Barbanza, por Certo: 11/07/12

11.7.12

Ribeira: saída cultural á illa de Sálvora e visita aos tres museos do concello por parte de 40 maiores

Ribeira.- 11 de xullo de 2012.- Un total de corenta maiores do municipio participaron na Saída Cultural que, organizada polo Concello a través dos Servizos Sociais dentro do seu programa de animación aos maiores, incluíu entre outros destinos do municipio a illa de Sálvora.

A expedición zarpou do porto de Aguiño con destino a illa ribeirense, que forma parte do Parque Nacional das Illas Atlánticas, onde afortunadamente puideron pasar unha agradable estancia grazas a que o desapacible tempo co que naceu o día foi cambiando a medida que transcorría a mañá. Alí puideron visitar a antiga aldea mariñeira e o faro da illa.

Despois, os maiores regresaron ao punto de partida para xantar no peirao de Aguiño. A tarde pasaríana visitando os tres museos cos que conta este concello: a sala museo municipal, o museo do gravado de Artes e o museo etnográfico de Artes.

Todos os participantes –entre os cales se contou o concelleiro Vicente Mariño- coincidiron no satisfatorio da xornada.

Viaxe a Cambados o 20 de xullo

A próxima viaxe cultual para maiores terá lugar o vindeiro 20 de xullo con destino Cambados. A ruta incluirá visitas ao Mosteiro de Armenteira e aos Pazos Bayón e Rubiáns. Os interesados en asistir xa poden apuntarse nas oficinas de Servizos Sociais. O custo é de 37,6 euros e o prazo está aberto ata o venres día 13.

A comparanza do día, nunha foto infame para a representante española do PP: twitter.com/robertobodas/s… #recortes #congreso #Sr. Rajoy #PPSOE
— Certo (@Certo) July 11, 2012

cronica3.com/2012/07/contra…Contratados do Sergas irrompen na dirección de enfermería do Hospital da Costa. E en Barbanza? Están contentos?
— Certo (@Certo) July 11, 2012

Pobre España, tan silenciosa. Vibra de patriotismo cuando gana La Roja pero enmudece cuando le roban y le mienten. blogs.publico.es/juantorres/201…
— Carmen Moraira (@carmenmoraira) July 11, 2012

La última vez q se subió el IVA,del 12% al 15%, en el 93 con el anterior gobierno socialista, medio millón de españoles se fue al paro.
— Esperanza Aguirre (@EsperanzAguirre) April 18, 2010

Noia: o alcalde fala das posibles repercusións das medidas de @marianorajoy anunciadas hoxe co aplauso da bancada do PP rafaelgarciaguerrero.blogspot.com/2012/07/reperc…
— Certo (@Certo) July 11, 2012

Recortan para mantener el Estado de Bienestar. Explicado en español: "lo que necesita Messi para correr mejor es que le corten una pierna"
— Javier Peláez (@Irreductible) July 11, 2012

See the full gallery on Posterous

Posted via email from Certo.gl, o xornal dixital de Barbanza e Noia

Noia: o ciclo "Rúas Vivas" volta cargado de música, cine, circo e humor

Antes, en Certo:

XV Feira Medieval: programación e cartel, do 13 ao 15 de xullo

Obradoiro: este venres 13, de busca de emprego

Música: catro concertos da banda os domingos na Alameda

Memoria: do 18 de xullo ao 14 de agosto, obradoiro en Barro

Mércores 18 de xullo: Talabarte na igrexa de Sta María a Nova

Patrimonio: veciños e Concello chegan a acordo para manter aberto e visitable o antigo cemiterio parroquial de Santa Cristina, con capela e peto de ánimas

Música: "Los Tamara" son versioneados nun disco por catro bandas da zona

Convenio con Cáritas: tres mil euros para labor social

San Bartolomeu 2012: o 26 de agosto, Cantajuego

See the full gallery on Posterous

Posted via email from Certo.gl, o xornal dixital de Barbanza e Noia

Noia: este venres 13, obradoiro de busca de emprego na Casa da Xuventude

Imaxe da reinauguración da Casa da Xuventude, en marzo do ano pasado

Noia, 11 de xullo de 2012. Dende a Casa de Xuventude de Noia/Espazo Xove Noia están a organizar un Taller de busca de emprego para todo aquel interesado en coñecer técnicas de busca de traballo, consellos para futuras entrevistas, elaboración de CV, cartas de presentación, e algúns pequenos consellos relacionados coa linguaxe non verbal.

Terá lugar este venres día 13 de xullo:

- HORARIO: de 12:00 a 14:00

- LUGAR: Espazo Xove de Noia (Casa da Xuventude; Rúa Pedra Santaña s/n)

Posted via email from Certo.gl, o xornal dixital de Barbanza e Noia

Noia: obradoiro de memoria do 18 de xullo ao 14 de agosto no centro social de Barro

Organizado por Cruz Vermella Española de Noia en colaboración có Concello de Noia
Dirixido a persoas maiores
As actividades terán comezo o próximo mércores día 18 ata 14 de agosto e lavaranse a cabo no Centro Social de Barro durante dous días a semana

Noia, 11 de xullo de 2012. Dende a Asemblea Comarcal da Cruz Vermella de Noia, en colaboración co Concello de Noia ponse en marcha o proxecto “Obradoiros de Memoria” para a atención de persoas maiores. O proxecto enmárcase dentro da preocupación pola saúde e sobre todo vai dirixida á área de Memoria das persoas vellas.

Prevención do deterioro cognitivo e fomento da convivencia

Por un lado, a fin da actividade é a prevención. Prevención que vai dirixida ao deterioro cognitivo que pode xurdir asociado á idade, e por outro lado a mellora da calidade de vida. A participación das persoas maiores en accións grupais fomenta a convivencia e as relacións entre o grupo de iguais dando lugar a un aumento das relacións sociais, da autoestima, das habilidades sociais, da motivación. Ademáis contemplase a optimización da capacidade de aprendizaxe, que leva consigo a adquisición e novos coñecementos, ademáis de potenciar o recordo dos coñecementos xa adquiridos. Este proxecto contempla igualmente actividades que favorezan a motricidade das persoas, empregando didácticas e modelos de prevención adaptados/as as usuarias e usuarios, así como actividades de esparcemento que favorezan a interrelación entre os usuarios/as.

As posibles causas do deterioro cognitivo e sobre todo da perda de memoria, pódense deber a mútliples factores como son; a depresión, a falla de estimulación, as perdas de memoria asociadas a cirurxías, etc. Por iso as sesións semanais planificaranse en función dunha serie de tarefas que conlevan uns obxectivos ben definidos. Realízanse exercicios de orientación, tanto espacial, temporal como corporal, tarefas de atención, concentración, linguaxe, psicomotrocidade, cálculo etc. Tódolos obxectivos individuais de cada tarefa fan que de forma conxunta consigamos o obxectivo xeral, que é a estimulación cognitiva das persoas maiores, e a prevención de patoloxías asociadas á memoria.

Pero os Obradoiros de Memoria non só se compoñen de exercicios senón que se inlcuén sesións de relaxación, dinámicas grupais: de presentación, de distensión, de motivación, que contribúen a espertar o ánimo das persoas maiores previndo síntomas depresivos, así como potenciar as súas habilidades sociais permitíndolle unha mellor relación persoal cos demáis e acadar unha satisfacción persoal sobre a propia vida.

Os obradoiros levaranse a cabo no Centro Social de Barro, terán comezo o día 18 de xullo en horario de 11 a 12 h., e están destinados a persoas maiores de 65 anos empadroados no Concello de Noia. Para solicitar máis información e formalizar a inscrición poderase chamar ó Concello de Noia ó telf. 981 84 21 00, e achegarse ao segundo andar do edificio do Concello (Servicios Sociais).

Posted via email from Certo.gl, o xornal dixital de Barbanza e Noia

Porto do Son: esta fin de semana, XIII Concurso Nacional Canino

Porto do Son: as Festas de Xuño, do 18 ao 20 de xullo post.ly/8FyLw
— Certo (@Certo) July 11, 2012

Por que temos apelidos? Un interesantísimo artigo a partir dunha entrevista con Eduardo Pardo de Guevara: culturagalega.org/noticia.php?id… Xenealoxista
— Certo (@Certo) July 11, 2012

En Italia, al anunciar recortes tan graves como los de hoy, una ministra lloraba. En cambio, aquí, los diputados aplauden. #Congreso
— Guillermo Sáenz(@Guillesaenz) July 11, 2012

Este venres, as 20h no Obelisco da Coruña, concentración polo fin da monarquía. Só se desconvoca se o Borbón desiste de presidir o CMin.
— Filipe Diez (@filipediez) July 11, 2012

@Certo CACEROLADA delante de lasDELEGACIONES DE GOBIERNO. Viernes. 21:00 Horas. RT para difusión, por favor.
— BREOGAHN (@BREOGAHN) July 11, 2012

Posted via email from Certo.gl, o xornal dixital de Barbanza e Noia

Porto do Son: esta fin de semana, XIII Concurso Nacional Canino

[[posterous-content:pid___0]]

Porto do Son: as Festas de Xuño, do 18 ao 20 de xullo post.ly/8FyLw
— Certo (@Certo) July 11, 2012

Por que temos apelidos? Un interesantísimo artigo a partir dunha entrevista con Eduardo Pardo de Guevara: culturagalega.org/noticia.php?id… Xenealoxista
— Certo (@Certo) July 11, 2012

En Italia, al anunciar recortes tan graves como los de hoy, una ministra lloraba. En cambio, aquí, los diputados aplauden. #Congreso
— Guillermo Sáenz(@Guillesaenz) July 11, 2012

Este venres, as 20h no Obelisco da Coruña, concentración polo fin da monarquía. Só se desconvoca se o Borbón desiste de presidir o CMin.
— Filipe Diez (@filipediez) July 11, 2012

@Certo CACEROLADA delante de lasDELEGACIONES DE GOBIERNO. Viernes. 21:00 Horas. RT para difusión, por favor.
— BREOGAHN (@BREOGAHN) July 11, 2012

Posted via email from Certo.gl, o xornal dixital de Barbanza e Noia

Porto do Son: as Festas de Xuño, do 18 ao 20 de xullo

Este domingo 15, o tradicional partido de fútbol de solteiros contra casados ou viceversa
"Na nonra" (sic) de Santa Mariña, San Antonio e a Virxe do Carme

Vía Porto do Son y su gente

Posted via email from Certo.gl, o xornal dixital de Barbanza e Noia

Ribeira: torneos deportivos que se van disputar este verán

Haberá 3x3 de balompé e baloncesto, liga de verán de fútbol sala e un circuito de tenis
Ábrese a inscrición

Ribeira, 11 de xullo de 2012.- A Concellería de Deportes informa da celebración e apertura de inscricións dos Campionatos 3x3 nas modalidades de fútbol e baloncesto, así como da tradicional liga de verán de fútbol sala Concello de Riveira e o Circuíto de Tenis que constará de tres torneos .

Estas son as características de cada unha das probas:

CAMPIONATOS 3X3: FÚTBOL

Data: 27, 28 e 29 de xullo

Lugar: Pista polideportiva irmáns Parada Alvite

Categorías: Todas as categorías (dende prebenxamín a senior)

Sistema de competición: En función dos equipos anotados disputarase unha liguiña previa a unha volta, semifinais e final.

Premios: Haberá trofeos para os dou primeiros equipos de cada categoría.

Inscricións: (ATA O 24 DE XULLO/ SORTEO O 26 DE XULLO)

Para anotarse a este campionato os equipos deberán mandar un correo electrónico a deportes@riveira.com ou facelo en situ na oficina de deportes do Complexo Deportivo a Fieiteira.

Prezo: Para as categorías prebenxamín (05 e anos posteriores), benxamín (02-03) alevín (00-01) e infantil (98-99) cada equipo pagará 5€. Os cadetes (96-97) e xuvenís (93-94-95) terán que pagar 10 € por equipo. Os seniors (ano 92 e anteriores) 15 € por equipo.

** Todos os equipos terán que facilitar á organización o nome, apelidos, data de nacemento e DNI de todos os seus membros antes do comezo do campionato**

** Os xogadores so poderán participar nunha categoría.**

**Unha vez anotado o equipo facilitarase un nº de conta para facer o ingreso da cota de participación (un equipo, considerase oficialmente inscrito, cando despois de estar anotado realiza o pago da cota de inscrición).**

CAMPIONATOS 3X3: BALONCESTO

Data: 3 e 4 de agosto

Lugar: Polideportivo Sta Uxía (Praia de Coroso)

Categorías: Dúas categorías: 1ª de 14 a 17 anos e 2ª de 18 anos en diante.

Sistema de competición: En función dos equipos anotados disputarase unha liguiña previa a unha volta, semifinais e final.

Premios: Haberá trofeos para os dou primeiros equipos de cada categoría.

Inscricións: Para anotarse a este campionato os equipos deberán mandar un correo electrónico a deportes@riveira.com ou facelo en situ na oficina de deportes do Complexo Deportivo a Fieiteira.

Prezo: A categoría de 14 a 17 anos pagarán 5 € por equipo. A categoría de 18 anos en diante pagarán 10 € por equipo.

** Todos os equipos terán que facilitar á organización o nome, apelidos, data de nacemento e DNI de todos os seus membros antes do comezo do campionato**

** Os xogadores so poderán participar nunha categoría.**

**Unha vez anotado o equipo facilitarase un nº de conta para facer o ingreso da cota de participación (un equipo, considerase oficialmente anotado, cando despois de estar anotado realiza o pago da cota de inscrición).**

LIGA DE VERÁN DE FÚTBOL SALA CONCELLO DE RIVEIRA

O Concello de Riveira abre o prazo de inscrición para o campionato de verán de fútbol sala nas categorías infantil, cadete, xuvenil e senior. Este campionato está previsto que se dispute no polideportivo A Fieiteira a partir do día 6 de agosto, xusto despois de rematar as festas de Riveira. O prazo de inscrición prolongarase ata o vindeiro 31 de xullo.

Os equipos interesados en participar deberán poñerse en contacto coa oficina de deportes (Complexo Deportivo A Fieiteira) a través do correo electrónico deportes@riveira.com ou no teléfono 981 87 36 46.

CAMPIONATOS DE VERÁN DE TENIS CONCELLO DE RIVEIRA (CIRCUÍTO AS MIÑOTEIRAS)

O Concello de Riveira xunto coa A.C.D. As Miñoteiras organiza uns campionatos de tenis ao longo do verán formando o Circuíto As Miñoteiras. Este circuíto consta de 3 torneos:

 Torneo de tenis “Festas do Verán”: a data tope de inscrición será o 18 de xullo e a final disputarase o sábado 4 de agosto.

 Torneo “Gasóleos San Alberto”: a data tope de inscrición será o 31 de xullo e a final disputarase o 26 de agosto.

 Torneo de tenis “A Toxeira”: a data tope de inscrición será o 22 de agosto e a final disputarase o 8 de setembro.

As persoas interesadas en participar deberán poñerse en contacto coa oficina de deportes (Complexo Deportivo A Fieiteira) a través do correo electrónico deportes@riveira.com ou no teléfono 981 87 36 46.

Agasallos aos nenos do "Xoga con nós"

Por outra banda, a concelleira de Cultura do Concello, Elvira Pisos, efectuou este mediodía unha visita aos 150 nenos e nenas con idades comprendidas entre os 2 e os 7 anos que están a participar nos Obradoiros Xoga con Nós: unha das iniciativas organizadas dentro do Verán Cultural co fin de propiciar a conciliación da vida familiar e laboral as familias en época de vacacións estivais.

Elvira Pisos achegouse ata as aulas do CEIP Frións nos que se están a desenvolver estes talleres e entregou distintos agasallos aos nenos participantes, como pelotas de praia, frisbees e pelota de ventosas.

Cómpre recordar que a Concellería de Cultura decidiu finalmente ampliar a oferta inicial de 90 prazas en 60 máis para dar respostas á forte demanda xerada na cidadanía.

Nos obradoiros Xoga con Nós, os cativos están a realizar todo tipo de actividades multidisciplinares, como murais que rememoran o triunfo da Selección Nacional de Fútbol na Eurocopa 2012 e que a edil de Cultura puido contemplar.

Para o desenvolvemento destes obradoiros, cóntase coa profesionalidade de 13 monitoras de tempo libre e unha coordinadora, Marisé. As monitoras son Cris, Nieves, Merchi, Bárbara, Pili, Noelia, Juana, Patri, Mari, Vero, Sarai, Loli e Susana. Todo isto, coordinado a nivel municipal por Unai González Suárez, traballador da Área de Cultura.

See the full gallery on Posterous

Posted via email from Certo.gl, o xornal dixital de Barbanza e Noia

Ribeira: rexenarán o sistema dunar da praia da Catía

Primeiros trámites para acometela, xa no BOP
Custará máis de 150.000 euros
Van instalar pasarelas de madeira, impedir acceso a vehículos e habilitar espazos alternativos como aparcadoiros

Ribeira, 11 de xullo de 2012.- O Concello informa de que, tal e como aparece no BOP do día de hoxe, se teñen iniciado os trámites cara a conseguir as pertinentes autorizacións co fin da adecuación ambiental da praia de A Catía, situada na parroquia de Aguiño e que forma parte dun areal de maior lonxitude que une esta localidade coa de Castiñeiras (Castro-Catía).

A actuación ten un importe económico de 158.114,01 euros e un período de execución de dous meses.

Deterioro

A praia de A Catía conserva, dentro ámbito de protección do Dominio Público Marítimo Terrestre, un cordón dunar relativamente ben conservado. Non obstante, nos últimos anos este sistema dunar vén sufrindo un deterioro significativo debido á superación da capacidade de carga da praia, que deriva de diversos impactos negativos como a súa utilización como zona de aparcamento e circulación de vehículos a motor, a presenza de especies vexetais exóticas, un número elevado de sendas e camiños coa conseguinte degradación da vexetación e fragmentación do hábitat, e a presenza de residuos derivados da construción e outros de tipoloxía urbana.

Co proxecto que está previsto executar preténdese o acondicionamento do entorno da praia de A Catía mediante a mellora de accesos peonil da praia, a eliminación do estacionamento de vehículos sobre o sistema dunar, a habilitación de zonas próximas de aparcamento fóra do ámbito de protección integral e a recuperación de espazos naturais degradados.

Así e logo, a actuación materializarase nas seguintes accións concretas:

1.- Mellora dos accesos peonís á praia da Catía: Instalaranse pasarelas de madeira, todas semellantes ás xa existentes do seguinte xeito:

 Pasarela no entorno do río Listres: instalarase unha pasarela para facilitar o tránsito peonil cara a praia dende a estrada xeral que une os núcleos de Aguiño e Castiñeiras ata a rúa das Pedras, nas inmediacións do areal da Catía. Colocarase tamén unha pequena ponte que cruzará o río.

 Catro pasarelas no entorno da rúa Andrés Torres Queiruga: unha delas en sentido lonxitudinal da rúa, dúas en sentido transversal que levan directamente á praia, e outra en sentido lonxitudinal que une unha destas pasarelas coa escaleriña existente para acceso á praia dende as inmediacións da rúa da Rabuda. Posibilidade de delimitar zona para un futuro carril bici.

2.- Impedir que os vehículos estacionen en zonas inapropiadas como arenais e dunas: Bloquearase o tráfico rodado nos puntos afectados a través das seguintes accións:

 A zona de areal e dunas existente nas inmediacións da rúa Andrés Torres Queiruga quedará protexida pola colocación dunha pasarela de madeira instalada lonxitudinalmente a dita rúa a modo de beirarrúa: isto permitirá impedir o paso de vehículos ao tempo que facilita o acceso peonil á praia.

 O punto de acceso dende rúa da Rabuda aos arenais e dunas quedará impedido mediante a colocación de bolardos de pedra granítica ancorados ao terreo.

3.- Habilitación de zonas próximas máis apropiadas para estacionamento: A fin de propiciar que as persoas poidan chegar cos seus vehículos ás inmediacións da praia, realizaranse as seguintes actuacións:

 Habilitación de prazas de aparcamento en liña na rúa da Rabuda, substituíndo o dobre carril actual pola circulación nun único sentido a fin de permitir que os vehículos estacionen en diagonal, e non en liña como acontece actualmente, o que permitirá gañar prazas de estacionamento. Esta medida podería ser aplicada nun futuro en rúas adxacentes con ancho suficiente, como pode ser a rúa Andrés Torres Queiruga nalgún dos tramos.

 Conseguir autorización para pavimentar o tramo da rúa Andrés Torres Queiruga que está actualmente en terra.

Natureza: marcha e concentración en Santiago este domingo 15 contra a campaña da Xunta para exterminar os lobos híbr... post.ly/8FnkG
— Certo (@Certo) July 11, 2012

See the full gallery on Posterous

Posted via email from Certo.gl, o xornal dixital de Barbanza e Noia

Natureza: marcha e concentración en Santiago este domingo 15 contra a campaña da Xunta para exterminar os lobos híbridos

Piden tamén que dimita ou cesen a García Borregón, responsable político desta campaña como Director Xeral de Conservación da Natureza

Barbanza, 11 de xullo de 2012. Esta fin de semana, dende a Asociación Vox Ánima, alzarán de novo a voz para pedir que pare o exterminio de animais que se está a levar a cabo na serra do Barbanza.

Marcha o sábado 14

O sábado 14 ás 09.00 horas un grupo de cinco persoas, en representación de varios colectivos que protestan contra a campaña da Xunta para eliminar o lobo híbrido e que está a supoñer a matanza indiscriminada de diferentes animais, partirán da Praza do Concello de Ribeira nunha marcha a pé que finalizará coa chegada a Santiago o domingo 15, onde se celebrará unha concentración na Praza do Obradoiro ás 18.30 h.

A marcha está aberta a todo aquel que se queira unir, ben por tramos ou ben para o camiño completo. En concreto está previsto que se unan varias personas o domingo 15 a partires de Padrón (ás 11.30 h.), e, sobre todo do Milladoiro (16.30 h) e mesmo na Choupana, á entrada de Santiago, (17.15 h.)

Cese do Director Xeral da Conservación da Natureza

Asemade, "queremos facer público un documento (que será entregado ao Sr. Conselleiro de Medio Ambiente) asinado de momento por Asociacións como ADEGA, ACOPO, GATOCAN, MOURA ou MATAR POR MATAR NON, á parte de nós mesmos, no que pedimos o cese do Director Xeral da Conservación da Natureza, o señor Ricardo García-Borregón, pola pésima xestión desta campaña, polo oscurantismo co que tratan certos aspectos da mesma, por se negaren a dar información de interese público, por non actuar perante evidencias ilegais e, sobre todo, porque estamos convencidos de que intereses ocultos están detrás da maioría das accións “consentidas” por esta institución, xa que do contrario non se explicaría a cantidade de barbaridades que están a ocorrer nos nosos montes", explican os de Vox Ánima.

documento solicitando cese do Director Xeral da Conservación da Natureza.docx Download this file

Posted via email from Certo.gl, o xornal dixital de Barbanza e Noia

Ribeira: a Festa da Dorna incorporará catro peñas novas e suma máis grupos para Rock&Dorna

Xa vén aí a Dorna! O 20, 21, 22, 23, 24 e 28 de xullo
Anotáronse catro peñas novas que serán correspondentemente examinadas e tamén máis grupos locais ao "Rock&Dorna do país"

Indignados? 15M? Mineiros? Non! Festa da Dorna 2011

Ribeira, 11 de xullo de 2012. O pasado sábado, 7 de Xullo, a R. e I. Cofradía da Dorna convocou a cuarta e derradeira asemblea de peñas de cara á celebración da LXIV Sinjladura da Festa da Dorna, que este ano se celebrará nos dias 20, 21, 22, 23, 24 e 28 de Xullo. Este último día celebrarase un ano máis o "Baile de Jala" no Círculo Mercantil, un baile amenizado polo Duo Yesterday e ao que poderá asistir todo o mundo que cumpla un único e imprescindible requisito: ir de jala como o nome do baile indica.

A Festa da Dorna reivindica valores como a amizade e o tocacuismo, tan destrajados nestes días

Nesta asemblea, entre outras cousas, repartíronse os xogos e as actividades que se viñan facendo estos últimos anos. Apuntáronse actividades novas, adxudicáronse os "chirinjitos dorneiros" e os turnos no "Juateque Dorneiro": nesta última actividade agradeceríase algo máis de colaboración de todos os interesados, sexan peñas ou a título persoal. Poñédevos en contacto coa Cofradía.

Anotáronse outras catro peñas novas que terán que pasar como cada ano o xa mítico "Exame de patróns" e anotáronse máis grupos locais para o "Rock&Dorna do pais" que este ano terá lugar na "Rúa de Portugal".

Coidado! Hai xente que quere facer da Dorna unha relixión!

No Rock&Dorna actuarán Os Prestados, que fan o seu 20 aniversario e Os Skarallaos e no Rock&Dorna Fin de Festa estarán os gastropunqueiros de Muros Terbutalina, os pobrenses Desalojo e Os Porretas -non confundir cos avós daquela serie radiofónica mítica-.

A esta asemblea acudiron un total de 87 dorneiros das peñas: Os mesillóns mais cabróns, Carallos de Rei, Caracolas en Sirolas, Arria o Jallo, Vikinjos da Tomasa, Pintos joden Quintos, Rapante do Mercante, Cajaboi Island, Pescadillas con Ladillas, Ratos da Illa, Os Serrans mais Marrans, Tabeirons Caralludos, Peregrina, Muxo Beti, Pateiros Palangreiros, Cowboys, A Nasa, Las Cigalas del Koala, Estudias Traballas ou colles Naballas, Parrochas Papudas, As Pirañas van de Cañas, A Tuna Nejra, Sijala Raia, Comando Dorneiro, Cabuxos do Mar, As Llapras do Stop, As Navallas de Palmeira e Lenjuados Embriajados.

Ao baile de Jala hai que ir de ídem

Por outro lado aproveitan esta nota de prensa para recordar que a Cofradía da Dorna ten á venta un ano máis a Sudadeira Dorneira na tenda de deportes Podium Sport, situada na Rúa de Lugo (detrás da Iglesia) e que ainda podes conseguir a rifa dorneira. Informou catolicamente aínda de toda esta jarabansada Jacob Moraña Cabo,
presidente -e non por asidente- da Asociación Cultural R. e I. Cofradía da Dorna.

Antes, en Certo:

Dorna: "Carallos de Rei" e "A Nasa", peñeiros deseñadores

Posted via email from Certo.gl, o xornal dixital de Barbanza e Noia

Rianxo: "Non hai ladrón que por ben non veña", teatro en parroquias este mes de xullo

Rianxo, 11 de xullo de 2012. O título desta obra de teatro semella tirado da máis recente actualidade (ladrón do Códice e ladróns dentro dos bancos e das institucións do Estado), pero xa estaba meditado de antes. As representacións da obra "Non hai ladrón que por ben non veña", que a Agrupación Teatral Criaturas, de Rianxo, en colaboración co IES "Félix Muriel" e a asociación cultural Fogo Fatuo, desenvolverán nas distintas parroquias do concello, no marco do Verán Cultural 2012, que organiza a Área de Educación, Cultura e Normalización Lingüística, quedan deste xeito: