Ribeira: chegou a comisión delegada de Educación do Eixo Atlántico

• Foi recibida e agasallada no Concello

 

Ribeira, 25 de xaneiro de 2012- O alcalde de Ribeira, Manuel Ruiz Rivas, presidiu hoxe a recepción oficial dos membros da Comisión Delegada de Educación do Eixo Atlántico do Noroeste Peninsular, que recalou no municipio para manter unha reunión co  fin de abordar cuestións organizativas derivadas da terceira edición da Mostra Musical, que terá lugar proximamente en Vilagarcía. 

No nome do Eixo Atlántico, interviu durante a recepción celebrada no salón de plenos da Casa Consistorial o secretario xeral do Eixo, Xoán Vázquez Mao, quen salientou que esta é a primeira reunión dunha comisión delegada que se fai en Riveira ligada aos temas social. Vázquez Mao agradeceu a colaboración brindada polo municipio barbanzano: un dos 34 que forman esta institución dirixida a fomentar as relacións de colaboración entre Galicia e a zona norte de Portugal.  

En canto á Mostra, o secretario xeral anunciou que por primeira vez vaise contar coa incorporación da Casa da Música de Oporto, “unha das grandes institucións culturais da Eurorrexión e no ámbito da música clásica probablemente a primeira”. 

O alcalde Manuel Ruiz Rivas manifestou que é básica a unión de concellos a través de instrumentos como o Eixo Atlántico, sobre todo nestes tempos nos que é máis necesario ca nunca traballar en común para saír da crise. Ademais, declarou que “as portas do Concello están abertas” para seguir colaborando en todo o que redunde no progreso da Eurorrexión. 

Tamén estiveron na mesa presidencial do Salón de Plenos a concelleira de Educación de Ribeira, María del Carmen Vizcaya, e a súa homóloga de Vilagarcía, Rocío Llovo.  

No salón de plenos déronse cita representantes dos municipios de A Coruña, Carballo, Monforte, Ribeira, Santiago, Vigo e Vilagarcía de Arousa por parte de Galicia e de Barcelos, Guimaraes, Viana do Castelo, Vila Real, Vila Nova de Famalicao e Matosinhos por parte de Portugal. Despois de seren recibidos no Consistorio desprazáronse ao Círculo Mercantil para efectuar a reunión da Comisión.

Ribeira: xa se pode ollar "Paraísos non tan lonxanos" no auditorio, ata o 25 de febreiro post.ly/4yiFc

— Certo (@Certo) January 25, 2012

Ribeira: adxudicadas a adquisición da carpa provisional do novo mercado e o derrube do vello post.ly/4xfM7

— Certo (@Certo) January 24, 2012

Ribeira: a ANPA do IES Leliadorua presiona á empresa de transporte Ferrín para que mellore o seu servizo post.ly/4xaPH

— Certo (@Certo) January 24, 2012

Ribeira: o martes 7 de febreiro, obradoiro sobre envellecemento activo no Liceo Marítimo post.ly/4xZ9P

— Certo (@Certo) January 24, 2012

See the full gallery on Posterous

Posted via email from Certo.gl, o xornal dixital de Barbanza e Noia