2.2.12

Sanidade: abre o prazo para presentarse ao I Premio de Investigación Oncolóxica "Ramiro Carregal – Fundación La Rosaleda"

  • O prazo para presentar solicitudes estará aberto ata o 28 de febreiro de 2012 ás 14.00 h
  • Na presentación, o xurado destacou a importante contía do premio, dotado con 12.000 euros e unha peza de Artesanía de Galicia elaborada para a ocasión
  • O doutor Rafael López recordou que “un de cada dous homes e unha de cada tres mulleres sufrirán cáncer” pero grazas a iniciativas como ésta, que axudan a investigar, a enfermidade “xa non é tan terrible como hai uns anos”
 

Santiago de Compostela, 2 de febreiro de 2012.- Esta mañá presentouse no Hostal dos Reis Católicos de Santiago o I Premio Internacional de Investigación Oncolóxica Científica e Técnica Ramiro Carregal–Fundación La Rosaleda, cuxo prazo de presentación estará aberto ata o 28 de febreiro. O premio pretende recoñecer o traballo das persoas que buscan solución a un dos grandes males da humanidade e valorar o esforzo e a traxectoria científica no área da investigación oncolóxica destinada á xerar, desenvolver e/ou aplicar os novos coñecementos biolóxicos e clínicos sobre o cancro. 

O presidente honorífico do Xurado, o empresario de Ribeira Ramiro Carregal, presidente de Frinsa, traballador incansable e gran humanista preocupado polo desenvolvemento e benestar de Galicia, asegurou sentirse honrado por poder colaborar neste tipo de iniciativas, e recordou a súa propia experiencia para lanzar unha mensaxe optimista: “o cancro curase”.   

No acto participaron tamén outros membros do Xurado, constituído por reputados científicos, académicos e investigadores como o Dr. Rafael López López, xefe do Servizo de Oncoloxía Médica do Complexo Hospitalario Universitario de Santiago e ex-presidente da Sociedade Oncolóxica de Galicia.  

O Dr. López agradeceu a Ramiro Carregal o seu apoio polo que definiu como “aposta de futuro” ante a “enfermidade do s. XXI, a que máis xente mata nos nosos días”. O xefe do servizo de Oncoloxía Médica do CHUS recordou que “un de cada dous homes e unha de cada tres mulleres sufrirán cancro” pero grazas a iniciativas como esta a enfermidade “xa non é tan terrible como fai uns anos”. Con todo “a batalla continúa e só se gañará con investigación”. 

Tamén tivo unhas palabras de recordo para os pacientes, os seus familiares e amigos, aos que pediu que “loiten con todas as súas forzas e participen en investigación clínica”, porque é o modo de continuar avanzando.  

Xurado

Ademais do Dr. López, forma parte do Xurado o Dr. Juan Jesús Cruz, presidente da Sociedade Española de Oncoloxía Médica (SEOM), catedrático do departamento de Medicina da Universidade de Salamanca e especialista en Medicina Interna e Oncoloxía Médica, que non puido estar presente hoxe por motivos de axenda. Si estiveron o catedrático en Farmacoloxía na Facultade de Medicina e Odontoloxía da Universidade de Santiago, Manuel Freire-Garabal Núñez, o decano do mesmo centro, o Dr. Juan Gestal Otero, catedrático de Medicina Preventiva e Saúde Pública, e o vicerrector de Investigación e Innovación da USC, Francisco González García, catedrático de Medicina e especialista en Oftalmoloxía. 

O presidente da Fundación  La Rosaleda, o Dr. Gerardo Fernández Albor, dixo estar convencido de que o esforzo feito para sacar adiante o Premio valerá para dar un paso máis na erradicación desta grave enfermidade. Ademais esta convocatoria supón a constatación dunha colaboración natural entre a Universidade de Santiago, o Hospital Clínico, a Fundación La Rosaleda e a empresa privada.  

Un dos maiores premios no seu ámbito

O premio, dotado con doce mil euros (e sometido ás retenciones fiscais que legalmente lle correspondan) é un dos de maior cuantía no seu ámbito. Entregarase así mesmo un galardón acreditativo consistente nunha peza de Artesanía de Galicia creada en exclusiva para a edición deste premio en pedra emperador con incrustaciones en metal e prata e con emblemas esculpidos na propia pedra. 

A pedra e o metal alíanse e crean un conxunto ideado para premiar o esforzo e compromiso coa investigación oncológica. As siluetas da letras R e C, iniciais do nome do premio, fan que os dous materiais únanse nunha peza única. O aspecto irregular do bloque pétreo confírelle o carácter de obra inacabada, un símil co motivo do premio e a necesidade de seguir avanzando e traballando no estudo do cancro, as súas causas e tratamentos. 

Fallo e entrega do premio

O Xurado outorgará  libremente o premio a un dos candidatos propostos ou ben a outro proposto directamente por el. Excepcionalmente poderá darse de forma compartida cando os méritos das persoas, entidades ou grupos presentados se complementen de forma clara. 

O premio non poderá  quedar deserto e o fallo do Xurado será inapelable e farase público o 1 de marzo de 2012 a través dos medios de comunicación e da páxina web da Fundación La Rosaleda (www.fundacionlarosaleda.org). Así mesmo notificaráselle personalmente ao ganador. O Xurado terá, así mesmo, a potestade de decidir si os traballos non premiados pasan a formar parte da seguinte edición do premio. 

A entrega do premio realizarase nun acto solemne, coa asistencia de personalidades do ámbito político, social, académico e científico, en Santiago de Compostela na data que se comunicará no seu momento. 

Prazo de presentación aberto

Poderán ser candidatos ao l Premio de Investigación Oncolóxica Ramiro Carregal–Fundación La Rosaleda investigadores de carácter preclínico (investigación básica orientada á obtención de coñecemento con aplicación clínica), e clínico (investigación en humanos), que desenvolvan a súa actividade en centros de investigación ou sanitarios, públicos ou privados, de calquera parte do mundo. 

Poderán formular propostas as institucións públicas e privadas, fundacións, asociacións, colexios profesionais, etc. cuxa actividade teña vinculación coa investigación oncolóxica, pero serán excluídas as candidaturas presentadas por quen soliciten o premio para si mesmos ou para os grupos ou entidades a quen representen. 

As candidaturas poderán presentarse en castelán, galego e inglés por correo certificado, en sobre pechado coa referencia “Premio de Investigación Oncolóxica”, ao Apartado de Correos 50 de Santiago de Compostela ou á dirección postal da Fundación La Rosaleda  (c/Santiago León de Caracas, 1 - 15701 Santiago de Compostela). Igualmente, e coas mesmas características, as candidaturas poden entregarse en man de 9 da mañá a 9 da noite, na recepción do centro ou por correo electrónico enviando a documentación a info@fundacionlarosaleda.org.  

En caso de enviala por mail só se considerarán aquelas candidaturas recibidas ata as 23.59 h do día 27 de febreiro de 2012. O resto de solicitudes teñen de prazo ata o 28 de febreiro de 2012 ás 14.00 h. 

As bases completas están dispoñibles na páxina web da Fundación La Rosaleda (www.fundacionlarosaleda.org) no apartado “Actividades” – “Premios”.

Antes, en Certo:

Premio e avenida: Ramiro Carregal, de novo protagonista

Posted via email from Certo.gl, o xornal dixital de Barbanza e Noia

A Pobra: o vindeiro domingo 12 de febreiro, viaxe a Lalín e ao Corpiño

Viaxe_a_laln_e_o_corpio_2012

A Pobra, Candelaria de 2012. O concello da Pobra do Caramiñal, na súa liña de programas excursións populares, nesta ocasión achegará aos veciños que o desexen á feira do cocido de Lalín e ao Corpiño que terán lugar o domingo día 12 de febreiro. Para todos aqueles que queiran asistir teñen que pasar polas oficinas do concello e preguntar por Lola, de luns a venres en horario de 9:00 a 15:00 h.

Hai un chisco publicamos:


Viaxe: a Madrid, do 22 ao 25 de marzo. Anótate!

Posted via email from Certo.gl, o xornal dixital de Barbanza e Noia

Mar: o Psoe reclama á Xunta eleccións nas confrarías de pescadores

4 INT convocatoria eleccions confrarias 300112 MARISOL 76913-asinado.pdf Download this file

Media_httpfarm3static_ogfja

  • Marisol Soneira critica a falla de iniciativa da Xunta diante da situación irregular de moitos dos pósitos, que levan dende decembro de 2009 en situación de interinidade  

Barbanza-Noia, 02 de febreiro de 12. A portavoz de Pesca do Grupo Parlamentario dos  Socialistas de Galicia, Marisol Soneira, presentou unha serie de iniciativas parlamentarias para que a Xunta convoque eleccións nas confrarías de pescadores, pendentes dende a aprobación da Lei de Pesca en decembro de 2009. 

Soneira presentou unha Interpelación para que o Goberno galego dea conta diante do Pleno do seu “lamentable desleixo” fronte a unha situación de interinidade inexplicable. Apunta que este impasse, “que era entendible nun período de tramitación lexislativa, deixa de selo cando hai confrarías que teñen amplamente superado o seu mandato e cando hai situacións conflitivas latentes en moitas delas”. 

Por estes motivos, reclama á conselleira de Pesca que explique “cándo ten pensado convocar as eleccións para renovar os órganos de dirección das confrarías galegas”, ademais de explicar “cales son as razóns obxectivas que impediron, ata o de agora, a convocatoria delas”. 

Sinala que o goberno está a actuar cun nivel de discrecionalidade “claramente excesivo” neste caso, malia que a anterior Lei de Pesca de 2008 permitía “de xeito excepcional” que a duración do mandato destes órganos de goberno “estenderase ou acurtarase á data da convocatoria, e a partir dela unificarase o calendario electoral para todas as confrarías de Galicia”.

Pode que tamén lle interese:
Piden que se paguen as cotas da Seguridade Social das mariscadoras de máis de 65 anos

Posted via email from Certo.gl, o xornal dixital de Barbanza e Noia

Lousame: Ecoembes só pagará o 80% do plástico-film seleccionado na planta de tratamento de residuos en 2011 e 2012

  • Medio Ambiente propicia o acordo entre Ecoembes e a Mancomunidade da Serra do Barbanza para o tratamento de residuos na planta de Lousame
  • Ecoembes asumirá o custe de recuperación do 80% do plástico-film seleccionado na planta da Mancomunidade no relativo ao ano 2011, con efecto retroactivo, e 2012, o que suporá unha cantidade equivalente a 907 toneladas de residuos
  • Nos vindeiros 2 anos Ecoembes xestionará un máximo de 835 toneladas anuais de residuos e no 2015 un total de 784 toneladas de residuos
Media_httpfarm6static_aqfsy

Lousame, 2 de febreiro de 2012.- A Consellería de Medio Ambiente, Territorio e Infraestruturas propicia, disque, o acordo entre a Mancomunidade da Serra do Barbanza e a entidade de xestión Ecoembes sobre a xestión dos residuos de envases que permitirá manter o tratamento de residuos da Planta de Tratamento de Lousame, contribuíndo así á normalización do seu funcionamento.

Esta solución adoptouse durante a reunión da Comisión de Seguimento do Convenio asinado pola Xunta e Ecoembes para o período 2011-2015. O acordo é o resultado dos contactos entre as partes mantidos no último ano a iniciativa da Xunta de Galicia co fin de alcanzar un consenso sobre os criterios a aplicar para o establecemento dos custes que o sistema integrado de xestión debe asumir no relativo ao tratamento de determinados residuos plásticos xestionados na planta, como son as bolsas de plástico comerciais dun só uso.

Desde o comezo do conflito, a Consellería de Medio Ambiente, Territorio e Infraestruturas manifestou o seu apoio á Planta de tratamento de residuos de Lousame e valorou os resultados que está a alcanzar en liñas xerais o seu modelo de xestión. Neste sentido, considérase que a instalación da Mancomunidade Serra do Barbanza pode realizar unha importante contribución aos obxectivos de incremento da valorización e redución da eliminación en vertedoiro recollidos no Plan de Xestión de Residuos de Galicia 2010-2020, que sinala a necesidade de xestionar ‘in situ’ determinados residuos a través do tratamento en plantas locais ou comarcais.

Criterios para o próximo período
O novo acordo establece que Ecoembes asumirá o custe da recuperación do 80 por cento do plástico-film seleccionado na planta da Mancomunidade no relativo aos anos 2011, con efecto retroactivo, e 2012, o que supón unha cantidade equivalente de ata 907 toneladas.

Así mesmo, determínanse as cantidades máximas de plástico-film que se xestionarán con cargo aos orzamento de Ecoembes ata a fin do convenio: 835 toneladas anuais no período 2013-2014 e 784 toneladas no ano 2015. Esta redución é acorde coa diminución paulatina dun número de bolsas de plástico no mercado previsto nos vindeiros anos.

Para o establecemento destes criterios, tívose en conta o calendario fixado pola nova Lei estatal de residuos e solo para a redución das bolsas comerciais dun só uso de plástico no biodegradable, que en 2018 deberán estar completamente fóra do mercado.

Posición do alcalde de Noia


Posted via email from Certo.gl, o xornal dixital de Barbanza e Noia

Sanidade: danlle a certificación UNE 179.003 de xestión de riscos para a seguridade do paciente ao Servizo de Diálise do Hospital da Barbanza

  • Di a Consellería de Sanidade que é o primeiro de España en obtela
Media_httpfarm5static_aibhh

O servizo de diálise intentou privatizarse, e non o fixeron porque se montou balbordo

Ribeira, 2 de febreiro, Día da Candeloria, de 2012. O Consello da Xunta de Galicia, reunido no día de hoxe, abordou un informe da
Consellería de Sanidade en que se dá conta dun informe no cal se sinala que o Servizo de Diálise do Hospital da Barbanza foi o primeiro de España en obter a certificación coa norma UNE 179.003 de xestión de riscos para a seguridade do paciente. O obxectivo desta norma é establecer un sistema de xestión de riscos derivados da prestación dos servizos sanitarios co fin último de acadar unha asistencia máis segura para o paciente, evitando ou, se é caso, controlando eses riscos de xeito que non cheguen a producir dano aos pacientes.

O Servizo de Diálise do Hospital da Barbanza convértese así no primeiro que obtén a certificación conforme a norma indicada en todo o Sistema Nacional de Saúde, o que constitúe toda unha garantía para os pacientes que teñen asignado este hospital como
centro de referencia.


Posted via email from Certo.gl, o xornal dixital de Barbanza e Noia

Curiosidades estatísticas: es de Barbanza? Entón o máis seguro é que te chames Manuel ou María. Es de Noia? Pois tamén

Datos proporcionados polo Instituto Galego de Estatística. A información de base para a elaboración dos mapas e das táboas é o ficheiro do Padrón municipal de habitantes do día 1 de xaneiro de 2010 que o Instituto Nacional de Estadística (INE) facilita ao IGE.


Posted via email from Certo.gl, o xornal dixital de Barbanza e Noia

Boiro: programación cultural para esta fin de semana siberiana do venres 3 e sábado 4 de febreiro

Media_httpmagoromaris_qckba

O Mago Romarís xa estivo en Boiro co seu castelo máxico. Máis na súa web http://magoromaris.com


Venres 3 de febreiro as 20h
Espectáculo de maxia: Mago Romarís
Casa da Cultura Ramón Martínez López de Boiro
Programación organizada polo Concello de Boiro

Sábado 4 de febreiro as 23h
Alberte Montes: De Paliqueiro por Galiza
local ATURUXO (Boiro)
Programación organizada polo establecemento

Antes, en Certo:


Pode que tamén lle interese:


Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical