A declaración de prevalencia faise tendo en conta que esta infraestrutura contribuirá á mellora da subministración eléctrica nos concellos da Pobra do Caramiñal, Porto do Son e Ribeira
Eólicos da CurotaBarbanza, 15 de Nadal de 2011. O Consello da Xunta aprobou hoxe o acordo polo que se declara a prevalencia da utilidade pública do proxecto da liña de media tensión para a evacuación da enerxía producida polos parques eólicos singulares do Barbanza sobre a que cualifica o monte veciñal en man común Barbanza de Lesón, pertencente á Comunidade de Santa Cruz de Lesón, no concello coruñés da Pobra do Caramiñal. Esta liña de media tensión contribuirá á mellora da subministración eléctrica nos concellos de Ribeira, Porto do Son e a Pobra do Caramiñal. A superficie total de afección desta declaración é de 36,5 m2 en solo e 11.693 m2 en voo. A Dirección Xeral de Montes da Consellería do Medio Rural propuxo que se informase favorablemente esta prevalencia, de acordo co previsto no Decreto 260/1992, do 4 de setembro, polo que se aproba o Regulamento da Lei de montes veciñais en man común de Galicia.
O autor cedeu os dereitos aos seus editores estadounidenses para que se poida publicar esta novela na Luna e en Marte cando haxa bases alí
O libro aborda o mito do Diluvio Universal, con Noia como escenario principal, á que se lle adican máis páxinas que a Santiago e a Turquía
Leva máis de 200.000 exemplares vendidos só en España e os países nos que máis está a vender son Estados Unidos, onde chegou a ser número 1 de ventas co seu anterior thriller "La cena secreta" e México
Noia, 15 de Nadal de 2011. Os seareiros de Javier Sierra e os seus libros de misterio que se achegaron hoxe a Santa María a Nova, a igrexa na que transcorre boa parte da acción de "El ángel perdido", non saíron defraudados. O autor, un dos que máis libros vende agora mesmo en España, explicou con todo luxo de detalles como se lle ocorrera a trama, onde se adica a novelar e facer entretidos varios misterios sobre os que antes escribía na revista, que chegou a dirixir, Más Allá.
Introducido pola representante das librerías Ler, Isabel; polo xefe de distribución da editorial Planeta en España, Paco, e polo conselleiro de Cultura, Jerry, o escritor e xornalista Javier Sierra agradeceu que se lle prestara a igrexa das lápidas ou laudas -si el tiempo dilapidas- e mostrouse moi satisfeito de que o último acto de presentación deste libro, que xa circulou por toda España e parte do estranxeiro (acaba de voltar de China), fose en Noia, "principio y fin". Explicoulle aos presentes que a protagonista, Julia, ía chamarse Noela, pero que cambiou o nome por problemas cos idiomas e as traducións (aínda así hai un personaxe na novela que se chama Noela, e é tía de Julia).
Nun momento da disertación sobre o libro e como foi feito
O autor, que ronda os 40 anos (naceu en 1971) visitara Noia nos anos 80 do século pasado, cando a igrexa "era mucho más oscura y las laudas estaban por el suelo, se pisaba tierra y daba la sensación de que uno podía ser Indiana Jones y en cualquier momento encontrar allí debajo el Grial".
A tumba de Xoán de Estivadas é un elemento central na acción da novela
O distribuidor de Planeta, Paco Barrera, contou como anécdota que xa viñeran moitos comerciais desta editorial e moitos libreiros tras ler o libro, pois non crían que o escenario fose real e quedaron encantados co que atoparon en Noia e, en concreto, na igrexa de Santa María.
Durante máis de media hora, Sierra explicou os pormenores da viaxe desta novela dende que se lle ocorreu ata esta última presentación en Noia. Percorreu no "Sierra Bus" máis de 100.000 quilómetros por España -en Certo informamos da presentación en Almería, grazas ao escritor de Ribeira Jacobo Otero- e xa o lanzou en varios países, entre eles Estados Unidos, onde foi, co seu libro anterior, dos poucos escritores hispanos en entrar no Top 1 de ventas, co seu libro "La cena secreta". En breve estará a tradución ao portugués, para Portugal, pois xa foi traducido ao portugués de Brasil, e tamén vai ter un gran lanzamento en Italia, onde os misterios baseados na Biblia -como é este do Diluvio e Noé- trunfan.
Na fin do acto, un representante do colectivo de comerciantes Noia HIstórica agasallou a Sierra cunha lauda en miniatura para recoñecer a súa labor -desinteresada- de difusión de Noia ao metela na súa novela. Tamén foi agasallado polo alcalde cunha imaxe do rosetón de Santa María a Nova, que Javier Sierra asegurou ía poñer na súa mesa de traballo "porque hasta pega con la decoración". Na despedida, o alcalde, Rafael García Guerrero, agradeceu ao escritor a inclusión da vila na novela, non só pola difusión turística e histórica que supón, "senón porque nos axuda a comprender aos noieses o gran patrimonio que temos e que moitas veces ignoramos e non coidamos".
Logo das consabidas sinaturas -estivo máis de media hora asinando libros- na igrexa, o autor achegouse ata a Casa do Concello, onde o alcalde o recibiu e lle explicou algúns detalles da casa consistorial e da historia da vila.
Terá lugar o 23 de decembro no Auditorio Municipal de Riveira
No festival haberá un sorteo benéfico a prol de Paula, a nena de Boiro con agnesia sacra que está a ser tratada en Alemania
Empresas de Palmeira doaron máis de vinte obsequios para poder facer esta rifa solidaria
Para inscribirse no Torneo de Unicef hai de prazo ata o xoves 22
Ribeira, 15 de decembro de 2011.- O Concello aliouse coa Asociación A Gandaina de Palmeira para coorganizar un ano máis o Festival de Danza e Música Tradicional que este colectivo celebra nas datas de Nadal. Sen embargo, esta edición presenta unha salientable novidade, que consiste en que o desenvolvemento do festival acollerá unha rifa solidaria a beneficio da pequena nena boirense Paula.
O presidente de A Gandaina, Juan José Fernández, e a concelleira de Cultura, Elvira Pisos, ofreceron algúns detalles da celebración do acto. O espectáculo terá lugar o venres 23 de decembro, ás 20.30 horas e, como ven sendo habitual, a entrada é totalmente gratuíta. Participarán en torno a uns 25 nenos e nenas de entre 3 e 15 anos.
Idea dos rapaces da asociación
Juancho Fernández manifestou que foron os propios rapaces da asociación os que tiveron a idea de que este evento servise para contribuír a apoiar a Paula. A raíz desta iniciativa, a directiva de A Gandaina púxose en contacto con distintas empresas de Palmeira a fin de recabar a súa colaboración, de tal xeito que cos obsequios que estas altruistamente puideran doar, o colectivo tivese ocasión de organizar unha cifra solidaria no transcurso do festival.
Ata agora xa recibiron unha vintena de obsequios: entre eles, distintos vales de compra en establecementos comerciais, un mes de clases gratuítas de informática, dúas ceas en restaurantes, rvizos de perruquería, unha cesta de Nadal, agasallos de floristería e ferretería, etc...
Elvira Pisos lembrou que o Concello xa colaborou noutras iniciativas en beneficio da pequena Paula, como a rifa solidaria da sexta Xuntanza do Maior ou a función teatral promovida pola Asociación Francisco Lorenzo Mariño para recadar fondos a prol de Paula, que contou co apoio do ente local. “O Concello seguirá traballando en colaboración con entidades ou outras institucións para pór en marcha novas actividades que poidan contribuír a recadar fondos para axuda a Paula”, concluíu.
Torneo Unicef
Ribeira, 15 de decembro de 2011.- O Polideportivo Municipal de A Fieiteira vai ser escenario durante os días 26, 27 e 28 de decembro da quinta edición do Trofeo Unicef de Fútbol Sala Base, destinado ás categorías prebenxamín, benxamín, alevín e infantil.
Esta acción está organizada pola ong Unicef coa colaboración do Concello de Ribeira. A inscrición é gratuíta e pódese realizar ata o día 22 de decembro no Auditorio Municipal (teléfono 981 835 650 e e-mail deportes@riveira.com).
O sorteo dos cruces terá lugar o propio 22 de decembro, ás 13 horas no Auditorio Municipal.
