via fiveprime.org
Posted via web from Posterous de Certo, o xornal virtual de Barbanza e Noia
30.12.09
Dodro: maxia contra ciencia no Nadal activo
Este mércores día 30 de decembro tivo lugar a actuación “Maxia vs Ciencia” en Dodro. Unha científica, Rigoberta, vai dar unha conferencia sobre ciencia pero o mago, Pablo, perséguea e contrapón os seus trucos de maxia aos experimentos científicos dela.
A maioría do público asistente eran nenos que puideron gozar con experimentos científicos e as súas explicacións, ao tempo que vían trucos de maxia que, cunha metodoloxía completamente distinta, conseguían acadar un efecto moi semellante.
Representouse no Salón de Actos da Paxareira, ante unhas trinta e cinco persoas, que disfrutaron coa posta en escea e mesmo participaron activamente.
Esta función foi a penúltima do programa “Nadal Activo 2009” do que só resta unha obra de teatro de Darío Fo: “Os mortos factúranse e as mulleres íspense” que se representa o mesmo día 30 ás 20 h.
A traca final do Nadal é o día 5 de xaneiro, coa segunda edición da Cabalgata de Reis en Dodro.
Posted via email from Posterous de Certo, o xornal virtual de Barbanza e Noia
Compártelo
Deportes: o Máster Galego de Tenis, esta fin de semana en Ribeira
Imaxes da presentación esta mañá, co concelleiro de Deportes de Ribeira, M. A. Vidal, e Blas Sobrido, do clube de tenis Punta Salera de A Pobra
Posted via email from Posterous de Certo, o xornal virtual de Barbanza e Noia
Compártelo
Porto do Son: Curva á Eskerda o sábado 2 de xaneiro
O sábado 2 de xaneiro actúa o "Curva á Eskerda", un grupo de Porto do Son. Na sala Ardora (ao pé da praia de Fonforrón), ás 24h.
Posted via email from Posterous de Certo, o xornal virtual de Barbanza e Noia
Compártelo
Rianxo: o martes 5 de xaneiro, cinema pola mañá e cabalgata de Reis e belén vivinte pola tarde
O vindeiro martes, 5 de xaneiro, as Súas Maxestades Os Reis Magos de Oriente visitarán, como cada ano, ós nenos e nenas de Rianxo. Haberá Cabalgata de Reis e Belén Vivinte. Este ano ademais, os paxes das SSMM os Reis Magos pasarán polas distintas parroquias a recoller as cartar de todos os nenos e nenas e a repartir caramelos.
As SSMM os Reis Magos sairán ás 18:00 horas do Ceip Castelao, seguirán por Rianxiño e Rinlo ata a Praza Castelao, onde ás 18:30 horas serán recibidos no Concello e realizarán a ofrenda ó Belén Vivinte. A continuación seguirán co seu desfile polas rúas da Vila e visitarán a Igrexa Parroquial, onde repartirán caramelos, sobre as 19:30 horas.
Este ano ademais os paxes das SSMM os Reis Magos pasarán polas distintas parroquias a recoller as cartas de todos os nenos/as de Rianxo e repartir caramelos. Acudirán ao remate das misas dos días 1 e 3 de xaneiro nestes horarios:
Venres 1 de Xaneiro:
- Araño: logo da misa de 10:00 h
- Isorna: logo da misa de 11:30 h
- Taragoña: logo da misa de 12:30 h.
Domingo 3 de Xaneiro:
- Leiro: logo da misa de 10:30 h
- Asados: logo da misa de 11:30 h
- Rianxo: logo da misa de 12:00 h
En caso de choiva, a recepción trasládase á Igrexa Parroquial.
Cine para nen@s
Tamén o vindeiro martes, 5 de xaneiro, ás 11.30 horas, no Auditorio de Rianxo, realizaráse a proxección da película "O Sono dunha noite de San Xoán", baseada na obra de William Shakespeare.Din as lendas que unha noite ao ano, no San Xoán, os humanos poden acceder ao Mundo Máxico. Elena, intelixente pero pouco soñadora, non cre en contos. Pero cando cae enfermo seu pai, o duque Teseo, ela está disposta a calquera cousa para lle devolver a ilusión. Mesmo ir na procura de Titania, raíña das fadas. Sen embargo, o Mundo Máxico xa non é o que era, pois malgobérnao o rei Oberón, quen comercia cos feitizos axudado polo trasno Perecho. Esta película obtivo un premio Goya da Academia Española á mellor película de animación (xaneiro de 2006).
Posted via email from Posterous de Certo, o xornal virtual de Barbanza e Noia
Compártelo
Porto do Son: o domingo 3 de xaneiro actúa U-Tres no polideportivo
O vindeiro domingo, día 3 de Xaneiro de 2010, actuará no polideportivo de Porto do Son o Grupo de Rock "U-Tres", a partires das 19:00. Haberá diversas actuacións artísticas diferentes, ademais desta musical.
Posted via email from Posterous de Certo, o xornal virtual de Barbanza e Noia
Compártelo
Suscribirse a:
Entradas (Atom)
