Lousame, 16 de decembro de 2010. Tras unha reunión esta mesma tarde en Muros, a Mancomunidade de Concellos da Serra do Barbanza, que xestiona a planta de reciclaxe de Servia, acordou mercar os terreos do polvorín que pertence a Maxam (antes Unión Española de Explosivos) por medio millón de euros. Deste xeito soluciónase un dos problemas xurídicos que afectaban a esta instalación: ao ter ao pé un polvorín, o Concello de Lousame non podía poñer en orde a licenza de explotación. Na reunión, na que se xuntaron todos os alcaldes desta Mancomunidade, acordouse acudir a unha liña de creto por un montante de 400.000 euros, que, unidos aos 100.000 que xa acadaron da Xunta de Galicia, destinaranse a pagar os terreos do polvorín. A finca, anexa á planta de Servia, está no Concello de Rois e ten unha extensión de 120.000 metros cadrados. Para financiar esta operación tamén contan cunha axuda da Deputación de A Coruña, de 100.000 euros, que chegará para o vindeiro 2011. Para a liña de creto cóntase con dúas caixas: La Caixa e NovaCaixaGalicia. Deste xeito, a firma FCC, que é a concesionaria da planta de tratamento de residuos, xa ten unha pexa menos para seguir adiante co seu traballo na planta, que estivo ameazada de peche por impagos e por este problema legal, entre outros factores.
Antes publicamos:
Planta de reciclaxe: o Psoe di que Ecoembes rouba aos Concellos
Planta de reciclaxe: os traballadores seguen coa folga en Ames e Carnota
Ecoplanta: A Xunta di que é moi importante e traballa por ela
Ecoplanta: o PP de Porto do Son tamén apoia aos traballadores
Posted via email from Certo.gl, o xornal dixital de Barbanza e Noia
No hay comentarios:
Publicar un comentario