Ribeira: rematadas as obras no camiño entre Outeiro e Carreiriña

•  Investimento de case cen mil euros para poñer pluviais, pavimentar e iluminar este vial
  

 

Ribeira.- 20 de setembro de 2012.- O Concello informa da conclusión das obras de instalación dunha rede de pluviais, iluminación e pavimentación no camiño que une os lugares de Outeiro e Carreiriña, ambos situados na parroquia de Carreira. A actuación tivo un orzamento de 95.299 euros e estivo sendo realizada pola empresa Nemesio Ordóñez, S.A.

 

A decisión do Concello de actuar na zona en cuestión debeuse a que a mesma presentaba un estado deficiente, ao atoparse cuberta de vexetación e anegada por non dispoñer de recollida de augas superficiais. Tampouco contaba cun firme apropiado para o tránsito de vehículos e peóns.

 

Así e logo, as accións desenvolvidas incluíron en primeiro lugar a roza e limpeza da vía, retirando toda a vexetación existente da superficie e demolendo unha pequena soleira, feita de formigón, que se encontraba á entrada dunha das fincas lindantes.

 

Pluviais

Posteriormente, realizouse a instalación duns canais para o drenaxe de augas pluviais e a construción de sumidoiros. A este respecto, dispúxose un colector de PVC corrugado de 500 milímetros de diámetro polo centro do vial e instaláronse arquetas sumidoiro no centro da rúa cada 25 metros. Nos lugares onde o camiño se cruza con outras rúas dispuxéronse pozos de rexistro, ao igual que nos cambios de alineación.

 

En terceiro lugar, colocáronse puntos de luz de 6 metros de altura con brazo de 1,50 metros de lonxitude e luminaria de 150 watios. E por último, respecto á pavimentación, estendeuse unha capa de formigón de 20 centímetros de espesor sobre unha base de zahorra artificial.

 

A actuación adscribiuse ao Plan de Obras e Servizos (POS complementario 2011) da Deputación Provincial.

Ribeira: coidarán aos nenos no conservatorio de Aguiño namentres fan as obras de ampliación da escola infantil post.ly/9NFaG

— Certo (@Certo) September 20, 2012

Ribeira: o presidente da peña Amancio, José Mariscal, será soterrado este venres 21 ás 18 en San Paio de Carreira. D.E.P. Tiña só 33 anos.

— Certo (@Certo) September 20, 2012

Contaminará la campaña gallega las elecciones catalanas? Feijoo dice q tres o cuatro partidos gallegos llevan el soberanismo en su programa

— Jose Precedo (@joseprecedo) September 20, 2012

See the full gallery on Posterous

Posted via email from Certo.gl, o xornal dixital de Barbanza e Noia

Ribeira: coidarán aos nenos no conservatorio de Aguiño namentres fan as obras de ampliación da escola infantil

• Dende o tres de outubro, anunciou hoxe o Concello, no que chaman "programa de conciliación familiar e laboral", cos mesmos cursos, horarios, grupos, proxecto educativo e persoal que a gardería

Imaxe de arquivo da gardería de Ribeira

Ribeira, 20 de setembro de 2012.- O Concello informa da próxima posta en servizo  dun “Programa para a conciliación da vida familiar e laboral” que estará en funcionamento mentres as obras da Escola Infantil Municipal non permitan a súa reapertura.

Aínda que o Concello tiña a intención inicial de compatibilizar o desenvolvemento das obras coa posta en marcha da Escola Infantil, os técnicos educativos e pedagóxicos municipais aconsellaron buscar outro emprazamento para garantir a seguridade e benestar dos rapaces. Por esta razón, dende o Concello se estiveron a estudar diversas alternativas, decantándose polo local do Conservatorio de Aguiño por cumprir este cos requisitos idóneos para atender as necesidades do programa.

O espazo estará debidamente acondicionado e manteranse os cursos, horarios, grupos, proxecto educativo, educadoras e demais persoal e servizos propios da gardería.

O programa de conciliación entrará en funcionamento o 3 de outubro: día no que se manterá  unha reunión informativa cos pais e nais dos cativos que asistan ao mesmo.

Cómpre dicir que a empresa Calena Barbanza será a encargada de coordinar o programa. En canto á xestión da Escola Infantil, actualmente en licitación, a idea do Concello é que a empresa que resulte adxudicataria entre en servizo coincidindo coa apertura da nova gardería: un feito programado para o cambio de ano.

Por último, cabe explicar que as actividades que tradicionalmente acolle o Conservatorio da parroquia de Aguiño están sendo trasladadas a outros espazos a para o seu desenvolvemento.

José Mariscal era 2º entrenador do Atlético Riveira e mantivo a web do Concello anos. O noso pésame á familia. D.E.P flic.kr/p/7g8hnR

— Certo (@Certo) September 20, 2012

Ribeira: o presidente da peña Amancio, José Mariscal, será soterrado este venres 21 ás 18 en San Paio de Carreira. D.E.P. Tiña só 33 anos.

— Certo (@Certo) September 20, 2012

Camino a Riveira, una mágica frontera. reverbnation.com/riveira Música folk desde Chile. Tamén eles se trabucaron co v. O non saber latín!

— Certo (@Certo) September 20, 2012

Posted via email from Certo.gl, o xornal dixital de Barbanza e Noia

Dodro: rematada a limpeza dos regos de Manselle e Imo que verten no Ulla

• Logo de moitos anos, segundo o equipo de goberno do PP, pódese case chegar ao río Ulla a través destas sendas fluviais

 

Dodro, 20 de setembro de 2012. No día de onte, segundo informa o Concello de Dodro, finalizouse a limpeza dos regos de Manselle e Imo que desembocan no río Ulla. "Por primeira vez en moitos anos pódese ver o cauce destes regatos, que prácticamente estaban desaparecidos a causa da acumulación de terra e a falta de limpeza. Paseando polo rego de Manselle chégase ata escasos metros do río Ulla, cousa que ata onte era unha misión case que imposible. No rego de Imo, houbo de facerse de novo o rego, xa que aínda que estaba planificado e recollido nos planos de parcelaria, nunca chegou a facerse", explica Marisol Boga, tenente de alcalde dodrense.

"Coa limpeza destes dous regatos cúmprese o compromiso do Concello de Dodro de finalizar a obra iniciada o ano pasado, pouco despóis de asumir o goberno o Partido Popular. En total foron máis de 1.200 metros de cauce o que foi limpado, para o que se contou ca colaboración da Demarcación de Costas que financiou a obra, o servizo provincial de Medio Ambiente da Xunta de Galicia así como de Augas de Galicia, que en todo momento facilitaron a realización das labores necesarias", engade.

Coa recuperación dos cauces destes dous regatos, iniciase unha fase de recuperación das Brañas de Laíño para disfrute de todos aqueles que gostan da natureza, e por outra banda, evítase a creación de lameiras que cada ano se iban incrementando, facendo prácticamente imposible o acceso peonil.

Posted via email from Certo.gl, o xornal dixital de Barbanza e Noia

Política: Rianxo foi escollido polo Bng para abrir os mitins de precampaña, con Guillerme Vázquez

• O portavoz nacional do Bng incide en que "votar Feijóo é votar Rajoy" e ponlle nota ao goberno da Xunta actual: "non supera o umbral do moi deficiente"
• Tamén se fixeron alusións ás andanadas do Borbón contra o independentismo: "namentres o Rei di que rememos todos xuntos, el segue no seu iate"

Comezan os mitins de PRECAMPAÑA do BNG na COMARCA DA BARBANZA @obloque @certo . twitter.com/hadrianaordone…

— Hadriana Ordóñez(@hadrianaordonez) September 19, 2012

@anaponton 'Estan FACENDO que DEIXEMOS de vivir no NOSO PROPIO TRABALLO'.

— Hadriana Ordóñez(@hadrianaordonez) September 19, 2012

Rianxo, 19 de setembro do 2012. O portavoz nacional do BNG participou este serán nunha charla-coloquio en Rianxo xunto co alcalde, Adolfo Muiños, a candidata número 2 por A Coruña, Ana Pontón, e representantes do ensino, do mar e mesmo afectados polas preferentes.

Vázquez criticou as medidas do PP “consistentes só en duros recortes que recaen nas costas de traballadores, pensionistas, mulleres, estudantes, persoas dependentes e os máis desfavorecidos. Ou na súa pasividade para cos nosos sectores productivos porque os está deixando caer sen remedio”.

Tamén se referiu á grave situación pola que están a atravesar os estaleiros galegos públicos e privados, os baixos prezos para o leite, o engano masivo das preferentes “posto que o PP legalizou unha fraude e agora aproba unha lei segundo a cal poden perder até o 80% dos aforros investidos”. Mencionou “os acordos de pesca que non se renovan e prexudican sobre todo á flota galega, e a última que non vos debedes perder: fan unha proposta no Parlamento europeo para que na etiquetaxe das conservas e peixe e marisco fresco non figure a orixe dos productos”.

@adolfomuinhos @certo' O PP dalle VERGOÑA levar a MARCA GALEGA no PRODUCTO PROPIO como e o MEXILLON'.

— Hadriana Ordóñez(@hadrianaordonez) September 19, 2012

@guillermegz 'CARMEN FRAGA, Galega coma ti desde sempre, leva a PROPOSTA da nn necesidade da ETIQUETAXE Del MEJILLON' @certo

— Hadriana Ordóñez(@hadrianaordonez) September 19, 2012

As GRANDES FORTUNAS pagan un 1%! Os 1000eur pagan un 9%!, di DORES TORRADO @certo @obloque . twitter.com/hadrianaordone…

— Hadriana Ordóñez(@hadrianaordonez) September 19, 2012

@guillermegz "Na POLITICA ESTAN OS PROBLEMAS, pero na politica estan as SOLUCIONS". @certo twitter.com/hadrianaordone…

— Hadriana Ordóñez(@hadrianaordonez) September 19, 2012

“Son únicos en destrozar o país. E vai Feijoó e pide que os comicios galegos non se convirtan nun exame da xestión de Rajoy senón que se avalíe só a súa xestión. Claro que sí, el soliño abonda. Desde logo, nós estamos dacordo en pór nota á súa xestión porque a verdade que non chega nen ao umbral do moi deficiente”, asegurou o portavoz nacional do BNG, quen engadiu “que ninguén se leve a engano. Son a mesma cousa: votar a Feijoó é votar a Rajoy. Andan a voltas co resgate, xa non saben que facer para evitar pedilo antes do 21-O, e por qué? Porque nos están enganando, ocultan o seu verdadeiro programa e os seguintes salvaxes recortes que van levar a cabo. Xa o dixo o Eurogrupo, un segundo resgate implicará unhas duras condicións”, argumentou Vázquez na emblemática praza de Rafael Dieste.

Guillerme Vázquez sinala “a necesidade de parar esta deriva. Hai que parar ao PP e na Galiza temos unha oportunidade excelente para poñerlles o primeiro atranco. O descontento social, o malestar pola baixada de salarios, por unha altísima taxa de paro, por desmantelar a sanidade e a educación públicas, por pechar a lei de dependencia, por todos os ataques ás maiorías sociais, hai que canalizalo, hai que reaxir e votar opcións políticas nacionalistas e de esquerdas como o BNG que defende a Galiza, aos seus sectores produtivos, e estamos radicalmente en contra dos recortes”.

Posted via email from Certo.gl, o xornal dixital de Barbanza e Noia

Boiro: o sábado 29 de setembro, campionato de bolos celtas en Triñáns

Boiro, 19 de setembro de 2012. O sábado 29 de setembro a partir das 12:00, o Local Social Aturuxo coa colaboración da Asociación de Bolos de Triñáns, organiza unha xornada de convívio e de desfrute dos deportes e xogos tradicionais galegos.

A partir das 12:00: Música ao vivo coa actuación dunha banda de gaitas e xogos tradicionais

Ás 14:00: Xantar popular

A partir das 16:30: Campionato de bolos celtas e xogos tradicionais.

Posted via email from Certo.gl, o xornal dixital de Barbanza e Noia

Ribeira: este venres, 21 de setembro, charla sobre as sociedades de fomento forestal en Olveira

•  Na casa da cultura, entre as sete da tarde e as nove da noite
  

 

Ribeira, 19 de setembro de 2012.- A Casa da Cultura de Olveira vai ser escenario este venres día 21 de setembro, entre as 19 e as 21 horas, dunha charla informativa sobre as Sociedades de Fomento Forestal (SOFOR): unha nova figura societaria auspiciada pola Xunta de Galicia que nace coa intención de favorecer a xestión conxunta e viable do monte galego por parte dos propietarios forestais de xeito voluntario, con normas claras e garantía xurídica plena para todos os axentes implicados.

 

Organizada pola sociedade cooperativa galega Xesforesta coa colaboración do Concello, esta charla está aberta a todo o mundo, se ben está especialmente dirixida aos propietarios de terreos forestais a fin de que coñezan novidosas e sinxelas fórmulas de xestión coas que obter rendibilidades das súas parcelas.

 

Máis información nos números 981 074 ou 647 634 993 ou ben a través do enderezo electrónico info@xesforesta.com.

Unha figura controvertida

"Agora, a posibilidade convertese en obriga. O Partido Popular, nos montes consorciados ou conveniados, vaille sacar a súa xestión á veciñanza comuneira, para entregarllos ás empresas privadas amigas, para entregarllos as sociedades de fomento forestal (as Sofor)": non se perdan esta entrada de Paco do Martelo sobre a nova Lei de Montes. En http://nebra-nebra.blogspot.com.es/2012/09/analise-polo-miudo-do-que-sinifica-lei.html

Ribeira: e ti, xa votastes para que Ana Peleteiro sexa proclamada Atleta Revelación Europea? Faino en Star european-athletics.org/european-athle… Grande!

— Certo (@Certo) September 16, 2012

Política: por se non tivese bastante coas preferentes que Feijóo agochou, agora Fraude Forestal. quepasanacosta.com/?p=18096 vía @quepasanacosta

— Certo (@Certo) September 17, 2012

Posted via email from Certo.gl, o xornal dixital de Barbanza e Noia

Noia: avanza paseniño a obra da ponte da variante, coas primeiras vigas do viaduto principal

• O viaduto sobre a ría posúe unha lonxitude total aproximada de 1.700 metros, dos cales 258 serán salvados por medio dun viaduto tensado sobre a canle de navegación
• A lonxitude da actuación é de 4,93 Km e inclúe a execución doutros dous viadutos

See the full gallery on Posterous

Noia, 18 de setembro de 2012.- A Consellería de Medio Ambiente, Territorio e Infraestruturas comezou hoxe a colocar as primeiras vigas sobre o viaduto que atravesará a ría de Noia e permitirá cruzar a Ría de Muros e Noia salvando a canle de navegación. O viaduto sobre a ría posúe unha lonxitude total aproximada de 1.700 metros, dos cales 258 serán salvados por medio dun viaduto tensado sobre a canle de navegación.

Este viaduto xa ten executada a cimentación do lado da Barquiña con 40 pilotes. Estes pilotes son de 1,5 metros de diámetro encamisados con chapa de 5 mm. O número final de pilotes será duns 100. Algúns superarán os 30 metros de profundidade. As pilas únense a estes pilotes de forma continua unidas por lintel na parte superior. Sobre estes linteis descansarán as vigas siamesas unidas polo seu costado de 37 metros de lonxitude para a formación do taboleiro.

Este taboleiro terá unha anchura variable, de entre 14 e 16,5 metros na zona tensada. Tamén se concluíu a metade da cimentación da estrutura de tirantes sobre a que se erguerá o mástil de 26,30 dende a cota da calzada. Desde este pilono descolgaranse 6 pares de cables (12) de cada un para salvar o van central de 104 metros composto por 3 tramos de vigas.

Nada sobre o impacto na paisaxe e no patrimonio

Logo das últimas actuacións en materia de infraestruturas nas nosas bisbarras de Barbanza e Noia, a paisaxe segue a ser grande esquecida. Pontes como as do Engano en Outes e agora ésta que se conta rematar para xullo de 2013, veñen a esfarelar de novo o horizonte de montes e rías que caracteriza esta parte do litoral galego. A estas estradas -entre autovías, corredores e vías de alta capacidade- hai que engadir o AVE que vai pasar por Catoira e atravesa parte de Rianxo e Dodro, unha infraestrutura ferroviaria que chega tarde, mal e, sen dúbida algunha, vai ser deficitaria, como xa se demostra en varias partes de España e non vai resolver o problema do transporte público nestas comarcas. No caso de Noia, semellante pendello sobre a ría para salvar os atascos puntuais do verán, ou, como din os lugareños, "para que os señoritos de Santiago cheghen de contadiño á praia e ao iate de Portosín".

Ao impacto da paisaxe das pontes e estradas hai que engadir o dos eólicos, que están a invadir sen escrúpulos -hoxe mesmo sóubose que a Xunta, na consellería de Industria, deulle para adiante inda tendo informes negativos- os nosos montes. E tamén hai que lembrar a paisaxe agochada, o patrimonio esquecido e sistematicamente expoliado, como é o caso do castro de Taramancos, do que nada se sabe e que están a escavar dende unha empresa que, segundo nos contan, non cumpre o convenio de Arqueoloxía de Galicia, e segue contratada impunemente pola Xunta de Galicia, a que debería ser a maior valedora e veladora do noso patrimonio milenario.

Posted via email from Certo.gl, o xornal dixital de Barbanza e Noia

Política: Compromiso X Galicia asegura que as comarcas do Barbanza e Muros-Noia están "amplamente representadas" nas súas listas pola Coruña

• O Outense Manuel González ocupará o 5º posto na candidatura de Compromiso pola circunscrición da Coruña
  

Barbanza e Noia, 18 de setembro de 2012. Segundo informan hoxe dende Compromiso X Galicia, "as comarcas de Muros e Noia e do Barbanza contarán cunha ampla representación na candidatura da formación galeguista Compromiso por Galicia ás vindeiras eleccións autonómicas do 21 de Outubro".

A candidatura que encabeza Xoán Bascuas, como aspirante á presidencia da Xunta, contará coa presenza de cinco persoas destas comarcas. "A representación da comarca une xuventude e experiencia na política local e comarcal -aseguran-. En primeiro lugar estará Manuel González, profesor de Economía Aplicada na Universidade de Santiago e ex-concelleiro en Outes, quen ocupará o posto número 5 da candidatura de Compromiso. Actualmente é membro da Executiva Nacional. Pola súa banda, María Xosé Alfonso, actual portavoz do grupo municipal de CxG en Muros e persoa cunha ampla experiencia política ocupará o posto número 10. Martiño Rial, da Pobra do Caramiñal e persoa que conta tamén cunha ampla experiencia política ligada ao nacionalismo ocupará o posto 13. A noiesa Lola Caramés, ex-concelleira do goberno desta localidade no anterior mandato ocupará a súa vez o posto número 20 desta candidatura. Pertence ao Consello Politico Nacional e ocupa o cargo de secretaria Comarcal en Compromiso. Finalmente, a candidatura da provincia da Coruña estará pechada Henrique Monteagudo, unha persoa con fortes ligazóns co Concello de Muros, profesor da USC e Académico da Real Academia da Lingua Galega".

Compromiso por Galicia preséntase por primeira vez ás eleccións autonómicas e faino en solitario, logo de non chegar a acordo co partido de Beiras, ANova, que vai en coalición con Esquerda Unida. Defínense como "unha forza galeguista e socialdemócrata, cun programa centrado na mellora e na defensa do autogoberno, dos servizos públicos e da democracia real".

Núñez Feijóo: o peor goberno da Historia de Galicia

Compromiso entende que o goberno de Núñez Feijoo "foi o peor goberno da historia deste país polo
que se fai necesario un cambio sustentado en alternativas cribles, lonxe de radicalismos estériles, e que pensen no 99% da sociedade que está a pagar as consecuencias da crise".

Antes, en Certo:

• Muros: María Sambade, secretaria local de Compromiso X Galicia

• Cultura: o congreso sobre o poeta outiense Añón será o 4 e 5 de outubro en Santiago

• Rianxo: en marcha a campaña e concurso de fotos co lema "Móllate polo galego"

Posted via email from Certo.gl, o xornal dixital de Barbanza e Noia

Ribeira: presentan o novo curso do Conservatorio, que ten matriculadas a 156 persoas

 

Ribeira, 18 de agosto de 2012.- O salón de actos do Conservatorio Profesional de Música encheuse por completo durante a presentación ao alumnado e aos pais do novo curso 2012/2013. En total, son 156 os alumnos e alumnas con idades a partir dos oito anos que estudarán no centro, dos cales 26 inician a súa andadura musical no primeiro curso.

 

Tal e como tivo ocasión de explicar o director do centro, Álvaro López, mañá mércores ás 19 horas terá lugar a elección dos horarios individuais en todas as materias, agás a de piano, que será este venres a esa mesma hora.

 

Amén da quincena de profesores que impartirán as clases, tamén asistiu á presentación a concelleira de Educación, Mª Carmen Vizcaya, quen desexou aos alumnos presentes unha frutífera aprendizaxe e salientou a importancia de ser constante á hora de aprender adecuadamente un instrumento e disfrutar con el.

 

O curso iniciará as súas clases o vindeiro luns 24 de setembro.

 

Dous a sete anos

Por outra banda, cabe lembrar que tamén esta aberta a matrícula das Escolas Municipais de Música destinadas a nenos e nenas de 2 a 7 anos. Os horarios destas escolas é o seguinte:

1.      Bebe Música 1 (2 anos): luns e mércores de 17.00 a 17.45 horas

2.      Bebe Música 2 (3 anos): luns e mércores de 17.45 a 18.30 horas

3.      Música e Movemento (4 e 5 anos): luns e mércores de 18.30 a19.30 horas

4.      Iniciación Musical 1 (6 anos): martes e xoves de 18.30 a 19.30 horas

5.      Iniciación Musical 2 (7 anos): luns e mércores de 19.30 a 20.30 horas

 

O curso das escolas comenzara o día 1 de outubro de 2012.

Ribeira: este venres, 21 de setembro, preséntase "Como defenderes os teus dereitos lingüísticos", de Carlos Callón post.ly/9LZgg

— Certo (@Certo) September 18, 2012

Ribeira: hai corenta empresas competindo para pavimentar a rúa Vionta en Aguiño post.ly/9LYcA

— Certo (@Certo) September 18, 2012

Escultura: o ribeirense Gonzalo Sarasquete expón tres pezas nunha nova galería de arte de La Palma post.ly/9LXKw

— Certo (@Certo) September 18, 2012

Que un de Carballo e un de Ribeira andemos por aí dando leccións morais deixa ver o nivel de dexeneración da sociedade actual cc/ @hominido

— Le artiste Jouks (@Jouks) September 18, 2012

See the full gallery on Posterous

Posted via email from Certo.gl, o xornal dixital de Barbanza e Noia

Ribeira: este venres, 21 de setembro, preséntase "Como defenderes os teus dereitos lingüísticos", de Carlos Callón

Como xa informamos en xullo, este libro foi premiado en RedeLibros

Ribeira, 18 de setembro de 2012. Este venres, 21 de setembro, terá lugar a presentación en Ribeira do libro "Como defenderes os teus dereitos lingüísticos", do castiñeirense Carlos Callón, presidente da Mesa pola Normalización Lingüística e activista cultural. Será ás oito do serán (20:00 horas da tarde) na confraría de Ribeira e estarán acompañando ao autor Elvira Blanco, da Mesa pola Normalización Lingüística da Barbanza; Rosana Pérez, concelleira na Pobra do Caramiñal e axiña deputada do BNG no Congreso trala renuncia de Jorquera Caselas ao presentarse como candidato á Xunta; Luís Pérez, concelleiro en Ribeira e estudante de Filoloxía Galega; Manuel Bragado, director de Edicións Xerais, a editora deste libro e María Torres, que deseñou a imaxe á cuberta deste libro.

Máis información sobre esta actividade cultural nesta ligazón do Facebook.

Ribeira: hai corenta empresas competindo para pavimentar a rúa Vionta en Aguiño post.ly/9LYcA

— Certo (@Certo) September 18, 2012

Escultura: o ribeirense Gonzalo Sarasquete expón tres pezas nunha nova galería de arte de La Palma post.ly/9LXKw

— Certo (@Certo) September 18, 2012

Que un de Carballo e un de Ribeira andemos por aí dando leccións morais deixa ver o nivel de dexeneración da sociedade actual cc/ @hominido

— Le artiste Jouks (@Jouks) September 18, 2012

Posted via email from Certo.gl, o xornal dixital de Barbanza e Noia