16.12.11

Ribeira: programación de Nadal completa

Na presentación estivo o técnico de Cultura, Unai González, e a concelleira encargada do ramo, Elvira Pisos

Ribeira, 16 de Nadal de 2011. Esta mañá presentouse a programación do Nadal Cultural do Concello de Ribeira.


Estase ultimando a celebración dunha serie de actividades na rúa promovidas pola Deputación Provincial, a Asociación de Empresarios de Ribeira e o propio Concello, co fin de dinamizar o comercio de proximidade nestas datas festivas. Ao seu debido tempo informarase ao respecto.


Posted via email from Certo.gl, o xornal dixital de Barbanza e Noia

Ribeira: a campaña "Panos brancos" contra a droga congregou a 350 rapaces na Fieiteira

    Ribeira, 16 de decembro de 2011- Máis de 350 nenos e nenas de distintos centros educativos de Ribeira acudiron ao Complexo Polideportivo de A Fieiteira para dicirlle non á Droga nun evento –a Campaña Panos Brancos- que estivo coorganizada pola Asociación Renacer, o Concello de Ribeira e a Fundación Galega contra o Narcotráfico.

    Tras a oportuna presentación por parte de Fernando Alonso, xerente da fundación citada, o acto comezou coa intervención de cadanseus autoridades en representación das das tres entidades: María González, presidenta de Renacer; José Manuel Siso, presidente da fundación, e a tenente de alcalde Dolores Elorduy (quen desculpou a ausencia de Ruiz Rivas por estar atendendo outras obrigas como deputado provincial). 

    Acto seguido, unha vintena de rapaces e rapazas leron o manifesto que, baixo o título 1000 razóns para dicir si á saúde” pretende servir para que os máis novos tomen conciencia do problema da drogadicción e se desenvolvan na infancia como logo serán na idade adulta, vivindo no deporte e na aposta pola vida. Unha vez rematado o manifesto, as autoridades convidadas ao evento procederon á firma dunha bandeira branca que simboliza o espírito desta campaña para, a continuación, pasar de man en man este emblema a fin de que todos os asistentes deixaran estampada a súa sinatura.

    Logo tivo lugar unha pequena exhibición de taewondo, un partido de baloncesto mixto entre unha selección de alumnos e alumnas de 1º e 2 de ESO de Riveira e outra de Vilagarcía e un encontro Fútbol 7 entre alumnos e alumnas de 3º e 4º de ESO das dúas cidades: tres espectáculos deportivos que levantaron os aplausos dos participantes.

Posted via email from Certo.gl, o xornal dixital de Barbanza e Noia

Ribeira: do 19 ao 21 de Nadal, concertos dos alumnos do conservatorio profesional

Cartel Concertos Nadal 2011 .pdf Download this file

Ribeira, 16 de Nadal de 2011. O Conservatorio Profesional de Música de Ribeira, dependente da Concellería de Educación do Concello de Ribeira, organiza para a semana un programa de concertos co que se pon fin ao primeiro trimestre de curso 2011/2012. 

O luns 19 de decembro os alumnos e profesores  do departamento de Piano ofrecerán unha audición no salón de actos do Conservatorio Local a partir das 19.00 horas con motivo do 200 aniversario do nacemento do compositor e pianista húngaro Franz Liszt. 

O martes día 20, ás 19 horas, alumnos do conservatorio ofrecerán un concerto na Residencia do Maior de Riveira. O concerto será ofrecido  por distintas agrupacións instrumentais, as cales interpretarán obras de Mozart, Carulli, Diabelli, Diego Bouzón e tamén música tradicional do Nadal. 

O mércores día 21, ás 19.30 horas, no salón de actos do Conservatorio desenrolarase o tradicional Concerto de Nadal protagonizado unha vez máis polos estudantes do centro.  Música de  Saint Saens, Bing Crosby, Scott Joplin, Apocalyptica  e as tradicionais panxoliñas soarán para poñer punto final a este  primeiro trimestre no Conservatorio Municipal. 

Unha vez rematado o concerto os profesores entregarán aos alumnos as cualificacións obtidas nesta primeira avaliación.

Posted via email from Certo.gl, o xornal dixital de Barbanza e Noia

Noia: concederán licencia para abrir nova gasolineira nos Carballiños-A Barquiña

Media_httpfarm5static_ecjqg

Foto en flickr de joiseyshowaa

Noia, 16 de Nadal de 2011. A Xunta de Goberno do Concello de Noia otorgará, na reunión do martes día 20 do presente mes, licencia  a EROSMER IBÉRICA (hoxe CECOSA HIPERMERCADOS S.L.) para a construción dunha estación de servizo.

A nova gasolineira estará situada na contorna do centro comercial que a firma EROSKI ten no lugar dos Carballiños-A Barquiña. O orzamento de execución material das obras en cuestión ascende a un total de 800.392,55 euros. A superficie en planta total ascende a 1.795 metros cadrados, e as edificacións ocuparán: o edificio de control 15 m2, o edificio auxiliar 29 m2 e a marquesiña, cunha altura máxima de 4 metros, 189 m2.

Segundo explicou o concelleiro de Urbanismo, o nacionalista Bieito González, "a tramitación do expediente administrativo foi longa, xa que a pretensión da firma comercial tivo que ser sometida á consideración das administracións sectoriais, con competencia sobre este tipo de actividade comercial. A saber: Consellería de Sanidade, Consellería de Medio Ambiente e a maiores o pronunciamento do organismo Augas de Galicia por atoparse, a futura instalación, perto da zona de policía do Río do Porto".

Multa de máis de 3.000 euros por comezar antes de tempo

Paralelamente á  tramitación do mentado expediente, a Concellería de Urbanismo vén de ditar resolución, mediante a cal se sanciona a dita firma comercial cunha cantidade de 3.172,00 euros (correspondente ao 2% das obras efectivamente executadas: movemento de terras, escavación a ceo aberto, facer lousa de formigón para anclaxe posterior de tres depósitos soterrados de 40.000 litros de capacidade, recheos de material tipo pedraplen e gravas, coas 5 bocas instaladas nos depósitos para acceso ao interior dos mesmos), como consecuencia do expediente de infracción urbanística aberto no seu día, por ter comezado a construción da estación de servizo sen a preceptiva licenza municipal.
 

Posted via email from Certo.gl, o xornal dixital de Barbanza e Noia

Rianxo: parte do Rali Botafumeiro transcorre no Araño este sábado 17 de decembro

Media_httpfarm3static_pidee

Rianxo, 16 de Nadal de 2011. Un ano máis a Escuderia Compostela leva a cabo o Rali Botafumeiro, novena proba puntuable para o Campionato Galego de Ralis que pechará o calendario do presente ano 2011. Logo dun aprazamento (ía ser a fin de semana pasada), terá lugar esta fin de semana, cunha proba urbana entre San Lázaro e Santiago pola noite e cos seguintes tramos xa o sábado 17 que comezarán na parroquia rianxeira de Araño, cos horarios que se detallan:

TREITO HORA Fecha Kms
Treito urbán (San Lázaro-Santiago) 20:42 Venres 16  
A1 - Araño 09:08 Sabado 17 14,400
B1 - Rois 09:46 Sabado 17 10,800
C1 - Lampai 10:24 Sabado 17 6,975
A2 - Araño 12:37 Sabado 17 14,400
B2 - Rois 13:15 Sabado 17 10,800
D1 - Sarandón 16:58 Sabado 17 11,275
E1 - Vea 17:31 Sabado 17 10,400
D2 - Sarandón 19:34 Sabado 17 11,275
E2 - Vea 20:07 Sabado 17 10,400

A proba promete ser espectacular, xa que hai 88 inscritos, entre os que destacan os mellores pilotos de rali de Galicia.

Cartel_botafumeiro_2011

LISTA INCRITOS XXIII RALI BOTAFUMEIRO.doc Download this file

Posted via email from Certo.gl, o xornal dixital de Barbanza e Noia

Boiro: o colectivo Borobó organiza unha nova viaxe á neve do 13 ao 15 de xaneiro

Neve

Boiro, 16 de Nadal de 2011. A asociación cultural "Borobó" organiza a primeira viaxe -teñen pensado facer tres este curso- á neve, concretamente a Estación invernal de San Isidro en León.

"Decidimos voltar a apostar por este tipo de actividades dado o éxito acadado o inverno pasado, con máis de 70 usuarios", explica a directiva.

Posted via email from Certo.gl, o xornal dixital de Barbanza e Noia

Lousame: prosegue o conflicto con Ecoembes, que penaliza a Serra do Barbanza por reciclar moito

Media_httpfarm6static_ngvvx

Camións na planta de reciclaxe de Servia, en Lousame

Lousame, 16 de Nadal de 2011. O presidente de turno da Mancomunidade de Concellos Serra do Barbanza, Rafael Gacía Guerrero, manifestou onte a confianza no apoio da Xunta no conflicto con Ecoembes.

Rafael García Guerrero considera que, durante o problema polo incumprimento de Ecoembes do convenio asinado coa Xunta, a consellería de Medio Ambiente "apoiou sempre aos concellos, e estamos seguros que colaborará ata o final coa Mancomunidade Serra do Barbanza para impedir o incumprimento de Ecoembes. Desde logo e ata o momento só podemos ter palabras de agradecemento cara á Consellería, tanto polo apoio manifestado neste tema, como pola colaboración económica nesta anualidade que xa é de 200.000 euros".

"Ninguén nos pode penalizar por reciclar moito"

Ademais, sinalou que desde a Mancomunidade "temos claro que o único responsable do problema xerado é Ecoembes, que só pretende reducir custes a conta da Mancomunidade. A sociedade Ecoembes ten demostrado un comportamento deplorable de cara á Mancomunidade, entrando nun regateo intolerable e que non será aceptado por este ente. Esiximos que paguen o que nos corresponde, xa que nós estamos a cumprir a nosa parte do convenio, e non imos consentir que ninguén nos penalice por reciclar moito".

Non aos despidos cando adebedan máis de medio millón de euros

O actual presidente de Serra do Barbanza agarda que a Xunta obrigue a Ecoembes a ir a unha arbitraxe "que deixara ás claras o incumprimento que está a facer Ecoembes.Desde logo non aceptaremos os consellos de Ecoembes de despedir xente e de reciclar menos, non estamos dispostos a aceptar tales recomendacións e menos que veñan daqueles que incumpren convenios asinados e que teñen unha débeda coa nosa concesión de máis de medio millón de euros", rematou García Guerrero.


Posted via email from Certo.gl, o xornal dixital de Barbanza e Noia

Boiro: o debuxante Martín Romero lanza "Las Fabulosas Crónicas del Ratón Taciturno", a súa primeira novela gráfica

Boiro, Nadal de 2011. O comiqueiro boirense (natural de Xión) Martín Romero está a lanzar a súa primeira novela gráfica, titulada "Las fabulosas crónicas del ratón taciturno", na editorial Sins Entido, en colaboración con Apa Apa.

 


 

 

 

 

 

Martin Romero - Las fabulosas crónicas del ratón taciturno 


 

Cartoné, 326 páginas,

 

19 x 19,5 cms,  b/n

 

25€

 

 

ISBN 978-84-96722-96-5


 

 


Sinopse:


É a historia dun mozo tímido e inseguro que, trala separación de seus pais, múdase a unha zona rural onde fai amizade cunha rapaza que lle vai axudar a emprender unha particular viaxe iniciática.


 

 

 

Martín Romero é coñecido polos seus traballos como ilustrador e por participar en

revistas de cómic como Argh!, Tretze Vents ou Colibrí. Por fin se atreveu cunha historia longa, e aquí está.


Na editorial agardan que o disfrutedes tanto como eles.

 

 

 


 

Máis información na web de Apa Apa.

 

  


Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical