27.1.10

Arte: o Museo do Gravado de Ribeira estivo presente en Mérida (México) na cesión dos gravados de Salvador Dalí

O Museo do Gravado de Artes (parroquia de Ribeira) presentou os seus 93 gravados de Dalí (series La Divina Comedia, El Pantagruel e Fábulas de la Fontaine) na cidade yucateca de Mérida, en México.

Á inauguración asistiron centos de persoas. Nela falou o alcalde da cidade de Mérida, César Bojórquez, que manifestou o seu desexo de que os meridanos coñecesen a arte unha vez máis na súa cidade. Tamén estivo invitado o presidente da Fundación do Museo do Gravado, Javier Expósito Paradela, que destacou a importancia desta cesión e expresou o seu desexo de que non fora a única con este concello mexicano. A intención de Expósito é cedela a máis municipios e cidades latinoamericanas e conseguir, como en Galicia, que todas as capas da poboación coñezan a arte. A cesión foi gratuita e a entrada ás salas onde se expoñen as obras tamén é de balde.

Os organizadores desta mostra agardan que pasen a vela unhas 70.000 persoas, logo de que o ano pasado tiveran a Picasso e a Goya, aos cales visitaron 65.000 e 40.500 visitantes respectivamente. Xunto coa exposición de Dalí haberá cursos de gravado, conferencias, visitas guiadas e un ciclo relacionado co cinema, no que se abordará a conexión entre Buñuel (que se exiliou en México) e Daí (que non tivo necesidade, pois a dictadura de Franco non lle molestaba precisamente).

 

 


Posted via email from Posterous de Certo, o xornal virtual de Barbanza e Noia

Política: Psoe contra PP polo asunto dos coches. Presentou a crítica Lage Tuñas, noiés

Turismo mariñeiro: a Ruta do Mexillón en catro vídeos

Unha iniciativa da Mancomunidade Arousa Norte

Posted via web from Posterous de Certo, o xornal virtual de Barbanza e Noia

Lingua galega: Carlos Callón e Craig Patterson, dous entrevistados por Certo na manifestación do 21 de xaneiro

Comenta Xensboy neste vídeo:
"Impresionante intervención do ribeirense Carlos Callón en defensa do fermoso idioma da nosa terra, nunha praza do Obradoiro chea, coa presencia de moitos educadores e estudantes.

Gustoume moito a participación do galés Craig Patterson.

Penso que é importante, e triste, o tema dos Teletubbies. Mesmo unha serie subversiva como a xaponesa Shin-Chan ten a virtude de ensinar un bo galego aos nenos. Todo o mundo sabe que a dobraxe galega desa serie é moi superior á que se fixo en castelán. O castelán que é, por certo, unha lingua que amo.

O castelán non está en perigo, pero o galego si".

En Certo entrevistamos a Callón en http://certo.es/index.php?page=carlos_manuel_callon
e a Craig Patterson en http://certo.es/index.php?page=craig_patterson

Posted via web from Posterous de Certo, o xornal virtual de Barbanza e Noia

Dodro: organizan viaxe para esquiar na estación de San Isidro a última fin de semana de febreiro


O Departamento de Deportes do Concello de Dodro organiza unha viaxe á neve para que todos os veciños poidan gozar da actividade. Prográmase unha viaxe á Estación Invernal de san Isidro, que se atopa na Cordilleira Cantábrica, ao norte da provincia de León; concretamente no Concello de Puebla de Lillo.

A estación dispón de 31km de dominio esquiable. Conta con 31 pistas para a práctica do esquí e o snowboard ( 5 verdes, 10 azuis, 13 vermellas e 3 negras ), así como snowpark, pista de esquí de fondo, itinerarios...

DATAS: 26, 27 e 28 de Febreiro

DOCUMENTACIÓN para poder inscribirse:

  • Ficha de inscrición
  • Fotocopia do DNI
  • Xustificante de pagamento da cota de inscrición  


Tel. de información (Departamento de Deportes): 981.80.25.32

Queres coñecer máis polo miúdo a estación de San Isidro? http://www.san-isidro.net

Posted via email from Posterous de Certo, o xornal virtual de Barbanza e Noia

Rianxo: piden que se integre o auditorio na Rede Galega de Teatros e Auditorios


Imaxe tomada do blog Fotosderianxo

Rianxo, 27 de xaneiro de 2010. (Nota íntegra do Bng) Un ano despois de inaugurarse ou recinto rianxeiro é preciso activar un regulamento de usos do espazo, do que hoxe carece, ademais de incorporar persoal persoal suficiente e acorde coa demanda para garantir a apertura plena do Auditorio. Este raramente abre polas tardes ao público, agás casos excepcionais e actividades especiais, e aínda non acolleu a biblioteca, co que ten un importante baleiro no espazo a ela destinado. Ademais non dá atendido demandas de colectivos rianxeiros que gustarían de empregar máis ao fondo estas óptimas instalacións e que veñen reclamando se dote dese regulamento e o consensúe coas entidades culturais para facilitar o acceso xeral ao equipamento.

    Ademais vemos como neste ano 2010 aínda non se realizaron os trámites para integrarse na Rede Galega de Teatros e Auditorios, o eixe sobre o que gravita boa parte dá programación teatral, de danza e musical de calidade de Galiza e que permitiría ampliar o abano de actuacións que se ofrecen para os veciños de Rianxo.

    O Bng solicitará formalmente do executivo a través dunha iniciativa plenaria que impulse un proceso participativo para adoptar ese regulamento de usos, que o dote do persoal necesario para abrir en horario amplo as instalacións, que se abra á actividade diaria das formacións e colectivos rianxeiros e que realice os trámites para incorporarse á Rede Galega cunha programación profesional e afeccionada acorde ao noso Concello.


Rede Galega de Teatros e Auditorios


    A Rede Galega de Teatros e Auditorios é o principal instrumento desde a Consellería de Cultura da Xunta de Galicia, para promover a distribución dás producións escénicas galegas. Estrutúrase baixo unha fórmula dunha rede de espazos dos que son titulares uns 45 concellos (Boiro incluído desde hai anos) e entidades de toda Galicia e na que se desenvolven cinco tipos de programación: teatro para público adulto, teatro infantil, danza, maxia e música de cámara.

     Despois do proceso de reforma e regulación legal ao que foi sometida en 2006, a RGTA iniciou unha nova fase marcada pola súa consolidación definitiva como o principal medio de distribución dos espectáculos profesionais galegos. Os cambios déixanse ver na intensificación da programación, así como na suba notable da cifra media de representacións por compañía e nun aumento tamén destacado na facturación por cada formación artística. Así mesmo, na dinámica de distribución procurouse establecer mecanismos máis axeitados, estables e útiles para os creadores, de referencia para os públicos e máis ordenados e lóxicos para os concellos e entidades participantes.

   A Xunta de Galicia asume en todas as programacións desta Rede unha porcentaxe do custo de cada función, que oscila entre ou 30% e ou 60%, dependendo de factores diversos como o tipo de programación, o número de habitantes do concello destinatario e o importe do caché dá compañía ou artista contratado.

Posted via email from Posterous de Certo, o xornal virtual de Barbanza e Noia

Opinión: Sergio Rey aborda la manipulación informativa sobre el reciclaje de bolsas de plástico

Download now or preview on posterous
Me voy a la guerra.pdf (372 KB)


Dedicado a todas aquellas personas que se dejan manipular por los medios y se apuntan al carro del "buen rollito" y del militante de "grin pis", pero sólo los domingos, y a todos los periodistas que tienen que rellenar un artículo sea como sea sin informarse ni contrastar la información.

Sergio Rey

Posted via email from Posterous de Certo, o xornal virtual de Barbanza e Noia

Ribeira: un petróglifo soterrado vivo

   A miúdo atopámonos con noticias de comunidades que celebran con ledicia o descubrimento de calquer remoto vestixio. Cada anaco de cerámica, petróglifo, fósil ou obxecto que referencie unha época histórica ou prehistórica é recibido como se dun tesouro se tratase.

 

    A Casa de Doña Adela, de carísima factura, parece que nun futuro —non sabemos cando virá o anxo que lle franquee as portas , será destinada a facer de exposición mostrando o pasado e presente da moi nobre e moi leal cidade de Ribeira na súa faceta histórica. Neste cubículo de luxo onde con catro basta, din que se pretende instalar un museo de bonecas e armas ferruxentas: representativas da historia de Santa Uxía?

 

    No esquife recinto espéllase a calidade de xestión dos excelentísimos, ilustrísimos e lela-oposición que rexen os ignotos destinos dos pacientes e resignados súbditos. Anoréxicas rúas, residencias abafantes, museos breves, prazas de abastos africanas, estacións de autobuses tropicais e alamedas de paus secos contribúen ao decoroso glamour da estrinxida capital do concello.

 

Neste caso amósovos un petroglifo que foi soterrado vivo: Desfíxose unha casa antiga, e no muro do lindeiro, aparece esta pedra riscada amosando unha singular gravación que, a xulgar pola súa situación, denota que na súa orixe tivo outra ubicación e misión. O caso é que o achádego foi denunciado para a súa recuperación pero a fatalidade, a apatía, o desleixo, a falla de interese e a idiotez deixaron que a pedra e a mensaxe impresa na mesma seguise emparedada per secula saeculorum.

 

Estes xestos denotan a vocación, sensibilidade, vontade e intención que reinan no aristocrático ambiente da capital barbanzanaá hora de civilizar ás asilvestradas mesnadas.


Domingo Regueira

Posted via email from Posterous de Certo, o xornal virtual de Barbanza e Noia

Ciencia: en caso de crise, superespermatozoide ao ataque!

Faranji: os mouros de antes e os mouros de agora, ou "Alí Ben Maquía"


"Daquela, para non ferir sensibilidades e apoiar a peculiar alianza de civilizacións entre os militares africanistas feixistas e os colonizados do Rif, o crego don Prudencio mandou tapar a figura do Santiago Matamoros que sobranceaba o retábulo maior da igrexa".
Unha nova entrega de Faranji, por Xurxo Ayán. Ilustrada con fotos do Arquivo Pacheco.

Posted via web from Posterous de Certo, o xornal virtual de Barbanza e Noia

Boiro: o narcotráfico estivo "así, así!" (e fai acenos coas mans)

Tabaco, droga, castros de Neixón...
Un documental que aínda non se viu en Boiro (si en Cespón), grazas ao "bo facer" do Concelleiro de Cultura, Piñeiro (PSOE), e do seu xefe, o alcalde de Boiro, Deira, BNG. Bipartito rules!

Posted via web from Posterous de Certo, o xornal virtual de Barbanza e Noia

Twitter

Related Posts with Thumbnails Banner: Regale selva tropical