22.3.13

Dodro: sen alternativa ao peche da sucursal de NGB en Tallós, explica o goberno local

  • A sucursal non ten suficiente volume de negocio, en parte pola crise dunha importante empresa deste municipio e tamén porque a maioría dos dodrenses opera con sucursais do veciño concello de Padrón

Dodro, 22 de marzo de 2013. Segundo explicou o goberno local esta tarde en nota de prensa, esta mesma semana o alcalde de Dodro mantivo unha reunión con responsables da entidade Nova Galicia Banco co gallo do anuncio de peche da sucursal no lugar de Tallós.

Segundo explica o grupo de goberno, "por parte de NGB expuxéronse as razón que motivan dito peche, derivadas do Plan Económico imposto para poder recibir as axudas económicas, e que obriga ao peche de 131 sucursais en 2013, 134 en 2014 e 62 sucursais en 2015, así como a reducción de persoal pasando dos máis de 7.000 empregados cos que se iniciou a fusión aos 3.334 traballadores no ano 2017. Segundo estes mesmos representantes, a sucursal en Dodro non cumpre ningún dos requisitos básicos para poder mantela, habida conta do reducido volumen de negocio que mantén, que se veu aínda máis reducido pola crise que afecta a unha das principais empresas do Concello. A isto se suma que unha parte importante da poboación dodrense mantén os seus depósitos e actividades bancarias con entidades de Padrón. Tales condicionantes provocaron que dende fai varios meses dita sucursal conte con só un empregado en lugar dos dous que constituien o mínimo exixible, o cal, no contexto económico actual podería constituir motivo máis que suficiente para a supresión da sucursal".

Aínda así, prosegue o goberno do Partido Popular en Dodro, "se ben NGB non prevé alternativas para o peche da sucursal, por parte do alcalde Valentín Alfonsín púxose de manifesto o claro prexuízo que causaría no funcionamento mesmo do concello ademáis dos trastornos na actividade diaria dos seus vecinos. O simple traslado do servicio á sucursal de Padrón, segundo o alcalde, non se pode contemplar como única solución, habida conta da saturación desta oficina".

Na vindeira semana, o alcalde de Dodro dará traslado das sinaturas dos veciños recollidas polo propio Concello en contra do peche da sucursal, e espera que se concrete algunha alternativa por parte de Nova Galicia Banco.

Pode que tamén lle interese:




  • Dodro: polémica coas contas. O PP fala de boa xestión, o Psoe de sorte e o Colectivo Nacionalista, de engano

Posted via email from Certo.gl, o xornal dixital de Barbanza e Noia

Rianxo: Antrospinos quenta motores co Antrospinos Miúdo o sábado 20 de abril e a presentación en Santiago o venres 12 de abril

En Taragoña cada ano vai a máis o Festival Antrospinos. Queren que se estenda a súa fama a toda Galicia e farán o vindeiro 12 de abril na Sala Capitol (Santiago de Compostela) unha presentación do Festival Antrospinos que se realizará no verán en Taragoña.

Nesta presentación actuarán La Troba Kung-Fu e A Compañía do Ruído.

As entradas custan 10 € ANTICIPADA e 12 € en TAQUILLA. Pódense adquirir no seguintes establecementos:

  • A Reixa - Santiago
  • Roxerius - Rianxo
  • Xuntanza - Taragoña
  • Capri - Ribeira
  • Samba - Ribeira

Para máis información nas seguintes ligazóns:

QUECEMENTO CO ANTROSPINOS MIÚDO

O sábado 20 de abril no Campo de Arriba de Rianxo a Asociación Festival Antrospinos organiza o Antrospinos Miúdo. A partir das 22.00 horas comezará o concerto de Familia Caamagno, Os Ulträqäns, Os Tres Trebóns e Bigote Mix. Ao longo do día tamén se celebrarán diferentes actividades, das que xa iremos informando


Posted via email from Certo.gl, o xornal dixital de Barbanza e Noia

Porto do Son: o municipio gabéase á moda dos concursos de tapas as fins de semana do 20 e 27 de abril

Rianxo: o venres 5 e sábado 6 de abril, obradoiro de creación literaria coa escritora Elisa Iglesias Gil

Elisa_iglesias

  • A lectura e conversa arredor dos textos desta escritora será o venres 12 de abril
  • Organiza a Editorial Axóuxere e colabora o Concello

O Concello de Rianxo e a Editorial Axóuxere, continuando a colaboración iniciada o pasado 2012 destinada á promoción da creación literaria e artística aproveitando o programa de residencias da mencionada editorial, anuncian a convocatoria dun novo obradoiro de creación e dunha sesión de lectura e conversa a cargo da escritora Elisa Iglesias Gil.

DA REALIDADE AO PAPEL (SOBRE A CREACIÓN DE PERSONAXES)

Obradoiro de escrita creativa, que terá lugar o venres 5 de abril de 19.00 a 21.30 horas e o sábado 6 de abril de 11.00 a 13.30 horas no Auditorio de Rianxo.

As persoas interesadas en asistir a este obradoiro deberán cubrir a ficha dispoñíbel en breve nesta páxina e enviala por correo electrónico a cultura@concelloderianxo.es co asunto: Obradoiro de Elisa Iglesias Gil, antes do 4 de abril

LECTURA E CONVERSA ARREDOR DOS SEUS TEXTOS NARRATIVOS

Desenvolverase o venres 12 de abril dende as 20.00 ata as 22.00 horas na Biblioteca Pública Castelao de Rianxo

Posted via email from Certo.gl, o xornal dixital de Barbanza e Noia

Porto do Son: o sábado 30 de marzo, andaina de 14 quilómetros, "De monte a monte"

Boiro: 400.000 euros para a residencia de Amicos en Comoxo, que contará con 33 prazas


Peto de ánimas que se atopa na aldea de Comoxo


Boiro, 22 de marzo de 2013. O pleno da Deputación da Coruña aprobou esta mañá por unanimidade un convenio coa Asociación de Familias de Persoas con Discapacidade Psíquica Amicos para as obras de construción dunha residencia para persoas con diversidade funcional en Boiro que contará con 33 prazas. Este acordo formaliza a achega da Deputación de 400.000 euros, o que supón o 54,28 % do orzamento total, que ascende a un total de 736.872,95 euros.


A residencia estará sita no lugar de Monte de Comoxo e será un edificio de planta baixa que albergará oito dormitorios dobres, tres despachos, dous baños adaptados, sala e habitación de illamento de enfermería. Na zona común co centro de día e ocupacional disporá de cociña, comedor, sala de curas e sala de rehabilitación. O orzamento inclúe as obras de acondicionamento de terreo, cimentación, estrutura, fachadas, divisións, illamentos, cubertas, así como a sinalización e equipamento. Actualmente, as obras de dita residencia atópanse na recta final, estando executadas ao 80%.


Pode que tamén lle interese:




Posted via email from Certo.gl, o xornal dixital de Barbanza e Noia

Noia: o Bng manifesta a súa dor polo pasamento de Fidel Diéguez, que fora concelleiro nesta localidade

Noia, 22 de marzo de 2013. O BNG, comunica e expresa hoxe en nota de prensa a súa "dor polo pasamento no día de hoxe do militante FIDEL DIÉGUEZ DÍEZ, como consecuencia dunha grave enfermidade que viña arrastrando nos últimos meses".


O finado era natural de Monforte de Lemos pero residía desde hai máis de vinte anos coa súa familia no concello de Noia, onde traballaba como profesor de electrónica no IES "Campo de San Alberto".

Fora concelleiro desta formación política, en Noia, entre os anos 1999 e 2007, actuando como portavoz desde o 2003 ao 2007. "Durante estes anos desenvolveu un traballo institucional e veciñal constante e fructífero, sempre a favor dos intereses dos viciños e viciñas de Noia, así como a prol desa Galiza soberana na que sempre soñou; sendo isto último unha constante en toda a súa vida. Os compañeiros e compañeiras do BNG de Noia e comarca lembraremos sempre o seu labor e a sua dedicación abnegada na defensa de Galiza", sinalan dende o Bng noiés.


O seu corpo será velado no tanatorio de Boisaca. Faráselle unha homenaxe de despedida no mesmo tanatorio, este sábado, 23 de marzo, ás 13:00 horas. D.E.P.

Posted via email from Certo.gl, o xornal dixital de Barbanza e Noia

Ribeira: orde do día do pleno do luns 25 de marzo

Ribeira: "Historia dos Concellos de Barbanza", o mércores 27 de marzo no Ateneo

21.3.13

Ribeira: en abril, Mes dos Libros e o Cinema. Programación

Media_httpfarm9static_ewdbm

Os técnicos de Cultura, Unai González e Chiki Durán, flanquean á concelleira Elvira Pisos

 

Ribeira, 21 de marzo de 2013.- Un ano máis, o Concello activa para o vindeiro abril a posta en marcha de dúas programacións culturais xa consolidadas que teñen como obxectivo incentivar á poboación (con especial incidencia na sociedade estudantil) sobre a adopción de hábitos tan enriquecedores como son a lectura e o cine. Trátase dos programas “Abril Mes dos Libros” e “Abril de Cinema”, cuxos detalles foron dados a coñecer esta mañá pola concelleira de Cultura de Ribeira, Elvira Pisos, acompañada polos técnicos municipais Unai González e Segundo Chiki Durán.

Así, por unha parte, dentro da programación do “Abril Mes dos Libros”, este martes 2 de abril vaise conmemorar o Día do Libro Infantil e Xuvenil recordando o 130º aniversario da publicación de Pinocho. Con tal motivo, o Auditorio Municipal dará cabida ás 11 horas á proxección audiovisual de “P3K: Pinocho 3000”, filme dirixido por Daniel Robichaud que foi galardoado cun Premio Goya á mellor película de animación no ano 2004. Asistirán ao evento alumnos de 1º, 2º e 3º de Primaria dos distintos centros educativos do municipio.

Día do Teatro

Tres días despois, é dicir, o venres 5 de abril, conmemorarase o Día Internacional do Teatro: unha data que se ben sólese celebrar cada 27 de marzo, decidiuse pospoñer por coincidir coas vacacións escolares de Semana Santa. Dito 5 de abril, o Grupo Municipal Xuvenil de Teatro de Ribeira porá en escena a obra “O achado do castro”, de M. Núñez Singala, baixo a dirección de Segundo Chiki Durán, que xa colleitara un notable éxito na súa estrea o pasado 16 de novembro . Haberá dúas funcións: unha ás 10.30 horas que está dirixida ao alumnado de 1º e 2º Secundaria dos centros educativos; e outra ás 21.30 horas que estará aberta ao público en xeral (poderanse retirar as entradas media antes do inicio da representación).

E por fin, o propio 23 de abril, Día Internacional do Libro, a compañía Os Sete Magníficos + 1 ofrecerá ao alumnado de 2º e 3º de Primaria un espectáculo de animación titulado “A historia de Brancaflor”. Terá lugar ás 11 horas no Auditorio Municipal.

Abril de Cinema, os venres

Doutra banda, Elvira Pisos tamén deu a coñecer o calendario de proxeccións do Abril de Cinema: un programa incluído no proxecto “Ribeira, Mar de Cinema”, que incluirá, ademais da citada “P3K: Pinocho 3000”, a proxección dos seguintes filmes:

 

  • Venres 12 de abril: La Chispa de la vida, dirixida por Álex de la Iglesia.
  • Venres 19 de abril: Miel de naranjas, dirixida por Imanol Uribe.
  • Venres 26 de abrl: De tu ventana a la mía, dirixida por Paula Ortiz.

 

Estas tres proxeccións integran o denominado “Cine Español en Ruta” e contarán con dúas sesións: unha matinal (10.30 horas) dirixida ao alumnado dos centros educativos e outra nocturna (21 horas) de acceso libre.

Ademais, o mércores 17 de abril proxectarase a película “Pollock” (biopic do coñecido artista estadounidense). Este filme antóllase como un complemento ideal á exposición “3237 días” de Fernando Yáñez que se inaugura mañá venres (20.30 horas). Ao igual que no caso do Ciclo Español en Ruta, haberá unha sesión ás 10.30 horas para os centros escolares e outra ás 21 horas de acceso libre.

Xoves Literarios, en breve

Por outra banda, cómpre informar de que dende a Concellería de Educación e o Servizo de Normalización Lingüística de Ribeira se está ultimando unha nova edición do programa “Xoves Literarios”, ao abeiro da grande aceptación lograda por esta iniciativa (consistente en charlas sobre literatura a cargo de recoñecidos autores galegos) que se puxo en marcha por primeira vez o pasado ano. O seu programa será dado a coñecer proximamente.




Posted via email from Certo.gl, o xornal dixital de Barbanza e Noia

Ribeira: as vindeiras actividades no Liceo Marítimo serán un obradoiro para deixar de fumar e unhas xornadas sobre enerxías renovables

  • O obradoiro sobre tabaquismo será o venres 12 de abril. É de balde pero precísase inscrición.
  • As xornadas sobre enerxías renovables, dentro do Día Solar Europeo, son o venres 3 de maio. É de balde, sen inscrición.


Nunca é tarde para deixar de fumar

Ribeira, 21 de marzo de 2013. O obradoiro de tabaquismo que vai ter lugar o vindeiro venres 12 de abril pola tarde no Liceo Marítimo de Ribeira ten entre os seus obxectivos sensibilizar á poboación xeral sobre os riscos do consumo, a exposición pasiva do tabaco (HAT) e os beneficios do seu abandono así como promover a cesación e informar dos recursos sanitarios dispoñibles para deixar de fumar.
 
 Este obradoiro está aberto a toda a veciñanza da bisbarra de maneira gratuita, previa inscrición. Os ponentes serán María Jesús García Blanco, doutora especialista en tabaquismo pola Universidade de Cantabria e actual responsable do Programa Galego de Promoción de Vida sen Tabaco. Tamén estará Miriam Otero Requeijo, psicóloga e técnica do servizo de trastornos aditivos da Dirección Xeral de Innovación e Xestión da Saúde Pública. Organiza a Escola Galega de Saúde para Cidadáns da Xunta de Galicia, en colaboración coa entidade do Liceo Marítimo local.


Enerxías renovables para desenvolvemento sostible


O alcalde, no Día Solar do ano pasado, enriba dunha bicicleta eléctrica

Ademais, o 3 de maio, tamén venres, ás 17:00 horas, haberá unhas xornadas baixo o título "As enerxías renovables, esenciais para o desenvolvemento sostible das poboacións", dentro da sexta edición do Día Solar Europeo, xornada que se celebra en ducias de cidades de Europa entre o 1 e o 19 de maio. Virán varios expertos do INEGA (Instituto Enerxético de Galicia), da empresa viguesa GALISOL e da cambadesa OCV- REISOL. Son xornadas de portas abertas, sen previa necesidade de inscrición.     

Posted via email from Certo.gl, o xornal dixital de Barbanza e Noia

20.3.13

Ribeira: Aguiño xa conta cunha pista polideportiva adicada ao S.D. Xuventú Aguiño

  • O alcalde estivo inaugurándoa esta tarde
Media_httpfarm9static_bxjdl

O alcalde de Ribeira, Manuel Ruiz Rivas, presidiu esta tarde o acto de inauguración da nova Pista Multideporte ‘S.D. Xuventú Aguiño’ situada fronte ao campo de fútbol de A Tasca.

O acto contou coa presenza de boa parte da xunta directiva deste club, co seu presidente José Manuel Vilas Álvarez á cabeza, ademais de outros membros como Ramón Gude Fernández, Rosa Vidal Fernández, María Vidal Fernández e Teresa Sampedro Canedo, ademais de outro presidente histórico da entidade como foi Manuel Regueira Fernández.

Ruiz Rivas recordou que este é a cuarta pista multideporte que o Concello de Ribeira vén de poñer en funcionamento nesta lexislatura, despois da apertura da ‘Irmáns Parada Alvite’ (“os primeiros grandes profesionais do fútbol que tivemos no concello”), a que se sitúa na praza do Centenario e a “Irmáns González Pérez”, recentemente inaugurada (“os únicos galegos que recolleron unha Copa do Rei e unha Liga”). O alcalde anunciu que se fará algunha máis, tal vez neste mesmo ano.

Así mesmo, manifestou que a Corporación quixo dedicar esta cuarta pista a un club “que dende fai moitos anos é exemplo de traballo, esforzo e bo facer” e que foi pioneiro nalgunha das súas facetas, tanto traballando as categorías base como apostando polo fútbol feminino cando ningún outro equipo do entorno ofrecía esta posibilidade.

Pola súa parte, José Manuel Vilas agradeceu ao Concello de Ribeira que realizase esta obra, que lle vai ser de suma utilidade aos rapaces do club.

Acto seguido, ambos procederon a descubrir un panel onde se resumen os méritos do Xuventú e, a continuación tería, lugar un partido na pista, de 40x20 metros, entre dúas formacións de categoría benxamín, baixo a atenta mirada de todos os veciños que quixeron estar presentes neste acto.

Posted via email from Certo.gl, o xornal dixital de Barbanza e Noia

Rianxo: este sábado 23, concerto de Música de Cámara


Dende a Escola de Música de Rianxo comprácense en convidar a todo o mundo ao Concerto de Música de Cámara:

  • CONCERTO DE MÚSICA DE CÁMARA
Ensembles da Escola de Música de Rianxo
DÍA: Sábado 23 de marzo
HORA: 20:30 h
LUGAR: Auditorio de Rianxo

O mesmo día, pero pola mañá ás 12:


Cartaz_concerto_msica_de_cmara

cartaz concerto música de cámara-marzo-2013.pdf Download this file

Posted via email from Certo.gl, o xornal dixital de Barbanza e Noia

Rianxo: presentada a Rede de Músicas Soltas, que programa seis concertos entre primavera e outono

  • Este venres 22, primeiro concerto, con Ugía Pedreira e Fred Martins, que executan temas do disco Acróbata (música saborosa con cheiro ao mar do Atlántico da banda máis tropical na beira occidental e da catárquica da mariña lucense)

Rianxo, 21 de marzo, primavera xa, de 2013. Esta mañá presentouse o ciclo de concertos REDE DE MÚSICA SOLTAS que programa aCentral Folque, Central Galego de Música Popular e promove o Concello de Rianxo para recitais no Auditorio da vila durante as estacións de primavera e outono deste 2013.

Adolfo Muiños, alcalde de Rianxo, e Ugia Pedreira, a directora focega de aCentral Folque e artista que abre o ciclo este venres acompañada de Fred Martins destacaron a importancia de manter activa a programación cultural durante todo o o ano e da oportunidade para o público local e da bisbarra de achegar artistas que están traballando desde diversos eidos da vangarda da música popular. Á procura de crear e asentar un público fiel á música ao vivo por un módico prezo (as entradas son a 5 € e hai posibilidade de mercar un abono para os seis concertos) aberto a todo o mundo.

Esta é unha rede tecida con concertos de autores galegos ou que viven en Galicia sendo doutras partes do mundo. Tamén son recitais de presentación de proxectos en activo, así temos os novos discos de Sérgio Tannus Trio (Son brasilego) e Davide Salvado (O ladrón de amorodos), a próxima estrea de Jazzología ou os novos temas de Xan Campos TrioDúo Fdez & Quintá e as cancións inéditas en Acrobata, o disco de Fred Martins e Ugia Pedreira.

O primeiro concerto será este venres 22 de marzo a partir das 20.30 h coa dupla atlántica de Fred Martins e Ugia Pedreira que farán un repaso por temas do seu disco Acróbata así coma presentarán algún inédito e descartes que non chegaron a ver a luz na publicación do CD.

Para escoitar música de Acrobata ou ter máis info: http://www.folque.com/acrobata/

Para ter máis info do ciclo: http://folque.com/produccion.php?txt=arbore_web90&txt_pai=arbore_web13



Posted via email from Certo.gl, o xornal dixital de Barbanza e Noia

Ribeira: programa relixioso da Semana Santa, do 20 ao 31 de marzo

Cartel_semana_santa_riveira_20


Na imaxe, María do Carmen García Torrado, presidenta da Confraría do Paso e Elvira Pisos Arnoso, concelleira de Cultura de Ribeira


PROGRAMACIÓN DA SEMANA SANTA

 

20 – 21- 22 de MARZO

 

TRIDÚO DA SANTÍSIMA VIRXE DOS DOLORES

 

Eucaristía: ás 9 e 20 horas

 

Mércores: ás 6 da tarde. celebración do perdón. Nenos e rapaces de 1º e 2º de ESO.

 

Venres: ás 11 h. celebración especial para enfermos e impedidos. perdón sacramental, comuñón pascual e santa unción.

solemne eucaristía ás 20:30 h.

 

(Nota: os enfermos que non teñan medios para acudir ao templo e o desexen, dígannolo e facilitaráselles. Así mesmo, cantos desexen recibir os sacramentos na súa casa serán atendidos. Prégase aos familiares que o comuniquen)

 

Dirixirá os actos o padre Damián Bruyel (misioneiro comboniano)

 

DOMINGO DE RAMOS – 24 DE MARZO

 

Eucaristía na parroquia: 9:30 - 11:30 - 12:30 e 20:30 h.

 

Bendición das Palmas: 11 ante a cripta do Monumento.

11:00 Cruceiro de Santa Clara, a seguir,  Eucaristía no Templo.

 

25 – 26 DE MARZO

 

Catequese pascual para a mocidade -  20:00. Salón de Cristóbal Colón.

 

Reflexión espiritual para adultos - 21:00 h - Aula M. guerra.

 

27 DE MARZO

 

PROCESIÓN DO PASO “XESÚS NA HORTA DAS OLIVEIRAS”

 

Acompañada pola Cofradía do Paso, Banda de Música de Negreira e Banda OJE de Ferrol.

 

Saída da rúa Cristóbal Colón ás 22 horas percorrendo as rúas de Galicia, Rosalía de Castro, Malecón, Galicia e Cristóbal Colón.

 

(Nota: Segundo refire a presidenta da Cofradía do Paso, Mª Carmen García Torrado, este ano espérase a participación duns 90 cofrades durante a procesión)

 

XOVES SANTO – 28 DE MARZO

 

Celebración sacramental do Perdón ás 10:00 h.

 

Solemne Eucaristía “na Cea do Señor” ás 19:30 h.

 

Adoración ante o Santísimo Sacramento ás 22:00 h. Durante a noite as quendas de adoración nocturna celebrarán a vixilia especial deste día.

 

VENRES SANTO – 29 DE MARZO

 

Día de xaxún e Abstinencia.

 

Oración de Laudes e Sermón do “Encontro” ás 10:30 h.

 

Seguidamente celebración do Perdón Sacramental.

 

En Santa Clara - celebración penitencial ás 18:00 h.

 

Acción litúrxica “na Morte do Señor” ás 19:30 h.

 

Procesión do Santo Enterro e a Soidade ás 21:30 h.

 

SÁBADO PASCUAL – 30 DE MARZO

 

Catequese Pascual para os nenos ás 11:00 h.

 

Vésperas e Sermón da Esperanza de María ás 20:00 h.

 

Vixilia Pascual ás 22:00 h. A seguir, encontro fraternal e brinde no salón anexo ao templo.

 

DOMINGO PASCUAL – 31 DE MARZO

 

Eucaristía na parroquia: 11:30 - 12:30 e 20:00 h. A seguir, concerto de órgano a cargo do organista Joaquín Barreira.

Eucaristía en Santa Clara ás 11:30 h. 

(Estará toda a semana Hernán Javier Hernández,

sacerdote colombiano na Universidade Pontificia de Comillas)

 


Posted via email from Certo.gl, o xornal dixital de Barbanza e Noia

19.3.13

Ribeira: rematou o curso de asistencia sociosanitaria a persoas a domicilio

Os concelleiros de Emprego e de Servizos Sociais e Promoción Social do Concello de Ribeira, Vicente Mariño e Anxo Orellán, procederon no día de hoxe á entrega de diplomaos aos alumnos asistentes ao Curso de Atención Sociosanitaria a Persoas no Domicilio.

Esta acción formativa, que contou coa participación de trece persoas, estivo organizada polo Concello coa colaboración da Consellería de Traballo e Benestar da Xunta de Galicia.

No acto de entrega de diplomas, Anxo Orellán destacou a idoneidade desta iniciativa para aprenderlle ás persoas unha saída laboral, con opcións de atopar traballo tanto no ámbito público como no privado. Abondando nesta idea, Vicente Mariño destacou o feito de que algúns dos alumnos asistentes ao curso xa conseguiron emprego.

As clases impartíronse nas aulas formativas que o Concello ten na rúa Cristóbal Colón.

Posted via email from Certo.gl, o xornal dixital de Barbanza e Noia

Rianxo: o Concello pon en marcha unha ferramenta para que os veciños avisen de incidencias en tempo real por teléfonos con Android

Presentacion Mobilizate v1.pdf Download this file

  • Chámase "Mobilízate" e foi feita, a petición do Concello, pola empresa compostelana E-Laboro
  • A veciñanza comunica a incidencia e a ferramenta pásalla aos operarios encargados de arranxala, que cando rematen de solventala avisan á veciñanza a través dunha mensaxe SMS
  • Cada aviso será xeorreferenciado e datado, co que a planificación dos traballos será máis doado para os operarios municipais
  • Xa está dispoñible na páxina web do Concello, polo de agora só para teléfonos intelixentes con sistema Android
  • http://www.concelloderianxo.es/mobilizate Hai que baixala de Google Play
Media_httpfarm6static_uapfx

Atópase vostede cunha ponte de madeira crebada sobre o río Té? Se ten a aplicación, só ten que facer unha foto, poñer un pequeno texto e enviala para que o Concello tome medidas axiña

Posted via email from Certo.gl, o xornal dixital de Barbanza e Noia

Educación: institutos de Noia e Boiro e o colexio de Dodro, afectados por fortes reducións da Xunta

  • Denuncia CIG Ensino que en 123 centros de ensino de Secundaria (o 36,82% do total) o recorte supera o 9%

  • No colexio de Dodro o recorte pasa do 24%, igual que no IES "Campo de San Alberto" de Noia

Barbanza-Noia, 19 de marzo de 2013. Segundo un estudo feito pola CIG-Ensino a Consellaría de Educación recorta nun total de 21 centros de ensino de Secundaria máis dun 20% a partida destinada a gastos de funcionamento. De 334 centros de ensino de Secundaria, nun total de 123 -o que representa un 36,82 % do total de Institutos de Educación Secundaria, Centros Integrados de Formación Profesional e Centros Públicos Integrados - a porcentaxe de recorte nesta partida supera o 9%.

Boiro: afectado o Instituto da Espiñeira case nun 25%

No curso pasado, o IES boirense da Espiñeira tivo para gastos de funcionamento 82.052 euros, que este ano víronse rebaixados a 63.887, o que supón unha redución de máis de 18.000 euros, ou case o 25% (24'74%).

Noia: sácanlle ao instituto Campo de San Alberto 14.354 euros

Pola súa banda, este instituto, un dos dous que hai en Noia, tivo para gastos de funcionamento o curso pasado 124. 974 euros, que se viron reducidos a 110.620 euros, un 11,49% menos.

Dodro: máis de dez mil euros de redución, un 24'74% menos

Tamén na lista ofrecida por CIG Ensino aparece o centro de primaria e infantil "Eusebio Lorenzo Baleirón", que traballou o curso pasado con 41.572 euros e este ano terá que facelo con só 31.286, case un 25% menos de orzamento.

A CIG-Ensino xa denunciara que, no ano 2012, a partida destinada ao gasto de funcionamento destes centros foi de 31.108.000 de euros fronte aos 28.336.500 deste ano 2013. A este decrecemento do 9% respecto do ano 2012 habería que lle engadir o incremento dos prezos dos gastos que os centros teñen que facer fronte con esta partida, pois a calefacción, a luz, a auga, gastos de departamentos, material funxible, trasporte para actividades complementarias etc. tiveron unha suba importante en relación ao exercicio anterior.

Hai centros aos que aínda incrementando o número de alumnado redúceselle a partida destinada a gastos de funcionamento para este ano. A merma de diñeiro destinada a este concepto reduce a dotación de recursos en centros públicos en relación aos concertados.

CIG sinala que "a Consellaría con estes recortes persiste na súa cruzada contra o ensino público que impedirá o funcionamento normal dos centros e suporá un deterioro no desenvolvemento escolar e , mesmamente, na calidade do ensino”, denuncian. Hai que ter en conta que este esganamento faise aínda máis grave porque no ano 2012 os centros xa padeceron outro importante recorte na partida destinada a gastos de funcionamento e que estes recortes reduciran as partidas de moitos centros en máis de 20.000 euros.

“O PP non ten cancelas na súa política educativa de desmantelamento constante e de redución das necesidades dos centros públicos, mentres malgasta diñeiro público en satisfacer os seus postulados ideolóxicos, mediante o desvío de 240 millóns de euros ao ensino privado concertado, 3 millóns a centros que segregan alumnado por razón de xénero, 29 millóns para pagar profesorado de relixión, máis de 200.000 euros extra para os centros concertados, destinados a servizos que non teñen os centros públicos”, denuncia CIG-Ensino.

"Cada día, a consellaría de Educación anuncia un novo recorte no ensino público. Despois da ampliación do copago nos comedores escolares, da redución do profesorado, da redución de orzamento para a consellaría de Educación, etc., agora, vén este recorte polo que moitos centros terán serias dificultades para o seu funcionamento diario. A CIG-Ensino esíxelle ao PP que analice a súa obsesión de desmantelar o ensino público porque isto supón, entre outras cousas, o incremento das desigualdades sociais e, polo tanto, que as consecuencias as paguen os oprimidos e os explotados", sinalan dende este sindicato.

Recortes Educación.pdf Download this file

Recortes_ensino

Posted via email from Certo.gl, o xornal dixital de Barbanza e Noia

Noia: o Rali de Noia 2013 dispútase do 19 ao 21 de abril e homenaxea ao piloto boirense Dani Castro, vítima do cancro

reglamento2013.pdf Download this file


Este é o cartel deste ano

Noia, 19 de marzo de 2013. Xa se coñecen as datas dun dos ralis máis famosos e estables de Galicia: o Rali de Noia, que chega á súa XXIX edición. Será na fin de semana do venres 19, sábado 20 e domingo 21 de abril. Desta volta leva aparellada unha nota solidaria: será o Memorial Dani Castro, en homenaxe ao piloto boirense que faleceu a primeiros deste ano, con tan só 24 anos, vítima dun cancro.

Velaquí o regulamento da proba desta edición:


Info na web da Escudería Berberecho, organizadora dun dos ralis máis lonxevos de Galicia:

http://www.ralinoia.es

Posted via email from Certo.gl, o xornal dixital de Barbanza e Noia

Ribeia:"3236 días", de Fernando Yáñez, ata o 25 de abril no auditorio

Cartel_exposicin_fernando_yez

  • A inauguración é este venres 22, ás 20:30


Ribeira, 19 de marzo de 2013.- Este venres 22 de marzo, a sala de exposicións do Auditorio Municipal acollerá ás 20.30 horas a inauguración da exposición “3236 días”, obra do autor Fernando Yáñez. A mostrar, organizada polo Concello, poderase ollar até o 25 de abril.

Fernando Yáñez (Lugo, 1978) é licenciado en Belas Artes pola Universidade de Vigo (2001). En Madrid –cidade na que residiu durante 9 anos- realiza un Master en Arte Contemporáneo. A súa carreira artística profesional comeza despois de gañar o Certame de Pintura de Cambre no ano 2000. Pouco tempo despois realiza unha exposición no Museo Provincial de Lugo que lle abre as portas á diferentes galerías galegas e nacionais. Participa en diferentes proxectos e feiras de arte a nivel nacional, expoñendo en cidades coma Madrid, Valencia, Cádiz, Teruel... Actualmente é profesor de Educación Plástica e Historia do Arte no Colexio Galaxia de Riveira.

Na mostra exhíbense obras de Fernando Yáñez creadas desde o ano 2003 ata o 2012, eses 3236 días que recolle o título.  A exposición está composta por aproximadamente trinta pezas, na súa maioría pintura, pero tamén varias esculturas -obras nas que segue a mesma liña artística que na pintura só que xogando co valor tridimensional que lle aporta esta técnica artística-.

Aínda que nestes momentos na súa produción artística hai ecos á presenza figurativa, a obra de Fernando Yáñez é fundamentalmente abstracta.  Pollock, De Kooning ou Kline do expresionismo abstracto americano e Tápies da corriente informalisma europea son os seus principais referentes.

É salientable o compromiso deste artista co concello de Riveira desde o seu labor no ámbito da docencia, impulsor de interesantes proxectos educativos vinculados coa creación artística, tanto desde as súas aulas coma en colaboración cos restantes colexios da nosa cidade.

Como complemento a esta exposición e, dentro da programación de Abril de Cinema, que será presentada en breve, proxectarase o vindeiro 17 de abril a película Pollock, dirixida e protagonizada por Ed Harris; ofreceranse dous pases, o primeiro ás 10.30 h. dirixido a alumnos de secundaria do concello de Riveira e o segundo ás 21.00 h. aberto ao público en xeral; en ambos casos a entrada é gratuíta ata completar aforo.

A mostra estará aberta de luns a venres de 10 a 14 horas e tamén os martes e mercores de 18 a 20.30 horas.



Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical