- Medio milleiro de participantes, entre os catro e os oitenta anos de idade
Rianxo, 17 de agosto de 2012. Segundo informan Ana María Agrelo, concelleira de Xuventude e Joaquín Domínguez, concelleiro de Deporte e Saúde do Concello de Rianxo, hoxe rematan as Escolas Deportivas de Verán e o Campamento Urbano e Deportivo 2012 organizados conxuntamente polo Servizo de Deportes e o Departamento de Xuventude do Concello de Rianxo e que se desenvolveron desde o 2 de xullo. Participaron preto de 500 persoas de tódalas idades, desde os 4 anos ata os 80 do deportista mais veterano, en Escolas Deportivas coma Baloncesto, Fútbol Sala, Tenis, Multideporte, Patinaxe, Multifitnes, Ximnasia 3ª Idade, Multideporte... No Campamento Urbano e Deportivo, dirixido a nenos/as de 4 a 7 anos, con 145 participantes, combinouse a actividade de iniciación deportiva con obradoiros socioeducativos (animación á lectura, títeres, reciclaxe, educación ambiental...) e actividades recreativas (cine, saídas á praia, Aula Activa...). Esta mañá tivo lugar o acto de clausura no Campo de Arriba no que os nenos e nenas participantes nestes programas tiveron a disposición dous inchables xigantes e un obradoiro de maquillaxe. Esta noite, a partires das 21 h. celebrarase o Deporte na Rúa, no que haberá competicións recreativas para os mais pequenos: baloncesto, fútbol sala, chave, badminton, tenis de mesa...; e tamén para os maiores: aerobox, aerobic... Pode que tamén lle interese:
Posted via email from Certo.gl, o xornal dixital de Barbanza e Noia
No hay comentarios:
Publicar un comentario