16.11.12

Cinema: o boirense Toño Chouza mete "Things wich didn't exist" no Festival Focus Forward como único filme español

  • Hai 200.000 dólares en premios

Things Which Didn't Exist | Toño Chouza from Focus Forward Films on Vimeo.

Boiro, 16 de novembro de 2012. "Things which didn't exist" ("Cousas que non existían") xa se pode ver dende esta semana na Rede e acadou as semifinais do "Festival Focus Forward", que desta volta leva como temática "Inventos e inventores". É o único filme español -debe estar contento o ministro Wert co que está facendo- neste festival, no que hai unha grande competencia como se pode observar no facebook do certame: http://www.facebook.com/focusforwardfilms e na lista de semifinalistas en http://vimeo.com/focusforwardfilms/semifinalists

Segundo explica o cineasta boirense Toño Chouza, "trátase dun microdocumental que fixemos sobre Xulio González, un prolífico inventor cunha vida intensa. É un home que só durme dúas horas ao día dende que tiña oito anos".

O autor, que divulga a súa obra constantemente nas redes sociais anima a todo aquel que lle guste a compartilo no seu facebook, cabozo.com, twitter ou tuenti. Tamén quere que lle voten na parte superior dereita da imaxe dende a conta de Vimeo, xa que hai un premio simbólico do opúblico. Un xurado decidirá os finalistas que optan a premios, cun "gordo" de 100.000 dólares.





Posted via email from Certo.gl, o xornal dixital de Barbanza e Noia

Cinema: o boirense Toño Chouza mete "Things wich didn't exist" no Festival Focus Forward como único filme español

  • Hai 200.000 dólares en premios

Things Which Didn't Exist | Toño Chouza from Focus Forward Films on Vimeo.

Boiro, 16 de novembro de 2012. "Things which didn't exist" ("Cousas que non existían") xa se pode ver dende esta semana na Rede e acadou as semifinais do "Festival Focus Forward", que desta volta leva como temática "Inventos e inventores". É o único filme español -debe estar contento o ministro Wert co que está facendo- neste festival, no que hai unha grande competencia como se pode observar no facebook do certame: http://www.facebook.com/focusforwardfilms e na lista de semifinalistas en http://vimeo.com/focusforwardfilms/semifinalists

Segundo explica o cineasta boirense Toño Chouza, "trátase dun microdocumental que fixemos sobre Xulio González, un prolífico inventor cunha vida intensa. É un home que só durme dúas horas ao día dende que tiña oito anos".

O autor, que divulga a súa obra constantemente nas redes sociais anima a todo aquel que lle guste a compartilo no seu facebook, cabozo.com, twitter ou tuenti. Tamén quere que lle voten na parte superior dereita da imaxe dende a conta de Vimeo, xa que hai un premio simbólico do opúblico. Un xurado decidirá os finalistas que optan a premios, cun "gordo" de 100.000 dólares.





Posted via email from Certo.gl, o xornal dixital de Barbanza e Noia

Cinema: o boirense Toño Chouza mete "Things wich didn't exist" no Festival Focus Forward como único filme español

  • Hai 200.000 dólares en premios

Things Which Didn't Exist | Toño Chouza from Focus Forward Films on Vimeo.

Boiro, 16 de novembro de 2012. "Things which didn't exist" ("Cousas que non existían") xa se pode ver dende esta semana na Rede e acadou as semifinais do "Festival Focus Forward", que desta volta leva como temática "Inventos e inventores". É o único filme español -debe estar contento o ministro Wert co que está facendo- neste festival, no que hai unha grande competencia como se pode observar no facebook do certame: http://www.facebook.com/focusforwardfilms e na lista de semifinalistas en http://vimeo.com/focusforwardfilms/semifinalists

Segundo explica o cineasta boirense Toño Chouza, "trátase dun microdocumental que fixemos sobre Xulio González, un prolífico inventor cunha vida intensa. É un home que só durme dúas horas ao día dende que tiña oito anos".

O autor, que divulga a súa obra constantemente nas redes sociais anima a todo aquel que lle guste a compartilo no seu facebook, cabozo.com, twitter ou tuenti. Tamén quere que lle voten na parte superior dereita da imaxe dende a conta de Vimeo, xa que hai un premio simbólico do opúblico. Un xurado decidirá os finalistas que optan a premios, cun "gordo" de 100.000 dólares.





Posted via email from Certo.gl, o xornal dixital de Barbanza e Noia

Boiro: o venres 23 de novembro, Terbutalina e Familia Caamagno en concerto

http://youtu.be/KBTNWZq66i4





Posted via email from Certo.gl, o xornal dixital de Barbanza e Noia

Boiro: o venres 23 de novembro, Terbutalina e Familia Caamagno en concerto

Terbutalina_boiro
http://youtu.be/KBTNWZq66i4





Posted via email from Certo.gl, o xornal dixital de Barbanza e Noia

Noia: o Concello resolve o contrato da piscina e, logo do pleno deste mes, pasará a dirixir a piscina

  • Xa se traballa co día 12 de decembro como data de reapertura, tras arranxar as deficiencias detectadas
  • O Concello faise cargo dos traballadores da concesionaria polo momento

Media_httpfarm9static_rfzan

Entre as deficiencias denunciadas, a incorrecta temperatura da auga

Noia, 16 de novembro de 2012. Segundo informa hoxe o Concello de Noia en nota de prensa, "unha vez finalizado o prazo dado desde o Concello de Noia á empresa que ten a concesión da piscina municipal, os técnicos municipais comprobaron o incumprimento das órdenes dadas de realizar as obras de mantemento precisas e de reapertura da instalación.  Ante esta situación (previsible dada a pasividade da empresa), desde o Concello tomáronse distintas medidas:

  1. Desestimáronse os recursos presentados, ademais iniciouse a desestimación da solicitude de desequilibrio económico 
  2. O máis importante: iniciouse o expediente de secuestro da concesión para o restablecemento inmediato do servizo, e ao mesmo tempo iniciouse o proceso de resolución contractual".

Os trámites a seguir agora son a notificación á empresa da incoación do inicio destes expedientes e audiencia antes de levalo ao pleno extraordinario que se celebrará na última semana do mes.  Unha vez se celebre o pleno, o concello pasará a dirixir a piscina, facendo as obras precisas para reabrir a piscina a primeiros de decembro, "previsiblemente o mércores 12 de decembro".

Segundo fontes municipais, "o secuestro da concesión é unha medida moi excepcional, onde o concello se fará cargo da concesión, facéndose cargo temporalmente de todas instalacións, materiais e incluso traballadores. Mentres dure o secuestro (que ten un máximo de dous anos, pero que a previsión é que dure ata a resolución do contrato), os traballadores seguirán mantendo a relación contractual coa empresa, pero baixo a dirección do concello a través do interventor técnico que se designe en representación da administración municipal".

Media_httpfarm9static_hejbg

En Boiro, por causas semellantes, a piscina leva pechada dende xullo

Tamén aclara o Concello que "as irregularidades detectadas son moitas, de feito no 2011 xa se lle abriron expedientes sancionadores á empresa en varias ocasións. Os principais erros son os incumprimentos en mantemento das instalacións, que culminou coa desatención á orde de realizar as obras precisas en 15 días e reabrir o servizo, pero xúntanse outros incumprimentos como non ter o persoal axeitado segundo contrato, mala atención aos usuarios, eliminación do servizo de raios UVA, supresión de actividades que debería realizar, temperatura incorrecta na auga e un longa lista de irregularidades".





 

 

Posted via email from Certo.gl, o xornal dixital de Barbanza e Noia

Ribeira: nove colexios dentro do ciclo de cinema escolar para promover en valores

Media_httpfarm9static_bmbli

Vicente Mariño e María do Carme Vizcaya

Ribeira, 16 de novembro de 2012.- O Concello acaba de poñer en marcha unha nova acción de sensibilización social dirixida ao ensino, consistente nun ciclo de cine escolar que se subdivide en dúas programacións en función do público ao que están orientadas: a infancia e os alumnos e alumnas de máis de 12 anos.

Coa intención de explicar o contido desta iniciativa, que recibe o apoio do Fondo Galego de Cooperación, compareceron no Consistorio Local os concelleiros de Educación e Servizos Sociais, Mª Carmen Vizcaya e Vicente Mariño, respectivamente.

Xa hai nove centros involucrados, que proxectarán algúns dos filmes que hai a disposición (sete en total) nas súas respectivas instalacións. Non obstante, a edil de Educación quixo facer un chamamento a todos os colexios do municipio para que se sumen á acción, na certeza do seu interese para educar en valores á mocidade.

As dúas programacións existentes son:

1. A EDUCACIÓN, DEREITO UNIVERSAL.

Datas: dispoñible durante os meses de novembro e decembro de 2012.

Dirixido a: rapaces de máis de 12 anos, ESO.

Lugar: centros de ensino secundario.

O ciclo está deseñado para que a infancia occidental poida ver as vantaxes de que dispoñen nos seus países desenvolvidos e libres, fronte a aqueles que sofren as carencias impostas pola intolerancia, as diferenzas por sexo, a pobreza... promovendo ao visualizar estes problemas a solidariedade e a empatía.

Películas:

Binta e a gran idea. (Javier Fesser. 2004. 29 minutos). Binta ten sete anos, vive nunha preciosa aldea xunto ao río Casamance no sur do Senegal e vai á escola. Súa prima Soda non ten a mesma sorte. A ela non se lle permite aprender as cousas que ignora deste mundo. Binta admira a seu pai, un humilde pescador que, preocupado polo progreso da humanidade, está empeñado en levar a cabo “unha idea” que se lle ocorreu.

Buda explotou por vergoña. (Hana Makhmalbaf. 77 minutos) Baktai é unha nena de seis anos que vive baixo a estatua de Buda que destruíron os talibáns. O seu maior desexo: poder estudar. A violencia está por todas partes e o camiño cara a escola será unha dura proba para Baktai. Os outros nenos acósana imitando con crueldade aos maiores, queren dispararlle ou simplemente destruíla coma o Buda. Logrará Baktai superar estes obstáculos para poder aprender os alfabetos da súa lingua materna?

Os rapaces do coro. (Christophe Barratier, 2004): En 1949 Vláment Mathieu, profesor de música en paro, comeza a traballar como vixiante nun internado de reeducación de menores. Especialmente represivo, o sistema de educación do director Rachin a penas logra manter a autoridade sobre os alumnos difíciles. Nos seus esforzos por achegarse a eles, Mathuieu descobre que a música atráelles poderosamente e entrégase á tarefa de familiarizalos coa maxia do canto, ao tempo que vai transformando as súas vidas para sempre.

Proxeccións xa concertadas:

IES Leliadoura (25, 31 de outubro); IES Nº1 (12, 13 de novembro);

CPR A Milagrosa (28 de novembro); CPR Galaxia (17 ao 21 de decembro).

 

2. EDUCANDO Á INFANCIA EN VALORES.

Datas: dispoñible desde o 12 de novembro ata fin de decembro de 2012.

Dirixido a: infancia, nenos e nenas de Primaria.

Lugar: centros de ensino primario.

Este ciclo promove o coñecemento da relación que hai entre as diferentes partes do mundo. Hai que ter en conta que Riveira é terra de mariños polo que os nenos coñeces as distancias xeográficas, pero é importante que coñezan outras formas de vida e a necesaria solidariedade internacional.

Películas:

Azur e Asmar. (Michel Ocelot, 2006) Dous nenos foron criados pola mesma muller: Azur, de louros cabelos e azulados ollos, era o fillo dun nobre; mentres que Asmar, moreno e de ollos negros, era o  propio fillo da ama de crías. Creceron xuntos como se fosen irmáns ata que o destino os separou. Xa adultos e convertidos en rivais procuran terras prodixiosas.

Kirikú e as bestas salvaxes (Michel Ocelot e Bénédicte Galup, 2005) O avó, no seu trono da gruta azul, cóntanos como Kirikú se converte en xardineiro, detective, oleiro, comerciante e médico, e cómo o máis pequeno e valente dos heroes terá que buscar no seu interior para atopar o valor, a astucia e a xenerosidade necesarias para triunfar sobre o mal.

James e o melocotón xigante (Henry Selik, 1996) Logo de morreren seus pais, James ten que vivir coas súas crueis tías. A visita dunha araña á que salva, proporciónalle un medio para escapar: un enorme pexego que medra no seu xardín. Mostra o valor da forza de vontade, a capacidade de triunfar sobre as adversidades, as diferentes perspectivas da vida...

Happy feet (George Miller, 2006) Na nación dos pingüíns emperador, na Antártida, nace Mumble o único pingüín bailarín de claqué. Pola súa diferente habilidade acaban por botalo da comunidade. Lonxe do seu fogar reúnese cun grupo de pingüíns diferentes que se afeccionan aos seus bailes e o convidan a formar parte do grupo. Mumble emprende viaxe a través de amplas paisaxes e ata demostrar o importante que é ser fiel a un mesmo.

Proxeccións xa concertadas:

CEIP de Artes (do 19 ao 23 de novembro); CEIP DE OLVEIRA (do 26 ao 30 de novembro); CEIP Aguiño (do 3 ao 5 de decembro); CPR A Milagrosa (do 10 ao 16 de decembro);  CPR Galaxia (do 17 ao 21 de decembro).



Posted via email from Certo.gl, o xornal dixital de Barbanza e Noia

Ribeira: o sábado 24 e domingo 25 de novembro, curso de creación de roteiros e animación culturais

  • Organiza o Concello. O 1 de decembro impártese a parte práctica
  • Será no centro de interpretación de San Roque

Media_httpfarm5static_tigmt

Vista do cenador do parque de San Roque

Ribeira, 16 de novembro de 2012.- O Centro de Interpretación do parque periurbano de San Roque vai dar cabida dende finais deste mes a un curso de Creación de Rutas e Animación promovido polo Concello.

O curso está auspiciado dende a Concellería de Xuventude e Igualdade, que dirixe Aroa Fernández, co obxecto de dinamizar o turismo do municipio a través da formación da poboación para poder prestar un servizo de atención de calidade. Con tal motivo, no transcurso da acción formativa achegarase ao alumnado o coñecemento do patrimonio do concello, aprenderáselles a facer animación na guiada, daráselles a coñecer o turismo potencial e a perfilar unidades de desenvolvemento que provoquen maior afluencia do mesmo e

O desenvolvemento técnico do curso correrá  a cargo da empresa Golfiño Xestión de Ocio, actuando como docente Irene Maneiro Paz, dinamizadora turística da Mancomunidade de Municipios Arousa Norte.

Media_httpfarm4static_ejrjc

Entre as visitas haberá unha á lonxa de Ribeira

Inscricións

As clases desenvolverase os días 24 e 25 de novembro e 1 de decembro, en horario de 9 a 14 e de 16 a 21 horas. As inscricións deben facerse na Casa da Xuventude de Riveira. Hai un máximo de 25 prazas.

Programa completo:

DÍA 

CONTIDOS

SÁBADO 24 DE NOVEMBRO

Parte teórica

Presentación do programa do curso

Aspectos xerais do turismo e o ocio

A xeografía turística: diferenzas entre destino e xeodestino

O patrimonio de Riveira e da comarca

O potencial turístico do patrimonio de Riveira e da comarca. Os recursos turísticos

Características  e diferenzas entre recurso, produto turístico, paquete turístico e ruta turística

A accesibilidade Universal como eixe transversal na planificación dunha ruta turística:

  • Definición
  • Tipos de discapacidades
  • Recursos para a atención
  • Textos de lectura fácil

A interpretación do patrimonio como eixe transversal na planificación dunha ruta turística:

  • Definición
  • Obxectivos
  • Principios e aplicacións

O perfil do monitor - guía

Planificación e deseño dunha ruta turística e de animación

A ruta

  • Obxectivos
  • Perfís do público visitante
  • A mensaxe interpretativa, o tópico e o tema
  • Conceptos tanxibles e intanxibles

Traballo de campo

  • Inventario e ficha de avaliación dos recursos
  • Rasgo interpretativo
  • Índice do potencial interpretativo
  • Conceptos tanxibles, intanxibles e universais dos recursos inventariados
  • Mapa temático

Elaboración do guión da ruta

  • Busca e selección da información
  • A redacción do guión  baixo criterios de Interpretación do Patrimonio

Boas prácticas no guiado

Avaliación

A promoción da ruta

  • Deseño de folletos
  • Recursos para a promoción web 2.0
 

Lexislación e bibliografía

 

DOMINGO 25 DE NOVEMBRO

Parte práctica

 

VISITA Á  LONXA DE RIVEIRA

 

ACTIVIDADE PRÁCTICA

Fase I. Deseño dunha ruta con temática mariñeira no entorno urbano de Riveira

Creación de grupos e reparto de tarefas para a experiencia piloto.

Traballo de campo:

  • Inventario de recursos
  • Determinación do nº de paradas
  • Duración estimada
  • Identificación de espazos para a realización de dinámicas e animación
  • Identificación de contidos para promoción

Elaboración dos contidos

  • Seleccións dos temas a interpretar en cada parada
  • Elaboración de documento informativo e gráfico
  • Elaboración de material de apoio

 

A promoción en folleto

  • Elaboración conxunta dun folleto de promoción da ruta creada

 

 

SÁBADO 1 DE DECEMBRO

Parte práctica

Campus vivencial de rutas guiadas

  • Ruta audioguiada en Palmeira
  • Visita guiada no Museo  municipal
 

Avaliación do campus vivencial

  • Análise das diferenzas entre rutas audioguiadas e rutas guiadas por un intérprete

ACTIVIDADE PRÁCTICA

Fase II. Presentación e realización da ruta deseñada a cargo dos alumnos do curso

Posted via email from Certo.gl, o xornal dixital de Barbanza e Noia

Colaboración: "Nada que ver con nós", por Javier Ferreirós

Woody-guthrieresized
"Xa viches a un millón de persoas así. Poida que na parte máis poboada da túa cidade; a parte de atrás, a que está conxestionada e amoreada, a parte pola que é máis difícil transitar en coche. Poida que te preguntaras: “De onde vén tanta xente? Como comen e se manteñen vivos? Para que serven? E por que viven dese modo?”. Esas persoas tiveron unha casa e un fogar coma o teu, establecéronse e tiveron un emprego igual ca ti. Entón algo os sacudiu e perdérono todo.”

Rumbo_gloria
Quen nos fala é Woody Guthrie (1912-1967) a quen xa dediquei un artigo en Certo. Recolle esta reflexión nas súas memorias, Bound for Glory (publicadas en castelán co título Rumbo a la gloria por Global Rhythm Press en 2009), escritas cando tiña 30 anos e xa vivira máis do que moitos viviremos nunca. Os Estados Unidos saían da Gran Depresión e entraban na guerra; o ser humano vivía o momento máis crítico da súa historia, polo momento. As razóns polas que comento este texto son, obviamente, a súa “rabiosa actualidade” e a súa ferinte honestidade, tan propia de toda a obra deste bardo da era industrial que nunca coñeceu o “Estado do Benestar” con que as esgotadas democracias europeas, a través dunha serie de concesións, intentaron contentar ós traballadores trala II Guerra Mundial por medo ó triunfo do comunismo, igual que antes intentaran contentar a Hitler concedéndolle todos os seus caprichos ata que invadiu Polonia o 1 de setembro de 1939.

Depression
Nos Estados Unidos creouse a arte que mellor reflicte os vaivéns do século XX, o “século das masas”, durante o cal ese inmenso país foi o seu grande protagonista. Cando Woody escribiu isto a clase traballadora aínda sufría os efectos da Depresión, por moito que os indicadores macroeconómicos dixeran o contrario. Igualmente, todo se suavizará nos medios de comunicación cando cheguen dunha vez por todas os “brotes verdes”, todo soará como unha pílula efervescente caendo na auga das nosas inquedanzas. Pero a besta neoliberal estará a rir entre dentes, refregándose as súas mans de ferro cubertas por luvas de seda.

Gran_depresion_20098
Que será de nós entón, habitantes do último recuncho do mundo? Ata fai nada os galegos viviamos nunha Depresión eterna, entón Franco morreu na cama, os caciques quedaron e de súpeto estabamos integrados no mundo moderno das liberdades e o Estado do Benestar. Xa que entramos nesta dinámica, que antes nos estaba vedada, de poder loitar contra esa miseria estrutural, poida que debéramos facer algo como colectivo; se a angustia ven polo dilema de renunciar a un día de paga ou non, levámola clara. Ás veces semella que a cousa non ten nada que ver con nós. A terra afúndese ós nosos pés e seguimos a asubiar. Como comemos e nos mantemos vivos? Por que vivimos deste modo? E, sobre todo, para que servimos? Deberiamos responder antes de que o faga o Monstro Mecánico.

Anterior colaboración:

"Lennon e McCartney, artistas parisienses"

 


Músico e historiador
Serie exclusiva para Certo coa análise
dos principais discos da música mundial
"Música por dentro"

 

Posted via email from Certo.gl, o xornal dixital de Barbanza e Noia

Dodro: escritores galegos homenaxean a Eusebio Lorenzo Baleirón este sábado 17 de novembro

  • Eusebio cumpriría 50 anos este ano, xa que naceu en 1962
  • O premio que leva o seu nome chega desta volta á súa XXV edición
Media_httpfarm9static_pjfbz

Eusebio, á esquerda, coa avoa Amancia e seu irmán pequeno, Manuel

Dodro, 16 de novembro de 2012. Mañá sábado, 17 de novembro, a Asociación de Escritoras e Escritores en Lingua Galega homenaxea ao poeta de Dodro -quen este ano faría os 50 anos- ás 12:30h na súa casa natal na parroquia de Laíño, lugar de Tarrío, 26, do Concello de Dodro, co seguinte programa:

• Intervención de Cesáreo Sánchez Iglesias, presidente da AELG
• Laudatio de Paulino Vázquez
• Intervención dun membro da familia Lorenzo Baleirón
• Descubrimento dunha placa conmemorativa
• Lectura poética de poemas de Eusebio Baleirón a cargo de Carlos Negro
• Remata o acto cunha interpretación musical

O acto contará coa presenza dos alcaldes de Dodro e Padrón.

Eusebio Lorenzo Baleirón é un dos grandes poetas da segunda metade do século XX. En palabras de Román Raña no ano 1985: "Pertence á estirpe poética dos 80, percorre coa súa lira terreal os denodados camiños do verbo". "O impeto naceu das entrañas acuciantes dun tempo enneboado. Na poesía de Eusebio achamos a esteira de Borges e a floración de Cunqueiro. Había tempo que o escritor bonaerense non deixara unha pegada tan patente nos versos dun poeta galego: del vén a memoria e os espellos, un inmpudor metafísico que pretende despir a esencialidade das cousas e as normas do cosmos; do escritor de Mondoñedo surxe a eclosión lírica, a demorada reconstrución de espacios estelares e de sombras interiores onde o amor palpita paralelamente á desazón, onde hai papoulas e a espiña intanxíbel que inexorabelmente lacera o poeta."

Pode que tamén lle interese:

Relacionado:
Artigo do escritor Ramón Torrado:


Posted via email from Certo.gl, o xornal dixital de Barbanza e Noia

Ribeira: o luns 19 de novembro, xornada sobre prevención de violencia de xénero no ámbito educativo

  • Será no auditorio, co gallo do Día Internacional contra a Violencia de Xénero

Media_http1bpblogspot_izscu

A psicóloga blogueira Ianire Estebánez falará de prevención de violencia de xénero

Ribeira, 16 de novembro de 2012.- O Concello está a preparar a través da súa Concellería Delegada de Xuventude e Igualdade unha nutrida programación de actividades destinadas a conmemorar o Día Internacional contra a Violencia de Xénero que terá lugar o vindeiro 25 de novembro.

A primeira desas actividades acontecerá este mesmo luns, día 19 de novembro. Trátase dunha xornada titulada “Prevención da violencia de xénero no ámbito educativo” que se desenvolverá no Auditorio de Riveira, con participación de alumnos e alumnas de distintos centros educativos do municipio.

Realities e "Mi novio me controla... lo normal"

A xornada dará comezo ás 16 horas coa ponencia “Os estereotipos na pantalla. A realidade dos realities”, impartida polo xefe do departamento de Imaxe na Escola de Imaxe de A Coruña, Francisco Negreira.

A continuación, ás 18 horas, terá lugar a conferencia “Enredámonos?”, a cargo de Ianire Estébanez, blogueira de http://minoviomecontrola.blogspot.com.es e psicóloga especialista en sensibilización e prevención contra a violencia de xénero.

A acción conta coa colaboración da Secretaría Xeral de Igualdade e o Fondo Social Europeo.

Relacionada:

Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical