31.8.11

Noia: o Concello despediu aos nenos do Sáhara ocupado que desfrutaron as súas vacacións na vila

P1020795

Noia, 31 de agosto de 2011. Hoxe tivo lugar o acto de despedida dos nenos e nenas saharauis que participaron, como cada ano ultimamente, no programa "Vacacións en paz", no concello de Noia. A concelleira de Servizos Sociais, Sofía Caamaño, pronunciou o discurso que se pode ler a continuación. Tamén estiveron presentes neste emotivo acto o Alcalde, Rafael García Guerrero, e a concelleira Marisol Villar.


Discurso de Sofía Caamaño:

Boas tardes a todos e todas:

Quero comezar esta declaración, escusando non ter celebrado, por razóns de cambio de goberno municipal, a habitual recepción aos nenos e nenas saharauis que todos os anos nos acompañan nestes meses de verán; por tanto este ano será só un acto de despedida. Agradecer ás familias acolledoras o seu compromiso con esta causa e felicitar a Solidariedade Galega co Pobo Saharaui polo esforzo e adicación na organización do programa “Vacacións en Paz”.

Como concelleira de Servizos Sociais quero expresar e transmitirvos a solidariedade e simpatía de todos os veciños e veciñas da nosa localidade coa causa do pobo saharaui.

Programas como o de “vacacións en paz” constitúen unha oportunidade inmellorábel para que cativos e cativas, refuxiados nos campamentos de Tinduf, no deserto arxelino, podan disfrutar e coñecer durante varios meses o noso país estreitando lazos de amizade e fraternidade entre familias saharauis e familias galegas. Uns meses nos que as máis grandes vítimas desta inxustiza internacional, os nenos e nenas, poderán gozar dunha vida máis levadeira evitando as complicadas condicións de vida no deserto arxelino, que se fan especialmente duras nestas datas de verán.

Pero as “Vacacións en Paz” tamén son unha chamada de atención aos poderes públicos do noso país e á sociedade galega en xeral, que nos deben conducir á reflexión e tamén á acción: reflexionar sobre unha inxustiza internacional que se prolonga xa desde hai máis de 30 anos, unha inxustiza na que o Estado español ten unha enorme responsabilidade histórica e moral logo de ter consentido a ocupación do territorio do Sáhara Occidental por parte de Marrocos en 1975, incumprindo os mandatos de Nacións Unidas de proceder a súa descolonización e facilitar o exercicio do dereito de autodeterminación do pobo saharaui. Trinta anos despois e logo dunha guerra e do incumprimento por parte da potencia ocupante, dos acordos logrados en 1991 que debían conducir á celebración do referendo de autodeterminación, o certo é que no 2011 aínda 200.000 persoas malviven como refuxiados políticos no deserto máis inhóspito e inhabitábel do planeta.

Por iso non podemos permanecer impasíbeis diante do sufrimento, a opresión e a inxustiza que vive o pobo saharaui.

É certo que os informativos das televisións, cargados de novas internacionais cos focos iluminando outras latitudes do planeta, non nos ensinan a realidade do pobo saharaui. É unha inxustiza esquecida que só a sociedade civil no noso país, e especialmente as familias acolledoras de nenos e nenas saharauis, contribúen a non esquecer. Alguns de vós tivéchedes a oportunidade de convivir cos refuxiados saharauis no deserto arxelino e comprendéchedes e compartíchedes a dureza que significa vivir con tres condeas: a das condicións inhumanas nas que sobreviven; a da vulneración da legalidade internacional que os levou a esa situación e, por último, a do esquecemento e indiferencia internacional. Mais tamén tivéchedes a oportunidade de coñecer e sentir a dignidade e o orgullo dun pobo que resiste e mantén vivas as súas esperanzas de voltar ao seu país.

Nós, como responsabeis políticos, tamén queremos contribuír desde a nosa posición a lograr que, dunha vez por todas, o conflicto se resolva e o pobo saharaui regrese definitivamente aos seus territorios. Por iso desde o concello de Noia e no ano 1993 nos temos irmanado coa daira ou concello de Mahbes, asi como tamén desde hai xa moitos anos vimos colaborando co programa de “Vacacións en Paz”.

Mais isto non é suficiente e o noso compromiso coa causa do pobo saharaui traducirase nos vindeiros anos en novas iniciativas políticas e humanitarias desde o concello como: esixencia aos organismos internacionais e ao estado español o respecto ás resolucións de Nacións Unidas para que o pobo saharaui poda regresar ao seu territorio e reclamación do respecto aos dereitos humanos nos territorios ocupados; levaremos a cabo tamén campañas de sensibilización social, cooperación humanitaria, etc… ).

Remato dándovos novamente a benvida en nome dos veciños e veciñas de Noia, desexándovos que estes meses de estancia no noso concello, no seo das vosas familias de acollida, foran inesquecíbeis e reitero o meu agradecemento ás familias acolledoras polo voso compromiso solidario do que os veciños e veciñas de Noia nos sentimos moi orgullosos.

Moitas grazas.


Posted via email from Certo.gl, o xornal dixital de Barbanza e Noia

A Pobra: a fotografía enche os locais culturais da vila agora en setembro

Invitación exposición asociación Olláparo.pdf Download this file

  • O colectivo "Olláparo", de Boiro, colga "Olladas na Pobra"
  • A Fundación Barrié trae o traballo de Alberto Martí na monumental exposición "Os adeuses"
Media_httpfarm7static_fsjna

A Pobra do Caramiñal, 31 de agosto de 2011. Setembro vai ser un mes adicado á fotografía na Pobra. Ou iso semella, logo de xuntarse dúas exposicións desta arte. Por unha banda, a Asociación Amigos do Museo Valle-Inclán, en colaboración coa concellería de Turismo da Pobra, promove unha mostra fotográfica de imaxes coa Pobra como protagonista realizada pola asociación fotográfica OLLÁPARO, que leva o título "Olladas na Pobra". A inauguración da mostra terá lugar o xoves día 1 de setembro na Casa Mariñeira (oficina de turismo da Pobra) ás 20:30 horas.

FOTOGRAFÍAS DE ALBERTO MARTÍ

Media_httpculturagale_iynfe

Imaxe tomada de Culturagalega.org

Casa da Cultura de A Pobra do Caramiñal // 2-20 septiembre 2011

La Fundación Barrié, en colaboración con el Ayuntamiento de A Pobra do Caramiñal, mostrará en la Casa da Cultura de A Pobra desde el 2 de septiembre la exposición “Os Adeuses”, con 45 fotografías sobre la emigración gallega del retratista coruñés Alberto Martí Villardefrancos

  • “Os Adeuses. Fotografías de Alberto Martí” es una exposición que recrea en  imágenes el éxodo gallego hacia América en las décadas de los años cincuenta y sesenta del siglo XX, desde los puertos de Vigo y A Coruña, y el posterior regreso a Galicia.
  • La muestra, organizada por el Consello da Cultura Galega y el Centro Galego de Artes da Imaxe (CGAI), dependente de la Secretaría Xeral de Medios de la Presidencia de la Xunta de Galicia, se expondrá entre el 2 y el 20 de septiembre en la Casa da Cultura de A Pobra.
  • Alberto Martí Villardefrancos (A Coruña, 1922) es considerado un “retratista de historias humanas”, cuya vocación por la fotografía empezó cuando tenía solamente doce años y sus imágenes se convirtieron en testimonio de la historia de Galicia.

La Fundación Barrié mostrará, entre el 2 y el 20 de septiembre de 2011, en la Casa da Cultura de A Pobra do Caramiñal, la exposición Os Adeuses. Fotografías de Alberto Martí, con 45 imágenes distribuidas en tres áreas: A Ida, A Volta y O Buque Santa María, que reflejan las experiencias de las despedidas de muchos gallegos emigrantes hacia América en los años cincuenta y sesenta del siglo XX desde los puertos de Vigo y A Coruña.

O Buque Santa María(1961) es un reportaje de Alberto Martí sobre el secuestro del buque portugués Santa María que cubría la ruta Caracas-Lisboa-Vigo por el Directorio Revolucionario Ibérico de Liberación (DRIL) y se acompaña de un emotivos capítulos del NO.DO que recrea con imágenes este pasaje con la llegada a Vigo, en febrero de 1961, de los secuestrados por el DRIL en enero de ese año.

Alberto Martí Villardefrancos (A Coruña, 1922) es considerado un “retratista de historias humanas” y cada una de las fotografías que conforman esta exposición desborda emoción, sentimiento, frescura y naturalidad. Alberto Martí lleva más de 70 años dedicado a la fotografía, y trabajó durante 50 años como reportero de La Voz de Galicia. Recibió gran cantidad de premios nacionales e internacionales, en ciudades como Madrid, Barcelona y Buenos Aires, y parte de su obra está publicada en un libro monográfico editado por el Concello de A Coruña. La selección de imágenes elaborada para esta exposición por su coordinador técnico, el fotógrafo José Caruncho, de los innumerables negativos del archivo de Martí revela no sólo imágenes de este fotógrafo menos conocidas por el público sino también instantes para el recuerdo de aquellos que fueron actores o espectadores de la emigración.

Con estas fotografías, Alberto Martí fue llenando de forma sistemática y paciente su cámara fotográfica de figuras y de sentimientos, de esperanzas y de tristezas. Lo que aquí se muestra es una etapa bien concreta de la emigración americana, la década de los años cincuenta. Este fenómeno representó un proceso lleno de luces y sombras pero que constituyó uno de los aspectos fundamentales de la historia contemporánea gallega porque afectó a todas las facetas de la vida económica, política y social. El título de la exposición simboliza el mundo de los sentimientos que acompañaron a personas, baúles, fardos y maletas grabándolos para siempre en la memoria colectiva.

Las 45 fotografías de tamaño 40x40 cm están montadas en marcos de madera natural en 60x70 cm. Todas ellas están positivadas en papel baritado de gelatinobromuro de plata de la marca Ildord y giradas al selenio para su conservación. La mayoría de las fotos nunca se habían revelado.

José Caruncho. Coordinador técnico, positivado y selección de las fotografías

José Caruncho lleva 20 años dedicado a la fotografía profesional. Realizó más de 25 exposiciones individuales y participó en más de 30 colectivas. Sus trabajos más importantes son la colección de Homenajes compuesta por 21 fotografías, colecciones de retratos y las colecciones dedicadas a espacios naturales de Galicia y a la Galicia rural, recogidas en la publicación Olladas do silencio. Participó y publicó varios libros entre los que destacan: Positivado en Blanco y Negro por el Centro de Estudos fotográficos, Rocas del tiempo de Caixa Galicia, Muros alma mareira del Ayuntamiento de Muros, Homenajes de Ediciones Budi, Olladas do silencio de la Xunta de Galicia.

Ha comisariado la exposición sobre Inocencio Schmidt de las Heras. Su obra se encuentra en diferentes colecciones institucionales y privadas, en donde destaca La Verve Fine Arts Gallery, New Mexico/EUA y la Harry Ramson Center Photography, University of Texas/Austin EUA, una de las mejores colecciones de fotografía del mundo y que en el año 2007 le compraron la colección de los 21 Homenajes.


Posted via email from Certo.gl, o xornal dixital de Barbanza e Noia

Ribeira: a asociación "Francisco Lorenzo" de Aguiño, encantada co nomeamento do novo párroco

Carta ao Arzobispo sobre nomeamento Parroco Aguiño agot 2011.pdf Download this file

Media_httpfarm4static_jvihg

Ribeira, 31 de agosto de 2011. A asociación "Francisco Lorenzo" de Aguiño enviou unha carta ao Arcebispo de Santiago agradecéndolle o nomeamento do Párroco de Aguiño, David Mohedano Mira.
 

Posted via email from Certo.gl, o xornal dixital de Barbanza e Noia

Ribeira: o luns 12 de setembro, I Open Show Dance "Cidade de Riveira"

Bases Concurso Baile Riveira.pdf Download this file

Ribeira, 31 de agosto de 2011. O departamento de Xuventude do Concello de Ribeira, que dirixe Aroa Fernández Cadórniga, informa que para o vindeiro luns día 12 de setembro de 2011 e coincidindo coas festas da Padroa de Ribeira, Santa Uxía, vaise desenvolver o Concurso de Baile "I OPEN SHOW DANCE CIDADE DE RIVEIRA"


Bases

Posted via email from Certo.gl, o xornal dixital de Barbanza e Noia

Noia: o XI Encontro de Habaneras, este domingo 4 de setembro na igrexa de San Martiño


O ano pasado as habaneras coincidiran co San Bartolomeu

Noia, 31 de agosto de 2011. Este domingo, 4 de setembro, terá lugar o XI ENCONTRO DE HABANERAS NA IGREXA DE SAN MARTIÑO DE NOIA ÁS 21:00 horas.

 
As corais participantes son: A coral Polifónica de Noia, A Coral "Virxe do Carme " de Porto do Son, A Coral "A Xuntanza" de Santiago e a Coral Liceo de Noia
 
Este encontro está organizado pola concellería de cultura do Concello de Noia. e colaboran as corais Liceo de Noia, Polifónica de Noia e a Deputación provincial da Coruña. 

Pode que tamén lle interese:




Posted via email from Certo.gl, o xornal dixital de Barbanza e Noia

Boiro: as Festas do Carme de Abanqueiro celébranse esta fin de semana, 3 e 4 de setembro

Carme_2011

Boiro, 31 de agosto de 2011. A comisión de Festas de Abanqueiro voltou dar exemplo e gabeou un banzo máis para acadar unhas festas do Carme moi completas.

Este sábado, 3 de setembro, haberá mexilloada e pinchos todo o día. Pola tarde, inchables para os nenos mentres un grupo de mulleres e homes farán unha capela floral no peirao, na cal se oficiará a misa do Carme do Domingo.
Xa pola noite, as orquestras que animarán a verbena a partires das 22:00 horas son o Trío Cibeles de Vigo e un conxunto de rapaces dun grupo local que está comezando.



O domingo, 4 de setembro, é o Día do Carme en Abanqueiro. Ás 10:45 baixarán santos en procesión ata o peirao co grupo de gaitas "A Buxaina". De seguido haberá misa cantada no peirao do Bodión e dará o remate unha procesión marítima coa súa correspondente ofrenda floral polos defuntiños do mar. Á volta vaise recibir á Virxe cunha gran tirada de foguetes mentres anima A Buxaina coas súas gaitas.

Dende as 12:30 haberá mexilloada, churrascada e unha paella farturenta no peirao do Bodión. Ademais, este ano contan cunhas empanadas de categoría, feitas para o Día do Carme por un restaurante local.

 
A verbena do domingo vai ser amenizada polo trío V3 e sobre as 11:45 haberá unha boa tirada de fogos de artificio acuáticos dende unha plataforma fondeada no mar á que contribuíron Otero e Losada así como o asteleiro de bateas de Manuel Sánchez.

A comisión agradece a veciñas, veciños, negocios e empresas que contribuíron economicamente a que estas festas puideran saír adiante.


Posted via email from Certo.gl, o xornal dixital de Barbanza e Noia

Política: o Psoe propón liquidar as cinco delegacións territoriais, ás que tacha de "minideputacións"

  • Os socialistas aseguran que se aforrarían xa tres millóns de euros por ano con este cambio e apunta outras medidas, como a fusión de empresas públicas, co que se chegaría a un aforro de 50 millóns
  • Unha das fusionadas debería ser Xestur (hai catro) e avoga pola integración no Igape das funcións, recursos, persoal e patrimonio de BIC Galicia, Xesgalicia, Sodiga e Inesga
  • Lage Tuñas denuncia que no Igape hai case tanta xente mandando como traballando (42 directivos para 91 operarios) e foi moi crítico co Goberno de Feijóo, ao afirmar que "Galicia leva un mes sen Goberno mentras no Estado o goberno reuniu tres veces ao Consello de Ministros para facer fronte á crise".

Santiago de Compostela, 31 de agosto de 2011. O portavoz da Área Institucional do Grupo Socialista, José Manuel Lage Tuñas, presentou hoxe en rolda de prensa unha proposición non de lei para reclamar ao Goberno galego que modifique a estructura organizativa da Xunta para facela máis racional, máis operativa e máis eficiente.

“Os socialistas facemos unha proposta construtiva para que a actual estrutura da Xunta de Galicia sexa modificada co obxecto de acadar unha maior eficiencia na administracción dos recursos públicos, podendo chegar a aforrar cincoenta millóns de euros no caso de levar á práctica a proposta que vimos de presentar”, explica Lage Tuñas.

O deputado do PSdeG afirma que “na actualidade existen centros directivos claramente prescindibles, moito máis aínda na situación actual de crise económica, e é aí onde se deben practicar os recortes, no gasto corrente improductivo”.

Mini-deputacións

O deputado socialista reclamou “celeridade” ao Goberno de Feijoo para sacar adiante esta reforma “para dar carpetazo a un mal invento como son as delegacions territoriais, xa que o único que pretender facer destes organismo é ser unha mini-deputacion para repetir o modelo clientelar das administración onde goberna o PP”, como por exemplo as deputacións de Ourense e Pontevedra.

Nesta liña os socialistas defenden a supresión das 5 Delegacións Territoriais da Xunta. Lage dixo que estas Delegacións operan dentro da administración autonómica como se foran “mini-deputacions” e están supoñen un gasto improdutivo de máis de 3 millóns de euros. Asegura que son organismos prescindibles e que non aportan nada á mellora dos servicios que se lles presta aos galegos na estrutura periférica da Xunta, xa que ésta funciona razoablemente ben baixo a coordenación dos/as xefes/as territoriais (antigos delegados/as provinciais) de cada consellería da Xunta.

O parlamentario socialista advirte que os Superdelegados foron nomeados por Feijóo como comisarios políticos para controlar a asignación de convenios e subvencións no ámbito local e como “unha extensión do PP dentro da Xunta, seguindo o modelo clientelar co que opera xa dende fai tempo o PP nas Deputacións de Pontevedra e Ourense”.

Lage Tuñas recorda que estas estructuras conta dende a súa creación cun potente gabinete de apoio, dotado con persoal eventual e asesores ao servizo dos novos/as delegados/as territoriais.

“A creación das figuras dos delegados e delegadas territoriais non ten suposto ata a data ningunha mellora na administracción dos asuntos ordinarios das galegas e dos galegos, e á vista da súa nula repercusión supón un claro despilfarro, dado que se ten demostrado que son postos absolutamente prescindibles. “

“A súa presencia é irrelevante no funcionamento da administracción pública galega, polo que é razoable a supresión inmediata da citada estructura o que permitirá aforrar máis de tres millóns de euros ao ano á Xunta de Galicia.”

Proposta construtiva

Afirma Lage que na actualidade hai centros directivos da Xunta que son prescindibles. Dixo que a folla política de Feijóo caracterizase “pola ausencia de ideas: só hai que ver como se aproban máis informes nos consellos da Xunta que acordos ou proxectos lexislativos”.

Na súa iniciativa Lage Tuñas propón tamén que se fusionen as catro empresas Xestures, nunha única Xestur, e integrar no Igape os recursos, persoal e patrimonio de BIC Galicia e das sociedades Xesgalicia, Sodiga e Inesga procedendo a súa disolución.

O portavoz da Área Institucional do Grupo Socialista reclama que se racionalice o volume de cargos directivos e do persoal de libre designación do IGAPE así como racionalizar a estrutura directiva da Presidencia da Xunta evitando duplicidades.

Denunciou que o IGAPE ten 42 directivos e persoal de libre designación para unha plantilla de 91 empregados, co que ve necesario “racionalizar o gasto en persoal directivo neste organismo público”.

Lage pretende con esta proposta evitar o deterioro dos servizos públicos da nosa Comunidade e facer unha proposta constructiva para que o goberno recorte gasto improductivo e non o faga en sanidade ou educación como xa fixo no exercicio 2011

Fundacións Comarcais seguen sin disolverse

O deputado do PSdeG fixo alusión “á publicidade engañosa á que nos ten acostumados o sr. Feijóo pregonando racionalización ou austeridade” e puxo como exemplo do engano a situación das Fundacións Comarcais creadas baixo os gobernos do Partido Popular.

“Como pode observarse dous anos e medio despois da súa toma de posesión e de reiterados anuncios, aínda non foi quen de disolver as trinta e catro (34) fundacións comarcais a pesares de que o anuncia cada tres meses.”

Lage considera “intolerablecomprobar que o goberno galego en dous anos e medio aínda non acometeu a disolución da totalidade das fundacións comarcais pero si foron dilixentes para practicar recortes e diminuir os fondos públicos no ámbeto da educación, da investigación, da sanidade, da cultura ou dos servizos sociais.”

Goberno ausente

O parlamentario criticou con dureza as previsións estivais da Xunta e afirmou que “Galicia leva un mes sen Goberno mentras no Estado o goberno reuniu tres veces ao consello de Ministros para tomar medidas fronte á crise e as Cortes tiveron actividades tanto en xullo como en agosto”.

Lage dixo que “nun contexto de crise económica como o actual é difícil entender que non houbese reunións do Consello da Xunta durante un mes. O Goberno Galego esta desaparecido e Feijóo esta “missing”, parece a Bella Durmiente, parece que está esperando a que veña Mariano Rajoy e o esperte o vindeiro 3 de setembro”.

Dixo que esta actitude pon de manifesto “a escaseza de ideas e de proxectos lexislativos do Goberno de Feijoo”. E resumiu “Feijoo non ten ideas para Galicia e ten a cabeza noutro sitio”, espetou. Dixo que “os Conselleiros teñen que adicarse a algo mais que asistir a festa da da tortilla ou da ostra, a Xunta ten que ser algo mais que unha Comisión de Festas”, espetou.

Lage_tuas-2011a

69050-PNP Simplificar actual estrutura institucional Xunta de Galicia.pdf Download this file

Posted via email from Certo.gl, o xornal dixital de Barbanza e Noia

Mar: piden explicacións á Consellería polo "alarmante e escandaloso" aumento do furtivismo en Galicia

69055-poc-datos furtivismo.pdf Download this file


  • A portavoz de Pesca do Grupo Parlamentario dos Socialistas de Galicia, Marisol Soneira, quere coñecer, entre outros asuntos, cantos recursos adica a Xunta de Galicia á persecución, detección e prevención do furtivismo e cantos deles van diretamente ás confrarías e ás agrupacións de mariscadores

Media_httpfarm4static_ipqky

Barbanza-Noia, 31 de agosto de 2011. A portavoz de Pesca do Grupo Parlamentario dos Socialistas de Galicia, Marisol Soneira, anunciou hoxe que rexistrou unha inactiva na Cámara Autonómica na que reclama explicacións á Conselleira Mar polo “alarmante e escandaloso aumento do furtivismo en Galicia”. 

Soneira lembra que o furtivismo é un vello problema que ten moitas casuísticas que, englobadas todas baixo esa denominación, abrangue situacións que van dende persoas en situación de exclusión social que non ven outra saída que o saqueo das concesións marisqueiras, ate o profesional do mar que, por vulnerar algunha disposición da normativa aplicable a súa actividade, sofre a correspondente sanción.  

A portavoz de Pesca dixo que a Consellería do Mar asignouse o louvable obxectivo de erradicar o furtivismo das nosas costas e rías pero advirte que “os resultados obtidos non parece que teñan acadado o éxito anunciado”. Replica que ao longo de mais de dous anos de exercicio do goberno o único resultado que nos amosa a Xunta de Galicia son datos estatísticos -algúns deles mais que cuestionables- sobre o número de artes aprehendidas ou o número de denuncias feitas polos servizos de inspección pesqueira.  

A parlamentaria socialista dixo que “o problema de fondo non só non ten remitido senón que parece estar fóra de control xa que os datos feitos públicos ao longo deste verán son moi preocupantes en canto ao número de episodios e en canto a gravidade dos mesmos nalgún caso”. 

Por todo esto Soneira reclama coñecer, e con iso tamén os cidadáns aos que representa o seu partido, o seguinte:

1.ª) Como valora a Xunta de Galicia a evolución do fenómeno do furtivismo, nas nosas costas e rías, no período de Goberno en que Dna. Rosa Quintana está o fronte dos intereses pesqueiros e marisqueiros de Galicia? 

2.ª) Da experiencia adquirida durante o período, cantos dos expedientes incoados foron a profesionais do mar e cantos a persoas alleas á actividade pesqueira ou marisqueira? 

3.ª) Das denuncias feitas, cantas foron por accións que precisaban dunha embarcación e cantas onde non era necesario? 

4.ª) Cantas denuncias se teñen feito a pescadores deportivos por infracción en materia de pesca? cantas a establecementos depuradores, comercializadores ou de hostalaría? 

5.ª) Cantos recursos dedica a Xunta de Galicia á persecución, detección e prevención do furtivismo? cantos deles van directamente ás confrarías e ás agrupacións de mariscadores? 

6.ª) Como valora a Sra. conselleira os resultados acadados polo seu departamento na resolución deste problema endémico?

Posted via email from Certo.gl, o xornal dixital de Barbanza e Noia

29.8.11

Xadrez: 59 inscritos na I Copa Barbanza que se celebrou en Rianxo

Media_httpfarm3static_cqhfi

Rianxo, 29 de agosto de 2011. O Club Distribunosa-Xadrez Rianxo non cabe en si de ledicia trala exitosa celebración da Copa Barbanza 2011 de Xadrez, a primeira da historia. O certame xadrecístico, organizado por este club, contou con gran afluenza de participantes e público. O 59 inscritos amosaron un gran nivel de xogo e tamén fixeron gala dunha excepcional camaradería, polo que se puideron ollar grandes partidas e un ambiente san e competitivo que fixeron desfrutar a todos os afeccionados que se achegaron a Rianxo. Segundo os organizadores, "isto déixanos moi bo padal como preámbulo do III Torneo Internacional Distribunosa Guadalupe 2011, que se vai disputar o sábado 10 de setembro.

Os resultados do club Distribunosa-Xadrez Rianxo nesta I Copa Barbanza foron:
2º clasificado categoría Absoluta: Manuel Ángel Abuín Boullón (Distribunosa-xadrez rianxo).
1º clasificado categoría Femenina: Clara Rey Vicente (Escola Xadrez Rianxo).
Campeón sub 16: Daniel Fernández Romero (Escola Xadrez Rianxo).
Campeón sub 14: José Benito Cores Rañó (Escola Xadrez Rianxo).

Campiona sub 12: Tania Rey Vicente (Escola Xadrez Rianxo).
Campión sub 10: Jorge Méndez Rial (Distribunosa-xadrez rianxo B).
Campeón sub 8: Marco Bravo Rodriguez (Escola Xadrez Rianxo B).


Trofeo en categoría absoluta:
1º Clasificado: Diego Espiñeira Gonzalez (C.A. Padrón)
2º clasificado: Manuel Ángel Abuín Boullón
(Distribunosa-Xadrez rianxo).
3º Clasificado: Jesús Rodríguez perez (Marquiño).

Ademais, para acabar de rematala, o axedrecista Manuel Abuín Boullón gañou o primeiro posto en categoría absoluta no XVI Torneo Activo Lalín Pontiñas CCO Haley, que se disputou o pasado sábado 27 de agosto.

Posted via email from Certo.gl, o xornal dixital de Barbanza e Noia

Porto do Son: o Curro da Enxa, esta fin de semana, o 3 e 4 de setembro

Curro_da_enxa

Vía Paco do Martelo, aquí

E non se esqueza de que as Festas de Nebra son este 31 de agosto e 1 de setembro. Ten toda a información no internauta que máis e mellor informa de Nebra, aquí

Posted via email from Certo.gl, o xornal dixital de Barbanza e Noia

Porto do Son: o Curro da Enxa, esta fin de semana, o 3 e 4 de setembro

Curro_da_enxa

Vía Paco do Martelo, aquí

E non se esqueza de que as Festas de Nebra son este 31 de agosto e 1 de setembro. Ten toda a información no internauta que máis e mellor informa de Nebra, aquí

Posted via email from Certo.gl, o xornal dixital de Barbanza e Noia

Noia: o venres 2 de setembro e o sábado 3, segunda edición do Cantón's Jazz&Blues Festival

Canton_jazzblues_2011

Noia, 29 de agosto de 2011. Esta fin de semana, dende o venres 2 de setembro ata o sábado 3, terá lugar a segunda edición do Cantón Jazz & Blues Festival, organizado polos locales Tasca típica, Resto pub, Trócolo e Cafetería Babilonia coa colaboración do Concello de Noia.

Nesta ocasión haberá unha innovación en forma de Obradoiros para todos aqueles músicos noveles ou non que estean interesados.

Bandas que participan:

DROPS QUARTET (venres 2 as 22:00h na Praza do Cantón)

Juan Manuel Varela Louro naceu en Noia. Inicia seus estudios de Piano da man de Martín Millán, obtendo o Título Superior coas máximas calificacións. Dende o 1.996 cursa estudios de I...mprovisación con Suso Atanes na “ Escola de música Estudio” continuándoos con Abe Rábade. Na escola “Drops” toma clases con Andrés Rivas.
Participa no WORKSOP de Big-Band encadrado no VII Festival de Jazz de Oporto, impartido por CECIL BRIDGEWATER, quen, a súa vez encargase das clases de improvisación.
Realiza master-class de improvisación con BARRY HARRIS, ULF RADELIUS, SKIP HADEN a JARMO SAVOLAINEN.
Forma parte do grupo de Jazz KIN GARCÍA TRÍO con que leva a cabo a presentación de diferentes traballos discográficos.Actualmente e Profesor de Piano é Harmonía no Conservatorio de Música de Noia (A Coruña) “Felipe Paz Carvajal”.

JAZZ FREQUENCY GROUP (venres 2 as 23:30h na Praza do Cantón)
Paco Charlin nace en Vilanova de Arousa e a súa formación musIcal comeza aos 8 anos de idade con profesores privados de solfexo e baixo eléctrico, pasando mais tarde a formarse en diversas escolas de música. En 1996 obtén duas Becas da mais prestixiosa Universidade de jazz e música moderna do mundo “Berklee College of Music”. Ten actuado en diferentes festivais nacionais e internacionais (Grecia, Cuba, Uruguay, Dinamarca, Israel, Estados Unidos, Argentina, Tánger, Helsinki, Isla de Madeira, etc.) e participou en numerosas grabacións xunto con músicos como Mark Turner, Lage Lund, Sheila Jordan, Chris Cheek, Steve Kuhn, Miguel Zenon, Jaleel Shaw, Logan Richardson, Jonathan Kreisberg, Marcus Gilmore, Tommy Crane, Johnathan Blake, Aaron Goldberg, John Riley, E..J. Strickland, Ambrose
Akinmusire, Donald Edwards, Marcus Strikland, etc…
Logan Richardson: Sax
Iago Vázquez: Piano
Paco Charlín: Contrabaixo
Máx Gómez: Bateria

BLUESMAKERS (sábado 3 as 22:30h na Praza do Cantón)

Banda lexendaria dentro do panorama musical galego, que dende o ano 92 ganouse a pulso a admiración do público. Despois de dezanove anos de andadura, o grupo ten as sus costas preto de 500 actuacións (entre elas o 1ero Festival de Blues das Ilas Açores e o 8º Matosinhos em Jazz onde compartiron cartaz con Toots Thielemans, Larry Coryell, John Abercrombie, Rufus Reid, Shemekia Copeland...), varias aparicións ao vivo na radio e televisión, a participación en diversas actividades audiovisuais, e catro CDs gravados , o último deles editado pola discográfica "Pai música".
No estilo inicial do grupo enmarcouse dentro do Blues eléctrico, pero ao largo deste anos evolucionaron cara o son acústico da música negra de principios del século pasado. Este viaxe, procurando as orixes do Blues, permitiu recuperar a tradición das "street bands" ou bandas de rúa, utilizando instrumentos pouco usuais e sorprendentes como a táboa de lavar, a guitarra de aceiro, as culleres a mandolina ou o kazoo.

SPOONFUL OF BLUES (sábado 3 as 23:59h na Praza do Cantón)

Banda que vive dende finais do 2009 é liderada por Edy “O zurdo” Evans que toca a armonica, a guitarrra e canta.
O inglés Evans, gran cantante e compositor con máis de corenta anos de experiencia leva 20 anos vivindo en Tomiño (pontevedra) coa súa familia.
Formou parte da prestixiosa banda de blues “DR.HELLO” durante 10 anos(1991-2001) e tamén tocou con estrelas do blues como Jonhy Copeland, Magic Slim, Pau Orta, Grant Stewart e un longo etc.

Atención, músicos e afeccionados interesados:

Para apuntarse ao Obradoiro de música, só tendes que enviar un mail a esta dirección: cantonjazzbluesfestival@gmail.com, e recibiredes información sobre os horarios, inscricións,etc

Páxina en Facebook

Para seguir todas as novidades deste festival hai unha páxina creada en Facebook, aquí

Posted via email from Certo.gl, o xornal dixital de Barbanza e Noia

Noia: o venres 2 de setembro e o sábado 3, segunda edición do Cantón's Jazz&Blues Festival

Canton_jazzblues_2011

Noia, 29 de agosto de 2011. Esta fin de semana, dende o venres 2 de setembro ata o sábado 3, terá lugar a segunda edición do Cantón Jazz & Blues Festival, organizado polos locales Tasca típica, Resto pub, Trócolo e Cafetería Babilonia coa colaboración do Concello de Noia.

Nesta ocasión haberá unha innovación en forma de Obradoiros para todos aqueles músicos noveles ou non que estean interesados.

Bandas que participan:

DROPS QUARTET (venres 2 as 22:00h na Praza do Cantón)

Juan Manuel Varela Louro naceu en Noia. Inicia seus estudios de Piano da man de Martín Millán, obtendo o Título Superior coas máximas calificacións. Dende o 1.996 cursa estudios de I...mprovisación con Suso Atanes na “ Escola de música Estudio” continuándoos con Abe Rábade. Na escola “Drops” toma clases con Andrés Rivas.
Participa no WORKSOP de Big-Band encadrado no VII Festival de Jazz de Oporto, impartido por CECIL BRIDGEWATER, quen, a súa vez encargase das clases de improvisación.
Realiza master-class de improvisación con BARRY HARRIS, ULF RADELIUS, SKIP HADEN a JARMO SAVOLAINEN.
Forma parte do grupo de Jazz KIN GARCÍA TRÍO con que leva a cabo a presentación de diferentes traballos discográficos.Actualmente e Profesor de Piano é Harmonía no Conservatorio de Música de Noia (A Coruña) “Felipe Paz Carvajal”.

JAZZ FREQUENCY GROUP (venres 2 as 23:30h na Praza do Cantón)
Paco Charlin nace en Vilanova de Arousa e a súa formación musIcal comeza aos 8 anos de idade con profesores privados de solfexo e baixo eléctrico, pasando mais tarde a formarse en diversas escolas de música. En 1996 obtén duas Becas da mais prestixiosa Universidade de jazz e música moderna do mundo “Berklee College of Music”. Ten actuado en diferentes festivais nacionais e internacionais (Grecia, Cuba, Uruguay, Dinamarca, Israel, Estados Unidos, Argentina, Tánger, Helsinki, Isla de Madeira, etc.) e participou en numerosas grabacións xunto con músicos como Mark Turner, Lage Lund, Sheila Jordan, Chris Cheek, Steve Kuhn, Miguel Zenon, Jaleel Shaw, Logan Richardson, Jonathan Kreisberg, Marcus Gilmore, Tommy Crane, Johnathan Blake, Aaron Goldberg, John Riley, E..J. Strickland, Ambrose
Akinmusire, Donald Edwards, Marcus Strikland, etc…
Logan Richardson: Sax
Iago Vázquez: Piano
Paco Charlín: Contrabaixo
Máx Gómez: Bateria

BLUESMAKERS (sábado 3 as 22:30h na Praza do Cantón)

Banda lexendaria dentro do panorama musical galego, que dende o ano 92 ganouse a pulso a admiración do público. Despois de dezanove anos de andadura, o grupo ten as sus costas preto de 500 actuacións (entre elas o 1ero Festival de Blues das Ilas Açores e o 8º Matosinhos em Jazz onde compartiron cartaz con Toots Thielemans, Larry Coryell, John Abercrombie, Rufus Reid, Shemekia Copeland...), varias aparicións ao vivo na radio e televisión, a participación en diversas actividades audiovisuais, e catro CDs gravados , o último deles editado pola discográfica "Pai música".
No estilo inicial do grupo enmarcouse dentro do Blues eléctrico, pero ao largo deste anos evolucionaron cara o son acústico da música negra de principios del século pasado. Este viaxe, procurando as orixes do Blues, permitiu recuperar a tradición das "street bands" ou bandas de rúa, utilizando instrumentos pouco usuais e sorprendentes como a táboa de lavar, a guitarra de aceiro, as culleres a mandolina ou o kazoo.

SPOONFUL OF BLUES (sábado 3 as 23:59h na Praza do Cantón)

Banda que vive dende finais do 2009 é liderada por Edy “O zurdo” Evans que toca a armonica, a guitarrra e canta.
O inglés Evans, gran cantante e compositor con máis de corenta anos de experiencia leva 20 anos vivindo en Tomiño (pontevedra) coa súa familia.
Formou parte da prestixiosa banda de blues “DR.HELLO” durante 10 anos(1991-2001) e tamén tocou con estrelas do blues como Jonhy Copeland, Magic Slim, Pau Orta, Grant Stewart e un longo etc.

Atención, músicos e afeccionados interesados:

Para apuntarse ao Obradoiro de música, só tendes que enviar un mail a esta dirección: cantonjazzbluesfestival@gmail.com, e recibiredes información sobre os horarios, inscricións,etc

Páxina en Facebook

Para seguir todas as novidades deste festival hai unha páxina creada en Facebook, aquí

Posted via email from Certo.gl, o xornal dixital de Barbanza e Noia

27.8.11

Literatura: Francisco Rodríguez presenta a Rosalía en Noia: o desencanto e a lucidez

Por Ramón Torrado

Da Matanza de Padrón ó antigo Matadeiro de Noia, que é onde está ubicado o novo Edificio Administrativo Espírito Santo, foi trasladada por un día a presenza de Rosalía de Castro a través da persoa que probablemente máis sabe dela no mundo. Onte, 26 de agosto do 2010, tivo lugar unha resurreción, ou alomenos un achegamento profundo á máis xenial muller galega, e tamén a todos nós.

      A sala de conferencias quedou pequena para o público, no que se encontraban escritores como Carlos Mosteiro, Ramón Carredano Cobas e Xerardo AgraFoxo, e políticos da esquerda, xunto con investigadores e algunha xuventude de aspecto estudiantil. Había varias fotógrafas profesionais e axitadores culturais, como Lois o irmán do malogrado dramaturgo noiés Xosé Agrelo.

      Como facía Agrelo, o home complexo que é o ferrolán Francisco Rodríguez transfórmase con facilidade nun orador electrizante. Onte, o seu rostro era unha personificación do desencanto. El leva toda a vida loitando pola súa terra galega, e loitando por revelar a imaxe verdadeira de Rosalía, rebelándose contra os escurecedores.

      Unha vez máis no curso dos anos, el esta vez prestouse a desvelar algo do misterio que rodea á estrela de Padrón. A ocasión era presentar un libro no que leva traballando … 30 anos! Trátase de “Rosalía de Castro, estranxeira na súa patria (a persoa e a obra de onte a hoxe)”. Un home incansable, congresista moitos anos que mesmo gañou a admiración do Presidente Zapatero, apenas se permitiu uns risos irónicos, brutais e para si mesmo, durante a dura elocución.

      Contou as últimas novidades, case todas basadas en cartas, que van aportando pezas do puzle que retrataría á muller e persoa que era Rosalía: “simpática, imaxinativa, talentosa, honesta, boa cociñeira (preparaba deliciosas empanadas de muxo), e en especial alguén en quen se podía confiar plenamente, como facía o editor católico Soto Freire, que mesmo lle contaba por carta os seus problemas matrimoniais”. Con furia reprimida, Paco contou que aínda hai pouco na Universidade de Santiago se presentaba nas aulas a Rosalía como unha muller inculta, case analfabeta, á que igual era o marido Manuel Murguía quen lle escribía as obras.

      Xa no seu vídeo persoal inicial, duns 12 minutos, no que se ofrece un percorrido polas casas de Rosalía en Compostela – un vídeo moi emocionante, en especial na parte final adicada a Cornes e Conxo – se avisaba do ocultamento que fan os poderes conservadores con Rosalía, deixada a un lado polo Xacobeo, cando Santiago debería ser como o Dublín de Joyce ou a Praga de Kafka, coa diferenza de ser unha muller o corazón cultural. Pois ben, como sinalou o ferrolán, ela segue a ser vítima de nós mesmos na actualidade.

      Así, nun instituto Rodríguez viu como no 125 aniversario do pasamento da autora, as paredes estaban cheas de cartaces honrando a Miguel Hernández, pero nada, tampouco oficialmente, lembraba a Rosalía. Tamén explicou, nun intre vibrante do seu discurso, o contraste en vida de Rosalía coa villana no día de onte: unha muller moi lista, moi rica, moi esixente coa moral excepto para si mesma, e unha muller que loitou contra o galego e a cultura galega. Emilia Pardo Bazán, reaccionaria e vanidosa en extremo, paradoxalmente reverenciada por algunhas feministas segundo sinalou Rodríguez, non dubidou en atacar a Rosalía mesmo cando esta acababa de morrer.

      Con tristura tivemos que escoitar neste novo edificio, grazas a unha das moitas acertadas preguntas que fixo o presentador Xabier Castro, das dramáticas condicións vitais da nosa amada escritora nos derradeiros anos. Sen mencionar xa o cancro de útero, visionamos a súa pobreza, cavando ela mesma na casa da Matanza, abandoada por Murguía (revelouse que nunhas fichas biográficas o escritor de Pontevedra Víctor Said Armesto apunta a que o grande defensor intelectual de Rosalía tiña unha amante daquela en Santiago), quedaba sumida (como o seu fillo Ovidio!, outra revelación) no alcohol, e incluso se adentraba en pensamentos suicidas. Todo, mentres que Dona Emilia era regada con flores e múltiples honores (uns versos ácidos de Rosalía demostran que esta era consciente da inxustiza).

      Máis, preguntouse con ironía Rodríguez, onde está agora Pardo Bazán? Non debería ter unha estatua en Guadalajara? Ela, e os outros escritores galegos en español, “asimilados” – mencionou a Torrente Ballester – acaban sendo esquecidos pola cultura española.

      Pero non por nós! Rosalía de Castro non deberá ser nunca esquecida pola xente da terra que ela tanto amaba. Francisco Rodríguez fundeuse nun abrazo comigo cando xa rematara a presentación. El foi quen me animou a engadir catro capítulos máis á miña biografía novelada inédita da poeta do río Sar. Tal vez porque non coincidimos na relación que ela tivo con Aurelio Aguirre (que non foi mencionado onte, como si o foi outro fiel amigo, Eduardo Pondal), Paco non lembraba o meu nome, pero si tivo o detalle de apuntar na dedicatoria que me fixo o seguinte: “a un fan de Rosalía e a súa obra, que sabe canta bondade e enerxía contén”.

      Quédame por engadir que, durante este memorable acto, que debería ter sido gravado en vídeo para ser reproducido con frecuencia por toda a nosa xeografía, só unha persoa, a amiga Isabel, do Bierzo leonés, se atreveu a intervir. A miña decepcionante timidez impediu que eu preguntase algo, aínda vendo que cada pregunta traía respostas interesantísimas e apartaba sombras. Isabel, como eu mesmo, discrepaba da afirmación de Rodríguez de que Rosalía non é unha escritora romántica. O propio escritor tivo que recoñecer que a primeira novela rosaliana, La hija del mar, creada ós 20 anos, é romántica, e engadiu unha noticia extraordinaria: un prestixioso crítico literario da Universidade de Cambridge, non atado a ningún lastre de autoodio ou prexuízo, quedou abraiado lendo esta novela, e declarou que está entre as mellores en español do século dezanove, e aínda máis: que conta, no episodio da tormenta, cun dos mellores relatos eróticos feitos na lingua de Cervantes.

      Canto queda por descubrir. Se “En las orillas del Sar” é en efecto a mellor obra poética española do século 19, “Follas novas”  é a mellor obra literaria feita en galego de tódolos tempos, e teremos que esperar para ver como é recoñecida no ámbito da literatura universal, ó igual que hai que esperar a que apareza por fin unha biografía de Rosalía de Castro digna dela.

      Polo de agora, grazas a Francisco Rodríguez e a outras persoas encargadas de aportar luces e verdade, iremos xuntando fíos para estar máis fortemente unidos a quen tanto nos dou.

Posted via email from Certo.gl, o xornal dixital de Barbanza e Noia

26.8.11

Ribeira: a IX Andaina popular "Concello de Riveira" terá lugar o sábado 3 de setembro

Ribeira, 26 de agosto de 2011. Na Sala de Xuntas do Concello presentouse esta mañá a “IX Andaina Popular Concello de Riveira”, coa presenza do concelleiro de Deportes, Juan Luis Martínez Queiruga, e Ramón Sampedro, representante da sección de sendeirismo da Asociación as Miñoteiras.  

    O día 3 de setembro de 2011 a IX Andaina Popular “Concello de Riveira” volverá atraer a ribeirenses e visitantes conseguindo este enorme éxito de participación.  

    Esta andaina organizada pola Sección de Sendeirismo da Asociación “As Miñoteiras”, coa colaboración do Concello de Ribeira, Protección Civil e a Asociación Arrecó, é outro exemplo da forza que o deporte na natureza ten en Ribeira.


    Os lugares polos que pasarán os participantes son: o Parque Periurbano de San Roque, a Lagoa de Vixán, o Parque Natural, a Lagoa do Carregal, o Monte Tahume, o Dolmen de Axeitos, o Miradoiro da Curota, o Miradoiro Valle-Inclán e a praia de Coroso.  


    A saída realizarase o sábado, 3 de setembro, desde  o Polideportivo Santa Uxía, na praia de Coroso, ás 9:00 horas e poderase participar nun percorrido de 50 km ou de 36 km, e por suposto haberá asistencia continuada e coche de recollida (coche vasoira).

Posted via email from Certo.gl, o xornal dixital de Barbanza e Noia

A Pobra do Caramiñal: el municipio se incorpora al Sistema de Notificación Electrónica del Catastro

  • La notificación electrónica permitirá al titular de una vivienda conocer su valor actualizado en el momento que desee, evitando molestos y costosos desplazamientos
  • Todos los titulares de inmuebles de A Pobra recibirán en los próximos días una clave personal con la que podrán acceder, a partir del 1 de septiembre, a la nueva valoración catastral disponible en internet
  • La notificación electrónica tiene la misma validez jurídica que la notificación tradicional por carta certificada

A Pobra, 26 de agosto de 2011.  A Pobra do Caramiñal se incorpora al sistema de notificación electrónica de los nuevos valores catastrales de sus inmuebles, que serán efectivos a partir del próximo 1 de enero de 2012. 

Esta incorporación significa que, a partir de hoy, día 26, los titulares de inmuebles de A Pobra do Caramiñal recibirán una carta de la Dirección Provincial del  Catastro donde se incluye una clave concertada, personal, que les servirá para acceder a través de internet a los nuevos valores catastrales. Este acceso se podrá realizar a partir del 1 de septiembre.                  

PROCEDIMIENTO DE ACCESO

Una vez recibida la carta con su clave concertada personal, el procedimiento que el usuario debe seguir para conocer el valor catastral actualizado de su inmueble es simple y se resume en cuatro pasos:

                        1.-Acceso a la Sede Electrónica del Catastro desde cualquier ordenador conectado a Internet, tecleando: http://www.sedecatastro.gob.es/

                        2.-Una vez en la Sede Electrónica del Catastro se selecciona el enlace ‘Notificaciones procedimientos de valoración colectiva 2011’. 

                        3.-Al entrar en este enlace, se abrirá una pantalla en la que el usuario deberá introducir la clave concertada personal, que se incluye en la carta que le habrá remitido el Catastro. También puede obtenerse mediante otros sistemas de firma electrónica habitualmente reconocidos, incluido el DNI electrónico. 

                        4.-Una vez identificado, el usuario podrá descargar toda la información que necesite, así como guardar el acuerdo de asignación del nuevo valor catastral establecido para el inmueble, una vez aceptado el acuse de recibo electrónico. Esta notificación tendrá el mismo valor jurídico que la notificación tradicional por carta certificada.

APOYO A CIUDADANOS SIN ACCESO A INTERNET

Los ciudadanos que no dispongan de acceso a Internet también podrán obtener la notificación electrónica dirigiéndose, preferentemente con la carta en la que se les notifica su clave concertada, a la Gerencia del Catastro o a los Puntos de Información Catastral, donde se les facilitará de forma gratuita tanto el acceso a la Sede Electrónica del Catastro, como la propia notificación y la certificación catastral descriptiva y gráfica. 

Asimismo, pueden obtener esta notificación en la oficina que ha instalado el Ayuntamiento de A Pobra do Caramiñal en la calle Gasset nº 28, y que está abierta al público desde las 9,00 hasta las 14,00 horas. Para poder obtener la notificación, los ciudadanos han de llevar la carta con la clave y su DNI.

 Además, los ciudadanos disponen de un canal de comunicación telefónica donde pueden obtener más información: Línea Directa del Catastro: 902 37 36 35 
                              
MAYOR COMODIDAD PARA EL CIUDADANO

Esta iniciativa, impulsada desde la Dirección General del Catastro, dependiente del Ministerio de Economía y Hacienda, supone un paso más en la implantación de la Administración Electrónica en los servicios catastrales. De este modo, se pretende que el sistema de notificación electrónica sea de uso preferente frente al tradicional reparto de notificaciones catastrales por correo certificado dado que, en ocasiones, le exige acudir personalmente a la oficina de Correos para recoger los envíos que realiza el Catastro. Asimismo, es más respetuoso con el medio ambiente, ya que reduce el consumo de papel y evita los desplazamientos necesarios para realizar este tipo de gestiones por el método de reparto tradicional.

La medida supone, además, una relevante reducción de costes tanto para el Catastro como para las entidades locales en el ejercicio de su obligación legal de entrega individualizada de estas notificaciones.

Posted via email from Certo.gl, o xornal dixital de Barbanza e Noia

Noia: galería fotográfica da quinta concentración de motos "Ría de Noia"

Polo Padre Teixugo, moteiro colaborador de Certo

Noia, 26 de agosto de 2011. Xa pasaron unhas semanas desde a celebración da Concentración moteira da medieval vila de Noia, e quero desde este púlpito agradecer aos compañeiros moteiros do Motoclube Ria de Noia o seu óptimo traballo, ademais do coidado que tiveron para tratarnos como Deuses na terra e, aínda enrriba, con prezos "anticrise"!!!!

Louvados sexades: por algo no primeiro dia xa se esgotaron as inscricións ao superar os 300 inscritos!!!! Eu tiven que conformarme con acudir o domingo á ruta por Serra de Outes, que incluía unha novedosa "pinchada" cos consumición a prezo reducido (ademais demos traballo aos hosteleiros do lugar) que fixo que enchéramos a localidade como podedes ollar nas fotos.

O entretemento ao cargo dun experimentado acróbata utilizando unha potente moto, seguido dun Smart para facer "trompeadas", foi todo un éxito, ademais coincideu cun sábado espléndido de sol... Atoparedes algunha foto "cunha extraña pasaxeira", pero non vos preocupedes que xa tramitei a excomunión daqueles que queren enganar aos sufridos motoristas, cabaleiros da estrada!!!!

Xúntovos unhas trinta fotos que no mosteiro imos publicar na web do noso motoclube virtual proximamente (cando as labores espirituais me deixen algún tempo libre para atender os meus hobbies).

Unha aperta... e a miña bendición apostólica,

Se es un toliño polo motor, pode que tamén che interese:


Posted via email from Certo.gl, o xornal dixital de Barbanza e Noia

Noia: pregón de San Bartolomeu 2011, polo guionista noiés Ramón Campos

La_foto_1
La_foto_2
La_foto_3
La_foto_4

Quen é Ramón Campos?

 

Posted via email from Certo.gl, o xornal dixital de Barbanza e Noia

Noia: este sábado 27 e domingo 28, actividades para nenos na Alameda sobre educación vial

Noia, 26 de agosto de 2011. Dentro das actividades para as familias e nenos durante as festas de San Bartolomeu instalarase un circuíto de educación vial no cal se ensinarán normas básicas de circulación a través de vehículos a pedais adaptados.

O circuíto de educación vial vai destinado a familias e nenos que queiran dun xeito lúdico aprender as normas básicas de circulación e as sinais de tráfico máis habituais.

Riscos co alcol

Neste mesmo circuíto ofrecerase información sobre o risco que ten o consumo de alcol na condución, facendo fincapé que o consumo de alcol reduce a percepción tanto visual como espazo temporal alterando as capacidades na condución.

Na mesa informativa poderase consultar dúbidas sobre os mitos que existen sobre o alcol e o seu consumo e tamén se repartirán folletos informativos.

O circuíto estará situado na Alameda, o sábado e o domingo de 12:00 h. a 14:00 h. e de 17:00 h. a 20:00 horas.

Programa das festas de San Bartolomeu:

Posted via email from Certo.gl, o xornal dixital de Barbanza e Noia

25.8.11

Ribeira: este sábado 27 explican como se fixo "Tiburón" no Ateneo Valle-Inclán

Jaws_ateneo_2011

En Certo entrevistamos ao poñente, Toño Maño, aquí

Media_httpfarm2static_jzfoa

Abstéñanse "mariñeiros" doadamente impresionables...

Posted via email from Certo.gl, o xornal dixital de Barbanza e Noia

A Pobra: o conselleiro de Educación pasou revista a dous colexios que amañou o seu departamento

Xess_vzquez_e_isaac_maceiras

  • Xesús Vázquez Abad visitou hoxe a Escola Infantil Fernández Varela e o CEP Pilar Maestu Sierra
  • A Consellería leva invertido preto de 380.000 euros na mellora dos centros educativos do concello no que vai de lexislatura
A Pobra do Caramiñal, 25 de agosto de 2011.- O conselleiro de Educación e Ordenación Universitaria, Xesús Vázquez Abad, visitou esta mañá a Escola de Educación Infantil Fernández Varela e máis o CEP Pilar Maestu Sierra para comprobar o estado dos traballos de mellora realizados en ambos os dous centros de ensino do concello da Pobra do Caramiñal.

Acompañado pola xefa territorial de Educación, María Teresa Villaverde Pais, e pola directora do centro, Mª Josefina Pacheco Etchevers, Vázquez Abad percorreu as instalacións da EEI Fernández Varela. Alí o conselleiro puido comprobar o estado das obras realizadas no centro por valor de 50.000, coa fin de repor a cuberta do mesmo e acondicionar as instalacións para o vindeiro curso educativo, beneficiando aos seus 104 alumnos. Ademais, o centro continuará a beneficiarse do Plan de Mellora de Bibliotecas escolares coa fin de fomentar a lectura entre o alumnado, ao que a Consellería destinou xa 13.700 euros

Vázquez Abad tamén se achegou ao CEP Pilar Maestu Sierra, onde mantivo un encontro co seu director, Xosé Vicente Vázquez Arias. Durante o seu percorrido polo colexio, que presta servizo a 84 alumnos, o conselleiro deu conta das obras de mellora das instalacións de fontanería do centro, que supuxeron un investimento de máis de 28.000 euros.

Grazas a estas accións, o vindeiro curso académico un total de 188 alumnos, pertencentes a ambos centros poderán gozar de instalacións en óptimas condicións.

Compromiso co concello

Con esta visita -sempre segundo nota da Xunta- a Consellería reafirma o seu compromiso coa Pobra do Caramiñal. Dende os comezos da lexislatura, o departamento de Xesús Vázquez Abad leva invertidos preto de 380.000 euros na mellora e acondicionamento dos centros de ensino públicos deste concello barbanzano.

Aproveitou a ocasión para agradecer o esforzo do profesorado galego, sen o cal sería imposible acadar bos resultados no ámbito educacional, aspirar a excelencia e permanente mellora do sistema educativo para dar a mellor formación posible ao conxunto do alumnado de Galicia e garantir o futuro de todos.

Cinco centros de Barbanza no Proxecto Abalar

Doutra banda, o conselleiro lembrou a participación dos centros da comarca do Barbanza nos proxectos máis novidosos da Consellería. De feito, outro dos centros de ensino do concello, o IES da Pobra do Caramiñal, forma parte do Proxecto Abalar. En total son 5 os centros de ensino da comarca integrados nesta iniciativa posta en marcha coa finalidade de lograr a plena integración do sistema educativo galego na nova realidade tecnolóxica. O vindeiro curso, e por levaren integrados no proxecto desde o 2010/2011, estes centros duplicarán as súas aulas Abalar para continuar co desenvolvemento do proxecto nos cursos implicados.

Cómpre ademais lembrar a incorporación o vindeiro curso académico á Rede de Centros Plurilingües de 3 centros de ensino da comarca do Barbanza. Estes centros uniranse ao CEIP O Grupo, de Ribeira, que se integrou nesta iniciativa o pasado curso, e que este ano estenderá as súas accións a 1º e 2º de primaria.

Nin unha palabra sobre o conflito no IES Coroso de Ribeira.

Posted via email from Certo.gl, o xornal dixital de Barbanza e Noia

Rianxo: orde do día do pleno ordinario de hoxe no Concello

DATA SESION: 25 DE AGOSTO DE 2011.
HORA: 20,00.
En virtude das competencias que me confire o artigo 41.4 do RD 2568/86 ROF, e asistido pola Secretaria do concello, de conformidade co acordo plenario adoptado en sesión do dia
30/06/2011, polo que se determina a periodicidade da celebración das sesións ordinarias deste órgano, que terán lugar o ultimo xoves de cada mes ás 20:00horas, esta Alcaldia-Presidencia

ACORDA:
Primeiro: Convocar aos sres/as concelleiros/as para o dia e hora sinalada arriba (unha hora despois en segunda convocatoria en caso de non existir o quórum esixido na primeira) no Salón de Plenos a fin de resolver os puntos incluídos na seguinte
ORDE DO DIA

1o.- APROBACIÓN DA ACTA DA SESIÓN ANTERIOR: 14 de xullo de 2011.-

2o.- DACION DE CONTA DAS RESOLUCIÓNS DE ALCALDIA E ACTAS DA XUNTA DE GOBERNO.

3o.-DAR CONTA DO ESCRITO SOBRE A NOVA COMPOSICIÓN DO GRUPO MUNICIPAL DO
PSdeG-PSOE.-

4o.- DAR CONTA da VARIACIÓN DE MEMBROS NAS COMISIÓNS INFORMATIVAS POR BANDA DO GRUPO MUNICIPAL DO PSdeG-PSOE

5o.- DAR CONTA DA RESOLUCIÓN No 1056/2011, DE NOVA CONCELLEIRA DELEGADA.

6o.- DAR CONTA DA MODIFICACIÓN DA DELEGACIÓN DE COMPETENCIAS NA XGL
(R.A no 1052/2011)

7o.- DACION DE CONTA DO INFORME DE TESOURERIA E INTERVENCION SOBRE MOROSIDADE NAS OPERACIÓNS COMERCIAIS( 26/07/2011).

8o.- NOMEAMENTO DO REPRESENTANTE DA CORPORACIÓN EN CONSELLO ESCOLAR.-

9o.- NOMEAMENTO VOGAL E, REPRESENTANTE DE SE-LO CASO, NO CONSELLO TERRITORIAL DA PROPIEDADE INMOBILIARIA.-

10o.- PROPOSTA DE FESTIVOS LOCAIS ANO 2012.

11o.- MOCIÓNS DE URXENCIA.

12o.- ROGOS E PREGUNTAS


(vía Alcalde de Rianxo)

Posted via email from Certo.gl, o xornal dixital de Barbanza e Noia

24.8.11

Lousame: homenaxean ao fundador de Los Tamara, o noiés Prudencio Romo, este domingo 28


En Noia adicáronlle o local de ensaio para os músicos a Romo

Lousame, 24 de agosto de 2011. A banda de música de Lousame ofrecerá este domingo, 28 de agosto, un concerto-homenaxe a Prudencio Romo (1927-2007), músico noiés que fundou Los Tamara e que tamén dá nome á escola de música de Lousame, partillada co musicólogo de Nebra (Porto do Son) José López Calo. O concerto será no campo do San Roquiño, sobre as seis da tarde, logo da misa cantada na súa lembranza que terá lugar na capela de San Roquiño.


Loli Gómez presentará a homenaxe

Actúan, ademais da banda anfitriona, a Coral Polifónica de Noia e as bandas de Teo e Merza. Interpretarán pezas de Los Tamara e outras propias. O acto vaino presentar a xornalista televisiva de Noia Loli Gómez, que deu o ano pasado o pregón do San Bartolomeu en Noia.

Posted via email from Certo.gl, o xornal dixital de Barbanza e Noia

A Pobra: na fin de semana do 10 e 11 de setembro, quinta Xuntanza de Motos Antigas

Ribeira: este venres 26, "Meigallo" no Malecón, dentro do programa "Verán máxico"

Media_httpwwwchrystya_paudv

Ribeira, 24 de agosto de 2011.-
A Concellería de Cultura, coa colaboración da Agadic e da Consellería de Cultura de Turismo da Xunta de Galicia, promove a maxia dentro do programa Verán Cultural 2011. 

O vindeiro venres, 26 de agosto, ás 22.00 h, no Paseo do Malecón, fronte ao Palco de Pedra, a maxia chegará á cidade da man de Chrystyan Magic, co seu espectáculo “Meigallo”. 

Máis info na web http://www.chrystyanmagic.com/es/component/content/article/79-meigallo

Posted via email from Certo.gl, o xornal dixital de Barbanza e Noia

A Pobra: este venres 26, novo festival de música autoxestionado, o Aduana Fest

A Pobra, 24 de agosto de 2011. Este venres 26 de agosto terá lugar a primeira edición do Aduana Fest, organizado por "A Aduana Fantasma". A hora de inicio son as seis da tarde (18:00 horas) e o lugar do concerto será o patio traseiro do local de "Xente ás Leiras", tras da Fonte do Castelo.
No cartel deste primeiro festival estarán, en principio:

LA VIEJA YEGUA GRIS (Punk Chabola)
KLAUSURA (Punk rock Pobra)
GOLPE RADIKAL (HxC Pobra)
CHESTER CHETO (Un grupo serio)
THE FE KAOS (Punk Chabola)
GENERAZION PERDIDA (Punk Chabola)

Algúns grupos están aínda sen confirmar e non teñen claro se haberá alguen máis de última hora. Quen queira máis información debe acudir á asamblea extraordinaria que se fará este mércores 24 ás nove da noite no local de Xente ás Leiras.

Posted via email from Certo.gl, o xornal dixital de Barbanza e Noia

A Pobra: este mércores 24 de agosto, Pés Ceibes representa "Pin Pam"

Pes_ceibes


A Pobra, 24 de agosto de 2011. Hoxe, mércores, ás 20:30 no Cantón da Leña, actúa a compañía Pés Ceibes para representar a súa obra de teatro "Pin Pam".

     No 2008 estes Pés Ceibes botaron a andar polas rúas de Galiza polo simple motivo de amosar aquilo que tanto lles gostaba facer TEATRO. Certo que moitas outras aspectos de escena trasparéntanse nesta nova compañía: títeres, mímica … e moitísimo clown.  
     Neste combinado remexido polos anos ata o 2011, o seu espectáculo PIN PAM acompaña ao viandante nas prazas dentro e fóra de Galiza. No rueiro de Pés Ceibes existen numerosas rúas, parques, beirarrúas, festivais e lama das rías que viron como uns Pés Ceibes deixaban a súa humilde pegada defendendo o teatro de rúa como canle de comunicación e expresión.

   No elenco artístico figuran Alenya Espiñeira, Marta Ortiz, Olga Abad, Sofía Espiñeira e Roberto C. Mouriño.

De que vai Pin Pam?

É unha conmovedora historia de amor entre dous monicreques. A súa forza de vontade e sentimento farán que rompan os fíos que os manexan. Este amor conseguirá sobrepoñerse á rivalidade dos seus manipuladores, dous titiriteiros tan competitivos como peculiares. As súas peripecias, así como as dos monicreques, conseguirán roubar máis dun sorriso.

Máis info en http://onosocirco.com/gl/artistas/item/14-pesceibes.html
     
     

Posted via email from Certo.gl, o xornal dixital de Barbanza e Noia

Rianxo: este venres 26, cinema para nenos e o sábado 27, concerto con bandas sonoras infantís

Rianxo, 24 de agosto de 2011. A programación cultural para esta fin de semana dentro do Verán Cultural de Rianxo contén estas actividades:
  • CINEMA INFANTIL: Toy Story 3
DÍA: venres 26 de agosto
HORA: 11.30 h
LUGAR: Auditorio de Rianxo

  • VII CICLO DE BANDAS: Concerto Músicas do cinema infantil a cargo da Banda da Escola de Música de Rianxo.
DÍA: sábado 27 de agosto
HORA: 21.30 h
LUGAR: Campo de Arriba (no caso de choiva trasladarase ao Auditorio de Rianxo)

Este sábado terá lugar o peche dos concertos do VII Ciclo de Bandas organizado pola Escola de Música de Rianxo en colaboración co Concello. A Banda da Escola de Música de Rianxo deleitaranos cun concerto titulado Músicas do Cinema Infantil onde interpretarán diferentes pezas musicais de películas para os máis cativos/as.

Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical