25.6.10

Lingua galega: premio Anticiclón para o CECB e Borrasca 2010 para os centros de saúde do Barbanza

Estes premios simbólicos, que naceron hai dous cursos como unha maneira de promover o uso do galego, recompensan co Anticiclón o labor de empresas e institucións que fan un uso normalizado da lingua e, no caso do premio Borrasca, deixan en evidencia aos que o ignoran. Nesta terceira edición, a Coordinadora comarcal de equipos de normalización recoñeceu o bo labor do Centro Empresarial da Construción do Barbanza (CECB) e reprobou as prácticas lingüísticas dos centros de saúde do Barbanza.

Considerouse o CECB merecedor do premio Anticiclón polo uso normal do idioma que se aprecia na súa web, nas instalacións, nas comunicacións públicas e nas actividades que realiza.

O premio Borrasca foi parar aos centros de saúde do Barbanza, xa que os profesionais da sanidade pública, na maioría dos casos, non se expresan en galego, como acontece con case toda a cartelería, que está en exclusiva en castelán. Na comarca do Barbanza, a maioría das persoas fan un uso normalizado do galego, polo que é evidente que os seus dereitos lingüísticos non se están a respectar.

Posted via email from Certo.gl, o xornal dixital de Barbanza e Noia

A Pobra do Caramiñal: arrebatos cinepoéticos de alumnos de cuarto de ESO

"Se va de ti mi cuerpo gota a gota.
Se va mi cara en un óleo sordo;
se van mis manos en azogue suelto;
se van mis pies en dos tiempos de polvo.

¡Se te va todo, se nos va todo!

Se va mi voz, que te hacía campana
cerrada a cuanto no somos nosotros.
Se van mis gestos que se devanaban,
en lanzaderas, debajo tus ojos.
Y se te va la mirada que entrega,
cuando te mira, el enebro y el olmo.

Me voy de ti con tus mismos alientos:
como humedad de tu cuerpo evaporo.
Me voy de ti con vigilia y con sueño,
y en tu recuerdo más fiel ya me borro.
Y en tu memoria me vuelvo como esos
que no nacieron ni en llanos ni en sotos.

Sangre sería y me fuese en las palmas
de tu labor, y en tu boca de mosto.
Tu entraña fuese, y sería quemada
en marchas tuyas que nunca más oigo,
¡y en tu pasión que retumba en la noche
como demencia de mares solos!
¡Se nos va todo, se nos va todo!" Gabriela Mistral

Máis videopoemas en http://atabarradixital.blogaliza.org/videopoemas

Posted via email from Certo.gl, o xornal dixital de Barbanza e Noia

A Pobra do Caramiñal: os socialistas piden que o Concello teña web e se incorpore ás novas tecnoloxías

Download now or preview on posterous
moción TIC.docx (48 KB)

A Pobra do Caramiñal, 25 de xuño de 2010. A concelleira socialista e secretaria do Psoe pobrense, María Teresa García Guillán, apunta que nun concello "coa tradición e relevancia da Pobra, parécenos un despropósito que non estea inmerso na sociedade da información. Contan con páxina web concellos da comarca como son Mazaricos e Lousame que, con ben menos recursos, menor poboación e menos turismo adaptáronse as novas tecnoloxías. O alcalde non para de dicir que quere converter a Pobra nas praias de Compostela pero ofrecer a máxima información a veciños e visitantes, parece ser que non está entre os seus obxectivos". Por estes motivos, vén de presentar unha moción no nome do seu grupo para solicitar no vindeiro pleno que A Pobra do Caramiñal se convirta nun "Concello 2.0".

Máis de mil en Facebook

O grupo socialista de A Pobra conta con perfil en Facebook, a maior rede social mundial da actualidade, e xa agregou máis de mil contactos (amigos). Tamén teñen un blog en Blogger, en http://pobrasocialista.blogspot.com, que actualizan coas súas propostas e visión do que acontece no municipio.

O Concello ten só unha páxina de Deportes

A única web con información oficial da Pobra refírese aos deportes. En http://apobradeportes.com infórmase con antelación dos actos que vai haber e tamén contan cunha nutrida galería de imaxes destas actividades deportivas en Picasa, en http://picasaweb.google.com/A.Pobra.Deportes.

O resto da información de A Pobra do Caramiñal na web repártese entre webs de particulares. A máis activa, polo que a nomeamos en moitas ocasións neste xornal, é http://www.desdepobra.com, que conta incluso con vídeos actualizados cada pouco e galerías fotográficas dende que neste Concello se tomaron as primeiras imaxes.

Na mesma liña de Desde Pobra está http://webpobra.com, que é moi similar  no plantexamento á que hai en Boiro (webboiro.com). Logo hai páxinas estáticas como http://www.apobra.com, que parecía ía ser a oficial do Concello, pero non da arrincado, como sucede con outros concellos da zona, caso de Porto do Son ou mesmo Noia.



Posted via email from Certo.gl, o xornal dixital de Barbanza e Noia

Deportes: "Vela para Todos", de Ámbar, segundo posto na II Regata de Vela Adaptada en A Coruña

Ribeira, 25 de xuño de 2010. Na pasada fin de semana disputouse na bahía coruñesa a segunda Regata de Vela Adaptada da Fundación María José Jove, a única competición destas características que se celebra en Galicia. A Asociación AMBAR participou neste evento co programa Vela para Todos, representado polo seu regatista máis destacado, Serafín Cadaval, e acadou un meritorio segundo lugar.

Na regata participaron unha vintena de regatistas procedentes de distintos puntos da comunidade galega e estivo reservada a embarcacións da clase Yatlant 460, que foron aportadas pola propia institución.

A vencedora da regata, Sonia García Erías, do equipo da Fundación María José Jove recibiu o trofeo de mans da conselleira de Traballo e Benestar da Xunta de Galicia, Beatriz Mato. O cadro de gañadores complétano Serafín Cadaval Santos, do Programa Vela para Todos da Asociación AMBAR, que ocupou o segundo posto; Jesús Pombo Gómez, da Fundación María José Jove, que se alzou no terceiro lugar; e Manuel Brage Vila, do Real Clube Náutico da Coruña, que se fixo co cuarto lugar.

A final da competición decidiuse ó mellor de cuatro probas e foi moi disputada e igualada, pois o primeiro posto, polo que competía o regatista ribeirense Serafín Cadaval, non se decidiu ata a última manga para romper un triple empate de sete puntos no último pase de boia.

Posted via email from Certo.gl, o xornal dixital de Barbanza e Noia

Enquisa I

Ribeira: o alcalde pide outro obradoiro na mesma clausura do "Illote Noro II"

O alcalde, que entregou os diplomas aos 26 alumnos-traballadores egresados, agarda que o seguinte obradoiro remate o periurbano de San Roque

Ribeira, 25 de xuño de 2010.- O Obradoiro Illote Noro 2 chegou hoxe ao seu fin cun acto de clausura no que os 26 alumnos–traballadores (17 mulleres e 9 homes) que participaron na iniciativa recolleron os seus diplomas tras un ano de traballos. Cabe recordar que a meirande parte destes labores se concentraron no Parque Periurbano de San Roque, de 180.000 metros cadrados de superficie, no obxectivo de converter esta área nun referente para o lecer dos veciños do municipio e nun foco de atracción turística. 

A clausura do obradoiro contou coa participación do alcalde, José Luis Torres Colomer; do director xeral de Promoción do Emprego da Xunta de Galicia, Andrés Hermida Trastoy; da concelleira municipal de Educación Juana Ermitas Crugeiras Vidal, e do director do obradoiro, Juan Ramón Cores Pérez, quen realizou unha proxección de 50 diapositivas para explicar visualmente o traballo desenvolvido no transcurso do taller.

Algunhas das actuacións realizadas no parque foron a restauración do lavadoiro situado no parque e a rexeneración do seu entorno; a pavimentación do camiño que conecta o parque coa cidade de Santa Uxía (a través da zona dos xulgados); a construción dun sistema de recollida de pluviais; a restauración do anfiteatro (obra que tamén incluíu o empedrado do camiño que  une esta edificación coa zona de baños), a restauración do área de picnic, a construcción dunha rocalla cun ceador, a elaboración de bancos/xardineiras na zona de acceso e a construción dunha ponte de madeira sobre un regato.

Tamén se realizaron actuacións fóra do parque: basicamente mobiliario urbano para uso e disfrute dos veciños do municipio: 46 xardineiras, 20 bancos, 25 mesas de merendoiro... 

Cofinanciación


O Obradoiro de Emprego comezou a súa andaina no mes de xullo do 2009 como un programa mixto de formación e emprego para formar profesionais maiores de 25 anos nas especialidades de carpintería, albanelería ou xardinería. Estivo cofinanciado polo Concello de Riveira, a Consellería de Traballo da Xunta de Galicia e o Fondo Social Europeo. Investíronse 678.000 euros, dos cales 548.000 euros foron aportados pola Xunta de Galicia e o Fondo Social Europeo e 130.000 polo propio Concello.  

No apartado de discursos, Andrés Hermida recalcou a idoneidade desta acción para que os maiores de 25 anos acaden unha preparación que lles permita incrementar as súas opcións de conseguir un emprego nestes tempos difíciles. 

Pola súa parte, o alcalde felicitou aos alumnos participantes e aproveitou a súa intervención para solicitar ante o director xeral a concesión dun novo obradoiro de emprego que dea remate as actuacións deseñadas co fin de dinamizar o parque.

Relacionadas:

Concedido o obradoiro "Illote Noro II", aquí

Composición do Illote Noro II, aquí

Restauración do lavadoiro de San Roque, aquí



Posted via email from Certo.gl, o xornal dixital de Barbanza e Noia

Montes: o Bng acusa ao goberno de mentir e querer eliminar as Uxfor mediante a parálise da súa tramitación

Vistas dende o mirador de Culou, en Lousame

A nacionalista Tereixa Paz asegura que "o Conselleiro de Medio Rural mentiu no Parlamento galego cando dixo que non ía eliminar as UXFOR (unidades de xestión forestal) cando en realidade, a política do PP non permite a súa tramitación"

Barbanza-Noia, 25 de xuño de 2010. A portavoz de agricultura, gandería e montes do  BNG, Tereixa Paz, trala resposta do director xeral de Montes na Comisión 7ª de Agricultura, celebrada hoxe no Parlamento galego, acusou á Xunta de manter unha “postura cínica” cando o propio Conselleiro de Medio Rural “minte” na Cámara galega ao afirmar que non se eliminarían as unidades de xestión forestal.

Para a deputada do BNG, a resposta do director xeral de Montes a unha pregunta formulada pola  nacionalista, confirma que “é falsa a tese” sobre a falta de personalidade  xurídica que lles impide aos montes veciñais   establecer actuacións na súa defensa e  posta en valor.

Tereixa Paz preguntoulle  ao director xeral de Montes se nalgunha ocasión asinara algún convenio coas comunidades de montes e se consideraba que esta circunstancia se podía cualificar de “ilegal”. Asemade, a deputada do BNG reiterou na súa intervención,  que era notorio que, a día de hoxe, “non existía ningunha unidade de xestión forestal legalmente constituída” ao abeiro do decreto do ano 2008” e denunciou que  esta situación, débese “ á negativa do Goberno galego e o Partido popular a que se constitúan”.

Para Tereixa Paz, o director xeral de Montes “delátase” ao afirmar que estas unidades non son un instrumento válido e mesmo critica as dúas que existen en Muros e Lousame pero a respecto da de Camboño - dixo- como afecta na súa maior parte a propietarios privados “non ten nada que dicir”.

Paz explicou que o anterior goberno aprobou unha lei na que se  prevía unha medida estrutural para cambiar en profundidade as explotacións forestais galegas e para isto, encomendou a xestión  á empresa pública SEAGA con dúas finalidades: elaborar todos os traballos de redacción dos proxectos para a constitución das UXFOR e realizar as actuacións e infraestrutura necesaria para a súa posta en marcha.

A deputada do BNG recriminou que o Partido popular pretenda crear unha nova “figura societaria” para que desapareza o “asemblearismo” e se introduzan os grandes capitais nos montes dos pequenos propietarios co obxecto de especular coa súa riqueza.

Posted via email from Certo.gl, o xornal dixital de Barbanza e Noia

Ribeira: Pífano Teatro aborda con "Rotas" este sábado 26 a violencia de xénero

Ribeira, 25 de xuño de 2010. A compañía Pífano Teatro vai actuar mañá, sábado 26, no auditorio municipal de Ribeira ás 21.30 horas coa obra “Rotas”, dirixida por Xavier Picallo a partir dun texto de Rosa Castro.  

Esta peza dramática consiste nun alegato contra a violencia de xénero no que se pretende denunciar a tortura e o asasinato que sofren algunhas mulleres. Actuarán Mela Casal e María Salgueiro (na imaxe, extraída do blog da compañía Pífano, en http://pifanoteatro.blogspot.com)

A obra está recomendada para maiores de 12 anos. A entrada é gratuíta. Colaboran na organización a Asociación da Prensa da Coruña, a Deputación da Coruña e o Concello de Ribeira a través da Concellería de Cultura e Festexos. 

Mesa de debate

Ao rematar a obra, que durará arredor de 35 minutos, realizarase unha mesa de debate en torno á violencia de xénero.

Posted via email from Certo.gl, o xornal dixital de Barbanza e Noia

Rianxo: a banda infantil e a sinfónica, no concerto de Musigalizando 2010, o domingo 27 de xuño en Santiago


O concerto é na Quintana de Vivos, en Santiago

Rianxo, 25 de xuño de 2010. A banda infantil e a banda sinfónica de Rianxo están a participar en Musigalizando, un campamento musical que ten como colofón final un concerto para todos os públicos. Aínda que o campamento é en Gandarío, o concerto execútase na Praza da Quintana de Santiago de Compostela, o vindeiro domingo 27 de xuño ás oito e media da tarde.

Posted via email from Certo.gl, o xornal dixital de Barbanza e Noia

Noia: as obras de reforma do teatro Coliseo Noela xa teñen consignado orzamento, de máis de 300.000 euros


Noia, 25 de xuño de 2010
. O Consello da Xunta de Galicia autorizou onte a subscrición dun convenio de colaboración entre a Consellería de Cultura e Turismo e o Concello de Noia para a rehabilitación da cuberta, a instalación dun ascensor, a mellora de seguridade e a reparación de revestimentos do Teatro Coliseo Noela. O acordo conta cunha dotación orzamentaria de 311.760 euros, distribuída en dúas anualidades.

As obras de acondicionamento e reparación do Teatro Coliseo Noela inclúen a rehabilitación da cuberta, a instalación dun ascensor, a mellora de seguridade e a reparación de revestimentos. A Consellería de Cultura e Turismo, a través da Dirección
Xeral do Patrimonio Cultural, tamén se encargará da contratación das obras de rehabilitación, a dirección e execución de obra, e a coordinación de seguridade e saúde.
O Teatro Coliseo Noela é unha edificación de 1920 que está catalogada no vixente Plan Especial de Protección e Reforma Interior do Centro Histórico de Noia. Debido ao actual estado de deterioración progresiva do inmoble, que podería afectar elementos estruturais da cuberta, a Consellería de Cultura e Turismo realizará as reformas necesarias en materia de protección, conservación e posta en valor deste ben cultural.
Debido ás obras de reforma, algúns dos moitos actos culturais que se viñan celebrando neste recinto serán trasladados, do que se avisará ao seu debido tempo.

Posted via email from Certo.gl, o xornal dixital de Barbanza e Noia

Boiro: O Faiado 2 acolle unha exposición de pezas de metal do artista rianxeiro José Tembra en xullo

A inauguración, o vindeiro martes 29 de xuño ás nove menos cuarto da noite.

Posted via email from Certo.gl, o xornal dixital de Barbanza e Noia

Noia: la ong "ConTacto" inaugura hoy una oficina en este municipio


Iglesia de San Francisco, en Noia

Noia, 25 de junio de 2010. Hoy, viernes 25 de junio, a las siete de la tarde, tendrá lugar la inauguración de la nueva oficina de la ongd "ConTacto", en la parte de atrás del edificio de los Padres Franciscanos (detrás del ayuntamiento).
   La organización no gubernamental "ConTacto", que se define como "asesoría al inmigrante y su integración", lleva un año trabajando en la Comarca del Barbanza y dada la situación que presenta el colectivo inmigrante en Noia respecto a la necesidad de asesoría jurídica, laboral, sanitaria y asistencial, consideran "imprescindible establecer un punto de información más cercano al  inmigrante, especialmente con el colectivo senegalés y peruano, entre otros". Prevén abrir la oficina al menos dos días a la semana.

Otras noticias relacionadas con esta organización, aquí

Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical