. 5 agrupacións. 

         c) Comparsas: Máx. 5 agrupacións. 

    Serán seleccionadas pola organización tendo en conta en primeiro lugar a antigüidade de participación neste evento e en segundo lugar a data e número de rexistro da súa inscrición no festival

4.- Para ambas as dúas categorías (infantil e adulta), as letras das MURGAS deberán ter unha extensión máxima de 1 canción, non superiores no seu conxunto a 60 versos, nin cunha duración total superior a 8 minutos (incluíndo música, posta en escena e coreografía). 

5.- O vestiario debe estar en consonancia con algún dos temas principais das letras das murgas ou un tema de actualidade ou interese xeral. 

6.- Poderase introducir elementos complementarios en relación coa interpretación dos temas e letras, sempre que non constitúan un risco nin perigo para a cidadanía ou motivo de ofensa á honra e dignidade das persoas, asumindo o representante de cada murga ou comparsa a responsabilidade ante reclamacións de terceiros que puideran xurdir en canto ás letras, músicas, vestiarios e outros.  

7.- Establécese como data límite de inscrición e de presentación das letras o LUNS 13 de febreiro do presente ano, antes das 13:30 h, no Rexistro Xeral do Concello ou no Auditorio Municipal. Entenderase que a non presentación dará lugar á non participación no Festival de Murgas. 

7.1- Xunto coa solicitude de participación, achegarase letra/s da murga debendo ademais presentalas en soporte dixital xunto ao logo identificativo da agrupación (cd, pendrive, email...), relación dos integrantes do grupo (murga ou comparsa), co nome e apelidos de cada participante, así como o nome da Murga ou Comparsa. No caso de non tratarse dunha entidade deberán presentar fotocopia de DNI de todos os integrantes da Murga ou Comparsa e aplicaráselle o IRPF correspondente á gratificación e/ou premio que corresponda. Tamén haberá que nomear un representante de cada grupo ante o Concello, que deberá entregar fotocopia do DNI e datos fiscais (CIF da entidade) para o pago da gratificación/premio correspondente e no caso das murgas da categoría adulta un representante que será membro do Xurado do Festival.  

8.- As murgas participantes comprométense a tomar parte no desfile previo á celebración do festival no lugar e hora que a organización estableza, así como a animar o pasarrúas.  

9.- O Festival celebrarase da seguinte maneira: subirán ao escenario as comparsas participantes para lucir a súa vestimenta –a súa actuación non excederá de 3 minutos-, actuarán a continuación as Murgas da categoría Infantil, e ao rematar estas, as da categoría de persoas Adultas. Todas elas por orde alfabética.  


Media_httpfarm6static_zeegi

10.- Establécese a contía total de 3.800 € para as gratificacións e 2.200 € para os premios, segundo o seguinte sistema de reparto para as distintas categorías e/ou modalidades: 

    10.1.- Gratificacións por participación:  

          a) POR  CATEGORÍA/MODALIDADE: Máx. 200 € para cada Murga (infantil ou adulta)

                 Máx. 200 € para cada Comparsa

    b) POR AMBAS DÚAS CATEGORÍAS:  

    No caso de que algunha asociación estea representada nas dúas categorías/modalidades a gratificación será en conxunto por importe máximo de 300 €  (os membros de cada unha das murgas (infantil/adulta) ou comparsas deberán ser diferentes entre si e acadar os mínimos requiridos).

    Nota: No caso de que as gratificacións aos grupos participantes excedan a contía total destinada aos mesmos o reparto será proporcional entre todas elas ata o límite establecido. Ás gratificacións aplicaráselle a retención fiscal que corresponda segundo a lei.

    10.2.- As murgas, na categoría de Adultos, optarán os seguintes Premios

    -          Primeiro Premio: 1.000,00 €

    -          Segundo Premio:  500,00 €

    -          Terceiro Premio:  350,00 € 

    -          Especial Premio Local: 350,00 €.

          (No caso de que ningunha murga adulta do municipio de Riveira acadase un dos tres premios

           establecidos, este galardón entregaráselle á agrupación local que obtivese a maior puntuación).

    10.3.- As murgas premiadas quedarán excluídas das gratificacións e as murgas infantís e comparsas, non optarán a ningún premio. 

11.- Para establecer os premios, existirá un Xurado que estará composto por seis membros: cinco profesionais (un por cada categoría a valorar: Letra, Música, Vestiario, Maquillaxe, e Posta en escena) e pola Concelleira de Cultura e Festexos –ou quen designe- que ostentará a presidencia do mesmo. Cada membro contará con voto -1, 3 e 5-. A secretaría do xurado recaerá nun representante da Área de Cultura, con voz pero sen voto. A votación será inmediata ao remate de cada unha das actuacións. A decisión do Xurado será inapelable. En caso de empate priorizarase o criterio do xurado xa que os premios son individuais e indivisibles. 


Media_httpfarm6static_detys

12.- Ao remate do festival farase entrega a cada murga e/ou comparsa dun diploma acreditativo da gratificación, así como do premio obtido aos galardoados, que serán canxeables polo importe sinalado nos mesmos e recollido nestas bases, e faranse efectivos mediante transferencia bancaria nos Servizos Económicos do Concello nos días posteriores ao festival. A non presenza do representante designado por cada murga ou comparsa, no momento da entrega dos diplomas e galardóns e durante todo o Festival, considerarase motivo de renuncia á gratificación e/ou premio correspondentes, que inmediatamente pasarán a disposición da organización. 


Media_httpfarm6static_hwbnx

13.- Todas as murgas e comparsas participantes deberán aceptar estes criterios no momento da súa inscrición no festival; a organización será competente para resolver calquera dúbida xurdida das presentes bases.  
 

Máis información: 

AUDITORIO MUNICIPAL

Praza dos Mariñeiros -RIVEIRA

Teléfono 981.83.56.50 – Fax 981 873209

Correo electrónico: culturaefestexos@riveira.com

www.riveira.com

Posted via email from Certo.gl, o xornal dixital de Barbanza e Noia

30.1.12

Boiro: o sábado 4 de febreiro, "De paliqueiro por Galiza", un espectáculo de Alberte Montes

Peliqueiro

Boiro, 30 de xaneiro de 2012. Este vindeiro sábado, 4 de febreiro,   actúa no local de Aturuxo! Alberte Montes, actor galego-catalá. Pon en escea ''De Paliqueiro por Galiza'' a partires das 23:00.

Posted via email from Certo.gl, o xornal dixital de Barbanza e Noia

Natureza: Adega pide o cesamento de García-Borregón pola desfeita da lagoa da Frouxeira

Lagoa_frouxeira

  • A Sociedade Galega de Historia Natural tamén manifesta o seu rexeitamento ante esta acción da Xunta contra un medio con cinco figuras de proteción

Valdoviño, 30 de xaneiro de 2012. Perante os recentes feitos acontecidos na lagoa da Frouxeira, que esta mañá desaugábase de xeito espontáneo pola acción do océano, mentres a Xunta construía con maquinaria pesada no humidal protexido unha canle artificial xusto no lado oposto do punto de desaugue, ADEGA quere facer público o seguinte:


1. Denunciamos a incomprensíbel e irresponsábel vulneración do acordo do Parlamento galego por parte da Xunta de Galiza, en concreto da Dirección Xeral de Conservación da Natureza, no que se instaba ao governo a buscar unha xestión racional e coherente cos obxectivos de conservación deste humidal, e a non autorizar con carácter cautelar, novas aperturas da lagoa. 

2. Denunciamos a actitude reiterada de ocultación de información practicada pola Dirección Xeral de Conservación da Natureza, sobre os proxectos, estudos, seguementos nos que dicían basear as súa brutal intervención neste espazo, e que constitúe un claro incumprimento da Lei 27/2006 de acceso á información ambiental.

3. Denunciamos a pasividade da administración que durante case 2 anos, facendo deixadez da súa obriga legal, non interveu e menos aínda executou medidas para corrixir as agresión ocasionadas na lagoa e reparar os defectos construtivos dun paseo marítimo somerxible e dunha rede de saneamento irracional.

4. Denunciamos a aberración dunha obra faraónica (a construción dunha canle artificial) claramente inadecuada para un humidal que ten cinco figuras de protección, obra que supuxo un elevadísimo despilfarro de cartos públicos e unha inxustificábel e posibelmente irreparábel artificialización deste sensible cosistema (alteracións nos hábitats prioritarios, transformación radical da xeomotfoloxía -remoción da barreira areosa e destrución do substrato rochoso-, danos nas dunas e na flora protexida.... Estas actuacións constituiron un auténtico atentado ecolóxico e ao cabo, resultaron inúteis: A natureza deixou finalmente co cú ao aire á Xunta, abrindo unha canle pola beira contraria do lugar escollido pola administración para meter os bulldozers. A maiores, as delirantes obras, pola súa improvisación e deficiente sinalización, constituiron un grave risco para a cidadanía que puido verse sorprendida pola repentina e violenta apertura da canle natural.

5. Denunciamos que a situación creada tras a apertura de hoxe volve a situarnos nas pésimas condicións tras a intervención da Xunta en 2009, sendo previsíbel a repetición dun novo e longo periodo nos que a lagoa ficará desecada e sometida á influencia oceánica directa, e alongando no tempo as distorsións sobre este himidal protexido.

Perante esta situación, ADEGA ademáis de exisir aos organismos internacionais (Oficina Ramsar e Comisión Europea) a depuración de responsabilidades pola nefasta xestión deste espazo, e de reservármonos as accións xudiciais oportunas para defender a legalidade vulnerada pola Xunta, esiximos a dimisión/cese inmediato do D. X. de Conservación da Natureza  señor García-Borregón. En vésperas do Día Mundial dos Humidais (2 de febreiro), a Xunta ofrece ao mundo un pésimo exemplo de xestión e retrátase como o principal factor para a degradación destes sensibles ecosistemas.

ADEGA seguirá defendendo unha xestión racional para este espazo, que debería orientarse a eliminar todas as intervencións negativas (paseo marítimo inadecuado, presión urbanística...) As medidas de conservación, lonxe da improvisación e do desleixo amosado pola Xunta, deberían basearse en evitar calquera interferencia na súa dinámica natura, tal como indicaron destacados expertos como D. Xenaro Dalda e D. Xabier Sóñora en publicacións científicas. Isto é: coñecemento, planificación e respecto polo medio natural e as leis que o protexen fronte á improvisación, á incompetencia, e á chafallada como norma de actuación que exibú a Xunta.

Fotos de todo o proceso nesta ligazón. Autor: X. A. Muñiz-ADEGA Ferrolterra


Posicionamento da SGHN

A Sociedade Galega de Historia Natural manifesta a súa fonda preocupación sobre o deseño e execución do procedemento adoptado polas autoridades competentes para aliviar os elevados niveis de agua da lagoa da Frouxeira (Valdoviño).

Respecto ao deseño, cabe salientar que se descoñecen os posibles efectos do novo trazado do sistema de desaugue e non pode desbotarse que chegue a dificultar a entrada do mar na Frouxeira, alterando o seu funcionamento natural.

Respecto á execución, as obras en realización conlevan a remoción e desprazamento dunha grande cantidade de area con maquinaria pesada: ata 3 bulldozers e 3 retroexcavadoras traballando simultáneamente que xa alteraron o perfil da praia e moi probablemente estean a provocar unha compactación das areas con efectos pendentes de avaliar.

Pero, con diferencia, o máis preocupante é que a maquinaria pesada empregada está a profundizar máis aló do depósito de areas da praia. As fotografías obtidas por SGHN revelan con claridade meridiana que os bulldozers están a rebaixar o propio leito rochoso de xistos subxacente ás areas da praia, provocando unha afectación xeomorfolóxica seguramente irreversible.

Unha transformación xeomorfolóxica deste tipo resulta incomprensible e inaceptable se as obras son unha solución provisional de “urxencia”.

Incomprensible e inaceptable serían tamén os cualificativos aplicables para esta transformación xeomorfolóxica se as obras non son provisionais e se están a realizar carecendo aínda dos resultados do estudio científico e plan de xestión reclamado dende hai 2 anos por SGHN e que segundo a Xunta de Galicia aínda se está a realizar porque SE UNHA COUSA ESTÁ FORA DE TODA DÚBIDA É QUE A CANLE NATURAL DA FROUXEIRA NUNCA FOI POR DEBAIXO DO LEITO ROCHOSO.

Fotografía: Danos provocados pola maquinaria pesada sobre o substrato rochoso da praia da Frouxeira durante a apertura do novo trazado da canle de drenaxe (2012-01-25).



Posted via email from Certo.gl, o xornal dixital de Barbanza e Noia

Dodro: o Concello ficha a unha dietista que pasará consulta os venres no polideportivo

Dodro: o Entroido consistirá nun desfile de disfraces o sábado 18 na Paxareira

Noia: construirán un novo tanatorio na Rasa de Abaixo

  • Custará facelo máis de 750.000 euros

Noia, 30 de xaneiro de 2012 (Día Escolar da Paz, cabodano da morte de Gandhi). Na reunión semanal da Xunta de Goberno Local de mañá martes, o órgano municipal concederá licenza urbanística para a construción dun novo tanatorio que irá ubicado no lugar de A Rasa de Abaixo. O novo equipamento está promovido por profesionais noieses do sector e ten un orzamento de execución de material que ascende aos 753.593,59 euros. 

O edificio consta de tres plantas: soto, planta baixa e primeiro andar. Na planta baixa o tanatorio pretende dar uso simultáneo ás cinco salas de velorio coa súa correspondente cámara de exposición de cadáveres. No primeiro andar deseñáronse dúas salas para a celebración, tanto de actos relixiosos como civís, así como un espazo destinado a área administrativa. 

A planta soto estará dividida nunha zona de garaxe, a sala de tanatopraxia, un almacén de féretros e vestiarios para o persoal de servizo. O programa de distribución do tanatorio diferencia claramente dous percorridos ou espazos de funcionamento diferenciado: o do difunto coa súa preparación con persoal especializado, situado na planta soto e parte traseira da planta baixa e a do público en xeral que en ningún momento interrelacionan nin entran en contacto visual salvo nas cámaras de exposición. O inmoble contará con dous vestíbulos cunha superficie total de 175 metros cadrados.  

O aparcamento ocupa o resto da parcela cunha capacidade de 35 vehículos, incluíndo prazas adaptadas a minusválidos e prazas para autobuses.  

 Cabe salientar que a empresa promotora cede un total de 466 metros cadrados para adaptar as instalacións ás alineacións establecidas pola actual normativa urbanística municipal, ao tempo que está obrigada á súa urbanización.

Posted via email from Certo.gl, o xornal dixital de Barbanza e Noia

Dodro: o curso de pandeireta comeza o sábado 11 de febreiro

Cartel.pdf Download this file

  • Dirixido a adultos e rapaces, terá lugar os sábados polo serán na Paxareira

Posted via email from Certo.gl, o xornal dixital de Barbanza e Noia

Barbanza: os concellos de Arousa Norte acordan poñer en marcha un programa cultural conxunto

  • A Mancomunidade Arousa Norte -Barbanza- está composta por Rianxo, Boiro, A Pobra do Caramiñal e Ribeira
Ribeira, 30 de xaneiro de 2012.- A Casa Consistorial ribeirense acolleu esta mañá a primeira das reunións programadas polos concellos da Mancomunidade Arousa Norte para desenvolver estratexias conxuntas de colaboración e coordinación en distintas áreas municipais.  

Concretamente, o grupo de traballo de hoxe incidiu no eido cultural. Con este fin, déronse cita no Consistorio situado en Santa Uxía os alcaldes de Boiro, Rianxo e Ribeira (Juan José Dieste, Adolfo Muíños e Manuel Ruiz, respectivamente), así como os técnicos municipais de Cultura correspondentes aos catro concellos que forman parte de Arousa Norte. 

A reunión foi cualificada de moi frutífera polos integrantes da mesma. No seu transcurso acordouse traballar en común cara a confección dun programa cultural comarcal conxunto. Con este obxectivo, o grupo de traballo emprazouse a unha próxima reunión na que cada Concello informará con detalle dos seus recursos materiais, técnicos e económicos de que dispón en materia de Cultura. A idea é actuar dende catro ámbitos diferenciados: museos, teatro, música e outros recursos.  

A reunión serviu tamén para que se decidise a posta en marcha dun Día da Mancomunidade de carácter rotatorio, cuxos detalles serán estudados en próximas reunións. 

Reparto do traballo

Tamén se acordou que a dirección e coordinación do grupo de traballo de Cultura corra a cargo do correspondente departamento do Concello de Ribeira. Rianxo coordinará o grupo de traballo de Deportes; A Pobra, o de coordinación de Policías Locais; e Boiro, o de Servizos Sociais.

Posted via email from Certo.gl, o xornal dixital de Barbanza e Noia

Noia: o Concello busca incrementar ingresos coas novas taxas para caixeiros automáticos e antenas de telefonía

  • Entre as dúas ordenanzas estiman pasar dos 60.000 euros anuais
Media_httpfarm5static_qpivy

Noia, 30 de xaneiro de 2012. No pleno ordinario de xaneiro de 2012 aprobouse inicialmente a ordenanza fiscal (que fai a número 38 do Concello) para caixeiros automáticos con acceso desde a vía pública. As previsións de ingresos por esta taxa aos bancos serían, segundo estimacións do Concello, uns 2.500 euros.

Se desexa ler a ordenanza completa, tena  aquí en pdf

Media_httpfarm4static_gpugx

Mais a taxa pola que os noieses poden ingresar un bo pico é a que fai o número 37 e que se intitula "Ordenanza fiscal reguladora da taxa por aproveitamento especial do dominio público local a favor de empresas explotadoras de servizos de subministración de interese xeral". Iso inclúe, entre outros aparellos, as torretas de telefonía móbil que as operadoras precisan poñer para garantir a cobertura aos seus clientes. O goberno municipal asegura que se poderán ingresar 58.431 euros anuais por este concepto.

Se desexa ler a ordenanza sobre telefonía móbil, tamén a ten aquí en pdf

Posted via email from Certo.gl, o xornal dixital de Barbanza e Noia

27.1.12

Medio Ambiente: Adega denuncia á Xunta perante a Unión Europea pola desfeita da lagoa da Frouxeira

desfeitafrouxeira



26 de xaneiro de 2012. Adega cualifica como "brutais" as obras para o "baleirado controlado" que están sendo perpetradas pola Xunta na lagoa da Frouxeira, humidal de Importancia Internacional, LIC, ZEPA e ZEPVN, e que para esta organización ecoloxista galega "constitúen un auténtico atentado ecolóxico".

"Como é posíbel que unha administración, supostamente responsábel deste espazo, poida desentenderse durante 2 anos da súa xestión, incumprindo as súas obrigas de conservación sinaladas nun acordo unánime polo Parlamento, cando foi pola súa neglixencia que a lagoa sufíu as consecuencias? Como pode entenderse que para solucionar un problema creado pola súa incompetencia, agora a Xunta volte meter as escavadoras neste espazo protexido? Perante estes feitos, ADEGA apela ás instancias internacionais titoras do espazo, a oficina Ramsar e a Comisión Europea, para que miren pola conservación deste humidal, patrimonio natural galego, europeo e mundial, que nestes intres está sendo agredido pola Xunta", explica Adega en nota de prensa.

Perante a gravidade da situación criada no sitio Ramsar da “Lagoa e Areal de Valdoviño”, ADEGA vén de solicitar á Oficina Internacional da Convención RAMSAR:


-Que esixa aos organismos responsábeis da planificación e xestión deste humidal protexido, "Lagoa e areal de Valdovño", sitio Ramsar nº 599, o cumprimento das súas obrigas no referente á conservación e uso racional deste espazo, promocionando e executando políticas de conservación efectiva. Solicitamos tamén, que se lles esixa ás administracións responsábeis que paralicen o sangrado e baleirado reiterado da lagoa feito sen xustificación técnica e legal algunha, e que as medidas de xestión que se tomen tendan á reposición do estado de conservación favorábel, depurando as responsabilidades pola xestión irresponsábel deste humidal protexido. [En idénticos termos trasladamos tamén esta denuncia á Comisión Europea].
-Que por parte deste organismo considérense nulos a todos os efeitos as modificacións dos límites do humidal Ramsar da "Lagoa e Areal de Valdoviño" establecidas no ano 2006 polo Ministerio de Medio Ambiente (Resolución de 17 de xaneiro de 2006, da Dirección Xeral para a Biodiversidade, BOE nº 47, do 24 de febreiro de 2006), ao carecer este cambio de xustificación científico-técnica, e respostar unicamente aos intereses espurios de facilitar a urbanización de terreos que nunca deberían ser urbanizados. En consecuencia, solicitamos que se manteñan os límites do humidal establecidos na súa declaración inicial por Ramsar.
-Que por parte de Ramsar Internacional avalíese a necesidade de incluir o sitio Ramsar "Lagoa e Areal de Valdoviño" no Rexistro de Montreux. Ao noso entender, neste humedal producíronse alteracións sustanciais nas características ecolóxicas dende o intre da súa declaración até a actualidade, como fica patente nas denuncias que obran en poder da Secretaría de Ramsar. Estas alteracións están directamente relacionadas co descontrol urbanístico que sofre este humidal e os terreos limítrofes, así como coa neglixente xestión que realizou a Xunta de Galiza e que supuxo a alteración do rexime hidro-ecolóxico da lagoa.
-Que por parte deste organismo se esixa á Xunta de Galiza e ao Ministerio de Medio Ambiente a posta en marcha dun plano de conservación e xestión deste humidal que garantice a súa conservación e racionalice o uso e as actividades humanas que poidan ter cabida nesta área.

Posted via email from Certo.gl, o xornal dixital de Barbanza e Noia

Noia: "Liberación", happening de Serafín Marcos, este domingo 29 de xaneiro

Media_httpfarm5static_gaxta

Serafín Marcos, á esquerda, no salón de plenos de Noia presentando un festival de curtametraxes

Noia, 27 de xaneiro de 2012.  Este domingo 29 de xaneiro representarase o happening "liberación" na praza do Cantón de Noia de 12 do mediodía a unha e media da tarde.
 


No festival por Paula deste mes Serafín Marcos fixo un adianto do happening "Liberación"

A obra iníciase en 2003 como representación do sacrificio na emigración forzosa de Antón Avilés de Taramancos: A renuncia ao máis querido. 
Desta vez representa unha acción liberadora, libérase a poesía dun xeito sonoro e físico, libérase da presión social para acadar o sentimento de liberdade. O corte de pelo de Serafín Marcos quedará como reflexo da acción desa liberación.

Cada acción neste happening remata cos versos de María Mariño:

Sinto que me acaban
Sinto que me dan forza
Son o humor da nada
Son o que se me antoxa

Posted via email from Certo.gl, o xornal dixital de Barbanza e Noia

Porto do Son: risoterapia e costura, materias para obradoiros nos que te podes inscribir ata o 10 de febreiro

Ribeira: o Concello abre a súa web ás actividades de organizacións de todo tipo

Ribeira_web

  • Tamén informou de que abre xa a rúa Cristóbal Colón ao tráfico, logo de rematada a reforma

Ribeira, 27 de xaneiro de 2011.- O Concello informa de que vén de habilitar na páxina web municipal (www.riveira.com) un apartado específico destinado ás asociacións e clubs que queiran empregar este soporte para facer difusión das súas actividades. 

Todas as entidades que queiran empregar este recurso tan só teñen que enviar a información pertinente ao enderezo electrónico soporte@riveira.com. Unha vez revisada, a información será colgada na web institucional. 

Os internautas que queiran acceder a tal información teñen que pinchar nun recadro de cor vermello situado na parte lateral dereita da páxina principal. 

Apertura de Cristóbal Colón

O Concello informa de que, unha vez rematados os traballos de renovación de servizos e pavimentación da rúa Cristóbal Colón e Praza de Otero Goyanes do centro de Riveira, quedará novamente aberta ao tráfico. 

Os garaxes da zona da Amarella volverán, polo tanto, a ter o seu acceso natural desde a rúa Cristóbal Colón. 

Con este labor ponse fin ás obras de renovación de servizos e pavimentación previstas para esta vía, sen prexuízo de que na vindeira semana se sigan levando a cabo certos labores de remate nas inmediacións da igrexa parroquial de Santa Uxía.





 

Posted via email from Certo.gl, o xornal dixital de Barbanza e Noia

Ribeira: orde do día do pleno do luns 30 de xaneiro

ORDE DO DÍA DO PLENO ORDINARIO DO CONCELLO DE RIVEIRA, QUE CELEBRARÁ O DEVANDITO ÓRGANO O LUNS DÍA 30 DE XANEIRO, ÁS 20 HORAS, EN PRIMEIRA CONVOCATORIA, OU DE NON HABER “QUORUM” SUFICIENTE EN SEGUNDA CONVOCATORIA 48 HORAS DESPOIS: 

I.- APROBACIÓN, SE PROCEDE, DA ACTA DA SESIÓN ANTERIOR (PLENO EXTRAORDINARIO 29 DE DECEMBRO DO 2011).

II.- DACIÓN DE CONTA DOS DECRETOS DA ALCALDÍA ATA O 25/01/2012.

III.- APROBACIÓN INICIAL DO REGULAMENTO ORGÁNICO MUNICIPAL.

IV.- BONIFICACIÓN I.C.I.O. Á COMUNIDADE DE MONTES DE OLEIROS.

V.- RATIFICACIÓN DA PROVIDENCIA DA ALCALDÍA POLA QUE SE INICIA EXPTE DE CESIÓN DO USO DOS LOCAIS A UGT, CC.OO. ONDE SE ENCONTRABA O DEPARTAMENTO DE SS.SS. DO CONCELLO DE RIVEIRA SEGUNDO O PROCEDEMENTO ESTABLECIDO NO ARTIGO 110 DO REGULAMENTO DE BENS DAS ENTIDADES LOCAIS.

VI.- MOCIÓN PRESENTADA POLO CONCELLEIRO XOSÉ LUIS GROVEIRO GONZÁLEZ (VOCEIRO DO GRUPO M. BNG), EN RELACIÓN CA ADOPCIÓN DE MEDIDAS PARA A MELLORA DA XESTIÓN MARÍTIMA DO PORTO DE RIVEIRA. 

VII.- MOCIÓN PRESENTADA POLA CONCELLEIRA ENCARNA ROMERO GONZÁLEZ (GRUPO M. SOCIALISTA), EN RELACIÓN Á ORDE DE 5 DE SETEMBRO DE 2011.

VIII.- MOCIÓN PRESENTADA POLA CONCELLEIRA ROSA GARCÍA POSE (VOCEIRA DO GRUPO MIXTO), INTERESANDO MELLORAS NO PASEO MARÍTIMO DE COROSO. 

IX.- MOCIÓN PRESENTADA POLA CONCELLEIRA Mª CARMEN LAMPÓN AGRELO (GRUPO M. BNG), EN RELACIÓN COA SITUACIÓN DO CAMPO DA TASCA.  

X.- MOCIÓN PRESENTADA POLO CONCELLEIRO ANDRÉS FARIÑA CADENAS (VOCEIRO DO GRUPO M. SOCIALISTA), EN RELACIÓN AO PLAN CONXUNTO DE EXPLOTACIÓN DA NAVALLA.   

XI.- MOCIÓN PRESENTADA POLO CONCELLEIRO XOSÉ LUIS GROVEIRO GONZÁLEZ (VOCEIRO DO GRUPO M. BNG), EN RELACIÓN CA ADOPCIÓN DE MEDIDAS PARA A MELLORA DO TRANSPORTE ESCOLAR E AOS MAIORES EN RIVEIRA.  

XII.- MOCIÓN PRESENTADA POLO CONCELLEIRO FRANCISCO MAREQUE LEON (GRUPO M. SOCIALISTA), INTERESANDO A ADHESIÓN Á ASOCIACIÓN INTERNACIONAL DE CIDADES EDUCADORAS.  

XIII.- MOCIÓN PRESENTADA POLA CONCELLEIRA ANXELES GONZÁLEZ CRUXEIRAS (GRUPO M. BNG), EN RELACIÓN Á SUBA DO IBI DECIDIDA POLO GOBERNO DO ESTADO. 

XIV.- MOCIÓNS QUE REGULAMENTARIAMENTE SE PRESENTEN Ó ABEIRO DO ARTIGO 70 DO REGULAMENTO ORGÁNICO MUNICIPAL.

XV.- ROGOS E PREGUNTAS QUE REGULAMENTARIAMENTE SE PRESENTEN. 

Pode que tamén lle interese:




Posted via email from Certo.gl, o xornal dixital de Barbanza e Noia

26.1.12

Rianxo: publicadas as bases para o Certame de Carrozas de Entroido do martes 21 de febreiro

Rianxo_entroido_2012


Rianxo, 26 de xaneiro de 2012. O Concello de Rianxo, a través da súa Área de Educación, Cultura e Normalización Lingüística, e co obxectivo de promociona-las tradicións propias na celebración do Entroido, vén de convocar un Certame de Carrozas, a celebrar vindeiro martes día 21 de febreiro dotado cun único premio de 600 €.

De seguido achégase un estrato das Bases, que en breve se poderán consultar de xeito íntegro.

A Asociación de hosteleir@s de Rianxo, colabora na organización deste Certame e establece ademáis outros 3 premios dotados de 300, 200 e 100 €.

ESTRATO DAS BASES
PARTICIPANTES:  Entidades non lucrativa legalmente constituídas, ou ben os grupos informais de persoas. No caso de  menores poderase requirir autorización. Estarán conformadas por un mínimo de 6 persoas.
INSCRICIÓNS: Cubrir e asinar impreso normalizado, xunto coa presentación de documentos acreditativos. Lugar: Auditorio de Rianxo. Data tope de inscrición:  luns 23  de febreiro antes das 14:00 horas.
TEMA: confección, motivo, materiais, etc. totalmente libres. A efectos do Certame,  enténdese por carroza  aquel aparello móbil ou  plataforma  adornada, sobre a que, alomenos, a metade dos membros desenvolvan unha escenificación.  
VALORACIÓN: Premiarase, a orixinalidade, o esforzo na  realización, ornamentacións, coreografías e todo o que implique creatividade e utilización de recursos non comerciais. As carrozas inscritas deberán participar no  correspondente desfile. Non se  permite publicidade comercial.
PREMIO: O Concello de Rianxo establece un único premio dotado de 600 €. Suxeito a retención de IRPF.
7º.- Os/as gañadores serán dados a coñecer durante a tarde  do Martes de Entroido e farán efectivo o seu cobro na mesma data, previa cumprimentación e presentación da documentación xustificativa  requirida nas bases.
8º.- A inscrición no certame conleva a aceptación e cumprimento das bases.

NOTA:  Recoméndase a lectura detida das Bases na súa totalidade e a formalización da inscrición coa suficiente antelación


PREMIOS DA ASOCIACIÓN DE HOSTELEIR@S DE RIANXO
A Asociación de Hosteleir@s de Rianxo establece ademáis outros  tres premios, dotados de 300, 200 e 100 €.

Máis información no Auditorio de Rianxo Tfno. 981 100 688 / 664 180 632.

Posted via email from Certo.gl, o xornal dixital de Barbanza e Noia

Ribeira: as andainas do ciclo "Ponte a andar" voltan este domingo 29 cun roteiro á Fervenza da Madanela en Porto do Son

Ribeira, 26 de xaneiro de 2012. O ciclo de andainas "Ponte a Andar" está organizado conxuntamente pola Cofradía da Dorna e o Concello de Ribeira, programando distintas rutas cunhas características determinadas:

  1. Terán lugar o domingo pola mañá, con horario de saida ás 10:00 h. e chegada aproximada as 12:00 h.
  2. A inscrición é libre e gratuita, non fai falla anotarse en ningún sitio, ainda que se agradece que notifique a asistencia pois dende a organización temos que facer certas previsións.
  3. As distancias estarán entre os 10 e os 12 km. en función das particularidades do terreno polo que discurra a ruta.
  4. Están dirixidas a tódolos públicos e non se precisa dunha forma física excepcional, pero sí unha boa disposición a camiñar (o ritmo de camiñata será de 4-5 km./h).
Os únicos requisitos que se piden son:

  1. Puntualidade na hora da saida, e no lugar que se indica en cada ruta.
  2. Roupa e calzado cómodo e apto para o tipo de actividade que se vai levar a cabo.
  3. Algo de beber para o camiño, ou un recipiente no que poder portar líquido.
  4. E, por suposto, atende-las intruccións dos monitores en cada ruta.
  5. Os nenos e menores de 16 anos deben ir acompañados dos pais ou tutores que se facerán responsables deles e lle notificarán ós monitores quén é o adulto que os tutela.
  6. Non se permiten animais de compañía.
Rutas programadas e vindeiras datas:

Domingo 29 de xaneiro , 10.00 h.: Fervenza da Madalena: Campo de futbol de Caamaño (na carretera de Ribeira-Noia, ó pasar Xuño -logo da ponte- hai un indicador a man dereita que tamén indica Casa da Cultura) - Monte do Castro - Monte Esperoi - Monte Grallade - Xufres - Fervenza da Madalena - Capela de San Pedro de Ribasieira (e regreso ó punto de partida). A saída terá lugar dende o Campo de futbol de Caamaño (Porto do Son) a ruta discurre toda por pistas de terra cun perfil asumible na súa maioría, ainda que nos atopamos con algunha rampa pronunciada pero curta e ben transitable, polo que se califica coma de "dificultade media ".

Media_httpfarm3static_ydexh

Domingo 26 de febreiro , 10.00 h.: Calzada Romana de Vitres - Saida dos Chans das Cañizadas (na pista de asfalto da Curota, donde remata o asfalto)- alto da Portela - castelo de Vitres - Mosquete - monte de Piñeiro - alto da Portela - chans das Cañizadas. Ruta moi asumible no seu primeiro tramo (4 km.) ata chegar á calzada romana de Vitres, no que nos atopamos con algunha dificultade técnica na baixada, e a subida polo monte de Piñeiro dende Mosquete require unha condición física axeitada para facer frente a 2 km. largos de subida, ainda que a dificultade técnica é baixa neste traxeito convén ir prevenido sabendo o que nos imos atopar; por isto calificámola coma de "dificultade media".

Media_httpfarm7static_xacfc

Domingo 25 de marzo , 10.00 h.: Subida a Forcados - Saida do miradoiro de Valle Inclán - San Amedio - Os Forcados - Alto da Curota - miradoiro de Valle Inclán: a subida a Forcados pola cara norte é un dos sendeiros máis duros (ou quizais o que mais) que nos podemos atopar na serra do Barbanza, tanto técnicamente -xa que temos moita pedra solta- coma físicamente, pois ten unha inclinación moi elevada. Compénsase a dificultade cas vistas, e ca sensación de superar un desafio ó alcance de moi poucos. O resto da andaina é moi asumible pois as forzas hai que gastalas na "parede" de pouco máis dun kilómetro de longo que nos vai levar ó alto dos forcados. Recomendamos levar bastóns e insistimos máis ca nunca nun calzado apropiado. Sobra dicir que esta andaina está calificada coma de "dificultade ALTA".


Posted via email from Certo.gl, o xornal dixital de Barbanza e Noia

A Pobra do Caramiñal: organizan viaxe a Madrid entre o 22 e o 25 de marzo

A Pobra, 26 de xaneiro de 2012. O concello da Pobra do Caramiñal programa unha viaxe por terras de Madrid entre os días 22 e 25 do vindeiro mes de marzo. Esta excursión foi presentada nunha rolda de prensa que se celebrou hoxe na sala de xuntas do Concello, na que deron a información María José Rivadulla Santos e Dolores Devesa Casais, organizadoras da excursión.

Trátase dunha saída de catro días aberta a todos os públicos que ten establecida a súa saída para as seis da mañá do xoves día 22 e percorrerá lugares como o Mosteiro do Escorial, a Catedral da Almudena ou o Senado, con paradas na xornada de retorno na cidade de Segovia para poder visitar o acueducto, a catedral e o alcázar.

Os veciños que estén interesados en inscribirse ou queiran ter máis información, poden pasar polas dependencias do concello.

Posted via email from Certo.gl, o xornal dixital de Barbanza e Noia

Dodro: curso de manipulador de alimentos dende o venres 10 de febreiro

Manipulador alimentos curso.pdf Download this file

Dodro, 26 de xaneiro de 2012. A Concellería de Servizos Sociais e Igualdade do Concello de Dodro organiza un curso de Manipulador de Alimentos. É de balde e terá lugar o venres 10 de febreiro en horario de 20h a 23h nas aulas da Paxareira.

As prazas son limitadas. Os interesados deberán inscribirse no departamento de Servizos Sociais do concello ou ben chamando ó teléfono 981 802 466.

O prazo de inscricións remata o 9 de febreiro.

Posted via email from Certo.gl, o xornal dixital de Barbanza e Noia

Noia: a Sociedade Liceo convoca asemblea xeral o martes 31 de xaneiro

Noia, 26 de xaneiro de 2012. Unha nova convocatoria da Asemblea Xeral Ordinaria de socios da Sociedade Liceo de Noia terá lugar o vindeiro martes 31 de xaneiro no Salón de Actos da Sociedade a partires das 20:30 horas.





Posted via email from Certo.gl, o xornal dixital de Barbanza e Noia

Ribeira: adican a pista multideporte da Casa da Xuventude aos irmáns futbolistas Parada Alvite

  • Eran coñecidos como Suco I e Suco II e militaron no Barça, no Dépor e no Celta, entre outros clubs de Primeira División

Ribeira, 26 de xaneiro de 2011.- A Pista Multideporte que se está a rematar na parte traseira da Casa da Xuventude de Ribeira recibirá o nome de ‘Irmáns Parada Alvite’, en homenaxe aos míticos futbolistas Suco I e Suco II. 

Así llo transmitiu o alcalde Manuel Ruiz Rivas aos irmáns Andrés e José Manuel Parada Alvite, os cales aceptaron esta proposta, coa que o Concello pretende distinguir a traxectoria deportiva dos irmáns máis sobresaíntes da historia deportiva de Ribeira, con permiso dos González Pérez -José Ramón e Fran- aos que tamén se quere homenaxear no futuro. 

A Concellería de Deportes xa está a traballar nos actos preparativos da inauguración da pista, que incluirán un partido entre dous equipos locais e contarán coa presenza dos irmáns homenaxeados e dos González Pérez. 

Cunhas dimensións de 14x28 metros, a pista ten un pavimento de céspede sintético e alta durabilidade, cun peche de aceiro galvanizado e madeira tratada para soportar as inclemencias meteorolóxicas.  

A instalación é apta para practicar deportes como o fútbol, o baloncesto, o balonmán, o voleibol e, por regra xeral, todos aqueles que non danen a superficie. 

Traxectorias

Andrés Parada Alvite, Suco I, foi un dos mellores extremos que dou o fútbol galego. Saído da canteira do Atlético Riveira, foi fichado polo Racing de Ferrol e as súas brillantes actuacións o levaron con 20 anos ás filas do FC Barcelona, onde xogaría dúas tempadas. Posteriormente militou no Racing de Santander e Valencia CF, para acabar a súa carreira no Deportivo da Coruña. Nos seus equipos compartiu vestiarios con  outros mitos galegos como o bota de ouro Luis Suárez e Marcelino, o autor do famoso gol na final da Copa de Europa de Seleccións de 1964. 

José Manuel Parada Alvite, Suco II, defendeu durante dez tempadas as cores do Real Club Celta, chegando a ser seleccionado coa Selección B Española e disputando co conxunto celeste o histórico partido de Aberdeen, debut dun equipo galego na copa da UEFA.  Defendeu tamén a camiseta do Racing de Ferrol, Pontevedra e Atlético Riveira. Na súa etapa xuvenil participou no mundial celebrado no ano 1962 en Romanía, converténdose no primeiro deportista internacional nado en Ribeira.



 


Posted via email from Certo.gl, o xornal dixital de Barbanza e Noia

Ribeira: ata o 1 de febreiro para anotarse nun curso de orientación deportiva

  • Organizado pola asociación Sálvora, será impartido na Casa da Xuventude dende a vindeira semana
 
Media_httpfarm5static_byecj

Moncho Sampedro é un ribeirense que gañou trofeos nesta especialidade

Ribeira, 26 de xaneiro de 2011.- A Casa da Xuventude vai ser escenario dende a próxima semana do Primeiro Curso de Iniciación á Orientación Deportiva “Oriéntate”, organizado pola Asociación Cultural e Deportiva Sálvora / Riveira Trek-aventura, coa colaboración de Tradistudios e o Concello de Ribeira (Áreas de Xuventude e Deportes). 

O obxectivo da acción  é facilitar o acceso a todos aqueles que deseñen acceder a unha disciplina deportiva tan completa como descoñecida en permanente contacto coa natureza e adquirir os coñecementos necesarios para participar en probas de orientación e raid.  

A actividade comprenderá  catro sesións teóricas (os días 4, 11, 18 e 25 de febreiro, en horario de 10 a 13 horas) e, a continuación, tres sesións prácticas que se desenvolverán os días 3, 10 e 17 de marzo na praia da Barra, na lagoa de Castiñeiras e na Serra da Barbanza. 

A inscrición inclúe a participación nunha proba da liga galega de orientación. 

O prezo é de 10 euros para socios da Asociación Sálvora e de 15 euros para os non socios. Inclúe material didáctico e técnico máis avituallamento. Ao remate farase entrega dun certificado de aproveitamento. 

Para inscricións e información adicional, pórse en contacto coa Asociación Sálvora a través das contas de facebook ou tuenti de riveiratrekaventura. Tamén chamando ao número 600 341 825 ou no correo electrónico riveitratrekaventura@gmail.com

Data límite de inscrición: 1 de febreiro. Prazas limitadas.




 

Posted via email from Certo.gl, o xornal dixital de Barbanza e Noia

Boiro: o alcalde estivo noutra presentación de La Vuelta a España na Deputación

  • A presentación oficial das dúas etapas que pasarán pola Coruña tivo lugar esta mañá na sede da institución provincial
  • Diego Calvo voltou falar das bondades de que este espectáculo deportivo -cada día máis cuestionado pola dopaxe- pase polas nosas bisbarras, pero de novo obviou canto poñemos os galegos dos nosos impostos para que se celebre
A Coruña, 26 de xaneiro de 2012. O presidente da Deputación da Coruña, Diego Calvo, presentou esta mañá o percorrido da Volta a España 2012 pola provincia da Coruña, que este ano pasará por 35 concellos coruñeses.

Na presentación, ademais dos alcaldes de Boiro (Juan José Dieste), Dumbría (José Manuel Pequeño), A Laracha (José Manuel López Varela) e Culleredo (Julio Sacristán de Diego), tamén estivo presente o director xeral da Volta, Javier Guillén Bugayo, quen realizou unha exposición técnica sobre o percorrido e sobre as razóns que levaron á organización a escoller ese itinerario.

“Despois de cinco anos, A Volta volve á Coruña, pero coas chegadas e as saídas desta edición a provincia recupera o protagonismo que non ten nesta competición desde fai case vinte anos”, lembrou Diego Calvo. E é que a última ocasión na que a provincia foi escenario deste circuíto foi no 2007, cunha etapa que uniu Allariz con Santiago de Compostela. Pero esta cidade, todo un clásico no campionato que cumpre 76 anos e que foi sede en sete ocasiones, leva sen acoller unha saída desde hai 25 anos. Ademais, Ferrol non é chegada desde 1993".

“A Coruña vai achegar lugares nunca vistos nos 67 anos de historia da Volta, como o Miradoiro do Ézaro. Unha chegada en costa que está a levantar moita expectación entre os corredores e os espectadores”, explicou o titular provincial, que insistiu na importancia que supón que o pelotón percorra 35 concellos da provincia nunhas datas tan turísticas como son o 30 e o 31 de agosto. “Gustaríame tamén resaltar que, a pesar de que este é un deporte de elite, é gratuíto e moitos veciños da Coruña poderán velo desde a porta das súas casas. É importante tamén que coa Volta móvese a afección e ao seu paso, ademais, crea máis”, matizou Calvo.

En total, os ciclistas percorrerán un total de 330 quilómetros na provincia, por lugares nunca vistos nos 67 anos de historia da Volta, como é o Miradoiro de Ézaro. Ademais, tal e como insistiu o presidente provincial, “veremos ao pelotón na costa do Barbanza, o sur da Costa da Morte, as Mariñas coruñesas e, ademais, as tres grandes cidades da provincia”.

Diego Calvo tamén recalcou que a provincia ofrece escenarios con moitos alicientes no aspecto deportivo aínda que, matizou, “A Volta é moito máis que un deporte”. “O ciclismo é un deporte ligado á natureza e non se entende sen os desafíos que esta propón ao ciclista no camiño. Os desafíos que lles imos propor na Coruña serán, sen dúbida, moi interesantes”, concluíu o presidente.

Javier Guillén Bugallo, ademais de explicar o percorrido que realizarán os ciclistas, insistiu en que a deste ano é unha “volta moi galega que non vai a quedar nunha mera anécdota” e aludiu a que toda a organización estaba moi interesada en repetir visita a Galicia “pola excelente acollida que temos cada vez que vimos”. Quixo ademais destacar a innovación que supón a “chegada explosiva” a Ézaro e adiantou que “non será a última vez que se faga” para referirse finalmente ás etapas coruñesas como “unha viaxe de paisaxes”.

Finalmente, agradeceu a Diego Calvo o seu “esforzo e traballo” para conseguir que o percorrido da Volta pasase polo maior número de municipios coruñeses posible.

Repercusión mediática, segundo os organizadores

A Volta ciclista a España é retransmitida en 143 países do mundo e cada sede (tanto de chegada  como de saída) ten unha presenza media en televisión superior aos 10 minutos, segundo datos -complicados de contrastar- dos organizadores.

Durante A Volta 2011, a etapa máis vista foi seguida polo 18,9% da xente que estaba a ver a televisión neses momentos, é dicir, por 2.277.000 espectadores. A media de espectadores da Volta foi máis vista que a semifinal da Copa Davis ou a liga Eurobasket, disque. Ademais, máis de 6.000 noticias en radio, prensa e televisión fixeron seguimento de cada xornada durante o 2011, o que supuxo un incremento do 6,24% de seguimento con respecto ao ano anterior.

O gran seguimento desta competición tamén se pode medir polo 1.765.000 persoas que asistiu o ano pasado como público a esta etapa, polos máis de 6 millóns que visitaron a páxina oficial nesa mesma edición e polos seguidores que acumulan nas redes sociais e as  227.500 visualizacións da Volta que se realizaron na canle oficial de Youtube.

Por tanto, tanto o seguimento mediático como a retransmisión de imaxes supón unha presenza nos medios que no mercado estaría valorada por riba dos 300.000 euros, aseguran sen complexos nun evidente panorama de recesión da publicidade e do seu custo económico.

Activación da hostalería e o consumo

“Un dos poucos sectores nos que se prevé crecemento a curto prazo é o do turismo. Por iso a Deputación da Coruña non vai deixar o seu esforzo por potenciar esa panca da economía nos momentos que estamos a vivir”, explicou o titular provincial despois de que Javier Guillén se explicase  A iso hai que sumar o aloxamento de preto de 1.500 persoas que xestiona directamente Unipublic (referido por televisións, medios de seguridade, a oficina permanente, organización, patrocinadores, prensa e produción das etapas, entre outros) que supón un gasto en cada sede de 200.000 euros.

A activación da economía na zona pola que pasa A Volta aumenta ademais ao ocorrer o evento nas mesmas rúas da cidade. A organización calcula que o incremento de gasto en consumo dunha xornada co paso dos ciclistas con respecto a unha ordinaria é de 60.000 euros para a cidade. En total, o retorno medio da sede calculado polos organizadores da volta supera os 560.000 euros, mais en ningún momento ofrecen cifras do que aporta a Deputación, ou sexa, os impostos dos galegos.

Antes, en Certo:


Posted via email from Certo.gl, o xornal dixital de Barbanza e Noia

25.1.12

Ribeira: intentarán coordinar as áreas de Cultura dos municipios de Barbanza

Media_httpfarm3static_jyerf

Boa parte da programación cultural dos concellos galegos máis próximos entre si solápase cada fin de semana

Ribeira, 25 de xaneiro de 2012.- A Casa do Concello de Ribeira vai dar cabida o vindeiro luns, día 30 de xaneiro, a unha reunión entre representantes das Corporacións Locais de Ribeira, A Pobra, Boiro e Rianxo  co fin de desenvolver e implementar fórmulas de colaboración que redunden na valorización das rúas respectivas Áreas de Cultura e a coordinación de actividades. 

Este labor coordinador de Áreas Municipais, que ten lugar a proposta de Manuel Ruiz Rivas tras a súa toma de posesión da presidencia da Mancomunidade Arousa Norte, vaise facer extensiva a outros departamentos, como Servizos Sociais, Deportes e Policías Locais. Así, está prevista a próxima celebración doutras tres reunións sobre estas temáticas nas localidades de Boiro, Rianxo e A Pobra, respectivamente. 

Suxiren argallar un "Día da Mancomunidade"

Co mesmo espírito de optimizar a colaboración entre os municipios de Arousa Norte, proximamente vaise estudar tamén, a suxestión de Ruiz Rivas, a posta en marcha dun Día da Mancomunidade que tería frecuencia anual e carácter rotatorio polos distintos concellos de Arousa Norte. Trataría dunha xornada que daría cabida a actividades preferentemente de índole cultural e deportiva con participación dos catro municipios.



Posted via email from Certo.gl, o xornal dixital de Barbanza e Noia

Rianxo: organizan unha viaxe de peregrinaxe a Xerusalén e Terra Santa

Twitter

Related Posts with Thumbnails Banner: Regale selva tropical