30.5.12

Boiro: a asociación Aturuxo, á que lle queren pechar o local, quere entrevistarse co alcalde

Media_httpfarm5static_hpivm

Boiro, 30 de maio de 2012. A asociación cultural Aturuxo!, ante a intención do Concello de Boiro, gobernado polo Partido Popular, de pechar o local social que
xestiona na rúa Principal quere aclarar unha serie de feitos que lles parecen de
relevancia e detallan hoxe en nota de prensa.

"A cronoloxía dos feitos é a seguinte: o sábado 19 de Maio fáisenos entrega no local social de Aturuxo (R/ Principal nº118, Boiro) por parte da Policia Local dun "expediente urbanístico" no que se nos esixe a "reposición de legalidade" nun prazo de 15 días, caso contrario procederán á suspensión da actividade que
se leva no local. A licenza, que propoñen como válida, é a de CAFE - CONCERTO, unha licenza comercial á que non podemos acceder, pois somos unha asociación sen ánimo de lucro", comezan explicando.

Desde Aturuxo manifestan que:
"1º O local social da nosa asociación está legalizado na Conselleria de Xustiza, así vén recollido nos Estatutos da Asociación, neles explicítase que no local social o colectivo desenrolará todo tipo de actividades (concertos, charlas, obradoiros, monólogos, obras de teatro, proxeccións, etc) encamiñadas a promoción da lingua e cultura galegas.


2º Somos unha entidade sen ánimo de lucro, na que se organizan dúcias de persoas do noso concello e comarca e no noso local social reúnense centos de persoas cada semana. O local finánciase coa achega das socias e socios, nunca pedimos ningunha subvención, nen axuda das administracións.


3º O Concello de Boiro ten a obriga de non obstaculizar o devenvolvemento das nosas actividades. En novembro do pasado ano xa se nos impideu facer o Magosto Popular, pois esixíase unha fianza de 300€.


4º O intento de peche do local social é un retroceso inasumible para o movemento asociativo do noso Concello e Comarca, encamiñamos ao Concello de Boiro a retirar este expediente e abrir canles de comunicación coa nosa asociación. Desde Aturuxo, solicitouse o Martes 29 de Maio unha reunión co
Alcalde da Corporación, ainda non tivemos resposta.

5º Desde a asociación cultural Aturuxo adiantamos que non imos renunciar a contar cun espazo no noso Concello, a veciñanza de Boiro non pode asumir que nos rouben un espazo de encontro e cultura.


6º Desde que o Luns 28 de Maio que se iniciou unha recollida de sinaturas por internet lévanse xuntado máis de 500, o que vén a demostrar o importante apoio co que Aturuxo conta no Concello e Comarca. Para rematar queremos agradecer os centos de correos electrónicos e ás ducias de bandas, grupos de teatro, asociacións, veciñas e veciños que se teñen ofrecido a colaborar con nós e entre todas/os parar o peche de Aturuxo".

ATURUXO NON SE PECHA!
A CULTURA NON SE PECHA!
--------------------------------------------
web: www.aturuxa.blogspot.com




Posted via email from Certo.gl, o xornal dixital de Barbanza e Noia

Porto do Son: o Bng esixe explicacións por unha piscina "inda máis cara antes de iniciarse"

Porto do Son, 30 de maio de 2012. Diante da polémica creada polo Goberno municipal e o PSOE con respecto á obra da piscina municipal de Porto do Son, o BNG considera que "é moi importante que alguén lle conte a verdade aos veciños e veciñas sobre a piscina municipal", explica hoxe en nota de prensa o partido nacionalista.
    A piscina estaba proxectada dentro dun plan da Deputación da Coruña para o período 2005/2006, "polo que xa debería de estar en funcionamento, non o está pola falta de intereses políticos dos anteriores gobernos do PSOE, do PP e de Quiñoi (en ámbolos dous gobernos). O proxecto e a ubicación da piscina foron aprobados en Pleno por un goberno do PSOE, sendo Quiñoi tenente de alcalde e máximo responsábel da área de deportes, co respaldo do PP e sen ter en consideración o posicionamento do BNG que era o de facer a piscina no casco urbano do Son, axeitada á realidade do noso concello e a súa sustentabilidade", sinalan dende o Bng sonense.
    O primeiro proxecto era de 1.011.523,70 euros, que logo se convertiron en 1.500.000 euros "polos extras do Sr. Quiñoi (textualmente na acta: piscina de prácticas para os pequenos, un iakuzi, unha sauna, unha ducha para masaxes, que se inclúen agora co obxecto de lograr que a explotación sexa máis rendible), que ademais aseguraba que se ía manter cos ingresos do Parque Eólico Singular. Cando chega o PP ao goberno non conforme con este proxecto, túmbao, paga unha rescisión do contrato por 26.000 euros, fai un proxecto novo que lle costa ao concello 63.000 euros e presentan unha piscina de 2.500.000 euros", critica o Bng.
    Cando o BNG chegou ao Goberno municipal, "vendo que a piscina seguía a ser unha promesa e que non existía o financiamento da Xunta de Galiza prometido polo PP para a súa piscina, tivo que retomar o anterior proxecto e para o que si tiñamos garantido o seu financiamento por parte da Deputación da Coruña. Iniciamos o acondicionamento da parcela e consideramos que a arquitecta municipal tiña que tutelar esta obra, para aforrar cartos e para que fixese o seu seguimento puntual", aseguran os nacionalistas, que sinalan que "deixamos a obra da piscina en fase de adxudicación por unhas alegacións que presentou a empresa COPCISA que ao final foi a adxudicataria, ao igual que das obras da 2ª fase do Museo do Mar. Consideramos que un tema tan relevante coma éste non debería ser motivo de liortas de prensa, senón que xa se debería de ter convocada unha Xunta de Portavoces por parte do Goberno municipal, que tanto lles gustaba ao PP e a AVS solicitar cando estaban na oposición. Por último, lembrarlles que o BNG é a segunda forza política deste concello e como tal pedimos unha explicación formal por parte do goberno."

Relacionada:


Piscina: o Psoe fala de despilfarro e engano

Antes, en Certo:


Perseveiragargalladas co inaugurador, Quico Cadaval


Castro de Baroña: traballos de recuperación ata xullo

 

 

Posted via email from Certo.gl, o xornal dixital de Barbanza e Noia

Cultura: Noia, Muros e Porto do Son cederon pezas para "Gallaecia Petrea", a nova exposición da faraónica e baleira Cidade da Cultura

  • A Consellería de Cultura e Educación agradece a colaboración de 90 institucións para facer esta mostra, a primeira exposición do Museo de Galicia da inacabada Cidade da Cultura

  • A través de "Gallaecia Petrea", o visitante recorrerá a historia da construción da cultura galega a partir dun elemento tan característico deste país como a pedra. Hai dende petróglifos ata laudas medievais, pasando por escultura contemporánea

Media_httpfarm8static_twjai

A lauda da dereita, en Sta María a Nova, foi a cedida a "Gallaecia Petrea"

Noia, 30 de maio de 2012. A Consellería de Cultura, Educación e Ordenación Universitaria quere manifestarlle o seu agradecemento "ás 90 institucións culturais, concellos e coleccionistas de todo Galicia, do resto de España e de Portugal que colaboran prestando pezas para a organización da exposición Gallaecia Petrea, unha mostra que se inaugurará proximamente no Museo de Galicia da Cidade da Cultura", segundo explicou en nota de prensa hoxe a Xunta. Entre esas institucións e entidades están o Concello de Noia, que cedeu unha das laudas gremiais de Santa María a Nova (a do canteiro, a cal será restaurada por Patrimonio a cambio); o Concello de Muros e Porto do Son, en concreto a Normal 0 21 false false false ES X-NONE X-NONE MicrosoftInternetExplorer4 igrexa parroquial de San Sadurniño de Goiáns, en Portosín.

Media_httpfarm4static_fzllm

En Noia hai tantas laudas que non teñen onde metelas e están amoreadas

"Esta ampla lista de entidades colaboradoras fai de Gallaecia Petrea un dos proxectos artísticos colectivos máis ambiciosos levados a cabo na nosa comunidade para pór en valor o conxunto do patrimonio galego. A participación destas institucións converterá a mostra non só nunha viaxe á historia da cultura de Galicia a través da pedra, senón tamén nun escaparate das xoias artísticas que se espallan ao longo da xeografía galega. Ademais, esta expo tamén é unha invitación dirixida a seducir a turistas e visitantes para que visiten os distintos puntos do territorio galego representados en Gallaecia Petrea", aseguran dende a Xunta.

A mostra, que engloba o norte de Portugal e o territorio ata o río Navía (territorio incluído na antiga Gallaecia), polo que se conta tamén coa implicación dunha vintena de institucións lusas, como o Museu Nacional de Arqueoloxía de Lisboa, o Museu de Arte Antiga de Lisboa, o Museu do Abade de Baçal de Bragança ou o Museu da Regiao Flaviense de Chaves.

Doutra banda, tamén é importante destacar que, despois de diferentes axustes orzamentarios e da resolución dos primeiros concursos de transporte e de montaxe das pezas, está previsto que o custe desta exposición se reduza considerablemente fronte o prezo inicialmente estimado, inda que a Xunta omite este dato concreto.

'Gallaecia Petrea: natureza, traballo e arte', ata decembro

Comisariada por Miguel Fernández-Cid, Gallaecia Petrea será a primeira exposición do Museo de Galicia, e unha das mostras máis ambiciosas das organizadas nos últimos anos na nosa Comunidade. A través dela, o visitante recorrerá historia da construción da cultura galega a partir dun elemento tan emblemático como é a pedra. A mostra, que ocupará os 6.600 metros cadrados do Museo e que estará aberta ata decembro, organízase en seis áreas: Xeoloxía, Prehistoria, Roma, Medieval, Moderna e Contemporánea.

A mostra englobará dende un petróglifo, como elemento exclusivo que en todo o mundo só se ten atopado en Galicia, ata pezas que os grandes da escultura galega contemporánea están a preparar, como Francisco Leiro, Manolo Paz ou Silverio Rivas.

Na exposición, a pedra estará presente como elemento de desenvolvemento, materia base dunha das industrias máis puxantes de Galicia (granito, pizarra…). Inclúe unha aproximación dende a xeoloxía, na que, a través de presentación didácticas, explorase a Gallaecia como territorio onde se poden atopar algunhas das rocas máis antigas da Península.

Restauración de obras

Gallaecia Petrea, ademais dunha plataforma de excepción para dar a coñecer o patrimonio galego aos milleiros de visitantes que se agarda que pasen polo Museo de Galicia, suporá a rehabilitación dalgunhas das obras que se ceden para a exposición, que se someterán a traballos de recuperación para poder exhibilas ao público na mellor das condicións.

Deste xeito, rehabilitaranse obras da Catedral de Santiago de Compostela, do Museo Provincial de Lugo, da Catedral de Modoñedo, da Catedral de Lugo, da Catedral de Tui e do Museo Provincial de Pontevedra e a lauda noiesa citada antes.

A Xunta de Galicia quere subliñar que o préstamo destas pezas conta sempre co visto bo da institución que presta e obra, e no caso daquelas que polo seu valor histórico e artístico gozan dunha protección especial, tamén se solicitaron os permisos e autorizacións pertinentes dos departamentos administrativos correspondentes. As pezas serán restituídas ao seus lugares de orixe ao remate da exposición, previsto para o mes de decembro.

Rutas especiais

As pezas, de gran valor artístico e histórico, están sendo transportadas ao Museo de Galicia nunha operación na que se están a empregar material e persoal técnico cualificado para garantir a súa seguridade. A complexidade destas tarefas é maior se se ten en conta que implica conxuntos de pezas de ata dez toneladas de peso.

A flota de vehículos que está a participar no transporte de obras segue rutas deseñadas co obxectivo de que a peza soporte o menor número posible de quilómetros ata a súa chegada ao Museo. As pezas viaxan en caixas especialmente fabricadas para esta exposición e cun deseño individual para cada unha delas. Ademais, cada unhas das caixas está identificada cun código de seguridade evitando etiquetaxes con información explícita sobre o seu contido.

A operación de embalaxe, carga e descarga das pezas, estase facendo seguindo as instrucións técnicas dos museos ou centros que prestan as obras. O cen por cen do equipo que está a traballar nesta operación conta con formación no transporte de obras de arte e con anos de experiencia. Asemade, o transporte das obras está protexida por un seguro da modalidade coñecida como "de cravo a cravo", habitual nas exposición de obras de arte e que proporciona cobertura dende a saída da obra do seu centro ata o seu regreso.





Posted via email from Certo.gl, o xornal dixital de Barbanza e Noia

Dodro: o Psoe critica a descoordinación do goberno popular na información da Omix

Dodro, 30 de maio de 2012. Segundo informa hoxe en nota de prensa a Agrupación Socialista de Dodro, "esta semana, @s xóvenes de Dodro recibiron, por parte da concelleira de Xuventude e Familia, información sobre a OMIX, Oficina Municipal de Información Xuvenil, case un mes despois da súa publicación na prensa. Isto demostra unha vez máis, a falta de coordinación deste goberno, que non se preocupa de promocionar o que temos, e informar aos principais destinatarios da oficina, da información que poden obter acudindo a ela".

O PSdeG-PSOE de Dodro presentou no pasado Pleno Ordinario do 18 de maio unha pregunta escrita con rexistro de entrada do 15 de maio relativa precisamente a se non se ía informar á mocidade de Dodro da existencia da mencionada oficina. "A contestación entón do sr. Alcalde foi que a oficina estaba abondo promocionada con información na prensa, con carteis na Casa da Cultura ( sede da OMIX)… Non debía ser tanta a información e publicidade cando agora atenden unha pregunta do PSdeG-PSOE de Dodro e informan por carta aos interesados", rematan os socialistas dodrenses.

Antes, en Certo:

 

Posted via email from Certo.gl, o xornal dixital de Barbanza e Noia

Ribeira: resultados de fase previa de Copa Sálvora

Media_httpfarm8static_hivbh

Verónica Boquete amadrina la Copa Sálvora de este año

Ribeira, 30 de mayo de 2012. Las instalaciones deportivas de A Fieiteira (Ribeira), acogieron este sábado 26 de Mayo la Fase Previa de la Copa Sálvora 2012, una competición deportiva que se está haciendo un hueco en el conjunto de torneos de fútbol base de Galicia.

       12 equipos en la categoría Benjamín y otros 12 en la Alevín lucharon por las 2 plazas en cada categoría que daban acceso a la Fase final del 2 y 3 de Junio. En total 24 equipos con más de 300 niñ@s que buscaron el pase a la Fase Final de este  prestigioso torneo, el cual este año está amadrinado por la jugadora Verónica Boquete, la cual estuvo presente en la jornada matinal del Torneo y en la Presentación y Sorteo celebrado en la tarde del viernes (ya que se concentraba por la tarde con la selección española de fútbol), dispuesta a colaborar en que todo saliera adelante y fotografiándose y firmando autógrafos con todos los aficionados que lo deseaban.

Finalmente en categoría Alevín la Sd Abanqueiro tras derrotar al CD Pontearnelas F11 por 1 a 0 y el Bertamiráns Fc tras vencer al X. Aguiño por 4-1 se hicieron con el pase a la Fase final en esta categoría.

Mientras que en la categoría Benjamín los triunfadores y que lograron el pase fueron la Sd Cacheiras B y el Maravillas Sd tras derrotar por 4-1 a Milladoiro y la Sd Cacheiras A respectivamente.

RESULTADOS_FASE_PREVIA.pdf Download this file

        Para más información consultar la página web de evento: www.copasalvora.com o también en www.copasalvora.blogspot.com o en Facebook: Copa Sálvora Futbol Base.

Posted via email from Certo.gl, o xornal dixital de Barbanza e Noia

Ribeira: charla sobre compostaxe en Palmeira este xoves 31 e apertura da biblioteca os sábados

Media_httpfarm7static_iuaga

Aparello para tronzar restos de podas de árbores e facer compostaxe

Ribeira, 30 de maio de 2012.- Mañá xoves 31 de maio, ás 18 horas, terá lugar unha nova charla informativa sobre compostaxe, reciclaxe e separación de residuos. Será ás 18 horas no Local Parroquial de Palmeira e estará impartida unha vez máis por membros de Protección Civil, os cales previamente recibiron un curso específico de formación a fin de contar cos coñecementos necesarios.

O acto é público e gratuíto para quen queira asistir. Os veciños que acudan ao citado centro cultural recibirán, en sintonía co contido da actividade, bolsas de 20 litros de capacidade coas que facer máis cómoda a segregación de refugallos en orixe (hainas amarelas para depositar os envases de plástico, latas e briks; azuis, para o papel e cartón; e verdes para o vidro).

Composteiros

Ademais, os que así o desexen poderán aspirar a recibir un dos 50 composteiros de 360 litros de capacidade, fabricados a partir de material reciclado, que Sogama entregou ao Concello nesta primeira fase do programa, co fin de seren distribuídos entre vivendas rurais e outorgarlles así a posibilidade aos seus ocupantes de transformar a materia orgánica xerada nun abono con excelentes propiedades para o solo.

Dende o Concello se tomará nota de todos os veciños interesados en percibir un destes composteiros, tanto na charla de mañá como no resto de charlas que se sucederán proximamente. No caso de que a demanda excedese á oferta, estes recipientes serían entregados priorizando a aqueles peticionarios que cumprisen unha serie de requisitos (como criar animais nas súas casas, etc...).

Biblioteca aberta os sábados de xuño para familiarizar aos nenos

Media_httpfarm3static_mcswf

Tamén informou hoxe o Concello de que "visto éxito obtido pola nova iniciativa “Sábados de Libro na Biblioteca” que se desenvolveu no marco do Maio Cultural 2012 (unha acción que congregou a centos de nenos e nenas procedentes das nove parroquias), o Concello adoptou a decisión de abrir esta instalación situada na rúa Manuel Lustres Rivas de Santa Uxía os sábados pola mañá do mes de xuño, co obxectivo fundamental de que os máis pequenos se familiaricen con esta dependencia municipal e coñezan de primeira man os servizos que presta".

A tal efecto, os sábados 2, 9, 16, 23 e 30 de xuño, a biblioteca estará aberta de 11 a 13 horas e, con independencia do obxectivo descrito no anterior parágrafo, tamén poderá ser utilizada por calquera usuario que queira facer uso desta instalación.

Tamén lle pode interesar:


"Son's de Aguiño": o sabado 2 de xuño, Festival Tradicional

 

 

Posted via email from Certo.gl, o xornal dixital de Barbanza e Noia

Noia: o Liceo programa xuño con charlas de deportistas de elite, como Gómez Noya, Iván Raña ou Ezequiel Mosquera

  • Nun programa chamado "Elixidos para o triunfo" e coa intención de fomentar o espírito deportivo neste ano olímpico
  • Este venres comezan con Pablo Cimadevila, de Natación Adaptada. O venres 8 estarán os atletas Gómez Noya, Iván Raña, Saleta Castro e Antón Ruanova e o venres 15 os ciclistas Ezequiel Mosquera, David Blanco e Álex Marque
    Carteles-elexidos-para-o-tr

Noia, 30 de maio de 2012. Durante este mes de xuño hai unha serie de charlas-encontros con deportistas olímpicos e de alto nivel na Sociedade Liceo de Noia que compartirán con todos os asistentes as súas experiencias. Pola calidade dos invitados (todos homes agás Saleta Castro) está garantido o seu interese neste ano olímpico.


Venres 1 de xuño: Natación Adaptada
Pablo Cimadevila

Venres 8 de xuño:Atletismo
Javier Gómez Noya
Iván Raña
Antón Ruanova
Saleta Castro

Venres 15 de xuño: Ciclismo
Ezequiel Mosquera
David Blanco
Álex Marque


Todas as charlas-coloquio darán comezo a partires das 20:00h da tarde.

Tamén en Noia:


Curso: o 1 e 2 de xuño, sobre pautas en condutas adictivas


Curso: o 2 de xuño, sobre úlceras por presión


Curso: sobre Celso Emilio Ferreiro, do 4 ao 8 de xuño


Certame de fotos: sobre o peor da globalización. Ata 15 de outubro

 

Posted via email from Certo.gl, o xornal dixital de Barbanza e Noia

Noia: este domingo 3, "O enfermo imaxinario" represéntase no salón de actos do Liceo

  • Dario_alvarez_valadares
    ESTE XOVES 31 DE MAIO ÁS 19:30h TERÁ LUGAR A INAUGURACIÓN DA EXPOSICIÓN DE DARÍO ÁLVAREZ VALADARES NA SALA "FRANCISCO CREO", TAMÉN NO LICEO DE NOIA

Cartel-teatro
Noia, 30 de maio de 2012. O grupo de teatro de E.S.O. do IES "Virxe do Mar" representará o vindeiro domingo 3 de xuño a partires das 20:30h no salón de actos da Sociedade Liceo "O enfermo imaxinario" , unha adaptación da obra de Jean-Baptiste Poquelin - Moliére.

Pode que tamén lle interese:


Cambios no tráfico: polas obras de saneamento


Curso: o 1 e 2 de xuño, sobre pautas en condutas adictivas


Curso: o 2 de xuño, sobre úlceras por presión

 

Posted via email from Certo.gl, o xornal dixital de Barbanza e Noia

Ribeira: Costa da Morte, Portugal e Cambados por terra e Ferrol, Arousa e Sálvora por mar, nas novas saídas culturais para maiores

Media_httpfarm8static_ezaiy

Francisca Vidal e Vicente Mariño presentaron estas viaxes

Ribeira, 30 de maio de 2012.- O Concello presentou un ano máis as quendas das Viaxes Culturais para Maiores que, organizadas pola Concellería de Servizos Sociais e Promoción Social, teñen como obxectivo procurar a inserción na sociedade das persoas da terceira idade do municipio. Serán seis en total e, ao respecto, a máis grande novidade, segundo salientou o edil Vicente Mariño, é que a metade das mesmas descorrerán por mar.

Esta acción está adscrita ao Programa de Dinamización e Promoción Social dos Nosos Maiores deseñado polos Servizos Sociais Comunitarios, cuxa xefa de servizo, Francisca Vidal, acompañou ao concelleiro na presentación.

O primeiro dos itinerarios previstos terá lugar o vindeiro 15 de xuño e consistirá nun paseo en barco pola ría de Ferrol, con visitas a esta localidade, así como Xanceda, Sada e Mugardos. O seu custo é de 42,4 euros. A continuación terá lugar a Ruta Xacobeo Marítimo Fluvial da Ría de Arousa, con paseo en barco pola nosa ría e visitas a Pontecesures e Padrón. Será o 29 de xuño e o seu importe ascende a 47,2 euros.

O 4 de xullo terá lugar unha terceira ruta ata a illa de Sálvora, nun barco que zarpará do peirao de Aguiño e cuxo custe é de 24,8 euros.

O 20 de xullo haberá unha viaxe a Cambados, con visitas ao Mosteiro de Armenteira e aos Pazos de Bayón e Rubiáns. Terá lugar o 20 de xullo e o seu prezo é de 37,6 euros.

Media_httpfarm8static_iwcpi

Vistas dende o mirador do Ézaro

A penúltima das viaxes culturais deste ano acontecerá o 24 de agosto por un importe de 31,2 euros. Descorrerá pola costa da Morte, con visitas a Muros, Ézaro, Corcubión, Fisterra, Cee, Camariñas e Vimianzo.

Por último, o 21 de setembro terá lugar unha ruta polo norte de Portugal que incluirá visitas a Vila Nova de Cerveira, Caminha, Viana do Castelo, Santa Lucía e Ponte da Lima. O seu custe, 35,3 euros.

Estas saídas culturais van dirixidas a todas as persoas maiores de 60 anos empadroadas no concello de Riveira, así como aquelas maiores de 55 que sexan xubiladas. No caso da viaxe a Ferrol, o prazo para anotarse terá lugar entre o 4 e o 8 de xuño.

Inscricións

Todas as inscricións deberán ser entregadas no Departamento de Servizos Sociais Comunitarios (praza 8 de marzo, edificio Mirador de Padín, s/n). As prazas serán adxudicadas por orde de chegada. A partir das 9 horas darase un número por persoa na orde correspondente e a formalización da inscrición terá lugar entre as 12 e as 13.30 horas.

Os prezos inclúen autobús dende Ribeira, entradas a barcos ou museos, guía durante os percorridos, comida e seguro de viaxe.

Hoxe tamén publicamos:


"Son's de Aguiño": o sabado 2 de xuño, Festival Tradicional

 

Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical