30.12.10

Dodro: o PP revela que se iniciou apertura de expediente disciplinario contra unha funcionaria

Dodro, 30 de decembro de 2010. O Partido Popular de Dodro emitiu unha nota de prensa na que se refire ao pleno extraordinario celebrado hoxe no Concello e que foi solicitado por este grupo político. Como é norma en Certo, reproducímola integramente:

"O Partido Popular de Dodro solicitou Pleno extraordinario para debater a baixa laboral da Secretaria e Administrativa do Concello, funcionarias sometidas a un presunto acoso laboral xa como indicou no pleno do 10 de decembro este grupo político presentando moción urxente e non deixando nin sequera léela o Sr. Alcalde, polo que nos vimos obrigados a solicitar un Pleno Extraordinario, que se  celebrou  hoxe ás 13,30 h.

Desgraciadamente nos primeiros días do mes de decembro, producíronse nas oficinas deste concello uns feitos que poderían chegar a constituír o resultado dunha acción de acoso laboral que se vería mantendo contra dúas funcionarias, administrativa e secretaria respectivamente deste Concello. O estado de ansiedade que acadou a administrativa foi de tal envergadura que inmediatamente debeu de ser levada a un centro médico para ser atendida, sen que ata o momento, e por prescrición médica poda incorporarse ó seu posto de traballo.

Socavar o estado psicolóxico das funcionarias

Segundo se desprende dos feitos ocorridos, é posible imaxinar que dende fai varios meses poderíanse estar cometendo accións dirixidas a socavar o estado sicolóxico destas dúas persoas co único fin de que deixaran o seu posto de traballo. E poderíase decir a estas alturas, que o obxectivo estaría cumprido, pois tanto a administrativa como a secretaria víronse obrigadas a aceptar a baixa médica a causa do estado de enorme ansiedade no que se atopaban.

Ao longo de meses producíronse unha serie de feitos graves contra estas dúas funcionarias e en presenza de veciños do Concello como testigos. O Sr. Alcalde, Arturo Diaz, falalles con malos modales, a gritos en moitas ocasións, a través de terceiras persoas, e incluso chegou a acorralar en máis dunha ocasión a unha das funcionarias impedindolle o paso, ésto en presencia de veciños, membros do equipo de goberno e persoal do Concello. Á Secretaria do Concello intentou baleirarlle de contido as súas funcións, ocultandolle información, agochando expedientes, informes, etc, etc, todo isto información necesaria para a realización do seu traballo. Un sinfín de feitos ocurridos na maioría das ocasións diante de veciños e compañeiros de traballo pretendendo con este hostigamento, intimidación ou perturbación o abandono do posto de traballo das vítimas xa que a súa presenza é unha molestia ou amenaza para os seus intereses, tal e como se define o acoso laboral.

Chegou incluso a denegarlle días de permiso a unha das funcionarias para atender a súa nai gravemente enferma, días aos que tiña dereito legalmente e tivo que facerse un procedemento extraordinario para que llos concederan.

Queimar a unha candidata

Pero o máis grave, se coubera, de todos estes feitos é que unha das funcionarias reclamou a axuda e auxilio da Sra. Victoria Rey un dos días dos feitos no Concello. A este auxilio a Sra. Rey optou por mirar para outro lado coma se con ela non fora, cando era coñecedora de todos estes feitos. A Sra. Rey, a gran defensora da muller maltratada ese día pechou os ollos, o día 10 de decembro no pleno onde o PP presentou unha moción urxente por estes feitos mirou para outro lado, e no pleno de hoxe o único que contestou foi que o PP de Dodro intentaba “queimar a unha candidata” e que non sabía porque asumíamos esta representación.

A Sra. Rey di que “non é da súa competencia nin responsabilidade”. Si o é dende o punto e hora que forma parte do goberno municipal, si o é aínda que só sexa por humanidade, si é responsable porque veu e escoitou, si o é porque non pode consentir que se xogue coa vida das persoas.

O Partido Popular revelou no Pleno e enseñou a todos os presentes o documento de apertura de expediente disciplinario, que con data 10 de decembro (o mesmo día que o PP presentou a moción urxente) o Sr. Arturo Díaz iniciou  contra unha das funcionarias de baixa, a secretaria do Concello, funcionaria que xa se encontraba de baixa médica.

A Sra. Victoria Rey, tendo coñecemento desto no pleno dese mesmo día, contestou que era “un conflicto interno entre traballadoras”, e sendo preguntada no Pleno de hoxe novamente opta por non responder. O Sr. Arturo Díaz por suposto obvia a pregunta e enseñándolle o seu escrito repetidamente opta por non responder.

Do Sr. Arturo Díaz non temos palabras para calificar a súa actuación que xa ten precedentes e da Sra. Victoria Rey só podemos decir que a súa ambición política non ten límites manifestando en todo momento un cinismo e unha hipocresía absolutamente desmedidos".

Antes publicamos:


Política: o PP denuncia "feitos graves" de acoso

   

Posted via email from Certo.gl, o xornal dixital de Barbanza e Noia

Dodro: o primeiro Plan Xeral de Ordenación Municipal da historia deste concello entrará en vigor os vindeiros días


Dodro, 30 de decembro de 2010. Segundo informa o Concello na súa web, "por primeira vez na súa historia, o Concello conta cun Plan Xeral de Ordenación Municipal. Despois de que o Concello incorporase as modificacións impostas pola Xunta, apróbase definitivamente o PXOM de Dodro, que nos próximos días entrará en vigor".
A Xunta deu a súa aprobación esta semana, a última do ano.

Download now or preview on posterous
ACTA CSU.pdf (340 KB)

Posted via email from Certo.gl, o xornal dixital de Barbanza e Noia

A Pobra: a Deputación adica 340.000 euros para a construción dun campo de fútbol de herba artificial en Cadreche

O vicepresidente da Deputación da Coruña, Pablo Villamar, e o alcalde da Pobra do Caramiñal, Isaac Maceiras, suscribiron esta mañá, na sede da institución provincial, un convenio para financiar a construción dun campo de fútbol con vestiarios no lugar de Cadreche, no municipio pobrense. Ao acto asistiu tamén a deputada provincial pobrense Rosana Pérez.

A Deputación destinará para esta nova infraestrutura deportiva un orzamento de 340.000 euros, que representan o 43,76% do importe total do proxecto, que ascende a 776.950 euros.

A parcela na que se construirá o campo ten unha superficie aproximada de 15.300 m2. As obras que contempla o proxecto consisten na ampliación e acondicionamento do espazo de aparcadoiro existente e a creación dunha nova área de aparcadoiro na zona de acceso ao recinto; o peche do recinto con malla metálica con instalación de dúas portas que permiten o uso unificado das dúas zonas, así como un pórtico de formigón armado na entrada; a construción dun campo de fútbol 11 de herba artificial, que terá unha área de xogo de 95 x 60 metros, e equiparase con portarías, redes de fondo e banderíns, e a construción dun edificio de planta baixa destinado a vestiarios para deportistas e árbitros, composto de dous volumes unificados por unha mesma cuberta, cunha superficie construída de 281,7 m2. Este edificio tamén albergará aseos, almacéns e o cuarto de instalacións.

Tanto o alcalde como a deputada provincial mostráronse moi satisfeitos coa sinatura deste convenio, co que se da resposta a unha vella reivindicación dos clubes de fútbol da localidade e aos centos de rapaces e rapazas que constitúen a base deste deporte no concello e que ademais vai permitir ter unhas instalacións modernas e alternativas ao campo de herba natural da Alta.

Posted via email from Certo.gl, o xornal dixital de Barbanza e Noia

A Pobra: declaracións e contradeclaracións preelectorais

A Pobra do Caramiñal, 30 de decembro de 2010. O quentamento preelectoral -e iso que maio aínda queda lonxe- non para de elevar a temperatura na Pobra. O grupo do Partido Popular acaba de emitir esta nota, desta volta dándolle madeira ao Bloque Nacionalista Galego e respostando a publicidade electoral dos nacionalistas que tamén acompañamos, ademais . Como é habitual en Certo, reproducimos íntegra a nota do PP pobrense:

"O BNG dí nas súas declaracións

       “ O BNG comprométese a mellorar os servizos públicos e aumentar a poboación”

     Aumento poboacional que ten que poñerse mans a obra e o BNG e os seus concelleiros que non están practicando co exemplo, estando empadroados eles e as súas familias en outros concellos.

     Na Pobra temos moita poboación e menos censo, xa que moita xente vive no noso municipio, pero non está empadroada no mesmo. O Goberno Municipal inviste en chan industrial, para a creación de postos de traballo, aprobamos a Ampliación do Polígono Industrial de A Tomada, con máis de 100.000 m2 e a creación de cerca de 1.000 postos de traballo e cos votos en contra do BNG, así é como queren subir a poboación do noso municipio.

     “ O Plan de Ordenación do Litoral e as mentiras de Isaac Maceiras “

     O BNG dí que grazas a mobilización dos veciños e veciñas xunto ao BNG obrigan ao PP a modificar o POL na Pobra. Eso sí que é  unha mentira, xa que o noso Concello tiña aprobado o PXOM ( xa presumía o bipartito de que o Concello de A Pobra do Caramiñal era o único Concello de Galicia, que tiña adaptado o seu PXOM a Lei do Litoral ) , polo que a nós non nos afectou para nada as variacións que fixo o PXOM .

     “ O Goberno Municipal do PP malgasta máis dun millón e medio de euros “

     O BNG critica as obras do Río Morto, necesarias para evitar inundacións aos veciños afectados, critica as obras dos Xardíns Municipais da Pobra, non critica desa maneira que a Deputación Provincial de A Coruña, a un Concello do BNG lle dea unha subvención de 250.000 € para arreglar os seus xardíns.

     Pero o BNG é que critica tódalas obras que fai o goberno municipal, como é a cosntrucción do novo Centro de Saúde. No seu día tamén criticou a ampliación do peirao comercial, o recheo portuario, o mercado municipal o CAD, a tódalas obras ou votan en contra ou se absteñen; así é a maneira coa que queren que progrese o noso Concello.

     “ O BNG comprométese a mellorar o barrio de Lamas e Andrés-San Roque”

     Neste punto uns veciños da Urbanización Lamas e Andrés xa lle contestan ao BNG recordándolle as inversións que fixo o Goberno Municipal do PP en dita urbanización; lembrandolle tamén que cando estaba o bipartito gobernando na Pobra non invertiron un peso na mesma, e que a zoa que queda sen arreglar está en vía xudicial, e mentras os xuizes non dicten resolución non se pode facer nada na mesma.

     “Rosana Pérez consigue que o campo de fútbol de Cadreche sexa unha realidade”

     Queremos aclarar, que foi o que fixo Rosana polo Campo de Fútbol de Cadreche.

  • ¿ Quen negociou cos veciños para mercar os terrenos ? O Goberno Municipal do PP
  • ¿ Quen negociou coa Xunta de Galicia para conseguir os 340.000 € ( convenio coa Secretaría Xeral para o Deporte ) ? O Goberno Municipal do PP .
  • ¿Qué consigue Rosana ? Unha parte que ten que poñer a Deputación Provincial de A Coruña, exactamente 340.000 €, hoxe mesmo, xoves 30 de decembro foise a firmar o convenio na Deputación.

     Polo que a día de hoxe, o campo de fútbol estase facendo cos cartos que dispuxo o Concello e a Xunta de Galicia.

     “ O BNG tamén defende A Pobra no Parlamento Galego e en Madrid “ 

     Din que defenden a mellora dos servizos públicos coma a Sanidade, e no noso Concello non están de acordo con facer un Novo Centro de Saúde.

     Acusan tamén ao noso Alcalde de renunciar a medio millón de euros, para iniciar a recuperación das Xunqueiras, cando saben que levamos loitando anos para que dita recuperación sexa unha realidade; non cremos que haxa ningún veciño neste Concello que crea que o noso Alcalde renuncia a ningunha subvención. Tergiversar é moi fácil, pero eles saben tamén coma nós, que os terreos para recuperar as Xunqueiras teñen uns propietarios e Costas do Estado, está en negociacións cos donos para chegar a un acordo económico.

     “Rosana Pérez dá un novo pulo ao comercio da Pobra a través da Deputación “

     Dase un novo pulo ao comercio tradicional da Pobra creando escolas para os mesmos ?

     Gracias a eles cos seus votos o Goberno do PSOE, tamén disminue o porcentaxe de parados, creando cursos de formación para os mesmos e retirando aos participantes nos mesmos das listas do INEM.

     Etc, etc, …………..un panfleto moi instructivo no que para nada nos explican porque o Goberno do PSOE en Madrid, cos VOTOS do BNG a favor, quita para diante a : Subida de LUZ, a subida do GAS, a subida do GASOLEO, a conxelación das PENSIONS, a retirada do CHEQUE BEBE, etc.etc……………

     E xa para rematar, recordarlle a Sra. Deputada do BNG na Deputación Provincial de A Coruña, Rosana Pérez, que non é ELA a que consigue subvencións ou melloras para os veciños e veciñas de A Pobra do Caramiñal, senón que a Deputación Provincial, dalle ao noso Concello nin máis nin menos que o que lle corresponde por Lei".

Download now or preview on posterous
panfleto bng.pdf (5130 KB)

Download now or preview on posterous
panfleto veciños.pdf (881 KB)

Posted via email from Certo.gl, o xornal dixital de Barbanza e Noia

Rianxo: a Cabalgata chega á praza de Castelao ás seis e media da tarde do mércores 5

Rianxo, 30 de decembro de 2010. O vindeiro mércores, 5 de xaneiro, as Súas Maxestades Os Reis Magos de Oriente visitarán, coma cada ano, o Belén Vivinte e ós nenos e nenas de Rianxo. A partires das 17:30 horas, estará exposto o Belén Vivinte, o cal estará amenizado por panxoliñas e actuacións. Mentras tanto, os Paxes Reais estarán recollendo as cartas  dos nenos e nenas para entregarlle  despois ós Reis.

As 18:30 horas. as SS.MM. os Reis Magos chegarán a Praza Castelao para realizar a ofrenda ante o Belén Vivinte e ser recibidos polas Autoridades no Concello. A continuación realizarase o desfile coas carrozas polas rúas da Vila , para rematar a súa visita ó pobo na Igrexa Parroquial, onde repartirán caramelos entre as nenas e nenos (19:30 h).

Durante toda a tarde, diversos grupos e entidades locais estarán ambientando e acompañando os actos.No caso de choiva, a recepción trasladarase á Igrexa Parroquial.

O Concello agradece a colaboración das entidades participantes na organización desta cabalgata:

Liceo Marítimo Rianxeiro - Asoc. Cultural "Fogo Fatuo" - Escola de Música de Rianxo - Asoc. Cultural "Vai de Roda" - Asoc. Rianxeira de Empresarios - Grupo de Teatro "Airiños" - Asoc. Sociocultural "A Moreniña" - Motoclub "Jas a Tope" - Motoclub "A Moreniña", entre outros...

Posted via email from Certo.gl, o xornal dixital de Barbanza e Noia

Ribeira: 500 persoas, 10 carrozas e 2.000 quilos de caramelos para recibir aos Reis Magos o 5 de xaneiro

Ribeira, 30 de decembro de 2010. Máis de 500 persoas entre nenos, membros de asociacións e colectivos musicais, persoal loxístico e municipal, así como efectivos da policía local e protección civil, participarán o vindeiro día 5 de xaneiro como membros da organización na tradicional Cabalgata de Reis que descorrerá polas rúas de Santa Uxía.

O concelleiro de Cultura e Festexos, Luciano Fernández, acompañado dos técnicos Unai González e Chiki Durán, presentaron hoxe esta actividade, na que en total, serán 10 o número de carrozas que participen no desfile (cunha disposición indicada no documento adxunto). A comitiva, como é habitual, estará composta por paxes, bonecos de neve, estrelas, pastores, etc... Entre os colectivos participantes, figuran 7 asociacións locais: Amencer, Flor de Toxo, Amas de Casa, Francisco Lorenzo Mariño, Aires da Dorna, Alfaia e Arrecó. 

Entroido? Non, cabalgata de Reis en Ribeira en 2009

Acompañarán á cabalgata a banda de música de Cedeira, a banda de música de Barro, a charanga O Santiaguiño de Padrón, a comparsa Os da Caña de Marín, así como zancudos e tragalumes de Portugal. 

A saída terá lugar ás 17.30 horas desde a explanada do porto, onde previamente desembarcarán os tres Reis Magos, acompañados dunha estrondosa pirotecnia. Repartiranse 2.000 quilogramos de caramelos de diversos sabores durante o desfile. 

O percorrido pasará pola Avda. do Malecón e polas rúas de Galicia, Romero Ortiz, Rosalía de Castro e 9 de Agosto para desembocar na Praza do Concello. Alí, Melchor, Gaspar e Baltasar serán recibidos polo alcalde e pola Corporación Municipal. Procederán ao discurso dende o balcón da Casa Consistorial e logo recibirán aos nenos/as de Riveira nas balconadas do Concello. Ao rematar o discurso un espectáculo pirotécnico dará comezo á recepción real. 

En caso de choiva, a actividade terá  lugar no Auditorio Municipal ou na carpa de Nadal anexa.


Relacionadas:

Declaran o estado de alarma en Ribeira para a cabalgata de Reis (portada)



Carreira: o Carteiro Real chega este domingo 2 de xaneiro


Viaxe a patinar: o 3 de xaneiro. Anótate! Gratis!


PekeNadal: repítese o luns 3 de xaneiro



Liceo Marítimo: baile de fin de ano este venres 31



Concerto solidario: o 7 de xaneiro, Inllorfeis presenta Alpabarda


Obradoiros de Nadal: entrega de diplomas




Posted via email from Certo.gl, o xornal dixital de Barbanza e Noia

Ribeira: resultados do quinto trofeo "Unicef" de fútbol sala base

A Pobra: organizan un curso de iniciación á fotografía e un torneo de baloncesto para a vindeira semana

A asociación xuvenil Reviravolta en colaboración con Xuventudes Socialistas preparan estas actividades entre o luns 3 e o martes 4 de xaneiro


A Pobra do Caramiñal, 30 de decembro de 2010. O cursiño de iniciación á fotografía ten unha duración de dúas xornadas, a do luns e a do martes. Será no salón de actos do Instituto Social da Mariña, enriba da biblioteca municipal. Impárteo Martín García García, en horario de seis a oito da tarde ambos os dous días. No curso preténdese que os inscritos aprendan nocións básicas sobre manexo de cámaras e mellorar a súa técnica á hora de captar imaxes.

Entrada libre e gratuíta. Os organizadores animan a todas as mozas e mozos da Pobra "que queiran mellorar os seus coñecementos sobre expresión gráfica".

Torneo de baloncesto 3x3

O martes 4 de xaneiro, no polideportivo municipal de Venecia, a partires das catro da tarde. Haberá trofeos, xentileza dunha xoiería rianxeira, para o equipo campión e o que acade o subcampionato, para o mellor triplista e para o mellor equipo mixto.

A inscrición é gratuíta e poden participar equipos masculinos, femininos e mixtos. O prazo para anotarse remata ás dez da noite do luns 3 de xaneiro no teléfono 617 99 92 87.


Colombofilia o domingo 9 de xaneiro


Por outra banda, o domingo 9 de xaneiro reúnense na Pobra afeccionados á colombicultura (cría de pombas mensaxeiras), unha modalidade deportiva que ten unha federación cada día máis numerosa, pois pasa dos 22.000 inscritos en toda España e supera deste xeito a moitos deportes como hockey, xadrez ou triatlón.

Nesta bisbarra está o club colombófilo Arousa Norte, que é o que organiza esta IV Exposición de Pombas Mensaxeiras durante toda a mañá do domingo na Casa Mariñeira da Pobra.

Posted via email from Certo.gl, o xornal dixital de Barbanza e Noia

Ribeira: o Carteiro Real chega a Carreira o domingo para recoller as cartas dos nenos

Ribeira, 30 de decembro de 2010. Este domingo 2 de xaneiro de 2011 a partir das 16:00 horas cursará visita o Carteiro Real dos Reis Magos no campo da festa de Carreira. Nin que dicir ten que deben acudir as nenas e nenos coas súas cartas para pedirlle desexos a estes representantes da Monarquía máxica. Agardamos que non sexan todos obxectos materiais.

Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical