11.12.12

Boiro: o sábado 15 e domingo 16 de decembro, IX Exposición da Camelia Sasanqua e outras

[[posterous-content:pid___0]][[posterous-content:pid___1]]https://twitter.com/Certo/status/278427281653899264






Posted via email from Certo.gl, o xornal dixital de Barbanza e Noia

Boiro: o sábado 15 e domingo 16 de decembro, IX Exposición da Camelia Sasanqua e outras

Boiro_camelia
Boiro_camelia2
https://twitter.com/Certo/status/278427281653899264





Posted via email from Certo.gl, o xornal dixital de Barbanza e Noia

Cultura: o académico e historiador ribeirense Xosé Ramón Barreiro presentou "Murguía y Mondariz"

  • A publicación foi editada pola Fundación Mondariz Balneario en colaboración coa Xunta de Galicia e coa Real Academia Galega
  • Barreiro Fernández recolle este sábado en Lousame o "Sereo" de Barbantia

Mondariz-Balneario, 11 de decembro de 2012.- O Balneario de Mondariz acolleu hoxe a presentación do libro Murguía y Mondariz, unha obra do profesor Xosé Ramón Barreiro Fernández, natural de Ribeira, editada pola Fundación Mondariz Balneario coa colaboración da Consellería de Cultura, Educación e Ordenación Universitaria e da Real Academia Galega (RAG).

A obra, segundo afirmou no acto o secretario xeral de Cultura, Anxo Lorenzo, é “o resultado dun traballo de integración de todo un conxunto de perspectivas que nos ofrece unha lectura completa dun tempo fundamental da nosa historia cultural e lingüística”.

Ao fío disto, indicou que o libro reúne “algúns dos elementos clave da construción galeguista, que marcou unha época histórica e que puxo os alicerces para a reflexión, o compromiso e a estima pola cultura propia de Galicia”. Faino a partir da relación entre Mondariz e Manuel Murguía, “figura que representou en boa maneira iso que hoxe denominamos un dinamización da vida intelectual, que marcou unha pauta para o cambio de século, como ponte entre o Rexurdimento e a Xeración Nós”, dixo.

Vinculación entre o cultural e o empresarial

Murguía y Mondariz afonda na súa parte introdutoria na relación do primeiro presidente da RAG cos Peinador (cos irmáns Ramón e Sabino Enrique Peinador Vela, e mais co fillo deste último, Enrique Peinador Lines), impulsores do Balneario de Mondariz. Ademais, a obra aborda a relación de Murguía con Mondariz e trata tamén da súa colaboración con La Temporada en Mondariz, publicación que se repartía gratuitamente entre os hóspedes do balneario.

En referencia a estas relacións, Anxo Lorenzo asegurou que exemplifican “unha vinculación entre o cultural e a actividade empresarial aínda con longo percorrido un século despois”.

Na segunda parte da publicación reprodúcense unha serie de artigos da autoría de Manuel Murguía, entre os que se inclúen o que orixina a creación da RAG e outros arredor de Mondariz e a súa comarca, xunto con artigos etnográficos, arqueolóxicos e biográficos, entre outros.

Finalmente, o secretario xeral felicitou ao profesor Barreiro Fernández “pola súa capacidade de traer ao noso presente os elementos esenciais da nosa vitalidade cultural e identitaria”, así como tamén á RAG, como parte imprescindible deste labor investigador”, e á Fundación Mondariz Balneario. “Para a Xunta de Galicia –concluíu– constitúe un orgullo tomarmos parte tamén, co noso apoio, deste traballo, que nos ofrece unha análise fundamental dunha época que marca a nosa historia cultural colectiva”.

No remate do acto –no que tamén interviron o propio autor da obra, o presidente da Fundación Mondariz Balneario, Javier Solano; e a concelleira de Cultura de Mondariz-Balneario, Cristina Rodríguez– fíxose entrega do diploma III Embaixador de Mondariz a D. Manuel Murguía, que recibiu o alcalde do Concello de Arteixo, terra natal do escritor.

De fascistas a reis e sultáns, ademais de comunicadores como Lecquio

Na lista de "personaxes ilustres" que colga da web do balneario de Mondariz dá mesmo arrepío ver que alí estiveron, entre outros, fascistas asasinos como José Millán Astray (en 1922 inda non estaba nos seus "mellores tempos") ou o golpista Miguel Primo de Rivera (en 1927), xunto a sultáns como Al Kaitoo. Mais na lista, o que predomina agora son personaxes do famoseo, como Alessandro Lecquio, disque comunicador, e presentadores de televisión como a nosa paisana Paula Vázquez, ou actores como Manquiña, Sancho Gracia (xa falecido) ou Natalia Verbeke. O século pasado a farándula estaba composta por escritores da talla de Ramón Cabanillas, Wenceslao Fernández Flórez, Vicente Risco ou Emilia Pardo Bazán. Os tempos mudaron moito neste aspecto, mais non no dos políticos, que seguen a encher este establecemento. Antes eran Castelar e os citados Rivera e Astray, namentres estes últimos anos pasaron Bono, Paco Vázquez, Aznar ou Javier Solana.

Relacionada:

Posted via email from Certo.gl, o xornal dixital de Barbanza e Noia

Ribeira: Cáritas agradece a contribución de 1.100€ no I Torneo Cáritas Parroquial de Aguiño

Campaña Institucional de Cáritas  

“Vive sinxelamente para que outros, sinxelamente, poidan vivir”

  • Este é o lema da nova campaña de sensibilización de Cáritas que apela ao noso compromiso persoal e social, como membros dunha mesma comunidade global, a familia humana, que non debe permitir que tres cuartas partes vivan na pobreza mentras que a outra parte vive na opulencia.

 

Ribeira, 11 de decembro de 2012. CÁRITAS PARROQUIAL DE AGUIÑO desexa facer público o seu agradecemento ás seguintes entidades colaboradoras co I Torneo Cáritas Parroquial de Aguiño: S.D. Xuventú Aguiño, Concello de Riveira, Deportes Estévez, Podium Sport, Deprtes Carlos Miguel, Frinsa, Aliprox Aguiño, Floristería Mimos, Florería Bonsai, Electrodomésticos Ruiz, Peluquería Ángela, Peluquería Manola e Pescados Ouviña; cunha mención especial para os árbitros que participaron no evento deportivo-benéfico.

Agradecemento que quer facer extensivo a tódalas persoas asistentes ao certame disputado no Campo Municipal da Tasca, durante a xornada do pasado día 6, e a mañá do domingo día 9, e que contribuíron co seu donativo a realizar una recadación de mil cen euros (1.100 €), destinados a atender e paliar as necesidades e realidades de pobreza da parroquia.

Reseñar que o equipo Campión en categoría Prebenxamín foi o Puebla, F.C.; en categoría Benxamín foi o S.D.V. Cabo de Cruz, e en categoría Alevín foi a S.D. Xuventú Aguiño B.

Gracias tamén, como non, aos clubes que participaron:

PORTO DO SON, XUVENTÚ AGUIÑO, ATL. RIVEIRA, CARREIRA C.F., SALVORA C.F., S.D.V. CABO DE CRUZ, PUEBLA F.C., ABANQUEIRO S.D., S.H. PALMEIRA, XUÑO S.D., unha aperta especial para todos eles.

Posted via email from Certo.gl, o xornal dixital de Barbanza e Noia

Ribeira: andaina ata o dolmen de Axeitos este domingo 16

  • Organiza Arousa Natureza e Ocio
  • Transcorrerá, máis ou menos, entre as dez da mañá e as doce do mediodía

[[posterous-content:pid___0]]

Ribeira, 11 de decembro de 2012. O vindeiro domingo 16, ás 10.00 horas, sairá da rúa Industrial (Polígono Industrial de Xarás, detrás de Frinsa) unha andaina de 12 quilómetros aproximadamente que levará, a todos aqueles que se queiran anotar, por camiños de terra ata Bretal e Axeitos, onde pasarán polo monumento megalítico máis senlleiro da zona, o Dolmen de Axeitos, para regresar unhas dúas horas despois ó punto de partida.

Dificultade técnica: Baixa.
Dificultade física: Baixa.
Inscrición: Gratuita.

Recomendacións:

- Levar roupa e calzado cómodo en concordancia coa actividade que se vai facer.
- Non se permiten animais.
- Prégase estar entre 5 e 10 minutos antes no punto de partida, xa que se sairá con puntualidade.
- Levar auga e alimento en función das necesidades de cada persoa xa que non haberá avituallamentos.





Posted via email from Certo.gl, o xornal dixital de Barbanza e Noia

Boiro: Pedro Campos gañou o torneo poético Slam Arousa na súa vila

Pedro_campos


Boiro, 11 de decembro de 2012. A Pousada das Ánimas acolleu a fría e chuviosa noite do 6 de decembro o certame Slam.Arousa, ao que se presentaron 7 recitadores, entre os cales destacou Pedro Campos, un mozo boirense que é xa unha promesa da literatura barbanzana. Como finalistas, quedaron de novo Ramona Golías e Mauricia Ces Quintáns. Todos os recitadores recibiron unha botella de viño por Cortesía da Pousada das ánimas, e o gañador, obtivo ademáis dúas entradas para ver a Siniestro Total ao día seguinte, na mesma Pousada das Ánimas

Pedro Campos, a pesar da súa curta idade, xa tivo tempo de gañar nos anos 2011 e 2012 o certame literario da súa vila, o Ramón Martínez López, e quedou tamén en segunda posición no certame Xela Arias (A Guarda). Polo de agora, publicou o poemario Hipóteses, teoremas, drogas, estados de ánimo e outros remedios naturais para combater a tose" polo IES Praia Barraña, e en La Voz de Galicia o relato "Cando les un destes libros" (http://www.lavozdegalicia.es/barbanza/2011/12/16/0003_201112B16C9993.htm), co que fixo tamén a curta ()

Tampouco era a primeira vez que Pedro se enfrontaba á tarea de recitar os seus propios versos, xa que comeza a ser un "clásico" do recitado no Barbanza. Así, participou no recital de poesía da "Noite aberta", en Boiro, xunto co performer noiés Serafín Marcos; o recital "Poesía salvaxe", que se celebrou tamén na Pousada das Ánimas, nalgún dos ciclos de poesía que se celebraron no Brétema, en Ribeira, e en dous dos tres slam.arousa que se celebraron até o momento.

Por outra banda, Pedro Campos compaxina a súa creación literaria coa musical, sendo guitarrista do grupo do barbanza "The Feeling Band". Con esta agrupación percorrerá toda a comarca este mesmo Nadal.

Vindeira parada: Vilagarcía en xaneiro

Slam.Arousa continuará o seu percorrido o vindeiro 11 de xaneiro cruzando a ría de Arousa, para instalarse en Vilagarcía por un día, no Gaël. Alí decidirase o cuarto dos finalistas que se unirá a Celia Parra, Ramón Blanco e Pedro Campos para competir na Illa de Arousa no mes de marzo. O gañador desta finalísima viaxará subvencionado a Madrid para participar no Poetry Slam estatal no que recitan versos todos os gañadores dos slams espallados por toda a xeografía española. Esta final estatal, será, seguramente, no mes de abril.





Posted via email from Certo.gl, o xornal dixital de Barbanza e Noia

Boiro: o mércores, 19 de decembro, curso de afectividade e autocoñecemento

  • Organiza ACADAR (Asociación de Mulleres con Discapacidade de Galicia)
  • Será na casa da cultura "Ramón Martínez López", no parque da Cachada
  • Búscase a participación, comunicación, aprendizaxe de autocoidado e fomento da mellora da saúde 
  • Divídese en dous grupos: un de 10 a 13:30 horas e outro de 16:30 a 20 horas
  • Dirixido a mulleres e homes con discapacidade. Aforo de 15 persoas por grupo. Formación de balde (patrocina a Deputación coruñesa)
  • Para participar, a inscrición debe facerse nos teléfonos 674073092 ou 981574698 ou no correo electrónico info@acadar.org

 

Máis información en www.acadar.org

 

 

 


Sin_ttulo-2

Info_Obradoiro_Afect_e_Autoc_Boiro_ACADAR_.pdf Download this file

Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical