Boiro, 22 de agosto de 2010. Tralo éxito acadado por Juancho Armental e o seu equipo no mes pasado co seu primeiro reto deste 2010 celebrado entre Vilagarcía de Arousa e Pontecesures (16 kms), e no que se converteu no primeiro galego da historia en facer a nado a Ruta Marítima Xacobea polo Río Ulla, rebaixando en 3 horas o tempo acadado por David Meca (facendo 4 km menos), Juancho Armental xa ten data para o seu “imposible” e próximo reto persoal.
Foron máis de 6 semanas de espera debido ao contundente vento do nordeste que asolou á ría de Arousa ao longo deste verán e que no pasado 2009 conseguiu mandar ao deportista galego ao hospital debido a sufrir, tras 6 horas nadando, unha hipotermia de importancia (30º corporais) e unha hipoglucemia insalvable (chegou a ter 32 de glucemia antes de sacalo da auga con perdas de coñecemento). Nestas derradeiras semanas Juancho adestrou na praia de Carregueiros en Boiro co seu adestrador Jesús Silva e sempre esperando posibles cambios nas condicións meteorolóxicas que lle permitiran planificar o esperado día.
Intento fallido o ano pasado
Non é un ano de espera senón dous debido ao infrutuoso intento do ano pasado. Desde xaneiro ten invertidas máis de 153 horas de adestramentos nas que completou máis de 560 kms entre o mar e a piscina, sempre nos seus ratos libres ou cando o seu traballo como consultor de recursos humáns e rendemento con deportistas e en empresas llo permitiron.
Este proxecto é, como pregoa o seu lema, un loitar contra os “Imposibles” que tanto aprisionan ás persoas e que lles levan a “non facer” polo feito de ter unha escusa perfecta. Juancho resalta que o fai para él e porque cree nun estilo de vida no que se pretende, non só cumprir cos obxectivos propostos, que para moita xente son imposibles, senón acadalos sen que isto sexa unha prioridade na súa vida e si un complemento, polo nunca se descoidaron o resto dos seus pilares persoais.
Antes de falar dos seus próximos proxectos, calificados polo deportista como “de traca” si é que se conseguen os apoios necesarios, tratará de completar a distancia estimada de 25 kms entre a Illa de Sálvora e a praia de Barraña en Boiro, e si o consegue será a primeira persoa da historia en cruzar e atravesar a Ría de Arousa a nado (o ano pasado xa percorreu os 16 kms de distancia entre Vilagarcía de Arousa e A Pobra do Caramiñal).
A organización espera que na chegada estean presentes moitos centos de persoas que xa teñen amosado o seu apoio ao equipo de “Loitar contra o Imposible”, así como amistades, patrocinadores e algunhas autoridades que Juancho Armental tanto ten eloxiado polas súas axudas e boa disposición nestes meses, como Jose Luís Torres Colomer, alcalde de Ribeira, Xosé Deira, alcalde de Boiro ou o Concelleiro de Deportes de Ribeira, Miguel Ángel Vidal (que acaba de gañar como corredor local na Carreira do Demo, en Artes), entre outros. Descoñécese se personalidades da Xunta de Galicia e da Secretaría Xeral para o Deporte estarán presentes na chegada, pero tamén se espera a presenza dalgúns empresarios e deportistas de elite cos que Juancho ten moi boa relación persoal e profesional.
Itinerario
Juancho, algúns amigos, algúns seguidores e o seu equipo técnico integrado entre outros polo seu adestrador Jesús Silva, a súa fisioterapeuta Carolina Pérez, o fotógrafo da organización Dani Gestoso (webmaster de Webboiro.com, onde se colgan as fotos dos diversos retos e de todo Boiro), dúas zodiacs de protección civil de Boiro e Ribeira, o médico Jorge Alonso e o seu enfermeiro de confianza Ricardo Vázquez, sairán do porto de Aguiño cara a Illa de Sálvora ás 9:30 horas. Ás 10:45 horas tomarán a saída deste reto dirección a Aguiño para coller unha traxectoria de prevención entre a Illa de Rúa e Riveira e anticipándose deste xeito ás fortes correntes de entrada na ría. Se espera que a expedición pase por diante do porto riveirense ás 13 horas. O paso por Palmeira será ás 13:30 horas, e enfronte á praia de Cabío a iso das 14:30 horas. Sobrepasada a metade do percorrido e gran parte das dificultades da ruta, se definirá a traxectoria a seguir tras pasar ás 14:45 horas a 20 metros da punta do Monte da Alta e do seu paseo peonil, na Pobra do Caramiñal. Por desexo do propio Juancho se pretende pasar por diante do novo porto de Cabo de Cruz ás 16 horas. A chegada está estimada que sexa na Praia de Barraña enfronte das pistas deportivas. A hora de chegada será sobre as 16:45 horas, polo que terá nadado arredor de 6 horas e media á súa chegada.Posted via email from Certo.gl, o xornal dixital de Barbanza e Noia
