Ribeira: o mércores 18 de abril inaugúrase "Arte Barbanza 1980", mostra que estará ata o 11 de maio

•  Son obras de 13 artistas nados na década dos 80 do século pasado que se moven na contorna de Barbanza

Ribeira, 13 de abril de 2012. O vindeiro mércores, 18 de abril, ás 20.00h no Auditorio Municipal de Ribeira terá lugar a inauguración de Arte Barbanza 1980. Unha mostra de trece artistas nados arredor dos anos 80, que residen na Barbanza ou que se moven polo entorno da nosa bisbarra.

A mostra presenta as novas disciplinas coetáneas coas que traballan os creadores barbanzás nun recorrido visual entre trece miradas múltiples e diferentes da peza artística contemporanea.

Entre os artistas participantes desta mostra encontranse o dúo artístico Oscar Lot e Loli Regueira, a parella de performers formado por Manú Mimé e Paulova, María Magán membro do colectivo L.I.B.A, José Caamaño dos xóvenes escultores participantes na mostra Encontros-Encounters realizada en Nova Iorque, Iria Araújo, Inés Sánchez Díaz-Marta, Pili Sampedro Lampón, Irene Saíñas, Da Dápobra, Santi Gabán e Isabel Soler Rivas.

Pode que tamén lle interese:

• Noia: o certame de pintura ao aire libre é o sábado 21 de abril

• Arte: bases en inglés e castelán o IV Premio Atlante de Gravado en Artes, Ribeira

• Cultura: o 27 de abril, festival de Vitaminas para o galego

• Fotografía: Ámbar convoca "Vivindo na comunidade". Máximo 3 fotos. Ata 1 de setembro de prazo

• Música: o V Certame de Composición para Bandas admite obras ata o 28 de setembro

 

 

Posted via email from Certo.gl, o xornal dixital de Barbanza e Noia