Detalle Aurelio Aguirre
Cargado originalmente por xornalcerto
Aurelio Aguirre, amigo de Rosalía de Castro
20.4.12
Ribeira: San Roque, meta do Meigas Galicia, club motociclista de Vigo, este sábado 21
- Propostas de motor da Tasca do Cuco, polo Padre Teixugo
Posted via email from Certo.gl, o xornal dixital de Barbanza e Noia
Compártelo
Ribeira: Francisco Antonio Vidal falou dos ritos paganos de fecundidade en San Alberte
Ribeira, 20 de abril de 2012.- Por segunda semana consecutiva, o salón de actos do Conservatorio rexistrou unha nutrida concorrencia de público para asistir a outra conferencia dos Xoves Literarios. Nesta ocasión foi o literato Francisco Antonio Vidal Blanco (nacido na Bouciña, en Palmeira, en 1957) o que deleitou aos asistentes cunha comparanza entre os fastos, mitos, crenzas e celebracións da antigüidade e as festas e romarías de hoxe.
Para impartir a súa charla, Vidal Blanco baseouse no seu libro “Dos Fastos aos Festexos”, publicado en 2009 en colaboración con Rosa B. Vizcaya, e apoiouse para as súas argumentacións nunha ampla profusión de imaxes representativas.
San Alberte
O autor non desaproveitou a ocasión para incidir nalgúns dos ritos que aínda hoxe perduran no municipio ribeirense. Tal é o caso dos actos consistentes en “virar a tella”, “tirar a tella” e “bendicir as terras dos campos”: tres rituais que, sen ir máis lonxe, puidéronse ver o pasado luns con motivo da romaría de San Alberte. O de virar a tella sería para que as mulleres dos mariñeiros atraesen os ventos propicios cos que os seus homes voltasen do mar; o de tirar a tella sería un ritual de esperanza e fecundidade, polo cal, o que tivese a sorte de deixar o mesmo anaco de tella, tirado tres veces, no antepeito da fiestra da capela de San Alberte onde se fai o rito, atoparía parella ese mesmo ano. Xa o de bendecir os cestos con terra do monte sería tamén parte do ciclo de festas de primavera -os maios, xa prerromanos- que buscan atraer a fecundidade para os campos recén sementados.
Francisco Antonio Vidal ten publicado oito novelas (a última delas, “As deusas do Calvario” en 2010) e diversos ensaios e obras de teatro. Entre os seus premios literarios cabe destacar o premio do Concello de Vilalba de novela nos anos 1992 e 1998, o Premio de Literatura Infantil Ólisbos en 1993, o da Casa de Galicia de Baracaldo en 1997, o do Concello de Viveiro en 2003 ou o Terra de Melide en 2007.
Paz Andrade no vindeiro Xoves Literario
A semana que vén terá lugar a última das xornadas dos Xoves Literarios que promove o Concello no marco da programación do Abril Mes dos Libros 2012. Con tal motivo, a Corporación Local renderá un tributo ao homenaxeado deste ano no Días das Letras Galegas, coa conferencia “O multifacetismo emprendedor de Paz-Andrade” que pronunciará Xesús Manuel Valcárcel. Será de novo ás 20 horas no Conservatorio.
Posted via email from Certo.gl, o xornal dixital de Barbanza e Noia
Compártelo
Educación: Xuventudes Socialistas Galegas din que coa suba de taxas "queda unha universidade só para ricos"
- As Xuventudes Socialistas denuncian que o PP "rachou co concepto de Educación pública" e lembran que "despois de aniquilar a educación primaria e a secundaria agora rematan coa educación universitaria co aumento indiscriminado de taxas"
- “O aumento das taxas logo de rebaixar de forma brutal as bolsas universitarias supón que moitos estudantes terán que abandonar os seus estudos o ano que vén”
- “Estamos ante as portas do que nos temíamos e levamos denunciando durante os últimos anos en Galicia: a privatización absoluta do ensino”, aseguran
Barbanza e Noia, 20 de abril de 2012. As Xuventudes Socialistas de Galicia (XSG) manifestaron onte, en rolda de prensa, que o incremento de taxas universitarias anunciado polo Goberno de ata un 70% é "un mazazo insuperable para o estudantado". Para a organización xuvenil “non poden ser os estudantes e as súas familias o que paguen a crise, algo que sucederá co recorte masivo do orzamento educativo e o incremento das taxas, xa que o único que se consigue con iso é que só accedan á educación as persoas con rendas máis altas”. Segundo María Torres, secretaria xeral das XSG, “o aumento das taxas logo de rebaixar de forma brutal as bolsas universitarias supón que moitos estudantes terán que abandonar os seus estudos o ano que ven”, ademáis “as xeracións futuras estarán obrigadas a renunciar a cursar ensinanzas universitarias se non poden pagalas”, engadíu. Así, as XSG manifestáronse en contra da subida das taxas universitarias e advertiron ao Goberno de que “non imos permitir que a Universidade se convirta nunha institución elitista onde só teñen cabida os que se poden permitila economicamente”. A xuízo de Torres, “nunha situación de crise como a actual o goberno tería que incrementar os orzamentos en materia educativa e apostar pola calidade do ensino en lugar de aniquilar a educación pública”Juan Jesús Sánchez, secretario de Educación e Universidades das XSG, denunciou que “a baixada do 21,9% nos orzamentos xerais do estado, a supresión masiva das bolsas universitarias e agora o aumento das taxas sitúannos ante as portas do que nos temíamos e levamos denunciando durante os últimos anos en Galicia, a privatización absoluta do ensino”. A subida de taxas universitarias, engadíu, “supón que os alumnos que ata hoxe pagaban 1.000 euros ao ano, deberán elevar a súa contribución un 50% sobre o custo total”, “os mesmos alumnos que, en moitos casos, xa non poderán contar co sistema de bolsas do ano pasado”. Ademáis, o “novo sistema penalizará aos alumnos que suspendan e teñan que volver a matricularse, que poden chegar a pagar o 100% da praza, uns 6.000 euros aproximadamente”. A organización xuvenil do PSdeG-PSOE denuncia, ademais, que estamos ante a morte directa da educación pública e lembran que a destrucción educativa comezou primeiro na educación galega: aumentando o cociente de alumnos por aula, suprimindo a escolarización de 0 a 3 anos, aumentando as horas lectivas por profesor, retirando as axudas de alumnado con necesidades educativas especiais e as asfixiando os orzamentos das universidades galegas da man de Feijóo, entroutas. “Galicia é o laboratorio dos recortes do PP”, comentou Sánchez, quen tamén acusou ó Goberno de Feijoó de “aprobar e aplaudir os recortes educativos propostos polo Goberno de Rajoy” Por último, as Xuventudes Socialistas, consideran que “estas decisións do PP van provocar xeracións perdidas por falta de formación e escaseza de oportunidades” e aseguran que “é un novo mazazo ao Estado do Benestar” Máis info en www.xuventudessocialistas.org
Posted via email from Certo.gl, o xornal dixital de Barbanza e Noia
Compártelo
Educación: Iniciativa Estudantil Galega tacha de "ataque brutal" a suba das taxas do goberno do PP
“Chegou o momento de que os estudantes planten cara ao maior ataque en educación da historia” , din dende esta asociación estudantil
- “a suba de taxas universitarias proposta por Wert é inceptable e supón a privatización da universidade pública, ademais de eliminar a posibilidade de acceder á Universidade a miles de estudantes”
Juan Jesús Sánchez, coordinador de IESGA:
Barbanza-Noia, 20 de abril de 2012. A suba de taxas de matrícula universitaria exposta hoxe polo Ministro de Educación, é, para a organización estudantil IESGA, “brutal e inxustificable” e “obriga ao estudantado en moitos casos a ter que abandonar a carreira”. Para a organización, “estas medidas son un retroceso na educación pública e nos dereitos estudantís”. A organización de estudantes progresistas considera que “esta suba das taxas universitarias, sumada á brutal diminución das bolsas e aos graves recortes aplicados en Educación, eliminará a posibilidade de acceder á Universidade a miles de estudantes o vindeiro curso”
Dende Iniciativa Estudiantil Galega manifestan o seu desacordo con esta suba que consideran “non só abusiva, senón tamén manifestamente inxusta para o estudantado”.Para Juan Jesús Sánchez, coordinador de IESGA, “todas estas medidas na universidade atacan á igualdade de oportunidades dos estudantes”. “É inxustificable subir as taxas universitarias mentres se reducen as bolsas indiscriminadamente”, comentou, Sánchez, lembra ademáis que “desde IESGA defendemos a educación pública como dereito e non como o privilexio daqueles que se poden permitir pagalo”. Por outra banda, denuncia que “ este incremento das taxas de matrícula universitaria non vai parello o incremento de bolsas, senón a un recorte brutal nas axudas ó estudo”. “As taxas de matrícula non se establecen en función da renda anual, senón que son iguais para todos, polo que terá que pagar o mesmo unha persoa de baixos ingresos que alguén con moitos recursos económicos”, explicou. A Organización denuncia que as medidas de Wert son o comezo dun camiño a unha universidade de élite, á que só poderán acceder ou permanecer nela aqueles que dispoñen de maiores posibilidades económicas. Sánchez advertíu que “chegou o momento de que os estudantes planten cara ao maior ataque en educación da historia” e aseguran que haberá mobilizacións en vindeiras datas.Máis info: www.iesga.es
PONIENDO LAS CARRERAS MUY CARAS PONDREMOS FIN AL PROBLEMA DE LOS POBRES QUE SE PONEN A ESTUDIAR Y DEJAN LOS BARES SIN CAMAREROS ESPAÑOLES.
— masaenfurecida (@masaenfurecida) April 19, 2012
O Borbón estase pocholizando. A monarquía, mochila que nos sobra unpaisenlata.wordpress.com/2012/04/19/que… Un breve pero intenso artigo de F.P Lorenzo
— Certo (@Certo) April 20, 2012
Wert avisa que lo que hoy han aprobado no es lo que estaba en el programa electoral del partido... qué sorpresa XDD
— Javier Peláez (@Irreductible) April 20, 2012
#ConsejodeMinistros: Viernes tras viernes, "no nos gusta pero no tenemos más remedio que condenaros a la miseria para mantenernos a flote"
— Juventud SIN futuro (@juventudsin) April 20, 2012
Posted via email from Certo.gl, o xornal dixital de Barbanza e Noia
Compártelo
Muros: danse de baixo do Bng dúas ducias de militantes. Os concelleiros quedan coa acta
María Xosé Alfonso era ata agora a responsable do Bng local Muros, 20 de abril de 2012. Segundo informou hoxe a ata agora responsable local do Bng, María Xosé Alfonso, "uns 24 militantes do BNG de Muros decidiron solicitar a súa saída do BNG despois dunha profunda e longa reflexión. Sinalan que xa viñan tendo dende hai tempo profundas discrepancias co funcionamento e discurso do BNG, ao que se lle sumou o descontento xerado polos últimos acontecementos relacionados cunha posible moción de censura no concello de Muros". Así as cousas, parte destas 24 persoas están vinculadas a Máis Galiza "e non descartan integrarse no novo proxecto común nacionalista que se está xestando, sempre e cando éste non sexa un BNG bis, se centre nos problemas reais da sociedade, e garanta un maior achegamento á sociedade e polo tanto ás súas bases cun discurso claro e cun funcionamento máis participativo e democrático", explica a edil nacionalista. Entre estas 24 baixas están os tres edís nacionalistas encabezados por María Xosé Alfonso que acordaron manter as súas actas de concelleiros "porque por enriba de todo está o compromiso acadado cos seus votantes de traballar para Muros co programa que foi elaborado conxuntamente coa cidadanía muradá", argumentou.
Posted via email from Certo.gl, o xornal dixital de Barbanza e Noia
Compártelo
Boiro: o sábado 28 de abril, amadriñamento de árbores no paseo de Praia Xardín
A actividade, se non chove, será fronte a este edificio en Praia Xardín Boiro, 20 de abril de 2012. O vindeiro 28 de abril, a asociación de sensibilización medioambiental Boiroverde ten previsto realizar un amadriñamento de árbores. Terá lugar no Paseo Marítimo en Praia Xardín fronte ao Instituto Social de la Marina,(C/ Praia Xardín, 58) ás 12 da mañá.
Neste amadriñamento cada recén nado recibe unha árbore á cal se lle pon unha placa co seu nome e deberá encargarse do seu coidado para os restos.
O ano pasado (24-02-2011) houbo un acto semellante
Esta actividade levouse a cabo o ano pasado con gran éxito e púidose comprobar o compromiso da xente no coidado das árbores e da demanda que tivo durante todo o ano, por este motivo decidiuse repetir a experiencia. Aprazaríase a actividade en caso de mal tempo e avisaríase con suficiente antelación.
Boiroverde no 2012 é a reanudación do proxecto iniciado no 2011 no Concello de Boiro para a dinamización e sensibilización medioambiental da cidadanía. Pretenden chegar a un amplo abano de público e idades dende unha perspectiva multidisciplinar. Retoman este proxecto a maior parte dos integrantes do CMTL de Boiro no marco da súa preparación práctica con grandes expectativas de logro na sensibilización, mobilización e cambio de actitudes cara o medio ambiente.
Posted via email from Certo.gl, o xornal dixital de Barbanza e Noia
Compártelo
Suscribirse a:
Entradas (Atom)
