Porto do Son: concedida ao instituto da vila unha axuda para realizar unha ruta literaria sobre Machado

Download now or preview on posterous

res_rut_lit.pdf (14 KB)

Un grupo de Córdoba en 2009 visitando a Laguna Negra na ruta de Machado

Porto do Son, 12 de xaneiro de 2011. Alumnas e alumnos de ESO do instituto de Porto do Son (ubicado en San Vicente de Noal) poderán visitar as terras vinculadas ao poeta Antonio Machado entre o 1 de febreiro e o 15 de xuño (as datas aínda están por determinar, pero cada grupo de escolares aos que lles foi concedida a axuda poden estar no roteiro acadado ata cinco semanas seguidas).
A resolución deuna a coñecer hoxe a Xunta de Galicia, que colabora co Ministerio de Educación do Estado, que é quen dota orzamentariamente estas becas.

Os alumnos escollidos para esta ruta enchouparanse dos poemas de Machado, nunha viaxe que os levará por terras de Soria e onde a vida e a obra do escritor farán de fío condutor. Estudiarán á xeneración do 98, como era a Soria de primeiros do século pasado e como participou Machado na vida soriana. Terán ocasión de ver tamén a escenificación da lenda de AlvarGonzález, percorrer os camiños de Machado por San Baudelio, Burgo de Osma, Berlanda de Duero ou San Esteban de Gormaz e tamén percorrerán a ruta montañeira de Machado, por Soria, Cidones, Vinuesa e Covaleda. No seu traxecto visitarán a Laguna Negra, o cemiterio de El Espino e San Saturio. O lugar de aloxamento é a escola fogar "Madre de las Mercedes", en Soria.

Posted via email from Certo.gl, o xornal dixital de Barbanza e Noia