8.5.10

Boiro: "Algunos a esto lo llaman progreso"

Jardines del ayuntamiento de Boiro antes de su desaparición
Este edificio y jardines fueron sustituidos por un "precioso" parking subterráneo y una "preciosa" plaza, sosa y anodina por la que se puede pasear sin tropezarte con nada.
Algunos a esto lo llaman progreso.

Logo de ler http://cabodecruz.net/concello-de-boiro-fai-doce-anos
atopámonos con que Pursuman (o usuario de YouTube que subiu este vídeo do edificio do Concello de Boiro en 1998) fixera este vizoso comentario. E non é só el... Lembran a Karl Rainer Birk, o alemán que entrevistamos hai uns meses en Certo? Tampouco lle gusta o novo concello. Refresquen a memoria en http://certo.es/index.php?page=k_rainer_birk
Sie sprechen deutsch? Lesen Sie das Interview hier: http://www.karlrainerbirk.com/Curriculum_viatae.html

Posted via web from Certo.es, o xornal virtual de Barbanza e Noia

Porto do Son: o 12 de xuño, andaina "Verde Muro", polo Ano Mundial da Biodiversidade

 

.

Aproveitando o carácter conmemorativo do 2010, ano mundial da biodiversidade, a CMVMC de Muro está a organizar a Xornada Verde Muro 10.  Este evento, integra distintas actividades deportivas e culturais, que teñen como nexo común o contacto directo dos/as participantes coa natureza local. O fin último é a reconciliación entre as novas xeracións locais, e a contorna onde residen. A  Xornada Verde Muro 10 é un primeiro paso dentro do roteiro que nos achegue á  natureza que nos deixaron as xeracións pasadas, e con isto, iniciar un proceso de posta en valor da súa riqueza.

.

A Xornada Verde Muro 10 ofrece ás persoas participantes as seguintes actividades:

.

1.- Andaina Popular Verde Muro 10 (hora de inicio da actividade: 9.45h.)

Na primeira actividade do día,  os/as inscritos/as deberán cubrir un circuíto, dende a praia de Seráns (explanada do chiringuito O paraíso), ata a Ermita de San Bieito de Seráns. Como o seu nome indica, nesta actividade o importante non é quen chega primeiro, senón desfrutar da paisaxe mentres o/a participante camiña cara a meta.

Ficha de inscrición andaina verde muro 10

Bases andaina verde muro 10

.

2.- Carreira Verde Muro 10  (hora de inicio da actividade: 11.30h.)

Por primeira vez na parroquia de Muro, propoñemos a organización e realización dunha carreira de monte. O percorrido desenvólvese sobre un circuíto mixto, onde se combinan pasos de madeira costeiros, pistas de barro, camiños irregulares e pista asfaltada.  O circuíto será debidamente sinalizado nas zonas onde así o necesite.  A lonxitude é de 8.5 Km, cun desnivel de aprox. 200 mtrs. O deseño da carreira asegura: 

  • O paso dos/as participantes por zonas de alto interese natural
  • O aproveitamento de camiños históricos e sendas estratéxicas
  • Acadar un desnivel (m.) que destaca a sucesión de biótopos

 Ficha de inscrición carreira verde muro 10

Bases carreira verde muro 10

.

Máis info:

Mapa do percorrido (precísase aplicación Google earth)

Introdución aos adestramentos para carreiras

Plan de adestramento de 1 mes

Exercicios de tonificación

Estiramentos

.

 3.- Xogos tradicionais  (dende as 16.00 en adiante). Con participación libre por parte dos/as asistentes á xornada.

Os xogos populares, como outros elementos culturais, conteñen diferentes concepcións que forman parte da sociedade, teñen unha dimensión lúdica e educativa, e son parte importante da convivencia e cooperación en grupo, de ahí o interese de introducilos nesta actividade que pretende afondar na creación de grupo e mellorar o clima grupal dos comuneiros/as e outras persoas que participen da actividade. Ademais, os xogos posúen un gran valor socio-cultural que sobrepasa os aspectos lúdicos, pois cada xogo presenta diferentes características dependendo da zona na que se practica.

Os xogos defínense como a actividade física ou mental que ten a finalidade de divertirse e entreterse, e dentro desta xornada deportiva, encaixa ben esta proposta de xogos tradicionais, pois está acorde a tódolos públicos, poidan ou non correr na carreira, e quere dar un remate distinto e máis distendido, onde se xunte todo o grupo de persoas. A actividade realizarase nos arredores da Ermita de San Bieito, e entre os distintos entretementos contamos con:

  • Bólos
  • Petanca
  • Zancos
  • Sacos
  • Aros
  • Tartarugas
  • Baralla
  • Chave

Todas as ligazóns para anotarse, en http://sanpedro.blogaliza.org/2010/05/06/xornada-verde-muro-10/

Posted via web from Certo.es, o xornal virtual de Barbanza e Noia

Ribeira: reclaman arranxos en obras mal executadas en tres rúas de Corrubedo e unha reordenación do tráfico

Ribeira, 8 de maio de 2010. O grupo socialista local de Ribeira presentou un rogo ante o Concello logo de reunirse con veciños de Corrubedo, os cales manifestaron a súa disconformidade con obras executadas en tres rúas desta parroquia.

En concreto as rúas son Calle Real, Rúa da Fonte e Rúa do Chaprado, onde se constata que a rasante da rúa se atopa máis elevada que as entradas a determinadas fincas e vivendas, co conseguinte risco de entrada de auga aos bens inmobles.

Tamén se queixan do desleixo e esquecemento da pavimentación dun corredor duns 30 metros que liga a Rúa Real coa Rúa do Porto. Outro tramo sen empedrado quedou entre a Rúa Escorial e a Rúa da Igrexa.

Como se observa nas fotos aportadas, tamén hai moitas deficiencias no alumeado público, con brazos e farolas escachadas, así como falta de mantemento xeralizado, como por exemplo no Manantial e no lavadoiro de Rocapellón, que está nunhas condicións lamentables no que atinxe á salubridade e funcionamento.

O Psoe de Ribeira di que os veciños " transmitiron o seu descontento pola situación da circulación viaria e queren unha reorganización do tráfico, con vías de sentido único polas rúas, xa que son moi estreitas". O grupo socialista insta á alcaldía a que tome en consideración as demandas veciñais en Corrubedo, verifique a incorrecta execución desas obras mencionadas e actúe para arranxar todo e con iso evitar futuras molestias ou incluso sinistros.

Posted via email from Certo.es, o xornal virtual de Barbanza e Noia

Arqueoloxía: o proceso de momificación exipcio explicado en dous minutos e 43 segundos

Música: Miña sogra morreu onte, enterreina no palleiro, deixeille un braciño fóra, para tocar o pandeiro

É un privilexio atopar blogs coma o de José Luís do Pico Orjais, músico tradicional e bibliófilo, que nos achegan estas xoias únicas do folclore musical desta zona...
http://ilhadeorjais.blogspot.com/2010/05/n-83-o-folclore-musical-da-arousa.html

Posted via web from Certo.es, o xornal virtual de Barbanza e Noia

Ribeira: programación completa do "Maio cultural" de 2010

O edil Luciano Fernández presentou o programa do Maio Cultural 

Ribeira, 8 de maio de 2010.- Máis dunha ducia de eventos de toda índole, vinculados co espallamento da cultura, servirán para conmemorar no municipio o Mes das Letras Galegas, que este ano está dedicado a Uxío Novoneyra. Con tal motivo, o edil de Cultura e Festexos, Luciano Fernández, presentou a programación do Maio Cultural 2010, organizado polo Concello (a través das Áreas de Cultura e Educación), en colaboración con diversas entidades e institucións.  

Sábado 8 de maio, Día das Nais

Conmemorarase o Día das Nais cun Festival a cargo da Asociación Aires da Dorna. A entrada tamén e libre e gratuíta e terá ao Auditorio como escenario.

Domingo 9 de maio, festival solidario pro Haití


Toda a información nesta ligazón

Luns 10 de maio, proxección de "O Pai de Migueliño"

   Baixo iniciativa do Servizo de Normalización Lingüística de Ribeira e coa colaboración da Deputación da Coruña, este luns, día 10 de maio, a Aula Multimedia acubirllá a actividade “Da Literatura ao Cine”: un evento que se servirá da proxección da curtametraxe “O Pai de Migueliño” (baseada nun texto homónimo de Castelao recollido en “Cousas”) para que o director deste filme, Miguel Castelo, poida explicar aos asistentes (uns 30 alumnos de Primeiro de Bacharelato) o complexo proceso das adaptacións do relato literario ao cinema.

Esta actividade ten como obxectivo principal establecer as relacións existentes entre a literatura e o cine, linguaxes suxeitas a especificidades diferentes, dar a coñecer historias autóctonas contemporáneas, introducir aos escolares nos rudimentos da linguaxe cinematográfica e achegalos ao proceso, complexo e interesante, da construción fílmica. Será entre as 16 e as 18 horas. 

Martes 11 de maio, recital comentado

Darío Xohán Cabana é o da dereita

 O martes 11 de maio hai un Recital Comentado de Uxío Novoneyra a cargo de Darío Xohán Cabana, que está dirixido a alumnado de 3º Ciclo de Primaria. Terá lugar no Auditorio Municipal.

Mércores 12 de maio, charla sobre Novoneyra

O mércores 12 de maio, Antón Lopo pronunciará a charla “Uxío Novoneyra, a distancia do lobo”, destinada a alumnos do 2º Ciclo de Secundaria e que se celebrará ás 11 horas no Auditorio.

Venres 14 de maio, recital poético "Ventos"

Tamén ás 11 horas terá lugar o venres día 14 o recital poético “Ventos”, a cargo de Pífano Teatro, no que asistirán alumnos de 1º do Ciclo de Secundaria.

Martes 18 de maio, entrega premios concurso audiovisual

   O martes 18 de maio, o Auditorio Municipal será escenario ás 21 horas da Gala de Entrega de Premios do Segundo Concurso Audiovisual Galego Olloboi, que organiza o IES Leliadoura.

Mércores 19 de maio, contacontos e premios

O mércores 19 de maio, ás 11 horas, terá lugar unha sesión de contacontos desenvoldida pola compañía Duendesico que levará por título “O Colleiteiro de Pensamentos”. Ademais, no mesmo acto entregaranse os premios do XVIII Certame Literario Uxío Nononeyra, cuxos premios están integrados por lotes de libros, material didáctico e diplomas.

Xoves 20 de maio, obradoiro literario

E por último, o xoves 20 de maio, na Biblioteca Municipal, terá lugar o obradoiro literario “Ti Contas”, a cargo de Jaureguizar. Celebrarase ás 11.30 horas.

Exposicións

Hai unha dedicada a Autor@s das Letras Galegas que xa se pode ver exhibida na sala baixa do Auditorio Municipal ata o 31 de maio. Estará aberta ao público de luns a venres de 11 a 14 horas e os martes e mércores de 18.30 a 20.30 horas. 

Xacobeo

A segunda levará  por título “Iacobus Gallecia. Xacobeo 2010” e está promovida pola S.A. de Xestión do Plan Xacobeo. Terá lugar entre os días 14 de maio e 13 de xuño na sala alta do Auditorio Municipal e o seu horario será de luns a venres, de 11 a 14 horas, e martes, mércores e sábados, de 19 a 21 horas.

Mostra Infantil de Teatro, do 24 ao 28

Mención aparte merece a xa tradicional Mostra Infantil de Teatro, que cumpre a súa 13ª edición e que se celebrará do 24 ao 28 de maio no Auditorio Municipal. As actuacións incluídas nesta mostra será obxecto dunha futura presentación.


Posted via email from Certo.es, o xornal virtual de Barbanza e Noia

Rianxo: nova campaña para fomentar o galego nas empresas, co lema "Se é en galego, é de calidade! "

Toda a información no blog Bico da Ría, do Equipo de Normalización Lingüística do IES "Félix Muriel" de Rianxo, en http://www.bicodaria.com/spip.php?article491

Posted via web from Certo.es, o xornal virtual de Barbanza e Noia

Twitter

Related Posts with Thumbnails Banner: Regale selva tropical