30.9.12

Porto do Son: este martes, 2 de outubro, "A educación pública en perigo", charla do Psoe

Pode que tamén lle interese:

 





Posted via email from Certo.gl, o xornal dixital de Barbanza e Noia

Porto do Son: este martes, 2 de outubro, "A educación pública en perigo", charla do Psoe

Charla_porto_son

Pode que tamén lle interese:

 





Posted via email from Certo.gl, o xornal dixital de Barbanza e Noia

Educación: o IES Leliadoura de Ribeira comeza paros este luns, 1 de outubro, por falta de equipamentos informáticos

Media_httpfarm8static_jgdzg

Alumnos do Leliadoura de viaxe cultural a París o pasado curso

Ribeira, 30 de setembro de 2012. Como xa contamos no seu día en Certo, o instituto Leliadoura non comezou "normalmente" o curso como fachendeaba o conselleiro de Educación e candidato número 1 por Ourense polo Partido Popular, Jesús Vázquez Abad. Aumentou a súa matrícula de 20 a 30 alumnos en determinados ciclos nos que fan falla alomenos un ordenador por alumno e, a día de hoxe, seguen sen contar con eles, logo de varios escritos á Consellería. Ante a falta de resposta, a directiva do IES, dacordo co claustro, decidiu comezar con medidas de presión. A primeira delas serán os paros antes da hora do recreo, como indican no seu último escrito ao departamento que dirixe o popular Vázquez Abad, agora en funcións.

Texto íntegro:

ESCRITO_DO_CLAUSTRO_PARA_A_CONSELLERIA.doc Download this file

Antes, en Certo:


Recortes Educación: o Leliadoura sen ordenadores abondo para os ciclos

 

Posted via email from Certo.gl, o xornal dixital de Barbanza e Noia

Sociedade: "Stop Desahucios Barbanza" logrou paralizar dúas poxas de vivendas de familias de Boiro e Ribeira

Media_httpfarm3static_jucfs

Ribeira, 30 de setembro de 2012. A plataforma "Stop Desahucios del Barbanza" reuniuse o pasado venres 29 nos locais do Liceo Marítimo para pór de manifesto a demanda dunha maior sensibilidade por parte da clase política para evitar que siga a acontecer en España que, tan só nos últimos catro anos, unhas 400.000 familias perdesen a súa vivenda, namentres os bancos, que non se dan cheo de cartos públicos que lles aporta o goberno de turno, teñen no seu poder tres millóns de vivendas baleiras. Inda por enriba, salientouse que neste país xa non queda xulgado non que non haxa cada pouco unha poxa ou orden de desafiuzamento, unha situación que medra a un ritmo xa superior aos 500 diarios. Segundo os informes de Afectados por la hipoteca (sé de Barcelona), en 2012 remataremos con máis de 180.000 desafiuzamentos, feito que os reunidos en Ribeira consideraron insoportable e ante o que ninguén pode ser indiferente.


Renegociacións para dúas familias, unha de Boiro e outra de Ribeira

Na reunión estiveron presentes dúas familias afectadas pola hipoteca, unha de Ribeira e outra de Boiro, que trasladaron aos presentes a súa situación e o desamparo no que se atopan como consecuencia da falta de protección da Lei Hipotecaria e da Lei de Enxuizamento Civil. Deron as grazas á Plataforma, a cal, unha vez posta en contacto con eles viron a luz e medraron as súas esperanzas. Houbo momentos de emoción entre as familias, principalmente entre un xove matrimonio que ten varios meniños. Esta próxima semana salirán a subasta as vivendas no xulgado de Ribeira: unha delas o luns, 1 de outubro, mañá mesmo, e outra o xoves día 4, a través de Bankia e Novagalicia banco. Polo momento chegouse a un principio de acordo para que as vivendas sigan en posesión das mesmas familiar e logo poder refinanciar as hipotecas, cunha rebaixa das cotas e un aumento dos prazos de amortización.  

   A Plataforma "Stop Desahucios" comentou que "el objetivo fundamental es la de ayudar, de manera gratuita, desinteresada y voluntaria, a los vecinos y familias de la Comarca del Barbanza que lo soliciten para garantizarles el derecho constitucional a una vivienda digna. No se trata de que le "regalen" una vivienda  a una familia sino que la compra de la misma no suponga una carga insoportable que les pueda llevar a un desahucio". Agradeceron a colaboración dos veciños da Comarca da Barbanza "en la campaña de recogida de firmas para la presentación de la Iniciativa Legislativa Popular, (más de 1.500 en la Comarca), que finaliza este 31 de octubre y que luego se presentará en el Congreso de los Diputados para regular la dación en pago, paralizar los desahucios y regular el alquiler social".   

Posted via email from Certo.gl, o xornal dixital de Barbanza e Noia

28.9.12

Lousame: o candidato do Psoe, conselleiro de Medio Ambiente no pasado, di agora apostar pola reciclaxe

Media_httpfarm6static_dfjji

Lousame, 28 de setembro de 2012. O candidato socialista á presidencia da Xunta, Pachi Vázquez, asegurou hoxe a súa aposta pola reciclaxe, redución e reutilización do lixo, fronte ao Plan de Residuos do PP “que só pensa na incineración”. Así o dixo nunha visita á planta de residuos da Mancomunidade de Concellos do Barbanza, en Servia, lugar de Lousame.

Vázquez comprometeuse a que se os socialistas teñen responsabilidades de goberno, Galicia voltará ter "unha auténtica política de xestión de residuos". Afondou na necesidade de “plantarlle cara á proposta antimedioambiental do Goberno do PP”, un Plan de Residuos “que só pensa na incineración”.

“Seguir apostando pola incineración é renunciar á protección medioambiental de Galicia”, apuntou Vázquez, para proclamar “alto e claro” que “os socialistas non apoiamos as políticas de incineración do Goberno galego”.

Expresou ademais a súa desconfianza ante a renuncia do PP a construír a planta de incineración do sur no concello do Irixo, xusto uns días despois de que o candidato socialista se comprometese por escrito a non construíla se chega á presidencia da Xunta.

“Se teño a responsabilidade de gobernar na vindeira lexislatura, Galicia volverá ter unha auténtica política de xestión de residuos”, afirmou o líder socialista, quen se comprometeu a reunirse con colectivos e asociacións medioambientais para modificar o plan de residuos do PP, o cal curiosamente, criticou no pasado por ser unha mala copia do seu.

Pachi Vázquez puxo á planta de Lousame como exemplo do modelo de recollida selectiva e tratamento de residuos orgánicos que os socialistas din defender. Dixo que “é unha mostra de que cando se quere apostar polo medio ambiente, pódese” xa que “é a que ten o mellor aproveitamento de residuos de toda España, e tivo que facerlle fronte ao Goberno do PP, que non aposta por este sistema”.

Nesta visita, Pachi Vázquez estivo acompañado do cabeza de lista por A Coruña, Francisco Caamaño, o alcalde de Brión e vicepresidente da Mancomunidade do Barbanza, Jose Luis García, e a candidata da comarca, Josefa Hermo, a portavoz de Medio Ambiente do Parlamento Galego, Carmen Gallego, e a da Executiva do PSdeG, Susana Bayo.

Pachi Vázquez non seguiu esta política que pide agora cando era responsable de Sogama

Pachi Vázquez foi, como conselleiro de Medio Ambiente no anterior goberno da Xunta, un dos máximos responsables de Sogama. O bipartito fixo -non se chegou a aprobar- unha Lei de Residuos que non rachaba co modelo da incineración, pois estaba previsto aplicala ata o 2017 e inda neste último ano 17, Sogama na planta de Cerceda queimaría o 30% dos residuos urbanos. Nas contendas co PP, Pachi Vázquez chegaría incluso a ser acusado durante a súa xestión como conselleiro de irregularidades na planta de Cerceda, como o soterramento de residuos non autorizados ou a falta de tratamento doutros, acusacións todas elas que quedaron en nada. Tamén apostaba o ex-conselleiro e agora candidato á presidencia, por unha nova planta en Carballeda de Avia. Igualiño que o PP agora coa planta que tivo que achantar do Irixo.

Nesta comparecencia non aclarou que ía pasar con Sogama, a cal é partidario de privatizar -a Xunta ten o 51% agora mesmo- nin se van facer os socialistas máis plantas como a de Servia, que tivo serios problemas e incluso ameaza de peche porque varios concellos -entre eles o de Ames, en mans do Psoe na lexislatura anterior- non pagaban o acordado. Tampouco se falou do custe deste sistema, moito máis ecolóxico e beneficioso para o medio ambiente, pero tamén moito máis caro que a desastrosa incineración. Como referencia, os técnicos din que de Sogama, en Cerceda, recíclanse apenas o 2% dos residuos que entran, fronte ao 60-70% de aproveitamento da planta de Servia en Lousame.

O modelo lóxico ten que implicar aos concellos

Non é de recibo que un só concello de Galicia se convirta no vertedoiro dos outros 314. Tampouco é normal que non traballen as administracións -grandes e pequenas- en accións de redución do lixo, dándolle prioridade aos sistemas de contedores e recollida selectiva. Ten que haber plantas comarcais como a de Lousame (traballa para nove concellos) e mancomunidades de xestión que funcionen. Só así se poden aforrar custes e incrementar a operatividade. E incluso, como algún alcalde implicado na posta en marcha da planta de Lousame xa pensou, ten que haber I+D+I aplicado ao reciclaxe, coa posibilidade de facer cartos co que antes era lixo -abonos, compost, liñas de produtos plásticos e de cartón reciclados, etc-. E todo iso supervisado por un ente público, para evitar crear as mafias que xorden cada pouco arredor do lixo en calquera lado, tamén nesta civilizada Europa.

corte lousame Pachi Vázquez.mp3 Listen on Posterous

Pachi_vzquez_en_lousame

Posted via email from Certo.gl, o xornal dixital de Barbanza e Noia

Cultura: as xornadas polo Bicentenario do poeta Añón en Outes van do 6 ao 8 de outubro

Xornadas

Outes, 28 de setembro de 2012. O bicentenario do poeta Añón non só leva aparellado o congreso que terá lugar na Cidade da Cultura de Santiago o 4 e 5 de outubro senón que, a renglón seguido, será homenaxeado na súa terra natal con tres xornadas conmemorativas. No programa, que se detalla a continuación, hai varias estreas, dende poemas musicados con letra do afouto bardo outiense ata un libro que escribiu sobre el, dous séculos despois, o seu veciño Ramón Blanco.

Sábado, 6 de outubro

11.00 h. : Estrea dos poemas musicados :

  • Grupo de metais Onde brass?? “Amor apresurado”. Letra F. Añón

Música: Suso Baamonde. Arranxos: M. Blanco. Voz solista: Ludmila P. Sánchez.

  • Banda municipal de música de Outes. “A Sabeliña”. Letra F. Añón

Música: Manuel Blanco. Dirección M. Blanco. Voz solista: Ludmila P. Sánchez.

  • Coral Francisco Añón de Outes. “O recordo”. Letra F. Añón

Música: Domingo Barreiro. Dirección: Domingo Barreiro.

  • Coral O Peirao de O Freixo. “Epigrama”. Letra F. Añón

Música: Domingo Barreiro. Dirección: Domingo Barreiro.

  • Coral Solpor de O Freixo. “Diante da Torre de Hércules”. Letra F. Añón

Música: Domingo Barreiro. Dirección: Domingo Barreiro.

16.30 h. Inauguración da exposición de pinturas dos escolares de Outes .

17.00 h. Recital poético.

18.00 h. Entrega dos premios de pintura.

18.30 h. Representación de “El borracho y el eco”, de F. Añón, polo clube de lectura de S. Lourenzo.

19.00 h. Presentación do libro:“Poesías galegas de Añón”. Con Domingos Campos Alborés. Mestre e escritor.

19.30 h.  Actuación musical: Xastre. Que dirán? . Letra e Música: Xastre

Domingo, 7 de outubro

11.00 h. Presentación da revista Terra de Outes adicada ao poeta Añón.

11.30 h. Proxección do documental : Añón na Memoria.

Autores: Juan Silva e Óscar Sendón.

12.00 h. Presentación do libro: “Vida e obra de Francisco Añón”. Con Xesús Laíño, presidente da A.C. Barbantia e Ramón Blanco, autor do libro.

 

12.30 h. Actuación musical: Enrique Martínez e Domingo Barreiro. “A Galicia.”

Letra F. Añón e Música: Prudencio Romo.

 

Martes, 9 de outubro

11.00 h. Inauguración da placa conmemorativa do bicentenario, no paseo do Tins.

11.30 h. Acto de entrega do retrato de Añón, polo pintor Alfonso Costa.

12.00 h. Acto co Presidente da R. Academia Galega, D. Xosé L. Méndez Ferrín.

12.30 h. Ofrenda floral a Añón, diante do seu monumento.

NOTA: Todos os actos, agás a ofrenda floral e o descubrimento da placa conmemorativa terán lugar na Casa da Cultura da Serra. A asistencia ás xornadas conmemortativas dos días 6 e 7 de outubro é libre. Para asistir ao acto solemne do martes día 9, é preciso presentar invitación. Esta pódese recoller na Casa da Cultura da Serra ata que se esgoten.

Relacionada:


Posted via email from Certo.gl, o xornal dixital de Barbanza e Noia

Noia: van renovar as baldosas do paseo e o parque infantil da Alameda

  • Tamén se actuará en San Lázaro e nas parroquias, ata un investimento de 241.000 euros entre todas as obras
  • Segundo o Concello, este importe procede do remanente de tesourería


Noia ten unha das alamedas máis espectaculares de Galicia

Noia, 28 de setembro de 2012. Segundo informou hoxe o Concello, a través de Mónica González Eiras, concelleira de Parques e Xardíns, vaise facer un investimento de sesenta mil euros para remodelar o parque infantil de a Alameda. "Con esta actuación o concello pretende a modernización integral do principal parque infantil da vila por afluencia", sinalou.  González Eiras informa tamén de que dentro de dúas semanas comezaran os arranxos das deficiencias existentes nos parques de Barro, Barquiña, Labarta, Obre, Orro e Paseo Marítimo. Este arranxo contemplado en orzamentos ten un importe de 10.000 euros.

A concelleira e quinta tenente de alcalde ten programado destinar 60 mil euros anuais ata o 2015 para a modernización dos parques infantís noieses. Mónica González anuncia tamén o arranxo das baldosas da Alameda a través dun programa de colaboración coa Deputación Provincial de A Coruña, onde o único custe para o Concello é asumir o material.

San Lázaro: 150.000 euros para actuación integral ata fin de ano


Pola súa banda a Concelleira de Deportes, Mary Domínguez anuncia tamén obras no estadio municipal de San Lázaro por un total de 150 mil euros, para completar todas as necesidades provocadas polo novo campo de herba artificial.

Domíngez Villanueva comunica que no vindeiro mes de outubro comezarán as obras e estarán rematadas antes de final de ano. Nesta actuación está contemplado o novo peche, a reposición da taquilla e o bar, o arranxo provocado polo incendio que houbo o ano pasado, a instalación da iluminación, así como a parte que falta do sistema de rego. Tamén se contempla o arranxo da urbanización exterior.

Medio rural


Un dos lugares de actuación será o arredor da igrexa de Argalo

A concelleira de Medio Rural Marisol Villar Ageitos informa dun investimento de 31.000 € no lugar da Igrexa para a instalación das canalizacións de servizos municipais no lugar de a Igrexa en Argalo, e que complementará a obra de adoquinado desta aldea incluída no PEIM (Plans Estratéxicos de Infraestruturas no Medio Rural).

A obra do PEIM cun orzamento de 43.176, 73 €, non permite a instalación de servizos municipais, polo que o concello asume o custe da instalación, "ante o absurdo que suporía adoquinar a aldea e logo ter que levantala para construir os servizos de subministro municipal", sinala Villar Ageitos, quen asegura que na vindeira semana comezarán as obras, as cales estarán rematadas antes de fin de ano.

Posted via email from Certo.gl, o xornal dixital de Barbanza e Noia

Ribeira: voltaron os excursionistas que percorreron o Norte de Portugal

Viaxe_portugal_maiores

Ribeira, 28 de setembro de 2012.- Medio cento de maiores participaron na viaxe que, inserida no Programa de Dinamización e Promoción Social dos Nosos Maiores, organizou o Concello polo norte de Portugal.

O itinerario incluíu visitas a localidades senlleiras do país luso, como Vila Nova da Cerveira, Caminha, Viana do Castelo, Santa Lucía ou Ponte da Lima.

Con este desprazamento ponse fin ao programa de rutas dirixidas aos maiores de municipio na anualidade 2012, que incluíu interesantes expedicións a lugares como a ría de Ferrol, a illa de Sálvora ou a Costa da Morte, entre outras.




Posted via email from Certo.gl, o xornal dixital de Barbanza e Noia

Ribeira: o Banco do Tempo local intercambiarase co de Marín

Banco_do_tempo_-_segunda_xunta

Ribeira, 28 de setembro de 2012.- Na tarde do pasado mércores día 26 de setembro tivo lugar a segunda xuntanza do grupo de socios e socias do Banco de Tempo de Ribeira (BdT). O obxectivo da mesma foi continuar coa estratexia de dinamización grupal para deste xeito afianzar o coñecemento mutuo entre os e as integrantes do BdT, e xerar a confianza necesaria para promover os intercambios tanto individuais como grupais.

Na reunión levouse a cabo unha dinámica de presentación onde cada participante expuxo que oferta e que demanda ao BdT e deixando tamén constancia das necesidades e intereses individuais e grupais. Ao longo da sesión ultimáronse a planificación de diversas actividades entre as cales cómpre destacar o intercambio grupal previsto para o vindeiro xoves día 4 de outubro, a partires das 17.30 horas con integrantes do BdT do Concello de Marín.

Os e as socias do BdT ribeirense elaboraron de xeito conxunto e consensuado un itinerario para amosarlles aqueles rincóns e lugares mais representativos de Ribeira poñendo en valor a idiosincrasia deste municipio. A sesión finalizará cunha dinámica de confianza que favoreza o contacto físico e coñecemento dos e das integrantes do grupo.

Obxectivos do Banco do Tempo

O Banco de Tempo consiste en “poñer en valor o tempo das persoas e o que son capaces de facer xuntas”. Esta rede social é un xeito de evitar o illamento persoal, onde todas as persoas teñen algo que ofrecer como coñecementos e experiencias que se poden compartir cós demais; ten o mesmo valor intercambiar xestións administrativas que acompañar a unha persoa a compartir un paseo, xa que a medida de valor é o tempo non o servizo intercambiado; este espazo de encontro e axuda mútua, fortalece as relacións e comunicación entre as persoas dun xeito recíproco dándose valores de empatía, confianza, soliariedade e axuda.

 

Este Banco de Tempo é un proxecto promovido pola Concellería de Igualdade a través do Centro de Información á Muller de Ribeira e financiado pola Secretaría Xeral de Igualdade da Xunta de Galicia. Había bancos similares por estas bisbarras, como en Noia, pero desapareceron por falta de apoio da Xunta.

Calquera pode participar

Calquera persoa pode participar sendo socio/a do BdT. Tan só debe inscribirse, de balde, na Secretaría do Banco de Tempo, localizada no Centro de Información a Muller (CIM) na rúa Estrada marxe dereita no 4,15960-Ribeira, contactando coa Directora do (CIM) Ma Dolores Crujeiras ou coa Axente de Tempo: Herminia Dios Poceiro nos Tlfs: 981.874.131-873.409-666.689.122, enderezos electrónicos: cim@riveira.com; info@bancodotempo.com; hdios@aidsocial.com, e Sitio web: http://www.bancodotempo.com/




Posted via email from Certo.gl, o xornal dixital de Barbanza e Noia

Ribeira: o consistorio patrocina un coche de rali que se pode ver na Praza do Concello

  • O Concello tamén informou da adxudicación en breve da redacción do proxecto de centro de ocio de Oleiros

Ribeira, 28 de setembro de 2012.- Dende esta mañá está exposto no medio da esplanada da praza do Concello un vehículo de rali -o das imaxes-.  Trátase dun coche pertencente ao equipo ArnosoRally que está pilotado polo ribeirense Andrés Álvarez, con César Redondo como copiloto. O bólido –un Peugeot 106GTI 16 V de 145 cabalos- está copatrocinado polo Concello de Ribeira e compite no Campionato Galego de Ralis.


Oleiros: case un millón de euros para un centro de ocio na Horta do Cura

Unha vez redactado o proxecto adxudicarase a obra do centro de ocio saudable de Oleiros. Ascende o importe global da actuación, incluíndo redacción, execución e posterior construción, a 830.430 euros.

O edificio proxectarase como un centro “sostible”, respectuoso co entorno natural, destinado a fomentar o lecer e o desenvolvemento cultural da poboación do rural de Ribeira.

Esta actuación enmárcase dentro do proxecto Riveira Atlántica 2015, cofinanciado nun 80% con Fondos FEDER da Unión Europea,  que ten por obxecto facer do concello un referente turístico de Galicia en base a criterios de rendibilidade e sustentabilidade.

Finalizado o prazo de recepción de ofertas, catro foron as empresas que se presentaron ao concurso público polo que se licita a redacción do proxecto básico e de execución do novo Centro Social e de Ocio Saudable de Oleiros. O concurso conta cun orzamento total de 44.250 euros e cun prazo de execución de catro meses a partir da data de firma do contrato.

Unha vez redactado o proxecto, adxudicarase a obra do centro. Para esta actuación, contarase cun importe global de 830.430 euros, incluíndo a redacción, execución e posterior construción do centro, o que supón o 12% do presuposto total do proxecto paraugas no que se enmarca, Riveira Atlántica 2015.

Esta actuación permitirá pór a disposición dos cidadáns do termo municipal un novo centro social e de lecer que será o referente dentro do parque patrimonial biosaudable deseñado para toda a área de actuación no rural Oleiros-Arlés.

Lecer sostible

Este novo edificio emprazarase nunha parcela de máis de 2.500 metros cadrados, coñecida como Horta do Cura, situada no lugar de Eirexa, na parroquia de San Martiño de Oleiros. Organizarase nunha planta de aproximadamente 600 metros cadrados de superficie e contará entre as súas estancias cunha área de acollida e información, cun departamento de administración, con diferentes aulas-taller e cunha zona de almacéns. No exterior construirase, ademais do aparcamento, unha área de xogos para os nenos e unha pista polideportiva.

A obra erixirase como un edificio “sostible”, en sintonía co entorno natural no que se enmarca. A empresa adxudicataria do proxecto deberá asegurar a eficiencia enerxética da edificación incluíndo un sistema de produción de auga quente mediante enerxías alternativas, lámpadas de baixo consumo e un sistema de aproveitamento da luz natural que regule o nivel de iluminación en función do aporte de luz natural. Ademais, na súa construción empregaranse materiais respectuosos co medio ambiente que faciliten a súa limpeza, mantemento e reposición.

Posted via email from Certo.gl, o xornal dixital de Barbanza e Noia

27.9.12

A Pobra: orde do día do pleno deste xoves 27 e mocións do Bng

Charla sobre saúde este venres: Accidentes no fogar

Por outra banda, este venres 28 de setembro, ás 20:00 horas, terá lugar no auditorio do Museo Valle-Inclán unha nova charla das programadas dentro do ciclo “Vida saudable” que organiza a Cruz Vermella de Boiro en colaboración coa concellería de Servizos Socias da Pobra.

Nesta ocasión tratarase sobre o tema dos accidentes no fogar, contando coas explicacións de Bárbara Triñanes, voluntaria, formadora sanitaria da Cruz Vermella e enfermeira, que explicará como evitar accidentes no fogar, cales son os máis habituais e as causas, valoración de riscos e perigos, e como actuar no caso de sufrir algún.

Antes, en Certo:


Política: Rosana Pérez, para o Congreso dos Deputados en Madrid polo Bng


Medio Ambiente: a Xunta ponse agora a limpar ríos


Charlas: ciclo sobre saúde en setembro e outubro


PERDA PODER ADQUISITIVO EMPREGADOS PCOS..doc Download this file

moción supresión aulas e concentración de alumnos.doc Download this file

pleno-setembro.pdf Download this file

Posted via email from Certo.gl, o xornal dixital de Barbanza e Noia

Ribeira: nova furgoneta de Servizos Sociais a cambio de publicidade

  • O Concello recibiu este mediodía o medio de transporte
  • Foi posible grazas ás doacións de 28 empresas de Barbanza e arredores, que sufragan o vehículo con publicidade no exterior do vehículo


 

Ribeira, 27 de setembro de 2012.- Dende hoxe a Concellería de Servizos Sociais, Promoción Social, Sanidade e Consumo do Concello dispón dun novo medio de transporte grazas á colaboración a cambio de publicidade de 28 empresas da zona. Trátase dunha furgoneta con capacidade para nove pasaxeiros cuxo financiamento puido ser posible a través da publicidade que, por medio da implicación das devanditas 28 entidades, rotula completamente o exterior do vehículo.

Custe cero

Tal e como aseverou o edil Vicente Mariño de Bricio, o emprego do vehículo por parte da súa Área Municipal para os usos que lle son propios terá un custe cero para o Concello pois a acción está sifragada mediante esta publicidade. Ademais, o vehículo pasará a ser de propiedade municipal tras cinco anos de funcionamento.

Esta acción totalmente novidosa na comarca de Barbanza foi posible contando coa xestión como intermediaria da empresa Vehículos Móviles Sociales, cuxo apoderado Segundo López, estivo presente no acto diante da praza do Concello e fixo entrega das chaves da furgoneta ao alcalde Manuel Ruiz.

Tamén estiveron presentes a práctica totalidade dos representantes das 28 empresas colaboradoras, que calquera pode ollar cando vexa este vehículo.





Posted via email from Certo.gl, o xornal dixital de Barbanza e Noia

Sociedade: "Stop Desahucios Barbanza" reúnese este venres 28 para afrontar novos retos

Media_httpfarm8static_vhoux

Imaxe do día da fundación de "Stop Desahucios", tamén no Liceo Marítimo de Ribeira

Ribeira, 27 de setembro de 2012. Mañá, venres 28 de setembro, ás 20:30 horas, nos locais do Liceo Marítimo de Ribeira vai ter lugar unha reunión coa maioría dos membros da plataforma "Stop Desahucios" da Barbanza para comentar as accións levadas a cabo até o de agora e marcar directrices de actuación para os retos do futuro, ben complexo dado o incremento de desafiuzamentos e execucións hipotecarias polas que está a pasar o noso país, ao que Barbanza non é alleo. Nesta reunión agárdase a presenza das dúas familias, unha de Ribeira e outra de Boiro, afectadas por unha inminente poxa xudicial das súas vivendas, asuntos polos que se está a mover como primeira prioridade a plataforma "Stop Desahucios".

Boiro: muller, separada, con dous fillos a cargo, intenta renegociar 

"Stop Desahucios de Barbanza" está concentrada no intento de evitar o desaloxo dunha muller de Boiro que ten dous menores a cargo e que non pode facer fronte ás cotas da hipoteca que no seu día asinou co seu exmarido. A plataforma enviou carta xa a NovaGalicia Banco para estudar a posibilidade de refinanzamento e ampliar o prazo de pago da hipoteca, pois a muller tan só gaña 400 euros cun traballo a media xornada. É evidente que neste tipo de casos, o risco de exclusión social é moi alto e que, coas nulas medidas que se están a tomar nas diferentes administracións -que cada día din unha cousa ou prometen -bancos malos mediante- outras, esta familia quedaría practicamente na rúa.

Antes, en Certo:

 

 

Posted via email from Certo.gl, o xornal dixital de Barbanza e Noia

Dodro: ciclo de cinema para educar en valores dirixido a escolares de 6 a 14 anos ata decembro

Dodro_cine_valores

  • Haberá dúas proxeccións cada mes, os venres ás cinco da tarde, e serán complementadas con outras actividades relacionadas co visto na película
  • Hai que inscribirse

Dodro, 27 de setembro de 2012. A Concellería de Cultura, Voluntariado e Asociacionismo do Concello de Dodro dirixido por Cristina Fernández Codesido organiza un “Ciclo de cine infantil e de educación en valores” dirixido a nenas/os de 6 a 14 anos.

Esta nova actividade será gratuita e nace co obxecto de diversificar a oferta cultural do Concello de Dodro dirixida á infancia, así como divertirse, fomentar e desenvolver os valores a través do cine e construir un espazo para pensar, reflexionar e interactuar a partir da articulación do cine cos textos.

O programa terá unha duración de tres meses, outubro, novembro e decembro) e realizaránse dúas proxeccións ao mes, os venres ás 17 horas. O visionado dos films complementarase con actividades de carácter socioeducativo (obradoiros de manualidades, xogos...) relacionadas coa temática das películas traballadas.

As inscricións deben formalizarse na Casa da Cultura ou ben por teléfono no 981 802 472.



Posted via email from Certo.gl, o xornal dixital de Barbanza e Noia

Ribeira: o Concello merca leiras por 112.000 euros para adicalas a áreas de esparexemento públicas

  • En Oleiros, ao pé do campo de fútbol, e en Olveira
     

Media_httpfarm9static_jhstx

Hai pouco arranxouse en Palmeira o parque de Figueirido, engadindo barbacoas

 

Ribeira, 27 de setembro de 2012.- O Concello vén de formalizar esta mañá a adquisición de tres parcelas (unha situada na parroquia de Oleiros e dúas en Olveira) co fin de seguir promovendo o benestar dos veciños a través de novos equipamentos municipais e áreas de esparexemento.

 

Un dos terreos ten unha superficie de 16.684 metros cadrados e linda co campo de fútbol situado en Oleiros. O Executivo tomou a determinación de acadar este espazo coa fin de ser destinado a albergar novas instalacións deportivas.

Por outra parte, o Concello amplía o espazo público existente no lugar de Olveira de Arriba, na parroquia de Olveira, a través da adquisición de dúas leiras de 53 e 134 metros cadrados. Ambos están situadas a carón dunha zona de titularidade municipal o que -debidamente acondicionados os terreos- permitirá incrementar o disfrute e esparexemento dos veciños. A inversión global realizada polo Concello na adquisición destes terreos ascende a 112.000 euros.





Posted via email from Certo.gl, o xornal dixital de Barbanza e Noia

Consumo: o Bng denuncia o "silencio cómplice de Feijóo" co intento do PP de suprimir a orixe nas etiquetas das conservas

  • A nacionalista Ana Pontón sinala que “non é de recibo que o PP nas institucións europeas actúe en beneficio das grandes transnacionais e doutros países á vez que prexudica os intereses de Galicia”


 

Barbanza, 26 de setembro de 2012.- O BNG do Barbanza convocou onte unha rolda de prensa para presentar as iniciativas que impulsará sobre a necesidade de incluír a orixe do produto na etiquetaxe das conservas pesqueiras. A candidata do BNG Ana Pontón denunciou “o silencio cómplice” de Feijóo co intento do PP de eliminar a orixe na etiquetaxe das conservas que, nun momento de crise como o actual, vai supor un novo golpe para un sector estratéxico para Galicia.

 

Na rolda de prensa compareceron, ademais de Ana Pontón, o responsábel comarcal Xosé Lois Piñeiro; Dominga Brión, responsábel comarcal da área de Pesca, e Dores Torrado, candidata número 6 ao Parlamento galego e concelleira en Boiro. Despois mantiveron un encontro en Boiro con representantes das confrarías e do sector mexilloeiro para expor as iniciativas do BNG.

 

Ana Pontón explicou que o novo marco regulador europeo para os produtos da pesca e da acuicultura non tivo o apoio do BNG porque “vai ser lesivo para os intereses do sector pesqueiro e marisqueiro e, singularmente, no caso mexilloeiro pode ter un impacto moi negativo derivado da aprobación dunha emenda introducida polo PP a través dunha deputada ‘galega’ como é Carmen Fraga para suprimir a esixencia que inicialmente contiña o documento de incluír a orixe do produto na denominación comercial e na etiquetaxe das conservas”.

 

Esta emenda promovida polo PP -e que finalmente aprobou o Parlamento europeo- legaliza unha competencia desleal e vaise converter “nunha auténtica bomba de reloxería para o noso sector marisqueiro”, afirmou Ana Pontón. “Non é de recibo que o PP nas institucións europeas actúe en beneficio das grandes transnacionais e doutros países á vez que  prexudica os intereses de Galicia”, engadiu.

 

“Isto vai ser unha fraude á persoa consumidora e ás persoas traballadoras do mar no caso de Galicia”, sinalou, “as persoas consumidoras teñen dereito a saberen cal é a orixe dos produtos que mercan e nós tamén cremos que os produtos galegos recoñecidos internacionalmente pola súa calidade teñen un plus á hora de comercializalos”. “A eliminación destes requisitos vai favorecer que se acrecenten prácticas de produto importado como se fose proveniente das rías galegas e iso é unha competencia desleal”, dixo a candidata nacionalista.

 

Para o BNG, é necesario facerlle fronte a esta normativa pendente de aprobación  e vai defender a inclusión obrigatoria da procedencia do produto, así como tamén a súa denominación comercial, na etiquetaxe das conservas e transformados do peixe e do marisco .

 

Pola súa parte, Dores Torrado explicou que a comarca do Barbanza é altamente dependente dos produtos do mar, tanto da pesca, do marisqueo, mexilloeiro e acuicultura e, por iso anunciou que o BNG “vai rexistrar iniciativas que reforzan este traballo nos parlamentos galego e europeo”.

 

Así, explicou que se van reunir coas confrarías da comarca, co sector mexilloeiro e persoas afectadas polo tema, en paralelo a un traballo institucional no que todos os grupos municipais van presentar mocións nos concellos  do Barbanza en defensa do sector pesqueiro afectado por esta problemática.

Posted via email from Certo.gl, o xornal dixital de Barbanza e Noia

26.9.12

Ribeira: este xoves 27, manifestación contra os recortes na sanidade pública

Manifa_ribeira

Ribeira, 26 de setembro de 2012. Mañá, xoves 27 de setembro, en Ribeira, ás 20.00 no centro de saúde, sairá unha manifestación en contra dos recortes na sanidade pública. "ESPERÁMOSVOS A TODOS E TODAS", sinalan dende a entidade convocante, a Plataforma en defensa da sanidade pública de Barbanza.

Antes, en Certo:



Posted via email from Certo.gl, o xornal dixital de Barbanza e Noia

Muros: as edís nacionalistas sinalan que a alcaldesa pretende confundir aos veciños sobre o edificio Sertaches

Moción lei de costas.doc Download this file

  • As edís nacionalistas tamén presentaron unha moción para que se modifique a Lei de Costas que tanto afecta a este concello

Edificio Sertaches en Esteiro Muros-Foto- Inmobiliaria Faro

Edificio Sertaches, en Esteiro, Muros-Foto- Inmobiliaria Faro. Quere saber o que pasa co edificio Sertaches? En 27TV emitiron isto.

Muros, 26 de setembro de 2012. Segundo informan nunha nota de prensa, as edís de Compromiso por Galicia en Muros sinalan que "ante as manifestacións públicas feitas pola alcaldesa de Muros nas que culpa á oposición de ser un atranco para a execución da sentencia que obriga á demolición da 3ª planta e baixo cuberta do edificio Sertaches, por impedir cos votos en contra a consecución dun acordo plenario, os concelleiros nacionalistas queren deixar claro que ese acordo plenario ao que se refire a alcaldesa, e que efectivamente contou cos votos en contra dos nacionalistas, consistía nunha proposta de licitación das obras de demolición cando menos irregular, non era "cumprimos a sentencia ou non a cumprimos".

Aseguran que "esa licitación é competencia da alcaldesa ou da Xunta de goberno local, non necesita a aprobación do pleno, pero por se iso fora pouco, a alcaldesa levou a pleno a proposta de licitación cun PROXECTO SEN REMATAR E SEN APROBAR e que non contaba con partida orzamentaria (como ela mesma recoñeceu na sesión plenaria), en cambio si contaba cun informe DESFAVORABLE de Secretaría e OUTRO DESFAVORABLE de Intervención. Por que o trouxo ao pleno sen ser necesario? Porque non tiña o que tiña que ter? Quería que aprobáramos algo a sabendas de que non cumpría cos requisitos necesarios?".

Os concelleiros nacionalistas sinalan que é un asunto complexo "pero a alcaldesa ten que asumir as responsabilidades que conleva o cargo. Ou que cumpra a sentencia ou que intente camiñar cara á legalización, pero que  deixe de confundir á cidadanía e intentar eludir as súas responsabilidades botándoas enriba da oposición".

Moción íntegra sobre a Lei de Costas


Posted via email from Certo.gl, o xornal dixital de Barbanza e Noia

Noia: denuncian dende o equipo de goberno os recortes en axuda á discapacidade por parte da Xunta

  • A concelleira de Servizos Sociais do Concello de Noia e membro do grupo municipal do BNG, Sofía Caamaño Lado, acusa á administración do goberno Feijóo "de desentenderse da atención aos nenos e nenas con discapacidade, ao diminuír en 35.000 euros a axuda, que agora está a custear o Concello"


Sofía Caamaño

Noia, 26 de setembro de 2012. Sofía Caamaño acusa á administración autonómica de desentenderse da atención aos nenos e nenas con discapacidade. Segundo informou hoxe, "este ano a Xunta de Galicia eliminou na súa totalidade a subvención ao servizo municipal do STAND, Servizo de Tratamento a Nen@s Discapacitad@s. O que supón unha diminución de 35.000,00 euros. A totalidade do servizo municipal ten custe de 170 mil euros que nestes momentos está asumindo o Concello de Noia, coa agravante de que máis da metade dos nenos non son do Concello de Noia e o resto de concellos non aporta nada".

Caamaño Lado confirma que se está negociando coa Deputación de A Coruña unha solución para que colabore a cubrir o "burato" económico creado pola eliminación de axudas por parte da Xunta de Galicia, "pero nestes intres non hai nada pechado. Ademais, a Deputación non quere cubrilo na totalidade do que o diminuiu a Xunta de Galicia".

ERE en A Misela, tamén polos recortes da Xunta

A rebaixa de axudas por parte da Xunta provocou que a asociación A Misela (na que se integran pais de nenos con discapacidade) teña que facer un ERE para manterse en funcionamento. Pola súa parte, ademais dos 170 mil euros do servizo municipal do STAND o Concello de Noia, especificou a concelleira noiesa, "si mantén as axudas a esta asociación, aportando unha subvención de 4.000 euros anuais, ademais de asumir outros custes como o gasto de ximnasio por 2.582 euros anuais".

Sofia Caamaño afirma que o Concello de Noia manterá nas mesmas condicións o servizo: "en ningún caso se reducirá a atención, nin en horas nin en número de nenos. Grazas á estabilidade económica do Concello podemos e debemos continuar atendendo a nenos e nenas con discapacidade, e que a pesar da diminución das axudas da Xunta e da falla de colaboración doutros concellos os nenos non verán afectada a súa atención, sexan do concello que sexan".

"Feijóo leva a Galicia a unha situación insostible"

Xa en ton máis de precampaña, na cal nos atopamos, a concelleira nacionalista critica a "absoluta irresponsabilidade do goberno do PP da Xunta de Galicia que sempre recorta nos máis febles, desentendéndose completamente dos servizos de atención a nenos con discapacidade, o que amosa a súa falla de sensibilidade e a súa incapacidade económica para dar resposta aos problemas da cidadanía. O goberno da Xunta amósase incapaz de facer fronte económica ás necesidades da xente, o endebedamento do goberno de Feijóo na Xunta está levando a Galicia a unha situación insostible, como demostra o feito de que non sexa capaz nin de axudar aos servizos de atención a discapacitados".




Posted via email from Certo.gl, o xornal dixital de Barbanza e Noia

Ribeira: este domingo 30, Monólogos do Serán, con Carlos Meixide

  • Ás 19 horas na praza de Compostela

Ribeira, 26 de setembro de 2012.- Santa Uxía foi a cidade elixida pola Secretaría Xeral de Normalización Lingüística da Xunta de Galicia para pechar os seus Monólogos de Serán: unha actividade da Rede de Dinamización Linguística, á cal está adherida como membro fundador o Concello de Ribeira.

Para falar dos detalles desta actuación compareceron no Consistorio local o secretario xeral de Normalización Lingüística, Valentín García, e o tenente de alcalde do Concello Juan Luis Martínez, ademais da responsable municipal de Normalización Lingüística, Alicia Padín, e Concha Diéguez no nome da empresa encargada da xestión deste programa (Reverso Comunicación).

A de Ribeira será a última das nove sesións ofrecidas pola Secretaría co obxectivo de promover o uso do galego e incentivar o seu emprego como ferramenta de creación artística. A actividade terá lugar na praza de Compostela -na zona do bar Praza e Museo Municipal- o vindeiro domingo 30 de setembro, ás 19 horas, da man do monologuista Carlos Meixide. Ao longo de 50 minutos, este asegurará a diversión en familia co seu humor e unha retranca inequivocamente galega, hibridizada con curiosidades e anécdotas da vida cotiá. O acceso é libre e gratuíto para todos os públicos.

Carlos Meixide é un xornalista e escritor polifacético que mesmo ten traballado como director, guionista e presentador en diversos programas de entretemento da Televisión de Galicia, canle na que se puido ver como actor en series como Un mundo de historias ou Pepe o Inglés. Tal e como se encargou de lembrar o edil Juan Luis Martínez, Carlos Meixide é quen de recitar por orde alfabética todos os concellos da comunidade galega.

Antes de recalaren en Santa Uxía, estes Monólogos de Serán xa se desenvolveron durante o mes de setembro nas localidades de Ponteceso, O Grove, Castrelo de Miño, Foz, Burela, Ribadeo, Monforte de Lemos e Cangas.

Tamén en Certo lle damos pulo ao galego. Participa:


Certame fotográfico: ata o sábado 29 para enviar as fotos de "Móllate polo galego". Mira os premios e como foi a xornada en Tanxil!




Posted via email from Certo.gl, o xornal dixital de Barbanza e Noia

25.9.12

Rianxo: quedan catro charlas sobre saúde en colaboración coa Cruz Vermella de Boiro

Charlas_rianxo

  • A deste venres 28 vai sobre o coidado do lombo

O charla sobre coidar o lombo, a cargo dun reumatólogo este venres

Rianxo, 25 de setembro de 2012. A Concellería de Servizos Sociais do Concello de Rianxo, en colaboración coa Asemblea Local de Cruz Vermella de Boiro, organiza un ciclo de charlas de saúde dentro do programa "Hábitos de Vida Saudables", dirixidas a toda a poboación.

As temáticas e as datas serán as seguintes:

  • “Coida a túa espalda” (venres, 28/09/2012)

  • “Durme ben” (venres, 05/10/2012)

  • “Coida a túa alimentación” .“Actividade fisica” (xoves, 11/10/2012)

  • “Accidentes no fogar” (xoves, 18/10/2012)

Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical