3.10.12

Boiro: Paula Tubío leva o mar aos seus complementos e amósaos no centro social durante este mes

[[posterous-content:pid___0]]

Boiro, 3 de outubro de 2012. Este venres, 5 de outubro, a creadora de complementos de moda Paula Tubío presenta unha nova colección baixo o título "Lío de palangre", ás 20:30 horas no Centro Social de Boiro.

Lío de palangre é unha exposición de complementos de moda inspirados no mar e estará durante o mes de outubro na sala de exposicións do Centro Social de Boiro (2º andar).

Blog da deseñadora: http://agatamoscovita.blogspot.com.es

Pode que tamén lle interese:




 






Posted via email from Certo.gl, o xornal dixital de Barbanza e Noia

escribiu Unknown ás 14:26:00 0 falaron
etiquetas , , ,

Compártelo
Agregar a Meneame Agregar a Technorati Agregar a Del.icio.us Agregar a DiggIt! Agregar a Google Agregar a Reddit Agregar a Blinklist Agregar a Blogmarks

Infraestruturas: rematados os arranxos na estrada Cee-Ribeira, entre Noia e Ribeira

  • Segundo informa a Xunta, foron 30 quilómetros de rehabilitación do firme executados nos treitos comprendidos entre os PK 73+250 ao 84 e 84 ao 103+500 e complementouse coa reposición das marcas viarias horizontais e de sinais verticais
[[posterous-content:pid___0]]

Barbanza-Noia, 3 de outubro de 2012.- A Consellería de Medio Ambiente, Territorio e Infraestruturas informa que xa rematou as obras da reparación da capa de rodadura na estrada Cee- Ribeira (AC-550). O Goberno galego, a través da Axencia Galega de Infraestruturas, investiu preto de 1,3 millóns de euros na mellora destes viais.

Trátase dun tramo de 30 quilómetros (dende o punto quilométrico 73+250 e 103+500) cuxa execución dividiuse en dous treitos, coa fin de que esta fose máis áxil e eficiente. Así, leváronse a cabo obras entre os puntos quilométricos 73+250 (Noia) ao 84+000 (intersección coa CP-7101 a Nebra), que foi adxudicada á empresa Arias y Hermanos, cun orzamento de 573.146 euros; mentres que desde o PK 84+000 ao 103+500 (Ribeira), a empresa Ponciano Nieto encargouse de executar esta obra, que contou cun investimento de 606.551 euros.

A reposición da capa de rodadura permitirá mellorar as condicións de conservación do vial. A actuación complementáronse coa reposición das marcas viarias horizontais e de sinais verticais.

A Xunta analizou o estado do pavimento en cada un dos treitos, e concluíuse que nas zonas de travesía a capa de rodadura atopábase moi deteriorada, polo que non sería posible selar o pavimento e sería necesario realizar un fresado e eliminar a capa de rodadura de todo o carril de circulación, para posteriormente repoñer o firme eliminado estendendo unha nova capa de mestura bituminosa.

Fóra das travesías, realizouse un fresado e reforzo do firme das zonas agretadas, e estendeuse posteriormente un microaglomerado en frío para mellorar as características superficiais do firme. O fresado aplicouse en anchos mínimos de 1,5 metros para asegurar unha compactación óptima.





 

Posted via email from Certo.gl, o xornal dixital de Barbanza e Noia

escribiu Unknown ás 12:03:00 0 falaron
etiquetas , , ,

Compártelo
Agregar a Meneame Agregar a Technorati Agregar a Del.icio.us Agregar a DiggIt! Agregar a Google Agregar a Reddit Agregar a Blinklist Agregar a Blogmarks

2.10.12

Ribeira: este sábado 6, partido homenaxe a Mariscal e Miguel Rodríguez

Ribeira_partido_homenaxe
https://twitter.com/Certo/status/253164165554909184

Posted via email from Certo.gl, o xornal dixital de Barbanza e Noia

escribiu Unknown ás 18:33:00 0 falaron
etiquetas , ,

Compártelo
Agregar a Meneame Agregar a Technorati Agregar a Del.icio.us Agregar a DiggIt! Agregar a Google Agregar a Reddit Agregar a Blinklist Agregar a Blogmarks

Boiro: este sábado 6, I Ruta Turística Solidaria de Vehículos Clásicos



Posted via email from Certo.gl, o xornal dixital de Barbanza e Noia

escribiu Unknown ás 18:06:00 0 falaron
etiquetas ,

Compártelo
Agregar a Meneame Agregar a Technorati Agregar a Del.icio.us Agregar a DiggIt! Agregar a Google Agregar a Reddit Agregar a Blinklist Agregar a Blogmarks

Rianxo: este mércores 3 comeza un curso de aproveitamento do monte

Rianxo_curso


Rianxo, 2 de outubro de 2012. Mañá, mércores 3 de outubro, está previsto o inicio en Rianxo do Curso Aproveitamento do monte: novas alternativas produtivas.

Está organizado pola FRUGA (Federación Rural Galega) e colabora o Concello de Rianxo. Todos/as aqueles/as interesados/as aínda se poden inscribir, para máis información no Auditorio de Rianxo ou no teléfono 981558172.

O curso constará de 8 xornadas formativas e unha saída didáctica, en horario de 19 a 22 horas (ver programa e cartaz adxuntos), a acción formativa realizarase no Auditorio rianxeiro.


Introducción e Programa:

Nos últimos tempos tense producido un importante fenómeno de despoboamento do rural, levando aparellado un grave abandono dos predios agrícolas e forestais. Isto provoca numerosos problemas no territorio e á xente que aínda fica no medio rural, sendo preciso artellar medidas que  troquen esta situación.

En primeiro lugar, cómpre actuar sobre o territorio promovendo sistemas de xestión conxunta da propiedade que superen o problema do minifundio, que impide a xestión racional e sustentábel do monte, así como o establecemento de programas de combinación de aproveitamentos.

En segundo lugar, ofrecer alternativas viabeis que conduzan a obtención de rendementos económicos e sociais, fornecendo ás persoas dunha calidade de vida óptima.

Orientar as actividades produtivas cara aos produtos agroalimentarios de calidade diferenciada pode ser unha moi boa maneira de acadar o exposto con anterioridade. Increméntase o valor engadido e respóndese a unha demanda da sociedade, cada vez máis preocupada e concienciada en termos de seguridade alimentaria e calidade dos produtos que consume.

Non debe esquecerse, por último, as necesidades formativas expresadas polas persoas asociadas. Este punto resulta primordial no deseño do plan de formación.

 

  1. OBXECTIVOS.
  • Dar a coñecer os diferentes sistemas de xestión conxunta da propiedade.
  • Analizar as diferentes alternativas de produción do monte.
  • Acadar unha formación axeitada en canto ao funcionamento dos distintos programas de calidade.
  • Dotar ao alumnado dos coñecementos necesarios sobre os requisitos legais e técnicos a cumprir polos produtos de calidade.
  • Aumento da competitividade dos produtos obtidos.
  • Afondar no aproveitamento da biomasa forestal.

 

 

  1. PROGRAMA.
  • Sistemas de xestión conxunta da propiedade (7 horas):
  • Sociedades de fomento forestal (SOFOR).
  • Cooperativas de xestión conxunta da terra.
  • Outro tipo de sociedades.

 

    • As tres funcións do monte: produtora, protectora e social (25 horas):
  • Función produtiva (19 horas):
    • A produción de madeira.
    • Certificación forestal: FSC, PEFC.
  • Sistemas silvopastorais: produción ecolóxica, IXP Tenreira Galega, razas autóctonas.
  • Produción de froitos: IXP Castaña de Galicia.
  • Apicultura: IXP Mel de Galicia.
  • Cogomelos.
  • Plantas medicinais.
  • Aproveitamento cinexético e piscícola.
  • A biomasa como recurso enerxético.
  • Función protectora (7 horas):
    • Quecemento global e efecto invernadoiro.
    • Regulación do ciclo hidrolóxico.
    • Conservación e rexeneración do solo.
    • Mantemento da biodiversidade.
  • Función social (7 horas):
    • Creación de emprego e fixación de poboación no rural.
    • Actividades deportivas e de lecer.
    • Actividades educativas.
    • A paisaxe.
    • O patrimonio.

Posted via email from Certo.gl, o xornal dixital de Barbanza e Noia

escribiu Unknown ás 16:18:00 0 falaron

Compártelo
Agregar a Meneame Agregar a Technorati Agregar a Del.icio.us Agregar a DiggIt! Agregar a Google Agregar a Reddit Agregar a Blinklist Agregar a Blogmarks

Ribeira: sete obradoiros no programa de promoción social dos maiores

Media_httpfarm5static_ikzdd

Un dos obradoiros é de pandeireta

Ribeira, 2 de outubro de 2012- Sete serán os obradoiros que vai ofrecer o Concello dentro do seu Programa de Dinamización e Promoción Social dos Nosos Maiores. Trátase dnha iniciativa promovida dende a Concellería de Servizos Sociais co fin de facilitar que os veciños máis veteranos do municipio podan levar unha vida activa e enriquecedora ao tempo que deixar a impronta das súas experiencias entre as xeracións máis novas.

Obradoiros ofertados:

  1.     Estimulación cognitiva
  2.     Enriquecemento educativo. Imparten membros do Voluntariado Social Municipal.
  3.     Pandeireta
  4.     As nosas historias (Obradoiro de galego). Imparte o Departamento de   Normalización Lingüística.
  5.     Restauración do moble e manualidades
  6.     Inglés. Imparten membros do Voluntariado Social Municipal.
  7.     Bailes de salón


Ao igual que o ano pasado, neste novo curso preténdese desenvolver -sempre que haxa demanda- polo menos un obradoiro en cada unha das nove parroquias do municipio. O pasado ano o taller máis solicitado –o de Estimulación Cognitiva- celebrouse en Ribeira, Aguiño, Palmeira, Corrubedo, Artes e Castiñeiras, chegando a participar só nesta actividade máis de 200 persoas maiores.


Para máis información e inscricións, cómpre poñerse en contacto co Departamento de Servizos Sociais situado na praza 8 de marzo, s/n (edificio Miradoiro de Padín). Teléfono: 981 874 131 / e-mail: servizossociais@riveira.com.



Posted via email from Certo.gl, o xornal dixital de Barbanza e Noia

escribiu Unknown ás 15:30:00 0 falaron
etiquetas , ,

Compártelo
Agregar a Meneame Agregar a Technorati Agregar a Del.icio.us Agregar a DiggIt! Agregar a Google Agregar a Reddit Agregar a Blinklist Agregar a Blogmarks

Ribeira: últimos arranxos para adaptar o conservatorio de Aguiño como gardería provisional

Ribeira, 2 de outubro de 2012. A menos de 48 horas de que dea comezo o Programa para a conciliación da vida familiar e laboral, xa está practicamente rematado o acondicionamento do edificio do Conservatorio de Aguiño. Este vai ser o lugar que dará cabida a esta iniciativa namentres as obras da Escola Infantil Municipal non permitan a súa reapertura.

A este respecto, operarios municipais estiveron a realizar os labores oportunos en orde a adecuar o espazo –tanto no que se refire ás propias instalacións como aos requisitos de seguridade- ás características do servizo que se vai impartir e á idade dos destinatarios do mesmo. Así, o Conservatorio -de 563 metros cadrados de superficie distribuídos nunha única planta- albergará sete aulas, un comedor, aseos, despachos para o profesorado e vestiarios, entre outras dependencias. O enclave dispón ademais dun amplo patio de recreo pechado dotado de zonas verdes e xogos infantís.

 

O Concello tamén procedeu a realizar actuacións de mellora no arredor do Conservatorio, que incluíron o acondicionamento de xardíns e a mellora da sinalización -tanto vertical como horizontal- na rúa Castelao.

Os pais e nais dos cativos inscritos terán oportunidade na tarde de mañá de coñecer in situ as instalacións; en tanto que o xoves día 4 dará comezo o programa de conciliación dirixido a nenos e nenas con idades comprendidas entre 0 e 3 anos.




Aula_2_-_imaxe_horizontal Aula_1_-_imaxe_vertical Patio_de_recreo
See the full gallery on Posterous

Posted via email from Certo.gl, o xornal dixital de Barbanza e Noia

escribiu Unknown ás 15:21:00 0 falaron

Compártelo
Agregar a Meneame Agregar a Technorati Agregar a Del.icio.us Agregar a DiggIt! Agregar a Google Agregar a Reddit Agregar a Blinklist Agregar a Blogmarks

Rianxo: a andaina polas mámoas dos Campiños permitiu coñecer parte do patrimonio arqueolóxico local

  • O roteiro rematou cunha improvisada visita á aldea abandonada de Abuín de Abaixo, xa coñecida entre os afeccionados ao misterio como "aldea maldita"

Rianxo, 2 de outubro de 2012. O pasado sábado 29 de setembro tivo lugar en Rianxo a andaina “Mámoa dos Campiños” dentro do programa “Goza do Ulla”, programa no que participan 19 concellos bañados polas augas do río Ulla, nunha iniciativa que pretende dar a coñecer o rico e valioso patrimonio natural dos territorios á beira do Ulla. Medio cento de viandantes puideron coñecer de preto este legado patrimonial dos nosos devanceiros.

Os sendeiristas aproveitaron que no mes de agosto remataron as tarefas de limpeza e habilitación dos accesos ás mámoas de Os Campiños, o petroglifo Os Mouchos e a Foxa Vella coa colaboración dos axentes do distrito forestal, así como persoal municipal e control por parte dun arqueólogo. O Concello de Rianxo asegura en nota de prensa que apostou por este roteiro e/ou andaina para a estrea e posta en valor dos xacementos nomeados.

Ao longo da solleira xornada, 52 participantes puidéronse achegar a observar e “interpretar” estes importantes xacementos asi como disfrutar dunhas vistas inmellorables da Ría de Arousa e montes limítrofes. Destacan e agradecen o guiado do propio alcalde así como as explicacións do arqueólogo do Centro arqueolóxico de Neixón Victor Barbeito, posto que axudaron a “interpretar” tanto o roteiro como a posta en valor dos xecementos visitados.

Aldea maldita de Abuín de Abaixo

Unha vez visitados Os Mouchos e, de xeito improvisado, decidiuse visitar a coñecida “Aldea Maldita” no lugar de Abuín, o cal lle dou a nota enxebre e/ou mitolóxica a andaina. En Certo xa informamos no seu día que Víctor Barbeito é "especialista" nesta aldea maldita, da que falou incluso en programas de misterio como "Cuarto Milenio", do inefable Iker Jiménez. Tamén trataron o asunto os organizadores das I Xornadas de Misterio do Barbanza, que se chegaron a celebrar en Ribeira, e mesmo o xornalista e divulgador arqueolóxico Manuel Gago, no seu imprescindible Capítulo 0.


2012-09-29_12 2012-09-29_10
See the full gallery on Posterous

Posted via email from Certo.gl, o xornal dixital de Barbanza e Noia

escribiu Unknown ás 15:16:00 0 falaron

Compártelo
Agregar a Meneame Agregar a Technorati Agregar a Del.icio.us Agregar a DiggIt! Agregar a Google Agregar a Reddit Agregar a Blinklist Agregar a Blogmarks

Noia: o Concello participa no programa "Constrúe o teu mundo", adicado á prevención de drogodependencias no eido educativo

Media_httpwwwconstruy_chkob

Unha das imaxes do novo web "Construye tu mundo"

Noia, 2 de outubro de 2012. A Concelleira de Benestar e Igualdade, a nacionalista Sofía Caamaño Lado, informa hoxe da participación do Concello de Noia no programa "Constrúe o teu mundo" en colaboración coa "Fundación de ayuda contra la Drogadicción", que este ano se lles vai ofertar aos centros educativos para traballar temas referentes á información sobre os riscos de consumir drogas e en contribuír a desenvolver en nenos, nenas e tamén destinado a construír nos adolescentes unha personalidade autónoma, crítica e reflexiva.

A Fundación de Axuda contra a Drogadicción presenta esta nova web www.construyetumundo.org, unha plataforma universal, integral e de acceso gratuíto que pon ao alcance da comunidade educativa o programa "Constrúe o teu mundo", cuxo obxectivo é a prevención do consumo de drogas e as condutas de risco no ámbito escolar.

O programa "Constrúe o teu mundo", dirixido ao profesorado de Infantil, Primaria e Secundaria, pretende contribuír a desenvolver en nenos, nenas e adolescentes unha personalidade autónoma, crítica e reflexiva, sobre a base da dilatada experiencia que no deseño e implementación de programas posúe a FAD.

"Constrúe o teu mundo" ofrece ferramentas para modificar, na dirección axeitada, as principais variables relacionadas cos problemas derivados dos consumos de drogas e outras condutas de risco, permitindo non só reducir a influencia dos factores de risco e aumentar a presenza dos factores de protección, senón tamén orientar nenos, nenas e adolescentes cara a un estilo de vida máis saudable e máis afastado dos riscos.

Toda a información e materiais do programa “Constrúe o teu mundo” en

www.construyetumundo.org




Posted via email from Certo.gl, o xornal dixital de Barbanza e Noia

escribiu Unknown ás 11:23:00 0 falaron
etiquetas , ,

Compártelo
Agregar a Meneame Agregar a Technorati Agregar a Del.icio.us Agregar a DiggIt! Agregar a Google Agregar a Reddit Agregar a Blinklist Agregar a Blogmarks

1.10.12

Ribeira: están a montar nova pista deportiva para rapaces na praza do Centenario

  • O Concello tamén informa da apertura do prazo de inscrición na escola de danza, ata este venres 5


Ribeira, 1 de outubro de 2012.- O Concello informa de que, no marco da súa estratexia de promover a práctica deportiva entre todas as franxas de idade, no día de hoxe comezaron os traballos de instalación dunha nova pista multideporte na céntrica praza do Centenario, sita na cidade de Santa Uxía.

De dimensións reducidas (10x7 metros), o recinto está ideado para que nenos e nenas con idades aproximadas de 4 a 10 anos teñan un espazo pechado no que practicar actividades predeportivas.

Canastras e porterías

A tal efecto, a estrutura da propia pista –mestura de metal con listóns de madeira- levará integradas porterías e canastras, o que propiciará a posibilidade de xogar ao fúbtol sala e ao minibásquet. O solo será de céspede artificial.

Deste xeito, o Executivo dota á cidade dun novo espazo deportivo despois de que tan só hai uns meses se crease no veciño barrio de Abesadas a pista “Irmáns Parada Alvite”. E por outra parte, amplíanse así os usos da praza do Centenario, unha das máis concorridas polos pequenos e de máis recente creación na cidade.

Escola de Danza: prazo ata venres 5

O Concello informa de que no día de hoxe, luns 1 de outubro, iníciase o prazo para anotarse na Escola Municipal de Danza, acción formativa dependente da Consellería de Cultura.

Todos os interesados en participar poden inscribirse no Auditorio Municipal, sito na praza dos Mariñeiros, s/n. Teléfono: 981 835 650. Email: culturaefestexos@riveira.com

O período de inscrición finaliza este venres día 5 de outubro.






Pista_centenario_2 Pista_centenario_1
See the full gallery on Posterous

Posted via email from Certo.gl, o xornal dixital de Barbanza e Noia

escribiu Unknown ás 21:02:00 0 falaron

Compártelo
Agregar a Meneame Agregar a Technorati Agregar a Del.icio.us Agregar a DiggIt! Agregar a Google Agregar a Reddit Agregar a Blinklist Agregar a Blogmarks
Suscribirse a: Entradas (Atom)

Twitter

Related Posts with Thumbnails Banner: Regale selva tropical