Noia, 22 de agosto de 2010. Os atascos en Noia voltaron, como cada fin de semana en que coinciden o bo tempo para ir á praia e as festas. Mais onte xuntouse un novo ingredente que sumar ao caos circulatorio: a realización da XIV Carreira Pedestre Popular de Noia.
Un momento do atasco, que comezou sobre as sete da tarde e tamén pillou a Certo
No Facebook deste xornal queixouse Ramón Alonso, que conta: "Estou molesto co Concello de Noia, que me fixo esperar máis de 40 minutos por culpa dunha carreira pedestre mal organizada, que non digo eu que non se fagan as carreiras pero penso que non era plan de cortar a única saída de Noia cara ao Son. Paseime 40 minutos bloqueado como outros centos de coches, sen poder moverme. Só decirvos que o caos non era só de Muros ao Son, senón que os coches chegaban ás Pardiñas. En resumen: organización cero. A quen se lle ocurre levar a cabo unha actividade así cortando a vía pública ás sete da tarde, que é a hora que todo o mundo sae da praia?".
Ata a pregoeira do San Bartolomeu, Loli Gómez, fixo alusión no seu discurso aos conflictos circulatorios de Noia, así como á imposibilidade de atopar un aparcadoiro en numerosas ocasións, festivas e non tanto.
A proba discorreu por partes da vila vitais para o tráfico
Posted via email from Certo.gl, o xornal dixital de Barbanza e Noia
No hay comentarios:
Publicar un comentario